التاسع
*#احببته_رغم_الظروف* ✨♥️
*الجزء الاول*
*#Part_No 《 09 》*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
دايره انوم كده رقدت في سريري كان في صورة في الكومدينو حقت راشد اشتقت ليك
كانت في سفرتو الاخيرة لي دبي
كان واقف فوق البلكونه
كان لابس بنطلون اسود من نايك وفلينه رياضيه بيضاء برضو من نايك والجزمه اديداس نفس لون البنطلون أخخخخ منك يا حبيبي
كُنت نفسي اشوفك اخر مره قبل ما تموت الحمدلله على كل حال
غمض عيوني بعد ما مسحت الدمعه الساخنة النزلت فوق خدي ونمت
*#بلسان_عصام*
_ رجعت البيت بعد يوم متعب دخلت سلمت على امي في راسها وبعدها اخدت لي دش وغيرت ملابسي ورقد في السرير
ماهي الا دقايق وغطيت في نوم عميق
*#بلسان_منذر*
_البت دي عايزه تتجنني ياخي
لي بترفضني
انا بحبها والله بحبها
انا مستعد اقتل العالم كلو عشانها
أخخخ انا منها ومن جمالها
*( كان بركض في الإله حقت الجري ديك عرفتوها وبرغم من انو كان متعب ذاد السرع وقف بعد سمع صوت أمه )*
*#ام_منذر* : يا ولدي كفايه عاين جسمك ماشي مويه
*#منذر* : حاضر يا امي
نزلت من الاله وشلت لي ملابس دخلت الحمام استحميت وطلعت اكلت لي حاجة خفيفة ونمت
طيب نوصف شكل منذر وعصام
طبعا منذر وعصام اولاد عم
*#منذر*
حلبي طوله ١٧٥ سم معضل على الخفيف خريج إدارة أعمال لونه قمحي نضيف عيونه سوداء زي سواد الليل وشعره اسود لامع في عمر لميس
ملامحه بتوحي بالهدوء حواجبه غزيرة وعيونه النوع الناعس داك بنيتو العضلية متوسطة
انفو حاد وذكي بس للاسف ذكاءه ما للخير
بلعب ملامكة
*#عصام*
اطول من منذر ١٨٠ سنت عمره معروف اسمراني شعرة بني اللون وسبيبه يهبل بس معضل لمن غلط
عيونه عسليه
ملامحه بتوحي بالعصبية بس هو طيب لمن غلط
حواجبو حلوة ورموشه غزيرة
عنده دقنه ومرتبه بشكل حلو
سباح ماهر ولاعب كراتيه ذي لميس بس هو حايز على الحزام الاسود
*#بلسان_لميس*
صحيت مع المنبه قمت استحميت وصليت فتحت المصحف وبديت اقرأ في سوره البقره لغاية ما كملتها
قفلت المصحف وقمت من المصلايه فتحت الدولاب طلعت لي لبسه رياضيه واسعه ونزلت تحت
لقيت احمد برضو طالع يتريض
*#أحمد* وهو رافع حاجبو بأستغراب : ماشه وين
*#لميس* : دايره ارجع للرياضه ومن بكره حأكمل في تدريبات الكراتي
*#أحمد* : خلاص شيلي مويه وارحكي
*#لميس* : دقيقه بس
فعلاً مرقنا وصلنا المدينة الرياضية ومشينا على مسارات الجري وبدينا بالجري أنا وأحمد مع انو لي زمن ما جريت
لكني كنت اسرع من احمد
*#أحمد* وهو بقعد في الأرض : كفايه انا تعبتي
*#لميس* : يادوب لفينا خمس لفات وانت تعبت 😂
*#أحمد* : ما اتعب رجليني قالوا ليك موتور
*#لميس* : خلاص أمشي اقعد انا حميتك
صوت رنه تلفون
*#أحمد* : الو اي يا حاج معاي مرقنا نتريض
خلاص خلاص بنجي بعد ساعه نغير ونلحقكم هناك
*#لميس* : خير إن شاء الله
*#أحمد* : مافي شي أمي فتشت عليك و قالت لي الحاج يدق لي
*#لميس* : أوكي ونلحقهم وين
*#أحمد* : انتي ناسيه انو الليلة عمتك خالده عندهم كرامه
