باكر على الظالم تدور الدواير - الفصل 3 - بقلم شوق ألماس | روايتك

الجـــزء الثـــالث .. The Thrid Part) (1) << في مكتب ابو تركي >>ا ابو تركي يدق على اخوه ابو بدر في ايطاليا... سأله عن احواله و ظروفه..،ولزم عليه يزور السعودية... ابو تركي : يابو بدر أنا شاري قربك.. وبتشرف بطلب يد بنتك زينة لولدي بندر.. ابو بدر: الله يشرف مقدارك يا اخوي..ذي والله الساعه المباركه.. وبنتي بنتك ياخوي و وبندر ولدي ومني يأبوها البنت جتكم ومانيب لاقي لها احسن من ولد عمها خصوصا واني ودي ومنى عيني أشوفها مرتاحه و اضمن حياتها خبرك أنا بعيد و البنت صعبه مو مثل الولد الله يشهد اني آخذ همها تعرف هي وحيدتي وأنا بعيد عنها وامها خبرك ياخوي مامن اهتمام فيها شغلها بس ندوات ومحاضرات...ودي اتطمن على مستقبل زينة وإذا بندر يبيها فعلا و شاريها بكون مرتاح و بيطيح من همي شي واجد.. ابو تركي : ابشر وأنا اخوك بنتك في عيوننا بنعيشها شيخه لأنها بنت شيخ و تأكد اني احرص منك ان بندر يبيها او لا ولو أنا ماني متأكد انها شاريها كان ما وافقت و خطبتها له ياخوي.. ابو بدر : ياعلني ماابكيك ياخوي بس عاد تعرف اصول الزواج الرأي للبنت وامها ومني انا جتكم و متأكد إن بدر بيوافق. ابو تركي : خير إن شالله خذو راحتكم ياخوي واذا صار نصيب ربي بيكتبه. 0 0 0. ابو بدر يقول لبدر عن خطبه اخوه بدر: والله بجد شي يبسط ياحبني لك يازينة والله وكبرت وانخطبت يابوي بندر رجال كفو شارينا ويستاهل ابو بدر : اي يبه بس عسى اختك توافق.. وامك بعد بدر: لا يبه اترك زينة علي وامي اقنعها أنا بعد " بدر يضحك" امي تحب المظاهر و بندر يشرفها عند صاحباتها و علاقاتها الاستقراطية. ابو بدر: ههههههههههههههههههه ياحبي لك بس على الله ولا يفشلونا مع عمك. " " " بدر يتصل على زينة... دق جوال زينة وكانت حاطه نغمه " سألوني الناس عنك يا حبيبي " زينة كانت قدام المراية.. تناظر في شكلها، بعدين راحت مسرعه لجوالها ، واااو بدير غريبه وش عنده توه داق قبل ساعة؟ زينة: اهليين..هلا بدير وش عندك ؟ بدر :لا ياشيخه ذابتها ميانة وش قطة الوجه ذي ماتبين احاكيك ؟ خلاص يالله زينة : يابيخك عاد امزح يالشين ، بدر: لا و شين بعد هين يالمخيسة أنت ورأسك..؟ زينة: ههههههههههيااي.. بدر : اتعب أنااا ادووخ أناا ياضحكه ، عدليها ترى إذا بيخطبك احد بينحاش إذا سمعت ضحكتك.. زينة: لا والله عاد ذي ضحكتي وبعدين أنت وش حاشرك ؟ أذا جينا نخطب لك و لا يهمك بنقي لك وحده اركز حتى بضحكتها عشان ما تفشلها.. بدر : اي كفو زوينة..، زينة: وعع ماأطيق احد يناديني بذا الاسم.. بدر: افا ذا وأنا ادلعك.. اي بس يمكن مني مالها قبول بس لو تنخطبين من الخطيب لها قبول..و"قعد يصفر " زينة : ههههههههههه بديررر اركد خير وش فيك ماسك من تو خطيبك..وبينحاش إذا سمع الضحكه ياخي اطلع من مخي. بدر: امممم اي لأن جا لك خطيب زينة خجلت لأنها تأكدت انه بندر لان اميرة قالتها بالموضوع من يومين ، وزينة طارت بفرحتها ياما تمنت بندر في احلامها و ذكرياتها.. زينة: كيف ؟ وشوو ؟ بدر : من قال هاه "وشو" سمع ! " يبي يخوفها " وماعندك مجال ترفضين أنا عطيت الرجال كلمة.. زينة : ياسلا١١١١١١١١١١١١م يعني الدعوه استبداد، مانيب بخبرك صاحب قرارت تعسفية بدر : ادوووخ أنا على كلمة صاحب حلوة هههه زينة : يا ثقل دمك... بدر : بخففه بشوي مويا. زينة : كركركر ماتضحك بدر : يادووبه خلاص صدق خلص وقت التريقة...اسمعي ترى صدق ياختي في رجال كفو طلب يدك من ابوي وابوي مرتاح له وامي كمان رحبت فيه وأنا "شدد على كلمة انا " وافقت.. هاه وش قررت دلوعتنا.. زينة : اي هالمقدمات وخلصنا منها ذا احنا يالسعوديين أذا خطب واحد قعدنا قدام البنت نمدح فيه و نشيخه..بس ما قلت لي من ذا اللي كلكم رحبتوا فيه حتى امي وافقت اكيد يامن الشيوخ او ولد وزير. بدر: هههههههههه اقول لا يكثر وذا شيخ ولد شيوخ مرجله و آصاله وحسب و نسب وجمال و جاه. زينة بغنج : اي ياخوي مين ذا هاللي امه داعيه عليه ههههههههبدر : لا ياعنوني ذا امه داعية له ان ربي كتبك له وهو يستاهلك هاه لا تخسرينه ترى البنات ميتين عليه أنا صاحبه و خابره زينة : يا همي وتبيني اوافق ، أنا مابي واحد مزيون عشان ما يشوف نفسه علي بدر: هههههههههاي لا من ذا الناحية ارقدي وآمني أنت اجمل منه بمرا١١١١١١١حل. زينة تستعبط لانة متأكده انه بندر : اي مين معقوله اوافق قبل اعرفه خبر ك الدهن بالزبده نفاق مايكفي.. بدر: اعوذ بالله وش فيك عجله ذا يا زوزو بندر ولد عمي زينة ودها الارض تنشق و تبلعها من الفشيله.. وألزمت الصمت.. بدر : يا هوووه...ياعرررب أنا تراي احاكيك من روما قدري صار لي ساعه و نصف اهذر معك ردي.. زينة : هلا بدر...اللي تشوفه وأنا اختك الشور شوركم. بدر : ايووووه يادلع.. ذا رأي البنت العاقله ولد عمك طولك و طوله واحد اثنينكم عيال شيوخ..وصدقيني مش راح تخسرين..اضمن لك.. زينة : شورك ياخوي و هداية الله.. بدر : اجل توكلي على ربك واستخيري و بدق عليك بعد ثلاث ايام واشوف وش صار معاك.. زينة : إن شالله ياخوي.. زينة راحت تفكر بأحلامها يا ساتر السالفة تخوف البنت تتمنى لحظة خطبتها ، وإذا حست فيها و عاشتها تخاف لأنها ماتدري وش هي مقدمة عليه ..تخاف ما تصادف السعادة يمكن ، مشكلة تخاف توافق و تظلم نفسها ، و تخاف ترفض تظلم قلب حبها و شراها... بندر...يعني لزينة الكثير ، رسمت فيه احلام و طموح و مستقبل هوشاريها و قصة عشقه لها قصة ترويها احاسيسها لها كل ليله و الحب اللي جمعهم قصة طريفه امتزج فيها الإحساس بالارتياح اللي تطور و مع الايام صار حب...حتى اخر الايام صار حب من نوع آخر متبادل من كل الطرفين متكافئ... ام بدر " مضاوي" : هاه زينة وش صار معك ؟ انصحك وافقي لأن اشوف في بندر خصائص الشاب اللي كنت ارسمه لك في احلامي من وأنت صغينيونة... زينة : يمه أنا خايفة ، إذا تزوجت مش راح اسافر معكم عند ابوي لأني إذا وافقت برتبط مع بندر صعب اسافر معكم صح امها : اكيد يمه زوجك اهو غطاك لو جارت سود الايام و اكسبيه من البداية عشان يكسبك...املكيه من اول لحظه وبعدين سيطري على وضعه بحبك ، شوفي انا مع ابوك سويت حياتي زي ماابي انا واهو عشاني ملكته حب حياتي زي ماهي وذي نصيحتي ذي لك يمه و لا تخافين زواج مافي إلا بعد ما تخلصين دراستك. زينة : يعني اوافق يمه أنا خايفه خوف مش طبيعي.. مع اني ارتاح لبندر كثير.. مضاوي: اي وافقي... وذي عموما حياتك انت ادري فيها .(مضاوي دكتورة بجامعه الملك سعود- قسم -إدارة اعمال) لكذا طول الوقت تحكي بفلفسة زايده مالها سنع.. زينة : أنا استخرت يمه وأنا موافقة بس انت دقي على ابوي او بدر لاني مستحية منهم.. امها : بالتوفيق يا ماما.. ****** (2) خالد في مكتبه و ضغط الشكل يضغط عليه زياده.. كان منهمك حيل في اوراق صفقات مهمه.. عصام: يا طويل العمر فيه سيدة برا مسببه زحمه و شوشره احرجتنا مع الذوق العام في شركتنا.. و مصره تقابلك ؟ خالد بإستغراب يناظر السيكورتي الخاص تبعه : يا أمين فوضى الدعوة كيف دخلت في مكان كله رجال بعدين مستحيل ما يصير تقابلني راح تسبب أزمه طارئه لسمعة مجموعة شركاتنا شوفوا وش تبي و طلعوها بأقرب وقت اصرفوا لها معونة اكيد وحده بضيقة ومحتاجة فلوس امين : يا عمي ماقدرنا حاولنا نقنعها بس رفضت وقالت أنها من العايله خالد بحلق عيونة و القلم طاح من يدينه بعفوية.. فجاءه... خالد يناظر هالحرمه مش غريبه علي وين شايفها..؟؟؟ مايدري الأكيد انه وجه شرس ما يبشر بخير... الحرمة بصوت عالي و كشفت غطاها.. خالد صد : استري نفسك يا مره لو سمحت اراعي المكان اللي انت فيه الحرمة: وش دعوا يابو رامي مابعد عرفتني..؟ ذهول خالد ياربي هالصوت مو غريب معقولة أنت يا.......................... وش رجعك بعد هالسنين... بعدك عايشة................... :خشتها ما تبشر بخير " اي بس ذي اهي.............. هبه زوجة ابوي الله يغفر له ( اللي مرمطتنا في المحاكم و القضايا ) وش عندها وش تبي حقوقها اخذتهن على داير مليم... هبه لاحظت شرود خالد في معالمها : كيفك خالد ما شالله اسمك يهز السوق ؟ خالد انحرج لانه لاحظ مؤخراً انه سرح في وجهها ( مشكلة كبيرة لا سرحت بوجه احد خخخ إحراج من جد خخخ) : مستوره ولله الحمد غريبه ............. رفع عيونه و ناظرها : وش جايبك سمعنا انك مهاجره و مستقرة في النمسا هبه بدلع مصطنع : آي أنا جاية زيارة و بروح خالد يقرأ اوراق بين يدينه مهمشها تماماً : و ما شالله لا تقنعيني انك جاية تسلمين هههههه هبه غمزت عينها : هههه زين فاهمني خالد قلبه عوره من هالغمزة : اي وحده زيك مرمطت الناس اللي افتحوا لها قلبهم و شهرت فيهم بالمحاكم ما تطري عليها تجي تسلم لو اليهودي يجي يسلم هي ما تسلم هبه ارتفع ضغطها : حلالي ولا زم آخذه خالد بإستغراب وضح شخصيته القوية : خذيت حقك و حق غيرك هبه : كل يرى الناس بعين طبعه خالد بإمتعاض : فروم ذي لاست وش عندك جاية ؟ عندي اشغال و وجودك هنا راسم ألف علامه استفهام.! هبه : ابي باقي حلالي خالد بتبلد : نعم سوري آي كانت هير يو بليز آقين وات دو يو سي..؟ هبه بإصرار : كلامي واضح وأنا ترى اقتنعت بحكم القاضي رأفه فيك بس يوم تحسن وضعك انا جاية ابي حقوقي مع الارباح طبعا خالد يضحك : حقوقك وصلتك وزياده... اما انك بتقعدين تخربطين فذا لا هبه : انا مابي القوة فلو سمحت المشاكل اللي صارت قبل احرجتنا سو نحلها وديا خالد : أنا مو فاضي عندي شياء اهم من قرقك هذا فبليز و عشانك كنت زوجه ابوي اطلعي بكرامتك لا اتهور واطلب السيكورتي يطلعك و استحي على وجهك تجين مكان كله رجال عيب مايجوز ترى مافيها شيء لو جيتِ البيت هبه : أنا طالعه بس والله مش راح اسيبك تتهنى بفلوس ابوك أنت و اخوانك خالد : ياحرمه ذي فلوسي أنا انا... فلوس ابوي لطشتيهن قلنا حرام نحرمك هدفك من زواجك من المرحوم وحرمتينا منهن مع إنا كنا بحاجتهن حسبي الله عليك يالجاحده رسمت على ابوي لين سجل لك كل املاكه هبه بمسخرة : ابوك اصلا نصاب خدعني كتب لي مزرعتين و فيلا و مؤسسة بس.. خالد بنظره (قامدة خالص ): طاري ابوي الله يغفر له لا يجي على لسانك خالد مسكها شدها مع كتفها وقال : الباب يفوت جمل يالله ولا عاد أشوف خشتك هنا ترززين في كل لحظه لا قسما بالله لي تصرف ثاني معاك.... هبه بنظرة تحدي من نظرتة الجارحة اللي حسستها بإهانه : حقوقي آخذتها آخذتها رضيتوا او لا خالد : لا حول ولا قوة إلا فيك يارب. نعنبوك ماتفهمين استحي على عرضك وين ابوك عنك هبه قامت و تناظر فيه بثقة : هههه لا تستعجل على رزقك ، ابوي موكل أكبر محامي يجيب لي حقوقي. خالد يناظرها بإستحقار : يالله لا تبلانا اعفيهم ولا تبلانا صدق ناس مايملي عينهم إلا التراب..ابن آدم طماع... هبه : ومين ما يطمع ؟ أنت طمعان في فلوسي اللي هي فلوس زوجي... خالد : الحكي ضايع معاك بس انا احاكيك من باب بالتي أحسن عشانك كنت محسوبة زوجة للشيخ ابوي الله يرحمه، والحين يالله ولا عليك أمر عندي اجتماع ولا عاد توطوطين بذا فاهمه... هبه : أنا رايحة بس و ربي راح تندم يا وجه التعب خالد يأمر الامن يطلعونها بشكل مخزي .. انكسرت وحست بوضاعة قدرها بس مايهمها لأن ياما و ياما طردها خالد و سحب فيها بس تختفي وترجع لكن لها فترة مختفيه و توها راجعة..بعيونها الشر والحسد للعايله اللي كرمتها ورفعتها من طبقة لطبقة... طلال : ياطويل العمر هدي اعصابك .. خالد يرعد بصوته : جيبوا لي كل المعاملات .. طلال : يا عمي أنت معصب و تعليماتك تقول لنا ما نخاطر و نجيب لك اي ورقه وأنت بهالحاله. بدر توه مشرف : خير خير وش فيك ياخالد عسى ما شر؟ خالد : خير بوجهك وينك ليش توك واصل ناظر ساعتك ؟ بدر يرتز : احم احم نسيت انا متزوجين وعندنا اهل ما يخلونا نطلع إلا بطلعة الروح. خالد بإبتسامه : اجل متكي عند حرمك المصون.. بدر : اي و غداك عندي إن شالله يابو رامي خالد : والله و صرنا نعزم ههههههههههه بدر : اي وش خبرك إلا بسألك لمحت لي زول حرمه معصبه والبودي قارد اللي معها يتوعدون والدنيا قايمه من ذي كني سمعتهم يقولون انها زوجتك..؟ خالد بتعصيب : يخسون و يعقبون زوجتي إشرف من انها تطب مكان كله رجال لو كان ملك لزوجها.. بدر : السموحة ياخوي ..صدقني قلت كذا لانها طالعه منك قلت ماهنا غير ام رامي خالد بانكسار : ذي مو ام رامي..... ذي هبه.. صدمه.. كأن احد آخذ لوح خشب و صافق بدر على وجهه بدر : وش تبي ؟ اهي عايشه للحين وانا فرحان توقعت انها ميته وش عندها جايه اكيد ناوية على شر؟ خالد يناظر تحت و يحرك القلم و يبتسم بسخرية : تبي فلوسنا تقول ابي فلوسي من ورث المرحوم. بدر : اي هي أخذتهن و خلصنا اذكر ان حتى المحامي قال انها اخذت زود على حقها الشرعي.. بعدين مثل ما سمعت انها تدير مجموعة كامله لمشاغل هنا بالديرة وتدخل عليها ذهب .... خصوصا بهل الإجازات ( لاحظوا بدر يبي يخفف توتر اخوه ويرسم على شفاته البسمة ). خالد : يا ااخوي هالاشكال لو معاهم مال قارون مايحمدون الله ... بدر يبوس يده يد وظهر : مستورة والحمدلله يالله أنا راضين بقسمتك والحمدلله . خالد بكل وقار وثقل يبتسم : الحمدلله والشكر لله على هالنعم . (3) أميرة كانت جالسة في المطبخ تشتغل وتضايقت منها الشغاله اللي ما تحب احد يحاشرها في شغل المطبخ ...( للمعلومية هالشغالة لها سبع سنين عندهم يعني اهي الكل في الكل بالنسبة للخدم مدبرة شؤؤنهم بس لو تلمح احد من اهل البيت داخل المطبخ تسوي له صداع بالراس من كثر كلامها ) أميرة : طيب يالله لا تدفين وياويلك بروح ربع ساعة أجي وأنت قرقر كثير سوى سوى شغالة ثاني انا في كلام ثاني طااااااااايب (<< --- ينقالها تبي تعصب أخخخخخخ) داليا : يااويلك يااختي تدرين انت مين قاعده تحاكين ؟؟ ايميليا شيخة البيت مشيخة نفسها ذي على الخدم تقولين هالحكي الله يعينك اسمعي قرقعتها عليك هههههههه أميرة طالعه من الطبخ وتقول : هههههههههههه انا اذا طفشت نزلت اتهاوش معها ، ياحبي لها ووالله انها شيء بندر داخل مروووق لآخر مود ، يدندن بينه وبين نفسه ( أنا هيفاء أنا ....) داليا و أميرة : ههههههههههههههه إما ذي ياابن الشيوخ كبيرة هههههه بندر ميت ضحك : أنا وين طحت ياربي عند ناس ما ترحم ......؟؟ ياربي سترك بسس هههههههه ياليتني لا طحت لاطحت لاطحت مااطيح عند اللي يسره مطيحي أميرة : اشوف العالم مروقين ومبسوطين لو ندري كان خطبنا لك من زمان عشان ما عاد نشوف تكشيرتك البايخة . بندر : احلفي بس اقول أها ولا يكثر ... بس اتركي عنك ذا وقولي لي بصدق وش رأيك فيني مو كشخة كذى وش رأيك بالسكسوكه ... داليا بتهور : اوووووووووووف بنت كلب طالعة شيء بندر بحلق عيونه واخذ خداديه من الصوفا اللي كان متكي عليها ... بندر : خيررررررر وش هالالفاظ انت يبي لك تاديب اعقلي لااقوم اخليك أنت والجدار زي بعض ... أميرة كاتمة الضحك داليا : لا يااخوي فهمتني غلط يعني اقصد أنها شي حلوه بندر : وش قالوا لك هنود حنا مانفهم أي قولي كذى لااقطع لسانك أميرة : ايه بزران مايجون إلا بالعين الحمراء .... ههههههه داليا : تكفين عاد ..... وكشرت بندر : افا يا داليا افااااااابس فديتك وانت مكشرة ... ترى مااخليك تسلمين على زينة بكرة في يوم الشبكة ( الملكة ) داليا بفرح : اييييييييييييه بس لقيتها يا بندر بقول لزينة انك زعلتني بندر ناظر : طالعي اللعانة في ذالبزر ... عشان اذبحك اقطعك اذا قلت لها أي شيء لو قد النملة فاهمه . داليا : بقولهااااا ههههههههههههههههههه ( راحت تركض لأنها سمعت صوت راما تلعب ). أميرة : بالله عليك وش شعورك وانت شبكتك بكرة ان شالله ؟ بندر : شعور واحد ميت جووووع توه جاي و يبي أكل إلا مالفعك بذالاباجورة ...؟ فزي انا ميت جوع ابي أكل والا ترى بقول لزينه أنكم مجوعني ... اميرة : ههههههه عشان تذبحني الخبلة الثانية ياربي اللهم كملهم بعقولهم خبل ولقى خبله ...لايقين لبعض محمد كان توه جاي البيت : الله يهني سعيد بسعيده ههههههههه بندر : هههههههه اشوف فيكم يووووم (4) ( في بيت ابو بدر ) الساعة اربع ونص العصر ... بدر مسوي فوضىى .. يطالع مبارة في art sport , " و تعالوا شوفوا أنواع التصريخ " بدر منفعل مره مع أجواء المباراة ..... أم بدر : بدر ممكن تقصر على صوت التلفزيون او تطلع تشوفه في غرفتك اختك شبكتها اليوم مثل ماأنت عارف ومتوترة المفروض نوفر لها جوء هادئ نوعا ما ... بدر : ياهووووووووه يادكتورة مضاوي عشت عشت وشذالمحاضرة الغير شكل ... حرام عليكم المفروض انا بعد توفرون لي جو توي واصل من السفر ..." يمثل انه حزين " أم بدر : هههههههههههههههههههه ياحبي لك ياقلبي بس الله يحفظك الله يعلم وش كثر فرحتي فييك وبأختك اليوم ..... بدر : ايوه يمه اجل عجزت بتصيرين جده ...بنتك تزوجت خلاص ام بدر تنرفزت : فال ما قبلناه اعوذ بالله بسم الله انا توي شباب ولا يغرك بنتي تراي جبتك انت وعمري كان 16 سنة ....... .بدر يتمسخر : بالله اجل 16 بدر يضحك ضحكة ملغومة : ياحبني لك يااحلى ام بس هاه وش صار على زوين . استعدت ؟ ام بدر : اختك مربوشه غبية طالعه على مين مدري وخايفة تقول بيأكلها وحش حشى مو بندر ذا الطيب بدر بخباثة : ايه يمه اكيد بتخاف بالله قولي لي وش سويت يوم ابوي خطبك ..؟ امه : اخذت راحتي وبعدين اقتنعت ووافقت تعرف جدك الله يرحمه كان متعلم وفاهم .. بدر بخباثه : طيب يمه يوم زواجكم كيف تأقلمتي مع ابوي ..