الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سيف الأكبر🤍🫶🏻`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
〰️〰️〰️〰️〰️〰️〰️〰️〰️〰️
نزل من سيارتو ووقف وهوي بيطلع وراه كيف شعلت نار وفجأة ركد ورا سيارة رجال ازر لتنفجر بهل لحظة وركد سيف بعيد لينزل الحارس يلي ضربو سيف وركد وراه وكيف دخل بين لبيوت
الحارس بعصبية:رح اقتلك اليوم قبل بكرا
اطلع سيف وراه ليمشي عمهلو وطلع من الشارع يلي فاضي من اي مخلوق وصوت سيارات الشرطة عبت المكان ضل يمشي لصار بين بيتين واطلع بايدو كيف مجروحة وقميصو صار كلو دم اجا ليروح بس وقف وقت حس بلمسدس موجه عراسو. من ناصر يلي لاحقو للقاه
ناصر بضحكة خبيثة:اي حركة بقوصك بارضك
سيف:متاكد من كلامك
ناصر:عندك شك؟
سيف ببرود:اي انت اجبن من انك تقتلني وتعصي ازر وهوي بدو ياني عايش
ناصر:هههههههه ليش ماسمعتو من شوي لما قال ازا حاول يهرب خلصو عليه
سيف:رغبتو فيني لصير ايدو اليمين اكبر من انو يخلص عليي ويقتلني
ناصر:ماعلينا ارفع اديك لورا
سيف:وليش متاكد اني رح ارفعن؟
ناصر:لان ماعندك غير هلخيار ارفعننن
شد علمسدس ليعصب سيف واخد نظرة عليه بطرف عينو
سيف:انت بتعرفني ازا رفعتن رح اقتلك صح
ناصر بصريخ:عم قلك ارفع
ماكمل كلامو لتجيه ضربة برجلو لسيف بتخلي المسدس يفلت من ناصر يلي وقع بل ارض
سيف:قلتلك
بلش القتال بيناتن وناصر يلي ماهر جدا بلقتال بس مو اقل من سيف يلي بكل ضربة بتخليه يصير بل ارض حط اجرو عصدرو بعد ماوقعو بل ارض وناصر من تعبو ماعد يقدر يتحرك
سيف:قول لازر غلطت وقت حاولت تعمل هيك وموت حسن ماهمني بنوب وخليه ينتظر موتو
رفسو وراح يمشي ليمسك ناصر المسدس ويصرخ صوت مالحق يفتل عليه سيف الا لقوصو طلقة لتخترق بطنو للحظة ماحس بلضربة وين صابتو ليشوف الدم بلش يسيل وقرب ناصر ضربو بوكس عبطنو ووقع سيف من غدر ناصر
ناصر بصريخ:انبسط لييكك عم تنضرب باجريي خود هي وهي
ضربو لبلش الدم يطلع من وشو وجسمو وبل اخير مسك اجر ناصر ليقوم بحركة خفيفة طقلو ياها وراح يركد وناصر بصرخ بوجع
ناصر بصريخ:رح اقتلكككك رح موتك ولو بقيلي يوم بحياتي
سيف بوجع:وانا ناطرك
راح يركد وعشوي رح يغمى عليه والدم بشر منو شر لشاف ولد. واقف بعيط بلش الغباش بعيونو ليقرب من الولد ليدخل فورا وهوي بيبكي لحقو لجوا ودخل وسكر الباب والارض كلا دم وغاب عن الوعي بلحظة اجت ايفا لتشوف منظرو وتنصدم
ايفا بصدمة:لك مين هاااد
ركدت عليه والدم بل ارض بلعت ريقا وشقت قميصو لتشوف مكان لرصاصة واديها بيرجفو
ايفا بهمس:مو وقت الصدمة لازم اشتغل شغلي ايااااااد وينك تعا
اياد ببكى:خالتو هاد مات مو
ايفا بصريخ:ركود روح نادي لامك
اياد:امي طلعت واخدت الكاميرا
ايفا:لك نقلع ناديلا
راح ركد وهيي شلحت قميصا لتضل بلشلحة وحطتو عمكان الجرح
ايفا:شو لازم اعمل تزكري ايفا تزكري كيف فيكي تساعديه ياربي ساعدني
للحظات تلاشت كل يلي بتعرفو عن الطب بس حاولت تتزكر لتقوم ركدت عغرفتا وبلشت تاخد اي شي بيلزما ورجعت لعندو وعلبة الاسعافات الاولية بايدا مسكت ملقاط وبعدت القميص وبايدا ضو زغير لتطلع علرصاصة وقربت شوي شوي وبلشت تسحبا
