الفصل 6
بارت ٦
طبعا الكل نام ولما سألو عبدالرحمن على عزيز قال لهم انه معاه مناوبه والجد استغرب كيف وهو اخذ اجازه بس ماهتم طبعا ذه صار وقت صلاه الفجر
عند البنات كان الكل نوم الا اسيل فيها ضيق ما تدري وش سببه الي تعرفه تبي تبكي بصوتها مو تكتم سحبت نفسها من الجناح بهدوء وراحت بعيد عن المزرعه وتبكي بقوه ماتدري وش فيها مخنوقه تتمني تعرف وش سببه جلست وهي تحضن نفسها وصوت شهقاتها بكل المكان حسن كان ماشي يبي يطير الملل لان ماجاه نوم سمع صوت بكى راح وشاف بنت تبكي بخوف .وش فيك ومن انتي اسيل رفعت راسها وعيونه دموع فزت تبي تروح ماتحب اي احد يشوفها تبكي او ضعيفه مسكها .وش فيك انفجرت تبكي بضعف .الله يخليك فكني حسن بحنيه .طيب احد اذيك احد سوا لك شي او زعلك اسيل ماحست على نفسها وسندت راسها على كتفه وتبكي .مادري جاني ضيق وابي ابكي واصرخ علشان يخف الضيقه حسن انصدم من حركتها بس ارتاح بحنيه وهو مبتسم .ماعليه كلنا نمر بذي الايام ومسح بيده على ظهرها بتردد كبير اسيل حست ماتبي تبعد عنه لفت يدها على ظهره ودفنت راسها بصدره وبكت اكثر حسن حس ان قلبه بيخرج من مكانه من قربها .اششش اهدي ياروحي جلست عشر دقايق واستوعبت وش سوت .ااااااء ماكنت اقصد والله حسن حس باحراج بس فرصه وجت لعنده مستحيل يضيعها .اااء عادي بس ابي اقول لك شي اسيل وهي تبي الأرض تنشق وتبلعها من الاحراج .بعدين ابي اروح الحين حسن مسك يدها .لا الحين بتسمعين هيه كلمتين بس اههه وشاف عيونها .اسيل احبك اموت عليك من سنين بس ماكنت عندي الجراءه اكلمك بس خلاص احس مو قادر اخبي واكابر اكثر واخذ يدها وثبتها على قلبه حسي بحبي لك والله احس انه بيخرج من كثر ما يدق بقوه اههه مابي رد الحين فكري واذا في شي يضايقك ترا حضني لك باي وقت اسيل انصدمت من الكلام الي سمعته حست انقطع الهواء ماستوعبت الي لما راح.اه كنت حاسه وربي من تهربه مني وتضرب راسها وانتي غبيه ماصدقتي تطيحين بحضنه كذه على طول الحين وش بيقول عنك اف وراحت تنوم بس النوم طار عكس حسن الي نام وهو مرتاح
عند عزيز خليها تدخل وهو انتظر عند الباب وما خليها تسكر الباب علشان يضمن انها تطلع سمع صوت صراخ على طول دخل شافها جنب ابوها وابوها مرمي بلارض وفاقد الوعي مسح على وجهه .استغفر الله تقى .اهى اهى يبه لا تكفى يبه ما عاد معاي من ذي الدنيا غيرك لا تروح بعد امي سحبها عزيز وهو يهديها اششش اهدي انا دكتور بشوف وش فيه وان شاءالله مافيه الا العافيه تقى تمسح دموعه بأمل كبير .ايه ايه تكفى قرب عزيز من ابو تقى وحس النبض ضعيف تنهد تقى رجعت تبكي .مات صح لا تقوله تكفى عزيز .لا بس ضروري مستشفى الحين رح أدق وطلع تلفون يدق عليهم ورجع لتقى شافها من غير عبايه دخل يدور عبايتها وراح يلبسها بعد مالبستها تكلم معاها بهدوء. ممكن تدخلين تجهزين الأشياء المهمه لان مارح تجلس بهذا البيت لا انتي ولا أبوك قامت تقى هيه اصلا كرهت ذه البيت وماتدري ليه حست بأمان ذه الشخص الي حتى اسمه ماتعرفه دخلت الغرفه اخذت اول شي أغراض امها كااامل حتى الأشياء الي مالها داعي واغرض ابوها نفس الشي واغراضها المهمه بس وكم لبس بس وطلعت بعد ماسمعت صوت الإسعاف اخذو ابوها كانت بتروح معاهم بس مسكها عزيز حاولت تفك يدها بس مافي فايده عزيز .