السابع
*#احببته_رغم_الظروف* ✨♥️
*الجزء الاول*
*#Part_No 《 07 》*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
صحينا الصباح بدري جهزنا ومرقنا
اول ما دخلنا الجامعة ومشينا على القاعه بقى البسلم وفي الببكي
*#لميس* : 👏👏👏ممكن تسمعوني شباب
كلهم اتفضلي
*#لميس* : عارفين اليوم اخر يوم لينا في الجامعه
او بالأحرى اخر ساعات
حأشتاق ليكم كتير وحأشتاق للقاعه دي الشافت معانا كل الايام حلوها ومرها
بصراحة زعلانه على انو دي آخر لحظات حنقعدها هنا
وان شاء الله ربنا يجمعنا في ساعه خير وما يكون ده اخر لقا
حأشتاق ليكم واحد واحد و بحبكم
كنتُ اكتر من أصدقاء بالنسبه لي 😭😭
وبقيت ببكي
بصراحه كلهم بكوا معاي
بعد شويه مشينا الاستراحه انا والبنات صلحنا مكياجنا و طلعنا على الساحه حقت التخريج
بقوا بزيعوا فينا واحد واحد لحد ما جا اسمي
قلبي عم شححححح
كانت فرحه كنت حاسه اني مالكه الدنيا كلها بين ايدي
طلعت على المسرح واستملت شهادتي وجوا ناس امي باركوا لي والشله
لمن جا الدور على راشد لاحظت ليهو بعاين اي شديد
و شكلو سرحان طقطق ليهو بصباعي
*#لميس* : سرحان
*#راشد* : في جمالك
انتي طبيعي بتكوني حلو كده
ضحكت
*#لميس* : اصلا من يومي حلوه
*#راشد* : فعلا مبروك التخريج
*#لميس* : الله يبارك فيك
*#راشد* طلع دبلة و محبس وطلع على المسرح
احم احم : انتظرت طوال هذه السنين من اجل هذه اللحظة
احببتك منذ ان ولدتي
وصرت احافظ عليك
كنت اوصلك الى المدرسه منذ ان كنتي طفله اخاف عليها من نسمت الهواء
وعندما تمرضين لا انام
هل تقبلين الزواج بي يا لميس عبدالله ابنة عمي و رفقية دربي ان وافقتي
بعدها ركع على ركبتو الحركه حقت الافلام ديك
البنات و الجامعه كلها حرفيا شغالين بقولوا لي وافقي وافقي
*" طبعا انا برضو بحبو بس بعاملو ذي عمرو واحمد عشان ما يعرف "*
*#لميس* : موافقه
وطلعت على المسرح
لبسني الدبلة و المحبس
*#لميس* : دقيقه وين بابا
*#عبدالله* : يداب اتزكرتني
*#لميس* : بابا حبيبي والله بفتش فيك من قبيل
*$عبدالله* : اولا مبروك التخريج
وتانيا الخطوبه مع انوا دي ما خطوبه رسميه الا تجي وتطلبها عديل يا راشد
*#راشد* : بعد الخطاب ده يا عمو
*#عبدالله* : اي يلا على البيت
*#راشد* : خلاص بنجيكم يوم الجمعه انا وابوي ونعزم الاهل ونعمل الخطوبه الرسميه
*#عبدالله* : تمام
الكلام دا ونحنا ماشين على العربيه
كان في عربيتين واحده ركبنا فيها انا وعمو محمد وبابا وراشد كان السايق
والتانية ركبوا فيها عمتي وامي واحمد كان السايق ومعهم عمرو