ايفا بهمس:بسم الله ياربي ياربي
سحبت الرصاصة ليزيد النزيف وحطت القميص عبطنو بدخلة افنان واياد لتنصدم بمنظر اختا
افنان:لك شووو هاااد
ايفا:اختي مو وقت الصدمة خلينا ناخدو علمشفى
افنان برعب:ايفا مين هاد بتعرفيه
ايفا بعيون مدمعة:لا بس ساعديني بترجاكي
قربت وقعدو سيف يلي انوجع وبلش يهلوس من الوجع
ايفا:ساعدنا لتوقف يلا
سيف بهمس:ل لاا لا
افنان:اياااد روح دق لابوك.. ايفا سنديه من ضهرو
سيف بوجع:ااخ
ايفا:قوم وقف يلا
سيف بالم:ماتاخدوني علدكتور
وقفوه بصعوبة لتتزكر شي افنان وبلعت ريقا
افنان:ايفا برا صار حادث والشرطة بكل مكان والحواجز معبية الشارع وازا حدا شافو عنا مصيبة
ايفا بصدمة:شوو
افنان:خديه لجوا مافينا ناخدو علمشفى
ايفا:بس رح يصفى دمو لازم نتصرف
افنان:نحنا بنساعدو يلا تعي
دخلو لجوا علصالون وحطوه علكنبة يلي عملوها تخت وايفا بتراقبو بصدمة
افنان:يلا بلشي ايفا حياتو بين اديكي
ايفا:بس مافيني بلك..
افنان بعصبية:لك يلااا
اخدت نفس لتركد تجيب الاسعافات الاولية وبعدت القميص وجنبا افنان
ايفا:لازم خيط الجرح ليوقف النزيف جيبيلي عدة لخياطة
راحت جابتا لتلضملا لابرا واخدتا ايفا
ايفا:ضو لازمني ضو
طلعت تلفونا من جيبتا وشغلتو ومسحت الدم لتبلش شغل وتخييط مكان النزيف وافنان ماسكة نفسا بلزور مشان ماتستفرغ
ايفا:افنان لازمني محارم
افنان:يلا
مسحتلو الدم لتعقملو الجرح وتبلش خياطة بكل اتقان وبتحاول ماتغلط بشي لتخلص تخييط وجابت شاش لزقتو وطلعت ابرة مخدر وضربتو بايدو ووقفت وجنبا افنان براقبوه كيف وشو معبى دم
افنان:بتمنى ماغلطتي
ايفا وقلبا بدق بسرعة:بتمنى لازم نمسحلو الدم يلي عوشو بايدو في جروح
افنان:رح ساعدك
عقمو كل لجروح والكدمات يلي بايدو اليمين لتجيب مي وشال بتبلش تمسحلو الدم من وشو وبانت ملامحو ع ايفا يلي متناسيا تطلع فيه من الخوف حطتلو لزقة ع جبينو وجابو بطانية وغطوه بدخلة ادم علبيت
ادم:شو صاير اياد دق عليي وقا..
انصدم بوجود سيف والدم يلي بكل مكان وادين ايفا وافنان والمحارم
ادم بصدمة:مين هاد
افنان وهي بتبلع ريقا:رح خبرك اياد فوت عغرفتك
بلشت تحكيلو وايفا بتطلع ع بطنو لتروح ع غرفتا تطلع بحالا بلمراية كيف حتى شلحتا دم راحت علحمام تحمممت ولبست بيجاما وقميص عريض وربطت شعرا كعكة عشوائية ورجعت طلعت لقيت افنان بتنضف الارض
ايفا:رح ساعدك
افنان:يلا
ادم:لازم نتصل بلشرطة والاسعاف
افنان:ادم هلشب باينتو من الحادث يلي صاير برا وماتنسى ازا اتصلنا بلشرطة ممكن ايفا تنحبس
ايفا باستغراب:انا.. ليش شو عملت
افنان:ماتنسي انك عملتيلو عملية وانتي مجرد بنت مابتعرف بلطب بنوب وهيك عرضتي حياتو للخطر والشرطة مابتفهم بل عمل الانساني. ..لهيك مارح نتصل بلشرطة
ادم:معك حق بس بلكي مات وايفا غلطت بشي شغلة وقتا بنصير بشي اكبر من هاد
افنان:رح نجبلو دكتور لهون وبنحاول نسكر علموضوع بيناتنا وبس يصحى بنخليه يروح بدون ماحدا يعرف بوجودو عنا
ادم وايفا:..
