كان لي روحي اوكيتاسك - السادس - بقلم جوليا كمال جميلة ابريل - مكتملة | روايتك

🦋 *#كان_لي_روحي_اوكيتاسك* 🎻 *Part No {{ 06 }}* 🎻 ✍️ *#بقلمي_جوليا_جميلة_ابريل* ــہہہـ٨ـــ٨ــــــہہـ٨ــــہہہـ٨ــــــہہـ٨ــ ‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ صحيت تاني يوم صليت الفجر .. و قريت قرآن .. و جهزت عشان أمشي مع هوما المستشفى ... شربت الشاي و اسيل عملت لي قهوه ... شلت الفايل حق شهاداتي .. ركبت مع هوما في العربيه مشينا المستشفى حقت رويال كير هو شغال في القسم حق القلب ... قال لي ماشاء الله عليكي متخرجه بي امتياز ... قلت ليو رغم الحصل و الظروف المريت بيها ايام الامتحانات و مرض بابا ... الحمدلله قدرت اتفوق في دراستي ... قال لي عندك خبره ؟؟!!... يعني قبل كدا اشتغلتي في مستشفى ؟؟!!.. قلت ليو اي لمن كنت في سنه 4 اشتغلت في عيادة صغيره جم بيتنا في المغرب ... قال لي كويس ... انا عندي صحبي دكتور شغال في قسم الأطفال بعرفك عليو و هو ممكن يساعدك ... قال لي بس بي الأول انا بمشي بقدم الشهادات حقتك والخ .... المهم انتي انزلي اسي و اقعدي في الاستقبال لحدي ما انا اجيك ... قلت ليو كويس نزلنا مع بعض و هو ماشاء الله بسلم على كل الناس ... قعدت في الكرسي حق الاستقبال و هو دخل جاتني وحده قعدت جمبي قالت لي هاي .. كيفك أنا دكتوره فاطمة شغاله مع دكتور إبراهيم انتي منو ؟؟!!.. قلت ليها أهلين أنا غيثه نور الدين ... ببقى لي دكتور إبراهيم قالت لي اااا ... يعني انتي بت عمتو المغربيه ... قلت ليها اي قالت لي اتشرفنا والله قلت ليها شرف الله قدرك قالت لي تشربي حاجه ارح الكفتيريا قلت ليها لالا ما عايزه حاجه بس عايزه مويه لو ممكن قالت لي دقيقة اجيب ليك من الكولا فاتت جابت لي كباية حقت مويه و جات قعدت جمبي و بقينا نتونس انا شربت من المويه و عايزه اخت الكباية في التزبيزه وقعت مني و كان في ورق قاعد و اتبل .... فاطمة قالت لي وااااي يا غيثه دا شنو العملتيو دا الورق دا حق دكتور سالم الليله يومك اسود ... قلت ليها اسفه والله ما قاصده ... فتحت شنطتي و طلعت منها مناديل و بقيت اجفف في المويه ... و اثناء ما أنا بجفف اسمع ليك صوت راجل بقول دكتوره فاطمة جيبي الورق حق المريض ... فاطمة سكتت قام هو جا لقاني انا ببجف ... قال لي انتي ... انا عاينت ليو بس من دون ما اتكلم ... هو قال لي دا شنو العملتي في الورق حق الفحوصات دا ... ياخ انتي غبيه ولا متخلفه ما شايفه الورق لمن تكبي فيهو مويه ... انا خشمي ما فتحتو ساكته ساي و هو بتكلم بي عصبيه و زهج ... قال لي شكلك ما بتعرفي تقولي كلمه معليش او بعتزر ... قلت ليو اسفه ما قصدي قال لي بعد ما اعتذرتي انا استفدت شنو ؟؟!!.. انا هنا خلاص أخلاقي جات في انتفي يعني هو قال اعتذري واعتذرت قال ما استفاد حاجه طيب من البدايه مالو ؟؟!!. طوالي قلت ليو اسمع يا دكتور انت لو من البدايه مهتمي بي الورق ما كان جدعتو في الاستقبال هنا يبق كدا دي نتيجة اهمالك و بعدين انت طالما عارف نفسك ما بتستفيد حاجه من الاعتذار لي بتطلب ؟؟!!.. و ياريت لو كان عندك أسلوب شويه في الكلام و التعامل ... قال لي دا الفضل انتي تعلميني الأسلوب دكتوره فاطمة قالت خلاص معليش يا دكتور سالم حقك علي انا و يا غيثه اسكتي ... قلت ليها ما بسكت انا من قبل بسمع في كلامو ما حبيت ارد علي الأسلوب الوقح دا ... فاطمة قالت دكتور إبراهيم الله جابك تعال اتفاهم مع الجماعه ديل هوما