الفصل 4
*الفصل الرابع..
شقة سعود.../
خالد جالس يلم أغراضه..لأنه بيسافر بكره..خلص كورسه..وراجع إجازه ورحلته الصباح...متضايق لأن أهله سوو اللي براسهم وخطبوا له بنت عمه اللي يقولون انهم حاجرينها له من وهم صغار...
سعود بغرفته ويضبط أوراقه عشان دوامه..كعادته قبل لا ينام...
رن جرس باب الشقه..كذا رنه..
خالد طلع يشوف:اوكي..اوكي..
خالد فتح الباب وتسمر واقف مكانه..
داليا كانت واقفه ..وماتدري وش جابها هنا..
خالد عرف وش تبي:لحظه..ياسعوووود..سعووود
سعود جاء:خير شفيك رافع صوتك كذا؟!
خالد ابعد عن الباب وأشر بيده:تبيك..
سعود تفاجأ فيها:داليا!!!
خالد دخل:عن اذنكم,عندي شغل بخلصه وبنام..خذوا راحتكم...
دخل خالد غرفته وسكرها عليه..
سعود وهو يناظر فيها متفاجئ:تعالي
ادخلي.. ليش واقفه عند الباب؟
داليا ظلت واقفه ومادخلت..كانت ترجف ..
سعود قرب ووقف قدامها:داليـا..فيك شيء؟
داليا رفعت راسها تناظر فيه لأنه طويل..نزلت دمعتها وحاولت تتهرب وتمشي..
سعود:لحظه..
دليا وقفت وألتفتت وهي ساكته..
سعود فهمها:معك حق..خلاص بنزل معك وقفي اخذ المظله بس..
داليا فرحت انه فهمها..استنته ونزلوا سوا..
سعود فتح سيارته:تفضلي
داليا وقفت متردده..
سعود:اظن بهالجو البارد مانقدر نتمشى على رجلينا..صح
داليا ناظرته متردده..
سعود:داليـا وبعدين معك..أنا سعود
داليا قررت تركب بعد ماحست بصدقه..
بعد 5دقايق..تكلم سعود:أول شيء أنا لي تصرف ثاني معك..يلي طالعه بهالوقت
وهالجو لحالك..بس ماعليه دامك وصلتيني بخير بسامحك
داليا التفتت تناظره مستغربه كلامه وساكته..وعندها فضول العالم!!
سعود التفت عليها:شفيك تناظريني كذا..انا جاد بكلامي...لحظه..شكلك بردانه صح؟
داليا فعلاً بردانه بس ظلت ساكته..
سعود وقف وأخذ كوبين حليب بالشوكلاته
الساخنه ورجع:خذي..شوكلاته ساخنه..تدفيك..
داليا اخذته وهي ساكته:
سعود:هههه شفيك ماتكلمين..عالعموم..الليله ماراح نتكلم في
أي موضوع..راح أوصلك لبيتك..وبكره نتفاهم أوكي
داليا بعناد اطفال:لا
سعود:ههه أفا..قويه ذي..ليه؟
داليا فاض بها الكيل:أنت شتبي مني بالضبط؟
سعود استغرب سؤالها:شقصدك؟مافهمت؟
داليا بمشاعر مختلفه:ليش تحاول تسوي نفسك ملاك ومنت مثل باقي الشباب...أنت ليه طلعت فحياتي,لخبطت كياني..
سعود أبتسم:ومن قالك أني أسوي نفسي ملاك..أنا فعلاً زي زي كل الشباب..ولا أدعي الكمال..مافينا كامل..بس وش سبب كلامك هذا
داليا اعجبها رده وأتعبها زياده:أنت سبق وسألتني عن قصتي..وأنا ماعندي مانع لو تسمعها...بس بالأول قوللي وش يهمك لو عرفتها؟!
سعود وقف جنب الطريق والتفت عليها:تبين الصراحه وإلا...
داليا قاطعته:طبعاً الصراحه..
سعود طلع جواله وفتح عالصور وطلع صوره حطها قدامها:يارب تفهمين
داليا تفاجأت بصورتها وهي نايمه على سرير سعود ومحتضنه يده!..في جواله حطت يدها على فمها دليل الصدمه:سعوود انت من سمحلك تسوي كذا..ليــه؟
سعود بدون تردد:أحبك
داليا عورها راسها من هالكلمه..وصدت بدموعها..وصارت تبكي بصمت...!!
سعود خاف من بكاها اللي كان مؤثر:داليا..أنا ما قصدت أني أجرحك ولا شيء...أنا حاس أني تهورت...بس أنا
حبيت أوصل شعوري بس..
داليا مسحت دموعها وحاولت تتماسك..وتهدى:أنت متأكد
سعود:متأكد من وشو؟
داليا:أنك..أنك تحبني..
سعود:ومن قال أني أحبك!!
داليا خزته بعيونها..!
سعود بإبتسامه تقتل أي بنت:أنا أعشقك بصراحه..يمكن بدري اقولك بس..مدام اني احس بهالشعور ليش
اخبي..داليا..حنا بلندن مو بالرياض..
داليا ناظرته بجديه:حتى..لو عرفت..أني..
سعود خاف من اسلوبها..وخاف من الكلام
اللي بيسمعه:وش فيك أنتي..
داليا خافت لمن رفع صوته:لاترفع صوتك علي كذا ..
سعود:أنطقي ياداليا..
داليا:أنا..أنا..صحيح أبوي سعودي..بس..أمي مو سعوديه..أمي..فلبينيه..>>سكتت وصدت ماتبي تناظر ردت فعله..
سعود تفاجأ من كلامها..وحاول يستوعب..مد يده ولف وجهها عليه.وقعد
يتأمل ملامحها,وأبتسم:يا سبحان الله..مافيك أي شيء يدل أن أمك
فلبينيه..أبداً.
