الثامن
*#احببته_رغم_الظروف* ✨♥️
*الجزء الاول*
*#Part_No 《 08 》*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
ده ده ما كان راشد
ده واحد تاني شعرة كان مقصوص
وفي طلقة في نص راسو
كشفت عن صدرو وبطنو كان جسمو ملان كدمات ومضروب ضرب مبرح
اصابعينو مقطعه واضاافرو مقلوعه
منظر جثتو كان بخوف شديد
غطيتو بسرعه
*#لميس* : عمل شنو للقتلوه عشان يعملوا فيه ده كلو
اااه عمل شنو عشان يموت بالطريقة البشعة دي
ليه بس حصل فيه ده كلو ليه
بقت بتتكلم ومنظر جثتو بتردد في رأسها لحدي ما جات واقعه
واحمد طلعها ووداها غرفتها
*#فلاش_باك*
قبل موت راشد بيوم واحد
كان طالع من المكتب حق الشغل بعد ما أخد أجازه عشان بجهز للعرس
كان فرحان شديد
بعدها حس بي مسدس مختوت على راسه من وراء
وجاء شاب من قدامه خت منديل فيه ماده مخدرة
بعد ساعه صحي ولقى نفسو في مستودع وخشمو مقفول ويدينو . ورجليه مربوطين
*#منذر* : أخيرا العريس الكسلان صحي هههههههههههه
*#راشد* بتكلم بصعوبة : منذر ده أنت
هظارك تقيل
*#منذر* : توتو تو تو تو مين قال انا بهظر
*( مشي عليهو وفتح خشمو )*
*#راشد* : قصدك شنو
*#منذر* : تتوقع تأخذ مني حبيبتي قلبي وعقلي وانا أقعد اتفرج لالا لالا
*#راشد* : منذر انا ما فاهم شي
بعدين دقيقه دقيقه قصدك لميس .
*#منذر* جا على راشد وادهو بوكس 👊 : اياك تنطق اسمها على لسانك
ووقع فيهو ضرب
وراشد ما قادر يدفع عن نفسه عشان هو مربوط
تاني يوم منذر قتل راشد بمسدس
اخر كلمات قالها راشد قبل ما يموت
*#راشد* : أسف حبيبتي ما قدرت اتزوجك لكني حأفضل احبك
أشهد ان لا اله الا الله وأن محمدا رسول الله
وداعا يا دنيا 💔
بعدها منذر رمه جثة راشد بعد ماعمل فيه العملو في مكب جنب مركز الشرطه
صباح تاني
*( يوم العقد زاته )*
جاء واحد من ضباط الشرطة يرمي الأوساخ لقى الجثه والأوراق الثبوتية حقته وتلفونه
واول رقم لقاه رقم والده
واتصل عليه وكلمو
*#نهاية_الفلاش_باك*
كُنت كلما اتذكر منظر راشد بزيد في البكاء
مرت ساعات وانا قاعده وضامه رجلي علي
وكل مره بزيد في البكاء لغاية ما سمعت صوت الباب بدق
كانت دي أمي
ما كُنت عاوزه أفتح حتى ما قمت من حتتي
عاينت للباب ورجعت في حالتي
*#غزل* : يا بتي أفتحي لي الباب ما تقطعي قلبي عليك أفتحي الباب يا لميس
*#أحمد* : لميس أفتحي الباب من الصباح ما أكلتي شي تعالي أكلي
*#لميس* :هههههههههه أكل أكل كيف وحبيبي جيعان
أمشو خلوني أنا ما دايره شي غير اتكلم مع راشد 😭😭😭😭😭
*#غزل* : يا بتي انا لله وانا اليه راجعون
ربنا يرحمه كلنا زعلانين على فراقه بس لازم نصبر وندعي ليهو
*#لميس* : أمي احمد خلوني انا ما دايره شي حالياً
*#غزل* : كيف نخليك يا بتي أفتح الباب بس
*#لميس* : كررت بصوت عالي وغاضب خلوني في حالي
أحمد مسك أمي وقال : ليها يا أمي خليها ومشوا من جنب غرفتي
أنا قمت من محلي وفتحت الدوش وقعدت تحته
كنت حاسه بي الم كبير
بالم عروسه تفقد زوجها قبل دقايق بس من العقد
الم حبيبه تفقد حبيبها قبل ما يكملوا حبهم بالحلال
بت عم تفقد ود عمها واخت اخوها بعد ساعة
حسيت بي باب الغرفه بفتح و اظنه كان احمد لاني سمعت صوته
بس ابيت امشي عليه
فضلت في حتتي لحدي ماجاء داخل الحمام وطلعني من تحت الدش وقفلو
*#احمد* : انتي مجنونه
البرد يقتل برا وانتي ماليه نفسك مويه هنا
طلعني ونادي لي غزلان وتغريد قال ليهم غيرو ليها وانا ماشي اجيب ليها اكل
طلع ومشى المطبخ جاب اكل وجاء
لقى ناس غزلان غيرو لي وانا اصلا كُنت ساكته
*#بلسان_أحمد*
الايام كانت ماشه حلوه واول امبارح راشد اتصل علي وقال وافقوا ليهو على الإجازة
وانو خلاص بدل الخطوبه نعمل عقد وبعد اسبوع نتم العرس .
