كان لي روحي اوكيتاسك - الفصل 20 - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 20 }}* 🎻 ✍️ *#بقلمي_جوليا_جميلة_ابريل* *ــہہہـ٨ـــ٨ــــــہہـ٨ــــہہہـ٨ــــــہہـ٨* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ عدت الايام و فاضل لي العرس يومين و طبعا انا و البنات مشينا بيت ناس خالتو اميمه و هديل جاتني كمان عملنا قعده ظريفه حقت بنات ، مع ناس لينه اتونسنا و رقصنا ، بعدها هم فاتو الحنه حقت سالم في الصاله ... وأنا قعدت معاي كنزه تاني يوم بعد صلاة المغرب خالتو اميمه جابت الحنانه ترسم لي رسمت لي انا و البنات وقعدنا اتونسنا و طبعا ، كنزه الوضع عجبها بي كلو أول مره تجي السودان .. *صباح يوم العقد ...* صحينا صلاة الفجر صلينا وكنزه عملت الشاي واسيل عملت القهوه قلت لي اسيل اقسم بالله ما بفقد حاجه غير القهوه دي اسيل قالت لي الحمدلله الله حلاني منك كنزه قالت لي غيثه البسي و بطلي كلام كتير نمشي الكوافير بدري عشان الاوت دور في برج الفاتح يكون مع زمن الغروب قلت ليها تمام ... دخلت استحميت و لبسته .. و ناس اسيل جهزوا وطلعنا نحنا والبنات .. مشينا الكوافير فطرنا هناك بعدها اتصلت علي ماما هي و بتبكي قالت لي غيثه عقدوا انا بكيت و قلت ليها ياريت لو بابا كان معانا ماما قالت لي الحمدلله يا غيثه الحمدلله و البنات قعدو يزغرتو ... و عماتي باركو لي .. و حبوبه مريم و جدو محمد و حبوبه فاطمة و جدو إدريس ... يعني بجد الفرحه كانت ناقصه بابا الله يرحمو .. بعدها سالم اتصل لي و قال لي آها يا اللئيمه مبروك ... قلت ليو الله يبارك فيك يا الغياظ ، ضحك و قال لي ساعات و تكوني معاي .. قلت ليو جهز الكراس لي دروس الأسلوب ... ضحك و قال لي انتي علقتي في الكلام دا ... قلت ليو .. اي قال مفروض نقول لي بعض كلام حلو بس نعمل شنو ؟؟!!.. إذا انتي لئيمه ... انا ضحكت و قلت ليو اقفل بعد كدا ... قال لي تمام ... قفل و الميك اب ارتس بدت تعمل لي ،.. بعد ما خلصنا لبست الفستان و عملت لي الحجاب ... طبعا لبست إسلامي ،.. بعد ما لبست اسيل جات حضنتي وبكت وقالت لي يعني انتي ماشه تخليني ؟؟؟!!!.. بي الجد ... عيوني دمعت و قلت ليها اسوله ما تخليني ابكي عشان ما اخرب الميك اب ، قالت لي طيب .. بعدها كنزه حضنتي .. و طبعا ناس لينه ما جو معانا عشان في بيتم عاملين الدعوة غدآء ،. بس قالو جايين الاوت دور في برج الفاتح .. آها بعدها سمعنا صوت البوري و العربات كنزه قالت لي العريس جاء .. و فعلآ ... جاء داخل هو و اخواني سلم علي و باسني في راسي و قال لي مبروك مره تانيه و ربنا يقدرني أسعدك .. قلت ليو الله يبارك فيك و أنا كمان ربنا يقدرني أسعدكَ ... قال لي طالعه حلوه ... قلت ليو تسلم ... بعدها سلمت علي إلياس و مؤيد و مؤمن و طبعا مؤيد قال بقيتي سمحه يا غيثه ... قلت ليو و انت كمان حلو بي البدله .. ناس لينه و ليان اختها جو .. و كانو لابسين فستانين بي اللون الكبدي و اسيل لابسه فستان بي اللون البنفسجي ... و كنزه بي نفس اللون ... مشينا برج الفاتح ... و المصور جاء ... و عمل لينا الجلسه حقت التصوير ..، و كانت حلوه شديد ... بعد ما خلصنا ... اخدنا صور جماعية مع ناس لينه و كنزه بعدها مشينا الصاله و البنات كلهم دخلو الحفله و نحنا قعدنا برا شويه بعدها المنظمين قالو لينا يلا التصوير جاء لينا برا سالم نزل من العربية فتح لي الباب و مد لي يدو قال لي انزلي نزلت و طبعا الموسيقيه شغاله قلت لي سالم انا متوتره ... سالم ضحك و قال لي الموضوع عادي ... قلت ليو خلاص ما تتكلم معاي كلامك بزيد لي التوتر قال لي كويس ... دخلنا و رقصنا اسلو و تاني مشينا المنصه حقت العرسان قعدنا و الناس جو باركو لينا ... بعدها الحفله اشتغلت و طبعا انا ما بعرف ارقص بس بصفق ... ناس لينه و بنات أهلها قالوا لي مالك مسكينه كدا ... ما رديت عليهم إبتسمت بس ... بعدها بدلنا ملابسنا و لبسنا لي الجرتق .... عملوا الحاجات بتاعتو ... و بعدها ادونا اللبن البنات بقولوا لي بخي اللبن في وش سالم و انا ما فهمت الكلام بلعتو و هو رش لي اللبن في وشي ... قلت ليو اصبر لي ... ضحك و قال لي انتي براك عويره انا اعمل ليك شنو ؟؟!!.. بعدها وزعو الفال ... و الحفله خلصت ... و جينا لي الوداع ،.. بكينا بكاء.. و إلياس مسكني شديد و قال لي أنا اخوك يعني سندك في الدنيا بعد ابوي الله يرحمو ... بخلي بالي منك .. و انتي حاليا في أمان مع سالم ... و لو احتجتي اي حاجه إتصلي لي ... قلت ليو كويس ... قال لي سالم و انت يا أبو الشباب اختي امانه في رقبتك حافظ عليها ... و خلي بالك منها ... و اوعك ثم اوعك تزعل غيثه ... سالم قال ليو أبشر ... مستحيل ازعلها ... بعدها ودعت مؤيد و مؤمن ... و اسيل و ماما و كنت ببكي ودعت ناس عمتو نرجس و كنزه و الخ ... و ركبنا العربية مع صاحب سالم مشينا الفندق عشان بكره الصباح ماشين بُتري ... *•••••••••••••••••••••••••••••••••••••••••••••••••••••••••••* *ــہہہـ٨ـــ٨ــــــہہـ٨ــــہہہـ٨ــــــہہـ٨ـ* *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*