الفصل 7
*⏎[ملتزمة تزوجت رجل اعمال الحلقه 30-31-32🤍🕊]*
طبعا مش الاخيرة. اسفه اني طولت عليكو. بس لسه الاحداث مخلصتش.
باسم جه قدام الجامعه واتصل. علي خديجه.
خديجه. السلام عليكم
باسم. وعليكم السلام. اطلعي انا برة.
خديجه. انت جيت برده. حاضر انا طالعه.
خديجه. ممكن يامني. تروحي المحاضرة وانا هشوف باسم واجيلك بأذن الله. مينفعشي احنا الاتنين. منحضرش.
مني بابتسامه. حاضر. انا ماشيه.
خديجه طلعت. وركبت عربية باسم.
باسم مشي بالعربيه. وقعدو في كافيه.
عشان مينفعشي. يقف بالعربيه. عشان الشبهات. مع العلم اني اكتر البنات عارفين اني خديجه مكتوب كتابها لانها وزعت شيكولاته. عليهم.
باسم بقلق. مالك. كنتي بتعيطي. ليه.
خديجه بابتسامه. مفيش حاجه صدقني.
باسم بنفاذ صبر. خديجه. هتحكي. ولا ابتدي اتعصب.
خديجه حكت ليه عن سبب بكاءها.
باسم بابتسامه. اقلك علي خبر يفرحك.
خديجه. اتفضل.
باسم بابتسامه. النهارده انا وواحد صاحبي قررنا اننا ناخد بايد بعض ونلتزم اكتر واكتر. ومش كده وبس. لا ده احنا عملنا قرارات في الشركه. ممنوع اي اجتماع وقت الصلاه. وكمان. فضينا مكان في الشركه وعملته مسجد. ومش كده وبس. لا. انا مش هقدر اتحكم في لبس البنات. بس. انا فصلت بين البنات. والشباب. في الشركه يعني عدم اختلاط.
خديجه مش مصدقه اللي بيحصل ده. فرحانه. ودموع الفرحه بتنزل من عنيها. ربنا مبضيعشي. كلمه قلتيها عن ربنا. النهارده هي كانت حريصه. انها تكلم البنات عن ربنا. يشاء الله اني زوجها. ربنا يفتح عليه الفتح ده. يااه مااعظمك يالله.
باسم باستغراب. مالك ياخديجه. ساكته ليه.
خديجه بفرح. انا عايزه اقوم اتنطط واصرخ باعلي صوتي من شدة فرحتي.
باسم بصدمه. اياكي تقومي. من مكانك.
خديجه بدموع. فرح. من حوالي ساعه كانت بتبكي من الالم
فرحانه بزوجي اللي ربنا كرمني بيه.
باسم بابتسامه ممكن اطلب منك طلب ومترفضيش.
خديجه بابتسامه. اتفضل. وانا باذن الله مش هرفض.
باسم بابتسامه عايز اكلم باباكي في موضوع الفرح. وتكملي. الدراسه عندي. انا عايزك تشجعيني. وتعنيني. انا بجد. نفسي اتغير كمان وكمان. انا مستغرب نفسي. امتا وازاي. وانا مين. بس حاسس اني سعيد.
خديجه بحب. القلوب بين اصابع الرحمان يقلبهم كيفما شاء. تعرف اني. دعوت الله لك ومش كده وبس. وقلت. يارب انا هكلم عبادك. عن دينك وهحاول اكون سبب في نصرة دينك. يارب اصلحلي زوجي. وربنا ماخيبشي ظني. فعلا انا عند ظن عبدي بي.
كنت متاكده. مادام. انت اختيار ربنا ليا. اكيد هيكون اجمل اختيار والحمد لله.
باسم بابتسامه. طب قلتي ايه. في موضوع. الفرح.
خديجه بابتسامه. انا هستخير ربنا. وانت كلم بابا واللي في الخير يقدمه ربنا.
باسم بسعاده. افهم من كده. اني في قبول من ناحيتك.
خديجه اللي ربنا عايزه هيكون.
رجعت خديجه لجامعه تاني. وحضرت نص المحاضرة. وهي فرحانه. بكرم الله عليها.
هي اشتغلت. خدامه لدين ربنا. وانشغلت بالدعوه الي الله. وربنا تولي زوجها واصلحه. وكمان. جعله سبب في تغير صحبه. ومتاكده انو هيكون. افضل من كده بكتير.
عند باسم. بيفكر في غزوة احد واللي حصل لنبي صل الله عليه وسلم. والصحابه. كره الكفار. كره اعداء الاسلام. وزاد حب النبي في قلبه وقرر انو هيكون من اتباع الحبيب المصطفي.
موبيل باسم رن.
باسم بابتسامه السلام عليكم.
ابو باسم. وعليكم السلام ورحمة الله. وبركاته.
باسم بابتسامه نعم يابابا في حاجه.
ابو باسم ايه يابني انا بفكرك بالعريس اللي جاي لاختك.
باسم انا مش ناسي. بأذن الله هاجي قبل مايوصل.
ابوباسم. فرحان من اسلوب ابنه. تيجي بالسلامه ياحبيب قلب ابوك.
باسم بحب. الله يسلمك. يارب. يلا السلام عليكم.
ابو باسم. وعليكم السلام ورحمة الله.
