الفصل السادس نهاية الجزء الثاني
*#احببته_رغم_الظروف* ✨♥️
*#الجزء_الثاني*
*#Part_No 《 06 》*
*الاخيرة*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
قبل ما نبدأ
البارت ده حيكون طويل ومليان بالاحداث
حيكون فيهو ختام ودموع
فقدان والم لكن بعدها استمتعوا
*فلاش_باك*
في لحظة صمت مرت
في صوت مدوي طلع
في اعين مصدومة
وفي نظرات خوف
عصام صرخ لما شاف لميس واقعه على الأرض
دمها سايل
منذر أنصدم
الرصاصة المفروض تضرب عصام ضربت لميس
الوقفت قدامو في تلك اللحظة
دخلت الشرطة ومسكوا منذر الكان بعافر عشان يمشي لي لميس
عصام رفع لميس وجري بيها على العربية
ختاها ورا وجات ركبت معاهم جورية
ساق بسرعه ووصل إلى المستشفى
ودخلوا لميس غرفة العمليات
ورفضوا يخلوا عصام يدخل يعمل ليها العملية
عصام اتصل على احمد
وفي غضون نصف ساعه العيله كلها جات
وعاشوا نفس حاله التوتر حقت الحادث
العملية كانت صعبة واخدت ساعات طويلة
بس الحمدلله نجحت
*#نهاية_الفلاش_باك*
اسبوع وخرجوا لميس من المستشفى
وكان يوم خميس
صباح يوم الجمعة عملوا كرامة كبيرة بمناسبة خروج لميس من المستشفى
ومعرفه قاتل راشد
بس عشان ماتتعب منعوها تطلع من الغرفة
طق طق طق
*#لميس* : اتفضل
جاء داخل احمد ومعاهو عصام
*#عصام* : كيفك
*#لميس* : أحسن الحمدلله وشكرا
*#عصام* : على شنو
*#لميس* : على انك انقذتني
*#عصام* : مافي زول بشكرو على انقاذ روحو
*#احمد* : يا لميس الزول ده اتقدم ليك على سنه الله ورسوله
وقال عايزك زوجة وشريكة حياة ليهو
وانا افتكر انو مافي كلمة ممكن تتقال فيهو
لميس انصدمت من السمعتو
بس ما قالت شي
كل القالتو انها عايزه تفكر
*#عصام* : اخدي وقتك وفكري على راحتك
وانا راضي بي اي قرار ليك
بس اعرفي قبل كده اني بحبك ووالله العظيم
بحاول أخليك اسعد انسانه كان رضيتي بي
وطلع واحمد طلع بي وراهو
بعد ما خلصت الكرامه عبدالله مشى لي بتو في غرفتها
*#عبدالله* : بتي السمحه كيف امسيتي
*#لميس* : بخير الحمدلله
*#عبدالله* : افتكر انو احمد كلمك بأنو عصام اتقدم ليك
شوفي يا بتي عصام راجل ما بتعوض وما فيهو كلمه بتتقال
والمواقف الوقفها معاك تثبت ذلك
انا ما جاي اقنعك ولا حأجبرك على شي انتي ما عايزاهو
بس عايزك تكوني مقتنعة بقرارك مهما كان
راشد من اتوفى تم 5 سنين ونص
وانتي بعد ده لازم تكملي حياتك وتاخدي خطو لي قدام
انا ما بقول ليك انسي راشد
بس بعد ده العمر ماشي
وانا عايز اطمن عليك قبل ما اموت
واكون مرتاح البال أنك في بيتك
وفي زول حيهتم بيك
*#لميس* : ليه بتقول كد يا بابا
ربنا يطول بعمرك وأن شاء الله حأفكر
المهم غزل برضو جات اتكلمت معاها
وبعد أسبوع لورا جات من شهر العسل
وسلمت على لميس وعرفت الموضوع من أمها
وبرضو اتكلمت معاها
بعد مرور تلات اسابيع
وفي يوم تلات لميس نزلت
وكانت لابسه
** الرصاصه كانت في صدرها بس ما اخترقت الرئه
يعني الرصاصة دخلت في الجهة اليمين من الصدر ، فوق شوية من البزغة ، وقريبة من الرئة اليمين
فأمتنعت من الارهاق
