العاشر نهاية الجزء الاول
*#احببته_رغم_الظروف* ✨♥️
*الجزء الاول*
*#Part_No 《 10 》*
*الاخيرة*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
*#منذر* قبل سنه من الان كان كويس
نفسيا وعقليا لكنه من هو صغير والده كان بضربه بطريقة مؤلمة
وبضرب والدته معاه
وفي يوم قرر انو يهرب
هو وامو من البيت
وكان اول زول
لجأوا ليها لميس
مكالمه قديمه
*#منذر* : الو لميس
*#لميس* : اهلين منذر
*#منذر* : كيفك
*#لميس* : بخير الحمدلله انت كيفك
*#منذر* : بخير الحمدلله
لميس ممكن طلب
*#لميس* : اتفضل
محتاج مكان ابيت فيهو انا وأمي اليوم
بس لحدي ما ألقى فندق
*#لميس* : ليه طيب
*#منذر* : لميس انتي بتعرفي أبوي وانا تعبت
وفاض بي
وامي يا لميس ما ممكن
كل يوم اجي القى جسمها وارم
*#لميس* : طيب تعال لي في البيت وبعداك
بنلاقى حل
*#منذر* : طيب مسافه السكه
*#بلسان_لميس*
منذر اتصل علي وكلمني قلت لي جيب
امك وتعال بعد قفل مني
وسألت
احمد من الشقه القديمه
*#أحمد* : لشنو السؤال
حكيت ليهو القصه
*#احمد* : طيب بساعدك لكن يا لميس
انا خايف يحصل ليك شي
*#لميس* : ما تخاف اختك قويه
المهم لميس ساعدت منذر وكان
الوضع كويس وتقريبا مرت تلات شهور كانوا قاعدين في أمان الله
لغاية ما في يوم ابو منذر لقاهم وضربهم
ضرب مبرح لحدي ما ودو منذر المستشفى لانو كان عندو نزيف داخلي حاد
وطول الفتر الكان قاعد
في المستشفى كانت لميس معاهو
وبتساهر معاهو واهتمت بي امو واختو وهي ما كانت عارفه انها بتولد
في الحب في قلب منذر
بعد ما اتعافى
والد منذر اتسجن وانتحر داخل السجن مما خلى منذر حالتو النفسية
تدهور
نعم هو كان بضربهم بس
كان برضو بعاملهم بطريقة كويس وكان بحبهم
اتغير عليهم لا سباب لا يعلمها إلا الله وهم ما عارفين السبب
وللاسف الفتره ديك منذر بقى بشرب مخدرات لغاية ما دخلوه
مصح لي فتر وبرضو لميس ما خلتو
كانت بتزور منذر بدافع الصداقه وانها
معتبراه أخوها
بس منذر كان شايف غير
كان شايف حبيبتو وهوسو لغايات ما
بقي مهووس بي لميس
وللاسف لميس ما كانت متقبله حبو
وده الخلى منذر يجن ويبقى مهوس زيادة
والباقي كلنا عارفينو
نرجع للزمن الحاضر
*#عبدالرحمن* : هممم بما انو فهمتني
ما حنلف وندور كتير وأعرف كل الكلام
الحتقولوا هنا حيستخدم ضدك
*#منذر* : انت قلت ما حنلف وندر كتير
انا القتلت راشد ومعترف بي جريمتي
*#عبدالرحمن* : *( كان مستغرب جدا في منذر )*.
