الفصل العاشر
🩵 *#للقــــــدر_كلمـــــــــة* 🩵
*#Part_No 《 10 》*
💜 🖌️ *#بقلمي_عسجد 💜*
*༺༺♡♡♡♡♡♡♡♡♡༻༻*
*#بعد_مرور_شهر .....*
*#ندى* : اي جايه
والله العظيم جايه بس اتناول لي حاجه من السوق سرعه بجي
ما بتأخر والله
اي اي بجيبن معاي خلاص تمام
مش دا منيب مالو قاعد براو زي المجنون 😂
يا منيييب منيييب
منيب مسح دموعو سرعه سرعه واتصرف طبيعي
بس ندى حست انو في شي م تمام
بعد سلمت عليهو قالت ليهو
*#ندي* : شنو يعني م حتعزمتي ع كبايه عصير ف الجو الحار دا
*#منيب* : طوالي يخ أرح هنا ف مطعم فتح جديد عندهم عصير سمح خلاص
بس عصير ابو خمسمائة جنيه🌚
*#ندي* : ياهو عمارك م مشكله قبلانه ب اب جنيه واحدة راضيه 😂
المهم دخلوا واتونسوا
قالت ليهو ي منيب
*#منيب* : ايوة
*#ندى* : م فيها حاجه لو بكيت
الدموع م عيب كونها نزلت من راجل
وماف فرق الوجع ياهو الوجع
كونك تدس مشاعرك مهما كانت دا خطأ
اي احساس انت بتحسو عبر عندو مهما كان
وانت إذا محتاج تفضفض لي زول انا سامعاك
ومتي ما احتجتني ح تلقاني فاتحه ليك اضنيني كبار 😂
*#منيب* : اضنينك قلتي لي 😂
*#ندى* : اسي م ركزت الا مع دي
عديم احساس رمه ساي
قوم أرح وديني ناس معزة 😒
*#منيب* : 😂😂
لا يخ معقولة
وتسلمي كتير والله م قصرتي معاي
وان شاء الله لمن احتاج احكي ح اجيك طوالي+ شايف انو بقيتي واعيه وكدا 🙂
*#ندى* : من يوم يومي واعيه م تسحرني بس
انا عارفه عينك حارة 🌚
*#منيب* : 😂😂 لسانك اطول منك
ديل مصاحبنك كيف م عارف 😂
*#ندى* : ظريف 😒
*#رحيق* : الليله العمليه
اول عمليه وخايفه م تنجح 💔
*#مرافئ* : ح تنجح باذن الله
*دخلوني غرفه العمليات وانا بدعي انو من اول مرة تنجح*
*#بلسان_رحيق*
كنت ف العمليه حوالي 3 ساعات حتن طلعت
نسبه للبنج فتحت متأخرة
اول م وعيت لقيت البنات وخالتو حياة وأماني وأميرة وكمان منيب وحتي الشباب الامتحنت معاهم قاعدين 💚
للحظه فرحت شديد يخخخ
الدكتور جاء دخل وحمدلله لي السلامه كونها نجحت من اول مره😍
م عرفت ابكي ولا اضحك المهم عملتهم الاتنين 😂
الدكتور قال لي م تخافي
ف البدايه م حتقدري تتحركي وحتحسي كانك ما حتتحركي
خلال شهر حتتعمل ليك جلسات طبيعيه تمام 💚
قلت ليهو تاااااني شهر 😢
قالو لي شهر كانو يوم
ما تحسي بشي
وفعلا كل يوم عاملين برنامج ومواضيع
ومع الدلك بطلعوني برة
يعني نفسياتي كانت فل💚
ف يوم كدا بالليل كنت نايمه وحلمانه بحلم مزعج
صحيت مخلوعه
ختيت يدي في وشي ومسحت عرقي وشغاله استغفر
وتاني شويه كدا هديت
يا دااااب استوعبت انا عملت شنو 😳
اتجمدت مسافه
قلت احتمال بحلم
حركت يدي وعاينت ليها😳
حركتها
حركتها
وبقيت ابكي واكورك
حركتها
وااي حركتهااااا
معزة قامت مخلوعه
وخالتي حياة برضو جات مخلوعه
بس بسالوا فيني مالك
مالك