*#لميس* : صح صح اتزكرت كرامه عمو عثمان
خلاص خلينا نمشي نجدد تسجيلي في التدريب ونرجع
مشينا جددنا تسجيلي وأحمد سجل في السباحه والكوره
وانا سجلت معاه في السباحه ورجعنا
دخلت استحميت وطلعت فستان بترولية وطرحه سودا هيلز اسود واكسوروات بالاسود سرحت كعكه فوضيه
ولب قلوس شفاف وكحل
طلعت لاحمد قميص بالبترولي وبنطلون جينز أسود طبعا مع لونه درع 🤤
*#أحمد* : اوووواوو العسل جاي من وين
*#لميس* : من حمودي حبيبي طالعه حلوة ؟
*#أحمد* : قمر 🌚 بس ماشالله اتحصني
*#لميس* : وانت كمان يلا عشان ما نتأخر بكون مستنيننا وزهجوا
*#أحمد* : ارح ارح
قفلنا البيت كويس ومشينا على بيت عمو عثمان جيبناهم معنا
*#لميس* : عمتو سوسن الجميلة مالك زعلانة
*#سوسن* : بس مشتاقه لي راشد لو كان معانا كان فرح اسي
*#لميس* : هو في مكان احسن من هنآ
نعم هو غالي علينا بس ما غالي عن ربنا
ونحن ما علينا غير الصبر والدعاء ليه بالرحمه
*#سوسن* : أن شاءالله
بعدها بقينا ساكتين لحدي ما وصلنا المزرعه العاملين فيها الكرامة
*" كنا نحن وناس عمتو سوسن وناس عمتي خالده بي اولادها يلا الضيوف كانو جزء من أهلنا ومعاهم اصدقاء عم عثمان وأصدقاء بابا يلا برضو عمو عثمان ( راجل عمتو خالده ) بشتغل تاجر ذي بابا وهو وبابا مشتركين في مخبز حق حلويات وعيش واصحبنا نحنا "*
*#عمرو* : الله الله شوفوا الحلاوة دي كلها
وكمان احمد نفس الالوان
*#غزلان* : الفستان حلو حلوه شديد بس لي ما عامله ميكب
*#تغريد* : الدنيا حر تعمل ميكب لي شنو واصلا هي جميله من غير ميكب
*#لميس* : ده شنو الهجوم العسكري ده براحه
أحمد جا داخل كلهم بقوا بعيانوا فيه
وانا انسحبت بديت احضر مع أمي وعمتو خالده وعمتو سوسن الحاجات
*#غزل* : لميس نادي البنات عشان تبدوا توزعوا الضيافة
*#لميس* : حاضر يا أمي
*( تغريد غزلان ....)*
ارحكم نقدم الضيافه
*#اسماء* : ونحن ما ضيوف
*#لميس* : لا انتي ناس بيت قومي قدامي
وزعنا الضيافة وجينا قعدنا في الغرفه حقت بيت المزرعه
*#اسماء* : ماشالله تبارك الله ضيوفكم كتار
*#تغريد* : وخدمتهم متعبه
*#لميس* : شديد ياخ ومتعبين
*#غزلان* : لميس قالوا ليك تعالي انتي ولمى عشان تمشوا تجيبوا باقي الحاجات من بيت عمتو خالده
*#لميس* : اخخ
تمام ارح يا لمى
*#لمى* : انا ما بقدر والله سوقي غيري
*#تغريد* : انا بمشي أصلا محتاجه اشيل لي ملابس أغير
*#لميس* : تمام ارح
مرقتا لقينا مجموعة من نسوان اهلنا سلمنا عليهم ولمن جينا مارقين سمعت واحده من النسوان هندي ليها الكلمتك بيها
يوم عقدها راجلها قتلوا بطريقة پشعه
ردت عليها كر علي
شكلها نحس معني كده
لكن النصيحة لله هي كمان جميلة جمال
قالت لكن الجمال يسوو بيه شنو طالما راجلها مات يوم عقدا
كلامهم كان زي السم علي
بس مشيت الموضوع وسكت
مشيت شلت من احمد المفتاح ومرقنا
تغريد برضو سمعت الكلام بس ما نطقت معاي بي حرف
وصلنا بيت عمتو خالده وأصلا كانت مجهزة الحاجات
