كان لي روحي اوكيتاسك - الثامن - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 08 }}* 🎻 ✍️ *#بقلمي_جوليا_جميلة_ابريل* ــہہہـ٨ـــ٨ــــــہہـ٨ــــہہہـ٨ــــــہہـ٨ــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ قال لي ... بي صوت كلو ضحك .. وانتي فرقك شنو من شفع الروضه ... قلت ليو احترم نفسك معاك دكتوره غيثه نور الدين لو سمحت ... قال لي انزلي و خلي الكلام الكتير .. نزلت و دخلنا ... هوما قال لي .. تعالي اوديك القسم حقك و اعرفك علي الناس مع أنو انا عندي شغل بس مامشكله ... قلت ليو المستشفى حلوه شديد ... قال لي ما تفرحي بكره بتمسخ ليك .... قلت ليو أنت فاكرني انا زيك ... أنا زوله بحب الشغل ،. و اللهم زدني تواضعاً ... ضحك و قال لي انتي خليكي متذكره الكلام دا بس ... قلت ليو مستحيل انسى ... مشينا العيادة العامة حقت الأطفال لي الفحوصات ... و عرفني علي الدكاتره و الدكتورات ... و تاني مشينا وحدة الطوارئ للأطفال ... واتعرفت على جميع الناس الشغالين هناك دكاتره و ممرضات ... و غيرو ... بديت أول دوام لي في الطوارئ وشغاله تحت إشراف دكتوره كبيره كدا اسمها ماريا ... و معانا كم دكتوره ... الظهر لمن أذن طوالي مشينا المسجد حق النساء صلينا .... و في دكتوره كدا صغيرونه و دمها خفيف .. اسمها هديل ... قالت لي ارح نفطر .. انا قلت ليها والله من قبيل جيعانه ههه .. قالت لي يختي لو تابعنا دكتوره ماريا دي بكره بدل ما نحنا نعالج يعالجونا ... قلت ليها كلامك صاح ... مشينا الكفتيريا .... و انا قعدت وهي فاتت تجيب الاكل ... جاني ولد قال لي السلام عليكم ... قلت ليو و عليكم السلام ... قال لي ما إتعرفنا ... قلت ليو أنا دكتوره غيثه نور الدين شغاله في قسم الأطفال ... قال لي أطفال ؟؟!! حت انا شغال هناك ... انا دكتور فارس منيب ... قال لي اتشرفنا ... قلت ليو شرف الله قدرك .. قال لي بجد إنتي شغاله معنا في قسم الأطفال ... قلت ليو انا الليله دا اول يوم لي ... قال لي جديده ... ههه ربنا يعينك ... قلت ليو اللهم امين ... بعدها جات هديل قالت لي فارس اب كلام كتير كرهك صاح ... قلت ليها لالا ما حصل ... فارس قال ليها انتي دي خاربه سمعتي في كل حتة اسي المزه دي تقول عني شنو ؟؟!!.. قالت ليو امشي جيب اكل لي نفسك و تعالي ... قال ليها اسي الاكل دا كتير ناكل مع بعض قالت ليو أنت قول ما عايز تدفع ... قال ليها تاني فضحتيني مع المزه ... هههه ... قالت ليو اسي زمن الاستراحه بخلص والله بي طريقتك ... قال ليها خلاص ماشي و جاي .... هديل قالت لي عايني الدكتور السمح المبكي المزز ... اتلفت لقيتو دكتور سالم ... قلت ليها بي صوت كلو خلعه دا ؟؟!!.. والله العظيم شفتي دا زول ما عندو أسلوب في التعامل مع الناس ... و متخلف و اهبل ... قالت لي براحه عليو ... هههه ... قالت دقيقة أمشي اسلم عليو ... فاتت و خلتني ... جاني .. فارس و قال لي هديل مشت وين ؟؟!!.. قلت ليو قالت عايزه تسلم علي دكتور سالم ... قال لي أيوا .. قلت انا شبعت عايزه أمشي اغسل ... و ارجع لي الشغل ... قال لي خلاص قدام نتلاقى ... قلت ليو تمام .. مشيت غسلت يدي و طوالي مشيت ... واصلت شغلي ... لمن الساعه 7 جات أنا كنت خلاص انتهيت من التعب ... فارس قال لي عندك عربيه ولا اوصلك ... قلت ليو لالا بتصل لي هوما يجيني ... قال لي قصدك دكتور إبراهيم قلت ليو اي .. قال لي بتعرفي من وين ؟؟!!.. قلت ليو ود خالي ... قال لي أيوا إتصلي لو هو ما راجع البيت انا اوديك ... قلت ليو دقيقة .. اتصلت مرتين ما رد قلت ليو ما برد ... قال لي بكون في عملية ... ارح .. اركبي ... قلت ليو طيب ... عايزه افتح الباب الخلفي ... قال لي لا انتي شايفاني السواق بتاعك ... انا ضحكت و قلت ليو لالا .. قال لي اركبي ... ركبت و هو طوالي ... شغل اغاني قال لي تسمعي لي منو ؟؟!!.. قلت ليو أنا بسمع اكتر شيء مغربي بس مرات بسمع سوداني لمن ماما تكون مشغله ... قال لي كيف يعني بتقدري تفهمي المغربي ؟؟!!.. قلت ليو اي بفهم انا بابا الله يرحمو مغربي ما سوداني .. قال لي يعني انتي اجنبية ؟؟!... قلت ليو بطل عنصريه ماما سودانية ... قال لي وأنا أقول لي البت دي اسمها غريب كدا ههه ... قال لي بس بتتكلم سوداني عادي ، قلت ليو يا ولد انا من قمت بسمع ماما بتتكلم كدا فا دا طبيعي ... قال لي انزلي وصلنا ... قلت ليو تسلم اتفضل ... قال لي مره تانيه قلت ليو عليك الله ادخل سلم على ناس ماما قال لي طيب ... *•••••••••••••••••••••••••••••••••••••••••••••••••••••••••••* ــہہہـ٨ـــ٨ــــــہہـ٨ــــہہہـ٨ــــــہہـ٨ــ *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*