الفصل السابع
🩵 *#للقــــــدر_كلمـــــــــة* 🩵
*#Part_No 《 07 》*
💜 🖌️ *#بقلمي_عسجد 💜*
*༺༺♡♡♡♡♡♡♡♡♡༻༻*
*#دكتور_علي* : يا جماعه لازم تتفاءلوا تمام
انا ح اديكم علاج لمدة شهرين تلاته بالكتير
تعملوهوا وتواظبوا عليهو
بعد داك نشوف الحاصل شنو مع العلاج دلك طبيعي للظهر علي خفيف
اما الأرجل كل شويتين تحركوهم ليها وتدلكوهم وكذلك الاكتاف وأصابع اليدين تمام
*#منيب* : طيب تمام تسلم كتير ي حبيبنا م قصرت والله
*#دكتور_علي* : ولو يخ العفو دا واحبي 💚
*طلعوا من المستشفى دخلو صيدليه جابوا العلاج ورجعوا البيت*
*#ندى* : معزة ومرافئ انا عندي ليكن فكرة ظابطه دايره اناقشها معاكن بس ما متأكدة من ردة فعل رحيق 🥲
عشان م تحس بالملل وكل مرة سامعاتنها تعبتكن معاي وبتاع وكدا
*#مرافئ* : اها قولي هي شنو بس م يكون الفي بالي 🙂
*#ندى* : رأيكن شنو في مدة الشهرين ديل تمتحن تالت تاني
لانها تلاته شهور ويمتحنوا
ونحن اكيد ح نساعدها لانو م ممكن تضيع كدا والسنين تفوت عليها
والصراحة دايراها تبقي دكتورة يخخ 😢
*#معزة* : يخخخخ انت عسسسسسسل عديل 😚
فكرة ظابطه والله شديد
*#مرافئ* : جدددد كدا فكرة حلوة وم تخافي نحن بنحاول نقنعها 🙂↔️
*#ندى* : أن شاءالله توافق أن شاءالله + تفكيري طلع نفس الفي بالك 🙂
*#مرافئ* :😂😂😂😂😂😂
لا فكرت انو حتقولي تعرس منيب عشان م تحس انو تقيله علينا وكدا
يعني شغل الروايات وكدا 🌚
*#معزة* : انا شايفه تبطلي تقري روايات الايام دي 🙂
منيب بعتبر رحيق اختو الصغيرة ورحيق كذلك 🌚
*#مرافئ* : 🙂🙂🙂
كدي خلونا نمش ونكلمها
*#مرافئ* : ياااااا رحيقنا ووردنا وسكرنا وشكولاتتنا ومنقتنا 😚
*#رحيق* : اللهم إن كان سحرا فابطله
مالك ي مرافئ خييييير 🙂
*#مرافئ* : الله يعني م اتغزل فيك ي دلبي 🌚
*#رحيق* : شايفاني حالقه نيمار ولا شنبي قام🙂
*#ندى* : ووووووتم قصف الجبهه بنجاح 😂
*#معزة* : وذلك باطلاق صاروخ من دوله رحيق الي المتمردة دول مرافئ 🌚
*#مرافئ* : كدا ي دلبي معقول يخخخ دنا احبج وايت وايت 🙂
*#رحيق* : وايت وايت
اللغه نوووهائ م جايه معاك ابدا ابدا ابدا 🌚
*#ندى* : مرافئ والله ي صحبتي شايفه انو شطب يور ماوز 🙂
*#معزة* : 😂 شطب شنو
متأكدة لو بريطانية سمعتك حتعتزل الانجليزي وتتكلم عربي 🙂
*#رحيق* : وتم قصف جبهه 2 😂
*#ندى* : والله اتن عوارض وسجمانات
مصاحباكن لشنو م عارفه 😒
*#رحيق* : عشان بنريدك شديد يخخ ❤️🩹
*#ندى* : وانا زاتي بريدكن 🙈
*#معزة* : عان دي صدقت 😂
المهم ي رحيق ف مواضيع كدي بندور نقولها ليك 🙂
*#رحيق* : قصدك موووضوع اها قولي
*#معزة* : زي ما عارفه فاتتك سنه
ولما تتعالجي شهر وشهرين تلاته حتفوتك كتير
واسي ناس تالت دايرين يمتحنتوا ف مدة علاجك حقت التلات شهور دي
ايه رايك تقري وتمتحني معاهم
وقبل م تختي اي اعتراض نحن حنساعدك
وانت م محتاجه بطبعك زكية وبتحفظي بسرعة تمام
وانا متاكده حاليا لو سالتك من حاجات حتجاوبي
وفكري كويس انو كدا حتحققي حلمك يلي كان حلم ناس امك وابوك الله يرحمهم
ودا الاهم
*#رحيق* : حلمهم حيتحقق أن شاءالله
انا سلمتكم نفسي لان انتوا الصح
وانا ما ح اعترض نهائ
يلي بتقولوهوا موافقه عليه ☺️
*#ندى* : ايوووووووووي يووووي 💃
دا اليوم الدايرنو ليك ي رحيق مبروك عليك 🌚ابشرن ي بنوت
*#مرافئ* : انا شايفه انو ندى تتعالج اول قبليك ي رحيق رايك شنو 😂
*#رحيق* : تب م عندي مشكله 😂
سبحان الله علي نعمه الصحبات
كلمات بنعجز نعبر عنها
يخ ديل نعمه نعمه الاصحاب عبارة عن بلسم وملاذ
وملاك كدا نازلين من السماء لينا 💚
وقلتُ في حب الصحبات ملاك والكاف زاء ❤️🩹
🔺🔻🔺🔻🔺🔻🔺🔻🔺
*ما الذي بينك وبين الحروف ؟!*
*اعندك عهد أن لا يخونك التعبير ؟*
*أم جعلت الحروف ترنو إليك تواضعا فيفيض منها ما يثلج الصدر ويرتاح منه الفؤاد .*
*عنادل قلبي صداحة
طاب عندك بالحب وجراحه .*
🔺🔻🔺🔻🔺🔻🔺🔻🔺
*صلوا علي خير الانام*
*يتبــــــــــــ Asgad ــــــــــــــع*
*#سرالختم_0121045450*
*#للتنسيق_والنشر*