شلناهم وديناهم العربية وتغريد رجعت جوا عشان تغير وتجيب معاها ملابس للكل
حرفيا الكلام ما طلع من بالي
تغريد جات وحرفيا مزاجي انقلب 180 درجه
كنت معكرة
الكرامه كانت فطور يعني قريب للضهر حتى خلصنا والضيوف بدو يمشوا
اصلا ناس بابا استأجر المزرعه يومين
الساعة 8 م
طلعت غرفتي غيرت هدومي وفتحت تلفوني
وفتحت واحد من صور راشد
*" لو كنت هنا لما استطاع أحد أن يتكلم عني 💔 لكنها حقيقة أنا نحس على الجميع ليتك اخذتني معك انا لم اعد اتحمل هذا الكلام القاسي "*
وانفتحت دموعي
بكيت لمن زهجت وانا ضامه البطانية علي
طق طق
*#احمد* 😂😂 : تعالي شوفي عمرو عامل كيف
😳😳 مالك بتبكي
*#لميس* : أنا مافي شئ بس في حشره دخلت عيني
*#أحمد* : ما علي انا مالك بتبكي جاوبي
*#لميس* : احمد مافي شي دقايق وأكون معاكم
*#أحمد*
*" عارف في زول ضايقك بالكلام وعارفك عنيده ما حتورني زعلانة لشنو لكن بعرف "*
: طيب في انتظارك
احمد وبالو مشغول نزل تحت نادى تغريد على جنب
*#أحمد* : تغريد من قبيل لميس مزاجها معكر حصل معاها موقف اليوم
تغريد اتذكرت كلام لميس معاها في العربيه
©® *#فلاش_باك*
*#لميس* : تغريد
*#تغريد* : نعم يا لميس
*#لميس* : ما دايره زول يعرف الحصل
*#تغريد* : لكن يا لميس
*#لميس* : ما لكن حتحصل مشاكل ونحن ما ناقصين اوعديني مافي زول يعرف
*#تغريد* : اذا كان ده البريحك حأوعدك
*#لميس* : تسلمي لي
®© *#نهايه_الفلاش_باك*
*#أحمد* : طق طق سرحانه وين بسأل فيك انا
*#تغريد* : ها ولا شي لميس بس تعبانه
اليوم كان طويل عليها
*#أحمد* : ما علي انا يا تغريد لاهي دايره تتكلم ولا أنتي
*#تغريد* : احمد ما تخاف أختك قويه كل الموضوع أنها تعبانه حبه وبكره عندها مقابلة عشان كده
*#أحمد* : طيب تمام حأمشي الموضوع مع اني متأكد انكم مخبين شئ ع ....
*#لميس* : ممكن نقفل السيره
التفت هو تغريد علي لميس
*#أحمد* :!!!!ليه نقفله
*#لميس* : مافي شي مهم
كل الموضوع زهجانه من قبيل وقلت اجي اتونس معاكم لكن يبدو مافي طريقه
يلا تصبحوا على خير
طلعت لي فوق وما اشتغلت بي احمد الكان بنده علي
رقدت ومن شدة الزعل نمت طوالي
*#بلسان_أحمد*
" كل تفكيري كان منصب على لميس
لحدي قبل ما يطلعوا كانت مبسوطه جدا
بس فجأة مزاجها قلب 180 درجة من جات
صحيح انه كانت مبتسمة
بس ابتسامه مزيفة "
قضينا ليلنا داك انا والشباب بعدها كل واحد فينا دخل غرفة عشان ينوم
صباح تاني يوم وديت لميس وانتظرت لحدي ما خلصت المقابلة بعدها رجعتها البيت
وكانت على عكس عادتها ساكت
*#احمد* : لميس
*#لميس* : نعم يا أحمد
*#احمد* : انتي ليك يومين هادية زايد عن اللزوم
*#لميس* : لا بس تعبانه يا احمد
*#احمد* : لميس ما علي انا الكلام ده
يا توريني في شنو يا قسما عظما ما بحصل خير
*#لميس* : ما في شي يا احمد كل الموضوع تعب بس
*#احمد* : أنتي مخبيه شي لانك من امبارح ساكته وانا بعرفك لكن عرفت ليك الحل
*#لميس* : الحل لي شنو
ما رديت عليها وفضلت ساكت
بقت تحاول تتكلم معاي رفضت تمام