نروح لسميه في الجامعه.
البنات صحابها قديما. اذيك ياشيخه سميه. ايه اللي حصل ده. كبرتي نفسك وبقيتي طنط ليه.
بنت تانيه. ياحبيبتي. مين ضحك عليكي ولبسك الخيمه دي. ناقص تلبسي البتاع. اللي. بيتلبس علي الوش وتبقي عفريته.
البنات ههههههههه. تبقي سميه العفريته. مش قادرة.
سمية كتمت غيظها. وقالت. في سرها. والكاظمين الغيظ والعافين عن الناس. ولسه هتمشي.
بنت من صحابها. زعلتي ياشيخه الناس بتتحضر وتمشي لقدام وانتي رجعتي للعصر الحجري. تاني.
بنت تانيه. ايه اللي عملتيه في نفسك ده. انتي كنتي اشيك بنت في الجامعه.
سميه بابتسامه. وازعل ليه هو انا اطول ابقي شيخه. يارب يسمع منك اليوم اللي البس النقاب. واكون زي العفريته. بس يكفيني شرف ساعتها اني بتشبه بامهات المؤمنين.
الجو لما بيكو حر او برد شديد ومطر. بتجرو. تغطو عربياتكو خايفين علي البطاريه ومش خايفين علي نفسكو. من عذاب جهنم. بتغطو. العربيه ومش بتغطو جسمكو. انا كنت زيكو في يوم من الايام. ولو شوفت بنت التزمت كنت بسخر عليها معاكو. بس دلوقتي انا مش عايزه. اكون اشيك بنت في الجامعه. لاني ده مش هينفعني امام ربنا. بالعكس ده هيكون سبب غضب ربنا عليا. انتو بتقولو.
الناس بتتحضر. وانا. برجع للعصر الحجري.
لا انا برجع لعصر النبي صل الله عليه وسلم. انا اسمي سميه محمد. بنت مسلمه. مش يهوديه ولا نصرانيه.
انا بنت مسلمه الاسلام جعلني ملكه. بس للاسف في يوم من الايام رخصت نفسي. وتشبهت. بالغرب وكشفت جسمه. حته حته. عشان اكون تبع الموضه.
وانتي اسمك اسماء. وانتي هدي. وانتي فاطمه. كلكم مسلمات. كلكم من امة محمد. ياريت. نرجع. لاصلنا وهو دينا. تاني. ياريت. نبطل. نقلد الغرب ونقول. هو ده التحضر.
واحد يهودي. داس علي عباية واحده مسلمه. صرخت ونادت. يامعتصماه. حرب كامله. قامت. عشان بس اليهودي داس علي عباية مسلمه وكان عايز حته من جسمها تبان. جسم المراه في الاسلام غالي قوي. انتي غليه اوي عند ربنا.
يابنات انا مزعلتش من ولا كلمه قلتوها. ولكن زعلت. اني اللي بيسخر مني. بنات مسلمات.
يابنات النبي والصحابه معملوش شويه عشان احنا نكون سبب هزيمة الامه.
بدل ماتسخرو من واحده حبت تتقرب من ربنا ولبست الحجاب اللي يرضي ربنا وينجيها من عذاب جهنم. ادعولها بالثبات.
يابنات انا. لبست كده حبا في ربي. وطوعا لامره ونفسي انتو كمان. تعملو زي. وتكونو افضل مني. الدنيا ساعه. استخدموها في طاعه. بعد اذنكو يابنات. لاني ورايا محاضره. واسفه لو اتكلمت بشديه.
البنات. اتاثرو جدا وقرور. يكونو مسلمات اسما وقولا. وفعلا.
(وجادلهم بالتي هي احسن )
(تخيلو معايه. لو خديجه كانت كلمت. سميه باسلوب غليظ. وزعقت ليها. ازاي تقول كده. اوحتي قفلت السكه في وشها. مكانتشي بقت سميه البنت اللي في جامعه مختلطه. لابسه الخمار وبتغض بصرها. وبتكلم صحابها عن ربنا. خديجه بسبب الدعوه الي الله ربنا جعلها سبب انقاذ سميه مرتين. مره. لما سميه كانت عايزه تنتحر. بسبب وهمها انها بتحب باسم. والسبب التاني. انها. كانت السبب في طاعتها لربنا ونجاتها من النار بأذن الله. ومش كده وبس. لا سميه لما عرفت ربنا بجد. قررت تغير نفسها وتغير غيرها. وده اقرب مثال. انها هتكون السبب في تغير صحباتها. ولسه كمان. وده كله في ميزان خديجه. الدعوه. صفقه لا تعد ولا تحصي )
جاء الوقت المحدد.
(العريس وصل ياجدعان واخيرا. هنجوز البت ياسمين. ياااه عقبالي. احم. عقبال. جميع بنات المسلمين. )
باسم بيكلم خديجه. في الموبيل.
ام باسم. يلا ياحبيبي. العريس وصل.
باسم بابتسامه حاضر ياماما انا نازل.
خديجه بسعاده. اخيرا هنجوز البت. ياااه. عشت لحد ماشوفت اليوم ده.
باسم بضحك. علي اساس انك جدتي.
خديجه كح كح بصوت واحده عجوزه . ايه يابني. انا جدتك وعايزه افرح بحفيدتي.