اششش اولا ممنوع احد يركب معاه ثانيا خلصتي الاغرض انا بوديك بنفسي تقى .ايه خلصت مشى عزيز وهو ماسك يدها للحين خايف تلحقهم اخذ الأغراض وقال لها شيلي ذه وتعالي بعدي اخذت تقى شنطتها الخفيفه ولحقته من غير تردد بسرعه ما عاد في مكان الا قدام ترددت تركم بس تذكرت ابوها وفتحت بسرعه حرك عزيز وهو مستغرب من حياتها الي مافيها راحه وأمان واحد بلميه تنهد ووصل للمستشفى ونزلو سألو عن ابوها قالو الدكتور عنده جلسو انتظرو بعد نص ساعه طلع الدكتور تقى راحت لعنده .هاه بشرني عن ابوي الدكتور. اه للاسف تعرض لصدمه كبيره ودخل بغيبوبة ماندري وش نوعها للحين طاحت تقى على الأرض راح لها عزيز ومسك راسها .هدي ترا ياما واحد دخل بغيبوبة وفاق بعد سنين واعدي احمدي ربك على انه مامات تقى. ههه ابوي مايتحرك وكان بسريره ولما جينا كان بلارض هه يعني صدمه ابوي برضو بسبب الشيطان وبكت أنزلت بتامر دعاوي الي يسمع يقشعر بدنه منهن عزيز انصدم من دعاها بس مالامها اقل شي تسويه حاول يهديها مافي فايده راح طلب ابره اخذ ابره وضرب لها واخذها على طوول لسياره ومشي فيها لشقته لي محد يعرف عنها الا عبد الرحمن لأنها حقهم الاثنين اذا ضاق فيهم البيت يجو هانا نزلها وهي مو حاسه بشي خليها على الكنبه الي في الصاله وسكر وطرح جواله الي مايستعمله عند راسه ومسح كل الارقام فيه وحط بس رقمه وطلع ميييت نووم ركب السياره وشغل المكيف ونام هو الثاني
في المزرعه الجد بغضب وهو يوجه كلامه لعبد الرحمن. هيه انت عبد العزيز للحين مداوم تبي تكذب على انت وياه عبدالرحمن ارتبك .اااء لا يجد حشى تكذب عليك بس والله قال لي كذه واصلا انا ماشفته من لما طلع حتى اسأل العيال الجد بحده .ايه انا اعلمك انت وياه بس انتظرو طلع بعد الرحمن وطلع جواله يدق على عزيز وهو خايف من جده يكشفه وين هو عزيز بصوت نوووم .اهمم عبدالرحمن بخوف .قم قم الله لا يحييك نايم وانا الي خليتني قدام المدفع عزيز صحصح بس الصداع كان بيجننه ضعط على راسه .اه اهاه وش في عبد الرحمن. روح تصرف للمستشفى ترا جدي عرف ان احنا نكذب وتراه متحلف فينا وانت تدري ان جدي عارف يطلع كل كبيره وصغيره من المستشفى عزيز .اففففف ياربي طيب طيب الحين بروح واشوف وش اسوي اه سكر من عبدالرحمن وضعط على عيونه .اهه ياربي وش ذه الصداع غير طبيعي ضغط على نفسه ونزل لراح للشقه عند تقى صحت ماستوعبت هيه وين ووش صار لها تذكرت انه كانت مربطه ومعاها ثلاث رجال ضمت رجولها بصدرها وبكت
يااارب وش سوو فيني مااذكر شي اهه يارب الطف فيني سمعت صوت دق على الباب خافت وزاد بكاها سمعت فتح الباب ووحده يدخل بسرعه صرخت.لااااااااااااا عزيز ما كام طايقه لشي .اوووه ترا صبري نفذ لدلعك يالله قومي اوديك تشوفي ابوك خلصيني افففف تقى ما كانت تسمعه غمضت عيونها واذنها وتبكي عبد العزيز راح لها ومسكها من يدها ونفضها للارض وقرب من وجهها .هي انتي ماتفهمين غبيه انتي اقول لك قومي تجهزي ابي اروح ماني فاضي لك ماشاف منها اي استجابه مسك راسها وقربها منها بحده ونفسه يلفح وجهها .