كان لي روحي اوكيتاسك - الفصل 13 - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 13 }}* 🎻 ✍️ *#بقلمي_جوليا_جميلة_ابريل* *ــہہہـ٨ـــ٨ــــــہہـ٨ــــہہہـ٨ــــــہہـ٨ــ* ‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ بعد ما خلصنا من الدوام قلت لي هديل الماشي معانا منو ؟؟!!.. قالت لي بتعرفي دكتوره سماح شغاله في الصيدليه ؟؟!!.. قلت ليها لالا ما بعرفها قالت لي طيب دكتوره فاطمة شغاله في القسم حق الأورام الخبيثه قلت ليها لالا بعرف دكتور فاطمة الشغاله في القسم حق أمراض القلب قالت لي قصدك فطومة الريد الريد و ضحكت مسافه قالت لي دي مجكسه هوما ود خالك... قلت ليها كذابه وضحكت قالت لي هو منو الما عارفه بي القصه حقت فطومة وهوما قلت ليها بري انا ما عارفه قالت لي طيب اسي عرفتي... جانا دكتور فارس قال لينا ارح اركبوا ... هديل ركبت قدام و انا ورا... فارس قال مشيتي قبل كدا شارع النيل ؟؟!!.. قلت ليو اي بس زمان ... قال لي أيوا ... بدينا نتونس عادي لحدي ما حصلنا ... فارس بركن العربية ... بعدها نزلنا و كان في مجموعة كبيرة من الدكاتره و الدكتورات و من ضمنهم دكتور سالم ... سلمت عليهم ... و هديل عرفتني علي الدكتورات .... دكتوره دعاء شغاله في الأسنان و معها دكتور هاشم عبدالله ... و دكتوره غفران .. شغاله في الجراحة العامة ... معها دكتور مهند ... و دكتور فهد و شغال في القسم حق الأورام الخبيثه ... اتونسنا و القعده كانت حلوه شديد ... بعدها .... دكتور فارس قال لي يا غيثه انا طالع ... قبل ما ارد عليو ... هديل قالت ليو علي وين أن شاء الله ؟؟!!... اكيد عايز تمشي تلاقي ليك وحده ... فارس ضحك و قال ليها ... وانتي الدخليك شنو ؟؟!!!... قالت ليو ....اااا لالا ما عندي دخل بس شلت هم لي غيثه ترجع مع منو ؟؟!!... رد عليها دكتور فهد انا بوصلها .... فارس قال ليو خلاص غيثه دي اختي و في أمانتك يا فهد فهد قال ليو تمام ... فارس فاتت ... و نحنا قعدنا نتونس بعدها فهد قال لي ارح يا غيثه بعد كدا ... قلت ليو طيب ... و قلت ليم يلا يا جماعة فرصه سعيده نتلاقى مره تانيه ... غفران قالت لي جيبي رقمك نعمل ليك إضافة في القروب حق الدكاتره بتاعين المستشفى ... قلت ليها طيب ... سجلت ليها الرقم ... و عملت لي إضافة ... و مشيت مع دكتور فهد ... ركبت ورا ... و متشاء الله عليو واعي وفاهم و مثقف ... اتونس معاي كتير ... بعدها وصلني البيت ... قلت ليو شكرا ليك يا دكتورز... قال لي العفو يا دكتوره ... نزلت ... و دخلت البيت ... استحميت .. و صليت .. و سرحت شعري و اكلت .... ما كنت نعسانه فدخلت الواتس اب ... اتكلمت مع كنزه ... و شايفه الونسه في القروب حق الدكاتره ... دخلت شفت و حسيت بي النعس نمته ... *•••••••••••••••••••••••••••••••••••••••••••••••••••••••••••* ــہہہـ٨ـــ٨ــــــہہـ٨ــــہہہـ٨ــــــہہـ٨ــ *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*