افنان:هاد الحل الوحيل مابدنا ياكي تتعرضي للمشاكل
ايفا:مو مشكلة انا معك بهل حكي رح نجيب خالو حمزة هوي اكتر واحد بعزنا وماممكن يخبر حدا بيلي عملناه
ادم:تمام لكن رايح جيبو نضفو البيت
افنان:ماشي
طلع ادم ليخلصو تنضيف البيت كلو والتمسيح وافنان راحت لعند اياد لتشوفو وايفا بتطلع ع سيف كيف نايم
ايفا:ياربي مابعرف كيف عملتا مابدي ياه يموت انا خاطرت بحياتو وعملت يلي مالازم اعملو.. ياربي مايموت
راحت علمطبخ عملت قهوة ورجعت قعدت علكرسي وعينا عليه كيف بلش يصحى قامت ووقفت فوق راسو لتشوف ازا عم يموت
ايفا:هيي ياشب..عم تسمعني
سيف بهمس:ياكللاب ااخ رح اقتلكن
ايفا:شو عم يحكي هاد هييي عم تسمعني
سيف:ااخ
فتح عيونو ليشوف غباش وبين هلغباش ايفا بتاشرلو بايدا ليعقد حواجبو وفتح عيونو واطلع فيها وحوليه
ايفا:فقت كيف حاسس عم يوجعك شي عم تسمعني مو
سيف:مين انتي
افنان:شو فاق
ايفا:اي بس مابظن عم يسمعني يمكن اطرش
اطلع بافنان يلي اجت لجنبو وبلشت تاشرلو وتحاكيه
افنان:شو اجتو الصدمة من شوفتنا عم نحاكييك ردد.
ايفا:لازم تخبرنا شو حاسس
اجا ليقعد لتمسكو ايفا وترجع تسطحو
ايفا بقلق:لا تتحرك خليك متسطح. رح ينزف جرحك
سيف وهوي معقد حواجبو:بعدي عني
نتر ايدو وهوي بيطلع بصدرو العاري والجرح يلي ملفوف بشاش واطلع بايفا نظرات حادة
سيف:وين قميصي
ايفا:طول بالك اجيت وانت متصاوب وماقدرنا ناخدك علمشفى لهيك عملنالك اللازم عم يوجعك شي هلق؟ طمني الله يخليك
سيف: لازم روح بعدي عني
دفشا ليقوم وافنان بتراقبو بصمت وكان ماعجبا كيف بيحكي
افنان:برا الشرطة بكل مكان ازا طلعت بندخل بمشاكل خليك ليروحو وبعدا فيك تطلع
سيف:..
ايفا:اي اي بترجاك ارجع تسطح
اطلع فيها كيف وقفت قدامو ليرجع علكنبة وهوي بفكر وتزكر كيف قوصو ناصر وشاف اياد برا ودخل لجوا تزكر لحظات وايفا بتعالجو واطلع فيها
ايفا:عم يوجعك جرحك بعطيك ابرة مخدر
سيف:لا
افنان بانزعاج: لا تحاكيه ليكي كيف برد علينا الحق عليكي ساعدتيه
ايفا:..
دخل ادم ووراه الدكتور حمزة وسيف براقب بصمت
حمزة:تسطح لشوف
تسطح وعينو ع ادم وبعدلو الشاش وشاف كيف مخيط الجرح واطلع بايفا
حمزة:انتي عملتيا مو
اطلعو كلن فيها وسيف عينو عليها كيف توترت وبلشت تفرك باديها
ايفا:هوي. اي م. مالقيت غير عدة لخياطة و ووالله عقمتن يعني مارح يلتهب ..ومابعرف
نزلت راسا وفكرت حالا غلطانة ليبتسم حمزة وبلش يكشف عجرحو وسيف عينو عليها براقبا كيف بتفرك اصابعا بخوف .
حمزة:بتعرفي يا ايفا
ايفا بقلق:شو شو خالو شغلي فيو غلط بعرف غلطت بس كان رح يموت لهيك تصرفت من راسي
حمزة بضحكة:ماتخافي شغلك ممتاز وك بنت مبتدئة رح تصيري دكتورة رائعة انا متاكد رح تنجحي بحياتك وتكوني من اكبر الاطباء
توسعت ابتسامتا وافنان بتضحك وفخورة باختا كيف تصرفت وبحكي خالن زاد اصرار ايفا تكمل بهل مهنة
حمزة:رح اعطيكي ابر كل مابتحسي راح مفعول المخدر بتعطيه وابر التهاب ومعقمات جيبيهن وبس معافاي
افنان:خالو خليك عنا هون بنتغدا سوا
حمزة:ياروح خالك زوجك جابني شحط وعندي مريضين لازم ارجع تعا ادم بدي حاكيك شوي.
