كان لي روحي اوكيتاسك - التاسع - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 09 }}* 🎻 ✍️ *#بقلمي_جوليا_جميلة_ابريل* ــہہہـ٨ـــ٨ــــــہہـ٨ــــہہہـ٨ــــــہہـ٨ــ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ نزلنا ودقيق الجرس ... و طبعا جو جارين مؤيد و مؤمن .. و كل واحد بقول لي التاني انا بفتح انا بفتح و قعدو يتشاكلو ... انا قلت ليهم ياخ خلصوني و افتحو الباب ... بعد عراك طويل حتى مؤيد فتح الباب ... جاني مؤمن حضني ... قال لي غيثه توحشتك بزاف ... ( اشتقت ليك شديد ) مؤيد قال لي بكذب عليك عشان تشتري ليو حلاوةة ... مؤمن قال لي دا منو المعاك دا ؟؟!!.. رفعتو من الأرض و قلت ليو بقيت تقيل يا مؤمن هههه ... دا اسمو دكتور فارس شغال معي في المستشفى ... يا دكتور فارس دا مؤمن اخوي الصغير .... فارس قال ليو اتشرفنا يا مؤمن ... مؤيد قال ليو و انا اخو غيثه .. قال ليو تعال يا بطل عايز يرفعوا ... مؤيد قال ليو انا زول كبير ما صغير ... فارس ضحك و قال لي أخوانك حلوين .. مشاء الله ... قلت لي تسلم ... اتفضل ... و يا مؤمن انزل اجري قول لي ناس ماما في ضيف عايز ... يسلم عليكم ... مؤمن فات .. ونحنا دخلنا ... طبعا حبوبه بتعرف فارس عشان صاحب هوما .. عرفتو علي ماما ... بعدها استأذن و طلع ... أنا دخلت استحميت و غيرت ملابسي ... و سرحت شعري ... بعدها أكلت و صليت و اسيل عملت لي قهوه ... و أبرار جات عشان تتونس معاي ... انا كنت تعبانه طوالي نمت ... هم قعدو اتونسو مع اسيل .. تاني يوم بعد ما صليت الفجر دخلت استحميت و سرحت شعري و لبسته ... شربت الشاي مع ناس البيت ... و اسيل عملت لي القهوه .. شربت ... قلت ليها اسوله العثل .. أجمل بت في الكون .. قالت لي انجزي عايزه شنو ؟؟!!.. قلت ليها تعملي لي قهوه في ال Bottle ... قالت لي والله يا غيثه ما عارفه .. انا القهوه حقتي دي فيها شنو ؟؟!!.. انتي مدمنة عليها ... قلت ليها هههه ... ما معروف انتي بتكبي .. لي فيها حاجه يمكن ، قالت لي حاجه في عينيك ، هوما قال لي ... اطلعي ياخ ... قلت ليو دقيقة طالعه ... اسيل كبت لي القهوه .. شلتها و مشينا ... هوما قال لي أمس رجعتي مع منو ؟؟!!.. قلت ليو مع دكتور فارس ... قال لي أيو اااا.. انا الليله احتمال اتأخر ... و ما ممكن نعزب .. فارس معنا كل يوم .. ارجعي مع سالم ... قلت ليو تمام ... بس انا ما بقول ليو وصلني ... هوما قال لي طيب ... انا بكلمو ... قال لي انزلي بعد كدا ... شلت الشنطه حقتي و نزلت ... صبحت علي ناس دكتوره ماريا و هديل و باقي الدكتورات ... و بدينا ... الدوام .. صلاة الظهر مشينا المسجد صلينا .. و هديل قالت لي ارح الفطور ... قلت ليها دقيقة اجيب حاجاتي ... شلت الشنطه و ال Bottle حقت القهوه .. هديل قالت لي المره دي انتي تمشي تجيبي الفطور ... قلت هههه بقى بي الدور عديل كدا .. قالت لي لازم قلت ليها طيب .. مشيت و طلبت ... قلت مسافه الطلب يجهز اشرب القهوه فتحتها و كانت حاره و قعدت اشرب ... ما خلصتها عمو قال لي يا دكتورة الطلب جاهزه ... قلت ليو تسلم ... واسمي غيثه أنا .. قال لي و انا عمك أكرم ... قلت ليو شكرا شلت الحاجات و اثناء ما أنا ماشه شايفه زل جاي علي قلت ليو هيي خلي بالك بس هو ما انتبه و القهوه وقع عليو ... قال لي بي صوت كلو غضب انتي متخلفه ... قلت ليو اسفه يا دكتور سالم والله ما قاصده ... بعتذر ... قال لي تعتذري بعد شنو ؟؟!!.. عايني القميص خرب اسي .. ما رديت عليو عشان هو الغلطان و ما كان شايف قدامو و اعتذرت و ما عجبو آها تاني اعمل شنو ؟؟!!.. قال لي يا أنا ما عارف اقول ليك شنو ؟؟!!.. قلت ليو يا دكتور ممكن تتكلم بي أسلوب احسن و انا اعتذرت و قلت ليك اسفه و حقك علي و بعدين حتى أنت غلط لي ما بتشوف قدامك ؟؟!!.. قال لي آخر الزمن شافعه ابوها ما رباها جايه تعلمني الأسلوب .... قال لي الكلام دا بي نفس الصياغة ... و طبعا انا في اللحظه دي دموعي للأسف الشديد نزلت ... لي هو يقول كدا عن بابا و هو اصلا ما بعرفو .؟؟!!.. قادرين تتخيلو الموضوع صعب كيف ... أنا بي صوت باكي و مخنوق قلت ليو بابا الحمدلله رباني احسن تربيه و ادبني ... لو اصلا هو معاي ما كان حاليا انت شفتني هنا ... انت لي بتقول عنو كدا ؟؟!!.. هو متوفى ... .*•••••••••••••••••••••••••••••••••••••••••••••••••••••••••••* ــہہہـ٨ـــ٨ــــــہہـ٨ــــہہہـ٨ــــــہہـ٨ــ *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*