كان واضح من صوته انوا مبسوط شديد بس فرحتو ما اكتملت
اليوم بعد الضهر كده اتصل علي عمو عثمان
*#عثمان* : يا ولدي 😟😟 ......
*#احمد* : اي يا عمي
*#عثمان* : يا ولدي حرموني من راشد راشد😭😭 مات وهو صغير يا أحمد راشد اختفى من حياتنا
*#احمد* : 😳😳😳😳😰😨
بتقول في شنو يا عمي
امبارح دي كان بتكلم وهو سليم
*#عثمان* : تعال قسم .......... و كلم ابوك عشان يجهز حجات للعزاء
*#احمد* : كنت مصدوم شديد
مشيت كلمت الحاج وبدل البيت الكان مليان فرحة انقلب لي بيت بكاء وحزن
مشيت لعمي كملنا الإجراءات واستلمنا الجثمان
أسواء شي أنو كان مقتول بطريقة بشعه
عملنا بلاغ
ورجعنا البيت نزلنا معاهم الجثمان ورجعت اتصلت لي لورا
*#باك*
*#احمد* : لميس أكلي انتي ما ماكله شي من امس
*#لميس* : أحمد انا ما جعانه كلمتك وانا ما جعانه قلت ليكم خلوني براي
*#احمد* : *" اللهم طولك يا روح "*
لميس ما حأعيد كلامي تاني قومي أكلي
*#لميس* : ما ديراة اكل وغطت وشها أو بالاصح غطت دموعها النزلت من قدام اخوها وبنات عمتها الكان كل واحد فيهم بحاول يهدي فيها
بكت بكت لمن نامت وهي بتبكي
أحمد خلاها وتغريد قالت بتنوم معاها عشان ما تصحى تلقى روحها براها
*#بلسان_لميس*
كُنت بتزكر في منظر راشد وفي أنو مات وخلاني وقبل ما نكمل زواجنا
حسيت بحزن كبير
مر أسبوع العزاء و إنا كنت حابسه نفسي في غرفتي
أما ببكي أو نايمه ما كنت باكل نهائي
*#غزل* : يا بتي الحال ده ما بينفع
*#لميس* : أمي انا كويسه
*#غزل* : كويسه كيف وانتي اسبوع عايشه على المويه
كويسه كيف و انتي اليوم كلو حابسه نفسك
كويسه كيف وانتي اليوم كلو با نايمه يا بتبكي
*#لميس* : أمي عليك الله خلوني
انا خسرت زوجي قبل ما نتم زواجنا
خسرته وهو مقتول بطريقة بشعه
خسرته وهو زعلان مني
زعلان عشان ابيت اتكلم معه يومين
انا السبب في موته
*( كلنا بتمر علينا لحظات زي دي بننكسر وبنلوم نفسنا على حاجات نحنا ما لينا بيها دخل هي بيد ربنا وكلو مقدر ومكتوب )*
أمي انا تعبت قلبي واجعني شديد خسرت حبي
بقيت بكره نفسي شديد أنا ........
