حادث حب مفاجىء - الفصل التالت - بقلم مريم شلبي | روايتك

شروق : براحتك يا قلبي بس ان شاءالله النصيب هيجي قريبا وساعتها مش هتقدري ترفضيه ابدا يمني : ان شاء الله ودخلت عليهم مامت يمني : بتعملي ايه يا بنت انتي وهي شروق بخضه :ايه يا خالتو خضتيني . مامت يمني : كنتو بتخططو لايه ما انا عارفه القاعده بتاعتكوا دي اكيد وراها مصيبه يمني : كده يا ماما طب والله انتي ظالمانا اوي مامت يمني : ظالماكوا اة ما انا عارفه قوموا يلا علشان نتغدوا _______******_______ تاني يوم عند يمني . دخلت مامتها وكانت يمني ناءمه ذي التور وهدومها كلها علي ارضيه الغرفه . مامت يمني بحسره : يلاهوووووي ايه المنظر ده قومي يا اخره صبري قومي قامت عليكي حيطه لو كنت مخلفه كلب كان هيبقي نضيف علي الاقل . يمني بخضه : ايه البيت بيولع ولا ايه مامتها وهي تقترب منها: انتي عايشه ازاي في الزباله دي يمني وهي تقفز من علي السرير وتقول بمزاح : استهدي بالله انتي بس كل حاجه تتحل بلهدوء يا ساميه مامتها بغضب : ساميه انا معرفتش اربي قومي يا بت انزلي جبيلي الحاجات دي من السوبر ماركت يمني بصوت واطي : هي مالها الوليه دي هو انا عملت حاجه ودخلت غيرت هدومها التي عباره عن هودي ابيض وبنطال اسود واسع بعد قليل كانت يمني تمشي في الشارع وتحاول جاهده تعبر الطريق لاكن جاءت سياره مسرعه باتجاهه /______________________________________/ عند سيد كان يجهز لكي يقابل علاء ليستعدا لحفل قراءه فاتحه علاء سيد لعلاء : ياعم انا نازل مش هتاخر متقلقش علاء : طيب متتاخرش ونزل سيد وساق سيارته وهو يشرب كوب قهوته وفجاه كان سيقع الفنجان من يده وفجاه كان خبط يمني خبطه خفيفه كانت كفيله توقع المشتريات الي جابتها لمامتها والفستان الي كانت جايباه تحضر بيه قرايه فاتحه بنت خالتها ووقعت هي كمان سيد نزل من العربيه بقلق : انا اسف يا انسه حصلك حاجه انتي كويسه ؟ يمني وهي بتقوم بعصبيه وغضب : كويسه ايه يا استاذ ؟ انت واخذ رخصه من كيس شيبسي ؟ سيد رفع حاجبه لما لقاها بتهاجمه بقوه : رخصه من كيس شيبسي ! طب براحه طيب انا فرملت وملمستكيش اصلا انتي الي وقعتي من الخضه مش اكتر يمني بصراخ : خضه دا انا قلبي وقف وطلع سلم ورجع تاني وبعدين ايه العربيه الي ماشيه زي الدبابه دي مش تفتح ؟ سيد ببرود مستفز : دبابه دي احدث موديل يا فندم وبعدين الشارع واسع بس الظاهر انتي الي كنتي ماشيه تفكري في العشا يمني : عشا في عينك انا مش هسيبك هات رقم تليفونك علشان لو حصلي اي مضاعفات او الفستان اتقطع سيد بابتسامه خبيثه وهو يبركب السياره: مضاعفات الف سلامه علي الدراما كوين اتفضلي الكارت بتاعي اهو وابقي طمنيني علي الفستان اهم من صحتك طبعا يمني وهي بتبص للكارت بغيظ : سيد ماشي يا سيد يارب كاوتش العربيه بتاعتك يفرقع في نص الكوبري _______****_______ يتبع