انت ليه قتله
*#منذر* : 😂 ببساط لانو كان حياخذ شي بخصني
لميس بتخصني انا وانا
ممكن اقتل واعمل اي شي عشان هي تحبني انا وما زول غيري
*#عبدالرحمن* : انت مجنون
*#منذر* : مجنون بحبها
*#عبدالرحمن* : ده ما حب ده هوس
والمهوس ممكن يأذي الزول البحبو
وانت اذيت لميس
لو بتحبها بالجد ما
كنت حترضى انها تزعل
*#منذر* : بس هي رفضتني كتير وفي
نفس الوقت اهتمت بي
*#عبدالرحمن* : شوف لو اتعاونت معاي
ممكن تتخف عقوبتك من الاعدام للمأبد
وممكن هم يعفو عنك بعد كم سنه اذا سلكوك كان كويس في السجن
*#منذر* :
*#عبدالرحمن* : شوف انت من حقك تعين
محامي
*#منذر* : من حقي اتصل مكالمة
بعدها انا حأعمل الانتوا عايزنوا
*#عبدالرحمن* : ده حقك الطبيعي
اتفضل وطلع خلاهو براو
منذر اتصل على لميس وسبحان الله
من تاني جرس ردت
*#لميس* : الو
*#منذر* : لميس كيفك
*#لميس* : كويسه الحمدلله وانت
*#منذر* : انا بخير ممكن طلب سريع انا في
القسم
*#لميس* : في القسم خير الحاصل شنو
*#منذر* : ما بقدر احكي ليك على التلفون بس ممكن تجي بكرا تقابليني
محتاجه اكلمك بشي ضروري جدا جدا
واهتمي بي امي هي اسي براها في البيت
بكره مري عليها لحدي ما
اطلع
*#لميس* : طيب طيب يا منذر ما تخاف خالتو
في أيدي امينا
بكره بجيك
*#منذر* : عارفك ما بتقصري
*#لميس* : على شنو مع سلامه خلي بالك من نفسك
*#منذر* : وانتي كمان مع سلامه
صباح تاني يوم
لبست وكلمت ناس امي اني حأتأخر وطلعت
كنت عاوزه اركب الموصلات
*#عبدالله* : يا لميس تعالي دقيقه
مشينا الكراج ولقيت في عربيه مغطية
رفعت منها الغطى وكانت برادو سوداء موديل السنه
*#لميس* : دي حقت منو
*#عبدالله* : حقتك انتي
*#لميس* : حقتي انا بابا انت بتهظر
*#عبدالله* : ما بهظر اشتريتها الاسبوع
الفات عشانك وعشان ما تتعبي في الموصلات
واحمد ما بقدر كلو مره
يوديك ويجيبك
*#لميس* : يا سلام حلو شديد شكرا شكرا
شكرا 😘😘😘
*#عبدالله* : خلاص حتتاخري على
شغلك
*#لميس* : يلا مع السلامه وبوستو في راسو
اول محل مشيت ليهو بيت منذر
*#منى* (امى منذر) : اهلين يا بتي كيفك
*#لميس* : كويسه يا خالتو الحمدلله وانتي
*#منى* : بخير الحمدلله
منذر كلمني بالحصل
*#منى* : دايره امشي ازورو
*#لميس* : يا خالتو خليكي هنا انا بمشي و
بجي بطمنك عنو + اهتمي بي نفسك
انا حأ كلم مناره
*( اخت منذر )*
تجي تبيت معاك اليومين ديل
مع سلامه وخلي بالك من نفسك
*#منى* : وانتي كمان يا بتي وطمنيني عليك الله
*#لميس* : حاضر
طلعت منها مشيت للقسم
في القسم
دخلت ولقيت عبد الرحمن
*#عبدالرحمن* : السلام عليكم ورحمة الله وبركاته
*#لميس* : وعليكم السلام ورحمة الله
خير مالكم قبضوا منذر
*#عبدالرحمن* : افضل انك تسمعي من منذر نفسو
هو مستنيك في الغرفه على يدك اليمين
*#لميس* : طيب
دخلت وانتظرت مسافه زي خمس دقايق حتى جابو منذر .