ادم:يلا
وقفو عباب البيت وعينو ع ايفا وافنان كيف واقفين براقبو سيف
حمزة:لا تخلي الموضوع يكبر الشب مالازم يطلع ازا اخدتوه علمشفى رح تبين انها جريمة لان الرصاصة باين مكانا وحسب الحادث يلي برا باينتو الشب متورط بلموضوع
ادم:اي فعلا شكيت بهل شي
حمزة بتنهيدة:بس يطيب طالعو بصمت ولا تخلي حدا يعرف بوجودو ايفا غلطت وقت عملت هيك من راسا وبتعرف الشرطة مارح تمرقا عخير وخصوصي هيي لسا ماكفت ال19 وممكن تتعاقبو كلكن عهل تصرف انتبهو عليه لازم يطلع بدون ماحدا يعرف عنو شي
ادم:تمام ماتخاف رح اتصرف
حمزة:يلا مع السلامة
ادم:الله معك
☞ 𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜
سكر الباب ودخل لجوا وقعد علكرسي وعينو ع سيف كيف شارد. وبفكر
ادم:شو مارح تعرفنا عحالك وشو اسمك لان اقامتك عنا مطولة
سيف:؟؟
ادم بابتسامة:اي ماتستغرب جرحك مابطيب اقل من اسبوع ونحنا صعب نخليك تطلع لهيك انا اسمي ادم محمد وانت؟
سيف وهوي براقبو:سيف
ادم:؟؟
سيف:الاكبر سيف الاكبر
ادم:تشرفنا ياسيف افنان ايفا بلشو بلغدا لياكل ليكو كيف وشو مصفر
ايفا:الاكل يلي بفيد لازمنا كبدة وسبانخ وطبق حلو وعصير طبيعي وشو كمان ماعد اتزكر اي اي لازمنا. مكسرات كمان مفيدين وكمان بندورة وبس
ادم:بس؟اي لا قليل كتريهن شوي
ايفا بضحكة:ههه لا بس هدول
ادم:رايح جيبن لكن
ايفا:جبلو الدوا معك
ادم:تمام
افنان:انتي تعي معي
طلع ادم وافنان وايفا راحو علمطبخ وسيف براقب باب المطبخ ليطلع اياد ويرجع لورا فورا انتبهلو سيف واشرلو يجي
اياد:فكرناك متت
سيف:لا صعب موت
اياد:ليش ماتموت كلنا رح نموت امي بتقول
سيف:اي الكل بموت بس انا مارح موت لخلص عيلي ببيكرهوني..شو اسمك
اياد:اياد وانت
سيف:سيف
اياد:عندي تلفون فيو لعبة بتلعب معي
سيف:اي روح جيبو
راح يركد اياد ليرجع وسيف اخد التلفون
سيف:هاد الك
اياد:اي
سيف:معناتا مافيو اتصال خلص العب وانا بتفرج عليك
بلش يلعب بلسباق وسيف بفكر بتلفونو يلي وقع منو وكيف بدو يدق ع رجالو بعد ربع ساعة دخل ادم وراح علمطبخ عطاهن الغراض ورجع حط الدوا وقعد مع سيف واياد جنبو عم يلعب
ادم:اياد تعا جنبي
اياد:بابا عم فرجي اللعبة لعمو شوي بس وبفوز
ادم:عم قلك تعا جنبي تروك عمو يرتاح
قعد جنب ادم وسيف براقبو بصمت ليكسر الصمت ادم ويحكي
ادم:ماقلتلي شو سبب حالتك هيك انت كنت بلحادث يلي صار ما
سيف:اي
ادم:بس قالو برا يلي صار مو بس مجرد حادث.. كل يلي مسكوهن عصابات مافيا.. وكل الناس عرفت بهل حكي ليكون؟؟
فهم عليه ليريح قعدتو ومسك بطنو وهوي بحرك رقبتو لطقت
سيف: ماني منن اجيت بلصدفة وشفت يلي صار وخبرت الشرطة وشافوني وضربوني رصاص وهي لقصة
ادم بشك:ايواا والكدمات يلي عوشك
سيف:قبل مايقوصوني ضربوني لان خبرت الشرطة
ادم:امممم مو مشكلة خير ان شاء الله ارتاح ليوجعك جرحك لساتو جديد واييفااا جيبيلو قميص من عندي
سيف:..
