السادس
*#احببته_رغم_الظروف* ✨♥️
*الجزء الاول*
*#Part_No 《 06 》*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
عصام مشى جاب النتايج وجا وشافهم
معظم الفحوصات كانت نضيف ما عادي صوره للجمجمه وفحص القلب كانوا ما مطمنين
*#بلسان_لميس*
دكتور عصام جا ونادي امي واحمد وانا فضلت مستنياهم برا
داخل المكتب
*#عصام* : عمتو غزل وأحمد
*#غزل* : اها يا ولدي الفحوصات نضيف ولا فيها شي طمني
*#عصام* : اسمعوني كويس
لميس فقدت جزء من ذاكرتها
وتقريبا الجزء ده بتعلق بي ود عمه + في الفحص حق القلب اظهر انه محتاجه لجلسات رياضيه عشان يرجع القلب لعمله الطبيعي لانه بقا ضعيف جدا بحيث انو بقى 60 نبضه في الدقيقه اقل من المعدل الطبيعيه + لازم تتابعوا مع طبيب مخ واعصاب وطبيب نفسي بسرعه
بالنسبه للصورة ظهر انه بسبب الحادث الكان قوي اثر على اعصاب معينه من دماغها بحيث افقدتها الذاكرة
احتمال ترحع ليها واحتمال لا
بس الخطر الاكبر اذا حاولتوا بواحدة من الاشكال تكلموها عنو او توروها صورتو
حتدخل في حاله صدمه وامكن تفقدت ذاكرتها كامله
*( بلسان الكاتبه من هنا البارتات حتبقى اطول عشان نكمل القصه + حنخلي الوقت الحالي نعمل قفز زمنيه سنتين لي ورا )*
صباح تاني يوم
الشباب جهزوا كانوا ماشين رحله لجبل اولياء
كانوا عبارة عن تلات عربات
فيهم
عربية فيها البنات وسواقها احمد
وعربيه فيها الاولاد وسواقها عوض
واخيرا عربيه خاتين فيها الحاجات وسايقها اخو عوض عبد الرحمن
اجرنا خيمه كبيره و اتساعدنا في تجهيز الحته
الاولاد دخلو البحر وبقوا يسبحوا ويتهاظروا
وخالد بوقع في ده ويجر ده ويرش ده خلينهم في لعبهم
*#لميس* : بنات انا جبت بن ارح نعمل قهو
*#اسماء* : وانا جبت فشار وفنكوش جاهز
*#لمى&لوار* : نحن بنمشي نجيب تسالي ونبق من البياع آلهناك
*#رؤى* : انا بساعد اسماء
جهزنا قهوتنا بعدها نادينا الشباب
فطرنا وشربنا القهوة وبعدها لعبنا صراحة وجراءة
اللفة الاولي كانت انا وعمرو
*#عمرو* : صراح ولا جراءة
*#لميس* : جراءة
*#عمرو* : قومي شيلي البقا ديك امليها مويه وكبيها فوق راس اي زول عايزه من الموجودين
مشيت شلت البقا مليتها وجيت وكبيتها فوق راشد
*#راشد* : 😑واشمعنا انا يعني داك ما اخوك ماكان تكبيها فيهُ
*#لميس* : 😂😂 جات كدا هههههه
اللفه التانية رؤى وعوض
*#عوض* : صراحة ولا جراءة
*#رؤى* : صراحة
*#عوض* : عندك حبيب ولو عندك اسمو منو
*#رؤى* : ايوا عندي واسمو ما حأوريكم ليهُ
*#عوض* : صراحه قوية
*#لميس* : معقول عندك حبيب ونحنا ما عارفين
*#رؤى* : بوريك بعدين
بعد كم لفة وقعت على عبد الرحمن ورؤى
*#رؤى* : صراحه ولا جراء
*#عبد الرحمن* : صراحه
*#رؤى* : احكي لينا اذا عشت قصه حب قبل كدا
*#عبدالرحمن* : طيب يا شباب اسمعوني كويسه
من زمان حبيت واحده كُنت وقتها اخر سنه لي في الجامعه شفتها وعجبتني شديد
وذي ما بسموها حب من اول نظر
اظن أنه كانت يدوب في السنه الاولى
في الوقت داك انا للان لو شفتها في الشارع ساي بضحك براي
ياخ من شدة ما حبيتها بقيت براقبها
بعرف عنها كل شي
يومها بتبداها كيف وبتختمو كيف بتحب شنو بتكره شنو
بحبها حُب ما عادي
لكن للاسف أتوفت من شهر
*#لميس* : عشان كدا بقيت بتلبس اسود بس