*#غزل* : أحمد يا احمد تعال ارفع اختك تعال
*#أحمد* : لميس ...... عمرو تعال أفتح لي باب العربيه نوديها المستشفى
*#بلسان_احمد*
_ وصلنا المستشفى وسبحان الله لاقانا صديقي عصام ياخ زمن
ساعدنا وطلع عندها هبوط حاد وركب ليها درب
بعدها مشينا مع عصام الكفتريا حقت المستشفى وعزانا في راشد واعتذر مننا على انو ما قدر يجي يعزينا في البيت
*#احمد* : معقول يا خوه ياخي نحنا من في الثانوي سوا وظاهر عليك مضغوط وان شاء الله ربنا
*#عصام* : والله ياخ اشتقنا لي أيامنا
*#عمرو* : ممكن اعرف شئ انا قاعد زي الاطرش هنا
*#احمد* أسف نسيت اعرفك ده عصام او خلينا نقول دكتور عصام صديق لي من كنت في اولي ثانوي وقرينا الجامعه سوا
ودا ود عمتي عمرو
*#عصام* وهو مادي يدو 🫲 : اتشرفنا
*#عمرو* 🤝 : الشرف لي
انا استأذن اخليكم براكم طالع اشوف لميس
عصام & أحمد: اذنك معاك
*( عمرو مشى وخلا أحمد و عصام بتكلموا ودخل غرفتها عاين ليها من بعيد بعدها قعد في الكرسي وهي لسه كانت نايمه لميس* )
*#عمرو* : عارفك زعلانه على فراقو 💔 وعارف انك كنتي بتحبيه ❤️
وعارف كمان قدر شنو انتي موجوعه 💔 هسي بس الحصل كان مقدر ومكتوب 💔
لميس راشد ما حيرحع لا بالبكى ولا بالحزن او عدم الامل
انتي انسانه مؤمنه بالله والحصل كان قضاء وقدر مكتوب
عارفه راشد كان بحبك قدر شنو
كان لو مرضتي ساي الليل كلو ما بنوم
هسي هو ما معانا في الدنيا دي بس هو شايفنا وشايفك وانت عيانه
وحيكون زعلان على انو هو السبب في مرضك
*#لميس* : بس انا عاوزه يرجع عاوزه اسمع صوته وأشوفو
عاوزه اتكلم معاه
انت يا عمرو ما شايف
*#عمرو* قاطعها : انا شايف قدر شنو انتي حزينه
بس ارحمي نفسك
ابكي و امرقي الدموع الحابساها حترتاحي
اصرخي و اعملي العوزاه لكن اتزكري انو هو ما حيرجع لانو مات
وهو حيكون في مكان احسن من هنا أن شاءالله
*#لميس* : انا عايزه نرجع البيت
*#عمرو* : خلصي الدرب ده والباقين نشيلهم معانا
*#لميس* : لسه في دربات احي يا يدي 😣
*#عمرو* : عشان تسمعي الكلام تاني 😂
*#لميس*. : تضحك بلا سنون 😒
*#عمرو* : انا ده يا لموسه
*#لميس* : اُمال الحيطه
*#عمرو* : طيب اضحكي حبه
*#لميس* : عمرو اختاني
*#عمرو* : كتر خيري جيت اقعد معاك
*#لميس* : لو عايز تمشي هداك الباب انا حميتك
*#عمرو* : بس انتي اختي الحلوة
امشي وين واخليك
*#لميس* : امشي ذي راشد وخلني براي
*#عمرو* : لميس انتي .......