مشينا مطعم في كافوري *( تحي لي ناس كافوري )*
أكلنا بعدها مشينا أسكريم الكيلو
*( عادل )*
*(تحيه لي ناس شمبات والشعبيه والمظلات )*
ورجعنا البيت
حرفيا كان احلى يوم
دخلت غرفتي غيرت دايره ارقد انوم
كان دق راشد
في البدايه ما كنت عاوزه ارد لكن بعد تالت مكالمه كيف ما ارد 🙈🙈💓
*#لميس* : الو
*#راشد* : كان صوتو شويه وحيبكي
كنتي خاته تلفونك وين
من قبيل بدق ليك
*#لميس* : كان جوا الشنطه عشان كده ما سمعتو
*#راشد* : كنت حأموت من الرعبه عليك اوعك تعملي كدا تاني
*#لميس* : حاضر يلا انا عايزه انوم تعبانه اليوم كان متعب
*#راشد* : حبيبي تصبحي على خير
*#لميس* : وانت من اهلو
قفلت التلفون ونمت طوالي ولا كذبت
*( طبعا في زول ما كان رضيان انو لميس تتزوج غيرو ايوا منذر )*
*#جهة_منذر∆∆*
معقول تتزوج غيري
انا بحبها
لا هي مستحيل تكون لغيري انا حأتزوجها لو برضاها او غصبا عنها
لو اضطريت اقتل راشد ما بخليها تتزوج غيري
*#عوض* : منذر استهدا بالله انت شفتها كانت فرحانه كيف
انت لو بتحبها لازم تحب الشي البسعدها
*#منذر* : لكن انا حأسعدها اكتر منو
لي هي ما اختارتني واختارتو هو
*#عوض* : الله يهديك
*#منذر* : انا بحبها يا عوض بحبها بجنون
*#عوض* : كلو لي خير استغفر و ان شاء الله بتتحلى
*#منذر* : عوض ارجع بعد كده ناس ألبيت من قبيل بدقو ليك
*#عوض* : ما بخليك بي حالتك دي
*#منذر* : عوض انا كويس انت ارجع بيتك والصباح تعال مر علي عشان افتش اي شغل
*#عوض* : خلاص كويس
عوض طلع رجع البيت بينما منذر ما كان ناوي على خير
صحيت الصباح واتسوكت صليت الصبح نزلت تحت لقيت أحمد ومعاه امي بشربوا في الشاي
شربت معاهم تلفوني دق
مشيت ارد عليهو
*#لميس* : الو
*#عوض* : الو لميس كيفك
*#لميس* : تمام الحمدلله انت كيفك
*#عوض* : بخير الحمدلله مبروك التخريج
امبارح ما قدرت ابارك ليك والخطوبه
*#لميس* : الله يبارك فيك
*#عوض* : اللهم امين
اتصلت اقول ليك انتي والشباب بدل تفتشوا شركه تشتغلوا فيها تعالوا اشتغلوا معاي انا وعبد الرحمن
*#لميس* : والله يا عوض كتر خيرك
لكن انا عن نفسي ما موافقه على العرض لاني عايزة افتش شركه بي تعبي شوف الباقين .
*#عوض* : ليه كده يا لميس
انتي مصممة بارعه في مجالك
بعدين منو القال ليك ما ح تخشي بي تعبك
أنتي حتعملي مقابله عديل
*#لميس* : عوض ارجوك ما تصر علي
بعدين أنا ح أفكر في عرضك مره ثانيه
بس ما تتوقع اغير قراري عشان ما يكون في زعل
*#عوض* : تمام فكري وارجعي لي
*#لميس* : مع سلامه .