*#عبدالرحمن* : لا انا دايما بلبسو بس لمن أكون طالع معاكم بلبس لون مختلف
*#أحمد* : فعلا حتى في الشغل بتجي لابس اسود
بعدها ختمنا اللعبه
ولمينا حاجاتنا و رجعنا على البيوت
تاني يوم ما كان في شئ مهم
اليوم البعديهو مشيت مع البنات عشان أختار القماش للفستان الحأعملو
*#أسماء* : لميس تعالي شوفي الاقمش دي
*#لميس* : ما عجبتني الالوان انا عاوزه يكون لونو زيتي ومعاهو بنفسجي غامق
*#رؤى* : لقيت القماش الانا عاوزها
*#لميس* : حظك😩
أسما ولمى ولورا كانوا مجهزين فساتينهم الا انا ورؤى
*#لميس* : بنات فتشوا معاي
*#لمى* : لقيت لقيت تعالي شوفي
*#لميس* : ايوا حأشتريهم
فضل اشتري الهيلز والشنطه
*#رؤى* : بنات انا حأرجع عشان اشتغل على فستاني
كلنا قلنا ليها أمشي
*#لميس* : أشتريت باقي الحاجات الانا محتاجاها
رجعت البيت وبقيت بشتغل
مر اسبوع وانا لسه ما خلصت فستاني وفاضل يوم على التسليم
بقيت بحاول اخلصو
*#غزل* : يا بتِ تعالِي سلمي على ناس عمتك وعمك
*#لميس* : حاضر يا أمي
لبست عبايتي ونزلت ليهم تحت
كانوا عمتي خالده واولادها وعمي عثمان ومعاهو راشد ومرتو سارة وراجل عمتي عثمان
سلمت عليهم وقعدنا نتونس
بعدها أستاذنت منهم وطلعت غرفتي
جوني غزلان وتغريد وريتهم الفستان
*#تغريد* : لميس شغلك حلو ورهيب
*#لميس* : لسه ما خلصت فاضل بس أكملو من تحت ويدينو .
*#غزلان* : تخريجكم فاضل ليهو كم يوم
*#لميس* : بعد اسبوع من اسي
*" اسرتي ما كبيرة عندي عمه واحده وعمين اتنين واحد منهم اتوفى وهو صغير "*
اولاد عمتو خالدة
*( عمرو : في نفس عمري اخوي بالرضاعه معاي لانو امه لما ولدته كانت بتعاني من التهاب الغده النخاميه)*
*بدرس في كليه الهندسه الميكانيكيه شاب جميل وزكي عندو بنيه جسدية ممتازه لانو بلعب في الجيم اللهم الثبات وعندو سكسوكة وعيونه عسليه وعنده ضعف نظر وبلبس نظار من maya وطويل*
*غزلان اصغر من عمرو بي سنتين يعني 20 بتدرس قانون جميله جمال رباني محجبه حكيمه وفوق كل ده ذكية ودمها خفيف وطويلة وجسمها مقسم ولونها او لونهم خليط بين قمحي و الاسمر وعيونها سود*
*تغريد اخر العنقود عمرها 18 ممتحنة شهادة سودانية علمي احياء قصيرة والغريب انها اخدرانية ما معروف شالتو من منو زعيونها سود*
*راشد أكبر مني بي سنه يعني عمرو 23 سنه أسمراني وملتحي عندو عضلات جذاب بطريقه غريبه وانيق عيونه واسعة وعسليه ورموشه طويلة حواجبينو غزيرة طويل مشاء الله عمود بس 🤣 عنده غمازات*
عارفه وصفتو أكتر من الباقين لانو شكلو حلو فعلا 🤤🤤
تغريد وغزلان ساعدوني في الفستان
بعد خلصتو قمت لبستو ووريتو ليهم
عجبهم عجب
*#تغريد* : لميس الفستان درعه عديل
*#غزلان* : درعه لمن بهناك
*#لميس* : الفستان حلو
*#غزلان* : حلو ساي حلو لمن بهناك
كان من جهة الصدر لغيت نص البطن بالزيتي ومن تحت فاري بالبنفسجي يدينو زيتي فيهو ورود بالبنفسجي والقماشه فيها لمعة حلوة
كنت مجهزه ليهو طقمه
طرحه زيتي وشنطه بنفسجي وهيلز بنفس لون الشنطه واكسسوارت بالفضي
قلت ليهم يلا نوري الباقين
نزلت تحت نزلوا قدامي تغريد وغزلان
*#تغريد* 👏👏👏👏👏 : انتباه انتباه جميعا يرجى توجيه الانظار الى السلم
بقوا كلهم بعاينوا فيني وانا نازله
وكانوا بتعجبوا من جمال الفستان
*#راشد* : ماشاء اللِّه يا حافظ يا حفيظ