رح اعد لين العشره اذا ما تحركتي بكيفك بطلع وسكر عليك الباب ولا رح تشوفيني ابوك في المستشفى وقفت بكا بس ماتحركت ملامحها جامده عزيز عد لين العشره وهي على ماهي راح بغضب سكر الباب يسمع تترجيه بس ماقدر يسيطر على غضبه وبنظره انها دلعها زياده تقى اول مالف عنها استوعبت انه قال تزوري ابوك راحت تبي تلحق عليه بس كان اسرع منها وراح تدق الباب.من انت ووش عرفك بابوي وش فيه ابوي تكفى رد على جالست عند الباب وناظرات البيت ونزلت نظرها على الشنط عقدت حواجبها .من جابهم يااه ليكون ذه من طرف تامر وخليه يجيبني هنه علشان يتخلص من ابوي مثل امي وجلست تبكي لين حست ان راسها بينشق من الصداع نامت على الباب نرجع للمزرعه
عند الحريم كانت الجده ونسوان عيالها وبنتها
ام عبد الرحمن بتكبر وشماته.الا يام عبد العزيز للحين ماتدرين على اختك الا رمت بنتها عليك ومشت هههههه الله لا يبلانا يعلم الله من وين جابت ذي البنت وقطتها عليك وانتي شليتيها بالاحضان ام عبد العزيز انصدمت من قوه الكلام ماقدرت ترد كانت مصدومه وش عرفها ذي مستحييل اخوي بيقول لها ام سامر انتظرت احد يرد عليها بس الكل كان منصدم بس شافت مافي رد وانها مصدومه قامت لعندها وسوت لها كف .انتي ماتخافين ربك ترمين الكلام من غير ماتحسبين وبعدين من وين عرفتي هاه وصارت هوشه كبيره الجده عيت تفك فيهم مافي فايده سلمى ورا الباب سمعت كل الكلام وهي مصدومه من الي سمعته طبعا دخل الجد وصرخ فيهم
الجد.انتو ماتستحون أمهات كل وحده معاها ولد وش طوله وفي الأخير تضاربون اجل مالو العيال اذا انتة الي ربيتوهم تضاربون بهذا العمر اجل هم اعقل منكم والله الحين ابي اعرف وش صار هاه الجده ناظرت لعند الباب وشافت مرت اخو زوجها وبنتها والبنات .لا مو هني تعال نتفاهم برا احنا وهم بس ام عبدالرحمن. ليش خايفه تقولين قدام الكل ترا عادي هه ولت خايفه من العار ياخذ حبيبت قلبكم والكل يكرهه لانها بنت مو قطعتها ام عبد العزيز بغضب .هيه احترمي نفسك ومو اني سكت لك اول خلاص تتمادين اكثر واكثر وتراها هيه وامها أشرف منك مليوون مره وناظرت للبنات .وش جالسين تشوفون اقول يالله مابي اشوف احد قدامي الكل انسحب وأم خالد سحبت نفسها لان حست نفسها مالها داعي ويالله سحبت امها معاها تبي تسمع .اوووه يمه ترا هم عائله واكيد كل عايله معاهم مشاكل ومايبون احد يدخل فيها وش لك فيهم جلست امها تتحلطم فوق راسها
الجد بحده .تكلمو ولا القط بلع لسانه هاه ام عبد العزيز ماتحملت تحس نفسها بضعف وتبكي ناظرت الجد وقال بهدوء.عن اذنكم بطلع الجد صرخ .نحد رح يطلع الا من اسمع السالفه خافت ام عبد العزيز من الصراخ وجالست وهي مخنوقه تحس بتنفجر الجده حست فيها برجاء .طيب خلها تروح وانا بقول لك كل شي الجد ناظر لام عزيز وحس انها تبكي بس من غير صوت تنهد .خلاص روحي يابنتي ام عبد الرحمن. ايه لأنها ربت لكم بنت الحرام انصدم الجد من وقاحتها. وش هذا الكلام اقسم بالله لو ما تحترمي نفسك لي معاك كلام ثاني ام عبد الرحمن بغضب .وش بتسوي يعني وترا انا ما قلت شي غلط وراحت الجد صراخه ملان البيت .اقول لك رجعي ولا واللله ثم والله مايصير لك طيب راحت ام عبد الرحمن ولا ببالها جلس الجد بتعب .ايه هين ناظر ام سامر.رني على اخوك قولي له ياخذ زوجته مابي اشوفها لين اموت ام سامر بخوف من ابوها وعلى ابوها .