دخلت جوا شلت كم غيار واتصلت على الحاج
*#احمد* : الو
*#عبدالله* : الو اي يا أحمد
*#احمد* : يا حاج انا ماشي ابيت مع مازن الليلة
*#عبدالله* : لي شنو
*#احمد* : عندنا شغل مفروض نخلصوا ونسلموا
*#عبدالله* : خلاص تمام لكن بترجع متين
*#احمد* : بعد بكره المغرب أن شاءالله
*#عبدالله* : تمام طيب في امان الله
*#احمد* : مع سلامه
طلعت لقيتها قاعده برا
*#لميس* : ماشي وين
*#احمد* : عندي شغل
ماشي لي مازن يومين وبجي راجع
*#لميس* : طيب سلم عليه
*" استغربت من ردت فعلها الباردة "*
*#احمد* : يوصل إن شاءالله
طلعت وركبت عربتي واتحركت على مازن
*#بلساني_لميس*
طلعت غرفتي و جبت كرسي طلعت عليهو لي راس الدولاب ونزلت الصندوق الاسود 🖤
فتحته وكنت خاته فيه
*" جزء من ملابس راشد عطره الساعه الكان لابسها خواتم خطوبتنا صور كتيره ليه ولي معاه جزء من الهدايا الاداني ليها كان كل عيد ميلاد لي بجيب لي هدايا 🩶 "*
اول حاجه عملتها أني شلت واحد من الخواتم والي هو خاتمي ورجعت لبسته
والتاني ختيتو جوا السلال حقي وشلت الساعة ورجعت قفلت الصنودق ورفعته
كنت بعاين للخاتم
الفي سلال وهبشته بطرف أصبعي
بعدها مشيت مكتبي الصغير بديت أقرأ في رواية اسمها ذادي
كانت حلوه شديد بعد قريت منها قفلت الكتاب وشلت قلمي وبديت ارسم فستان زفاف طويل وفاري شديد من صدرو وبطنو
في فيهم كرستال كتير وايدينو كامله
في خطوط متعرجة بالفضي ومن تحت فيها لؤلؤ كتير وخطوط بنفس تشكيلة اليدين بالفضي
ما اخذت وقت طويل لحدي ما خلصت
كانت الساعه يدوب 6
قمت صليت وبصراحه البيت كان هادئ من غير احمد
*#بجهه_احمد* :
مزوني كيفك
*#مازن* : مزوني شايفني بت أنا
*#احمد* : 😂 أي والله واحلى بت كمان
*#مازن* : أمشي شوف ليك جمبه تنوم فيها الليلة 🙂
*#احمد* : تعال تعال ابرد مالك
*#مازن* : رمه حنفضل واقفين كتير ولا حتخش
الوالده دايره تسلم عليك
*#احمد* : يلا يلا دخلت سلمت على خالتو روضه *( ام مازن )* واتونست معاها حبه
بعدها طلعت مع مازن غرفته
*#مازن* : مالك يا أحمد
*#احمد* : 😮💨😮💨 أعمل شنو يا مازن
*#مازن* : في شنو
*#احمد* : لميس اتغيرت شديد بقت هادئه
من يوم الكرامه ما اتكلمت معاي
عارف انا لمن جيت مارق سألتني ببرود ماشي وين
قلت ليها حأبيت عندك ما ادت أي ردت فعل
كل القالتز سلم عليهو وسكتت
*#مازن* : يا احمد لميس اختك محتاجه وقته
الحصل عليها ما هين
*#احمد* : بس يا مازن
*#مازن* : ما بس
احمد انت اكتر زول مفروض الفتره دي تقيف مع لميس
واصبر عليها
نرجع لي لميس
البيت كان هادي شديد وناس امي اليوم مافشين
الغريبة في الموضوع ما كنت خايفه دخلت غرفتي بعد ما اتأكد من ألبيت
قفلت علي الباب كويس
فجأة جاتني رساله من رقم ما عندي ورقم عالمي
*" عايزه تعرفي القتل راشد منو "*
*#لميس* : وعليكم السلام ورحمه الله وبركاته
أيوا
= : هو قريب منك شديد وواحد من اصدقائك
*#لميس* : طيب منو هو
= : دي مهمتك انتي تعرفي بس لو داير تلقي دليل امشي لي ... (....)