*#عوض* : مع سلامه
*#أحمد* : عوض خير مالو متصل عليك من الصباح
*#لميس* : عاوزنا نشتغل معاهو بدل نفتش شغل
*#غزل* : ومالو يا بتي أخير من تفتشو شغل بعدين هو ما حيقصر معاكم
*#لميس* : يا أمي انا ما دايره مساعده من زول
انا دايره اشتغل بقدراتي
*#أحمد* : والله يا لميس أنا شايف احسن أنك تتكلمي مع راشد وبابا في موضوع الشغل
واهو نحن الحمدلله حالنا كويس
*#لميس* : أنا عايزه أشتغل عشان ابني شخصيتي
بعدين بابا ما معترض على الفكرة
بالنسبه لي راشد حتكلم معاها بعدين
*#أحمد* : طيب اذا كان كده الموضوع
بعدين بتكلم مع واحد صحبي يشوف ليك شركه تكون كويسه
*#لميس* : لا لا انا عايذه افتش واتعب براي
*#أحمد* : برضو بفتش ليك
أحمد جا باس أمي في جبينها وباسني في جبيني وطلع الشغل
قضيت اليوم ونسه مع أمي
العصر عندنا بت جرتنا في تالت ثانوي أسمها ساره
*#ساره* : يا ماما غزل عايزه لميس تشرح لي الجغرافيا عندنا اختبار بكرخ
*#غزل* : هديك ليها امشي ناديها
*#ساره* : لميس 👈👉
*#لميس* : نعم يا سرويه
*#ساره* : عايزك تراجعي لي الجغرافيا انا ما فاهم شي وبكرا عندنا اختبار
*#لميس* : حاضر من عيوني أمشي جيب حاجاتك ودفتر فاضي عشان اكتب ليك فيهو المعلومات المهم وتعالي لي في غرفة الجلسه العربية
*#ساره* : حاضر دقايق واكون معاك
فعلا مشت جابت حاجاتها وهي كانت بتستوعب سريع
كنت كل ما اخلص ليها درس بسألها
لمن خلصنا المغرب كان اذن
صلينا وبعدها قلت ليها
*#لميس* : امشي ارتاحي وما تراجعي تاني
الصباح قبل تطلعي للمدرسه تعالي لي تاني عشان اديك المرجعه النهائيه
*#ساره* : حاضر
وصلتها لي بيتها ودخلت سلمت على امها ورجعت
أستغربت لانو راشد ما أتصل علي ولا رسل رساله من الصباح
*( أححححي راشد حبيب القلب ما تخافي حبيبتي هو سليم لحدي الان )*
*" هو شغال كابتن طيران "*
أتصلت عليهو بس ما كان في رد
قلت أحتمال يكون مشغول
بعد المغرب كده دق لي
في البدايه ما كُنت عاوز ارد لغيات ما دق في تلفون أمي
*#غزل* : يا بتي راشد ده عاوزك
*#لميس* : يا أمي ما عايزه أتكلم معاها
*#غزل* : يا بتي أتكلمي معاها هو مستنيك
*#لميس* : ما عايزه يا أمي وطلعت خليت ليها الحته
*#غزل* : يا بت لميس لميس تعالي
الو يا راشد رافضه تتكلم معاك
*#راشد* : ما مشكله يا خالتو انا جاي عليكم
*#غزل* : تمام يا ولدي توصل بالسلامه
*#راشد* : الله يسلمك
كنت زهجانه شديد
من الصباح لا كلف نفسو يرسل ولا أتصل ولو مكالمه واحد
وهسي عايزني اتكلم معاه عادي
لا شكرا
رقدت في سريري وبقيت بستغفر
بعد نص ساعه كده اذن العشاء قمت صليت ورجعت رقدت
وبقيت بتقلب لغايت ما سمعت صوت الباب بدق
*#راشد* : ممكن ادخل
*#لميس* : ارجع محل ما كنت
*#راشد* : لميس خلينا نتفاهم
*#لميس* : راشد قلت ليك أمشي انا ما عايزه أتكلم معاك
*#راشد* : لميس ح أعد لي تلاته
واذا ما فتحتي الباب بكسرو
واحد اتنين تلا......
لبست توبي وفتحت الباب
*#لميس* : خير عاوز شنو
*#راشد* : عايزك أنتي
*#لميس* : أختصر يلا عشان عايزه انوم
*#راشد* : يعني زعلانه مني
*( ليها حق تزعل والله )*
*#لميس* : وانت البهمك شنو
*#راشد* : البهمني مرتي وحبيبتي زعلانه وانا لازم اراضيها
*#لميس* : بس أنا لسه ما مرتك وانت ماليك الحق فيني
*#راشد* : لميس حرام عليك عارف أنك زعلانه عشان ما أتصلت او رسلت رساله من الصباح