قال خير في شنو ؟؟!!.. الغياظ الكريهه سالم قال ليو ما في حاجه مشكلة بسيطه بس البت دي لئيمه ... إبراهيم ضحك و قال ليو بي العكس غيثه ما بتاعت مشاكل ... صحي ما عرفتكم علي بعض يا سالم دي غيثه بت عمتي و يا غيثه دا دكتور سالم صحبي الحكيت ليك عنو قبل شويه ... مدا لي يدو و قال لي اتشرفنا سلمت عليو و قلت ليو شرف الله قدرك ... دكتوره فاطمة قالت اسي في داعي لي دا كلو من قبيل ... أنا قلت ليها هو اصلا خاتيني في راسو هوما قال لي انتو بتعرفو بعض قلت ليو يوم ما مشيت المركز حق Zain حصل كدا و كدا ..... هوما ضحك و قال لي معليش يا غيثه نيابه عن سالم ... قلت ليو انا أصلا الموضوع ما فارق معايا بس هو بحب يكبر المواضيع ... سالم قال لي و انتي ما بتعرفي تعتذري .... هوما قال لي المهم حاليا هم قبلوك في المستشفى بس بتشتغلي في عيادة الأطفال العامة لي الفحوصات الدوريه و التطعيمات و متابعة النمو ، و وحده الطوارئ للأطفال لي الحالات الحرجة زي الحمى و التشنجات ، و الحوادث و دوامك ببدأ من بكره من الساعه 7 صباح حت 7 مساء و لو ما عايزه ممكن تشغلي دوام من 7 مساء لي 7 صباحاً .... و الراتب حقك بنزل ليك كل بداية شهر و بعد اسبوع الجدول حقك بنزل ... قلت ليو مستحيل انوم برا البيت اخير لي من الصباح لي المساء ... قال لي خلاص اسي ارجعي البيت ... ربعت ليو يديني و قلت ليو ما بعرف الطريق ... قال لي خلاص أصلا دكتور سالم الدوام حقو خلص و راجع البيت خلي يوصلك في طريقو ... في قلبي قلت الفقري .... دكتوره فاطمة قالت لي مع السلامه يا غيثه نتلاقى بكره .... قلت ليها الله يسلمك ان شاء الله ... هوما قال لي سالم لو عندك مشوار خليها انا بطلب ليها ترحال ... سالم قال ليو لالا عادي انا اصلا راجع البيت من امس ما نمت كنت مداوم بدل دكتور فارس ... طلعنا و أنا طوالي ركبت ورا ... و طوالي فتحت تلفوني و ركبته السماعات حقتي و شغلت اغناني لي الفنانه منال بنشليخة دي فناتي المفضلة ... بسمع و بتكلم مع كنزه بي الواتس اب بحكي ليها عن السودان ... و هي تحكي لي عن المغرب و الحاصل هناك كنزه قالت لي الا اتصل عليك مكالمه فيديو قلت ليها يا بت الناس انا في الطريق راجعه البيت قالت ياخ خمسه دقايق قلت ليها تمام اتصلي اتصلت رديت عليها .... كنزة قالت لي ... غيثة ، ولات مغربية صافية !... قلت ليها إييه ههه قالت لي .. والله يا غيثة توحشتك بزاف ، وتوحشت أسيل ، وماما ، ولاّلة فاطمة كيسلمو عليك .. قلت ليها .. يا حبيبتي ، حتى أنا توحشتك بزاف قالت لي .. ناس ماما بغاو يسلمو عليك .. قلت ليها .. لا لا ، بغيت نسالي ، منين نوصل للدار نعيط ليك .. قالت لي ... صافي ، تمام ... ( كنزه قالت لي غيثه بقيتي سودانية خلاص قلت ليها اي هه . قالت لي والله يا غيثه اشتقت ليك و لي اسيل ماما و لالة فاطمة بسلمو عليك ... قلت ليها يا حبيتي انا كمان اشتقت ليك شديد ... قالت لي ناس ماما عايزين يسلمو عليك قلت ليها لالا انا عايزه اقفل لمن اصل البيت بتصل عليك .. قالت لي خلاص تمام ) طبعا انا بتكم سوداني كويس عشان امي في البيت ما بتتكلم مغربي ... و بابا الله يرحم بتكلم مغربي يعني بعرف لي اللغتين كويس ... بعد ما قفلت منها سالم قال لي .... *•••••••••••••••••••••••••••••••••••••••••••••••••••••••••••* ــہہہـ٨ـــ٨ــــــہہـ٨ــــہہہـ٨ــــــہہـ٨ــ *يتبـــــــــــــــــــ بت كمال ـــــــــــــــــــع* *#سرالختم_0121045450* *#للتنسيق_والنشر*