بعد ساعتين-//
ادم بصوت عالي:اياااد تعا لتتغدا
ايفا:نام منشوي شفتو
اطلعت ع سيف كيف براقب الاكل والاصناف لكتيرة يلي علطاولة وابتسمت
ايفا:لازم تشرب عصير الطبيعي وبعدا بتاكل
اطلع فيها واخد كاسة العصير وشرب شفة
افنان:انا لازم ارجع علشغل هلق المدير خرب الدنيا لان اجيت بدون ماخبرو
ايفا:اي والله
ادم:وانا لازم ارجع عشغلي لسا الساعة 2 بخلص شغلي بكير وبرجع ايفا ضلي بلبيت. دام ليوم عطلة وانتبهي عليه لبين مانجي وازا بدك اتصلي ع سمر
ايفا:لا ماضروري انا بنتبه عليه خود كول هي الكبدة صح مو طيبة بس لازم تاكلا
سيف:...
كمل اكل من السبانخ وايفا بتراقب شو عم ياكل قام ادم وافنان لحقتو وضلو ايفا وسيف
ايفا:قال اسمك سيف لكن
سيف:..
ايفا بابتسامة:وانا ايفا بدرس بكلوريا عمري 18 وقربت ادخل ال19
سيف:منيح
راقبتو كيف بياكل بصمت وكيف حكا معا لتشيل صحن الكبدة وتحطو قدامو اطلع فيها وبعد الصحن لقداما
سيف:ماباكلا
ايفا:لازم تاكلا ضروري
حطتو قداما ليعقد حواجبو وبعدو عن قدامو
سيف:قلتلك ماباكلا
ايفا بعناد:ولازم تاكلا هي كلا فوائد وانت خسرت دم كتير ف لازم تعوضو ورح تاكل رح تاكل
اطلع فيها وهيي ناطرتو ياكل ليكتم غضبو وياكل بصمت ابتسمت برضى وكفت اكلا لقام ورجع علكنبة واجو ادم وافنان
افنان:ليكي ايفا انا وادم رايحين ديري بالك عحالك وازا اجا حدا لا تفتحي ها
ايفا:تمام موفقين
ادم:سلام
طلعو لتنضف الطاولة وجليت الجلي وحطت مكسرات وتفاح وعصير وفواكه منوعة وراحت علصالون
ايفا بابتسامة:يلا قعود
بعد ايدو عن وشو وحطت الصينية قدامو وقعدت علكنبة يلي مقابيلو قعد بهدوء وعينو عليها كيف مبتسمة
سيف:من شوي اكلت مافي داعي تعزبي حالك انا منيح
ايفا:لا ولا يهمك اصلا هلشغلات يوميا بنجيب منا يعني رح ناكل فيك وبلاك يلا مد ايدك رح قشرلك التفاح
بلشت تقشر وهوي براقبا بصمت مستغرب من هل اهتمام المبالغ فيه
ايفا:خود
عطتو قطعة لياكلا بصمت وانتبهت ع خدو كيف عم تنحفر الغمازة بوشو وهوي بياكل
ايفا بقلبا:هاد عندو غمازة واااو
عطتو القطعة التانية والتالتة لخلص تفاحتين وشرب العصير
سيف:بكفي ماعاد بدي
ايفا:لك ما اكلت شي وهدول يلي جبتن كول موزة بس
سيف:مابحبو
ايفا وهي رافعة حاجب:انت كلشي مابتحبو كول عم قلك كاني عم ساوي مشاني
تجاهل كلاما ورجع تسطح وغمض عيونو وهيي بتطلع فيه بقهر
ايفا:اي تسطفل لا تاكل
قامت علمطبخ جليت وهوي مغمض وبفكر وكيف وصل لهل مكان ومافيه يضل اكتر من هيك غفي بمكانو وايفا عم تجهزلو غرفة لضيوف لتجي عليه وشايفتو نايم اتنهدت بهم وقعدت
ايفا بهمس:ازا صرلو شي انا المسؤولة لازم ماخليه يمرض واهتم فيه ليطيب مابدي شيل خطية حدا
قامت لعندو وبلشت تهزو ليفيق
ايفا:هيي سييف فيق.. لييك قوم علغرفة لترتاح اكتر ...لك سيييف
فتح عيونو بانزعاج وشافا قدامو ليقعد وهوي كاتم عصبيتو بلغصب
سيف:بكفي تزعجيني احسلك
ايفا:بالله اشووو قوم عغرفتك مشان تنام براحة هون ازا اجا حدا وشافك مصيبة يلا لشوف تعا لساعدك
اجت لتمسك ايدو نترا ووقف
سيف:وين لغرفة
ايفا:لحقني
مشيت قدامو وفتحت الباب ليدخل وهوي ماسك بطنو وخافي وجعو
ايفا:هي غرفتك والحمام جوا وجبتلك تياب من ادم تعا تسطح يلا
سيف:طلعي انتي بدي اتحمم
ايفا:شوووو لا ممنوع مالازم تتحمم هلق ستنى لبعد بكرا شوي بلم الجرح
سيف:تمام طلعي
ايفا:ازا لزمك شي ناديلي ها
سيف بنفاذ صبر:تمام
ايفا:لك لازم اضربك الابرة هلق رح جيبا
راحت ركد وهوي سكر الباب وقعد علتخت والعقدة بين عيونو
سيف:لعما بشو علقت انا هي الصرعة بتوجع لراس شقد بتحك..