باسم بضحك. مش لايك عليكي.
خديجه بغيظ. طب اقفل عشان اكلم البت زمانها علي نار. وكمان عشان اخليها. تجمد وتخبطو بالسكينه لو معجبهاش.
باسم بفزع مصتنع. انا ابديت اخاف منك.
خديجه اقفل دلوقتي. يلا السلام عليكم
باسم بابتسامه وعليكم السلام ورحمة الله.
باسم نزل. لقي شاب. غاضض بصره. وقاعد وبيكلم باباه باحترام. ووشه. عليه نور غريب. وكمان لحيته. خفيفه بس باين عليه. انسان خلوق.
باسم بجديه. السلام عليكم.
احمد وابو باسم. وعليكم السلام ورحمة الله.
باسم بيسلم علي احمد. اهلا بيك يادكتور.
احمد بادب. اهلا بيك. يااستاذ باسم.
ابو باسم. اقعد يابني. انا زعلان. اني باباك مجاش معاك. وحشني قوي.
احمد بود. هو كمان. كان نفسه ييجي. بس قال دي اول مرة. وكده وباذن الله لو حصل نصيب هيبجي معايه المرة اللي جايه.
نروح عند ياسمين.
ياسمين بتوتر. خديجه انا بقول ايه وانتي بتضحكي. بجد. انا مش عارفه البرود ده جايباه منين.
خديجه بضحك. من عبد الرحمن اخويه. بصي ياستي. انتي مش صليتي استخاره مرة واتنين
ياسمين. ايووه. بس انا خايفه.
خديجه. ياحبيبتي الخوف ده طبيعي لاي بنت اهم حاجه يكون عندك قبول للموضوع. وربنا هيختار ليكي. لاتقلقي. استغفري ربنا كتير. لحد ماتنزلي للعريس.
ياسمين. حاضر.
خديجه بمزاح. لو مش عجبك. قومي. هاتي سكينه. وفي بطنه. وهتلاقي باسم اخوكي جنبه اديله واحده. في بطنه خلينا نخلص
ياسمين بضحك. ههههههه. عايزه تخلصي من باسم. وعايزاني بالسكينه. كمان.
باسم دخل. وسمع اخر جمله باسم قلتها.
ياسمين بمكر. بس ليه ياخديجه. باسم طيب خالص.
خديجه هههه طيب علي الاخر ياختي. وبتقلد صوته. انتي راديو مبتفصليش.
متطنقيش اسمه تاني علي لسانك. وتحسي انو بيتحول. اوعي تنسي. سكينه حلوه كده وتكون حاميه. هحاسبك عليها.
باسم. بقي عايزاها تقتلني ياخديجه.
خديجه بخضه. مين. هو انا اقدر برده. ماشي ياياسمين. بتسلميني تسليم اهالي. اما وريتك.
باسم. استني بس لما الضيف يمشي. يلا السلام عليكم.
خديجه برعب وعليكم السلام ورحمة الله.
ياسمين بضحك. خضيت البت.
باسم بابتسامه. هي لسه شافت حاجه. يلا ياعروسه.
نزلو. تحت. وباسم وباباه. قعدو في الصالون. وشايفين ياسمين هي وعريسها.
احمد بتوتر. السلام عليكم
ياسمين بخجل وعليكم السلام.
نكمل الحلقه اللي جايه باذن الله. #جهاد سعيد ادعو للاخت شرين. هي اللي خلتني انزلها
احمد. اذيك ياانسه ياسمين
ياسمين بتوتر. الحمد لله.
احمد. احم. تحبي تساليني في ايه.
ياسمين. بتوتر. حضررتك انت ا تكلم.
احمد بجديه. انا احمد. 27سنه. من اسرة. الحمد لله متيسرة. وكمان اهلي علي خلق ودين. بابا. علمني من صغري علي الصلاه. وبفضل الله. حفظ القران.
نفسي ربنا يرزقني بزوجه صالحه. تعني اكتر واكتر علي امور ديني. ودنيتي.
ياسمين بابتسامه وهي غاضه بصرها. ماشاء الله.
احمد بابتسامه. عرفيني بقا عن نفسك.
ياسمين. حضرتك. انت عارفني
احمد. بس عايز اعرفك اكتر وخصوصا. انك. ماشاء الله. ملتزمه.
ياسمين. محدش اتولد كده. ربنا كرمني. وحكت ليه. بس طبعا. محكتشي بالتفصيل خصوصا موضوع علاقتها.
نروح لخديجه.
خديجه. بعد اذنك هروح عند طنط سعاد جارتنا. واجي.
ام خديجه. روحي ياحبيبتي. بس متتاخريش.
خديجه. حاضر ياماما. لو باسم رن ردي عليه. انا ماشيه. يلا السلام عليكم.
ام خديجه. وعليكم السلام ورحمة الله.
خديجه راحت عند جارتهم.
خديجه بابتسامه. السلام عليكم. عامله ايه النهارده.
سعاد بحزن. هعمل ايه يابنتي. اديني راكضه علي السرير. والمرض مش عايز يسبني.
خديجه بحب. شفاكي الله وعفاكي. تحبي احكيلك قصه ولا هتضربيني.
سعاد بابتسامه. لا ياحبيبتي. احكي. ربنا يعلم اني بحب قعدتك قد ايه.