( مسك الخدادية وجلس قريب لامه خخ) يعني وشلون بديتوا ؟ ام بدر اتخذت المنضدة وشاتتها عليه : يالله بس اترك عنك هالحكي وقم اشوفها اعجبتك هالسواليف .. بدر وقف واهو يضحك : مررررررررره , وش رايك اجلس ؟؟؟ ( علاقة بدر بأمه وابوه حلوه ومحكومه بشيء يشبه الاخوة ) . أم بدر : يالله بس لا تنسى طيارة ابوك الساعة ست المغرب لا تنسى لا يطين عيشتنا هو خلقه إذا جاء السعودية اعصابه ما تتحمل متعصب و ماله خلق احد غريب بجد ابوك بدروهو يمسك شماغه ( طالع جنان رزة بجد ) : اقول عاد ما كنك ذابتها ميانة وتسبين ابوي ...؟ لمه عطته نظره قوية .. بدر سوا نفسه خايف : ابشري ياحلوه ... يا سكرة .... يااحلى وأجمل ام ام بدرابتسمت على خباله ( تموت في ولدها بدر اكثر من أي شيء بالدنيا) : اترك عني هالمغازل ووفره لزوجتك بعدين ؟ بدر يلبس الطاقية و الشماغ صافطه على الكتف : على قولتك .. يالله تأمرنيني بشيء يالغلا والشوق أمه بإبتسامة : سلامتك دير بالك لنفسك 0 0 0 أميرة : زينة وش فيك خايفة روقي ياشيخة ..؟ عادي ترى اخوي انسان كائن حي مو وحش زينة اللي مترت الغرفة رايحة جاية ... زينة : اميروة انطمي مالي خلقك .... زينة قلبها يضرب ( دق دق دق ) دخلت نسرين جايه لوحدها وكانت كاشخه ضاربه ابو الشيطان في الاناقة والكبرياء ... نسرين: مبروك زينة ألف مبروك يااحلى عروس أميرة : ههههههه البنت مختبه من ملكة وأنت تقولين عروس . فجاءة دخلن تغريد والهنوف ومعهن باقة ورد ... تغريد : قللللللللللللللللللللللوو ووووش الف مبرررررررررروك يازينة تستاهلين ياقمر الهنوف : الله يازينة والله وراح تتملكين ألف مبروك يالغالية ..... ( وسلموا على البنات اللي رحبوا فيهن موت بإستثناء نسرين اللي كانت مكشرة من يوم ما دخلن وتضايقت مره من وجودهن ، سلمت عليهن من غير نفس بس مجاملة قدام البنات ). الهنوف : زينه قبل كل شيء ياويلك لو تغيرت علينا مو بكرة تسوين لي فيها ثقيلة أميرة : ايييه اكيد بتسوي ثقل هي وخشتها هههههههه تغريد : ااياني واياك زينه ترى صاحبتك حنا بنات عمك لا تجحديننا بعدين هههههههههههههه نتبرأ منك نسرين : يؤ وش فيكم عليها خلوها تشم هوا اعوذ بالله كتمتوهاااااا.. " زينة متوترة للغاية " إبتهال المرجوجة و ريم وصلن ... ريم : يا ما شاء الله عليك ... كل جمال الكون فيك ...... ألف مبروك ياقمررر.... . إبتهال : يا رقة وجمال وحلا ... أشغلت كل الملا ....... عن جد ماادري شقولك بس خير الكلام ماقل ودل " مبروك " أميرة : ههههههه ياختي يابيخك وراك مسببه زحمه كان قلتيها وخلصنا. تغريد : هههههههههههه ياشينك أميرة اختي حابه تعبر لزينة عن فرحتها أنت ووش حاشرك .؟ ريم قربت لزينة وحطت يدها على رقبتها : شوفي عاد يا ويلك اذا تغيرت زي بعض الناس ..( تقصد نسرين ). زينة بخجل : افا بس وشلون اتغير انا بظل أنا ..؟ الهنوف بخباثه : لا يعني مو تسوين فيها ثقيلة ولا عاد تمزحين معنا .. وتمنين علينا بمعلومات سريه حنا نجهلها ههههههه زينة : ايه هين تجهلونها عني انكم اشطر من نسرين فيها ههههه البنات : هههههههههههههه نسرين : هنوووو بعدي عن زوجة أخوي اهي مو ناقصها توتر ... إبتهال ( ماتدري عن أي شيء بين نسرين و خالد ) تسأل نسرين : أجل تقولين لنا يوم شبكتك على خالد كنت متوتره ..؟ نسرين وجهها صار ألوان ( تضايقت ) : لا كنت ارقص وش ظنك أكيد بتوتر ؟ ابتهال : يؤ وش فيه الحلو قابس روقي ياختي حرام كل هالجمال ومعصبة ؟ أميرة مسويه فيها فاهمه وعاقلة : بنات حرام عليكم زيون متوتره حيل مو ناقصة ...؟ ابتهال يالله نبي ننبسط برأسي رقص نبي ميووزك ؟؟؟ ريم : ايوالله انك صادقة لي يومين ودي ارقص هههههههههههههههههه تغريد : وش رأيكم نخليه بعدما تشرف زينة عشان ترقص معنا. أميرة : يمكن حبيب القلب يرفض ترقص معنا ويقعد يتمقل فيها... زينة : بناااااااااااااااااات قلب يضرب اسمع صوت بدر اكيد بينادوني دعواتكم تكفون نسرين : زيون ماانت بزر روقي واذكري الله وان شالله خير ترى اخوي ما يعض وش فيك ياحافظ ؟ زينة: مرعوبة .. أميرة : شوفي ترى اذا شافك وأنت كذى بيغسل يديه بيني له انك عادي مو خايفة . زينة دمعتها بتطلع بس كاتمتها : يارب انك تعيني ...( بينها وبين نفسها تقول ياليتي ما وافقت ) طلعت نورة لزينة فوق في غرفتها عند البنات ... نورة : يالله ياعروسة رجلك يبي يشوفك استعجلي عليه ... زينة : ابشري ....( زينة قبل تطلع تناظر في البنات وتقول : ادعوا لي ). بدر كان جالس مع بندر في المجلس الخلفي وقاعد يحاكيه .. بدر : الله الله بأختي .... دير بالك عليها ترى ماعندها احد هنا خبرك كلنا اشغالنا برى ، أنت مسؤولها الحين ..) بندر : لا تخاف يابدير زينه بعيوني ,انا بصير لها وطن واهل وكل شيء ... بس عجل عليهم شوي ترى صبري راح بموت من الشوق ؟ بدر : هههههههه لا يطق لك عرق بس وتفطس علينا تخرب على اختي فرحتها ... ( طلع بدر ينادي زينة ، ولقاها جايه مع ابوها اللي بوسها مع جبينها وقال : الله الله برجلك يمه ، وخليك قوية وانا ابوك بحبك وبطاعتك لرجلك ) ناظر في عيون زينة و شافها موجودة في عيونها ...! عجز يتحمل و ضم بنته لصدره يحس دموعه في محاجر عيونه ( غريب هالبنت ماتشبه امها مضاوي باي شيء ابد ) ناظرها و ابتسم : انتبهي لنفسك يا بنتي و اتركي كلام الناس عنك انتبهي لزوجك وداريه زينة دموعها بتنزل ماتعرف ليش كانها تسمع لغز ... بدر بعفوية قطع الموقف : يبه لا تخاف عليها بنتك لبوه ما ينخاف عليها ينخاف منها ...يالله الرجال ينتظرها بيمل و يتحناش يسويها ترى خبل خخخخ بدر مسك يد زينة ودخلها على بندر ..... بدر : كح كح احم احم ( بيحرجها) امشي زين لا تفشلينا ( آآآه ياقلبي كم وكم وانت تحلم ..؟ كم وكم وأنت تشتاق لرؤياها .... ! ) بندر من اول ما دخلت مافارقت عيونه زينه ووحشته شوفتها بكل معنى ، ناظرها بكشختها الناعمة وشعرها الحرير الاسود على البشره البيضاء الله كنها قشطة ، بدر : بندر وش فيك مبلم ؟ ماتبي ترحب بزينة ..؟ بندر مستحي : يامرحبا ومسهلى ..... ياااسعد مساء بهالكون كله ..؟ زينه بخجل وعيونها تحت : مساك أسعد . بدر : بندر تدري لو تزعلها او تجي يوم تشتكي منك اني لا اسحب فيك ههههههه بندر : اقول ورى ما تسكت لااسحبك انا واطلعك برى هههههههه زينه ابتسمت ... بندر :يالبى قلب صاحبة اروع بسمة شفتها بحياتي بدر : عجيييييييييييييييييييب تغازل وانا واقف ماني بعينك شيء هههههههههههه بندر بإبتسامة صفراء لبدر : يااخي انا مروا علي ناس ماعندهم ذوق كثير بس زيك ماشفت .. بدر : زينة اذا قرب لك او حتى لمس يدك ناديني انا تراي هنا عند الباب بشوف عماتي اسلم عليهن واجي . بندر : أي روح سلم عليهن ترى اخبرهن يسرن بدري هههههههههههههههههه طلع بدر واهو مبسوط وراح يسلم على عماته خوات ابوه بندر : كيفك زينة .؟ زينة اول ما سمعت اسمها قلبها زدات نبضاته زينة بخجل : بخير ..... بندر : اموووووت على الناس اللي يستحون فديتهم يازينهم و زين عيونهم الذباحة . زينة تطالع تحت ولا تجرأت وناظرت فيه ... بندر : ايه عاد ناظريني ... شوفيني .. شوفي زوجك شكله ....خاف اصير شين وتنصدمين زينة تضحك بنعومه بندر : فديتك ياشيخة وفديت ضحكتك .... عيوني قربي بقولك شيء .. زينة بعدت اكثر ... بندر : يؤ ما تسمعين ههههههههههه اخاف بالينا ومزوجيني وحده ما تسمع ولا تتكلم .... قربي حبيبتي وش دعوه انا زوجك الحين ؟ زينة راحت بخبر كان من الحيا.... بندرر: الظاهر ما ينفع إلا اني انا اقوم واقرب .. قام بندر وقرب لها جلس عندها .... مسك يدها و يحس بالرجفة اللي فيها و ناظر عيونها الخجولة وقال : الله يقدرني اسعدك يابنت عمي الحبيبة . اوعدك اكون لك وطن وعمر وعالم خاص لك .. اوعدك انا رفيقك لو جارت سود الايام .. اعودك ابقى لك امسح دمعك .... سعادتي من سعادتك وراحتي اهي راحتك .. زينه ريحها وطمنها هالكلام... ناظرت فيه لأول مره وانصدمت بجماله الرباني ( شوي ويغمى عليها خخخ) زينة : الله يقدرني واسعدك ( ماتدري وشلون طلعت منها تحس انها طلعتها غلط ) بندر عطاها هدية قيراط ألماس مصمم خصيصا من محلات كارتيه لها قيراط حرفه وقيراط حرفها ... كان الجو في قمة الروعة هدوء ووعود اروع من الواقع وواضح ان زينة ارتاحت لبندر ووبندر كذلك ... اطمأنت زينة مره ... بدر درعم : اقول يابو الشباب مو كانك طولت على الرجال هههههههه بندر : وانت وش محرق رزك يااخي لو داري زوجتك من قبل شبكتي عشان ما تنكد على فرحتي . بدر : اقول قم ولا يكثر ما تشوف زينة متضايقة شووووف كيف بعد ياخي فك عنها بعد ( يبي يحرج أخته ) زينه طقت بدر ... بندر : يابعد عمري ياقلبو زينه شوفي اخوك هنا دخلت الدكتورة ام بدر وسلمت على نسيبها بندر وقالت يالله يمه زينه وقت الصور الحين .. زينه انصدمت لانها مفاجأه من أمها ما تدري انها راح تتصور بندر مسك يد زينة وصورا ، وبعدين صورة جماعية مع بنندر وزينه وام بدر وابو بدر و بدر اللي حاشر نفسه بالصورة مو واضح إلا خشته . أم بدر : بندر لا اوصيك على زينة ..... بندر : افا يمه زينه بعيوني وقلبي ... ام بدر طلعت فوتو رائع للغاية فيه ورق مقوى فاخر مره مذهب بأطراف ذهبيه اعطته فخامة ام بدر : بندر يمه اكتب كلمات لزينة هنا بذالمكان .... بندر : يمه لو بكتب لها بيروحون المعازيم وانا ماخلصت إلا بيروح العمر كله وانا ما مابعد كتبت شوي من اللي في قلبي لزينة .... ام بدر : الله يخليكم لبعض يمه ... بندر كتب : من بين خلجات مشاعري التي تراقصت فرحا وبهجة لرؤيتك ، لا أملك مااقدم لك حبيبتي سوى أن أمنحك وعود تبقى أمد الدهر على طبق من ذهب ... فأنا ملكك وقلبي لك ... ومشاعري أسيرة في قفص حبك فهلا تكرمت أميرتي ومنحتني شيئا من الحب الكبير . أحبك . حبيبك : بندر ..<< ---- مبسوط لانه حبيبك .. زينة كتبت : كلماتي تختنق.. عبراتي تنتهي برؤياك حبيبي إليك يامن منحت عالمي جمالا وجاذبية ... يامن بوجودك تزدهر معالم حياتي وتنتشي احاسيس بادخلي اسالك أن تبقى لي رفيقا وحبيبا ووطنا أهيم فيه اذا ما صفعتني الطعنات الغراء.. حبيبتك : زينة . ( كانت تبي تكتب زينة وبس بس امها اصرت عليها تكتب حبيبتك ). بدر : وانا ماتبون لي كلمة ههههههه هه بندر : اقول اركد بس بندر : زينة ديري بالك لعمرك واخذي ذا رقمي عشان بين وقت والثاني بدق اتطمن عليك . زينة بخجل : طيب . ****** (4) صوفيا جالسة تناقش على النت موضوع بحث طالبته الدكتورة ( مضاوي ) أم زينة في الجامعة. دق جوالها ناظرت في الرقم واذا اهو رقم ود أختها كشرت وضاقت فيها الدنيا صوفيا : خير شوو ( لاحظوا صوفيا كلامها مش نجدي بحت لانها تسافر برى كثير مع أمها ) ود : الشرهه ميب عليك يالمخيسه على اللي داق عليك عموما لعلمك انا داقة بس عشان اقولك أن سلمان اخوي بيودينا بين عمي ابو بدر عشان شبكة زينة الليلة صوفيا : عمي ابو بدر .... أي افتكرت اللي زوجته الدكتوره مضاوي أي بروح اكيد دقايق بس بكشخ وادق عليك ود : لا تطولين ترى مالنا خلق زفة من سلمان 0 0 دخلن ود وصوفيا بيت ابو بدر وسلمن على الموجودين وعلى رأسهم الدكتورة مضاوي اللي رحبت فيهم ترحيب حار .... صوفيا كانت لابسة جينز رصاصي من دي ان كي واي وتي شيرت من ألدو..ينما ود كانت لابسة تنورة قصيرة وردية على تي شيء ابيض يعكس نعومة هالبنت وجمالها الرباني مو مصطنع زي أختها صوفيا . ود انبسطت واسفهلت يوم شافت زينة واهي طايرة من الفرحة وتشرح للبنات وش صار لها مع بندر بالتفصيل ... ود : لااااااااااا عيدي عيدي توي ادخل ... مبروووووك ياقمر عقبال الفرح ان شالله .. صوفيا بكل نرجسية وغرور : مبروك . زينة : الله يبارك فيكم وعقبالكم .... تغريد : لا زيون تونااااا ما نبي نعجز هههه زينة : عن اذنكم بوح انادي الشغالة تضيف ود وصوفيا إبتهال : افااااا الحل عندي وانا ام هندي بس اقول انثبري انا افز وش فايدة بنت العم اذا ماقامت بهالوقت هاااااااه ؟ وين مطبخكم بس وييييييييين ؟؟ ريم وتغريد والهنوف : دامها طقت الصدر مااحد يقدر عليها هههههههههههه . ريم : تراها عدم ماحولك احد دايم مناشبه ايميليا اذا راحت مطبخكم عز الله بتنحش شغالاتكم .. زينة : لا تكفين عاد مو االليلة تعرفين ضيوفنا هاي كلاس هههه تغريد : دا الحب عامل عمايله هههههههههه صوفيا : غريب يعني يازينة تبين اقتنع أنكم هنا يالسعوديين تحبون بعض ؟ ريم : هيييييييييه خير ان شالله نسيت انك سعودية هاااااااااه ؟ تغريد : وش رأيك يعني البنت متشققه فرح يعني ماتحبه الا تموت في هوى داره الله يخليهم لبعض بس . صوفيا : يؤ يؤ بس السعوديين معقدين مره اشوف ابوي وعماني مره متخلفين وقديمين عايشين عصر حجري الهنوف : هااااااااااااااااو استحي على وجهك ليش تتكلمين عن ابوك وعمانك كذى ؟ صوفيا : هههههههه هه شفت كيف حتى حرية تعبير وحرية راى مافيه آآه بس زينة بكل رويه : حبيبتي صوفيا شوفي انا عشت برى كل حياتيي بس زي السعودية ما شفت لا في التعبير ولا في الحب ولا حتى في الاخوة .... مثلا عندك ان وبندر عيال عم وراح نحب بعض ان شالله صوفيا : شفت يعني مابعد حبيتوا بعض بس راح تجبرين نفسك غصب تحبينه وذا شيء طبيعي لانك راح تناظرينه كل الوقت .... زينة : لااااااااا افهمي علي بس ..... الحب الحقيقي الاصلي يجي مع العشرة صح ..؟ ,ان شالله الايام راح تثبت لي معدن بندوري ... تغريد و ريم : هههه ههه صار بندوري بعد زينة : وإلا وش رأيكم ؟ هههههههه زينة : صوفيا عزيزتي مهما تقولين تأكدي أن وجهة نظرك خاطئة ميه المية ومصيرك راح تعرفين هالشيء .. أميرة ساكته ....... تغريد : غريبة اميرة ساكته ؟؟ اميرة: اناظر هالبرنسيسة وش تقول ؟؟ اخاف اوبرا ذالعبده مرسلتك لنا ؟ اقول وربي لين ما عقلت ياصوفيا إني لاتمردغ فيك ؟؟ زينة : هههههههه ااييوه يا قامد أنت صوفيا مابعد اقتنعت : اه بس متخلفات ماابي اضيع كلامي مع بنات من تفكير العالم الثالث الهنوووووف : صوفيا امانه صاحيه تحكين او تبين ترفعين ضغطنا بس قولي انك تبين تحارشينا عشان تسوين اكشن ؟ ود : ههههههه مابعد عرفتوا صوفيا زين 0 0 إبتهال كانت رايحة المطبخ وسوت فوضى مع مدبرة البيت ماتدري ان ذا بيضايق ام بدر اللي تموت على شيء اسمه نظام في حياتها ...و كثير تعاقب زينة لو اسالت التصرف في النظام اللي تفرضه على البيت إبتهال : يالله بسرعه انجزي انت واياها القهوة بردت والحلا مابعد تقطع .ٌ. بينها وبين نفسها ( إما لو ذالشغالات عندنا لااسنعهن واخليهن على الجاده لا ومن زود الدباشة مايرطنن إلا انقلش كش بس) ) بدر كان جاي يستعجل القهووووة وطاير على المطبخ .. بحركة سريعه عدل شخصيته وهو ماشي واهو داخل لمح وحده لابسه فستان اخضر مشرق وشعرها بني طويل وبيضاء طويله وجسمها حلوو ... شافها تتكلم بحماس وحياة ....يحس قلبه ربط بريك و فرامل اول ماشاف هالملاك ( الله يسامحك يمه انتِ اللي بعدتينا عن عيال وبنات عمنا مانعرفهم ابد هالحين هالملاك مين تطلع ...؟ خخخخ) حس بهاللحظة انه ما قد شاف ولا انثى بحياته تحسر على عمره اللي ضاع في كندا و امريكا خخخخخ بين هالشقر العصل إبتهال تنافخ على الشغاله : يعني عاجبتك قهوتك مويا تركض . بدر رجع وراء عشان ما تلاحظه عشان يطلع بهدوء ما يبي يسبب لها إحراج بس تلقائي طاحت من على الطاوله اللي وراها بياله وانكسرت خخخخ إبتهال : خيرر ان شالله ذي عاشر بيالة تكسرونها ( ناظرت وراء وشافت بدر تبلمت و طولت وهي تناظر من الربكة ) . إبتهال لاحقاً شهقت راحت تركض وكانت لابسه كعب عالي وطبعا لكم ان تتخيلوا الموقف صدمت في الثلاجة وطاحت على الارض : يؤ يؤ يؤ يؤ يمه وش ذا مين ذا ؟؟ آآخ ياراسي بدر انفجر ضحك وطلع واهو يضحك من قلب على شكل الملاك اللي شافه قدامه بشكل لا يحسد عليه ، وكان طول حفلة الشبكة يحزر مين تكون من بنات عمه ؟ توقعها من بنات عمه ابو خالد مايدري ليش ؟ وكل ما تذكرها يضحك كثير (5) " في بيت أم خالد " " " " دخلت إتبهال المربوشة واهي طاير ه على غرفة تغريد قالت بصوت عالي " سلااااااااام " خالد ناظر فيها واهو يضحك على رباشة أخته ورد السلام ..... إبتهال صدمت أخوها نواف واهي طالعه فوووووق ... نواف ( مشكلة مره يموت في تطفيش خواته خخخخ ) نواف : وووووجع يالحولااا ما لك عيون ... إبتهال : ياهميييييي وانا ماصدمت إلا أنت ... سوري والله ماشفتك نواف : من الرباشة اللي تمشي وش تمشي إلا تركض فيك .... إبتهال : نوافوااااه خلاص عاد لا تطينهااا انااا مستعجلة ... نواف واهو يطبق شماغه : تكفين عاد يا كوفي عنان فارقي بس إبتهال واهي عند باب غرفة إبتهال قالت بصوت عالي : نوافووووه ارفق بحالك انتبه للشماغ بيطيح .. .( ينقالها تعلق عليه لأانه ما يلبس شماغ كثير يحب الجينزات والتي شيرت ) نواف واهو تحت يقرأ الجرايد عند خالد : إلا أنا مااقوم اصفقهاا اخليها تعرف أن الله حق خالد يضحك بثقل ووقار ... نواف : أقول خالد ترى اليوم أن شالله بروح أنا والشلة لمكة من زمان مااعتمرنا ؟ خالد : زين والله بس بالله عليك لا تطوول تعرف أنا مرتز في هالشغل والبيت لازم فيه احد يقابله نواف : أن شالله يااخوي لاتأخذ هم كلها اربع خمس ايام ونرجع ان شالله هذا إاذا ماخمتنا أم العبيد واخذنا عمرتنا وطلعنا على طووول. خالد بجدية : لا إياني وإياك اهم شيء ريحوااا لا تزنقون نفسكم الدنياا ان شالله مو طايرة نواف : إلا وين موسوعة حرف الراء ودي اعضضهم من زماان عنهم ؟ خالد : عند خوالهم أن شالله كم يوم ويجون ... دق الدحمي على نواف ( الدحمي دايم معصب ) : نواف خير وينك ساعة على بال ما ترد ؟ نواف : يااخي دمك وش فيه فاير من بعد ما خطبت و انت نافخ عمرك للمعلومية ترى أي طعس يقدر يخطب هههههه ..؟ و بعدين معروف ثلاث دقات ويرد الكائن الحي الدحمي : ههههههههههههه تبي تقنعني أنك كائن حي نواف : اقول لا يكثر بس وهاه جهزوا الشباب ؟ عبدالرحمن : ايه بس ننتظرك نواف : خير ان شالله انا جايكم أن شالله .. 0 0 0 (6) ركبوا الشباب محمد , نايف (أخوان بندر ) عبدالرحمن ، نواف أخو خالد ) ... راحوا على سيارة الدحمي BMW لونها بحري ....اللي يسوق نواف .. مسكوا خط الرياض – الطائف السريع , صلوا الفجر في الرياض وطلعوا الساعة 4 ونص استمرت السواليف والتعليقات .... محمد : اقووووول شباب رووقونااا أن شالله نبي كل واحد منا ينتبه لنفسه ويحافظ على صرافاته وبطاقاته نواف : هههههه ههه ليه وش قالوا لي بنضيع حنا ترانا كبار نايف : هههههه هه ذكرتني في ابوي اذكر يوم كنا صغار كان يخرشنا خررش اذا دخلنا مكة ، يحط برووسنا اللي يضيع خلاص يااخذونه ويقطعون يده ويشحد ويصبغون لونه .. الدحمي اللي بدا النوم يدوخه : ههههههههههه هه ولا تنسى تجميع القواطي محمد : هههههههه والأهم ضبطوا إحرامكم بس واربطوه زين لا تفضحونا بخلق الله اعرفكم خكاريه ماتعرفون الشباب : هههههههههههههه محمد : جد وراكم تضحكون صدق ترى دايم تصير يالله عاد لاتقولون اني ماذكرتكم .. نايف : هههههههه شكلك مجرب ومتعقد محمد : ههههههههههه لا والله بس صدق ترى صارت لناس الدحمي : اقول زانت علومكم انطمواااااا ابخمد مواصل استمرت السوالف بينهم ... الساعة 6 ... الجميع بدا يخمد نواف اللي كان يسووق : قوموا ياعيال الذين .... لا تتركوني بلحالي نايف : اقول سق وانت ساكت ... وذب عقاله ودقها لطمه نواف : لا والله كذى يعني شووفوا ان ماقام واحد منكم وسولف معي اقسم بالله اني لااطق النظارة عناد لكم واسوق ( يبي يخوف لان يقولون معروف عند الشباب اللي يلبس النظارة وقت السفر يغطي النعاس )... نواف مالقى اجابة منهم كلهم غطوااااا.... نواف : انا أخوووووووووو خالد .. اوريكم ...( ويطلع نظارته من قوتشي ) مشى تقريبا مسافة 40 كيلو ..... ((فــــجــــــــــــــــــ ااااااااااااءه)) كل الشباب صحوا على صووووووووووت شيء صدمهم ( بوووووووووووووووووووووووو ووووووو) والقزاز الامامي تكسر كسرة كسرة ارتجوا وقاموا من النوم : الدحمي اللي ساحبها نوم من المزاحمية تقريبا : ووووووووووووووش فيه ؟ نايف : ترفق نوواااااااااااااااااااف انـــــــــــتبه نواف ما يتحـــــــرك ... ووجـــــــــــهه كله دم ... والشباب كلهم سلموا إلا محمد اللي كان قدام صابته خدوش في يده نط محمد اللي كان متكي قدام ونسى جرح يده لنواف نواف : رد علي رد علي .." نواف بألم : ما صار شيء الحمدلله سالمه ... القزازه الأماميه كلها تهشمت لأان فيه شيء طير كبير أو شيء ما ينوصف على قولة نواف صدم القزازه خخخخخخ فجاءه وتكسرت القزازة على وجهه طبعا الدلخ حمني ( دب مره ) ينقاله فازع لنواف وش سوى .. نط له قدام ومسح وجه نواف اللي كان مليان قزاز نواف : لا ياغبي وش سويت ............... دخلت القزاز جوى ... وجه نواف كله دم بفعل القزاز المتهشم واللي زاد الطين بله أن حمني مسحه بقطنه يبي ينظف الدم ..... محمد ما قصر هو والشباب وصلوا أقرب مركز صحي ( طبعا سيارتهم بدون قزاز قدام ) اللي كانت خدماته خايسه ومعدومه .... طلعت الاصابات كلها خفيفه نواف سووا له تنظيف وطلعوا القزاز الصغير وعطووه مضاد نايف يلتفت لنواف : وش السواه الحين ..؟ وشلون نكمل الطريق حتى محطات قريبه مافيه وشلون شفت عنادك و تهورك معاك اذا روحك مو غاليه عليك معك ارواح غاليه ترى ؟؟؟ نواف : مين قالكم تخمدون ؟؟ انا قسمت وحلفت اني البس النظارة وشكلي خمدت 0 0 مرت ساعة وصار الوقت الساعة 8 واهم قاعدين يفكرون كيف يكملون الرحلة . محمد : المشكلة مايمدينا نرجع الرياض باقي على الطايف 45 كيلو يمكن نواف : سواة الله ابرك .. حمني : مالنا إلا أننا نفك العزبة ونأخذ سفره ( سفرة أكل ) ونربطهااااا ونحطها قدام ونكمل الطريق نايف : صاحي انت هالخبل قزازه و ماشاف كيف عاد سفره عز الله رحنا بخبر كان .. لا ياشيخ فكنا من افكارك بس المهم الفكره جازت لهم مع ان نايف كان معارض ... وتخيلوا عاد شكل السيارة واهي تمشي بدون قزازه وإلا الهواء كل شيء قاطعه السفره ( شكلهم نكته ) طول الطريق واهم يدعون ان الله يوصلهم بالسلامه ... طبعا السيارات الماره كانت ناظرهم بنظرات استغراب وضحك ...لدرجة أن واحد مر من عندهم وقال : أول مره اشوف مجانين رايحين شهار بإرادتهم ... طبعا مالهم خلق يضحكوووون .....بس يناظرون نواف بنظرات حقد خخخخخ 0 0 وأخيراااااااااااااااااااا ااااا وصولوا نقطة تفتيش .... ياسلا111111111م عاد تخيلوا شكل الملازم واهو يشوف سيارة بالمنظر اخخخ الجندي استدعي الملازم .... الملازم ميت من الضحك على اشكالهم .. الملازم : كيف الشباب ؟ عسى ما شرررر ههههه هه وراكم كذى نواف : الله يسلمك بس تحمد لنا بالسلامة حادث خفيف والحمدلله اننا سلمنا الملازم : الحمدلله على سلامتكم ..... مشكلة الحين مااقدر اخليكم تكملون الطريق ومااقدر اصككم مخالفة ... بس تدرون بمرركم لان فيه هنا على يسارك وأنت داخل الحويه ورشة ميكانيكي سيارات ( ورشة ) ... تيسروا نواف : الله يسلمك يالغالي من طيب اصلك ... الله يشرف مقدارك يالطيب... محمد : ههههههههههه هه أما اشكالنا نكته .. نايف : ههههه هه بجد مغامرة إلا شوفوا شفاط النوم اللي جنبي شفط نوم بعد و لا كأن شيء صار نواف : خخخخ بنكد عليه نومه عطوني عود اسنان ,.. نايف : انت فكنا خلك في سواقتك وانا اقوم في المهمه نايف اخذ قارورة مويا وقعد يقطر على حمني حمني قام معصب و مسك نايف مع ياقته : الله يأخذ عدوك يالحمار وراك ماتعقل محمد : هيه اخوي يا ثور اعصابك ههههههههه الشباب :ههههه ه هههههه وصولوا الشباب اقرب ميكانيكي اللي قال ان السيارة على اقل تقدير تبي يومين ... كلهم يناظرون نواف : الشكوى لله بس الله يهديك ... راحوا الشباب واخذوا شقة سحبوهاااااا نوم إلى المغرب ..( طبعا محمد كان حريص على التنكيد عليهم وقت الصلوات ) .. نايف بدلاخة : نواف ابي مفتاح السيارة بنزل العزبة برأسي قهوه ... نواف واهو يلبس ثوبه على باله نايف يستهبل : لا والله ماقوم اخليك تعرف أن الله حق ..... يعني ما تدري وين السيارة نايف : هههههههه والله نسيت .. محمد : يالله ينزل أنا اجيب أكل عشان ندبها ميتين جوووع . نواف : خذ الدب حمني معك يختار خبرك يعرف كل شيء عن البلعة .. حمني بدا دمه يفور من تلمحيات الشباب : ترررررررررررراكم زودوتها شفتوني ساكت ، والله لو ماعقلتوا أني لاامسطكم بعقالي لين تعرفون صدق مين الدب نواف : افاااااااااااااااااا العين ماتعلى على الحاجب هههههه 0 0 نايف : نواف جوالك ازعجنا من قبل شوي يدق ؟؟ يااخي رد ..؟ نواف : اكيد امي مسويه مناحة لاني مارديت بقوم اطمنها نسيت ؟؟ نواف ناظر جوااله : اوووووووووف 22 مكالمة 14 من مؤيد ، و2 من خالد والباقي من أمي حمني : دق طمنهم اكيد مختبين ؟؟؟ إلا ويدق جوال نووووواف ... << مؤيد يتصل نواف : هلاااااااااا ابو طلال كيفك ..؟ مؤيد بصوت متشنج حزن : طيب انت وشلونك ؟ نواف قلبه يقرقع : مؤيد وش فيه وش فيييييييييييييك ؟؟ مؤيد ساكت .... نواف : مؤيد وش فيك قلبي طاح في بطني اخلص ........... مؤيد : نواف انت فاهم ومتعلم وتعرف ان كل شيء مقدر ومكتوب ... نواف عصب ومسك رأسه : مؤيد بسرعة من اللي مات ؟؟ مؤيد : أنا لله وانا إليه راجعون ..... زياد صديقنا صار عليه حادث واهو جاي من الشرقيه ويطلبك الحل ...... نواف انكسر قلبه وقال بصوت حزين : أنا لله وانا إليه راجعون .... الله يرحمك يا زياد نايف و الدحمي تخدروا من الفزعة : الله يرحمك يا زياد ... دخل محمد وعرف السالفه و حزنوا على زياد بس محمد ما قصر تكلم عليهم وبين لهم أن قدرة الله نافذة واللي زي زياد ما ينبكى عليه لأانه ملتزم وتقي خايف ربه ...محمد يقول ابكوا على حالنا وإلا مثل زياد لا تبكون عليه تقي وملتزم ماشالله محمد : يا شباب ما يبي منكم إلا الدعوااااااات بس.... وان شالله نطلع مكة ونحرم وندعي له بالجنة و المغفرة نواف عيونه حمر من البكاء : انا برجع الرياض الكل مصدوووووووووووووووووووووو م الدحمي : صعبه يا نواف تعب عليك ما وصلنا الطايف إلا لنا اربع ساعات.. نواف : لو لي دقيقة زياد غالي والمفروض انا أول من يوقف بجبب ابوه وأخوانه ... قرروا نواف و عبدالرحمن يرجعون الرياض .. اما محمد ونايف الاخوان التؤام قرورا يروحون مكة عشان يأخذون عمرة ويدعون لصديقهم الله سلم روحه لخالقها .. و نوو العمره عن الصديق الصدوق زياد *** " في بيت أبو بدر " بندر مطيح عندهم اربع وعشرين ساعة عشان يترزز عند زينة .. بدر : ههههههه أنت ما تقول لي وش جايبك ؟؟؟ بندر : والله مو عشان سواد عيونك جاي اشوف ملاكي يااخي حرام تصير اختك ؟ بدر : ههههههه اقول يابو نسب مسوي لي فيها رشدي أباظة مو لايق على فكرة بندر : يا مصلك بس بدر : اجل مستعد للزواج أن شالله ؟ بندر : أن شالله وعلى احر من الجمر بعد ... بدر : الله يعينك يا وخيتي هههههههه الله الله فيها يا ويلك اذا ضيقتها او كدرتها ترى بجي بطير من كندا واتفاهم معك بندر : وش دعوى عاد ذي الغالية " في يوم ليلة زواج بندر و زينة ... زينة تجهز أغراضهاااا وعندها تغريد تساعدها دق جوال زينة وكان على سريرها ..... تغريد برباشة البنات : زينه بندر يدق ؟؟ زينة : يؤ وش عنده انا قايله له قبل الفرح بأسبوع مايكلمني ومتفقين وش عنده ؟ تغريد : وأنا وش دراني ردي يمكن يبي شيء بيقولك انكم بتسافرون يمكن ما تروحون اوتيل ولا شيء دايركت تسافرون ؟ زينة : يؤ تغريد لا تخوفيني تعرفين بندر راعي مفاجآت ويسويها تغريد : ردي عليه طيب زينة : هلاا بندر : المهلي ما يولي ياهلا بهلاااا واللي قالت هلااااا زينة : كيفك ..؟ بندر : تمام مروق ومبسوط زينة : دوووم ... بندر : هاه مبسووطة ومستعده ههه زينة بخجل : ان شالله .... بندر : طيب حبيبي انتبهي لحالك ونومي بدري عشان ما تتتوترين هههه اخاف يغمى عليك بالزفة زينة : لا تخاف علي ان شالله ....... 0 0 0 Like يوم الفرح كان خيالي كل شيء تنظيم رايق ويعكس اتكيت هالعايلة الذويقة ... زينة كانت اسطورة من الف ليلة وليلة عروس ولا أجمل ... ميك أب ولا اروع ... زفة شرقية وزفة غربية كل وحده احلى من الثانيه .... الكوشة من تصميم رائع للغاية كانت زينة مبسوطة وبندر اكثر مبسووط .... بعد الفرح طلعوا الاوتيل ....... زينة قلبها يضرب اول مره تحس بالخووووف ... بندر حس بتوتر زينة ومايبيها يخوفها اكثر ... قرب لها يبي يسولف معها .. بعدت عنه بندر : ههه هههه هه وش دعوه مانيب آكلك ؟ وش فيك خايفه ؟ زينة : لا لا ولاشيء ... بندر : وحشتيني ياقلبي .. زينة تسارعت نبضات قلبها من كلامه خافت زينة بخجل : الله يسلمك ... بندر : بس مافي غيرها مافي وانا بعد ..؟ زينة ابتسمت : وانت بعد .... بندر : قولي يابندر او ياحبيبي هههه ؟ زينة تناظر تحت وماقدرت تصرفه وكانت على لسانها بتقول ياحبيبي .. (((((فجااااااااااااءه ))))) الباب يطق ...... بندر : لحوووووووول وقته بكسر لك رأس هاالي جاي يطق حنا عشاء لسى ما طلبنا صح ؟ زينه : ماادري .....اي صح بندر طيب بغسل شراع هاللي يطق ...( زينة تحمد الله الف مره لان الباب انقذها ) بندر فتح الباب ........... بندر بإستغراب : يمممممممممممه وش فيه .. وناظر ورا .. نايف وش فيكم ؟ احد صاير له شيء ؟؟ أمه : لا يمه بس نايف قالي ان جوالك مقفل ونسيت شناطك خفت تسافر واوراقك ماتدري وين بندر : الله يسلمك يمه ويخليك لي وذي بوسة على رأسك ... ( نايف ميت ضحك لان هالحركة من تحت راسه لأانه حالف يسوي لبندر حركة يوم زواجه ) بندر : وانت ياخيب التعب نايفوووه شغلك عندي اوريك ....... نايف : مالك حق ندق عليك مقفل جهازك يااخي ناسي ان لك ام تبي تتطمن هاااااااااااااااااه ؟؟ ( وكان كاتم الضحكة ) بندر : ياااخي واحد متزوج ليلة فرحه وش تبون فيه تدقون اوريك اشوف فيك يوم ام تركي : يالله يمه انبته لنفسك وسلمني على زينه وسامحوناااااااااااا.... بندر مسك نايف مع رقبته : شغلك عندي بس اذا رجعت ان شالله اوريك نايف متفجر من الضحك .... و زينه كانت تضحك من قلبها بعد و الحمدلله عدت اول ليلة على خير واطمئنان بالنسبة لزينة بس الله يستر من الجايات ^_* 0 0 0 سافروا تركيا وناوين يطلعون على ايطاليا عشان زينة تشوف اهلهااا ( أمها وابوها ) بعد شهر العسل .... وصل صدى تنظيم حفل فرحهم إلى الرياض كله والكل صار يحكي فيه ووصل بعد إلى برى الرياض .. " " " (7) في تركيا بعد الزواج في 7 ايام على شاطيء يعكس قمة الهدوء.... وفي وقت الغروب كانت زينة جالسة وبندر جنبها ماسك يدها ويناظر في عيونها مسك يدها وبوس اصابعها بندر : يابعد هالدنيا أنت ...؟ يكفي حياتي أنك فيهاا عطرتيها بعطر ابتسامتك ومن جمالك عطيتيني احلى دف وامان كنت ادور عنه من زماااااااااااااااااان زينة : الله يخليك لي حبيبي .... زينة مسكت رمل بيدينها و قالت : بندوري ممكن ااسالك وش تكون زينة بالنسبة لك ؟؟ بندر : قطعة مني انت قلب شفت قلبي ( يأخذ يديها ويحطها على صدره ) هذا أنت ، انت سعادتي وضحكتي وحزني وكل شيء زينة : يعني بتكون واضح معي ان شالله ولا راح تتغير بعد شهر العسل مثل باقي المتزوجين ؟ بندر بإستغراب : أنا بندر وأنت زينة يعني احنا غير مالنا مثيل حبيبتي حبنا خالد بندر يغني بصوته الاكثر من عذب : عيونك آخر آمالي وليلي أطول من اليم .... كيف ألقى كلام عذب يوصف دافي احساسي .. عشقتك قبل ما ااشوفك .. وشفتك صرت كلي حلم ابي رمشك يغطيني .. ابيك اقرب من انفاسي زينة كانت تطالع بندر واهو يغني كان في قمة الرومانسية والجاذبية بندر مسك شعر زينة وقال: حبيبتي تدرين انك دخلت في قلبي من أول ما شفتك في المكتبه وتهاوشت انا وياك في هايبر بنده هههه عاد كل شيء إلا يوم اصدمك في بيتنا ..... فعلا دخلتك براسي وقلت ماابي غيرها حبيبه و زوجة زينة بخجل : سبحان الله صدق ان حظك حلووو ، يعني ماعمرك حبيت ويوم حبيتني طلعت بنت عمك هههه بندر : الله يرحمك يا جدي سعود الله يرحمك ماقصرت عز الله انك داعي لي من يوم صارت زيون حبيبتي بنت عمي ...... زينة : الله يخليك لي .... ( تدمع عينها) بندر : لاااا لااا القمر وش فيه متضايق ؟ مو لايق عليك الحين وش بيقولون اهلك لو يدوقون ويسمعون صوتك .. تراهم بيفهمونها شيء ثاني هههه زينة تبتسم بخجل و تضربه بيدها على كتفه : لاا انا بس كسرني كلامك بندر : ليش تنكسرين بس وحبيبك يمك ليــه ..؟ قرب بندر لزينة مره وناظر في عيونها الحلوة وصابه دوار من جمال عيونها . .وقال : حبيبتي دمعتك غاليه وانكسارك راح اعدمه انا عالمك ومشاعرك واحاسيسك انا افهمك حبي اوعدك بداريك بعيوني واسكر عليك ، بحميك من كل شيء بحطك في برج عالي في داخلي انا كلي لك حياتي بس امانه فديتك يالغاليه ماابي اشوف دمعتك ..؟ ( زينة هالحكي رقق قلبها مره وزدات احزانها) ... بندر : هاااااه وش قلنا ؟ زينة تناظر وراء : أحبك وش اسوي وكلامك على قلبي انا طبعي كذى حساسه ماعليش تعبتك بندر ناظر فيها بخباثه : تتعبيني وش دعوى حبي تعبك راحة قلبي ... ماودك نطلع الاوتيل هههههه؟ زينة قلبها يضرب لأنها فهمت قصده وخجلت : لا توناااا حبي المنظر روعة ما ينفوت .. بندر شدها مع يدها بنعومه وقال : مشتاق لك موت ودي ارقص معك سلو واناظر عيونك واهيم فيك زينة ابتسمت - - في افخم جناح في اسطنبول ... الجوو قااامد اوووي .. رومانتيك ميوزك .. اضاءه خفيفة كانت زينة لابسة جينز رصاصي على توب وردي مطلعها شيء وشعرها مسويه فيه لوك رافعته بشكل شيء دخل بندر : ياارض احفظي ماعليك زينة قلبي قدامي زينة : الله الله على التأليف هههههه ه ... بندر قرب لزينة : انا لعيونك ألف , ألف ياشيخه مجلداااااااات بس انت ياسكر عطنا وجه وش دعوووى صار لنا 8 ايام وحبيبتي مسويه ثقل ..أه ياقلبي زينة تحاول تبعده : بندر اركد يقولون الركادة زينة ... بندر قرب مره : زينة حبيبتي وبس بلا ركادة بلا هم زينة : بندر ابعد بكرامتك لا يجيك طراخ محترم .... بندر يناظر فيها وعاندها وقرب أكثر : يالله وين طراخك انت حتى طراخك عسل ، بعدين جربي هاتي طراخ وشوفي وش راح اسوي هههههه زينة : لا ا ليش مين سمح لك هين بندوري ؟ بندر : ريحة شعرك رووووعة . .. بندر : ريحة عطرك تجنن .. زينة : بندر حرام عليك خلاص ... بندر : آآآخ انا لو اضمك العمر كله ماراح امل منك ...وانت مليت هين زيون ..؟ ( تركها) ( ومثل حاله زعلان ) زينة قربت له جلست قدامه مباشره : حبيبي زعلان ؟ بندر ساكت .... زينة تطقه على كتفه : يالله عاد مو حلوة عريس وزعلان كبيرة والله هههههه بندر مد البوز : أي زعلان ونص قولي لي كيف راح تراضيني ..؟ زينة ببراءة : اممممممممم اممممممممممم اعشيك برى بندر يناظرها بقهر : اطلعي لوحدك انا بضرب عن الاكل طلعة مافي طلعة حتى السعودية انسي مافي رجعه زينة قربت له مسكت يدينه : يؤ يؤ يؤ ياقاااااااااااااااامد وانت زعلان هههه بندر : مسكين ماعندي احد يراضيني ..... شكلي بطلع وامسك لي أي وحده من هالتركيات المزيونات واسهر معاها وافلهااا ما رااح تصدني مثل بعض الناس زينه شدته مع اذنه : جرررب عشان اطقها للسعودية كعابي بندر : هههههههه مسكها بالقوة مافي امل ترفض وتقاوم : وأنا اقدر اطالعهن وحبيبتي آخذه جمالهن كله وأخذه رقتهن .. وبدا بندر يروض زعل زينه اللي كان يجوز له يراضيها اذا سوت نفسها متضايقه (8) بدر ورده كانوااا مبسوطين وسعيدين مع بعض .. في بيت أم بدر طبعا البيت كبير مره وبما ان بدر الكبير كان ساكن في سويت كامل في البيت....... كان بدر جريء مع زوجته ويحب يحرجها عند امه وخواته اكثر من مره وذاالشيء يحرجها كثير ..... ريم كانت جالسه في غرفة مافيها احد بس دخلتها عشان تدور لها عن رواية فاقدتها وبراسها تقراها واهي تدور وتحووس فجاءه سمعت صوووت صراخ وابوواب تقفل بقوه طار عقلها .... وردة : بدر خلاااااااص تراك زودتها ؟ مو كل شوي حرام عليك اتق ربك يااخي بدر يدينه على خصره : لا زودتها ولا شيء انت اللي موسوسه عادي كل المتزوجين يسوون كذىى. وردة بتضجر شديد : لاااااااا بس انت اللي كذى خلاص انا تعبت عذبتني قدر شعوري يابدر مو كل شوي تحرجني عادي دايم امشيها لك بس قبل شوي مو سهل اللي سويته واحنا عند خالتي تحت .. ( ريم طول الوقت تسمع وكانت خايفه تطلع ويمسكها بدر يطلع حرته بزوجته بأخته ) بدر مسكها مع كتفها : اسمعي تراي تعبت معك ؟ خلاااص زودتيهاااا عجزت ترى عادي حنا متزوجين ياوردة ياقلبي افهميني بس وراك خايفة مانيب آكلك أنا ؟ وردة فكت نفسها منه بقوة : لاااااااااا ماابي تعبت خلااص افهمها ياشيخ .... مشت وبدر وراها وقفوا عند باب الجناح ..كل واحد يصدم الثاني وانفتح الباب ... بدر مسوي زعلان دفع وردة ورى ودخل قبلها ... وعلى هالموال نفس الاسطوانه تنعاد ....) ( ريم عيونها طلعت من راسها )) إبتهال جت على اصوات بدر ووردة وطقت الباب عليهم .... ( ريم تراقب من بعيد وهي تدعي لإبتهال لايذبحها بدر لأان مو وقتها خير شر خخخخ ) فتح بدر الباب شاف إبتهال ............... بدر بتأفف : نعــــــــم بغيت شيء أي خدمه ؟ إبتهال منصدمه ان بدر يطيح ماء وجهها وهي الغالية عنده خخخ : وشذالاصوات يااخوي ..؟ ( إلا وتشوف وردة تبكي ) إبتهال دخلت و نست وجود بدر خخخ وراحت لوردة : وش فيك وردة ؟ شكلك تعبانه وردة : اسألي اخوووك وش سوى ؟ او اسألي خالتي وش سوى يوم كنا تحت ؟ إبتهال على نياتها تناظر في بدر ... : بدرر وش سويت لهاا اسمع ذي صديقتي عاد كلش ولا ورده شوف عـــ.... ( ما كملت إلا وبدر ماسكها مع كتفها اللي يدري انها تتضايق اذا مسكها احد معه ومطلعها برى بدر : إبتهال أنا وش لابس ..؟ إبتهال استغربت السؤال وناظرت فيه : روب ... بدر : اهااا حلووو طيب ورده وش لابسه ؟ إبتهال ناظرت وردة وسكتت انحرجت بدر : يالله والحيييييييين برىىى لاهنت وعيب تزعجين العالم - - (9) الجو ميوزك هادئة ..... شموع مضاءه ...شخصين يحبون بعض ويعشقون بعض بندر منسدح على رجل زينة على اريكه بيضاء زينة دخلت اصابعها في شعر بندر الاسود الكثير..كانوا يسمعون ( بيين ايديه واحسك انك غريب.... ذووب باحضاني مثل قطعة جليد.... علم العشاق كيف الحب يكون ..) بندر : حبيبتي زينة بكرة ان شالله بنرجع السعودية ..... زينة ما زالت تلعب بشعره : يالله قلبي الايام راحت بسرعه بندر مرتاح للغاية : وين الكلام كنت تقولين يوم كنا بتركيا وحشتني السعودية وإلا لينك شفت امك وابوك طخيتي ههههههههههههههههه.... زينه مررت يدينها على خده : يا ويلك من ربك حبيبي اصلا من اول يوم شفتك وانااا مبسوطه ..... بندر مسك يدها و طبع عليها قبله اعادت لها توازن الحياة : اييه الله لنا زيون بس بكره نرجع السعودية نتفاهم الحين قلبي جهزي كل شيء عشان نكون جاهزين ولا تفوتنا الرحلة ...... زينة : ابشر حبي - - نـــايف استقبل بندر و زينه في المطار .... نايف : ياحي الله المعاريس نورتوا الديرة لو جلستوا احسن هههههههههههه مابغيتوا تشرفون ؟ بندر : يااخي وش نبي فيكم بس ..؟ ( زينه انحرجت ) ... نايف : مسويين لكم حفلة استقبال ماصارت تقول يحترون وزير وحرمه ؟ بندر : الله يعين من جاد اللي يسمع يقول انت اللي متكلف ههههههههه ... في استراحه فخمه مره كانت حفلة استقبال بندر و زينة اللي كانت منظمة بدقة و عنايه .. زينة كاشخه لابسة فستان سواريه فضي ومسويه بشعرها لوك جديد في ايطاليا غيرت لونه لدرجات البني اللي طلعهااا حلوه موت .. ولابسه ساعه من ايبل مسكته على ذوق بندر .. كل المتواجدين رحبوا فيهاا وباركوا لها بالرجعه .. تغريد : هاااااااااه زينه لاااا لاااا مو معقول زايد وزنك وش عندك هههههههههه؟ زينة انحرجت و ابتسمت أميره : اذكري الله هههههههههههه إبتهال : اذكروا الله ياحول لا يجينا بندر يصفقناااا , ترى رجالنا عليهم دفاشه ميب صاحيه .. زينة : يؤ إلا بندوري ..مااسمح لك عاد .. أميرة : الله يالدنيا يابندر كبر راسك وصار لك ناس يحبونك ... زينة : بناااااااااااااااااات حدكم عاد بندوري رجلي وياويل وحده تغلط عليه بس إبتهال : يممممممممممه خفت منك ... يقولون القرد بعين امه غزال ، بس بعدله واقول بندر بعين زينه غزال ههههه كل البنات ضحكوا ،،، قربت ريم لزينه وقالت لها بصوت صغير: زينه وش صار معك بالله كيف تأقلمتي ؟ زينه بخجل : يؤ وليش انا مع وحش انا مع ارق شخص بالعالم ... ود : قايلتكم راح تتغير واتحداكم اذا قالت لكم أي شيء ههههههههههه تغريد : يؤ اكيد عيب استحن على وجهيكن ، اصلا أي رجال مايرضى ان زوجته تقول أي شيء بينهم .. ملعونة اللي تفضي اسرارها هي و زوجها .......عاد وشلون بندر احس انه ثقيل ههههههههههههههههههه زينه اخذت كأس العصير وتبي تشوته على تغريد من الفشيلة .....وقالت : مو لايق ياتغريد تمثلين دور الفاهمه من بينهم ههههههههههه زينه : نشوووف يابنات بكرة اذا تزوجتن وش راح تسون تقولن شيء او لا ؟ وانا قاعدات لي على الوحده ....بس اشوف فيكن يوووم .... تعشوا وانبسطوا وسولفواااا وقالت لهم زينه عن الاماكن اللي زراتها وأنها حضرت حفلة لأابو نورة هي وبندر في بيروت قبل يجون الرياض ..... الساعه 11 ونص ... جوال زينة يدق .... << -- My Heart يتصل بك ... ابتسمت واستأذنت من البنات .... زينة : هلا حبي ... وأنا مشتاااقه موت لك حياتي أنت وروحي ... الحين قلبي مو بدري ... إلا ووش دعوى ولهت عليك ...... بس خايفه البنات يعلقون خخخخخ... اوكي حبي انا طالعتك ثواني بس. إبتهال : وش عنده قيس متصل ..؟ تغريد : وله على ليلى هههههههههه .... أميره : سرى ليلكم اجل ... إلا اقول زيون وش رايك تأخذوني معكم مشتاقه لاخوي الهنوف : هههههههههه وش يحشرك معهم زينة تلبس عبايتها وتقول : انا موافقه بس شوفي اخوك عاد يوافق او لااا أميره : هههههههههههه ما وافق واهو مو متزوج كيف واهو معاه زينه ؟ البنات ضحكوا ..... طلعت زينة وراحت لبندر وصلوا البيت ... شافت زينة بيتها إقامتهااا اعجبها المكان مره ... بندر ايدينه وراء ظهر زينة يمشون في السويت تبعهم : هذا ياقلبي عشنا عش الزوجية مثل ما يقولون ههههههههههههه؟ زينة : أنا دامني معاك حبيبي راضيه بااي شيء لو كنت فعلا بعشه مو بجناح فخم زي كذا حبيبي اهم شيء السعاده ، وانا راحتي وسعادتي في قربك وحبك لي .... بندر : يابعد عمري ترى بتهور ههههههههه؟ .... زينة تبعده : اقول اركد ,, بندر : عيديها اموت في كلمة اركد من صوتك ( زينة تطلع حرف الراء بطريقه حلوه وفطره مو دلع يعني ) زينة : يؤ خلاص تعرف ماحب اعيد كلامي ......... بندر : بتعدينها وإلا ........................ههههههههه ^_* زينه بعجله : ارررررررررررررررررركد بس اركد بمكانك صدق +_+ بندر : خوااااااااااااااافه ههههههههههههههه زينة : من خاف سلم حبي .......... بندر : حبي بعد بكرة يبدا دوامي طبعا اكيد تعرفين متى استلم يعني احيانا اروح يوم كامل زينة كشرت : أي حبي ادري اهم شيء دير بالك لنفسك .. بندر : وش فيه الحلو تكدر لا تقوللين انك تحبيني ترى بيغمى علي هههههههههههه؟ زينة تضربه بشويش على يده : إلا الحين ماتدري احبك او لااااااااااااا ؟ بندر : آآىي عورتيني طيب وبعدين إذا تحبيني صدق ( بس يدينها) ههههههههههههههههه اثبت لي طيب .. زينة فهمت تلميحه وانحرجت اخذت خداديه من على السرير وشاتتها عليه قالت : ذاللي تبيه ادري اعقل واررررررررركد . واستريح مافيه .. بندر وهو يمسك الخدادية اللي شاتتها زينة : حبي انا مافكرت نطلع ببيت لوحدنا ليش عشان اذا استلمت ما تطفشين عندك امي وخواتي ؟شفت شلون افكر فيك وأنت قاسيه و مثل نفسه حزين ( شات الخدادية عليها) زينة صقعتها الخدادية مع وجهها : ياممثل مو لايق عليك دور الحزين ..... . بندر يناظرها بتمعن : والله اني مسكين حبي زينة : حياتي انت روحي انت تدري المكسين سكين ...... بندر : ظالمتني حبيبتي آه بس فديت عيونك الحلوه ذبحتني ارفقي فيني طلبتك ...عطيني فرصه وحده بس خخخخخ روفي بحالي يابنت زينه حبت تعاند بندر .......... زينة : كذا طيب عطني دقيقه بس و اوريك ...( غمزت عينها ) دخلت زينة وكشخت لبست لبس شيء ( خاص مره ) وحطت عطر كريستال من فرزاتشي وفتحت شعرها البني الطويل وقربت لبندر ..... بندر شهق : موب معقول حبيبتي أخيرااااااا طاح مابرأسك واشتقت لي ... زينة : هههههههههه هه اذا قدرت تلمسني لمسه وحده اتحداك .. بندر رفع حاجب واحد يعلن عن قبول التحدي : انا اخووووووووووووووووو تركي اوريك يااخت بدر هين ؟ بندر ماقدر يقاوم جمال وجاذبية زينة واهي عذبته كل هالاغراءت ورافضه انه يقرب صوبها بندر : هين والله لااكسب التحدي ...... زينة : قلبي ماعليش بس تراك واثق حبتين اتحداك ( واثقه المسكينة ).. بندر : Good night (10) في بيت ابو تركي ..... كانت الحياة ماشيه اوكي بسعادة ووناسه بس اللي منكد عليهم وجود نسرين لمدة 6 شهور في بيت اهلها تاركه بيت زوجها بإرادتها وسيطرة العذال عليها .... بندر كان في قمة السعادة مع زوجته ...... سعاده خياليه مرت 4 شهور على زواجهم واهم يحبون بعض يموتون في بعض يعشقون بعض ...... حبهم صار مضرب مثل في العائلة كلهااا... زينة تداري بندر لاابعد حد ويصيبها شيء اذا جاء اسمه بس في أي مجلس ، واهو بعد يحبها ما قصر معها بشيء .............. بندر كان مستلم و زينة جالسة في غرفة أميرة تسولف هي واميره ونسرين في مواضيع مختلفة إلا ويدق جوال نسرين ...... ناظرت واذا هو رقم خالد .... ( تضايقت نسرين وبنفس الوقت كابرت لأانها مبسوطه لان من اول ماتركت البيت ماقد مر اسبوع إلا ويدق يقنعها ترجع بس اهي رافضه إلا و ينفذ اللي تبي واهو مايقدر ).. زينة : نس نس وش فيك ليش ما تردين ؟ نسرين بضيق : أي زينة برد برد ...... أميرة تضايقت مره: نسرين عشان خاطري ردي تكفين شوفي وش يبي ؟ يمكـن وافق على طلبكـــ؟ زينة من زود حرصها على بنات عمها وان قلبها على قلبهم .... زينة : عسى مااشر نسرين ؟ نسرين : ولااااااااااااااا شيء أميرة : نسرين بالله ردي شوفي حرام عليك ست شهور ولا حنيت عليه ؟ زينة : يؤ يؤ ليش يانسرين حرام عليك يحبك ويموت فيك ... .. نسرين قاطعت زينة ( نسرين اذا عصبت ما ترحم تجرح بكلامها ) : نسرين : زينة شوفي اناما ااحب احد يتدخل في حياتي فاهمه اللي امي وابوي واهلي ما تدخلوا تجين انت تتدخلين ياحبيبتي خليك في عالمك الخيالي مع بندر وبس فاهمه وانت غريبة وش حاشرك في هالامور اطلعي منها احسن لك أميرة : زينة ما قالت شيء اكلتيها بلسانك نسرين حرام عليك هي تبي الخيرررر زينة انصدمت اول مره من دخولها البيت تحس انها متضايقه خصوصا وان اهلها برى أي شيء يكدرها اذا تضايقت لأنها تتذكر اهلها البعيدين ، تحركت دمعه في عيون زينة اللي فزت وقالت: آسفه ياام رامي عن جد آسفه حقك علي ........ انا استاذن بروح اجهز عشاء دوووري حبيبي اكيد بيجي ياقلبي ميت جوع ... أميرة : نسرين روحي اعتذري منها عيب فضحيتنا لو يدري بندر راح يتضايق ؟؟؟؟؟ نسرين : ياشيخه اطلعي من مخي بسسسسس يتضايق يتضايق وش اسوي له يعني زوجته هي اللي تحشر عمرها في اللي مالها فيه ... اميره : نسرين فكينا من مشاكلك زينة تحبك وخايفه على مصلحتك ... نسرين : مصلحتي انا ادرى فيها فاهمه (عاود خالد الإتصال ) ....طنشته نسرين .... 0 زينة في مطبخها تسوي عشاء رجلها .... وكانت متضايقه مره من كلام نسرين لها طق الباب زينة : تفضل ........... أميرة هلا حياك ... أميرة بمزح : أي بدخل وإلا هههههههههه زينة تكتم ضيقها : ههههههه ههه حياك شوففي ذالحلا سويته وش رأيك فيه اميرة : ياعزي عنك يابندر وانا اقول وش فيك خاق معهاا اثاريها تزطك من هالحلويات زينه تبتسم ..... أميرة : زينة لا تزعلين من نسرين عشان خاطري ...... بلاش خاطري عشان خاطر حبيب القلب ههههههههههه زينة : افا عليك بس ماقالت شيء غلط هي صادقة حياتها هي حره فيهااا مالي شغل انا ههههههههه ههه بس اللقافه شينة اميرة : زينة انت منا وفينا وصدقيني اقسم بالله انك زي اختي بالضبط .... زينة واهي تقطع الحلا : وانا كذلك هههههههه إلا بدخلة بندر .... زينة شهقت : اهلــــــــــــــــين بندوري اميرة : يؤ يؤ لا تموتين من الفرحه تكفين ههههههههههههههه كل ذا عشان بندر والله انك فارغه بندر : وش دعوى اميروه نسينا ما كلينا جحدتيني الحين اميره : هههههههههه ههههه الله واعلم من اللي جحدنا من اول مااشاف زينة . بندر ناظر وشاف زينة واهي تقطع الحلا سرحانه وفي بالها شيء مكدرها بندر : زينة انت مكلمة امك او ابوك ؟ زينة تناظره وتبتسم بحب كبير له : لا بندوري ما كلمتهم ليش فيه شيء بندر : لا حبي بس اشوفك متضايقه وانت ماتتضايقين وتطقينها مناحه إلا إذا سمعت صوت امك بالتليفون ؟ زينة تبتسم : لا قلبي وش دعوووى لا متضايقه ولا شيء ذا انا اقطع لك الحلىىى بندر : آآه بس يكفي انه من يدينك بيكون حلىىى أميره : كح كح احم احم نحن هنا ههههه هههه يالله عن اذنكم وجودي ماله داعي بندر : بقووووووووووووه قفلي الباب وراك ... قرب بندر لزينة واهي في المطبخ جاها من وراء ومسكها زينة : بسم الله ............ بندر تسمع صوته عند اذنها مباشرة : وش فيك امانه سرحانه ومتضايقه ؟ زينة تعيش بدفء الزوج المخلص : حبي ولا شيء ................ بندر : احلفي ..( مسك يدينها وضغط عليهم بقوة) زينة : ياربي من متى وانا اكذب هاااااااااه ؟؟ بندر لفها على قدام بحيث ان عيونهم تتلاقلى : اذا صرت متضايقه ولا ودك تقولين تكذبين عشان ماتضايقيني زينة تبتسم : الحمدلله والشكر ماعندك سالفه اول مره ادري انك ماتفهمني ...... بندر اصبعه على شفتها : انا اول مره اتأكد اني فاهمك يالله عاد اتركي الدلع وقولي لي وش فيك متضايقه من بس اللي مضايقك لانزل اتوطى في بطنه .." لا تكون اميره زينة : ههههههه ههه لا والله بندر : تسلملي هالضحكة اللي مدري كيف طلعت بالقطارة خخخ مين طيب دلووووووووو ؟ زينة تناظر عيونه الحلوة : لاااااااااااا مو احد قلبي ..... بندر : بربك الكريم انا حلفتك تقولين لي وش فيك ..؟ زينة ترددت وقالت : ابد سلامة قلبك بس توي اعرف سالفة نسرين وخالد وتضايقت مره عشان عيالهم وكذى بسسسسسس بندر تغير وجهه لانه حس ان نسرين اكيد بثت سم لسانها على زينة ... قرب بندر : زينة نسرين قالت لك شيء ؟ زينة بسرعه : لا بندر : احلفي زينه : يؤ وبعدين احنا خوات شيء طبيعي بيصير بين الخوات أي شيء يااخي يقولون مصران البطن تتهاوش عاد كيف حناااا هههههههه بندر : يابعد قلبي يالغاليه يوم وراء الثانيه اكتشف فيك شيء حلو وخصلة جديده تزود غلاتك في قلبي ......بس وشذالامثال طلعتِِ بيئة انت ووجهك لو تسمعك امك زنطتك هههههههه( حط يدينه على رقبتها ينقاله بيزنطها خخ) زينة مسكت يدينه و ناظرته : هههه أي والله امي ماتحب الاشياء اللي كذى بس انا احب اتفلسف بندر : وانا احبك انت و اعشقك احب الارض اللي تمشين عليها آخ منك بس بعدين بندر حاول يفهم زينة عن حالة نسرين النفسيه ويبيها تتعامل معها بحنيه شوي (لاحظوا بندر ماقال اسرار اخته حتى لزوجته بس فهمها عشان تتعامل معها ولا تأخذ بخاطرها منها).. ********* أم خـــــــالد دخلت جناح خالد و شافته يرتب أغراضه ......... أم خـالد : هاه يمه معزم تروح أن شالله ؟؟ خالد يبتسم : ياعساك دوم سالمة تعرفين اضطراريه هالسفره ,و إلا كان ارسلت بدر او سعود بدالي .. أم خالد : الله يستر عليك يمه ويوصلك اللي تبيه أنت وخوانك أن شالله .. خالد ابتسم و بوس رأس الوالده... الهنووف مرت وسمعت الكلام بينهم ... الهنوف : خالد أن شالله مسافر ..؟ خالد ناظر فيها : يعني تشوفيني ارتب اموري ألعب أكيد بسافر ههههه هههه هذا بدل ما تقولين أنا ارتبهن لك يااخوي بس ماش ماحولك احد الهنوف : يؤ يؤ حرام عليك ههههههههه ههه ام خالد : يمه انا رتبت لك كل شيء إلا شنطة هدومك خبرك يمه مممادري وش احط؟؟ خالد يبتسم : الله لا يحرمني منك يمه انا جهزتهم وخلصت ... الهنوف : عاد اقول يالاخو لا تنسانااا الله الله بالهدايا وإلا هي بس للمدام بسسسسس خالد انكسر قلبه .... أم خالد مسكت الهنووف وتوعدت فيهااا ... خالد : لا وش دعوووى انا طالع مشوار عمل يعني مو براسي الف الاسواق هههههههه (11) " في الجامعة " تغريد مبسوطه ذا أول يوم من بداية السنة واهي مداومه (mircale ) وكمان إبتهال اختها مداومه عشان يشوفون زينة اللي كنسلت اول يوم ... تغريد : مثل ما توقعت زينة ما داومت ؟ إبتهال : ايه عندها قيس متربع اربع وعشرين ساعه ههههههه هههه تغريد : الله االله يهالقيس ماشالله والله يايحبون بعض الله يستر عليهم ان شالله إبتهال : قولي آمين جعل ربي يرزقك بواحد يحبك زي ما بندر يحب زينة ... تغريد : آمين بس عاد ماابيه لزقه اربع وعشرين ساعه مطيح عندي ههههه لازم يطلع عشان نشتاق لبعض إبتهال : اييييييه نشوف ذالحكي الحين عندي اذا اخذتيه بكره تغيرت 180 درجه وتأخذين هم اذا قال بس بطلع... تغريد قامت وسلمت على منى و أماني صاحباتهها في الكلية .. منى :وحشتوووووني يالمعفنات لكن وحشه .؟ إبتهال : اقول اتركي عنك النصب وقولي لي كيفك؟ منى : هههههه هههه تمام منال : إلا وين العروسة ؟ تغريد : مستحيه بعدين وش تبي فينا خليها عند رجلها احسن ههههههههه ه منال : افا يعني مش راح تكمل ؟؟ إبتهال : إلا بس اكيد بندر عاضهااا ولا خلاها تجي منى: بنات بالله عليكم شووفوا اللي بتمر الحين ....اللي لابسة اصفر تغريد بهدوء : اللي شعرهااا اورانج ههههههههه ه منى تغمز يعني ايه ....... إبتهال : وش فيها ؟ منى : تراها بنت المشرفة سلمى اللي العام سجلتنا غياب في محاضرة Poetry تغريد : امااااااااااااااااانه صادقه او تستهبلين منى : وجع رايقه لك انا استهبل عليك ..... ركزي عليهاااا نسخة من امها هههههه ه إبتهال : يؤ بخطبها انا عشان اركز عليهاااا عجزت اجهرت عيوني بلبسهااا المتخلف منال : هههههه ههههه جيزانيه وش تتوقعين منها منى مسوية فيها مجتهده قامت وصفقت بيدينها وقالت بلهجتها الدلوعه : يلااا يلااا المحاضرة بدت ؟ تغريد : هههههههه هههههه اخس ياحركات من متىىى ؟ وش حنا خابرين ؟ إبتهال : عقب غيره هههههههه هههه منال : يلااا لا تقوم علينا بالعصا الاخت صايرة عربجيه ههه ههههه راحن يمشن في الساحة متجهات للقاعة ( طبعا متأخرات والمحاضرة قد دخلت .....) المحاضرة طردتهن برى وقالت اطلعن كملن الضحك والسوالف برى وتمتعوا بالجو اللطيف بالشمس خخخخخ ... تغريد تناظر الصبايا : وش السواااه ؟ وينك يازينة تشوفين لنا واسطة من عند امك من هنا او هناك ؟ إبتهال برباشتها المعتادة : صح بروح لهااا واجيب منها ورق على اساس انا عندهاا؟ منى : خبيثه انت ههههههههههههه إبتهال : وش فايتدتها مرة عم اجل خخخخ يالله دقايقز و راجعة لكم منى تتمسخر : ياي ياي دقايقز اجل ههههه إبتهال و هي تضحك تلتفت لهم وراء ... راحت للإستاذة مضاوي اللي ما قصرت بس طلبت السرية التامة ( وذا هو الحال عندنا في كل الكليات التمييز بين البنات اعرفك سنعتك وسنعت صحباتك وكل من يعز عليك ما اعرفك أحترمي نفسك وانتظري دورك على قولتهم انطر ياحمار لين يجيك الربيع خخخ وانتم بكرامه )... دخلتهن المحاضرة واعتذرت منهن ...طبعا مافيه مكان جلسن في آخر القاعة مكانهم المعتاد وبدأ الحش منى تتعطر : بنات ايش رأيكم في ذالعطر اشتريته أمس من باريس غاليري ؟؟ تغريد : هاتي اشوف ايييييييييييييي من جفنشي ذا برأسي بس ما بعد نزلت السوق .. منى : ههههههههههه ههههه مافيه مافيه ماراح اعطيك اياه تلمحين او لا تغريد كتمت الضحكة ... منال ما شاء الله مجتهده تكتب مع المحاضرة ...<< -- منال دافورة نوعاً ما طبعا المحاضرة كذى مره هددت منى و تغريد وإبتهال اذا ما بطلوا حكي بتضطر تتصرف معهم تصرف غير... آخيرا صاروا يسولفون بالاوراق ( حركة بنات الكلية في الدوائر خخخخخ) المحاضرة بصوت عالي: وويين الكشف يا بنات ؟؟؟ تغريد بصوت عالي : ما حضرنا لسىىى ؟ المحاضرة بإمتعاض : ليش .....؟ وينكم نايمين في العسل ؟ منى تقول بينها وبين البنات بصوت صغير : شوفواا بنات الذين الوحده اذا اخذت الكشف تعسكر حشى ألبوم صور مو لست يااختي ماادري ليه حب الفضول وقعي عن اسمك ومرري الكشف ؟ تغريد : لاااا سبحان الله التشفي عندنا حتى في قراءة الاسماء ههههه إبتهال : اخاف بيخطبون وحده منا بس هههه ههه منال : اقول اهجدي بس (12) " في جناح بندر و زينة " الساعة تشير إلى 2 ونص ظهرا ......... زينة صحت متأخرة واهي تندب حظها يالله منك بندوري ليش ما صحيتني بدري بس اوريك ؟؟؟ بندر دخل واهو يدندن : أذا مر يوم ولم اتذكر به أن اقول مساؤك سكر ..؟ زينة تسرح شعرها وتناظر فيه بالمرايه : مساك ورد حبي ... ( قلبت تعابير وجهها بدلع فظيع) ليش ماصحيتني انا مو قلت لك الساعة 10 تصحيني عشان بروح الجامعة بندر قرب لزينة ومسك الفرشاه ويسرح شعرها : حبيت اريحك ما يهون علي حبيبتي تروح واهي ماااخذت كفايتها بالنوم ....... زينة التفت له وناظرت عيونه الذباحة : فوتت علي محاضرتين كيف اتصرف هاااااااه ( اخذت خدادية بدلع وشاتتها عليه ) بندر يضحك مسك الخدادية هههههه والله شكلي والله اعلم غطيت على الدعيع بعرض نفسي على الهلال و اعرضك بدل ما يتمرمطون مع هالمدربين انت طال عمرك عليك هجمات و شوتات ماتخطي تصيب ..... وبعدين من ناحية المحاضرات مايبي لها شيء دقي على أمك سعادة الاستاذه مضاوي واهي تتكفل في كل شيء زينة تبتسم : مو انا اذا قلت لامي بتلومني لاني كنسلت .... بندر قاطعها برومانسية فعاله : قولي لها دوري حببيبي كان عندي... شفت شلون سهله حبيبي بس انت مادري وش فيك بس تهاوشين حبيبك و تتغلين عليه ؟ ( قرب لها مره ) زينة تبتسم : بندر ابعد احسن لك بكرامتك ( اهي ترجع على وراء وبندر قدامها يمشي لين لصقت في الجدار ) بندر حط يده على الجدار فوق رأس زينة : هاااااااااه قلبو وش قبل شوي ؟ زينة ناظرت فوق على مكان يده فوق راسها و مثلت خايفة : سوووري حبيبي بس بليز الحين وقت الغداء ومن قبل شوي حاطين عندي خبر لا تسبب لنا فضايح بندر يبتسم لؤم : مادام معاي القمر مالي ومال النجوم..... عادي قلبوووو نتغدى برى اغديك احسن غداء بس...^_* ( دق جواال بندر ) ناظر في الرقم ..<< -- سعود يتصل بك .. بندر يبتسم : الله يأخذ عدوك هذا وقته هههههههههه زينة صرخت تضحك : الحمدلله يارب جوالك هذا ببوسه راعي فزعات ياقلبي ما يقصر دايم يسعفني ههههههههه بندر بدلع مسوي زعلان : أي بوسي صاحب الجوال اول والجوال عني انا بيرضى عنك على طول زينة دفعت بندر عنها بنعومة : رد حبي على سعود شوف وش يبي اكيد ما دق هالوقت إلا يبي شيء مهم بندر يبتسم لها و حط يده على فمه يعني اسكتي : هلااااااااااااااااااا هاه سعود وش عندك داق هالوقت بالله وش عندك ؟ سعود : اللهم طولك يا روح يااخي وش فيك شابك اعوذ بالله اخلاق ياابوي بندر يناظر زينة ويبتسم لها : ماادري عنك داق الساعة 3 إلا ربع الظهر وتقول وراك معصب اسأل الذوق العام عندك؟ سعود : ههههههه نسيت انك متزوج بس اسمع ماابي اعطلك ، انا مسافر مع اخوي خالد ان شالله اليوم المغرب ؟ بندر انطبعت على ملامحه الجدية : وين وش عندكم ...؟ سعود بصوت رخيم : تعرف حنا يااهل البيزنز مايمدينا نجلس اسبوعين على بعض هنا ههههههه بندر : ما يمديك هههههه المهم بتطولون ؟ سعود : انا احتمال اسبوعين ...وخالد شهرين ونص . على حسب موعد الاجتماعات وبنشوف وش نرسي عليه ؟ بندر : اووووف كثير شهر ونص على خالد .... سعود : يااخي وش اسوي عجزت اقنعه يقول انه ضروري اهو يطلع هالسفرية خصوصا وأن زوجته الله يهديهااا مو هنا يعني فرصه ههههههههههه بندر : هههههههههههههههههه يالله اعتقد بتطير جنونها اذا قلت لهاا سعود : يااخي قل لها يمكن تتكرم وتحن عليه يااخي حالته تصعب على اليهودي تدري له 7 شهور واهو كذى بندر تنهد بصمت وحس النفس يحرقه حرق : أي بعد حتى ام رامي حالتها حاله الله يكون في عونهم ..... سعود بخباثه : اجل تنصحني اتزوج ههههه بندر ناظر زينة و دخل يده بشعرها : هههههههه ألحق عمرك سعود : يالله ياابو فهد تأمر بشيء ؟ بندر : سلامتك Like همسات القلوب غير متواجد حالياً أضافة تقييم إلى همسات القلوب تقرير بمشاركة سيئة التوقيع(14) نسرين بكل برود ولا مبالاة ( بس من جوا ميته قهر وحسرة ) : خالد سافر وين وليش كل هالمده بندر بثقل واهو مسوي نفسه زعلان على اخته عشان ترجع لصوابها وتلحق رجلها قبل يسافر : سافر ألمانيا ، عنده اجتماعات طويلة ومعقدة والرجال شاف زوجته خبر خير قال اروح دامني جالس لوحدي نسرين وأهي تفتح صفحة المجلة : بندر ذا موبصاحي كيف بس يترك عياله هالمده ؟ بندر : مو انت اللي تركتيه 7 شهور مدري 10 هاااااااااه ؟ شوفي اهو جاك مره وثلاث وميه الرجال ماقصرإلى البارح كان عندنا تحت بالمجلس وانت مانزلت مسويه لي فيهااا فاتن حمامه حساسه ياعيني عليك ...وانا اضمن لك اذا رجع من السفر بيسحب عليك وتشوفين نسرين انقهرت : أي هين خالد يموت فيني وإلى قبل شوي متصل فيني بس مارديت ، هو شخصية وقوي ويقدر على كل شيء والقادر الله بس على هجراني مايقدر وانا اعرفه بندر : الرجال مايقبل الضيم وانا اخوك لو انه يحبك مايرضى تنهان كرامته.. نسرين ناظرت فيه بتأني : يعني لو زينة تتركك وتروح بيت عمي 8 شهور راح تتركها؟ بندر مستغرب : إلا زينة عاد ههههههههههههه مستحيل تسويها لإن هي اصلا ما تصبر عني انا واياها ضروري نكون سوى ربي خلقنا لبعض نموت لو نفترق عن بعض نسرين : شفت .. . بندر : لا ياقلبي زينة مستحيل تسوي فيني زي اللي سويتيه انت بخالد اتقي الله حرام عليك نسرين : انا قررت وخلصت اذا يبيني يأخذ لي بيت بلحالي ... بندر عصب وطلع : ماش مافيك فايده راسك يابس..... والدعوة ترى مو عناد احسبي هالشيء وخليك في الصورة ...وعز الله إذا سوى اللي تبين ان مافيه خير اذا تخلى عن امه واخوانه نسرين كان جواتها احساس قوي ان خالد ميت وهايم فيها وانه مش راح يسافر إلا ويجي يأخذها كان ودها انه يجي و يدق هالوقت بس ماتبيها تطلع منها واهي تدق تقول تعال خذني .. << -- حركتات حريم ^_^ (15) ام خالد : خالد يمه ماتبي تروح لنسرين ؟؟؟ خالد : عيالي شايفهم البارح وقايل لهم اني مسافر .... أم خالد : وام العيال خالد : النفس طابت ياام خالد ( كان يقولها واهو متضايق مره ) ام خالد : يمه تعوذ من الشيطان و رح لها الحين ؟ خالد : يمه نسرين ماتبيني غصب افرض نفسي ماعاش من يفكر بس انه يفكر كذى ام خالد : تهبى ماتعيفك يمه اهي ميته عليك بس يبه نفذ اللي تبيه وارتاح وحنا عادي يمه بنكون قريبين لك وتحت عين الله ثم عينك لا تأخذ هم و نواف اخوك هنا مو مقصر يمه خالد : يمه الموضوع قفلي عليه طلعه من هنا مانيب طالع انا وعدت المرحوم ومستحيل اخل بوعدي عشان وحده ماطقت لي خبر يمكن لو كانت تستاهل كان خليتها تصبر شوي وبعدين نطلع اما اذا وحده زي نسرين خلت سيرتي على كل لسان لا يمه مقدر فوق طاقتي هالشيء والله ام خالد : براحتك يبه اللي ترتاح له سوه وتوكل على الله خالد : يمه إلا كيف نواف عساااه بخير "؟ أم خالد : أي يمه اشوى الحمدلله بدا يتأقلم على الوضع بعد وفاة اعز اصحابه زياد ، الله يرحمه خالد : الله يرحمه بس الواحد مايصير جاهل يسلم الامر لله سبحانه والله كريم ان شالله ... 0 0 0 خالد دق على نواف : هلا نواف كيفك ؟ نواف : بخير انت وشلونك وينك اليوم ماانشفت ؟ خالد : انا و سعود بنسافر المانيا عشان العقود وبتطول السفرة وينك ابي اشوفك نواف ( حز بخاطره سفر خالد اللي يعتبره زي ابوه ) : ابشر يااخوي وينك انا اجيك انا جاي البيت ؟ - - في البيـــــــــــــــــــت نواف: ترجع في السلامة بنشتاق لك ( كان متكدر نواف ) خالد : افاا ياابو محمد ابد ما تطلع منك انت رجال انا اوصيك على نفسك وعلى امي والبنات امانه انتبه لهن واترك عنك التسدح بهالاستراحات ههههه نواف : ابشر تأمر على روحي والله هههههه سعود دخل وسلم عليهم و بدر وصلهم المطار ... (16) " في بيت أم بــدر " إبتهال جالسة تناظر فيلم Far And A way لتوم كروز ونيكول كيدمان ... ريم دخلت عليها ومسويه زحمه تبيها تغير وابتهال رافضه لأانها تبي تكمل الفيلم ... ريم : إبتهال غيري لا تصيرين نذله حرام عليك بنشوف العالم ساعة ونص حاشرتنا بهالفيلم؟ إبتهال واهي منشدة تتابع الفيلم : ريموووووت انطمي تدرين وإلا لا انك مسببة لي توتر ياختي مااجلس خمس دقايق على بعضها إلا وتجين وتكررين الاسطوانه تغيير مافي .....روحي للتلفزيون اللي فوق ريم : يعني مارحت رحت بس ماادري وش فيه عجزت اشغله ... الظاهر بدير كان مشغلPlay Station فيه... إبتهال : يااختي اسكتي الله اكبر الحين بحياتك مابغيت التلفزيون إلا اليوم يعني الدعوه عناد وقلة ذوق وردة كانت داخله عليهم : خير وش فيكم اصواتكم واصلتني وانا فوووق ؟ ريم : يااختي الاخت زانقتني بذالفيلم من ساعة ونص لا وراعية طويلة تقول توه ورده : طيب اصبري خليها تخلص الفيلم او اقولك اطلعي فوق في بيتي وناظري اللي تبين بس قصري عليه لاني بدر نايم إبتهال فزت و الكشرة متشققة : انا اروح ريم بعناد : لاا انا بروح اهي وردة قالت لي انا انت اانثبري تابعي الفيلم...... إبتهال : عاد انت ووجهك مصدقة أنك بتروحين عشان يجيك بدر ويصفقك ههههه ورده: حرام عليك وربي حنون بس يعاندكن هههههه وردة كانت لابسة وواضح ان عندها مشوار..... وردة : ريم دامك فاضية ولا لك خلق وش رأيك تجين معي السوق طبعا إبتهال فزت وقالت بروح لان لأزمني اغراض..... راحوا السوق وبعد ساعة ونص تقريبا ..... .إلاويدق جوال إبتهال فتحت الشنطة وناظرت ..<< --- بدر يتصل بك إبتهال مرتاعه : يؤ بدر غريبة وش يبي داق علي انا ؟ ورده ناظرت جوالها وشافت 14 مكالمة لم يرد عليها طارت جنونهااا لأنها ماانتبهت بدرمعصب وكل شياطين الارض براسه : ووووووووينكم ؟ إبتهال : وينا يعني بالسوق ههههه ( ينقالها تمزح) بدر يرعد بصوته باقوى قوة يملكها : ساعتين فيي السوق خير ان شالله سايبه الدعوه عطيني ورده بسرعه وردة بدلع : هلا حبيبي وحشتني .. بدر بعصبية فظيعه طيح وجهها قدام البنات خخخ : وينكم ..........؟ ورده تحاكيه بدلع : في السوق قلبي انا قايلة لك .....( قصرت صوتها وحطت يدها على الجوال عشان محد يسمع ) وش فيك قلبو نسيت ؟ بدر بعصبية مروعة : جوالك ورى ماتردين عليه والعنز الثانيه ريموه وراها ماردت بعد ؟ وردة برد وجهها : حبيبي وش فيكـ ماانتبهنا تعرف سوق و دوخة رأس بدر قاطعها بحزم وإصرار : طيب يالحلوة أنتِ افتحي شنطتك ........ ( وردة جتها حالة دلاخة وفتحت شنطتها ) وردة : فتحتها بدر معصب : وش لقيت فيها ؟ وردة تقلب و تقلب : مفاتيح ............. هاه ايه مفاتيح ( انفجرت ضحك) بدر زادت عصبيته : لا والله و الحين وراك مقفلة علي الباب هاااااااااااااااااه ورايحه ابريق شاهي انا عندك ،من زيني عاد غيرانة علي مافي ثقه يعني لذالدرجة ( بدر معصب) وردة مازالت متقطعه من الضحك دموعها طلعت : ههههه يؤ قلبي ماااخذت بالي نسيت انك فيه وربي نسيتك قفلت الباب و طلعت هههه بدر معصب : عذر اقبح من ذنب بعد تقولين انك ناسيتني انا تنسيني زوجك و حبيبك تنسيني وردة تحاول تراضيه : ههههههه خلاص بدوري والله غصب نسيت سبحان الله حقك علي بدر برد وجهه من الفشيلة زوجته مقفله عليه وطالعه خخخخ مازالت شيطانية قايمه : وينكم أي مجمع ؟ وردة بخوف وتحاول تكتم الضحكة : الفيصيلة .... بدر معصب : طيب جايكم ان شالله وقفل الخط بوجهها ............. ذهـــــــــــــــــــــــ ـــــــــــــــــــول إبتهال : ههههههه المهبول ذا كيف بيطلع من الغرفة او بينط مع الشباك ههههههههه؟ ريم ( فقعت ضحك على شكل بدر تتخيله) : يمه الله يستر وردة الله يكفينا شرك ماعمرنا طلعنا معك إلا اليوم وشكل رجلك بيذبحني انا وإبتهال انت ميه ميه مش راح يسوي لك أي شيء.... بدر دق على نواف اخوه اللي جاء وكسر الباب ...طبعا نواف ما قدر يفوت فرصه مثل كذا ولا يعلق على بدر او يتشمت فيه خخخخ نواف اول مافتح الباب : هههه لا ياللي ماتستحي والله تشقلب حال الدنيا صاروا الحريم اللي يقفلون الابواب على رجالهم خخخخخخ بدر : اشوف فيك يوم .....و طلع وهو مستعجل بــــدر كشخ وضرب أبو الشيطان في الأناقة ( يبي يقهر وردة ) ريحة العطر والاتكيت في المشي .... اول ماشافته شهقت : يؤ يؤ بدر شوفي هذا بدر ياهمي كاشخ كذى ضغطي ارتفع ؟ ابي ماء ريم : شكله ناوي على نيه اكيد ياانا يااإبتهال مذبوحات مذبوحات هههههه.... إبتهال جتها حالة دلاخة : اقول ياوخيتي جهزي وصيتك والله مشيته ابد ماتبشر بخير بس عاد شهادة حق اثاري اخوي مزيون وانا مدري رزة والله ههههههه وردة تقرصها : وقتك انت الثانية .... ابتهال : أي عورتيني يعني بتعطينا مقدمات للي المحروس رجلك بيسويه فينا بدر وقف عند باب المحل اللي اهم فيه ( هارفي نيكلز ) وردة طلعت المفتاح ( وش يبي فيه الحين بدر خخخخخخ) وقالت لإبتهال : إبتهال حبيبتي روحي وديه له ؟ ( خايفة توديه هي خخخ) إبتهال بخوف بعد : يمه لا اعوذ بالله وديه أنت ؟ وردة ناظرت ريم : ريم انت دلوعته يغليك كثير تكفين طلعيه له ؟؟ ( وعلى ذالحال يمكن بعشر دقايق كل وحده تبي الثانيه تعطي بدر المفتاح لانهن خايفات ، بس عاد وردة فقدت أعصابها لان بدر واقف عند الباب وعناد لوردة قاعد يناظر هالبنات اللي يمرون وانجن جنونها يوم شافت وحده واقفه عنده وردة طارت بدون شعوووووووور دفت البنت ) وردة تعطي البنت نظرات : شوي لو سمحتِ بدر : بدري لو ماطلعت عادي ترى انا بودي قارد لك أنت والهوانم اللي معك ؟ حتى الأمن مسكوني على بالهم اني مغازلجي ساعة لاطعيني عند الباب وش اسوي فيك هاه ؟ وردة : خلاص حبيبي ماعليش أنا آسفة حقك علي غصب عني عديها هالمره ...