الرابع الجزء الثاني
*#احببته_رغم_الظروف* ✨♥️
*#الجزء_الثاني*
*#Part_No 《 04 》*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
تعبت من الحكايه بكم لسان
حأكمل بلساني انا الكاتبه
*#مناره* :..........09
لميس ضربت وادها اول مرة مشغول تاني مرة برضو مشغول
*#من_جهه_منذر*
كان في اجتماع وطلع منو معاهو عوض ولورا
كان بتكلم مع امو وبعد
خلص مكالمتو لاحظ للرقم الضارب ليهو اكتر من مره
رجع فيهو
لميس فصلت ورجعت ليهو هي
*#لميس* : الو معاي منذر
اول ما سمع صوتها حس بي سعاده عامراهو
*#منذر* : اهلين ايوا معاك منذر
*#لميس* : عرفتني
*#منذر* : في زول بنسى نفسوا
انتي لميس
*#لميس* : ايوا وانا عندي ليك سؤال
*#منذر* : اتفضلي
*#لميس* : انت لسه بتحبني وعايز تتزوجني
*#منذر* : اي اي انا بحبك اكتر من نفسي
وعايز اتزوجك وتبقي حقتي الليله قبل بكره
*#لميس* : طيب تمام انا موافقه انك تتزوجني بس عندي شرط
*#منذر* : موافق من دون ما اسمع حتى شرطك شنو
*#لميس* : لما نتقابل حتعرف مع سلامه
*#منذر* : طيب مع السلامة
*#لميس* : شباب
احمد عاين ليها وعصام كان ساكت وبحرك في رجلو ومنار
*#لميس* : شباااااااب اسمعوني في خطه عاملاها في راسي
وبدت تحكي ليهم خطتها
حنعرف الخطه في وقت تاني
*#عصام* : انا معاك
*#أحمد* : وانا برضو
*#منار* : انا معاك وفي زول انا بعرفو برضو حيقول انا معاك
مناره طلعت تلفونها وضربت في رقم
ما أخد طويل عشان يرد عليها
طلع صوت راجل وهو بقول : كنت منتظر مكالمتك على أحر من الجمر
*#لميس* : خالد
*#خالد* : ايوا انا
اولا عايزك تعفي لي يا لميس انا كنت سبب في موت راشد
*#لميس* : بصفي حسابي معاك بعدين وانا عافيه ليك يا خالد
بس عايزك تحكي اي شي عن منذر من طق طق للاسلام عليكم
*#خالد* : ما بالتلفون
جاين السودان متين
*#أحمد* : اسبوع وبنكون هناك
*#خالد* : تعالوا لي في بورتسودان
*#لميس* : تمام خلال يومين بنكون هناك وبننزل الخرطوم من هناك
*#خالد* : ان شاء الله
*#كلهم* : مع سلامه
قفلت الخط
منار كانت عاوزه تستأذن منهم عشان تمشي لكن لميس اصرت انها تقعد معاهم الاسبوع ده
وأصلا كده كد هي كانت ما نزلت في فندق والوقت اتأخر
المهم مر الاسبوع وناس لميس رجعوا السودان ونزول في بورتسودان واهلهم ما عارفين على اساس حيرجعوا بعد اسبوع ونص
مناره ولميس مشو لبيت خالد وعصام واحمد كانوا ماشين لفندق
تررررن تررررررن
سما (مرت خالد ) : فتحت الباب
اهلين لميس ومناره نورتو البورت
*#الاتنين* : بنورك
دخلوا وخالد كان مستنيهم واتكلم
وصراحه لميس كانت زعلانه من خالد بس حاولت تتماشى
خالد حكى ليهم الحصل كلووو لميس رغم عنها بكت بس مسحت دموعها لمن خالد طلع تلفونو ووراها اخر لحظات لي راشد
وابتسمت لمن سمعت اخر جمله قالها
*( أسف حبيبتي ما قدرت اتزوجك لكني حأفضل احبك أشهد ان لا اله الا الله وأن محمدا رسول الله وداعا يا دنيا 💔 )*
*#خالد* : صدقيني ما كنت قايلو حيقتل راشد
افتكرت انو بس عاوز يخفيه لغايت ما ينتهي اليوم او اسبوع ويرجعوا
قبلت على خالد
*#لميس* : انت انت كان ممكن تمنع منذر
كان ممكن توقفوا
بس لا فضلت ثابت في محلك
منذر قتل راشد قدام عيونك
عموما يا خالد شكرا ليك على كل المعلومات دي ومع سلامه
ما حداعيك عشان عندك اولاد وانا عافيه ليك
لكن ما دايره اشوف وشك تاني
*#مناره* : في نقطه غريبه انت زكرتها
وانا ما كنت منتبه ليها
فعلا منذر بتغير بعد الساعه اربع عصرا
*[ منذر بعد الساعه اربعه عصر بتحول لي مهوس اذا شاف شي بئذي الشي البحبو وبجن وبعمل اسوأ من كل ما نتخيلو ]*
*#لميس* : طيب يلا نمشي
*#مناره* : ارح
طلعوا منهم ومشوا الفندق
لميس اول ما دخلت غرفتها وقفلت الباب غيرت ملابسها ورقدت في السرير وبقت تبكي من كل الوجع الحاسه بيهو