خديجه بغرور مصتنع. عارفه انا محدش يقدر يقاوم. حلاوتي.
سعاد بحب. ايوه. ياحبيبتي انتي ست البنات ربنا يسعدك ويفرح قلبك. زي ماانتي بتيجي تفرحي قلبي وبتصبريني علي اللي انا فيه.
خديجه بابتسامه. طب احكي. ولا اروح الحق الشاورما.
سعاد بضحك. احكي يااختي.
خديجه بابتسامه. هحكيلك بقا قصه سيدنا ايوب. فاكرة المثل اللي في ناس بتفضل تقولو.
سعاد بتذكر. ايوه. ياصبر ايوب.
خديجه ايوه ده. تعرفي ايوب بقا صبر علي ايه. سيدنا ايوب كان من الاغنياء. وكان عنده ولاد كتير ومراته كانت جميله جدا. وشعرها كان دهبي وجميلة
سعاد بسم الله ماشاء الله. امال صبر علي ايه. مال وعيال. وست جميله.
خديجه. وزودي. انها كانت مطيعه جدا. بس علي رغم كل ده كان طول اليوم. يعبد ربنا. المهم الناس كانت بتفضل تقول. ولاده شايفين الاراضي والاملاك بتاعته. فاضي. اكيد. هيعبد ربنا. اما لو كان زينا مستحيل. يعبد ربنا لحظه.
عارفه. بقا حصل. ايه.
سعاد باهتمام. حصل ايه.
خديجه اولاده كلهم ماتو. والقصر بالاملاك كله اتهلك. ومش كده وبس ده ابتلي بمرض. مفيش حد قبله ولا بعده. ابتلي بالمرض ده. مكنشي بيتحرق. وكان جسمه عامل كانه مات. وكان عنده امراض كتير جدا. لدرجة انو ميقدرشي. يقوم لحظه او يحرك جسمه. وقعد في بيت مهجور. هو ومراته. مراته باعت شعرها. وعلي رغم كل ده. لمامراته تقول ليه. ادعي ربنا. يقول. شفيت 80سنه مش قادر انتظر كرم ربنا. اهل. البلد كانو بيقولو اكيد
عصي ربه فغضب عليه. والشيطان كان بيفضل يوس يوس. ليه ويقول شوفت ربك. ابتلاك ازاي.
وبرده هو كان بيعبد ربنا كتير جدا. قيل انه قعد حوالي 18 سنه في البلاء ده.
سعاد. يااااه. كل ده.
خديجه بابتسامه ايوه. ياخالتي. وبعد السنين ده عارفه كان بيدعي يقول ايه.
سعاد باهتمام. ايه.
خديجه بابتسامه. ربي اني مسني الضر وانت ارحم الراحمين. عارفه. مسني. يعني. يادوب حاجه لمستني كل الامراض والهم والغم. وفقدانه لماله وذريته. ومسني. الضر. وانت يارب ارحم الراحمين. شوفتي بقا سيدنا ايوب وصبره علي البلاء. وفرح ربنا بيه. وهو تقبل كل ده ازاي.
سعاد. ياااه ياخديجه. ده انا في نعمه كبيره جدا علي كده.
خديجه. عندك حق. ربنا يكرمك. تعرفي اني كل الم بتحسي بيه. ربنا بيكفر من ذنوبك وبيرفع درجاتك.
سعاد بابتسامه. كمان. ايه الجمال ده. لا انا هصبر واحمد ربنا من كل قلبي. علي نعمته دي
خديجه. طب انا بقي همشي عايزه مني اي حاجه.
سعاد عايزاكي تقعدي معايه. مبشبعشي من قعدتك ابدا.
خديجه بمرح. بقلك ايه زمان الراجل نازل رن. هيطلقني واجي اقعد معاكي. علي طول
سعاد. بضحك. هههه بعد الشر. وبعدين هو هيلاقي زيك تاني فين
خديجه في السوبر ماركت اللي جنب بيتهم هيلاقي
.
سعاد بابتسامه ربنا يسعدك ويجعل ايامك فرح وسرور.
خديجه بحب. الله يحبك ويبارك فيكي. عايزاكي قويه كده. عشان تشوفيني عروسه.
سعاد بحب ربنا يكمل فرحتك علي خير وسعاده انتي تستاهلي كل خير
خديجه اللهم امين. رجعت خديجه علي بيتها.
ام خديجه. خدي ردي علي جوزك كل شويه يرن من ساعت مامشيتي. ويسالني لسه مرجعتشي.
خديجه بقلق. ليه خير في حاجه.
ام خديجه مش عارفه الصراحه.
خديجه فتحت الموبيل. ودخلت علي اوضتها
خديجه برقه. عشان تمتص غضبه السلام عليكم
باسم بعصبيه. وعليكم السلام. كنتي فين ياهانم ده كله. وليه مكلمتنيش قبل ما تطلعي. وقعدتي ده كله ليه.
خديجه بذهول. ارد علي الاسئله دي كلها عشان عشر دقايق قعدتهم بره البيت.
باسم بحده. خديجه انا مش طايق نفسي انجزي. ردي كنتي فين.
