كان لي روحي اوكيتاسك - الفصل 23 - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 23 }}* 🎻 ✍️ *#بقلمي_جوليا_جميلة_ابريل* *ــہہہـ٨ـــ٨ــــــہہـ٨ــــہہہـ٨ــــــہہـ٨* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ دكتوره هديل قالت لي مالك جيتي و الاجازه لسه ما خلصت ... قلت ليها اسيل اختي دي عيانه ... قالت لي اسيل سلامتك يا السمحه ست البنات ... اسيل قالت ليها الله يسلمك قلت ليها سجلي لي عند دكتور عادل او دكتوره فداء قالت لي فداء مافيشه كانت نبطشيه ليلة امس عشان كدا قلت ليها طيب و دكتور عادل قال لي قاعد قلت ليها طيب سجلي قالت لي خلاص أمشي اقعدي هناك مشينا قعدنا ... بعد ربع ساعة هديل جات و قالت لينا تعالوا ادخلوا ... قلت ليها تسلمي ... قالت لي هو بيتنا الكلام دا ... قلت ليها اكيد لا ... دخلنا لي دكتور عادل سلمت عليو ... و هو بارك لي .. بعدها سأل اسيل قال ليها بتحسي بي شنو ؟؟!!.. حكت ليو الأعراض قال ليها طيب بحولك لي دكتور فهد ... بعدها قال لي اسيل ممكن تستنى أختك برا ؟؟؟!!.. اسيل قالت ليو اكيد ممكن .. و طلعت برا انا قلت ليو دكتور فهد دا دكتور الأورام الخبيثه ؟؟؟!!.. خير يا دكتور في شنوو ؟؟!!... قال لي والله يا دكتوره غيثه ... الأعراض الاتزكرت قبل شويه دي كلها بتشير لي انو عندها كانسر في النخاع الشوكي ... لكين طبعااا المرض دا محتاج لي تشخيص دقيق فانا بشوف إنو من الأحسن تشوفي دكتور فهد ... طبعا انا الكلام دا حسيت بيو كأنو كذب و ملامح وشي اتغيرت قلت ليو طيب لو عملنا الفحص اسي النتيجة بتطلع قال لا اقل حاجه النتيجة تطلع في أسبوعين لأنو بتتعمل لي اسيل اشعه حقت MRI او CT .... قلت ليو طيب اسي انا اكلم اسيل كيف اقول ليها شنو ؟؟!!... قال لي ما تكلميها عشان ما تخاف قلت ليو حاضر ... قال لي انا بكلم ليك دكتور فهد ... قلت ليو تمام ... قال لي ما تبكي ... قلت ليو ما قادره ... قال لي ربنـا يكون في عونك ... قلت ليو امين مسحت دموعي و طلعت برا ... قلت لي اسيل ارح نرجع البيت قالت لي وشك مالوا عامل كدا ؟؟!!!... في حاجه يا غيثه قلت ليها لالا ولاشي ... مشينا البيت و طبعا ما قدرت احكي لي زول ... وكنت طول الوقت سرحانه و مرعوبه و خايفه اتصل علي سالم قال لي كيفك قلت ليو ما تمام قال لي بي قلق في شنو ؟؟!!... صوتك مالوا ؟؟!!!... انتي كويسه ؟؟!!.. قلت ليو انا ما كويسه و انهرت بي البكاء قال لي غيثه اهدي أنا قاعد مع ناس امي هنا اسي بجيك اطلعي لي برا ... قلت ليو تمام ... أصلا كنت قاعده في الحوش لبست توبي وفتحت الباب و طلعت من البيت لقيت سالم واقف لي بي عربيتو جم الباب ركبت... قال لي في شنو ؟؟!!.. مالك قلت ليو اسيل يا سالم اسيل ... قال لي مالااا ؟؟!!!.. قلت ليو احتمال يكون عندها كانسر و قعدت ابكي سالم هداني شويه بعدها قال لي غيثه انتي قلتي احتمال يعني ما متأكده ... قلت ليو بس مجرد التفكير في القصه بيخليني ارتعب و أخاف ... قال لي ما بتحصل ليها حاجه ان شاء الله ... خليكي متفائله ... قلت ليو لازم نعمل الفحوصات قال لي طيب ... آها ترجعي معاي البيت الليله ؟؟!!... قلت ليو لا ... قال لي خلاص ما تخافي ... و انا بكره بجيكم الصباح بدري نمشي نعمل الفحوصات ... قلت ليو تمام ... قال لي الليله وين اللآمة ... قلت ليو قررت ابقى مسكينه لي مدة يوم ... قال لي ان شاء الله دايما ... قلت ليو غياظ انا ماشه قال لي طيب خلي بالك من نفسك ... قلت ليو تمام وانت كمان ... دخلت البيت صليت العصر و نمت شويه .. آها تاني يوم صحيت من الصباح صليت الفجر قريت قرآن و جهزت و قلت لي اسيل ارح المستشفى عشان في كم فحص لازم يتعمل قالت لي اوففف أنا بكره المستشفيات قلت ليها بطلي كلام كتير و اعملي لي قهوه قالت لي تمام شربت القهوه و طبعا كذبت على ماما. و الخ... إتصلت علي سالم وجانا ركبنا و مشينا المستشفى و عملنا الفحوصات .... آها مره اسبوع علي الكلام دا ... وانا الاجازه حقتي خلصت نزلت شغل الليله كان من المفترض النتيجة حقت التحاليل تطلع مشينا انا و سالم لي دكتور فهد سلمنا عليو بعدها قال لي عايني يا غيثه الدنيا دي مليان اختبارات و امتحانات من ربنـا سبحانه وتعالى و نحنا لازم نصبر على الامتحانات دي كلها قال لي ما عايزك تتجرسي و خليكي قويه و ما تضعفي وقال لي اسيل عندها كانسر في النخاع الشوكي 💔... لمن قال لي كدا انا دخلت في حاله تانيه لا مستحيل اسيل اختي ... سالم مسكني و طلعنا برا ... انا كنت ببكي بي حرقه بكيت لمن قلت بس ... رجعنا البيت انا و سالم قلت ليو اسي انا اقول لي ماما شنو ؟؟!!.. لا مستحيل اوريها ماما بتموت 😭... لا يا سالم .... قال لي لازم تعرف عشان اسيل تبدأ في الكيماوي ... قلت ليو كيماوي شنو يا سالم ؟؟؟!!.. اختي مستحيل تستعمل الحاجه دي لا انا ما برضى 💔.. واااي يا سالم انا ما قادره استحمل ... لا .. قال لي.... *•••••••••••••••••••••••••••••••••••••••••••••••••••••••••••* *ــہہہـ٨ـــ٨ــــــہہـ٨ــــہہہـ٨ــــــہہـ٨* *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*