كان لي روحي اوكيتاسك - الفصل 21 - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 21 }}* 🎻 ✍️ *#بقلمي_جوليا_جميلة_ابريل* *ــہہہـ٨ـــ٨ــــــہہـ٨ــــہہہـ٨ــــــہہـ٨* ‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​مشينا بُتري قعدنا فيها اسبوع بعدها سافرنا تايلاند ... و بجد بلد حلوه شديد قعدنا شهر و الليله راجعين السودان ... صحينا من الصباح و جهزنا الشنط طبعا الرحله ما بتكون من تايلاند لي السودان مباشره الرحله بتمر بي توفيق دولي آها نزلنا في المطار حق دبي بعدها ركبنا الطياره التانيه لي الخرطوم وصلنا الساعه 8 مساء... استقبلنا هوما في المطار سلم علينا و بعدها مشينا بيت ناس خالتو وجدان سلمنا عليهم وقعدنا شويه بعدها سالم قال ليهم نحنا بعد كدا نمشي بيتنا ... طلعنا و مشينا البيت ... وكان حلو شديد ... صلينا العشاء ونمنا صحيت بالليل جيعانه جوع قلت لي سالم قوم انا جيعانه. 😥 قال لي نومي و اكلي بكره الصباح قلت ليو لالا عايزه اسي دي قال لي خلاص ارح قدامي مشينا المطبخ قال لي أعملي لي نفسك شاي لبن قلت ليو لا ياخ انا عايزه اكل عديل قال لي مع الليل دا يا غيثه قلت ليو اي قال لي خلاص حمري استريبس قلت اي و عايزه معاها كاتشب قال لي نفسك فاتحه والله قلت ليو قول ماشاء الله اسي تديني عين قال لي آها حمري ختيت يدي في نصي و قلت ليو انا عايزه اقول ليك حاجه قال لي آها قلت ليو لي الصراحة انا ما بعرف حاجه في المطبخ هو عاين لي مسافه و قال لي ما تهظري هظار بايخ قلت ليو والله جد أصلا ماما ما كان بتخلينا نعمل حاجه في البيت غير النظافة و الغسيل مسح يدو في وشو وقال لي خير نتفاهم بكره في الموضوع دا. .اسي جيبي انا بحمر قلت ليو تمام ... أصلا نحنا في شهر العسل كنا بناكل من برا في المطاعم و ما حصل دخلت المطبخ عملت حاجه غيرالشاي عشان كدا سالم ما عارف انو. انا ما بعرف اطبخ وفي فتره الخطوبه ما سألني *{ طبعا دا عيب كبير من الامهات وما يعلمن بناتهن شؤون المطبخ وايضا البت لما تكبر ما تفكر تخش تتعلم }* بعد ما حمر لي الإستريبس أكلت سالم ضحك و قال لي آها ما تقولي لي كمان ما بتعرفي تغسلي العده ؟؟!!!... قلت ليو لا ياخ انا ما لي الدرجه دي قال لي مامشكله بتتعلمي و انا يومين بعلمك تعملي طبخه . و ادخلي النت ابحثي اسألي عمك Google ... قلت ليو تمام ... ضحك و قال لي فصيحه و لئيمة و ما بتعرف تعمل حاجه .... قلت ليو أسكت مني ... قال لي اشربي مويه عشان ما تصحيني تقولي عايزه مويه ،، والله انا شكلي عرست شافعه اسي مؤيد ما بعمل كدا ... قلت ليو شافعه في عينيك ... ضحك و قال لي و المشكله انها لئيمه ..،، شربت المويه و ختيت الكباية و جريت ... و هو جاء بي وراي ... قال لي يا متخلفه بتجري لي شنو ؟؟؟!!.. قلت ليو عشان ما اصل الأخيره و اطفي النور ... ضحك و قال لي معاقه ... قفل النور و نمنا ... صحينا صلاة الفجر علي صوت المسجد طبعا المسجد قريب مننا سالم طلع الصلاة و أنا صليت في البيت عملت الشاي و فتحت سورة البقرة و ولعت بخور سالم جا داخل شربنا الشاي ... بعدها قال لي الليله ناس حبوبه مريم عاملين كرامه صغيره اجهزي عشان نمشي قبل الفطور ... قلت ليو طيب ... قلت ليو سالم ممكن اقعد مع ناس ماما اسبوع عقد حواجبو و قال لي اسبوع ما كتير ؟؟؟!!.. قلت ليو ما كتير قال لي تمي يوم و تعالي قلت ليو لا خليها اربع ايام قال لي لا اقعدي يومين و تعالي وتاني لو اتكلمتي ما بخليك تبيتي قلت ليو ، تمام .... سالم شغل التلفزيون . وانا نظفت البيت وهو اصلا نظيف ما وسخان شديد وغسلت العده ... بعدها استحميت ... ورتبت ملابسنا من الشنط لي الدولاب ... بعدها طلعت لي توب توتل سويسري ... بي اللون الاسود مورد بي بمبي ... وجهزت لي سالم الجلابية حقتو ... قعدت في التسريحه عملت شعري ... بعدها عملت ميك اب هادئ مع روج كيكو بي اللون الكبدي .... لبست التوب و شلت الشنطه حقت الهدايا ... و طلعت برا لي سالم قلت ليو سالم قوم اجهز... قال لي أول حاجه أمسحي الزفت الفي خشمك دا ... قلت ليو بس هو ما تقيل ... قال لي انا قلت شنو ؟؟!!.. أمسحي يعني أمسحي الزفت دا بيعمل لفت نظر قلت ليو أنت شرير ... ضحك و قال لي و انتي لئيمه .... بعدها سالم دخل جهز و أنا مسحت الروج ... *•••••••••••••••••••••••••••••••••••••••••••••••••••••••••••* *ــہہہـ٨ـــ٨ــــــہہـ٨ــــہہہـ٨ــــــہہـ٨ـ* *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*