امها اول ما شافتها لابسه وطالعه
*#غزل* : على وين يا السمحه
*#لميس* : امي زهجت من قعدة البيت
*#غزل* : مافي طلوع
انتي ما جاده
قبل تلات اسابيع انتي مضروبة رصاصة ودايره تطلعي
طلوع مافي
*#لميس* : يا امي ما حأتأخر وكلها ساعتين واكون في البيت
*#غزل* : لميس ما تناقشيني
أثناء الكلام ده لورا اتصلت والخط فتح بالغلط
وسمعت نقاش لميس وأمها
بقت تتكلم في التلفون
لميس وغزل وقفوا لمن سمعوا صوت
ولميس رفعت التلفون ولقت دي لورا والخط فاتح
*#لميس* : الو
*#لورا* : طالعه وين يا السمحه
طلوع مافي ليك
*#لميس* : لورا ما تبقى علي انتي وامي وانا طالعه طالعه
*#لورا* : لميس خلي العناد
*#لميس* : انا ما عنيده بس زهجت من قعدة البيت
*#لورا* : طيب استني انا بجي ونطلع سوا
وادي التلفون خالتو غزل
*#لميس* : بس
*#لورا* : ما بس ولا شئ يلا
لميس أدت التلفون لي امها
ولورا بعد ساعه كانت معاهم ومرقت مع لميس
بس لميس خلتها توقفها في رأس الشارع
*#لميس* : لورا ارجوك ما تسأليني ماشه وين
بس خليني امشي
وكلها ساعتين واجبك راجعه
*#لورا* : لا يا لميس
انا وعدت خالتو غزل اني ما حأخليك براك
*#لميس* : ارجوك يا لورا انا ما ح أطول واوعدك اني ما حتعب نفسي بس ارجوك
لميس بقت بتحنس في لورا لغايه ما اقتنعت
*#لورا* : طيب بس ما تتأخري وخلي تلفونك فاتح
*#لميس* : حاضر ونزلت خلتها
مشت اشترت ألعاب وودتهم دار الايتام وختت للمديره قروش كالعادة
ومشت للمستشفى وسلمت على المرضى واعتذرت منهم لأنها طولت ما جاتهم وختت برضو مبلغ كويس
ومشت للمقابر زارت راشد وقرأت الفاتحه ورجعت للورا
بعدها مشو سوا
ولورا حلفت الا يتغدوا سوا
اتغدوا واكلوا ايسكريم
بعدها لورا وصلت لميس البيت ومشت بيتها
لميس دخلت البيت مبسوطه جدا
وغزل لمن شافتها مبسوطه فرحت
*#غزل* : شكلك استمتعي مع لورا
*#لميس* : جدآ وجات سلمت عليها وباستها في راسها
بعدها لميس دخلت غرفتها وغيرت هدومها وصلت ودعت انو ربنا يوفقها في حياتها
كانت طيلة الأسابيع الماضية بتصلي صلاه استخاره
وحست أنها لازم توافق على عصام
اتصلت عليه هو بالاول
بعد جرسين رد
*#عصام* : الو لميس كيفك
*#لميس* : بخير الحمدلله وانت
*#عصام* : بخير الحمدلله بعد سمعت صوتك
*#لميس* : الحمدلله اتصلت اكلمك اني
*#عصام*: انك شنو خير حاسه بحاجه في شي واجعك
*#لميس* : لا لا انا كويسه الحمدلله
بس اتصلت أقول ليك اني موافقة
سمعت بالجهة التانية صوت حاجه وقعت
الو عصام انت كويس
*#عصام* : انا الاز كويس وكويس جدا
بس عيدي قلتي شنو
*#لميس* : انا موافقة اديك فرصه واخليك شريك حياتي
*#عصام* : ده اسعد خبر اسمعو في حياتي
واوعدك اني خأخليك اسعد انسانة
*#لميس* : أن شاء الله
وأن شاء الله اقدر اساعدك يارب
*#عصام* : ان شاء الله
*#لميس* : مع سلامه
*#عصام* : مع سلامه
لميس قفلت الخط بي جاي
دايره تنزل تكلم امها سمعتها بتزغرت
نزلت تحت
*#غزل* : عين العقل يا بتي
وربنا يسعدك ويهنيك
*#لميس* : بتين
انا يدوب كلمت عصام
وو ودايره انزل اكلمك
