الخامس
*#احببته_رغم_الظروف* ✨♥️
*الجزء الاول*
*#Part_No 《 05 》*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
وصلوا التلفزيون بالتلفون وكان في مجموعه من الافلام الاجنبيه والمصريه وهندي وسودانيه
اختاروا فلم رعب أجنبي
عمرو وأحمد مشوا جابوا
مقرمشات وشغلوا الفلم
تغريد وغزلان اول ما بدات مشاهد الرعب قعدن يرجفوا
انا وعمرو واحمد نضحك قدرتنا عليهم
طلعوا برا ما كملوه ونحنا كملنا الفلم بي مزاج
ناس عمتو خالدة باتت معنا هي واولادها
تغريد وغزلان ولميس مشوا غرفة الضيوف لانها اكبر من غرفة لميس
بيتنا كبير من طابقين
غرفنا تحت وبي فوق غرف الضيوف
كل غرفه بي حمام خاص بيها
في مطبخين واحد في الطابق الفوق والتاني تحت
عندنا صالون وهول وغرفة سفره
واخيرا حوش كبير ونجيله فيه مسبح بتفتح في غرفه خارجية حقة جلسة عربية
*( تعديل من البارت الاول الحالة المادية فوق الممتازة واكتر )*
مشينا فتحنا واحده من الغرف وفتحنا المكيف ونمنا طوالي
في صباح اليوم التاني في الساعه الرابع والنصف صباحا
*#عمرو* : يا بنات قوموا الصلاه قوموا
*#أحمد *( جا داخل )* : لسه ما صحوا؟
*#عمرو* : حلفوا كان يقوموا
أحمد اشر لي عمرو بمعنى تعال
طلعوا الاتنين ومشوا على المطبخ جابوا قالب تلج حق المربعات وجوا راجعين
دخلوا الاوضه و عمرو خت لتغريد واحد من المكعبات في ضهرها واحمد لي غزلان برضو
انا ما ختو لي
*( حبيبتي يختو ليك كيف وانتي لسه عيانه وما شفيتي )*
أحمد وعمرو ختو يدينهم في اضنيهم
وعدو
: 1......2........3
اااااااااااااااااااااا ده كان صوت صرخت تغريد وغزلان
*#لميس* : ههههههه 🤣🤣🤣🤣🤣🤣
ارح ارح الصلاه يلا
*#تغريد* : يعني في زول بصحي زول كدا 😑😑
*#أحمد* : ارح الصلاه اتأخرنا الليله الحاج بيشاكلنا كلنا
*#البنات_وعمور* : حاضر
نزلنا الطابق التحت غزلان وتغريد وانا مشينا غرفتي
شلنا عبايات للصلاه واتوضينا
مشينا غرفة الجلسة العربية ولقيناهم منتظريننا صلينا
*#لميس* : ماشه اتم نومتي
*#كلهم* : امشي امشي
*" كنت حاسه بلفت راس ما عادية فقلت احسن ارجع انوم*
*بقيت ماشه لحدي وصلت الصاله حسيت حيلي ما شايلني "*
و اغمى علي
احمد جا داخل ولقاني واقعه
جاء علي وحاول يفوقني بس ماقدر
جري على المطبخ بسرعة
جاب كبايه فيها مويه ورجع رشاني بالمويه وبديت اصح معاه
قومني وسندني لحدي ما دخني غرفتي رقدني وطلع بسرعه
نادي امي براحه جات
*#غزل* : لموسه انتي كويسه
*#لميس* : حاسه بصداع شديد وجسمي واجعني كلو
*#غزل* : احمد امشي دور العربيه حنرجعها المستشفى حالا
*#أحمد* : أمي اصبري تفتح الواط حبه
*#غزل* : يا ولدي اسمع الكلام
*#أحمد* : حاضر يا امي 😓
امي جهزتني واحمد دور واتحركنا على المستشفى
أحمد كان مكلم دكتور
ولما وصلنا المستشفى كان منتظرنا جنب الباب حق المستشفى
*#لميس* : أمي انا كويسه ما كان في داعي نجي
*" يداب وعيت تمام "*
*#غزل* : يا بتي نعمل فحوصات نطمن بس ونرجع
*#لميس* : حاضر يا امي البتشوفيه
*#عصام* : انسه لميس ممكن تجي معاي
*#لميس* : طيب
مشيت معاهو وعملوا لي فحوصات كامله وبقيت قاعده ومنتظره نتيجة الفحوصات
*#عصام* : انسه لميس ممكن اعرف قبل ما بغمى عليك حسيتي بشنو بضبط
*#لميس* : حسيت بي لفة راس وصداع شديدين
وكنت بشوف في شكل شاب يمكن اكبر مننا بشويه
بعدها حيلي ما شالني ووقعت
*#عصام* : دقيقه بتذكر انك لمن دكتور ايمن كان بسألك قلت انك ما متذكرة ود عمك
*#لميس* : ود عمي منو انا ما عندي ود عم
*#عصام* : لميس انتي متأكده
*#لميس* : ايوا يا دكتور عصام متأكده
*#عصام* : تمام تمام ممكن تطلعي تستني مع امك برا
*#لميس* : اوكي
بلسان عصام
*" انا صديق أحمد من الثانوي عمري 26 سنه اتعرفت عليهو في الثانوي بعدها صحبتنا اتمدت*
*دخلنا الجامعه سوا هو اتخرج قبليني بي سنه واحدة وكان بجينا في الجامعه وانا بزورو في الشغل وكده المهم عرفني على اهلو وانا كذلك*.
*يوم جابوا لميس المستشفى قبل 3 سنه كان عندها حاله نفسيه صعبه بسبب وفاة الكان مفروض يكون زوجها وانا كنت في فتره الامتياز لاحظت ليها كانت في حاله صدمه بعدها مع العلاج تدريجيا عادت لطبيعتها*
*وحاليا اظن انه فقدت جزء من ذاكرتها "*
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*يتبــــــــــــ Lwana ــــــــــــــع*
*#سرالختم_0121045450*
*#للتنسيق_والنشر*