كان لي روحي اوكيتاسك - الفصل 14 - بقلم جوليا كمال جميلة ابريل - مكتملة | روايتك

​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏🦋 *#كان_لي_روحي_اوكيتاسك* 🎻 *Part No {{ 14 }}* 🎻 ✍️ *#بقلمي_جوليا_جميلة_ابريل* *ــہہہـ٨ـــ٨ــــــہہـ٨ــــہہہـ٨ــــــہہـ٨ــ* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ تاني يوم صحيت صلاة الفجر صليت و قريت قرآن ... و اسيل كانت نايمه قلت ليها اسوله انتي كويسه ؟؟؟!!!.. قالت لي تعبانه يا غيثه رقبتي و اجعاني و الجنب اليمين من بطني واجعاني شديد ... قلت ليها انتي تبري من الوجع و الألم ... نمشي المستشفى ولا الموضوع ما بحتاج .... اسيل قالت لي لالا مستشفى شنو ؟؟!!.. برقد شويه برتاح ... قلت ليها تمام ما تشتغلي حاجه في البيت و ما تتعبي نفسك يا حبيبتي ... قالت لي الليله انا ما بقدر اعمل ليك القهوه خلي ماما تعمل ليك ... قلت ليها ما تشيلي لي هم انا بشرب من المستشفى ... مشيت صبحت علي ناس البيت ... و كلمت ماما انو .. تخلي اسيل ترتاح ... و مشيت مع هوما المستشفى ... زمن الفطور كنت تعبانه و مصدعه شديد حسيت راسي عايز ينفجر من الألم ... قلت لي هديل انا عايزه قهوه و بندول مصدعه قالت لي ... طيب اقعدي و انا بمشي اجيب ليك بندول من الصيدليه و قهوه من عمو أكرم ... قلت ليها تمام ... هديل طلعت ... و انا ختيت راسي في الطاوله القدامي ... و اثناء ما أنا راقده حسيت و كأنو في زول واقف جمبي ... رفعت راسي و كان دكتور سالم. ... قال لي انتي بخير ؟؟!!!... قلت ليو لا ... مصدعه و هديل مشت تجيب لي البندول ... قال لي سلامتك ... قلت ليو تسلم ... قال لي ممكن اقعد لحدي ما دكتوره هديل تجي ...؟؟!!.. قلت ليو اتفضل ... قال لي الصداع دا بيجيك طوالي ؟؟!!.. قلت ليو لالا بس بصدع لمن ما اشرب قهوه و الليله اسيل عيانه شويه فما عملت لي ... قال لي طيب حتى انا لو ما شربت القهوه بحصل معاي كدا ... و ما بحب زول يعمل لي القهوه حقتي ... قلت ليو كويس ... قال لي طيب انا ماشي عندي كم مريض من المفترض يدخلوا علي بعد شويه و عايز اعمل لي نفسي قهوه اجيب ليك معاي ؟؟؟!!!.. قلت ليو طيب اعمل لي معاك .... ابتسم و فات ... بعدها هديل جات و قالت لي ابلعي البندول... بلعت الحبه ... و هديل فاتت تجيب الفطور ... جاني دكتور سالم اداني القهوه ... قلت ليو شكرا. ... قال لي العفو ... انا ماشي عندي ... شغل ... قلت ليو تمام فاتت ... شربت القهوه و طعمها حلو شديد عامله زي حقت اسيل ..... هديل جات و قالت لي من اين ليكي هذا .؟؟!!.. قلت ليها دي جابه لي دكتور سالم ... قالت لي سالم لكن ... وقالت لي خليتوا المشاكل ... قلت ليها مافي سبب .... يخليني اتشاكل .... معاو ... قالت لي والله انتو .... كدي قومي اكلي ... قلت ليها ما عايزه ... قالت لي والله ولا بحنسك اسي بنادي فارس ... يجي ياكلو ... انا ضحكت و قلت ليها ما مشكلة ... قالت لي غيثه الله يهديك ... قلت ليها امين ... قالت لي عليك الله ياخ ... اكلي و قعدت تحنس فيني والخ ... اكلت معاها شويه ... بعدها مشينا علي الشغل .... بعد ما خلصنا دوام ... قلت لي فارس ... ارح ... البيت قال لي عندي نبطشيات ... في المستشفى ... قلت ليو يا خسارة ارجع البيت مع منو ؟؟!!.. قال لي اقعدي في الاستقبال و انا بطلب ليك ترحال ... قلت ليو يا سلام تكون ما قصرت والله ... مشيت قعدت في الاستقبال ... و بقيت منتظره جا طالع دكتور سالم ... قال لي مالك قاعده هنا ؟؟!!.. قلت ليو حارسه دكتور فارس يطلب لي ترحال ... قال لي انا راجع البيت ممكن ترجعني معاي ... قلت ليو لالا مافي داعي لي التعب قال ... لي العفو مافي تعب ... قلت ليو لا ياخ ... فارس ... بكون طلب الترحال ... قال لي ... ماهو الطريق واحد قومي ارح ... قلت ليو تمام بس خلي فارس يجي ... بعد ما فارس جاء ... سالم قال ليو انا بوصله ... فارس قال ليو تكون ماقصرت ... طلعنا و ركبت ورا ... وما اتكلمنا ... لحدي ما حصلنا البيت ... قلت ليو اتفضل ... قال لي شكرا مره تانيه ... قلت ليو ادخل سلم على مؤيد و مؤمن ... قال لي طيب ... دخل و سلم على ناس البيت ... بعدها طلع ... دخلت سلمت علي اسيل ... و قلت ليها بقيتي كيف ... قالت لي تمام بس يديني و رجليني بنملو .... قلت ليها يمكن من المكيف ... و قمت قفلت المكيف ... و فتحت الباب ... بعدها دخلت استحميت و أكلت و سرحت شعري و صليت ونمت ... حرفيا الشغل بشيل من الواحد ... الوقت حقو كلو .... *•••••••••••••••••••••••••••••••••••••••••••••••••••••••••••* *ــہہہـ٨ـــ٨ــــــہہـ٨ــــہہہـ٨ــــــہہـ٨ــ* *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*