الفصل 23
🏮 *#صدفة_جبرت_كسري* 🏮
*#Part_No 《 23 》*
💜 🖌️ *#هاجر_احمد 💜*
*ہہہـ٨ـــ♥︎ہہہـ٨ــــ♥︎ہــہہہـ٨ــــ❥ **
اليووم التاني اتلمينا كلنا في العشاء
*#ابوي* : في مووضوع ضروري لازم ننقاشو على انفراد .
هذيت ليو راسي بتمام
بعد اتعشينا مشينا غرفتي
*#ابوي* : في زول طلب يدك
بقيت بعاين لي ابوي وانا ساكتة بعد مسافة حتى قلتة ليو
*#ثويبة* : لكن ونزلتة راسي
*#ابوي* : هو عارف بالمووضوع دا
*#ثويبة* : رفعت راسي وقلت ليو منو
*#ابوي* : رفيد
بقيت بعاين ليو وانا م مصدقة دايرة اطير من الفرح
معقولة رفيد داير يتزوجني
معقولة
وااااااي انا
معقولة م مصدقة
كنت فرحاانة شديد لي درجة قف تأمل
*#ابوي* : اخدي رأيك وفكري كوويس
هزيت ليو راسي بتمام
ابوي طلع وخلاني
انا بقيت برقص وبدور
سمعت صوت ضحكة لقيتو دا منيب الكريه
*#منيب* : واخيراً بورتك ح تفگ وح نتخاارج منگ
*#ثويبة* : الخووف ترجعوني قبل م اتم الشهر وتقول اشتقنا ليها
*#منيب* : حاشا وكلا
ي بايرة
*#ثويبة* : في زمتك انا بايرة
*#منيب* : ااي ردة فعلك بتوحي بي كدن
*#ثويبة* : لا ي استاذ
*#منيب* : اها يعني فرحانة غشان العريس ح يكوون رفييد
*#ثويبة* : ااي اكييد وانا احسن من رفيد ح القى
*#منيب* : لالا والله م ح تلقي ابدأ
اليوم التاني جاني جااسر فتح لي الموضوع وقال لي
*#جاسر* : عن نفسي انا موافق لانو رفيد دا راجل ولد رجال
المهم بعد المغرب ابوي جاني واكدت ليو موافقتي
جاتني رتيل بعد المغرب وتشيل وتزغرت وانا بس اعاين ليها واضحك
*#رتيل* : أخيراً
*#ثويبة* : عقبالك
*#رتيل* : الله يسمع منك
اليوم التاني جانا رفيد وامو وعمو وحددو العرس بعد اسبوعيين بس
المهم كانت لخمة شديد واصعب اسبوعين يمرن علي
وجابو لي الشيلة والشنطة وكانن حاجات على قد الحال لانو نااس رفيد وضعهم عادي
لكن القروش ولا شي بالنسبة لي
جااب لي تلفون ونهائي م كنت بتكلم معااو إلا بس يسألني من الحاجات العايزاها ومن صحتي وبس
يعني شخصية رفيد عحبتني شديد ودا الانسان الحافظ علي مع اننا كنا مخطوبين على اعين النااس بس حافظ علي
ومكانتو في قلبي كبرت شديد
كن مع لخمة العرس والحفلة والجوطة وعزمنا الجيران والاهل
رتيل نهائي م فارقتني حتى صحباتي الفي المدرسة جوني
يعني كانت اياام حلوة شديد وما بتتوصف
*#يوم_العرس*
كنت متوترة شديد وخايفة
بس وجود اهلي جنبي كاان مطمني شديد
قلت سبحان الله الدنيا دي ضيقة شديد
امس الزواج دا فرضتو انا وكان من الممكن يحصل بدون وجود اهلي معاي
لكن ربنا شاء انو يحصل بي رضااو هو
واهلي كاانوا معااي ♡
العرس كان دعوة فطوور
جاسر ومنيب يخشوا ويمرقوا
اكتر اتنين متجرسين من فراقي
جاسر كل دقيقة يجيني ويوصني انتبهي على حالك
ولو احتجتي لي اي شي نحنا كلنا معااك وا وا
المهم الليوم دااك كان من اتعب ايام حياتي
ما كان في حفلة نسبة لي اني انصارية ووضع رفيد
وحتى مافي سفر لانو ام رفيد براها وما معاها زول
ام رفيد بالجد كده مرة طيبة شديد جاتنا مرتين في الشيلة وتاني يووم الخطوبة
بعد الظهر العقد تم وبدت المباركاات والحلاوة والناس داخلة ومارقة
بعد العصر سمعنا صووت العربات خلاص والبوري البتعلن وصول العريس
كنت لابسة تووب احمر وعاملة مكيااج خفيف
ونسبة لأني انصارية مغطية وشي
سمعت صوت البنات بقولن العريس وصل اطلعن اطلعن
انا هنا ياادوب حسيت بي جسمي كب موية من التوتر
جاا داخل وقفل وراو الباب
جا باسني في راسي وقال لي
*#رفيد* : ربنا يقدرني اسعدك بالبسيط العندي
والف مبروك علينا ي مرتي
ابتسمت وقلت ليو
*#ثويبة* : الله يبارك فيك
مسك يدي وطلعنا والنسوان كلهن يزغرتن والرجاال يبشرو
يعني كاان احساس حلو شديد
وعملنا الجرتك برانا جوا ما كان معانا ولا راجل
ومنعنا التصوير
عملنا جرتك بسيط ومميز شديد
لمن جاء دور اللبن هو ملاني ملي وما قصر فيني
بس انا كل م اشرب بقعد اضحك وببلعو
ي الله كبيت فيو لكن بسيط
والنسوان فكوها زغاريت
بعد انتهينا طووالي اتحركنا ومشينا بيت نااس رفيد
كان ملياان نااس وبرضو المباركاات وغيررو
بيت رفيد كان مفصوول براو
دخلنا بعد العشاء مشيت استحميت ولقيتو منتظرني في المصلاية
صلينا مع بعض ودعينا انو ربنا يبارك لينا في زواجنا ويرزقنا الذرية الصالحة
قرينا سورة البقرة والكهف ويس والملك والدخان والرحمن والواقعة
بعد انتهينا مشينا نمنا طووالي من التعب
ونهائي مافي زول فتح خشمو مع التاني
*༺༺♡♡♡♡♡♡♡♡♡༻༻*
*وما احلى من زواج تكمل بهِ نصف دينك*
*زواج تشارك فيه حياتك مع الانسان الذي اختارهُ قلبك*
*تفاصيل وحكايات مختلفة تندمج مع الزواج لتصبح حكاية تروى*
*تشارك جميع تفاصيلك وحياتگ تصبح اكثر ودآ*
*اندمااج شخصين في زواج يصنع حكاية مذهلة*
*واسرة رائعة*
*وحياة جديدة ♡♡♡♡♡*
*¦}﷼{¦}﷼{¦}﷼{¦}﷼{¦}﷼{¦}﷼{¦} ﷼{¦*
*صلوا علي خير الانام*
*يتبـــــــــ اخت هبة ــــــــــــع*
*#سرالختم_0121045450*
*#للتنسيق_والنشر*