حاضر يبه بس لا تتعب حالك راحت تدق عليه والجد ناظر الجده.وش قالت لها قبل ماجي الجده بخوف .نفس الي قالته الحين الجد.بس انا ابي اعرف من قالها اكييد مو ابو عبدالرحمن لانه هو الي حذرنا منها ام نواف بخوف .لما كنا عندكم كانت ام سامر وأم عبد العزيز يتكلمون بصوت واطي وهي سمعت حاولت اغالط عليها وسحبها بس مافي فايده صرخ الجد .وتوك تتكلمين الحين ليه هاه وبعدين هذولا خبلا ولا خبلا ليوم يتكلمون جنبها هاه الجده .هدي ترا ام نواف مالها دخل الجد.استففر الله ماقصد يابنتي بس والله رفعو ضغطي ام نواف .لا عادي ياعم انت مثل ابوي بتحملك بكل حالاتك اكيد بس ياعم لا تحرق نفسك وترا مافي شي يجلس مخبي الا مايجي يوم والكل يعرف الحقيقه الجد .ايه صح كلامك يابنتي بس الكل بيقول دام امها وابوها تخلو عنها اكيد بنت حرام وهي انا سويت لها فحص قبل ما ارضي انها تكون وحده من احفادي واعزهم واغلاهم بس مادري من راحت الجده .هونها وتهون تنهد الجد وراح
ام سامر .اقول لك زوجتك الحيه عرفت عن اسيل وجرحت ام عبدالعزيز بالكلام ابو عبد الرحمن ببرود .ادري ام سامر بصدمه. وش الي تدري وتتكلم بذه البرود هاه ابو عبد الرحمن. اه وش اسوي يختي طلاق ماسك نفسي غصب وضرب نفس الشي باقي بس شعره قد انا احاول قدر المستطاع اتجنبها علشان ماسوي وحده منهم بس شكلي قريب بسوي وحده منهم ام سامر. ايه لا تخاف ضرب قد ضربتها اليوم انا وأم عبد العزيز ابو عبد الرحمن ابتسم .ايه زين ما ساويتو والله برد خاطري ام سامر. برودك ياخي ترا ابوي قال مايبي يشوفها قدامه تعال خذها ابو عبد الرحمن ببرود .اوكيه الحين بخلي واحد من ولادها ياخذها سلام وسكر
عند البنات هدوووء كل وحده تناظر الثانيه بتشتت ومو عارفين وش صاير الا سلمى تناظر اسيل وسديم وتكلم نفسها لا مو سديم سديم تشبهه اخوانها بس اسيل لا مختلفه عننا كلنا ياااه صح حتى تشبه الب في الصوره يارب تسرك مستحيييل يصير شي زي كذه اسيل بتسغراب .سلمى سمعتي شي وش صاير احسك تعرفي وش صاير شمس.ايه صح انتي اول وحده كانت موجوده سلمى بارتباك .اه لا ترا كنت توني جيت قبلكم بثواني بس وراحت للحمام غرام بنفسها هه والله اني حافظه لك وادري انك تعرفين وبتقولي لي بنفسك شوي وخرجت من الحمام وجلست على الجوال علشان تنسي او تتناسي وعد وهي حاسه دام عمتها مدت يدها على امها اكييد امها الغلطانه خافت علاقتها تخرب معا البنات بسبب امها قالت بتردد.ببنات شوفو ايش ما كانت المشكله احنا مالنا دخل لو ايش جنى بسرعه .ايه صادقه احنا مالنا غير بعض البنات عرفو انهم حسو ان امهم اغلطانه وخافت يخسر بعض غرام. هههههه بالله تعالو يبنات اخوي ابي اضمكم كلكم وترا محنا متفرقين لو وش صار احنا على قلب واحد ان تاذت وحده نتاذي كلنا سلمى بقلبها هو ذه الي انا خايفه منه ماتحمل وحده مننا تزعل زعل بسيط اه رح نتاذي كلنا بذي الحقيقه غزال.بنات ماركزتو على شي البنات وش غزال .لما غرام قالت بنات اخوي وحده ماقلت ليش وهي بنت اختها هههههه سلمى ابتسمت.مو مركزه على شي تافهه زي ذه غرام.اجل بوش تفكري سلمى بربكه .في الي صار اليوم غرام بشك .اهااا
