الاول الجزء الاول
*#احببته_رغم_الظروف* ✨♥️
*الجزءالاول*
*#Part_No 《 01 》*
🖌️ *#كاتبة_غامضة*💔😴
*༺༺♡♡♡♡♡♡♡♡♡༻༻*
كنت قاعده على السرير وماسكه تلفوني بتونس مع صحبتي
*#لميس* : عرسك قرب حتعقلي بتين😂
*#لورا* : نهائي ما بعقل 😂 انتي مالك
*#لميس* : عاد الله يصبر عمر عليك 😂 و على جنك
المهم أنا ماشه الليله لي ولاء تجي معاي
*#لورا* : طيب ما عندي مشكلة الساعة كم حتمشي
*#لميس* : بعد ساعة من هسي يعني 30 : 3
*#لورا* : تمام تعالي لي ونمشي من بيتنا كويس
*#لميس* : كويس مع سلامه
*#لورا* : مع سلامه
قفلت الخط وقمت عشان اجهز نفسي
شلت لبستي ومشيت الحمام اخد لي شاور 🚿
مرقت نشفت شعري ولبست
*( بلوزه طويل فوق الركبه بشوية بي اللون الازرق وبنطلون جينز كحلي سرحت شعري ضفيره هندي ولبست طرحه بي لون البلوزه فيها فرشات ملونة وعملت قلوس ولاينرير ولبست شبط اسود زاحف )*
شلت تلفوني ومرقت وصلت لي لورا سلمت على امها وطلعنا
ركبنا لينا امجاد ووصلنا دقينا الباب
المهم استقبلتنا وضيفتنا وبقينا نتونس بعدها اتغدينا معها ودخلنا غرفتها وواصلنا ونستنا
*#ولاء* : يا لموسه شوفتي البايره حقتنا ح تعرس وتخلينا
*#لميس* : اي يا ولويه وكمان ما شغاله بينا الشغله راميانا بعيد
*#لورا* : انا شامه رايحت زول بقطع فيني 😑
*#لميس* : هسي نحنا جبنا سيرتك
*#لورا* : نهائي ما متذكرة اني قلت اسم زول
*#ولاء* هي بتحمر ليهم
شالت المسند فنتو فيني وشالت التاني فنتو في لورا
وبقينا بنضارب بيهم
المغرب اذن صلينا
ضربت لي احمد جانا وودعنا ولاء
وصلت لورا لي بيتها ورجعنا البيت
سلمت على بابا وماما ودخلت استنيت العشاء اذن صليت ضبط المنبه ورقدت نمت
*'' صباح تاني يوم ''*
صحيت بدري مع المنبه صليت ونزلت تحت عملت الشاي ومعاهو كيكه شكلاته *( الحوب )* 😋😋😍 بابا جاء لقاني في المطبخ
*#عبدالله* : غريبه الليله صاحيه بدري وكمان سويتي الشاي وكيك
عندك حمي ي بت 😂
*#لميس* : يعني يا بابا لو سويت الشاي معناه عندي حمي
زعلت منك ي بابا
*#غزل* : هوووووو البت وابوها في المطبخ صباح الخير
انا &بابا صباح النور 😀
*#غزل* : بتعملوا في شنو من الصباح في مطبخي
*#عبدالله*: ما بنعمل
بتي الليله سوت لينا الشاي
*#غزل* : يا سلام هسي بقت بتك لا معليش دي بتي انا
و بدو يتشاكلو
*#لميس* : خلاص بطلو مناقره ويلا الشاي برد
شربنا الشاي وطلعت فوق لبست ومرقت على شغلي
اسفه نسيت اعرفكم عن نفسي
انا لميس عمري 24 سنه
بابا اسمه عبدالله عمره 52 سنه
وماما اسمهة غزل عمرها 45 سنه
اخوي اسمه احمد عمرها 26
انا واخوي ماما وبابا تعبوا فينا كتير لحدي ما وصلونا المرحل النحنا فيها دي
ابوي بشتغل تاجر تموين وحالتنا المادية ممتازه
وماما برضو بتشتغل مهندسه ديكور وتصميم
اخوي شغال في شركه اتصلات
وانا في شركه لتصميم الملابس والمجوهرات
وصلت شغلي ودخلت على مكتبي وبديت اشتغل لحدي ما جاتني لورا
*#لورا* : صباح الخير