بس كنت مشغول شديد ومن الصباح مع صحبي في المستشفى
*#لميس* : سلامتو + بس برضو ما عزر
كان ممكن ترسل وتقول لي أنك مشغول
*#راشد* : الله يسلمك
خلاص المره الجايه برسل ليك
صافي يا لبن
*#لميس* : حليب يا قشطه
*#راشد* : بالمناسبه طالعه حلوه لمن تكوني زعلانه 😉
*#لميس* : بطل قلة ادبك دي
ومع سلامه
*#راشد* : أنا حر
*#لميس* : مع سلامه
*#راشد* : أقيفي دقيقه أحمد قال لي عاوزه تشتغلي
*#لميس* : لحق كلمك
أيوا عايزه اشتغل
*#راشد* : شوفي أنا ما حأمنعك تحقيقي طموحك
بس بشرط تشتغلي عند عوض
*#لميس* : راشد انا عايزه اشتغل بتعبي وقدراتي
*#راشد* : لميس أسمعي كلامي
أنتي أفضل ليك تشتغلي عندهم
بعدين شركتهم معروفه
*#لميس* : راشد قراري نهائي وانا ما عايزه نقاش تصبح على خير
*#راشد* :
*"عارفك عنيده و ما حتسمعي الكلام لكن ما حناقشك كتير "*
وانتي من اهلو لكن كلامنا ما انتهى
*#لميس* : و انا ما ح أغير راي
*#راشد* : مع السلامه بكرا يوم طويل ارقدي نومي طوالي
*#لميس* : حاضر نتلاقى
بعد مرور يومين
الصباح مشيت ومعاي لورا واروى الكوفير
اسماء وتغريد وغزلان ولمى قالوا بلحقونا هناك
بعد ساعه دقت لي أمي وقالت لي الموضوع قلب عقد عديل
بس راشد لسه ما ظهر
فرحت شديد
قاعدين للعصر في الكوفير وما كان في خبر عن العقد
أتصل علينا أحمد
*#لورا* : الو
*#أحمد* : الو لورا ممكن تعملي لي خدمه
*#لورا* : مالو صوتك متغير
واي طوالي
*#أحمد* : قصه طويله
بعد 10 دقايق أمرقوا وتعالوا البيت
او اقوليك أنا بجي بسوقكم
*#لورا* : أحمد قلقتني في شنو
*#أحمد* : راشد راشد أتوفى
*#لورا* والعبر خنقتها : كيف الكلام ده
*#أحمد* : لورا عليك الله اتملكي أعصابك
أنا جاي في الشارع
*#لورا* : حاضر
قفلت منو الخط قشت دموعها النزلت وطلعت غسلت وشها وجات راجعه
*#لميس* : لورا وينك اتخرتي
*#لورا* : .......
*#لميس* : لورااااا
*#لورا* : ايوا معاك
*#لميس* : وين سرحانه
*#لورا* : معاك أنا
*#لميس* : لي ما حاسه بيك على بعضك
*#ٍلورا* : لا أنا كويسه
أحمد وصل ودق لي لورا ووراها أنو تجيب لميس وتقول ليها أحمد برا
*( لميس ما كانت عامل شي في الكوافير غير انو رسمو ليها وسووا ليها شعرها*
*بالنسبه للمكياج ما كان عملت. شي في وشهها )*
مرقتا من الكوافير وانا قلبي ناقزني من الصباح
بعد وصلنا قريب لبيتنا أحمد وقف العربيه
*#لميس* : مالك وقفت لسه ما وصلنا البيت
*#أحمد* : لميس ......... لميس راشد اتوفى
*#لميس* :هههههههههه بتهظر صح
هظارك بايخ
خلاص خلينا نوصل البيت علشان أجهز
*#أحمد* : أنا ما بهظر أنا جادي
*#لميس* : احمد عليك الله هظارك بايخ شديد
أنا ح اتصل على راشد
أحمد أداني كف وقال لي بصوت عالي
راشد مات مات يا لميس
دموعي نزلو وقلت ليهو
أحمد عليك الله قول انك بتهظر عليك الله قول الكلام ده كذب
*#أحمد* : كان ساكت وحرك العربيه لحدي ما وصلنا البيت
كان في أصوات بكاء عالية
العربية ما وقفت كويس فتحت الباب و جريت دخلت البيت وبقيت زي المجنونه
بفتش في راشد وبصرخ بي اسمو بي أعلا حس عندي
تاني أحمد جاء ومسكني ومعاهو عمرو ودخلوني الغرفه الكان فيها جثمان راشد
مشيت عليه بخطوات ثقيلة
وكشفت عن وشه
بس هنا كانت الصدمه
*( كفايه نتلاقى في البارت الجاي )*
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*يتبــــــــــــ Lwana ــــــــــــــع*
*#سرالختم_0121045450*
*#للتنسيق_والنشر*