خديجه بابتسامه. كنت بزور مريضه وانا مستاذنتش منك. لانك كنت قاعد مع عريس اختك ومرضتش اكلمك وعلي فكره لما كنت هاجي كنت هرن عليك. واحكيلك. واقلك. لانك في مقام جوزي ومينفعشي اخبي عليه حاجه. وانا متاكده انك مش هتزعقلي لاني كنت في زيارة مريض ودي حاجه عند ربنا كبيره. وانت طبعا عارف اني مقدرش اضيع فرصه زي دي.
باسم بهدوء. طب ينفع تخرجي. من غير اذني. هو انا مش اتكلمت معاكي في النقطه دي.
خديجه براحه. عندك حق. وانا بجد اسفه. بس صدقني لو مكنتش ضرورة. مكنتش هخرج ابدا من غير اذنك. وعلي العموم. انا بعتذر. اني خالفت اوامرك.
باسم بابتسامه. انتي بتعرفي تهديني. ازاي انا مش عارف ده انا كنت ناويلك. واكتر حاجه بستغربها فيكي. انك. بتطعيني من غير جدال. انا كنت مفكر غير كده خالص. هنفضل نتخانق كل شويه. وحياتنا كلها خلافات.
خديجه بضحك. ليه يعني. مكتوب علي وشي النكديه هانم.
باسم بجديه. اسلوبك. ولبسك. وقوة شخصيتك. تدل اني محدش يعرف يتحكم فيكي او انك تسمعي كلام حد وكده. يعني.
خديجه بابتسامه. لبسي بيعبر. عن اني بتشبه بزوجات الحبيب المصطفي. واسلوبي. بيدل علي حيائي كابنت مسلمه وشخصيتي تدل علي. اني فتاه مسلمه. قوة الشخصيه مش افرض راي واقول محدش يقدر يتحكم فيا واللي عايزاه هو اللي هيمشي. والكلام ده.
النبي صل الله عليه وسلم قال خير متاع الدنيا الزوجه الصالحه.
تعرف بقا النبي وصفها ازاي.
باسم باهتمام. ازاي.
خديجه. اول ماينظر ليها. تدخل السرور علي قلبه. ولو امرها في حاجه متغضبشي ربنا. تسمع كلامه. وتطيعه. ولو سافر. وراح اي مكان تحافظ علي نفسها وتحافظ علي ماله.
باسم. ياااه. فعلا. صدق الرسول. صل الله عليه وسلم
خديجه بابتسامه. شوفت بقاا. متستغربشي تاني. هي الحياه مش هتبقي وردي دايما. بس لو كل طرف. عرف ايه ليه وايه اللي عليه. هيتجاوزو كتير من المشاكل. وهيبقي فيه بينهم موده ورحمة. وصدقني. الذريه. هي اكتر حاجه. بينجحو فيها.
باسم مش فاهم.
خديجه بابتسامه. يعني لما الام تحترم الزوج واهل الزوج. وتحاول علي قد ماتقدر. تحافظ علي هيبة واحترام زوجها قدام الاولاد. وقدام الدنيا كلها.
والاب يحترم الزوجه. ويقدم ليها الاحترام والحب. الاولاد بيطلعو في بيئه. صالحه. وبيبقو. ذريه صالحه. عشان كده كنت بدور لاب لعيالي قبل مايكون زوج ليا.
باسم. بس اظن اني الاول كنت ابيض خالص. يعني مش زيك.
خديجه. بس ربنا. كريم ورحيم. وانا كنت بدعي. وعارفه اني ربنا مش هيضرني ابدا. تعرف ياباسم لما ربنا بيرزقني بابتلاء. بفكر في ايه.
باسم باهتمام ايه.
خديجه بابتسامه. بفكر ياتري ايه الجايزه اللي هكسبها من الهديه اللي ربنا ادهالي دي.
باسم. بس الابتلاء بيبقي صعب.
خديجه بس مادام مش هيفتني في ديني بالعكس هيقربني من ربنا اكتر يبقي جميل.
باسم بحب. ربنا يبارك. فيكي.
خديجه بابتسامه اللهم امين واياك.
فضلو يتكلمو. ويعرفو بعض اكتر. ومشاعرهم بتزيد اكتر واكتر.
(طبعا تحسو اني الموضوع خيالي حبتين. ايه يعني باسم يلتزم من يوم وليله. اولا. ربنا اذا اراد شيئا ان يقولا له كن فيكون. الالتزام ده مش محتاج تخطيط ولا ورقة وقلم. وبعدين خديجه انشغلت في هداية البنات وعايزه تحببهم في الطريق الي الله. وربنا انعم عليها انو هدا لها زوجها. وحببه في القرب منه. سمعت مره. الشيخ حازم شومان بيقول. انا وزجتي. قعدنا كام سنه وربنا مرزقناش بالذريه. المهم حزنت جدا وطبعا من كلام الناس. فانشغلت جدا في الدعوه الي الله. وفضلت اتكلم عن ربنا. ويشاء الله. اني ربنا يرزقني بالذريه. ربنا. بيرزقك ماتتمني. بس بدل ماتفكري. ازاي هتيجي. وتنشغلي. بيها. لا انشغلي بعبادتك لله. والدعوه اليه وصدقيني. حياتك كلها ربنا هو اللي هيتولاها ويرزقك ماتتمني واكتر كمان. انتي بس. اشتغلي وكوني جند من جنود الله. اما بالنسبه اني خديجه بتعرف تهدي باسم. ده بالود. وهي مش بتتنازل ولا بتنزل من كرامتها حاجه بالعكس. ده شانها بيعلي اكتر واكتر. عمر ماالبجاحه. والكلمه بكلمه. وانك مبتحبيش حد يتحكم فيكي ده هيحل مشكله بالعكس ده بيزود الخلافات والكره والحياه بتبقي. فاشله. مش هقلك تنازلي عن كرامتك. لا هقلك. اقتضي بسنة رسول الله. وكوني خير متاع الدنيا لزوجتك )
اسفه علي تاخري عليكو الايام اللي فاتت. وجزاكم الله كل خير علي السؤال والدعاء. ويارب الحلقه تعجبكو وتستفادو. حاجه. وبالنسبه. لروايه. قربت تخلص.