ماكفى كلامو ليسمع صوت خبط ايفا علباب غمض عيونو بعصبية وهيي بتصيح
ايفا:فتاح البااااااب لازم اضربك الابرا.. سييييف. سيييف فتااح.. ليكون نمت ماحلك لسا هلق طلعت من عندك.. شكلو نام هاد
راحت وهوي بيطلع علباب وتسطح والانزعاج باين عوشو
تاني يوم///
فتح عيونو عصوت دقات الباب لتجي عينو عساعة جنبو شافا 7 قعد وهوي دايخ للحظة تزكر يلي صار وقام فتح الباب شاف بوشو ادم
ادم:صباح الخير كيفك
سيف:صباح النور منيح. في شي؟
ادم بابتسامة:سلامتك تعا لتفطر صرلك من مبارح العصر نايم فكرنا صرلك شي
سيف:لا مافيني شي بس كنت تعبان لهيك نمت هلوقت
ادم:يلا غسل لكن وتعا لتاكل
سيف:ماشي
☞ 𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜
راح ادم ليترك سيف الباب مفتوح وراح علحمام غسل وشو وشلح قميصو والدم ناشف عجسمو وعقد حواجبو
سيف:وانا بدي. اسمع لهديك البنت قال لا تتحمم
سكر باب الحمام وبلش يتحمم متجاهل وجع جرحو لخلص ولف المنشفى عليه وطلع فتح لخزانة شاف قميص وبيجامة لبسن بسرعة ليوجعو جرحو ورجع شعرو لورا وطلع لعندن شاف الكل قاعد عم يفطر وايفا يلي بس شافتو عقدت حواجبا بانزعاج
قعد وبلش ياكل وافنان بتطلع ع ادم يلي فهم انو ماصبح عليهن واشرلا انو ماتهتمي
ايفا:شعرك مبلل مي؟؟كانك متحمم
سيف وهوي بياكل:اي
ايفا بغضب مكتوم:لك ماحكيتلك مابصير جرحك يلمس المي ليش مابترد يعني ناوي تجنني كيف بدو بلم الجرح عبعضو لازم ينشف من اي سائل ليتماسك ويطيب
ادم:ايفا خلص بكفي لو انا مطرحو بتحمم بدك الدم بضل عجسمو ويرتاح سكتي بقا لا تكبريا
ايفا:بس صهري ان..
اشرلا انو تسكت وهيي كملت اكل. وهيي بتزور سيف يلي متجاهل الكل ومكمل اكلو
ادم:الحمد لله ايفا تعي بدي حاكيكي عجنب
ايفا:حاضر صهري
قامت وراحو علغرفة ولحقتن افنان
ادم:ليكي انا وافنان مافينا ناخد اجازة علفصل يلي صار مبارح واجيت بدون علم مديري وهيي هيك انتي لازم تتاخديلك اجازة من المدرسة ليومين بلكي يطيب ليروح من هون
ايفا:بس صهري مافيني ماضل شي عل امتحانات ومارح لحق
ادم:بنساعدك انا وافنان بس مافينا نتركو لحالو بلبيت بلكي سرق شي
ايفا:مابظن انو هيك
ادم:ومع هيك ضلي هون
افنان:ادم معو حق
ادم:نحنا رح ناخد اياد بطريقنا علمدرسة يلا امشي
افنان:ديري بالك عحالك
ايفا:تمام
راحو كلن وايفا رجعت علطاولة تاكل بصمت وعيونا ع سيف كيف بياكل بهدوء
سيف ببرود:حاج تطلعي فيني فيكي تروحي عمدرستك وطمني صهرك انا مابسرق عندي مصاري وبكبن كب مابهتم
ايفا بتوتر:شو.. كنت بتتسمع علينا
سيف:بيتكن زغير واي صوت بينسمع للاسف
ايفا:مو مشكلة بضل دير بالي عليك وبل اخير باخد محاضراتي من رفقاتي
سيف:تصطفلي
ايفا:هلق انت ماعندك اهل؟
وقف اكل ليطلع فيها وكفى اكلو
سيف:لا
ايفا:مسافرين ولا ميتين
سيف:ميتين
ايفا:الله يرحمن كمان انا متوفيين اهلي
سيف:..