وما مركزين اني بحرك ف يدي 😂
قلت ليهم شوووووووفوا يديني حركتهم
يا داب ركزوا
معزة قامت تكورك باعلي حسها 😂
*#ام_معزة* : هي يا بت براحه الواطة ليل
وتبكي 😂
ساعه حتن هدينا 😂
قلت ليهم بس كرعيني ما قادرة احركهم 💔
معزة قالت لي م تستعجلي دي خطوة سمحه
بكرة بتقومي كلك علي بعضك 💚
ما صدقت الواطه صبحت عشان افاجئ ناس مرافئ
من الصباح معزة اتصلت ليهم وقالت ليهم تعالوا ضروري
في أقل من ساعه البنات جن ويسالن ف شنو الحاصل شنو
*#رحيق* قلت ليهم مافي شي بس اشتقت ليكم ونفسي احضنكم وفتحت ليهن يديني شبرييين
*هن بس نططن عيونهن مخلوعات 😂*
*#معزة* : 😂😂
اي اي انا زاتي انخلعت زيكن 😂
*#رحيق* : شنو يعني ما حتسلمن علي 😂
*الاتنين لسه ساكتات ويعاينن لي يديني 😂*
معزة وقفت جمبهن واي وحدة ادتها لبعه ف وشها😂
البنات طوالي فتحن بيت عزاء 😂
قلت ليهم اصلي م بسالكن
خلاس انسن كأنكم ما شفتوا شئ 😂
*#ندى* : دا متين دا
واااي لكن
كدي كدي ارفعيهم تاني 🥹
انا عملت ليهم حركه المسدس ب يدي
وعملت طاااخ كاني أطلقت رصاص 😂
مرافئ زوله درامية
طوالي عملت نفسها اتصاوبت وقالت اااخ يا قلبي
اقسم بالله م مصدقه يخ 🥹
مشينا الدكتور وكان مبسوط شديد من الحصل دا
والشي البسطني اكتر
قال لي
*#الدكتور* : اترقبي بالكتير بعد يومين حتتحركي بالكامل
لان الفحوصات طلعت كويسه شديد 💚
انا فرحت فرح يخ
اتزكرت ناس امي 😭💔
بس البنات م قصروا اداركوا الموضوع
واليوم كله عديناهو احتفال
ومنيب عزمنا مطعم
جد انبسطنا شديد 💚
بعد يومين كانت النتيجة
كنت متحمسه شديد
وقاعدين كلنا قصاد التلفزيون نحضر ف المؤتمر
الساعة القالوا
*رحيق احمد عبدالله*
*الاولى علي السودان بنسبه 98 ٪*
*انا وقفت مخلوعه 😳 من النسبة الجبتها*
*ناس معزة وقفوا مخلوعين من اني وقفت 😳*
*انتوا زاتكم اتخلعتوا من النسبه والوقفه صح 😂*
*#رحيق* : دي نسبتي 😳
ماف زول رد لي
قلت ليهم مالكم
*#منيب* : عايني لي روحك
*عاينت لي روحي من الخلعه جيت واقعه 😂*
يخ كمية الفرحة المخلوطة بخلعة ما بتوصف
كنت مبسوطه لدرجه البكاء
البيت كلو يبكي من الفرحه 💚
سبحان الله
في ناس شدة م بتحبك وبتحب ليك الخير تتحير فيهم
كميه الامان البنحسو معاهم 💚
والراحة والاطمئنان بغنوك عن كل اهلك
وأخيرا النور بدأ يدخل حياتي 💚
بسبب النسبه طوالي دخلوني منحه الدراسه ف بريطانيا من اول بداية لحدي التخريج 💚
🔺🔻🔺🔻🔺🔻🔺🔻🔺
*من طاب أصلهُ ، طاب فعلهُ ، فَلا يُثمرُ الغصنُ إلّا من طيبِ الجُذور*
❤️✨
*قد يطول الحلم وقد يقصر وقد يتحقق وقد لا يتحقق ولكن يكفينا أننا حاولنا وحلمنا في زمن الأحلام الفقيرة ❤️*
🔺🔻🔺🔻🔺🔻🔺🔻🔺
*صلوا علي خير الانام*
*يتبــــــــــــ Asgad ــــــــــــــع*
*#سرالختم_0121045450*
*#للتنسيق_والنشر*