لسه. فاضل كام حلقه كمان. واقول ليكم استودعكم الله.
وقفنا المرة اللي فاتت لما خديجه كانت بتكلم. باسم.
نروح عند ابو باسم.
ابو باسم بابتسامه. ايه ياحبيبتي. ايه رايك في العريس.
ياسمين بخجل. هصلي استخاره واللي في الخير يقدمه ربنا.
ابو باسم. حاسه انك ارتاحتي لما قعدتي معاه. في توافق في الفكر ولا ايه.
ام باسم. انا قلبي بيقول. اني احمد ده جدع وابن ناس.
ابو باسم بضحك. هههه سيبي قلبك علي جنب ياحجه. وفكري بعقلك مرة.
ام باسم بضيق. بس انا قلبي مستحيل يكذب عليا
ياسمين بابتسامه بعد اذنكو هطلع اصلي. وانام او اعمل اي حاجه تكونو فضيتو الخناقه.
ابو باسم. امك عسل مستحيل تزعلني ابدا. صح ياام باسم
ام باسم. مقدرشي ازعلك.
ياسمين بضحك. انا ماشيه.
طلعت ياسمين صلت استخارة. ودعت ربها انو يختار لها الخير ولا يخيرها. اتصلت علي سميه.
ياسمين بابتسامه السلام عليكم ورحمة الله.
سميه بفرح وعليكم السلام ورحمة الله. ياعروسه. عملتي ايه.
ياسمين بابتسامه. كل خير ياقلبي. تعالي نكلم البت خديجه. واحكيلكو مع بعض.
سميه بحماس. طيب يلا.
ياسمين رنت علي خديجه عشان تكلمها. انتظار.
خديجه كانت لسه بتكلم في الاخ باسم.
خديجه بابتسامه. طب هقفل معاك دي تاني مرة البت ترن. اكيد عايزاني في حاجه ضروري
باسم بضيق. لا. لما نخلص كلامنا هي مش هطير. وبعدين اكيد عايزه تحكي ليكي عملت ايه وقالت وسوت وهتقعد بالساعات.
خديجه بضحك. هي عاده عند البنات. وانا الصراحه هموت واعرف عملت ايه عشان الفضول اللي عندي هيموتني.
باسم بعند. طب اقفلي كده وشوفي هعمل ايه
خديجه يووه انا هتجوز ابن اختي. بتموت في العند.
. باسم بزعل.مصتنع طب يلا اقفلي.
خديجه بابتسامه. ياعمي متزعلشي ياسمين مين دي انا معرفشي حد بالاسم ده.
باسم بابتسامه. طب كلميها. وبعد الصلاه هكلمك تاني.
خديجه بابتسامه يلا بقا السلام عليكم
باسم وعليكم السلام ورحمة الله
خديجه بتكلم ياسمين.
خديجه السلام عليكم العروسه. هانم بتتصل ياجدعان
ياسمين بحنق. وعليكم السلام ورحمة الله. انتي اصلا معبراني.
خديجه بضحك. هو انا اقدر برده.انتي الكل في الكل. ياام العيال
ياسمين بضحك. ماشي ياابو العيال. افتحي واتس. عايزه احكيلكو علي اللي حصل معايه.
خديجه بحماس. طب يلا بسرعه.
ياسمين بضحك. هههه يلا يخربيت الفضول اللي بيقتلنا ده.
فتحو الشات وحكت ليهم عن كل اللي حصل في الرؤيه.
خديجه. كل كلامك ده فرحني جدا. بس برده مفيش اسهل من الكلام. عشان كده هناخد بالاسباب تصلي استخارة لاني ربنا يعلم الظاهر والباطن. وباباكي او باسم يسالو عليه في المسجد اللي جمب بيته ويسال عليه الناس اللي حواليه. وانتي لو تعرفي ليه بنات قرايب ليه معاكي في الجامعه ممكن برده تعرفي عنه اكتر.
ياسمين بس ليه انتي معملتيش كده لما باسم كان جاي يخطبك.
خديجه بضحك. الموضوع كان باين من عنوانه. ههه.
سميه. بس الصراحه استغربت.