مرحبا
*#منذر* : اهلين كيفك
*#لميس* : بخير الحمدلله وانت
*#منذر* : حأكون كيف هنا بس الحمدلله
*#لميس* : الحمدلله + خير مالك هنا
منذر اخد نفس عميق بعدها بدا يحكي من بداية حبو لغاية السبب الجابو هنا وهو~قتل راشد~
وهنا كانت كل ملامح الصدمه والحزن مرسومه على وشي
*#لميس* : ا ... انت .... انت القتلت راشد
*#منذر* : اي
*#لميس* : منذر انت انت ليه عملت كده
*#منذر* : عشان بحبك
*#لميس* : انت ما بتحبني لا انت مجنون 😠
*#منذر* : عارفك مصدومه من الكلام االقلتو ليك بس
قاطعتو
*#لميس* : ما بس و لا شي انت لو بتحبيني ما كان قتلت راشد الكان في يوم صحبك واخوك انت ما بتحبني
منذر فجأة اتنفض من الكرسي الكان قاعد فيهو وقرب علي وخنقني بكل ما عندو من قوة
وانا بحاول ابعدوا عني
كان بقول
*#منذر* : ياخ كرهتينا راشد راشد راشد
راشد انا القتلتو وبقتل عشر زيو
عارفه ليه لانو انا بحبك بعشقك بعشق التراب الانتي بتمشي فيها ...........*( بنعرف في الوقت المناسب)*
*#لميس* : منذر م ..... نذر
*#عبدالرحمن* : فك البت حتموت
*#منذر* : رجع لحالتو الطبيعية وفك لميس
الكانت على وشك انها تفارق الحيآه
*#لميس* : كح كح كح كح .........
عبدالرحمن طلعها برا وخلاهم يجيبو ليها مويه
*#عبدالرحمن* : انتي كويسه
*#لميس* : اي
*( بتاخد في أنفاس )*
*#عبدالرحمن* : متأكده
*#لميس* : هزيت راسي بمعنى ايوا
*#عبدالرحمن* : افضل انك ترجعي بيتك حاليا
*#لميس* : سيدي ممكن طلب
*#عبدالرحمن* : اتفضلي
*#لميس: منذر ما تعملوا ليهو شي
*#عبدالرحمن* : 🤨 ما فهمت قصدك
*#لميس* : منذر مريض نفسي وعندو اكتأب وانفصام في الشخصية
*#عبدالرحمن* :
*( قعد قعدت ناس الكور ديك)*
شوفي يا لميس انا محترم فكرة انك خايفه عليهو بما انو صديقك
بس ده ما يمحي ان هو قتل راشد والكان مفترض يكون زوجك
*#لميس* : ..... عبد الرحمن جلسه المحكمه بتين
*#عبدالرحمن* : بعد اسبوع من اسي
*#لميس* : نتلاقى هناك
*#عبدالرحمن* : مع سلامه
ما ردت عليهو وفاتت
*#عبدالرحمن* : دخل كمل شغل
** عند منذر عاين لي يدو الكان خانق بيها لميس بعدها بقى بشم في ريحه عطرها الاتلصق بيدو
*( ما قلت ليكم مجنون 😠 )*
من جهه لميس رجعت البيت طوالي
لما دخلت امها استغربت
*#غزل* : لميس موش قلتي حتتاخري
*#لميس* : تعبت حبه فقلت احسن ارجع
*( طبعا صوتها متغير )*
*#غزل* : سجمي صوتك مالو
*#لميس* : ما عندي شي تعب بسيط
ودخلت غرفتها طوالي عشان امها ما تسأل كتير
طبعا لما مرقت طرحتها كانت رقبتها محمرة
وظاهر عليها انها مخنوقه
دخلت استحميت وطلعت لابسة بجامه الفلينه حقتها بتغطي رقبتها
طلعت وقالت لي اموانه
*( الشغاله حقتهم )*
تخت ليها اكل
*#اموانه* : حاضر مدام لميس
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*نهــــــ Lwana ـــــــاية الجزء الاول*
*#سرالختم_0121045450*
*#للتنسيق_والنشر*