ايفا وهي بتاكل:كل عمري بحلم صير دكتورة وعم اتمنى انجح بمهنتي المفضلة وبعد كلام خالي يلي كشف عجرحك زاد شغفي لهل مهنة قال شغلي ممتاز ولسعتني مبتدئة هلشي منيح مو
سيف:..مو ملاحظة انو سنك ازغر من انك تعرفي عن الطب بهل شكل
ايفا بابتسامة:مبلا بس انا شغفي للطب بخليني ادرس عنو بل خفي ودائما بتصفح عل انترنيت وبتعلم
سيف:اي
ايفا:اي لهيك بعتبر. مبتدئة وقربت خلص ال18 ع اخر الشهر عيد ميلادي جهزلي هدية
ضحكت وهوي براقبا بصمت وشرب العصير دفعة وحدة وقام
ايفا:روح عغرفتك لكن لازم جيب الشاش والابر مشان غيرلك لضماد
راح وبعد شوي لحقتو شافتو واقف علشباك وصافن
ايفا:احم.. اجيت
تسطح علتخت ورفعتلو القميص وجابت المعقم وعقمتلو جرحو ولفتو وعبت الابرا واطلعت فيه بتوتر. وهوي كشف عن ايدو
سيف:شو ماتضربيا
ايفا:احم ممكن تفتل لاعرف اضربك ياها. هي بلعضل بتنضرب مو بلوريد
فتل لتقرب منو وعضت عشفافا بتوتر لتضربو ياها وتقوم تطلع فورا. تسطح وغمض عيونو بهدوء
سيف بقلبو:بس خليني اتحسن رح اقتلك يا ناصر ولسا معلمك رح خلص عليه بس ستنى عليي
ضل متسطح لمل ومو قادر ينام وقام طلع لبرا شاف ايفا قاعدة وجنبا وراق وفاتحة اتصال من افنان
ايفا:لك اختي دخيلك تعي دوري ماني عرفانة
افنان:مكتوب ملف سري بس لاقيه وعطيني الرقم يلي مكتوب باول صفحة
ايفا:لك اووف مين هاد يلي عم تدوريلو شو بدك منو بس لو اعرف
افنان:هاد الشخص يلي رح يخليني اكشف العصابة يلي ملاحقتا صرلي شهور وازا نشرت عل اعلان والصحافة عرفو رح ندمرو انتي مابتعرفيه لك اختي هاد كل شغلو بلمخدرات خافيه ورا اعمالو الطيبة وهوي فاسد بلبلد لازم خلص عليه
ايفا:ليكني لقيتو مكتوب ازر مالك هوي ما
افنان:اي هوي صوريلي رقمو وبعتيه ناطرتك
ايفا:تمام
صورتلا الرقم وضبت الملفات وقامت لتخبيهن شافت سيف واقف وبراقبا بصمت
ايفا:من ايمتا انت هون
سيف:من شوي ..احم مين هاد ازر مالك؟
ايفا وهي بتضب الملفات بلكومدينة:قال واحد تاجر مخدرات صرلا اختي بتدور عمعلومات عنو ست شهور واكتر لتقدر تدمرو بسبب شغلو الغير شرعي حاولت من قبل تشتكي عليه بس ولا واحد من الشرطة سدقا
سيف:ازر مالك هوي نفسو يلي بيملك شركة المالك مو
ايفا:اي ليش عم تسال
سيف:لا ولا شي
اتراجع وراح عغرفتو وقت تاكد انو هاد ازر نفسو يلي لفقلو تهمة قتل حسن ووقف وهوي بفكر ارتسمت عشفافو ابتسامة باردة ليقعد وهوي بفكر لخطرت ببالو فكرة خلتو يتنهد بمكر وتسطح لورا
سيف بهمس:شكلا نهايتك ع ايد بنت يا ازر
بعد يومين///
كان بيمشي رايح جاي ليشوف افنان ماسكة الاب توب ومشغولة فيه قعدت علكنبة ليجي من وراها وعينو عليها كيف بتكتب عن ازر مالك ومشغولة بلكتابة شغلت فيديو كيف عملية تهريب مخدرات ل ناصر وكم شب ومشي قداما وقعد
سيف:مين هاد ازر مالك باينتك مهتمة بموضوعو
افنان:امم شو عرفك بعدين
سيف:شفتك عم تكتبي من شوي
☞ 𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜
افنان وهي بتكتب:هاد اكبر تاجر مخدرات بس ماحدا بيعرف عنو شي وايدو اليمين ناصر صرلي مايقارب السنة عم ابحث عنو ولهلق مالقيت دليل يوصلني الو واكشفو دائما بحط ناصر خلف ببوز المدفع ولا مرا هوي استلم شي لاقدر افضحو
سيف:عم تراقبيه
افنان وهي بتطلع فيه:اي كل فترا بروح علفيلا تبعو باخدلا صور وعلفاضي ماني مستفادة شي
سيف ببرود:لما بدك تفضحي حدا مخبي حقيقتو ورا قناع الطيبة لازم تتصرفي بذكاء اكبر ..