خديجه لكل قاعده شواذ. انا مش بقول نسيب الاسباب. بس انا. ماشية بمبدا. اني ربنا يختار ليا دايما ولا يخيرني. انا متمسكتش بيه ولا قلت هتجوزه وهغيره. بالعكس كنت دايما ادعي ربنا. انو يهديه وكمان. لو خير يقربه ولو شر يصرفه. اهلي كانو متمسكين بيه جدا. وانا مكنتش عايزه امي تحزن بسببي. وبرده كنت بكسب من ناحية تانيه. لاني متاكده اني ربنا. هيختار الخير وهيبعده لو شر باي طريقه كانت.
عرفتو بقاا.
يلا بقا العشا اذنت قومو صلو. وانا عايزه اصلي وانام.
ياسمين بضحك. نفسي اعرف بتعرفي تنامي بدري كده ازاي.
خديجه بابتسامه. اللي عنده ميعاد بينام لو حصل ايه. وانا كل يوم عندي ميعاد مع الملك ومش عايزاني انام عشان اعرف اكون فايقه. اللي ملوش ليل يبقي ملوش نهار وبعدين السهر ملوش لازمه. والشيطان بيفضل ياخرك عشان يحرمك من الوقوف بين يد ربك
سميه بحماس طب استاذن انا بقا. الحق اصلي وانام عندي ميعاد.
ياسمين بابتسامه. وانا كمان السلام عليكم.
خديجه بضحك. العيال سبوني مع الشات لواحدي.
قامت خديجه اتوضت وصلت ودعت ربها انو يستعملها في نصرة دينه ولا يستبدلها. وصلت الشفع والوتر وقرات اذكار النوم وغلقت الهاتف. ونااامت.
باسم طبعا رن عليها لقي موبيلها مغلق. عرف. انها قفلته ونامت.
باسم نزل تحت. يقعد مع باباه ومامته.
باسم بابتسامه السلام عليكم
ابو وام باسم. وعليكم السلام ورحمة الله.
ام باسم بسعاده. يااه عيالي هيتجوزو. يارب ياسمين توافق علي العريس. انا متاكده انها هتوافق. وهنفرح بيها بقا
ابو باسم بابتسامه. ان شاء الله. ربنا يقدم اللي في الخير
باسم. باحراج. لو سمحت يابابا. عايز اقدم الفرح. انا زهقت مش لسه هستني لما تخلص السنه
ابو باسم بضحك. هههه هو انت لسه لحقت. يابني انت لسه ماتمتش شهر ونص. هو سلق بيض.
ام باسم بسعاده. وفيها ايه ياحاج. الفيلا جاهزه. وكل حاجه جاهزه. والكليه هنا يعني هتكون المسافه قربت. ومحدش هيعطلها علي المذاكرة
باسم بحماس. عندك حق ياماما. قلت ايه يابابا
ابو باسم بابتسامه. اللي في الخير يقدمه ربنا.
انتهي اليوم. وبدا يوم جديد. باسم بيبعت سواق مخصوص يجيب خديجه. وطبعا خديجه رفضت. بس للاسف باسم زعل. وهي وافقت عشان تراضيه.
خديجه بضحك. شوفي يامني. ادينا ارتحنا من القطر وزحمة القطر. عدي الجمايل.
مني بابتسامه. الله يصلح حاله ويباركلك فيه
خديجه بحب اللهم امين.
يلا بقا نحضر المحاضرة. عشان منتاخرش.
مني بابتسامه يلا
نروح عند باسم.
باسم باهتمام. وصلتهم عند باب الكليه ياعم ياجمال.
جمال. ايوه ياباسم باشا.
باسم بابتسامه. شكرا.
جمال باستغراب. العفو ياباشا. ده شغلي.
باسم بابتسامه. طب اتفضل انت علي شغلك ربنا يعينك
جمال بحب ربنا يباركلك يابني ويصلح حالك كمان وكمان.
خرج السواق. لزوجته.
جمال.بيكلم نفسه انا مش مصدق ده باسم باشا اللي كان بيخانق دبان وشه وكان بيشخط فيا ويزعقلي
زوجة جمال مالك ياحاج بقيت بتكلم نفسك.
جمال. حكي ليها اللي حصل. مع باسم. واسلوبه.
زوجة جمال بابتسامه. انا نفسي اشوف. خديجه اللي السبب في كل ده. هي عامله ازاي. ياحاج.
جمال. انا الصراحه معرفشي شكلها. بس هي اسلوبها. في الكلام بيدل علي انها متربيه وبنت ملتزمه جدا جدا. علي رغم اني راجل كبير الا انها كانت بتكلمني بجديه واحترام ونادرا مابتتكلم.
زوجة جمال باستغراب. ايه ماتعرفشي شكلها. ازاي دي.
جمال اصلها لابسه. اسود في اسود وحتي عنيها مش باينه. تعرفي اني اتخضيت اول ماشوفتها. بس ارتحت ليها سبحان الله. ربنا يكتر من امثالها. ويهدي باسم بيه كمان وكمان. انا بحبه زي ابني بس كنت بكره اسلوبه يارب يفضل كده علي طول.
زوجة جمال بابتسامه. اللهم امين. وربنا يفرح قلبه ويسعده. ويجيب بقا خديجه البيت. خلينا نشوفها.
نروح عند خديجه.
خديجه بضحك الواحد بيخلص من المحاضرة كاني عملت انجاز في حرب اكتوبر
مني بضحك. كاننا عبرنا خط برليف.