*#لميس* : طيب بس انت جبت رقمي من وين
= : ما مهم جبت من وين المهم انو ضميري ارتاح
*#لميس* : شكرا ليك
= : عفوا الرقم ده حيقفل ما تحاولي تتصلي علي لاني حأكسر الشريحة
*#لميس* : بس انت منو
= : فاعل خير
فجأة جاني انو الرقم بقا ما شغال
عرفت انو كسر الشريحة ذي ما قال
اتصلت على لورا كلمتها بالكلام القالو لي الزول ده كلوا
وطلبت تجيني نمشي القسم
طوالي قالت البس واجيك
اتصلت لي احمد
بجهه احمد
جاني اتصال من لميس واتزكرت البوم ناس امي برا
*#لميس* : الو
*#لميس* : أحمد ممكن تحي توصلني
*#احمد* : وين
*#لميس* : القسم تعال سريع وقفلت الخط
*#احمد* : بقا في مليون سؤال في راسي
كلمت مازن وقلت ليهو ماشي مشوار وجاي
*#مازن* : اجي معاك
*#احمد* : طيب ارح
مرقنا ووصلنا البيت وسقناهم وطول الوقت كانت هي ولورا ساكتين
في القسم
عبد الرحيم كان جالس على مكتبه
لغايت ما جاء واحد من الضباط
*#الضباط* : سيدي
*#عبدالرحيم* : خير
*#الضباط* : القضية حقت كابتن الطيار الانقتل قبل شهرين وللان ما لقينا دليل
*#عبدالرحيم* : مالها
*#الضابط* : في شباب برا من بينهم خطيبته وقالت عندها الممكن يفيد القضية
*#عبدالرحيم* : ناديها غرفة الاستجواب
*#الضابط* : حاضر سيدي
*#لميس* : مشيت غرفة الاستجواب
جلست وحكيت للمحقق اي شي
ووريتو الموقع
هو طلب دورية فيها 6 ضباط في سيارة شرطة
وهو وانا ولورا واحمد ومازن في سياره برانا
وصلنا المواقع الكان عباره عن عمارة مهجورة
طلعنا الطابق الثاني ودخلنا الشقه رقم 4 زي الوصف
اول ما دخلنا لقينا كيس كبير أسود
فتحناهو
وفعلاً لقينا المسدس وملابس مليانه دم وشعر
ايوه شعر
المحقق طلب انو يشليو الحاجات دي يودوها المختبر الجنائي
ويكشفوا اذا لقوا بصمات
طلعنا من العمارة ورجعنا القسم
احمد ساق العربية وودانا البيت بعدها دور وفات هو ومازن
لورا باتت معاي
في القسم
*#عبدالرحيم* : التقرير حق المخبر طلع
*#الضابط* : اي طلع وعرفنا انو البصمات حقت زول اسمو منذر علي .....
اما الشعر فطلع حق المرحوم
*#عبدالرحيم* : تمام رسل أمر قبض بحقه
*#الضابط* : حاضر سيدي وطلع خلاه
*#في_منزل_منذر*
كان جالس على الكنبة وبعاين في صورة لي لميس من ايام الجامعه
كانت لابسه في الصورة فستان اسود منقط بالابيض والأصفر ولابسه طرح بيضاء وبتتكلم بالتلفون
هو صورها من غير ما تحس
*#منذر* : هسي العسل دي ما كان مفروض تبكي عشان ود عمه الاهبل
هههههههههههه
كويس اني قتلتو هسي مستنيها تروق حبه وامشي اخطبها
طق طق طق
منذر مشى على الباب
*#الضابط* : انت منذر علي .....
*#منذر* : 🤨 ايوا يا جنابو في شي
*#الضابط* : انت متهم بقتل راشد عوض وفي مذكر باعتقالك
*#منذر* : ممكن اشوفها
*#الضابط* : تفضل
منذر شال المذكر قراه بعدها
*#منذر* : دقيقة بس
دخل كلم امو انو الشرطه تحت محتاجينو في القسم برجع الصباح
وطلع مع الشرطة
وصلو القسم و دخلو غرفة الاستجواب
*#عبدالرحمن* : مرحبا
*#منذر* : هم هههه
*#عبدالرحمن* : 🤨مالك بتضحك
*#منذر* : ما تحول كتير انك تكون لطيف او بمعنى اصح متصنع اللطف
*#عبدالرحمن* : هممم بما أنو انت فهمتني ما حنلف وندور كتير
*#بلسان_الكاتبه*
ملحوظه صغير منذر عندو مرض نفسي اللي هو الهوس وانفصام في الشخصية
بمعنى اصح انو لمن يكون في الحالة الثانية الهوس والجنون البنتابو تجاه لميس ممكن يعمل اكتر من العملو في راشد حنعرف الباقي البارت الجاي
فتكم بي عافية
وكل سنة وانتوا طيبين 🌹🥰
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*يتبــــــــــــ Lwana ــــــــــــــع*
*#سرالختم_0121045450*
*#للتنسيق_والنشر*