*#غزل* : شكلك قفلتي منو ضرب لي
المهم خير البر عاجله
هو حيجي الجمعه الجاية مع امو وعمو وتكون خطوبة رسمية
وحنحدد موعد العرس بعد شهر او اتنين
*#لميس* : امي بسم الله براحه
والعرس خليه بعد أربع شهور
*#غزل* : ولي يا بتي التأخير ده كلو
*#لميس* : امي عليك خليني على راحتي
تسريع للأحداث
مره الاسبوع وعملوا الخطوبه
والعرس اتحدد بعد أربع شهور زي ما لميس عايزه
وفي الفترة دي اتعرفت على عصام اكتر
وممكن نقول وقعت في حبو
وهو كان حقيقي جنتل مان
لميس كانت كل تلاتاء بتطلع بتزور الدار والمشفى
بس بتمشي المقابر كل اسبوعين
وخلاص فاضل شهرين على العرس
وانحبست
طبعا امها الا تقعد ليها بالمفراكه عشان تقعد للدخان
وعصام ما قصر جاب ليها شيلة محترمة
وشوال ونص حطب بأمر من امها
ما عمل حنه
بس لميس انعملت ليها وكانت حلوة وفخمة
مكالمه
*#لميس* : الو
*#عصام*: يا مرحب بالغالية
*#لميس* : كيفك
*#عصام* : بخير الحمد لله
*#لميس* : الحمدلله
طيب انا اتصلت عايزه اطلب منك طلب
*#عصام* : انتي تأمري ما تطلبي
*#لميس* : عصام انا ما عايزه اخلي شغلي بعد اتزوج
وحتى إذا جبنا اولاد
انا ما عايزه أخلي شغلي
*#عصام* : بس كده حاضر في حاجه تانيه
*#لميس* : لا سلامتك حبيبي
*( ما انتبهت لمن قالتها )*
*#عصام* : عيديها تاني
*#لميس* : شنو هي
*#عصام* : الكلمه القلتيها اسي
*#لميس* : سلامتك
*#عصام* : ما دي التانيه
*#لميس* : ما قلت شي تاني
مع سلامه وما ادتو فرصة يرد قفلت الخط
*#عصام* : مصيرو يجي يوم وتقوليها لي
فاضل عشرة ايام والعرس
لميس انتقلت بيت لورا
وخلاص ما باقي شي غير الفستان يكمل
طبعا صممت فستان عرسها بي نفسها وكذلك التوب
*#يوم_الزفاف*
فستان الزفاف كان باللون الاخضر الغامق ومححب
معاهو حجاب نفسي درجه الفستان
كان فيه كريستال بالابيض والاسود
ولبست هيلز اسود واكسسوارات فضي
عملت ميكب خفيف جدا مما ادها جمال مبالغ فيه
والحاجة الحلوة أنها كانت طوال سنتين بعد وفاة راشد بتحفظ في القران وختمت المصحف الحمدلله
عصام لما جاء كان هيبه بالبدله
جاء عليها وحضنها وهي حصنتو
وطلعوا
أهل راشد كانوا سعيدين انو لميس قدرت تكمل حياتها
اتعمل ليهم احلى عرس وسافرو المالديف
وبعدها مشو عمرو وجو راجعين السودان
وبعد مرور سنتين لميس جابت احلى بنوته
وسمتها على ام عصام
وبعدها بي سنتين جابت ولد
والمرة دي عصام سماهو راشد
منذر نال جزاءه وانعدم شنقا بعد اسبوع
يعني في نفس يوم مروق لميس من المشفى
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
"*احببتك رغم الظروف التي كنت فيها رغم انني قلت لقلبي لن احب مرة اخرى انت جعلت قلبي ينبض بالحياه مرة احببتك بصدق واخلاص وانت الان ملاذي الأمن عوضتني عمن خسرته ولكن مازال ظله الجميل يلاحقني*"
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
النهاية ♥️🥰
فتكم بعافي نتلاقى في رواية جديدة
*صلوا علي خير الانام*
*النهـــــــــــ Lwana ــــــــــــــاية*
*#سرالختم_0121045450*
*#للتنسيق_والنشر*