*#عصام* قاطعه : انتي انسانه مؤمن بالله وكل منا ليهو يوم
راشد ده كان يومو حتى لو ما مات بالطريقة البشعه ديك كان ح يموت
نحن ما علينا الا انو ندعي ليهو بالرحمه وتأكدي انو ربنا بحبو عشان مات يوم جمعه
*#لميس* : دموعها نزلوا ونزلت راسها وبكت بكت من كل قلبها
بكت بكاء حرقه حتى انو عمرو ضماها عليهو وهي شدت في حضنو اكتر
*( اختو بالرضاع يا جماعه التفكير ما يمشي شمال 😑😑🙂 )*
*#احمد* : جيت لقيت لميس بتبكي وعمرو حضنها عليهو عاينت لي عصام
*#عصام* : خليها تبكي حترتاح وحتكون احسن
هي حاليا لسه موت راشد مؤثر عليها
وعلى حسب ما حكيت لي انها شافت منظر جثه راشد
عشان كده حتكون دخلت في صدمه كبيره
*#احمد* : واجعني منظر اختي بالطريقة دي
*#عصام* خت يدو على كتف أحمد : حتشفى باذن الله
___________________________________
*#بلسان_عصام*
" لميس كانت بت جميله 🩶 شديد صحيح انه كانت زابله او مكتئبه من موت الكان مفروض يكون زوجها
بس شي طبيعي
ما عارف الجذبني شنو للبت دي
بس حبيتها
كانت عايزه ترجع البيت بس منعتها عشان جسمها ضعيف شديد ومحتاجة نراقبها
خليتها يومين في المستشفى وانا كنت بجي بزورها
كانت هادئة
قليلة الكلام وعلى الاغلب بتتكلم مع عمرو او حمد بس
لا امها او ابوها ولا حتى صحباتها
طلبت من صديقه لي اسمها ساره
طبيبه علم نفس تتكلم معها وعرضت على احمد الفكرة وهو وافق "
في غرفه عازلة للصوت داخل المستشفى كانت لميس ومعها دكتوره ساره جالسات قرب بعضهم
*#ساره* : اسمك منو يا حلو
*#لميس* : اسمي لميس عبدالله .......
*#ساره* : عمرك كم و بتدرس شنو
*#لميس* : عمري 22 سنه واتخرجت بصمم ملابس واكسسوارات
*#ساره* : ما شاء الله سمعت انو رسمك حلو
المهم ممكن تحكي مضايقه مالك وانا حأساعدك
*#لميس* : عاينت ليها وبدت تحكي ليها من عمرها سنة
واهتمام راشد فيها وحبها ليهو بدأ يكبر جو قلبها كيف
لغايت ما حدود العرس
وقبل يوم العقد اتونس معاها كيف واخير شي لمن شافت الجثه ومن هنا سكتت
تاني ما ردت ليها بي شي
*#ساره* : طيب يا لميس نحن كلنا بتمر علينا بس نحن اقوى من كده
انتي ما عندك ذنب في الحصل ليهو ولا واحد من البتعاقبيهم ما عندهم ذنب
الحياة دائما فيها اختبارات صعبة ودي كلها من ربنا
وربنا اذا احب العبد ابتلاه
وانتي ده اختبار منو علشان يشوف اذا انتي بتصبري على فراق راشد او لا
*#لميس* : بس بس نحن كان مفرض نتزوج
كان مفروض نعمل بيت ونحنا مع بعض
كان مفروض نكون سوا حاليا
بس هو مات قبل ما نحقق شي من احلامنا حتى انوا وعدني انوا حيقيف معاي عشان ابقى احسن مصممه ازياء ويكون عندي محلي الخاص
بس هو مشى قبل ما نعمل اي
والعبره خنقتها بس ما بكت
*#ساره* : انتي حتعملي كل ده وصدقيني حتنجحي
راشد كان جزء لا يتجزأ من حياتك وانتي قلتي انو اذا كان مرضتي ما كان بفارقك حتى لو هو في بلد تانيه بجي راجع عشان يهتم بيك
تتوقعي هسي حيكون مرتاح
انتي لازم تتجاوزي ولازم تصبري
انا ما بقول ليك انسي لا ما تنسيه بس كمان ما تعاقبي نفسك على شي انت ما عندك فيهو يد
عيشي حياتك وخلي راشد يكون مصدر قوتك
انتي قوية
صح وقعتي بس حترجعي تقيفي وكلنا حنكون جنبك
انتي #انثى قوية لا تتركي الحياة توقعك يلا أمسكي بحبل الحياة ،
وكوني قوية
كوني ولا تضعفي
نعم انتي الان ذابله 🥀🥀 لكن سوف تعودي وتكوني ورده متفتحة 🌸
*#لميس* : شكرا يا دكتوره ساره 😊
ذكرتيني بحاجة مهمة وحأوعدك اني حارجع زي ماكُنت
*( ساره مجرد صديقه او زميله لعاصم لكن هو ما مديها اهتمام اما هي فميتة على الترابه البمشي عليها*
*ساره حلبيه لونها مايل للسمراء عيونها خضر ايوا خضر💚 عديل انفها عمودي ما قصيره ودبدوبه ❤️*
*ما محجبه شعرها طويل في اثناء ما يكون عندها جلسه بتعملو ذيل حصان وبتخت الطرح في كتفيها )*
__________________________________
*بلسان_لميس*
_ قضيت شهر بمشي وبجي من جلسات العلاج النفسي
بعد رجعت البيت من اخر جلست علاج مع دكتوره ساره
اخدت لي نومه صحيت ذي المغرب كده قمت اسوكت وصليت
بعدها قعدت على المكتبه حقتي وبديت ارسم
رسمت فستان اسود طويل من ورا ومن قدام مغطي لحدي فوق الركبة
وكت ما كان عاجبني شرطه الورق ورسمت واحد تاني وبرضو ما عجبني
بقيت برسم وبشرط لحدي ما في الأخير زهجت قفلت الدفتر
طلعت على ناس امي
*#غزل* : يا بتي ده كلو نوم كُنت هسي جايه اصحيك .