افنان باستغراب:كيف يعني؟
سيف:يعني لو بتضلي ملاحقتيه سنين مارح تلاقي شي ضدو انتي اكيد عم تنشري كل فترا اخبار عنو صح
افنان:اي طبعا مشان اثير الشكوك عنو
سيف:متل ماتوقعت ليكي عالم الاجرام بيختلف عن عالمك ازا بتضلي وراه رح يضل حاطط ناصر بضهرو لحتى ازا نمسك مايعترف بشي عنو.. انتي لازم تخليه يطمئن ليصير هوي ببوز المدفع
حطت الاب توب وتربعت وهيي بتتسمعلو شو بيحكي وكان هلق وعيت ع حالا شو عم تعمل
سيف:يعني جربتي تدخلي عشركتو بحجة بدك تشوفيه؟..وطبعا هوي مارح يقابل مجرد صحفية ولا شو رايك
افنان:.
سيف:مثلا بتسالي الموضفين عنو او بتحطي عينك تراقبو؟؟
افنان:شلون يعني
سيف بمكر:يعني تدخلي عمكتبو وتحطي كاميرا مراقبة او تخترقي حساباتو لتعرفي شو مخبي واي تسجيل صوت ممكن يكشفو صح ولا لا
اطلعت فيه وبلشت تفكر وتحسبا وهوي براقبا كيف شاردة
افنان:لعما مافكرت بهيك شي بنوب
سيف:ازا بدك بساعدك انا عندي خبرة بامور الاختراق وهيك
افنان بفرح:بربكك اي اكيد بدي مساعدتك طيب كيف رح تخترق هيك شغلات
سيف:ممم عندي رفقات ممكن يساعدوني
قامت ركد عغرفتا وهيي فرحانة وورا سيف ايفا واقفة بتراقبو لتبتسم وتجي تقعد
ايفا:فكرتك عبقرية ها
سيف:لازم تحطي عقللك مكان عدوك لتعرفي بشو عم يفكر وكيف بفكر وشو بدو يفكر
ايفا:كيف يعني
سيف:يعني اعتبري حالك انخطفتي شو بتعملي
ايفا:شو بعمل بهرب
سيف:كتير غبية بهيك مواقف بتنسي الهرب وبتحاولي قدر الامكان تحطي عقلك بعقل يلي خاطفك وتعرفي كيف بفكر وتعملي اتفاقات معو
ايفا:هي الفكرة فاشلة مستحيل تزبط
سيف برفعة حاجب:براحتك ازا بيوم نخطفتي وفشلت محاولة الهرب تبعك اتصرفي متل ماقلتلك
ايفا:اييه دخلك مين بدو يخطفني ماعندي عداوات مع حدا الحمد لله
اجت افنان وحطت غراض علطاولة والبورات والايباد وملفات ازر مالك
افنان:جبت كلشي ممكن تستخدمو وهاد اللاب توب شبكتو قوية فيك تبلش
سيف:تمام ممكن كاسة عصير
ايفا بعجل:تكرم اكيد
راحت ركد وهوي مستغرب من تصرفاتا واهتماما فيه ليفتح اللاب توب وبلش تنزيل وافنان بتراقبو لتجي ايفا ومعا كاسة عصير ومكسرات ووقفت ورا سيف وقربت راسا منو اخد نظرة عليها بطرف عينو وكفئ شغلو
افنان:هاد حسابو الاساسي وفي الو اكتر من حساب وهمي عل فيس ورقمو لقيتو من اسبوعين وخبيتو
سيف:...
ايفا:متاكد من شغلك
سيف بتركيز:لا تقاطعيني
ضربت بوز وهيي بتتزور فيه وسيف بلش يحاول يخترق وعينو ع افنان وايفا كيف مراقبينو
سيف:احم.. ممكن تبعدو عني شوي ماني مرتاح
افنان باحراج:ماتواخزنا بعدي وليه
قعدو علكنبة قدامو وعينو عليهن ليفتح ع صفحة حساب وببلش يكتب بسرعة كبيرة ليرد التاني عليه وسكر الاب توب وافنان متوترة من هدوءو
افنان:اخترقتو
سيف:بدنا ننطر ربع ساعة
شرب كاسة العصير وهوي بفكر بشي وكل شوي بيسرق نظرة عليهن
يتبع...
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`