داليا :كلهم يقولون كذا..بس انت يعني..<<سكتت
سعود:شفيه..بس هذا السر الدفين!!.. اللي عندك وخايفه تقولينه...عااادي وإذا أمك فلبينيه..مو مشكله..أنا أحـبـك..
داليا:بس المهم في قصتي..مابعد قلته..على فكره توني هذا يصير خالي..
سعود:بذمتك..والله لومتأخره شوي كان ذبحته..يقهرني كل ماشوفه معك..بس معليه..دامه طلع خالك بنسى..أهم شيء
اهلك انتي ابوك وعمانك..و......
داليا غصتها العبره و ناظرته بجديه:سعود أسمعني..بلييز
سعود:قولي..أسمعك
داليا تحاول ماتتوتر:سعود..أناماعندي أهل..عمري ماشفت أبوي..لأنه هجر أمي بعد ماطلقها..وعمري ماعرفته..وعمري ماعرفت اعمامي..ولا حتى عشت
فالسعوديه ولا حتى يوم واحد..فهمتني
سعود تفاجأ من كلامها وسكت...!
داليا شافته سكت..وتأكدت من رده,وحاولت تساعده في تركها:أنا كنت أقول كذا وحاسه أنك ماراح تتقبلني وأنا
كذا بدون أهل وأبنه غير معترف فيها من أهلي...بس عادي..مو مشكله لاتحط ببالك..ماراح أزعل إذا تركتني قد تركتني..افراحي قبلك..مو مشكله..
داليا فتحت باب السياره,تبي تنزل وخاطرها يقولها اجلسي لاتروحين..نزلت بدون مايمنعها..وسكرت الباب..ومشت وحزن العالم كله يكتنفها..
{يـاقـلـبــه..,أنـا اللي والــلــه حـبـيـتــه....,
عـشـقــتــه بـطـيـبت قلبي..ولـهـفة سنــيــن غــربــتـي...
تمنيته,حـبـيــبـي. تمنيته ..شـريـك أيــامــي..أحـزانـي وأفـراحـي...تمنيته..أنيــس..� �ــغـــربــ تـــي..لــكــن..بـعـد ما تـركـنـي...
"مـجــبوووره يــاغــربتي"..أقــفــل قــلــبـي..وأكــســر مــفـاتــيــحه}
..داليا حست أنها تدوخ..بس تحملت على نفسها..وكملت طريقها وهي تأشر لتاكسي يوقف لها..وهي تمسح دموعها..
وقفت لها سياره..
داليا رفعت ناظرها تشوفها,كانت عيونها حمراء..خشمها الطويل صار احمر..
سعود فتحلها الباب:ماراح تلقين احد
يوصلك بهالوقت..اركبي اوصلك أنا..
داليا:مشكور روح انت بدبر نفسي..
سعود مسك يدها بقوه وشدها:مو بكيفك..أركبي...أنتي اللحين صرتي تخصين سعود..خلي هالدلع عنك..
داليا بغى يغمى عليها من هالمسكه..عمرها محد مسكها بعنف كذا.."حبت هالحركه ماتدري ليه"..
سعود شاف نظراتها المستغربه:مابعد عرفتي سعودي اصلي..ترى حنا يالسعوديين كذا إذا حبينا..مانعرف نعبر..!!
داليا ماتدري تضمه وإلا تثقل.وإلا وش تسوي بالضبط..ظلت تبسم.!
سعود:هههه شفيك
داليا مسكت يديه بإمتنان وضمتها بيدينها وعينها بعينه,وتكلمت بصوت مبحبوح:تدري وش على بالي اللحين
سعود انبهر بحركاتها وقربها شوي:وش علبالك؟
داليا بلعة ريقها:علبالي أضمك..بس أخاف أطيح من عينك..
سعود تفاجأ وسكت..
داليا استحت:مايصلح أدري..
سعود رفع يده ومسح على شعرها المبلول
بالمطر وقربها له وضمها بخفيف..
داليا بقمة سعادتها بس تفاجأت منه,,وسحبت نفسها من بين يديه وركبت
السياره:
سعود مايدري شيسوي بعمره..حس ماوده يوديها أي مكان يبيها تضل جنبه
وبس..نفض المويه من شعر راسه بيديه وراح يركب السياره ومشوا...
,
,
,
في شقة البنات..:
نوره جالسه تكلم فجوالها..وهي تنعس:ندوووش وش تبين هالوقت بنااام..
ندى بالجوال:شوي بس شفيك علي..
نوره:هاااه وش عندك؟
ندى:تعالي بسألك هذاك اليوم داليا وين كانت..؟لمن كلمتيها؟
نوره ترددت..
ندى:نوري تراني سألتها وهي قالتلي أسألي نوره..بلييز نوااره..
نوره:وانتي وشدخلك؟
ندى:إذا ماقلتيلي بيذبحني الفضول...هاا قولي
نوره:كانت عند خالها..توني
ندى:خالها..اسمه توني
نوره:إيه خالها هذا فلبيني..
ندى شهقت:قصدك أن أمها فلبينيه!!
نوره:أيه..شفيك شهقتي
ندى:اليوم غسلت فالفلبينيين الأرض قدامها..عشان دكتور عندنا فلبيني ..ياويييلي اكيد زعلت
نوره زعلت ماترضى على داليا:الله يهديك
جرحتيها..روحي وراك بس..مضطره اسكر الخط..
ندى سكر التلفون وهي خجلانه من اللي سوته:يــاللــه..عسى بس ماتاخذ بخاطرها
وتكرهني
,,,
انتهى الجزءالأول...,