*#لميس* : صباح النور كيفك
*#لورا* : بخيرالحمدلله
*#لميس* :يدوم الحمدلله بخير الحمدلله
*#لورا* : جمعا يارب
*#لميس* : يلا يلا خلينا نشتغل عشان مايجينا مستر عوض يجننا
*#عوض* : انا مالي اسي سألت زول 😂
*#لميس* : بسم الله الرحمن الرحيم انت جيت من وين 😨
*#عوض* : من السماء الاحمر مالك شفتي ليك جن 😂😏
*#لميس* : اننننن هسي لوكان طرينا خزن كان جات
لكن صحي ود الحلال على زكرو ببان 😀
*#عوض* : المهم اسي يا لميس تتزكري الرسومات الطلبتها منك الاسبوع الفات 🙂
*#لميس* : اي اي لي مالهم 🤔
*#عوض* : جاهزين ولا لسه 🙂
*#لميس* : جاهزين تقريبا فاضل لي بس واحد وخلاص 😀
*#عوض* : خلاص تمام يوم الاربعاء انشاء الله جيبيهم لي في مكتبي 😊
*#لميس* : خلاص تمام يا مستر انشاءالله ☺
*#لورا* : انا قاعده على فكره
*#عوض* : انتي في زول حاسبك مع الناس اصلا 😂
*#لورا* : عوض اخير ليك تمشي 😒
*#عوض* : اصلا ماشي يلا *( طلع )*
*#لميس* : انتي اول ما تشوفيه بتقلبي وشك كد
*#لور* : ما بطيقو اصلاة
*#لميس* : خلاص خلاص
وكملنا شغلنا
بعد خلصت الشغل الكان علي بديت ارسم في اخر فستان
*" كان بسيط وحلو ضيق من الصدر وواسع من تحت ومنفوش ويدينو تلات اربع فيهم شوية فرو من الكتفين فوق وتحت اخر الفستان لونتو بي اخضر زرعي وبدرجات الازرق ورسمت جنبو طرحه بنفس لونو وهليز بي الكحلي وشنطه بي الاخضر الزرعي "*
خلصت رايك
*#لورا* : انتي جاده وريني
حلو عديل رهيب
يا سلام عليك لكن بتين مشاء الله
*#لميس* : انتي بتعرفني سريعه في الرسم
يلا عشان نتغدي ونرجع جوعت
*#لورا* : وانا كمان
نزلنا الكفتريا تحت ولقينا مستر عوض ومعاهو عمر *( خطيب لورا )*
اشر لينا عشان نجي نقعد معاهم
مشينا عليهم
لورا قعدت معاهم وانا مشيت اطلب وجيتم
*#لميس* : كيفكم شباب
عمر & وعوض كويسين الحمدلله
*#لورا* : رايكم شنو اخر الاسبوع نطلع كلنا ومعانا ولاء نمشي المزرعه 😁
كلهم بصوت : فكره حلو
لينا زمن ما فرقنا
*#لميس* : بالمرة نعزم باقي الشباب 😀
*#عمر* : اي ياخ من عرس رؤى ما شفناهم 😇
*#عوض* : بما انو كلنا اتفقنا نكلم الباقين و نتفق معهما
انتي يا لميس و لورا تكلموا البنات وانا وعمر بنكلم الاولاد
بالنسبه لي رؤى بكلمها انا لمن ارجع
*( اخو عوض زوج رؤى )*
وبكلم عبد الرحمن 😊
*#لميس* : خلاص تمام 😄
الاكل جاء اكلنا وبعديها كل واحد فينا رجع شغلو
وانا بما اني خلصت شغلي بقيت برسم في تصميمات جديدة
*" بحب الرسم ياخ "*
نسيت اكلمكم
انا المصمة الرئيسة حقت الشركة
ومساعده مستر عوض او ممكن نقول عوض
الدوام انتهى
دق لي احمد
*#احمد* : وينك انتي انا تحت الشركة
*#لميس* : خلصت شغلي دقايق واكون معاك
*#احمد* : تمام في انتظارك
*#لميس* : قفلت الخط و لميت حاجاتي
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
*صلوا علي خير الانام*
*يتبــــــــــــ Lwana ــــــــــــــع*
*#سرالختم_0121045450*
*#للتنسيق_والنشر*