من انو كيف صديق يخون صديق عمرو بالبساطه دي
قضت لليلتها ديك بكى ونامت وهي ما عارفه كيف
تاني يوم نزلت للفطور وطلعت
واخيرا جاء وقت عودتهم
في
** مطار الخرطوم في الساعه ال 00 : 7 ص
وصلوا
وكل زول ركب عربيتو ومشى على بيتو
بعد تبادل السلام ✌️ على ناس البيت
لميس دخلت غرفتها وغيرت هدومها
مباشر مرقت مشت الشركه
في مكتب مستر ضياء
دق دق دق
*#ضياء* : اتفضل
*#لميس* : مرحبا 👋
*#ضياء* : اوووو لميس نورتي والله ليك وحشه
*#لميس* : بنورك والله
لسه في مكان للعمل لي
*#ضياء* : عيب عليك مكانك محفوظ من يوم سافرتي
والسكرتيره ورتني انك كنتي بترسلي التصاميم اول بأول
وكويس انك جيتي
في شركه كويتية طلبت مجموعه من التصاميم لحفلهم بعد شهر وكم وعشرين يوما
طالبين بدل وفساتين ومجوهرات واحذيه
*#لميس* : بس كده سهل جدا
اسبوع وبكون عندك كل التصاميم
وبجهز العرض
*#ضياء* : تمام لكن اسبوع ما قليل
*#لميس* : انا قلت ليك اسبوع يعني اسبوع
وان شاء الله بسلمك قبلها
*#ضياء* : طيب فيك تمشي مكتبك في اول الممر على يدك الشمال
لميس مشت مكتبها وشافت الورق المكتوب فيه كل التفاصيل
وبدت شغلها
خلصت اول حاجه البدل ووقفت مشت فطرت
وودت التصاميم حقت البدل لي مستر ضياء
الساعه عملت تلات استاذنت وطلعت
ركبت عربيتها واتوجهت على مكان لبيع الألعاب
جابت العاب كتيره ومشت ميتم كانت طوالي هي وراشد يجوهو
اول ما دخلت الأطفال اتلمو عليها وجو حضنوها
هي كانت بتلعب معاهم وبتونسهم
طلعت ومعاها عاملتين من الميتم جابو الألعاب ووزعوها
ومشت اتبرعت لمديرة الميتم بمبلغ كبير
وطلعت ودعت الأطفال 👶
ومشت من هناك لمستشفى لغسيل الكلى ومرضى السكري
دخلت جوا سلمت على المرضى 😷 واتونست معاهم وشافت اخبراهم
بعدها دخلت المكتب حق المدير
برضو اتبرعت وطلعت ودعت المرضى وفي منهم الدعو ليها
الساعه عملت 30 : 7 مساء رجعت البيت
اتغدت وصلت المغرب والعشاء ورقدت نامت
او بالاصح حاولت تنوم بس النوم ما كان بجيها
كانت بتفكر في الحيحصل شنو لي قدام
*#بجهه_منذر*
كان يفكر فيها وبعاين في الحيطه المليانه صورها
مافي حاجه في الغرفة القاعد فيها غير صورها
حتى في السقف
كان بيفكر فيها وكل مره بعاين في صورها
وكان في صوره معلقه في الحيطه كبيره اكبر من كل صوره موجوده
صوره معلقه باطار ذهبي
كانت بتضحك وعيونها الرمادية ظاهر عليها الحزن
*( يوم الكرامه الكانت حقت ابوها وزوج عمتها صورها خالد من غير ما تحس ورسل الصورة لي منذر كبرها )*
*#منذر* : قريباً ستنتهي الحكايه يا ملكة قلبي ❤️🔥
قال كلامو وطفى الضوء وطلع من الغرفة مشى نام
*#نرجع_لي_لميس*
كانت قاعدة في نص السرير ولما غلبها خلاص قررت تقرا رواية
قراتها كلها الساعة عملت 1:30 ص وهي ما نامت
بقت تستغفر
وهي بتعمل كد شافت باب غرفتها بفتح وكانت دي امها
*#غزل* : انتي ليه صاحيه
*#لميس* ضحكت : ههههه نفس السؤال
انا اصلا ما بنوم يا امي
*#غزل* : بتين حتنومي يا بت
انا اشتقت اجي اشوفك القاك نايمه
*#لميس* : ان شاء الله قريب يا امي بس ممكن طلب
*#غزل* : تأمري مشى طلب
*#لميس* : ممكن ارقد في حجرك اليوم
غزل بدون ما ترد جات لي لميس وطلعت جمبها في السرير وبقت تمسح بي يدها بكل حنيه على راس لميس
لما لاحظت انو لميس نامت .
*" همست وهي بتقول واخيرا "*
بعدها صلحت رقدة لميس وطلعت
مرو يومين ما فيهم شي يزكر
خطط لميس كانت ماشه في امان الله
ومنذر منتظر بفارق الصبر متين تقابلو
وجاء اليوم المنتظر
اليوم الحينتهي زي ما بدا كل شيء
في البارت القادم انتظرونا
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*يتبــــــــــــ Lwana ــــــــــــــع*
*#سرالختم_0121045450*
*#للتنسيق_والنشر*