*#لميس* : رايكم محتاجه تعديل
*#غزل* : الفستان رهيب عديل يابتي ربنا يحفظك
*#عبدالله* : ما فيهو كلام
*#عثمان* : يا بتي بكره اتحصني قبل ما توديه
*#عمرو* : صفر 🗣🗣🗣 ما اتعرفنا لكن
*#خالده* : مشاء الله يا بتي ربنا يحفظك ويبعد عنك الحساد
*#لميس* : شكرا شكرا الحمدلله خلصت وبكره حأسلم في الموعد
بعدها طلعت فوق غيرت هدومي ورجعت ليهم تحت
اتونست مع عمتي
وعمي طلع من الساعه 11 م
لميت مع امي الحاجات ورتبت معاها
طلعت فوق حضرت لبستي حقت بكرا ودخلت الفستان في 🛍 الكيس حقو ومعاهو حاجاتو
ضبط المنبه ونمت
ما صحيت الا تاني يوم الساعه 8 ص
واصلا المحاضرة بتبدا تسعه ونص
لبست سريع سريع ومرقت لقيت أحمد قاعد برا
كان مارق على شغلو
ولا شربت الشاي مرقت طوالي
امن وصلت الجامعه الساعه كانت عامله 9:35ص
والمحاضرة بدت ليها خمس دقايق
عرفت انو ما ح يدخلني بس قلت النجرب
مشيت على القاعه عاينت لقيت الدكتور لسه ما دخل طوالي دخلت وقعدت في مكاني
سلمت على شلتي
بعدها عرفنا انو المحاضرة الاولي اتلغت
والجايه مفروض نسلم التصاميم 🥲🥲
كان مفروض كل مجموعه تسلم التصاميم حقتها
مجموعتي انا تتكون مني ورؤى واسماء ولمى
روى كان فستانها بيبي بلو وفيهو بالابيض
كانت مطقمه بالابيض
اما اسماء كان فستانها با الاسود وفيهو بنفسجي فاتح وطقمتو بالبنفسجي
لمى كان فستانها كحلي وفهيو زيتي وطقمتو بالزيتي
كنا كل واحده بتخش وهي شايله التصميم حقها
انا كنت اخر واحدة
وصراحة المنافسة كانت قوية
لكن الحمدلله جبنا درجه كويسه واشادوا بفساتينا
مر الاسبوع بخير وخلاص بكره التخريج
مشينا الكوفير انا والبنات رسمنا حنه وكل واحده رسمت احلا من التانيه
تاني عملنا حمام مغربي وشلنا وشوشونا
المهم اتظبطنا
بعد طلعنا من الكوفير مشينا استلمنا فساتينا كانت كلها باللون المنقاوي💛 وفيهم بالاوف وايت لكن التشكيلات مختلفه
رجعنا بيتي عملنا ماسكات ورقدنا كل واحده في حته
بعد ساعه غسلنا ونزلنا تحت ساعدنا امي في الغداء واتغدينا دخلنا قروب الدفعه
في الكان فرحان وفي الزعلان وفي الما كان عاوز يفارق الجامعه وشلته الكان بلاقيها كل يوم
في واحده من البنات كانت كاتبه
معقول اربع سنه مرت كده ياخ بتذكر امبارح كان اول يوم لي في الجامعه
وفي واحد تاني كاتب والله يا شباب حأفقد اياما فعلا احل مرحله مرت على ايام في الجامعه معاكم وذي ما بقولو انو احلى ايام هي الجامعه هي فعلا كده حأفتقدكم واحد واحد واحب اشكر الدفعه دي على احلى زكريات مرينا بيها سوا وعلى الايام الحلوة والمرة
على كل لحظه عشناها كأسره واحدة
امكن بكره اخر يوم حنجتمع كلنا في مكان واحد
واحتمال ربنا ما يخلينا نتقابل تاني بس احب اقول ليكم انتو احلى اصدقاء قابلتهم في حياتي
بعدها في ناس بقوا بعلقوا عن كلاموا
فعلا دفعتنا دي كانت مميزه
كنا بنتعامل كأننا اخوان واخوات
كنا بنتساعد ووبنحل سوا
حتى ايام الامتحانات بنراجع كلنا سوا
حأشتاق ليهم
بعدها بقوا برسلوا الصور كنا كل اخر سسميتر بنتصور كلنا سوا من اول سيستمر لي اخر واحد الحينتهي بكرا بعدها نمنا
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*يتبــــــــــــ Lwana ــــــــــــــع*
*#سرالختم_0121045450*
*#للتنسيق_والنشر*