وعشان ترضى بعزمك على احلى عشاء بأحلى مطعم بس ابتسم .... إبتهال وريم : احم احم كح كح يالله حنا بنأخذ السايق وألحقونا في البيت بدر يبتسم : زين اللي عندكم ذووووق هههههه ( 17) ( في جناح بندر و زينة ) ..... كانت زينة جالسة تناظر فيلم (The Notebook), وكانت خاشه جو مع الفيلم لانه يبكي ويحكي عن العذاب في الحب ... بندر جلس بجنب زينه اللي متأثرة مره من الفيلم.... بندر : ههههه وش فيه القمر متكدر ؟؟ زينة بدلع فطري للغاية : حبيبي طالع طالع الفيلم شووف كيف والله يقهر ؟ بندر ألتفت وناظر التلفزيون ....بعد ربع ساعة قرب لزينة وفتح شعرها وصار كل شوي يلعب في شعرها ويجي قدام عيونها و ساعه يطفي التلفزيون آخر شيء جلس عندها ومسك يدها << -- مزعج +_+ زينة و هي تشاهد الفيلم : يؤ منك حبي ابي اكمل الفيلم اركد .. بندر يتمعن فيها : مااقدر حبي خلاص انت ناظري الفيلم وانا بناظرك طول الوقت ..... ( وعلى هالحال بندر يبحلق عيونه فيها واهي تناظر الفيلم يا عيني على الحب حشى موب سعودي بندر خخخخ ) زينة ناظرت فيه وابتسمت : لك ساعة تناظرني مامليت ههههه ... بندر مسك يدينها : لو اناظرك العمر كله ماراح امل افا بس قلبي ... زينة قربت لبندر وسندت راسها على كتفه : الله لا يحرمني منك حبيبي ..( دمعت عينها) بندر يلعب في شعرها: ولا منك قلبي هاه بدينا بحركات االافلام دموع وحزن هههههههه ........ واستمروا على ذالحال اهي تناظر الفيلم واهي مستنده على بندر واهو يناظر معها ويلعب بشعرها البني الطويل اللي يعني لبندر شيء كثير.. و احيانا يناظرها طول الوقت^_^ زينة ناظرت فيه : حبي وش رأيك بعزمك نتعشى برى ؟ بندر بخباثه : ماراح اوافق إلا اذا... زينة : يؤ ههههههه براحتك انت الخسران .. ناظرت فيه وقربت له وشدت اذنه : وإلا قول ان ودك تطلع تتعشى في الإستراحه عادي ترى عادي ؟ بندر مسوي انه خايف : افاااااااا بس حبيبي انت دايم ظالمتني ماادري ليش ..؟ احد يرفض يتعشى مع ملاك عمره وقلبه وحياته ....و يروح للدشير بالاستراحة . زينة : يؤ يؤ يؤ ارفق فيني روف بحالتي ترى اصدق عمري جد وآخذ مقلب ههههههههه بندر : يالدوووبه وليش مو مصدقة أني احبك ؟ زينة تناظر فيه بغنج : إلا بس احب اعرف وش كثر غلاتي وش كثر تحبني ؟؟؟ بندر : حبك حياتي اللي انا عايشهاااااا... نبضك اهو اللي اتنفسه كل يوم واعيشه .....عيونك بحر غرقت فيه من اول ماشفتك زينة غارقة في اجواء الحب : اله. لا يحرمني منك ..... يالله وش قلت نطلع نتعشى برى ؟ بندر : نطلع نتعشى برى وانا كم زينة عندي بس ؟؟؟ زينة : وحده وبس ..... بندر : آخ عليها بس ويازين كلمة زينة منها في السيارة و هم في الطريق بندر يسوق بروية و طبعا طول الطريق كانت يده على القير و زينها تحرص تحط يدها على يده اثناء مايسوق و لابد يتبادلون الإبتسامة ونظرات العيون ^_^ - رجعوا من العشاء اللي كان في قمة الرومانسية ومعاني الحب الصافي اللي انقرض في هالوقت بندر خلجات مشاعر زينة و زينة همسات ضلوع بندر مااجمل الحب إذا امتزج بالصدق والوفاء على مر السنين .... بندر كان عنده قضية دسمة وحب يفتح الملف يوم رجعوا البيت ، يبي يسهر عليه، زينة كان عندها دوام وحلف عليها بندر تنام وترتاح مع انها رفضت الشيء وزعلت بس بندر روضها ووضح لها انه خايف عليها وعلى مستواهاااااااا بندر كان خاش جو مع القضية وملفات التحقيق واقوال الشهود و تقرير النيابه اللي بيصدر عنه بكره ..... القضية تتكلم عن مريض نفسي اللهم صلي على محمد قام بقتل سبعة من أفراد عائلته زوجته وا اولاده وأمه بندر متعجب من حال الدنيا ... ياربي تلطف فينا وترحمنا برحمتك ياارحم الراحمين .. حب يريح شوي .. طفى النور .. وشغل الاباجورة .... وش صــــــــــار؟ كانت زينة كاتبه في بطاقة " I love you so much... you are my happiness" ( أحبك ) حبيبتك : زينة ودخلتها في الاباجورة جوا لكذا اول ماشغلها بندر عكست الضوء على الجدار اللي قدام بندر بندر تفاجأ بهالحركة الحلوووه واشتاق مره لزينة ابتسم وحمد الله على نعمة زينة ( الله يخليها لي يارب ولا يحرمني منها , ذبحتني هالبنت بغلاها ) دخل على زينة واهي نايمه وغطاها زين زينة صحت وكانت بقمة النعومه : هاه حبيبي خلصت ؟ بندر بإحساس عاشق مغرم يناظرها : عيون حبيبك أنت ايه يابعدي نجزت شغلي اموووت انا على الحركات الرومانسية هههههه لا والله الأفلام جابت معك نتيجة زينة ابتسمت : حبيبي منك انت انااا افكر في كل شيء انت نبضي وحياتي ودنيتي كلها بندر قرب لزينة ناظر عيونها : حبيبتي ههههههههههه انت عندك دوام بكرة ماابي اخليك تغيبين بعد ؟ اخاف خالتي مضاوي تصفقني تقول انك دمرت مستقبل بنتي زينة : هههههه طيب يالله قلبي Good night بندر : Good night (18) (في بيت ابو محمد ) كانت ود جالسة شوووي تفكر وشووووي تدعي و شووووي تبكي على اللي ظلمها : حسبي الله ونعم الوكيل الله لا يوفق ان شالله كل من افترى على احد وظلمه ) ورده : وش السالفه ود اعرفك انا اذا صار عندك شيء يبين عليك ؟؟؟ ود طبعا ماتخبي شيء على اختها ورده .. قربت لها ودمعت عيونها ود : تخيلي يا وردة الدناءة وصلت بااختك صوفيا انها تفتري علي وتشتمني لا وبكل ثقة ياويلها من حسيبها ورده : فهميني وش صار بالضبط ؟ لا تصدعين براسي بكلمات متقاطعة ود : انا كنت عندها في غرفتهاا وتخيلي دق جوالها والمصيبه انها ردت على ولد تعرفه تقول أنها تحبه وانه يحبها لا والمصيبه تقول أنها بتشوفه ذا اذا ما كانت شافته .... وردة عيونها طلعت من راسها من هول الصدمه: وشو وجع والله لو يدرون اخواني غير يذبحونها ذبح.... ود: يوم قلت لها ذالحكي ونصحتها تدرين وش قالت لي المريضة ؟ قالت عادي انت كذا بس مستحيه تقولين لي اكيد انت لك صاحب بس مااحد يعرف وقعدت تسب فينا و السعوديات فيهن وفيهن الوحده تحب لها واحد وتنافق قدامك او تسوي نفسها داعية واهي من جوى الله يعلم فيها... تخيلي حتى اشرف الحريم الداعيات ماسلمن منها...بس عاد الشر شر اللي عائشة أم المؤمنين افتروا عليهاا حادثة الأفك وش نرجي بس بعد كذى وردة : وجع يوجعها هالبنت بتفضحنا حسبي الله عليها لا حشى مو متربية إيه قولي لها السعوديات افلحن بتربية عيالهن مو مثل غيرهن ود : يا وردة افهمي صوفيا تقول ان صاحباتها يقولون لها اني احب واحد واعرفه واكلمه متهماتني الحيوانات شوفي القذف الله لا يوفقهن يارب تقول انك انت يا ود وش كنت بس تبت ، بنات اللذين مسويات لها غسيل مخ عشان تجاريهن بأفعالهن الدنيئة ولا تخاف من احد كل ماقلت لها شيء ووضحت لها هالشيء صدت وقعدت تضحك وتتريق وتقول اهتمي بنفسك اول وردة : لا ياهمك وانا اختك دعوة المظلوم مستجابه الله الله بقيام الليل الله قريب يجيب دعوة الداع اذا داعاه ، ودعوة المظلوم مستجابه وانا اختك ... ود بحسرة : ادعي على اختي حرام والله اللي فيها مكفيها شبعانه من الصياعة والقرف تبين زود ادعي فضيحتها من فضيحتنا ياوردة وردة : الله كريم ان شالله يلطف فينا ويهديها لحالهاااااا مع اني مااظن ان هالاشكال تهتدي اللي صارت اعراض الناس عندهم كرتون علك .... حسبي الله ونعم الوكيل ود تبكي : لا والمشكلة اللي مدخل برأسها هالافكار مين ؟؟؟ وحده ماتتوقعينهااا تضحك معنا وتسولف الله لا يوفقها ان شالله الظالمه ..... وردة : الغيرة ياود عمت قلوب العالم خصوصا القرايب .. دايم ناظري اللي يقربن لك هن اللي يحسدنك ويغارن منك ويطلعون عليك اشاعات بس ربك كريم الله يمهل ولا يهمل ود : يارب انك تنقذني وتنصرني على كل من ظلمني يارب انك ماترضى بالظلم يارب اظهر الحق ، وردة : يا ود انت واثقه بنفسك و واثق الخطوة يمشي ملكا عادي شيء طبيعي راح تتعرضين لحسد اختك والخمة الفاسده اللي اهي طايحه لي فيهم .. اهم يحسدونك ولا يرمى بالحجر غير الشجرة المثمرة..... ود : الشكوى لله لا صارت اختك تسوي فيك كذى وش تنتظرين بس من الناس ؟ حسبي الله ونعم الوكيل وردة : ياود انت كبيرة وفاهمه مثقفه متعلمه تدرين ان هالبنات بما انهم فسدوا خلاص يحقدون على أي بنت يحاولون يطيحونها معهم واذا عجزوا آخر شيء يشوهون سمعتها بحجة انها ما تصير احسن منهم بس ياود الناس مخابر والعالم ترى تشوف وتفرق بن الصالح والطالح. ود : انا املي في الله كبير انه ينصرني على هالحثالة ويكفيني شرهم .. بس يعني شوفي حتى اختك اللي تحبينها مع انها عازلة نفسها عنااا بس شوفي وش تقول عنا ؟ وردة : يااختي مسويين لها غسيل مخ مسكينة مصيرها بتصحى بيوم إذا اخذت علقة من الأيام وتعرف صدق ذيك الساعة مين الصادق ومين الطالح وراح تتذكر ان كلام صديقاتها كلام كذب بس يبونها تجاريهم لكذا اقنعوها ان كل البنات كذا بما فيهم انت اختها بس ادعي ربك والله كريم. ود : اللهم اني أسالك الهدى والتقى والعفاف والغنى .... اللهم اني اسألك حسن الخلق وردة : احمد ي ربك انك مظلومه ولا ظالمة ولا تخافين اختك مصيرها بتطيح عاجلا ام آجلا.. وراح تشوف مين يوقف معها ويساعدها؟ ود : طيب أخواني تتوقعين يدرون عنها ؟؟؟ ورده : بقولك شيء بس لا تقولين لأخد امانه ترى سلمان محذرني ...... سلمان يقول انه راح شقه عازمه واحد من اصحابه واستحى يرده وشاف بنات منتهيات صايعات وكانوا يقولون ان وحده من صاحبتهم بتجي وانها تجنن وروعه وبنت ناس هاي كلاس وان امها مغربية سلمان شك بالموضوع وجاء البيت ولقى صوفيا متكشخه عندها مشوار مااحب يظلمها وقال انه بيـأكد وتبعها وشافها راحت على ليموزين ووقفت عند نفس الشقه طبعا اخوك ماقصر سحبها ولعن شيطانهااا يوم تغيب عن الجامعه اسبوع تذكرين ) ود: اهااااااااا عشان كذى اهي حاقده علي تقول ليش اخوانك ما يناظرونك انت بس الدنيا حظوظ ورده : آآآخ بس و عـــــــــــــزاااااااااا ااااااااااه لسلمان اللي انقهر ومات قهر تخيلي راح المستشفى واخذ مغذي ضغطه هبط ......ومتوعد اذا لقاها مره ثانيه بيذبحها ذبح ود : تحمد ربها اللي ما طاحت بيد ابوي وإإلا اخوي محمد او هشاااااااااااام وردة : وإلا حجرف وربي غير ينحرها نحر ..... الله يهديها بس ويستر على ابوي و اخواني لا يجيهم شيء بسببهاا...... ود : الله يهديها والله اني ادعي عليها واذا ذكرت انها مسكينه وان أمها مقصرة معها رحمتهااا وردة : اللي مايرحمك لا ترحمينه شوفي هاللي تقولين مسكينة وش تقول عنك ؟ ود : الله ينتقم من كل ظالم مو منها من هالساقطات اللي مسويات لها غسيل مخ. ورده: إلا ما قلت لي بتوافقين على سعود ؟ ود حمرت خدودها : يااختي ماادري خايفه ومتردده؟ وردة : يؤ وش فيه سعود سيد الرجال وكفووو لا وشكله يجوز لك من طقة هاليومين ؟ ود : تعرفين اني موافقة حتى هشام سألني وقلت له عشان يعطيهم خبر... وردة : يعني مابقى إلا تحديد الشبكة ؟ ود: بخجل : مدري ورده : الله أكبر وين راح لسانك اللي طوله شبرين ههههههه ود: عاد كل شيء وهالطاري اكيد بستحي هههه (19) مر على زواج بندر و زينة سنه و3 شهور ......عاشت فيها زينة اروع سنين عمرها واسعد ذكريات ستجسد بتاريخ الحياة أجمع ..... كيف لا وهي بقرب الحبيب الذي طالما حلمت به يجتاح عالمها ويعطر واقعها الذي تكلل بالالتحام النفسي و العاطفي والجسدي مع الحبيب.... كل ساعه وكل دقيقة وكل ثانيه عاشتها زينة خلال هالفترة السابقة كانت مثل الحلم اللي في غمضة عين ( طبعا أذكر جدتي الله يرحمها و يغفر لها و يسكنها فسيح جناته كانت تقولي الأيام الحلوة تعدي بسرعه ) خلصت الامتحانات النهائية ..... واحتفل بندر بنجاح زينة احتفال خاص رائع على كثر ماتسوي حفلات إلا ان هالحفلة غــير لأان بندر اللي اعدها مفاجأه واشرف عليها بنفسه طبعا الاحتفال كان وين في تركيا على نفس ذاك الشاطئ اللي مرت فيه اعذب ايام واطهر ذكريات في الحب زينة اسعدها كثيررر هالشيء وحبت بندر اكثر وغرفت في بحر حبه اكثر واكثر... - - - في الرياض .... ومن بيت ( ابو تركي تحديدا) .. نسرين جالسة في الصالة وعندها أمهااا وأميرة نسرين : إلا يمـــه بسألك كل يوم وانسى تتوقعين ليش زينة مابعد حملت للحين ؟ أم تركي : علمي علمك هذا مقسوم ومن الله نسرين : تتوقعين ماتأخذ موانع ........... أميرة : مااعتقد واذا كانت تأخذ فيحقلها لانها كانت تدرس بس الحين تخرجت يمكن ظروفها تغيرت نسرين : اميررروه بليز لا تحشرين عمرك بسوالف مالك فيها .. يمه جد لازم تسألين بندر او لمحي له اذا كنت مستحيه... مهما كان يمه ما ودك تشوفين ظنى بندر ترى الحرمة اذا ماحملت من رد سنة خلاص ماتحمل بعدين اميرة ودها تقول بينها وبين نفسها تشطري يانسرين وهاتي اخووو لااولادك المساكين بس خافت على عمرها... نسرين : يمه انا احاكيك ذا مو حالة تفشلت عمتي كل ماشافتني تسألني وانا ااقول ماادري ؟ أم تركي : الشكوى لله والامر له وش اسوي مابيدي حيلة ... بس هم احرار يمكن مأجلين الموضوع لين يفضون نسرين : ايه الاخت مشغلته حسبي الله عليها كل يوم طاير فيها ديرة خصوصا ايطاليا صايرة الدمام عندهااا اميره بتضجر : ابوهااا هناك حرام عليك وبعدين مارااحت إلا في العيد نسرين : لا والله الدنيا حظوظ سبحان الله بتصير زي امهااا لها حظ كبيرر على كثر مااهي مغروره ومتغطرسة ونافخة عمرها عمي يموت فيها اميرة : وش دراك عنهم البيوت اسرار ... والله يديم عليهم نس نس الحسد مو زين نسرين : الله يرحم الحال بس ناس ينرمون في بيوت اهلهم وناس يتمشون ام تركي عصبت : نسرين خير ان شالله وشذالخرط انت اللي جايه وتاركة رجلك مو اهو الللي رماك واتركي عنك الحسد واياني واياك تفتحين هالموضوع مره ثانية نسرين تضايقت : عادي اذا متضايقين مني عادي اروح اطلع من بيتكم من زينكم عاد الله وهالعيشة كلها كتمة ام تركي زعلت وطلعت فوق ..... أميرة تضايقت مره إلا ويدق جوالها اميرة : هلا بندر وحشتوني مووووت كيكفكم خلاص عاد طينتوها تعالوا ؟ بندر : احنا في المطار يالبطه هههه بلغي امي اني واصلين ان شالله .. اميرة : ان شالله وصلواا البيت في السلامة وسوت لهم ام تركي حفلة بمناسبة رجوعهم عزمت فيها العائلة كلها وعلى رأسهم الدكتورة مضاوي ... أثناء الحفلة لاحظت الدكتورة أن هناك حركات عنصرية ضد زينة من قبل نسرين.. فقررت انها توصي زينة الوصية اللي كانت ناوية تقولها سواء شافت شيء او لا..... عاد كيف واهي شايفة نسرين تناظر بنتها من فوق لتحت وتتكلم فيها من القهر والغيرة استأذنت الدكتورة مضاوي وراحت مع زينة الجناح.... مضاوي بفوقية : يؤ زينة بيتك نفسه لسى ماغيرتِ فيه شيء كيف بس ماهقيتها منك؟ زينة : هههههه يؤ يمه تعرفين مافضيت دراسه وقرف وبعدين سفريات والاكثر من ذا وذاك بندوري حبيبي يحب هالاثاث لاانا احم احم مختارينه بنفسنا مضاوي ( تتذكرها كل ما تشوف زينة سعيدة ومبسوطة بحياتها) : لا يازينة خليك اكثر وعي وفكري في المظهر العام ... صاحباتك كلهم عايشات في قصور مو في سويت مثلك ومع ذا يغيروون بشكل دائم ... زينة لا يكون نسيت انت من بنته زينة ترز عمرها : احم احم بنت الشيخ الدكتور سعود والدكتورة مضاوي مضاوي تبتسم : ايوه ماما عفيه عليك خليك بالصورة دايم.... وبعدين اسمعيني زينة : كلي آذان صاغيه طلعت مضاوي كرتون وعطته زينة .. زينة تنحت : وش ذا يمه ؟؟ ام بدر : افتحيه وتقرين فتحت زينة الكرتون ومن شكلهم انهم حبوب . ذهـــــــــــــــــــــوو وووووول على وجه زينة زينة تروعت : حبوب منع حمل ليه يمه ليه ؟؟؟ انا لي سنه و زياده ولا بعد حملت وجايبة لي حبوب منع حمل بدل ما تأخذيني على اقرب دكتور نحلل ونتطمن ام بدر ببرود اعصاب : يازينة لا تصيرين هبله اصبري بعدك صغيرة وبعدين حتى تتأكدين من رجلك اخاف اذاجبت له كذى طفل راح وشاف غيرك زينة تبتسم لانها تذكرت بندر : لااااااااا مستحيل بندر يسويها بالعكس انا ابي اسعده تخيلي يمه حياتي معاه سعيده بس اللي منقصها ودي اسعده بضنى يشوفه ويملاء حياته كل مااناظره اتذكر ابوه بندر يالله ..متى متى يصير لي ولد او بنت كل ما اناظرهم احس اني اناظر بندر ابوهم متى ؟ ( ام بدر انحشرت في الموضوع ) : لا يازينة كلامي نفذيه بالحرف الواحد وإلا بيفترسونك احنا مسافرين وانت هنا يعني احمي حالك ياشاطرة زينة بكت لانها تذكرت ان امها مسافره بكرة عند ابوهااا ام بدر : خلاص زينة خليك قوية عيب وابيك تحضرين الماجستر ان شالله وبعده الدكتوارة عشان تصيرين مثل امك .... زينة : ماابي شيء لا دكتوراه ولا ماجستير ولا شيء ابيك انت وابوي بس قريبين مني..... واستمرت تبكي ام بدر : حبيبتي احنا معاك بقلوبنا ومشاعرنا لاتخلين اليأس يهدم عمرك .... زينة واضح انها متضايقة من حركات نسرين وتصريحاتهااا لها انها مابعد حملت زينة : يمه تعبانه تعبانه تكفين خليك جنبي ابيك بروح معاك امها : لا يمه عيب عشان تخلينهم يفرحون عليك مايصير تتركين بندر رجلك وتجيبن عيب يمه ( ام بدر كانت آخذه فكرة انهم يكرهون زينة لانها بنتها اهي متأكده انهم مايحبونها لكذا قررت تحمي زينة وتبعدها عنهم او بالاحرى تعلمها اسلوب الشراسه عشان يحترمونها لان فيه مبدأ يقول اللي يصير قوي وعنيف يركضون تحت رجوله الناس اما المسالم الطيب يتفلون بوجهه) زينة تبكي وامها ماسكة يدها : زينة قلبي اهتمي برجلك وبس وياليت لو تطلعين بيت بلحالك عشان تأخذين راحنك اكثر........ زينة : أي يمه بس خبرك بندر يستلم واخاف اجلس بروحي امها : بيأكلك الذيب ذا انت متعودة قبل الزواج تجلسين في البيت لوحدك يعني فرقت الحين زينة : بس اخاف يزعلون مني ناظري نسرين طلبت كذا وشوفي تقريبا بيجي لها سنه وست شهور واهي هنااا ام بدر : نسرين استغفر الله ذي مريضه نفسيا يمه لا تشغلين بالك فيهااا ظروف رجلها تختلف عن ظروف رجلك رجلها اهو ولي امر البيت والمرحوم موصيه بس انت رجلك غير زينة : مدري بس خايفه اقوله ....... . مضاوي : اقوله انا خلاص زينة بخوف : لاااااااااااااااااااااااا ااااااا ( لانها تعرف اسلوب امها) انا بحاول اقوله مضاوي : مابي ازورك المرة الجاية وانت بذا القرف مفهوم .... واياني واياك تترززين لي في كل مناسبة لهم او تختلطين في اللي يسوى واللي مايسوى انت غير فاهمه ((زينة جرحتها هالكلمة بنات عماني احبهم وبندر اغلى من كل الدنيا عندي بس اخاف اجرحه اذا لاحظ تغير فيني)) 0000 بندر دخل الجناح شاف زينة لسى مابعد بدلت لبس الحفلة فستان فوشي قصير، وكانت تناظر التلفزيون .... بندر : غريبة وش عنده القمر مسرح لا إستقبال و لابوسات خخخخخ زينة ناظرت فيه : ولا شيء حبيبي سلامتك ههههه بندر قرب لها وذب الشماغ والعقال وراه حط يدينها ورا ظهرها : افا يعني ماتبين تقولين لبندوري ( قرب عيونه لعيونها) جد حبيبي وش فيك عاد ؟ زينة تناظره : متضايقة لان امي بكرة مسافره بندر : ههههههههههه بعدك بزر تبين انادي خالتي مضاوي ترضعك زينة غرست اصابعها في شعره الاسود الطويل وشدته بشويش : دوري اركد بندر دايخ خخخ : طااااايب بس تكفين شعري خلاص نقطة ضعفي بذوووب بروح فيها ههههههه زينة طلعت اصابعهاا ومسكهن بندر وغني : وش فيك ضايق خاطرك اشوف في عيونك كلام .. زينة بينها وبين نفسها ( لا يمه سامحيني بندر اموت فيه مستحيل اجرحه بشيء احبه واموت عليه تكفين يمه لاتخربين حياتي ولا تتحكمين فيني انا الحين متزوجة وعلى ذمة حبيب يشتري الالم ويشربه لاجلي .. ياليتك يمه تفهميني كثير تحكمت فيني ومشيت قراراتك على حسابي بس اللي يخص بندر لاا ) ويوم تذكرت بندر غمضت عيونها بندر كان يراقبها حط يدينه على قلبها : بسم الله عليك قلبووووو ..؟ وش فيك وش اللي يتكلم بين ضلوعك شكلي بدخل والعن جده؟ زينة عيونها تدمع : لا حبيبي ولا شيء هههه .... قرب بندر وجهه لزينة ومسح الدمعه : اموت انا على الناس اللي مسويين مافيهم شيء قلبي انا حبيبك وغطاك (( بوس خدودها حتى انه ذاق طعم دموعهاا )) بندر : انا لعيون زينة اجمع الدموع كلها واشربهاااا بس ارفقي علي وقولي وش فيك ياعمري روفي بحالي فديتك زينة صدت عن بندر : ولا شيء قلبي بس صدقني سالفة ان ماما مسافرة مكدرتني بندر بخباثة : بنسيك الكدر واعيشك اسعد ليله حتى امك بنسيك اياها الليله ههههه " " " صحت زينة الساعة عشر الصبح و حبت تنزل تسلم على خالتها وتسوي الفطور لااغلى زوج بالعالم عشان يفطرون سوا مع ام تركي ... واهي طالعه من الجناح سمعت نسرين تقول لاامها : يمه مو حاله والله اللي تزوجوا بعدهم جابوا عيال كلمي ولدك المحترم يشوف زوجته وش فيهاااا ؟ ام تركي : ماابي اتدخل في حياتهم وبعدين قصري حسك بلاش فضايح نسرين : ياسلاااااااام يمه خير ان شاءالله ليش وش حضرتها عشان ماتفكر تجيب اولاد انا حملت بعد زواجنا بسنة كاملة ليش اهي احسن مني بأيش ؟ (زينة قلبها يضرب بقوووووه عرفت انها هي المقصوودة بس حبت تتأكد عشان ماتحب الظلم ) نسرين : يمه ذي بنت مضاوووويوه نافخة عمرها على الناس لان امها دكتورة واللي نافخها اكثر انها مااخذه زوج ولا في الدنيا مدلعها آخر دلع زينة تبكي من داخل بقوة ودها تذرف دموع بس عجزت تبكي مشاعرها واحساسها وكل شيء في جواتها يرثي اللي سمعت..... راحت رجعت جناحها واهي ماعندها استعداد تسمع اكثر ...؟ زينة : آآآه يمه صدقت بكل كلمة قلتيها سامحيني يايمه لاني شكيت في مصداقية نصائحك فعلا مهما جاملوني إلا انهم لابد بيوم بيجرحوني ي شوفي ذالخبله وش تقول لامهاا مع اني اطيب وحده معهاااااا والعب اطفالهااااكل يوم كل ذا بسبب الغيرة زينة انفجرت دموعهااااا بقوة بس ماتبي تضايق بندر اللي مايتساهل كل ذاللي قاعد يصير لزينة سمعت صوت بندر صحى راحت للحمام وحطت ماسك بالخيار على وجهها عشان مايلاحظ اثار الدموع............ بندر يتسحب بخمول متأخر على الدوام خخخ : ياصبــــــــــاح الورد والياسمين والكادي ؟ زينة : هلااااااااااااااااا حبي صباحك سكر بدري لو نمت شوي بعد ههههههه بندر : ههههههه بسم الله خوفتيني وشذاللي انت حاطه؟ زينة : ماسك حبيبي بشرتي تعبانه من بعد السفر وبهتم فيهااا بندر: افااااا يعني مااقدر ابوسك بوسة الصبح .... زينة : nowhere بندر : إلا بآخذهاااا مآخذها مآخذها لو ارابط اليوم كله هنا لو افصل من الشغل وش زين وجهي عاد سبب فصلي زوجتي رفضت تعطيني بوسة الصبح ههههههه زينة : ههههههه عادي تصير بارقى العائلات حياتي بندر وراها يبوس كتوفها : شوفي طلعة مانيب طالع هههه إلا بعد بوسة الصبح زينة : لا والله عشان تفضحني نسرين الحين جلستك العادية تقول انهاااامني عاد كيف اذا رابطت كل وقتك هنا ( اول مره زينة تحس انها قالت كلام يضايق بندر ويجرحه ) بندر حس انه في شيء غلط قال بنفسه كل شيء وارد ....قرب لها ومسكها بقوه واهي ماتدري وناظر في وجهها اللي صار قريب لوجهه بندر يناظر عيونها : كنت حاسس انك متضايقه وش فيك قولي بسرعه ؟؟؟ زينة مرتبكة من قربة و نباضتها اسرعت : ولا شيء بس عيوني كذا من تأثير الماسك حار مره وعيوني دمعت و من تأثير عيونك الحلوة هههه بندر قرب عيونه اكثر : احلفي............... زينة فكت نفسها من بين يدينه و مشت زينة بعصبية نوعاً ما : من متى وانا اكذب وبعدين خلاص قلت لك مافي شيء مافي شيء غصب يعني ( فقدت أعصابها زينة ولاول مره رفعت صوتها) بندر شافها جديه شوي وتركهااا // بندر : وش فيك متضايقه .. ماتبين تقولين انت حره بس اذا حبيت تقولين اناااا موجود دقي على جوالي أي وقت خدمة 24 ساعه ترا و فيه توصيل طلبات هههه زينة اكتفت بإبتسامة فقط راح الغرفة يبدل هدومه وجت زينة لانها نست تطلع لها ملابس.. بندر يبتسم : مشكورة ترى لي يدين وش قالوا لك ههههههه زينة منحشرة مره لانها زعلت بندر ولانهااا متضايقه من كل شيء كلام امها يدق بقوة وكلام نسرين يطعن فيها طعن .... زينة ناظرت بندر وراحت ارتمت في حضنه وقعدت تبكي بندر : كنت حاس ياقلبي بس ماابي اضايقك وتزيد ضيقتك ؟؟ فديتك ياروح بندر خلاص ياامي انت واهلي وناسي وربعي وجماعتي كلهم خلاص ترى دموعك غاليه يا عمري طلبتك لا من جد شكلك تبيني انفصل اليوم زينة واهي تبكي وتبوس يدينه : سامحني بندر : هههههههه وجع وش مسويه انت لا يكون بتروحين وتتركيني ( مسك يدها وباسها) زينة تضحك : انا ماراح اخليك إلا اذا فارقت روحي الدنيا ... قبل تكمل كلامها إلا وبندر حط يدينه على فمهاا .... بندر بعيون عاشق محب : فال الله ولا فالك ... الله يخليك لي ولايحرمني منك ويعطيك طولة العمر بالعمل الصالح وياجعل يومي قبل يومك زينة بكت بقووة : الله يحفظك يالغالي ويخليك لي يابعد عمري انت... بندر بخباثة : نوني قولي اذا ذا خطه منك عشان اكنسل الشغل ههههه زينة تضحك بس الكلام المتناقض يدق في شراراينها دق ... وما زال بندر يخفف عنها باروع سموفينات الحنان والإحساس Like (18) في بيت ام خالد ... إبتهال وتغريد جالسات يتقهون مع ام خالد وام بدر وعندهم نواف يصرح كالعاده إبتهال تسولف مع تغريد ويضحكون ... نواف التفت لهن خخخخ : خير ان شالله وش فيه يضحك ؟ تغريد : حاسدنا يااخي نواف : لا اصلا الضحك من دون سبب من قلة الادب تغريد وإبتهال : ههههه ههههههه هههه ههه هههههه نواف: استر على الضحكة اللي بالقطارة عموما اهل العقول براحه ام بدر : يمه خلك منهن ماعندهن سالفه بسألك تذكر زوجة المرحوم هبه ؟ نواف واهو يغمز للخواته يبي يرفع ضغط امه وخالته : ايييييييييييييييييييييييي يييي ذيك الحلوه الموت عز الله اني ابوي اخذ يعني عوض شبابه قبل يموت الله يرحمه ويسكنه الجنة تغريد وإبتهال : هههههههههههههههههه ام خالد : تهبى ذيك الشينة ماتسوى ظفر مني ومن ام بدر ...... نواف يشخص : إلا يمه بسألك بالله ما تدرين إذا عندها خوات .؟ ام خالد مسكت الجزمه وتبي تضرب نواف اللي قام وانحاش ... البنات : هههههههه نواف : عادي يمه اهم شيء انها حلوة وقبل يكمل إلا وجزمة منشاته صوبه بس اشوى انه سلم... نواف : وانا اقول ليش امي صويبة الظاهر ماذبح ابوي إلا هالشوتات والله ولا شوتته سامي الجابر؟؟ ام بدر : مين يطلع الجابر ذا ؟؟؟ تغريد : ممثل مشهور هههههههه ام بدر : أي اشوى على بالي اسم ابو الزفته اللي ماتتسمى حسبي الله عليها..... إلا وبدر داخل عليهم واهو ميت ضحك ..... بدر : خلاااص تعال نواف اجلس بعقد صلح بينكم بس تعال ... نواف : اخاف يذبحني يااخي وربي صويبات تخيل امي بالجزمة الله يكرمك وامك بيد البلاي ستيشن ...... بدر : هههههه ههههه تستاهل ياابو حرش انت تغريد : كله من سيرة هالمعفنه؟ بدر: مين ؟ إبتهال ودها تسبق تغريد وتقول : هبه .. وسدت تغريد فمها ... تغريد : زوجة ابوي الله يغفر له . بدر : اها صدق يقولون تزوجت ..؟ نواف بيقهر امه و خالته : افاااااااااااااا ياخسااااااااارة ؟ إلا وتحفة كبيرررررررررة جايته ببالطريق بس انه نزل راسه من الضحك ....... بدر : يمه انت وخالتي بالله اجل تغارن ههههه ههههه ترى ابوي توفي لهاااا9 سنين ام بدر : بدييييييررر وش جايبك رح لزوجتك غريبة وشلون فكيت عنها إبتهال : خخخخخخخخ بدر ناظر إبتهال : اعجبتك هااااااااااه اشوف فيك يوم إلا وبدخلة خالد اللي زاد جاذبية يوم ورى الثاني ...... خالد : السلام عليكم الجميع : وعليكم السلااااااااااااااام نواف : خالد شف تراهم كسروا البلايستيشن حقت رامي قل لهالعجايز يشترون له جديد خالد : هههههه عسى ميب براسك بس نواف : لا سليمة يااخوي نوون يذبحني يااخوي الظاهر اني بكتب وصيتي خالد : فدوووة اذا جت يد البلاي ستيشن عليك ميب خساره هههههههه نواف : افااااااااااا ياابو رامي ماهقيتها منك ابد ( ابك تسيف ) خالد اذا سمع هالكلمه يموت ضحك ام خالد : ايييييييييه الله يعقل رامي بالاول وبعدين لها الف حلال مو مشكلة البلايشسين نواف تغريد إبتهال : ههههههههههه نواف قرب لامه ........ نواف : يمه قولي بلايستيشن ..... امه تتلفت تدور شيء ... نواف : خلااااااااااااااااص توبة يمه ... خالد : خير ان شالله يمه ..... رامي بجيبه لك يسلم عليك اليوم ان شالله..... تغريد : عادي حنا نروح لهم نسير عليهم ودي اشوف البنات بعد هههههههههههه خالد طلع بيته فوق وهو محمل باليأس والخمول خالد قرر واتخذ القرار .... نسرين مش راح تحترم رغبتي ابد لكذا لازم اكويهاا عشان تفكر قبل تقرر اهي تتحدى مين ؟؟؟؟ ايه بس فكرة زينة بس يبي له تروي شوي .... خليها الحين تصول وتجول في بيت ابوها لين يفرجها الله والله غير تندمين يانسرين ... - - - ام بدر : ياوخيتي ام خالد خالد وش بلاه ورى مايرد زوجته ؟ ام خالد : آآآآآآخ يااوخيتي واعزاه لوليدي بس زوجته طالعه لها سنة وزيادة وماتبي ترجع ام بدر : هاااااااااااااااووو وراه وش حلاته ولدنا يجنن ؟ ام خالد : تبي بيت بلحالها وانت تعرفين خالد رافض هالشيء ام بدر : اصلا زوجته ماادري وش فيهااا صايرة حيه يقولون محسرة في البيت كله حتى زينة زوجة بندر ماسلمت من سمهاااا ام خالد : ياكافي اعوذ بالله بس انت بعد معي انا اقول يحق لها تطلب بيت وذا أي حرمه تتمناه بس انت تعرفين يا وخيتي ان المرحوم موصيه على اخوانه وخواته واكيد ان شالله اذا زوجهم انه بيطلع ويستقل ام بدر بصوت صغير : وحنااا ياوخيتي ماتبين نشوف لنا شوووفه هههه نواف يسترق السمع : هـــــــــــــــــــااااا ااااااااااااااااااااااااا اه وش قلتوا كااني سمعت شيء عيدوا بالله يالاااااااااااااااااه بس تلمحون وإلا ماتلمحون عرس مافيه إلا وتمسكه ام بدر بس فلت بسرعه ،، نواف : خلااااااااااااااااااص خليني واالله توبه هههههههه ام بدر : يابنات تعالوا امسكوه زين بربطه هاللي ماييتسنع اوريك هين .... انحاش نواف وهرب واهو ميت ضحك إلا ويدق جواله .< -- حجرف يتصل بك نواف ميت ضحك : ههههههه هلا حجرف .............. حجرف يستهبل عليه : وش فيك خير ان شالله مين مات خخخخ مساك الله بالخير . نواف : مساء الانوار يااخي عندي عجايز ذبحني هههههههههههه كسرني عظامي تكسير آخ يا ظهري ام خالد بصوت عالي : وماشفت شيء بعد يالحمار هههههههه حجرف : ههههه اقول يالاخو بتخاويني الاستراحه مافي احد كل الشباب هناك قلت ادق عليك اكيد صاحي نروح نشوف المبارة هناك ؟ نواف : اوكي بستنااااااااااك حجرف : هههههههههههههه آه يإليسا بس اخاف تعتزلين اذا سمعت هالعندليب يغرد نواف : اقول كنك غلطت هههههههههههه يالله بستناااااااااااك (( ويلحنها بعد )) - - ركب نواف مع حجرف الوسيم او بالاحرى المزيون الحلو ( من وجهة نظري الشخصية اؤمن بكل قواي العقلية انه لا يوجد سعودي حلو او مزيون ولكن هناك سعودي جذاب ، سعودي وسيم ، سعودي جنتل.. ولكن حجرف شذ عن القاعده وصار سعودي مزيون بس اسمه ياحرام مستقعد له ) حجرف : ياحيا الله ولدالعجايز ههههههههههههه يااخي اصواتكم دوخه نواف ( وهو يلبس شماغه ) : هههههههههههههههههههههه أي والله وناسة ( حجرف طبعا عشان احطكم بالصورة كان يحب وحده ويموت عليهاااا ادمن حياته عليهااا واهي تحبه بعد يعرفها من يوم كان عمره 20 سنه يعني من سنيتن ... علاقتهم قوية وصارمه وضحى عشانها باشياء كثيرة لدرجة انه مادخل العكسرية عشان ماينحرم من صوتها وش غير ذالتضحيه شيء ) دقت عليه ونواف كان معه بالسيارة ......... نواف كان اهو الوحيد اللي يعرف علاقة حجرف بصديقته دلال ابتسم نواف لحجرف : عادي تبي تنزلني نزلني هههههه حجرف : لا وش دعوى بس اركد لا تزعجني طيب..... حجرف : هلااااا حبي وحشتيني وينك من الصبح ادق عليك ..؟ دلال: سوري حبي كنت نايمة .... حجرف : نوم العافيه يابعدي انت نواف كان يحرك يديه يعني يتمسخر بكلام حجرف (خخخخخ) دلال : حياتي وينك كانك طالع ؟ حجرف : أي قلبي اما مع ولد عمي نواف طالعين الاستراحه دلال: اوكي قلبه دير بالك لعمرك واناااا برجع انام ... حجرف : اوكي نوم العافيه .. وقفل نواف : يااخي انت بتقنعني انك فعلا تحبها ههههههههههههههه؟ حجرف : أي والله من كل قلبي بعد ليش نواف : بس واثق فيها يعني وإلا تتسلى حجرف : اما اتسلى كبيرة يانواف باالعكس انا اموت فيها وانت اكثر شخص تعرف وش كثر ضحيت عشانها ووش كثر ضحت هي عشاني نواف : بس يااحجرف مهما كان المفروض ماتكلف عمرك فواتير وقرف وحاله نفسية وآخر شيء راح تتفرقون بيوم اكيد حجرف : اعووووووذ بالله فالك ماقبلناه وش نفترق انا مواعدها اخطبها واهي مواعدتني تستاني نواف يتريق: بستنااااااااااااااااااااا اااااااااااااااااك هههههههههههههههههه وصلوا الاستراحة وشافوا المبارة اللي انتهت بهزيمة النصر كالعاده ههههههههه زاد عددهم بوجود محمد ونايف والدحمي و سلمان فز حجرف واستاذن لان عنده دوام حجرف : نواف ترجع معي او تجي مع الشباب؟ نواف : ههههههه لا ياقليل الخاتمه اما بجد انك نذل مارني ومآخذني من امهاتي ومن وناستي معهن وراح تتركني اجي مع واحد من هالخبول سلمان : ههههههههههههههههه عزالله مالخبل غيرك ياولد منيرة نواف : كح كح احم احم نعم وش قلت ...؟ افاااااااااااااااااااااا انا اخو خالد مين قالك تقول اسم امي هاه ؟ الشباب : ههههههههههههههههه نواف بخباثة : لا حوحو( يتريق على دلال لانها تناديه بذالاسم بس محد فهم طبعا ) توكل على الله ودير بالك لعمرك اجي مع واحد من الشباب .... محمد : اذكر الخبول مامعهم سيارات هههههههه إلا وش رأيكم نسويها ونخليه يطقها رجليه نواف : ياعيال الذين تسوونها عاااااااااااااااااادي هههههههههههههههههههه حجرف : عموما الليموزين واقف هناك بجنب المحطه يعني هه اذا شفت انهم ناوين يقلبون عليك الطاولة اقلبها عليهم ههههههههههه نواف : اقول توكل بس """"""" " " " استاذن منهم حجرف اللي كان مسرع بسيارته حتى طلع من خط الخدمه إلا وتدق دلال وسوالف معاها لين قفل.... حجرف بدون مايدري قطع إشارة ...........والمشكلة والضابط كان موجود الضابط وقفه .... الضابط : ياكبررررررررررها تقطع اشاره وانااا موجود كبيره ههههههههههه حجرف : ماانتبهت كنت سرحان آسف والله الضابط رفع حاجب : وارواح الناس طيب بتقول كنت سرحان عنهاااااااا حجرف انحرج : آسف آخوي صكني بمخالفة وخلصنا الضابط: لاايااخوي انت شكلك ماتدري ان عقوبة قطع الاشارة السجن حجرف بصدمة : لاااااااااااااا الله يخليك وش دعوى عشان اشارة تخليني مع المجرمين الضابط : قطع الاشارة اجرام ... المهم عجز يقنعهم بكل الطرق واضطر انه يدق على اخوه محمد الكبير عقيد في الحرس اللي تكفل له بالموضوع بس المشكله ان الزفت ذا الضابط طلع والزفت الثاني الضابط مابعد شرف شفتوا كيف تلاعب هالشريحة بهالامور ) اضطروا يوقفون حجرف 12 ساعه بس....... وجواله تقفل مافيه شحن حجرف طلب انه يكلم من جوال احد الجنود اللي ماقصر لانه فيه ا نزعة بدوية حجرف يدق على نواف اللي ابطى مارد مابعد عرف الرقم ... اخيرااااااااااا رد حجرف : هلااااااا111 نواف يااخي ساعه عشان ترد؟ نواف بصوت جدي : مين معي اخوي ؟ حجـــــــــــــــــــــــ ــــــــــــرف نواف : ههههههههههههههههههه خير وش فيك وشذالرقم حجرف : اسمع انا موقف في التوقيف قطعت اشارة تعال نواف : ابك تسيف هههههه نواف ماقصر جاب العيال كلهم وجوووو كلموا خالد اللي معروف بشهرته ومكانته في الرياض بس برضواالزفت لسى مابعد وصل حجرف : عادي اذا 12 ساعه اتحمل بس نواف بالله بغيتك شوي نواف : خير ... حجرف : ابيك تدق على دلاااااال نواف بدلاخة : ابك تسيف ............................... .. حجرف : ههههههه اسمع قول لها اني موقف 12 ساعه عشان ماتقلق ... نواف : مصدق انت وراسك انها خايفة عليك ...... . حجرف : تقدر او لا عادي اقول لسلمان او نايف؟ نواف : طيب طيب خلاص بقولهاااااا لا تنافخ بسوي لك هالخدمة عشان اذلك طول عمري عليها خخخخ حجرف : نذل مافي شيء جديد ههههههه نواف : احترم نفسك تراي بجازف بسوي شيء ماقد سويته بحياتي يعني لا يكثر هرجك لا اتنح نواف طول الوقت واهو آخذ الهم عمره بحياته ماكلم بنت صح انه راعي سفريات وسهرات بس عاد هنا بالسعودية مايعرف هالحركات آخذ الهم انها مش راح ترد على جواله..إلا أنه تفاجأ بالاخت ردت مباشرة من جوال نواف نواف مرتبك ويلعن حجرف مليون مره خخخ : مرحبا ..... دلال : مرحبتين ... نواف : معاك نواف ولد عم حجرف.......... . دلال : هلااااااا والله كيفك نواف مستغرب : بخير وأنت ........ جته حالة دلاخة خخخ دلال : بخير نواف : آسف لأزعاجك بس بحط عندك خبر ان حجرف موقف في التوقيف لانه قطع اشاره دلال : واااااااااااو عن جد ياحبي له ليش طيب ماطلعتوه نواف حس انها تبي تسولف : الضابط مش موجود ... دلال : طيب واسطتكم كبيرة ورى ماطلعتوه ..." نواف : ماقدرنا اختي تأمرين بشيء دلال : سلامتك ............ نواف : الله يسلمك ......في امان الله نواف طار عقله ياربي كيف حجرف يحب وحده زي كذا واضح انهاا تحب تحاكي الشباب وناوي يخطبها لاااااااا مو معقول رجع نواف البيت مع سلمان اللي قطه عند باب البيت .. بعد تمنن و تمسخر كثير منه نواف : قال عيال عم ماقول غير ياشين المنه بس سلمان : خخخخخخخ يوم نزلت يعني هاه طلعت اللي بقلبك صك نواف الباب بقوة و مشى سلمان وهو يشر له في باي . دخل نواف وشاف إبتهال وتغريد جلس معهن شوي وقالهم بسالفة الخبل اللي قطع الاشارة واهو يسولف معهم إلا و يدق جواله يناظر ...دلال تتصل بك ... نواف بينه وبين نفسه ياربي ذي وش تبي ؟ تردد ولا رد تغريد : رد ياااخي ... نواف : مالك شغل لااقوم اصفقك إبتهال : هههههههههههه وانت كل حياتك تصفيق في تصفيق وعادت دلال تدق ..... رد عليها نواف دلال: هلا نواف كيفك نواف : بخير هاه وش فيه فيه شيء ( مرتبك خخخ) دلال : ولا شيء بس ابي اعرف كيف حوحو حبيبي نواف : ابشرك بخيررر ......... قفلت واستأذن نواف من البنات وصعد غرفته يبي ينام بس سرى ليله خخخ لان دلال دقت عليه مره ثانيه وصارت تشكي له وتقول له انها مشتاقه لحوحو وولهانه عليه طبعا نواف حب يشوف وش نهايتهاا عشان يلحق على ولد عمه ولا يسمح له يخطب وحده بهالاخلاق.... من بكرة الساعه 7 الصبح طلع حجرف بعدما جاء محمد اخوه اللي مسح البلاط في ابو المسؤولين هناك .... حجرف سلم على امه اللي ضمته شوي وسوت له فطور وبعدين صعد غرفته يرتاح دق على دلال حصل معاها مكالمه (waiting) انصعق حجرف هالوقت مين يدق عليهاا قال اكيد مقومه الدنيا عشان ماتدري عني لاني ماكلمتها قبل انا بدق على نواف اشوووف قالها ا لاا......... دق على نواف وحصل بعد انتظار .... ؟؟؟؟؟؟؟؟ نواف شاف رقم حجرف : اوكي دلال حجرف يتصل فيني بطمنه عنك طيب دلال : خليه ماعليك منه كمل بس بعدين احاكيه انااا نواف انصعق من هالداشرة وش تقول ....... على طول قفل وراح كلم حجرف اللي مارد لانه نايم تعبان من بكرة المغرب الساعه 7 قابل نواف حجرف ... حجرف : يااخي مدري وش فيها دلال متغيره علي مره تخيل ماكلمتني ارسلت لي مسج تقول ان امها عندها وبعدين كلمتني يمكن دقيقه وقفلت وباردة مره نواف انحرج : حجرف بقولك موضوع ....... حجرف : يوووه نواف شبعت من كلامك بتقول لا تصدقهاااا وانهااا ماتحبك ومن ذالحكي انا واثق فيها تعرف كيف سنيتن مو شوي نواف : طيب اسمع بكمل.............. إلا وتدق دلال على نواف وحجرف عنده حجرف عيونه طلعت من راسه يوم شاف اسمها ... نواف ناظر فيه وقال شوووف الواثق فيها وش تقول اسمع بحط speaker حجرف يسمع .. . دلال : نواااااااااااااااااف اشتقت لك تصدق هههههههه نواف يناظر في حجرف : الله يسلمك ....... دلال : وانت مااشتقت نواف : كيف اشتاق و اخاف حجرف يذبحني بعدين دلال : خلك منه ذالمعقد مصدق عمره انه عاشق وولهان هههههههههههههههههههههه حجرف طارت جنونه وده الارض تنشق وتبلعه بعد اللي سمعه مايدري ليش حتى نواف كرهه صار مايطيقه .... قفل نواف وراح لحجرف اللي طلع سيارته نواف : وش فيييييييييييك يااخي حبيت اسمعك بس عشان تتأكد حجرف : نوااااااااااف ماقصرت وبصدق انك وضحت لي شيء مهم كنت غافل عنه انا من زمان ( راح بال حجرف ان نواف يوم كان ينصحه انه يبي دلال تصير صديقته ) نواف : لااااااااااااااااا ياحجرف وربي الكريم انك فاهم غلط ترى مااقصد اللي في بالك انت تعرف وش كثر انا احتقر هالبنات واللي يسوونه حجرف : واضح والدليل اللي سمعت من قبل شوي ذا غير اللي ويتنق اللي اليوم الصبح واعرف انه معها نواف : حجرف انت اكبر من ان هالتفاهات تزعلك انت ولد حموله وناس تسوى وش لك بعوار الراس ,, حجرف رعد بصوته : لو سمحت انزل من السياره انا بجلس لوحدي نواف بدلاخة : مانيب نازل وش برأسك حجرف بعصبية توحش : انززززززززززززززل نواف : معصي مانيب نازل تنزلني عشان بنت ماتسوى حجرف دمعته شوي وتطلع : نواف الله يرحم والديك اانزل ترى خلاص سديت نفسي نواف : مانيب نازل واذا نزلت بلحقك بسيارتي حجرف بعصبية موحشة : يااخي نفسي عافتك خلاص مااطيق اشوفك انت اللي ذبحت قلبي وطعنته ياليتك مخليني في الوهم اللي عشت فيه سنيتن نواف : بس هي تخونك مو معي وبس مع الف واحد غيرك حجرف بعصبية نزل وفتح باب نواف : انزل بسرعه نواف متكي خخخ : قلت لا يعني لااااااااااا عشان بنت هااااااااااااااااااه حجرف شد نواف مع ثوبه ويبي ينزله بالغصب ..... نواف مسك يد حجرف ورفعها : خلاص ويا ولد عمي انا بنزل بكرامتي اللي تخليت عليها عشانك وآخر شيء اتوقعه ان بنت جزمه حشرة ماتسوى تفرق بين عيال عم لا ومو أي عيال عم اقرب اثنين لبعض ..... عن اذنك.................... حجرف طنشه وراح ركب سيارته ومايدري وين يروح ينتحر ليش بس تكذب علي سنيتن ليش ؟ حسبي الله عليها ان شالله ...قفل جواله ومايدري ليش مسك خط الشرقية متجه واهو مايعرف وين بيروح .. *********** العالم كلهم مختبين حجرف اختفى لها يومين مايدرون وين وجواله مقفل ام محمد في المستشفى من جراء الصدمه .. والبيت مايسر الكل مختبص ويدور الف سبب وسبب والاهم هو وين ..؟ الوحيد اللي كان ميت قهررر وندم اهو نواف ليش بس ياحجرف كذا وش سويت لك انا حبيت اساعدك وانت اللي طلبت مني ادق عليها المشكله هي اللي بلتني وصارت تدق علي كل شوي نواف شغل سيارته وطلع ................ خالد بعصبية وقفه : وين ........... تعال وقف انا احاكيك نواف وقف : بروح لااي مكان ان شالله انتاركتيكا خالد بعصبية : صار امركم عجيب والله تطلعون على وجيهكم والمشكله ماياكلها إلا الامهات المسكينات يالله انزل وخلك رجال واترك حركات المراهقين نواف مايقدر يعصي كلام خالد اخوه وبنفس الوقت يلوم نفسه اذا صار لحجرف شيء اهو المسؤول......؟ نزل نواف واهو تعبان مررررررره وقرفان مافي مستشفى إلا وشيك على اسماء اللي فيها حتى مراكز الشرطة بعد .... ابو محمد :هشااااااااااام هاه عمم عن اخوك في كل المملكة ؟ هشام بإنكسار : ايه يبه ويقولون ان في واحد بالشرقية بنفس المواصفات بس للحين مو اكيد العالم مرتجين ......... نواف بعالم آخر من الضياع والدموع والدعوات على دلال بندر دخل مسرع ووجهه يبشر بالخير : ابشركم حجرف دق علي ؟ الجميع : الحمدلله وينه اهو ... نواف ناظر : وينه فيه بندر : في الشرقيه ابو محمد : ورى ماحط عندنا خبرررر واهو يدري اننا تعبانين ومخبين عليه بندر : ياعمي يقول انه وصل متأخر وسكبها نومه واول ماصحى دق تعرف هالشباب ينامون ثلاث اربع ايام عادي هشام متنرفز : الواحد ماينام كذى إلا اذا كان متضايق مرررررررره وفال ابوها بـ.... بندر غمز لهشام يعني انطم مو وقتك خير شرر.... نواف مسك بندر : وينه فيه ابي عنوانه لازم اطلع له بسرعه لا هنت بندر منلخم : نواف وش السالفه تراى زي الاطرش بالزفة ؟؟؟؟؟ وش فيه وش سالفته ليش انحاش وزعل..؟ نواف : ولا شيء بس سوء تفاهم بيني وبينه .... مسكه بندر واخذ نواف معه السياره وطلب منه يشرح كل شيء نواف : لاتحااااااااااااول يااخي لاتحشرون عمركم وربي طفشان واذا صار له شيء بلحقه تبي تعطيني وين اهو فيه او كيف ؟ بندر بعقلانية : بس اهو وصاني بس اطمنكم وامني مااعلم احد وين اهو فيه نواف طلب بندر: تكفى الله يوفقك ... الله يخلي لك زوجتك يدري انها يحبها موت..... بندر : امانه يانواف السماوات والارض رفضت تشيلهااا تبيني انا يهالضعيف اقولهااا صعب المهم اضطر نواف انه يعلم بندر بالسالفه ... اللي انصعق وقال : معقوله ذا من جده يحب وحده بهالجنون اللي حنا وحنا متزوجين ماحبينا زوجاتنا بهالجنون ... نواف : ساعدني وامانه لا تقول لاحد شيء بندر : ابشر صار توكل على الله وانا بقول لخالد اني مرسلك تجيب لي اوراق من جده بعدا للشبهه طلع نواف الشرقية طيررررررران ويمشي بقوة بنشر مرتين في الطريق من السرعه وتعوذ من الشيطان وصار يمشي بهدوء....... حجرف كان في شقة في الخبر لوحده .... طق الباب حجرف : اكيد الطلبية اللي من المطعم فتح الباب واتفاجئ نوااااااااااااااااااااااا اااااف نواف : شفناك ساحب للشرقية قلنا نلحقك حجرف كشر ودخل ودخل وراه نواف مين قالك اني هنا ؟ نواف : جبت العنوان لو مانتب غالي عندي كان سحبت عليك وقلت بكيفه ههههههههههههه حجرف بصوت اعلى : مين قالك اني بذااااااااااااااا؟ ناظر تحت نواف : جبته وبس حجرف ناظر فيه : وش باقي بعد هاه وش تبي تسمعني الحين ؟؟؟؟ تبي تكشف لي وهم جديد لاااااا عاد تكفى لا تقول اني امي مو امي هههههههههههه ه نواف تأفف الظاهر مهمتي بتصعب : حجرف رجاء اسمعني ... ..وشرح له لسالفه ووضحها لها وان العالم مختبين عليه مرررررره حجرف : انا ي نواف مو زعلان عليك انا زعلان من نفسي والله صدقني كيف بس طول هالوقت وانا خبر خيررررر ليش يعني نواف : احمد ربك اللي كشفها لك قبل الزواج ولا تورطت فيها بعدين حجرف ناظر نواف : ماتبي تقولي من قالك اني هنا هههههههههه نواف : هههههههههههههههههه لا انا موصى اني اجيبك معي واكلبشك بعد حجرف : آخ يانواف بس وربي اني تايه مره نواف : لا ولايهمك لاتخاف بزوجك وحده تنسيك طوايفهااااااااااااههههههه حجرف : هههههههههههههه ه نواف : افا بس عليك ياحجرف حنا عيال عم والكل يضرب المثل بترابطنا وشلون نسمح لوحده زي ذي تفرق بيننا حجرف : صدقت يانوااااااااف وربي صدقت بس تخسى لا ولامليون من اشكالهاا يفرقون بيننا نواف : ياشينك وانت معصب هههه ههه كاانك ممثل هندي حجرف : ياشينك انت وانت لزقة تعيي تنزل ههههه حتى يدي فيها خلع منك عجزت انزلك هههه عصاقيل بس مدري شكل امك ترضعك كانت تحط لك حديد مع الاكل نواف : هههههههه اذكر الله لا تسمعك امي تسوي لك سالفه المهم يالله تجهز نروح عشان امك بالمستشفى ضروري تدق عليها الحين وتروح لها ان شاللهء حجرف : يابعد عمري ياامي الله يشفيها ويخليها لنا يارب نواف : أمين حجرف : بندر قالك صح هههههههه ه نواف : ايه حجرف : لا يالنذل يابندر هين بدعي عليه ان زوجته تزعل عليه دقيقه بس هههه نواف : عشان يفطس لا ياشيخ روقنا بس (19) في الرياض ومن جناح بندر و زينة كان بندر طالع في بيت عمه ابو محمد يبي يتمطن على وصول حجرف بالسلامة طبعا مافيه كلمة شينه على وجه الارض ماقالها بندر لحجرف على تصرفه الصبياني كانت زينة بتسافر إيطاليا عند ابوها لان صار فترة ماشافته خصوصا وان امها هناك واخوها بدر بعد طلع في اجازة على ايطاليا فضروري تروح عندهم كذى يوم مثل ماعودها بندر ... بندر اتفق مع زينة بيروح يتطمن على ولد عمه ويجي بسرعه يوصلهاااا... زينة تنتظر بندر عشان موعد الطيارة ... دقت عليه زينة : هلا بندر وينك تأخرنا على موعد الطيارة؟ بندر : ياهووووه مستعجله تبين فرقاي ههههههههههههههههه زينة : يابيخك بس تبي تضايقني تعبت وانا ارجيك تطلع معي ونسافر سوى بندر : ودي قلبي بس عاد تعرفين ماله داعي نعيد و نزيد الاسطوانه .. زينة : اوكي حبي بس بليز عجل علي ترى احترقت من الانتظار بندر : طيب طيب جاي ان شالله طبعا وصل بندر زينة المطار بعدما ودعها ووصاها على حالهاا وطبع بوسه على يدينهااا وذكرها بالمده انها 10 ايام فقط لااقل ولا اكثر...... طارت الطيارة وبندر يدعي لزينة انها توصل بالسلامة راح البيت وفتح الجناح شاف box مره رايق وعنده بطاقه فتح البطاقه شاف مكتوب فيها Love is like a flower Whose petals slowly unflod And with each new petal The fragrance spreads Deeper and sweeter Petal by petal My lover: Bandr... really I will miss for you so much Please ..take your care.... I kiss you...with your lips Your lover: Zina بندر ابتسم واهو يقرا خواطر زينة فيه اشتاق لها موت وتمنى لو انه يضمها الحين لانه اشتاق لها مووووت وفتح البوكس حصل فيه عطر بندر يموت فيه من جفنشي ..تعطر منه وبوس العطر ... باب الجناح يطق ... بندر انت هنا ...؟ بندر : سمي يمه انا هناااااا جايك جايك.. وراح وفتح الباب وشاف امه : هلا يمه حياك ام تركي : لا يمه انت تعالي ابيك في الصالة بندر : ابشري يمه يالا معك انا وراك بندر كان يتساءل غريبة امي وش عندها يعني مو من عادتها تناديني وتقول ابيك بموضوع إلا يوم كانت قبل تقنعني اخطب وانا رافض .... بندر : سمي يمه جلسه وجلسنا وش بعد آمري تدللي ؟؟ ام تركي : مايأمر عليك عدو يمه بس انا ماودي احشر نفسي بحياتك انت و زينة (بندر قلبه يقرقع الموضوع فيه زينة الله يستر لاتكون امي زعلانه منها او شيء ) يمه اناا حبيت استفسر منك .... وانحرجت ام تركي وناظرت تحت ....وكانت راح تغير السالفه بندر : يمه وش فيك خوفتيني امانه عاد قولي ؟ ام تركي : يمه ابي اشوف عيالك صار لكم سنه وتسع شهور ولا بعد حملت زينة ؟ بندر : هههههه وذا اللي مضايقك يمه ام تركي : وش بلاك تضحك انا اتكلم جد بندر : الله يخليك لي يمه ، تونا بعد خير نبي نستمتع بوقتنا مع بعض ههههههههههه ام تركي : لا يمه يمكن اذا حملت زينة تهجدون ولاعاد تسافرون كل شوي زي الحين بندر : والله حاله متزوجين وحابين يعيشون حياتهم وش بلاكم ههههه هههههههه ام تركي : الله يهنيكم يمه بس عاد ابي اشوف عيالك والله قلبي تفطر عليهم اتحلم فيهم في الحلم بندر : ابشري يمه ان شالله يصير خير وانا بعد كنت مفكر انه قد حان الاوآن ههههههه نسرين كانت نازلة مع الدرج : حلوة حان الاوآن هههههههههه هههههه بس عاد بجد حان الاوآن خلاص عاد طينتوهااااا اللي متزوجين معاكم معاهم ولدين او ثلاث.. بندر : ههههه ههههههه اعوذ بالله تبين زينة تصير كنها قطوة بسنة تجيب اثنين ام تركي : هههههههههه عادي يمه الحريم من اول كانوا كذى ولا يجيهم شيء بالعكس كان الحال اصح من الحين وبكثير بندر : ياميمتي مالك إلا طيبة الخاطر وابشري ان شالله بإذن اللي ماتنام عينه أني لااخلي عيالي يكسرون بيتك ذا واخليهم يأدبون عيالك يانسرين... بخلي خالد يجي طايره شياطينه يصفق عيالي ام تركي : ههههههه هههههه خلهم يجون وعين لهم فراش وعين غطى.. نسرين تضايقت يوم جاب سيرة خالد ....(.لانها تحس ان اللي براسها طاح بس ينقصها انه يدق او يجي يسأل ......؟ فعلا يانسرين سنتين كثيرة مره على خالد انك تبعدين عنه ومهما كان لو انه عنتر بن شداد راح يمل ويتركك....) بندر : يلااا انا عزوبي الليله بأخذ راحتي بروح الشباب ايام الفقر بالاستراحه هه ههههه ام تركي : لا تتأخر وترى تركي دق قبل شوي يسأل عنك قلت له انك وديت زوجتك المطار ؟ نسرين : بندر ماصارت كل شوي زينة مسافره عيب العالم وش بيقوولون عليها مو حلوة بحقها بندر تضايق مو متعود احد يشتم زينة واهو فيه بندر : مو من كثر سفرياتها وبعدين اهي تروح تتطمن على عمي صار لها اربع شهور ماشافته حرام امنعهاا لا ازيدك من الشعر بيت لو معي اجازة كان طلعت معاهااا نسرين : بندر خير مااخبرك رخمه كذىىى ورا زوجتك خلك حنش بندر بعصبية رعد بصوته : نسررررررين ( تضايق من كلامها ) مااحب يضايق اخته عشان امه فيه و تأفف شوي وطلع.. ام تركي : وش فيك انت على اخوك زوجته واهو حر فيها خير ان شالله احنا ماصدقنا خبر انه وافق يتزوج وانت بتطيرين زوجته خلاص كفايه الكلام السم اللي تشوتينه عليها حرام كثر خيرها اللي ماتقول لاخوك شيء عن الكلام اللي تقولينها لهاا بالطالعه والنازلة نسرين :عادي عادي يمه وش فيكم علي اناااا بس اعلمها ان أي بيت له سستم معين عشان تعرف اسلوبنااااااااااااااااااا ااااا ام تركي : الله يهديك بس وبعدين اتركي الغيره عيب تغارين من اخوك وزوجته خليهم يعيشون حياتهم ولا تنغصين عليهم نسرين : تخسى وتهبى زينووووه مابقى إلا اناا نسرين ( وقفت واشرت على نفسها ) اغار من ذالشينة زينة لا ومسمينها زينة بعد عمى بعينهم ماعندهم ذوووووق... بعدين خالد كان معيشني احسن من عيشتها مع ولدك البطران ذااااااااااا ام تركي : لحول ولا قوة إلا بالله يايمه دام خالد معيشك بدلع وراك تركتيه هاااااااااااااه ؟ نسرين : كيفي كيفي ولااعاد احد يحشر عمره انت امي على راسي بس من فضلك بهالناحيه لا تقولين لي أي شيء ............ ام تركي : الله يهديك ويردك لعقلك بس نسرين طنشت وراحت طلعت في الحديقة تشيك على عيالهاااااااااااا......