*#لميس* : كُنت تعبانه أمي ممكن تعملي شي اكلو جعانه
*#غزل 😳* : احلى اكل ليك دقيقه بس
*#لميس* : بسم الله خلاص اجي اساعدك
*#غزل* : لا انتي خليك محلك حأمشي اجيب ليك سريع واجي
احمد جا داخل واستغرب من القاعدة تقريبا ليهو شهر وعشرين يوم ما شافها
قاعده في الصاله
بعد شويه شاف امه جاية شايله صينيه مليانه فل
عاين لي بعدها مشى غير وجاء
لقي امي بتأكل فيني
*#أحمد* : 😂😂 أمي براحه
*#غزل* : طير من هنا يا ولد
ليها شهر عايشه لي على أكل ما نافع
أحمد جا قعد جمبي وداير يمد يده على الصينيه لكن امي سبقتو وضربتو في يده
*#غزل* : امشي المطبخ حتلقى أكلك جاهز ده كلو حق لميس براها
*#أحمد* : لي كده يا حجه
*#لميس* : أمي انا ما بقدر اكل ده كلو برأي خليه ياكل معاي
*#غزل* : لا أنتي حتاكلي ده كلو وحأجيب ليك الذياد
*#لمبس* : لا ده بقى مشروع تسمين عديل
*#غزل* : ويكون شوفي ضعفتي كيف
بعد ربع ساعة
*#لميس* : أمي والله شبعت والله ما قادره اتنفس عديل كفايه
*#غزل* : خلاص اشربي العصير ده بس
*#لميس* : واي جق جق جق
*( صوت شرب العصير )*
خلاص كده تمام
*#غزل* : اي
*#لميس* : أمي انا عايزه اشتغل
*#غزل* : لكن يا
قاطعتها
*#لميس* : أمي انا كويسه واحسن من اول عايزه اشتغل بدل اقعد في البيت كده
وبعدين انا أصلاً كده كده كنت حأشتغل
*#غزل* : طيب يا بتي لكن حتلقي شغل وين
*#لميس* : اخدت نفس عميق بعدها قلت حاشتغل مع عوض
*#غزل* : متأكدة
*#لميس* : ايوا حأشتغل معاه لحدي ما أفتح مشغلي الخاص
*#غزل* : ربنا يوفقك
*#لميس* : اللهم امين احمد تعال
*#أحمد* : نعم خير
*#لميس* : كلو خير أن شاءالله أنا عايزه أشتغل مع عوض
*#أحمد* : قعد بعدها قال متأكد من قرارك
*#لميس* : أيوا متأكده
*#غزل* : خلاص كلميه وشوفي بقول شنو
*#لميس* : ان شاءالله كان ما وافق بفتش شركه تانيه
*#غزل* : أن شاءالله بوافق
*#لميس* : اههه تصبحو على خير
أحمد وغزل : و انتي من اهلو
طلعت فوق ودخلت انتظرت العشاء إذن صليت ورقدت
*#أحمد* : متأكده نخليها تشتغل
*#غزل* : اخير ليها بدل جو الكأبه ده
بعدين حتشغل نفسها شويه
نتلاقى البارت الجاي
فتكم بعافية
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*يتبــــــــــــ Lwana ــــــــــــــع*
*#سرالختم_0121045450*
*#للتنسيق_والنشر*