عند ابو عبد الرحمن. ركان روح ودي امك البيت الان بسرعه راكان خرج عيونه .ليش يبه ابو عبد الرحمن. من غير اسأله روح راكان بخوف من انه يكون هو وأمه وحدهم .طيب والبنات ابو عبد الرحمن. لا راكان .طيب ليش الا انا ابو عبد الرحمن. لأنها امك يالله روح راح راكان وهو ماوده يكون معا امه لحالهم
عند عبد العزيز راح للمدير .اسلام عليكم المدير .هلا وعليكم السلام عزيز.معليش على الازعاج بس جدي اتصل لك يسألك عني المدير بستغراب.لا ليش عسى ماشر عزيز .لا ابد ابس اذا سالك وين كنت أمس قول حاله طارئه المدير. اوكيه طلع من عند المدير راح يشوف ابو تقى سأل عنه عند الدكتور الدكتور .الحمدلله صحي والحمد لله رجع له النطق بس من اول ما صحي وهو يدور بنته اعتقد اسمها تقى عزيز في نفسه اجل اسمها تقى .طيب وكيف نتطقه الحين الدكتور .طبيعي جدا بما انه له فتره طوييل مايتكلم بتكون لسان ثقيله وصعب عليه بس معا الاستمرار بيرجع طبيعي عزيز.شكرا ماتقصر بس ممكن انا اكون المساول عنه الدكتور .عادي وراح عزيز قبل مايمر ابو تقى راح يشرب مسكن للصداع لانه يحس يبي ياكل الي قدامه وبعد نص ساعه دخل عند ابو تقى فتحى الباب فز ابو تقى .تقى بلسان ثقيله حيل عزيز تنهد .اه لا يابوي وطمن تقى بعيد عن اخوها وأشكاله وما صار لها شي تطمن ابو تقى .طيب....وويينها ....ووومننو اننت عزيز وهو ماله خلق لكثر الأسأله بس فضوله هو الي مخليه مكمل .بشقه لحالها مايعرف عنها اخوها ومن اليوم ورايح انت وياها بتسكنون فيها وبخلي بنتك تشتغل مساعده لي هانا وانا منو طال عمرك انا عبد العزيز بن سلمان ...ابو تقى انصدم من الاسم .ببن مممنو عزيز بستغراب .بن سلمان .. تعرف ابوي او جدي ابو تقى .اااممك اااسسمها ممنيره صصصح عزيز انصدم.هي وشعرفك باسم امي ابو تقى .تتعرف اهه ماهتم عزيز لها وانا تعب وتكلم كثير .قول تكلم وش عرفك بأمي هاه ابو تقى بتعب كبير .مااقدر واشر يبي ورقه راح عزيز بسرعه يجيب ورقه وكلم ورجع بسرعه وحطه قدام ابو تقى. يالله هاك أخذهم منه وكتب (تعرف خالتك حصه )قرأها عزيز خلاص انهار بعصبيه .اقول وش عرفك فيهم هاه تكلم اختصر ماني فاضي وترا اكره ما علي احد يتكلم على محارمي قدامي حتى لو كان كبير ما حترمه بس انت حاله خاصه لأنك مريض واحس انك تبي توصل لشي اختصره ابتسم ابو تقى على كلامه وغيرته الواضحه .رررد عزيز مسك راسه .اففففف ياصبر الأرض بس ايه اعرفها اجل وش ابو تقى(متى اخر مره شفها او تواصلتو انتو وهي او زرتوها )عزيز عقد حواجبه وكل شوي ينصدم اكثر واكثر وعرف انه مارح يختصر .ماشفتها الا وانا صغير ومن يومها تزوجت وسافرت معا زوجها ولما اسأل امي تقول لي انها تتواصل معاها وكم مره قلت الأمي ابي ازورها او اتواصل انا وياها بس امي ماترضي مادري ليش ابو تقى انصدم من الكذبه(ترا لا سافرت ولا شي بس كان جدك ولا امك يبونها تتزوجني بس كان النصيب اقواء من كل شي وتخلو عنها وهي ماحولت كانت خايفه انهم يتاذون بسببها بس كانت تتواصل معا امك وعمتك بس عمتك اكثر من امك لأنها مقربه منها اكثر لللين ماتت)عزيز انصدم رجع لورا .ها مستحيل وش تقول مستحيل لا مارح يتخلون عن بنتهم علشان شبب تافهه رفع عيونه ونزلين دموعه غصب صح يتذكر خالته خيال بس كان يحبها حب جنوني .كيف ماتت
نهايه بارت ٦
Like