كان لي روحي اوكيتاسك - الفصل 11 - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 11 }}* 🎻 ✍️ *#بقلمي_جوليا_جميلة_ابريل* ــہہہـ٨ـــ٨ــــــہہـ٨ــــہہہـ٨ــــــہہـ٨ــ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ بعد ما فارس وصلني البيت ... قلت ليو شكرا ..+ عارفه نفسي تعبتك شويه ... فارس قال ياخ معقوله في اخت بتقول لي اخوها كدا ... قلت ليو لا .. قال لي بس خلاص تاني ما اسمع منك كدا + انا أصلا ساكن قريب من هنا يوم بوديك معاي البيت تتعرفي على اخواتي ... قلت ليو يا سلام و انا في انتظار اليوم دا ... قال لي يلا مع السلامه ... قلت ليو يلا.. نزلت و دخلت البيت ... استحميت و غيرت ملابسي و سرحت شعري و صليت ... و اكلت مع جدو ... و اسيل قالت ما بتعمل لي جبنه الليله هههه ... شلت تلفوني و إتصلت علي كنزه سلمت عليها و طوالي نمت .... تاني يوم و كان يوم الجمعه و طبعا انا ما شغاله يوم الجمعه الحمدلله ... صليت الفجر و قريت قرآن ... و غسلت شعري ملابسي و ملابس اسيل والياس... ماما قالت هي بتغسل ملابس مؤيد ومؤمن ... أبرار ساعدتني اما اسيل بتقول ظهرا واجعها .. وتعبانه ... حبوبه عملت الفطور فطرنا ... و بعدها زمن الصلاة جا جدو و الشباب فاتوا المسجد و طبعا مؤيد و مؤمن قالوا الا يمشوا المسجد ... هههه ... بعد الصلاة...حبوبه قالت لي أنو ناس الجيران عندهم مناسبه بعدين في الصاله و قالت لينا إلا تمشوا انتو مما جيتوا السودان ما طلعتوا غيرتو جو .. قلت ليها طيب ... ماما قالت لي تسوقي أخوانك ؟؟!!.. معاك ولا مافي داعي ... قلت ليها انتي ما عايزه تمشي ؟؟!!.. قالت لي لالا ما عايزه ... قلت ليها طيب خليهم يمشو معانا ... اسيل قالت لي لالا والله يا غيثه انا ما بجري وراهم واخلي بالي عليهم ... قلت ليها انا بنتبه ليهم ... أبرار قالت لي يا غيثه لابسه شنو ؟؟!!.. ضحكت و قلت ليها خليها مفاجأة .. أبرار ضحكت و قالت لي ما عندك موضوع ... آها بعد صلاة العشاء لبست مؤيد ومؤمن ... بعدها دخلت و لبست قفطان مغربي ... بي اللون .. الأحمر ... مع طرحه نفس اللون و طبعا انا محجبة من زمان شديد ... عملت مكياج خفيفه و ناعم ... مع روج أحمر ... طقم القفطان وكدا .... هههه .. واسيل لبست تكشيطة بي اللون البصلي ... و عملت مكياج ... و أبرار لبست فستان بلون الأصفر ... و طلعنا بي العربية حقت أبرار ... مؤيد و مؤمن فرحانين شديد أول مره يحضروا عرس في السودان ... انا حضرت بس زمان شديد .... أبرار قالت أنتو و أخوانك بتتشابهو علي فكره يا غيثه ... انا قلت ليها علي فكره انا بشبه بابا شديد و عمتو نرجس ... أما اسيل بتشبه إلياس ... مؤمن مؤيد هم بشبهوا بعض ... ضحكت و قالت لي كلكم نفس الشبه ... بعد وصلنا ... وقبل ما ننزل قلت لي مؤيد مؤمن ... انتو حلوين و شطار اسمعوا الكلام و ما تعملوا جوطة في المكان كويس ... قالوا لي تمام ... نزلنا و طبعا الحفله كانت يداب باديه .... و الأجواء كانت حلوه شديد ... أبرار ودتنا للناس نبارك ليهم ... واحده من النسوان قالت ليها ديل بنات لمياء المتزوجه المغربي ؟؟!!.. أبرار قالت ليها اي ياهم زاتم ... دي اسمها غيثه و التانيه اسمها اسيل و يا غيثه و اسيل دي خالتو وجدان جارتنا و ام صاحب هوما ... سلمنا عليها ... و علي الناس المعاها ... و طبعااا سامعين القطيعه بي تحت تحت المشكله انو صوتهم عالي و نحنا ما بعاد واحده قالت عاد سماحة جد والتانيه قالت ليها انتي عايني الشفع سمحين كيف ولا الشعر بس لي البنات ديل مخططين شعرهم ؟؟!... التانيه قالت ليها بي الطرحه حلوين من غير الطرحه ياربي عاملين كيف اكيد احلى من كدا !!!.. أبرار قالت لينا ارح نقعد هناك مشينا ... و قعدنا و مؤيد و مؤمن يعاينوا ساي .. الوضع غريب بالنسبة ليهم ... جو صحبات أبرار و عرفتنا عليهم وحده اسمها ليان و التانيه اسمها لين ... و ماشاء الله دمهم خفيف ... بعدها العرسان جو داخلين و ماشاء الله حلات الدنيا عليهم و كانوا مبسوطين شديد ... بعد ما دخلو الحفله بدت و مؤيد و مؤمن قالوا الا يطلعوا برا كان في حديقة صغيره الشفع بلعبوا فيها ... اطريت أمشي معاهم ... طلعت و هم فاتوت الحديق يلعبوا و انا قعدت في كرسي و بقيت شغاله بي التلفون شويه كدا سمعت صوت زول بقول لي احممم .. رفعت راسي و كان ... دا دكتور سالم .. قال لي دكتوره غيثه كيفك عساك بخير ... قلت ليو تمام الحمدلله ... قال لي ممكن اقعد .... لي الصراحة ما عرفت اقول ليو شنو ؟؟!!.. فسكتت قال لي السكوت علامة الرضا .. انا قلت ليو بس ما كلو سكوت علامة رضا ... قال لي بس الاغلب علامة رضا ... قلت ليو بس مرات الشخص بكون ما قادر يرد او خايف الناس تفهموا غلط .... قال لي اممم كلام منطقي .... بعدها اخدنا زي خمسه دقايق ساكتين ساي ... تاني قال لي انا اسف يا دكتورة غيثه لو زعلتك اليوم داك ... انا قلت ليو حصل خير ... قال لي قاعده برا لي ؟؟!!.. قلت ليو حارسه مؤيد و مؤمن قال لي أخوانك الصغار ؟؟!!.. قلت ليو اي قال لي طيب ادخلي جو استمتعي بي الحفله و انا بحرسهم ليك ... قلت ليو اااا لالا مافي داعي كدا احسن قال ادخلي و ماتخافي عليهم ... قلت ليو طيب بس خلي بالك عليخم .... و دخلت جوا *•••••••••••••••••••••••••••••••••••••••••••••••••••••••••••* ــہہہـ٨ـــ٨ــــــہہـ٨ــــہہہـ٨ــــــہہـ٨ــ *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*