خديجه بضحك. امر ياختي. تعالي بقا نعمل كام حاجه قبل ماعمي جمال ييجي. انا اتفقت معاه ييجي متاخر عشان استفرد شويه بالجامعه.
مني. يلا
خديجه راحت علي شلة بنات. ومجموعه من البنات شافتها. راحو عليها.
خديجه بابتسامه. السلام عليكم طبعا اظن اني اتشهرت وعارفين جايه ليه.
بنت منهم. طبعا اكيد اتفضلي بقا. عايزين نسمع.
بنت تانيه. بسرعه بقا.
خديجه بضحك طب ادوني فرصه. احم. بصو بقا يابنات. عايزين نتكلم النهارده. عن.اول سورة الحج.
قال تعالي.( ياايها الناس اتقو ربكم ان زلزلة الساعة شئ عظيم ،،،،)
الايات دي يابنات هزت قلبي لما قراتها. يوم القيامه. احنا بنفضل نتكلم عنه عادي جدا. كاني يوم عادي مش مصير.
ممكن واحده بتقول في نفسها دلوقتي. بس احنا كده كده مسلمين. هنتعذب شويه وبعد كده هنروح الجنه.
في ناس كتير استهونت باليوم ده. عشان كده بعده عن الطريق. وانغمسو في الشهوات. احدث الموضه. والحب الحرام. والاغاني والمسلسلات وغيره وغيره من غيبه ونميمه وكره الخير والحسد وحجات كتير جدا.
يوم القيامه. يوم بخمسين الف سنه. متخيلين. جوع وعطش وحر شديد جدا جدا. بينك وبين الشمس مقدار ميل. الواحد. لما بيبقي صايم. والجو حر بيبقي هيموت من شدة الجوع والعطش علي رغم اننا قاعدين تحت المراوح والتكيفات. هناك مفيش غير ظل عرش الرحمان. هو ده المكان الوحيد اللي مش هتحسي بحر او جوع او اي حاجه. ربنا بيقول لينا في اول سورة الحج ان يوم القيامه مش بالسهوله دي
يوم القيامه. يوم تذهل كل مرضعة عما ارضعت. وتضع كل ذات حمل حملها.
الام هترمي ابنها الرضيع وتجري والحامل هتسقط من شدة الفزع في اليوم ده.
والناس تلاقيهم. عاملين زي السكرانين. هما مش سكرانين. ولكن من شدة الفزع والعذاب. في اليوم ده
الواحد لما بيقرء. الايات اللي بتتكلم عن القيامه بتفزع.يابنات هنعيش قد ايه. في الاخر. برده. القيامه هتقوم. ليه يابنات نخسر جنتنا ونشوف الذل والعذاب بسبب ساعه في الدنيا بالنسبه للاخرة.
ليه يابنات. بدل ماننحشر مع النبي محمد صل الله عليه وسلم والصحابه والانبياء. والناس اللي بنحبهم دول. نروح ننحشر مع ممثله او واحد كنتي بتحبيه. وعصيتي ربنا بسببه. ليه يابنات نضيع الجمله الجميله اللي ربنا هيقلها لاهل الجنه. ياعبادي ارضيتم.
انتي متخيله انك تسمعي ربنا وتكلميه وتشوفيه. ويقلك انا ارضيت عليكي ومش هسخت عليكي ابدا.
بنضيع نعيم الجنه ليه. بنرمي نفسنا في النار ليه الواحد مبيستحملش شوية حر. هنستحمل خمسين الف سنه ازاي.
هنستحمل. النبي وهو بيطردنا من علي الحوض حبيبك محمد صل الله عليه وسلم اللي كان بيقول اشتقت لاخواني. والصحابه يقولو احنا اخوانك يارسول الله. هو يقول ليهم. لا. انتو اصحابي اخواني ناس. هيؤمنو بيا ولم يروني. وبعت ليا وليكي السلام.
حبيبك محمد اشتاق ليا وليكي. مش نفسك تشوفيه وتتكلمي معاه وتكوني جارته في الفردوس الاعلي. مش نفسك. تشوفي عمر وابو بكر وعثمان وعلي وحنظله. مش نفسك تكوني معاهم.
خدو بالكو يابنات. انتي هتنحشري مع مين. وخدي بالك. هتلاقي مصعب وهو بيجري. ويقول جسمي اتقطع عشان نصرة دينك يارب. هتلاقي علي. بيقول. انا اول فدائي في الاسلام.
سيدنا حمزه. بيقول. طلعو كبدي. من جسمي بسبب دفاعي عن نصرة دينك يارب. هتلاقي صهيب. ضحيت بكل مااملك. من اجل نصرة دينك يارب. هتلاقي كتير وكتير. وانتي بقا. هتقولي لربنا عملت ايه وضحيت بايه ونصرت دينك ولا خذلته. انا محبتش اتكلم كتير عن يوم القيامه. لاني الوقت مش هيسعني بس انصحكو. النهارده تبحثو. عن خالد الراشد. وحازم شومان. واي شيخ انتو بترتاحو لسماعه. واسمعو اكتر واكتر عن يوم القيامه. اجعلو قلوبكو تهتز من شدة الفزع في اليوم ده. عايزين. نلحق نفسنا يابنات. عايزين نقرب لربنا مفيش معصيه تستاهل اننا نضيع نفسنا عاسزين نستعد ليوم زي ده.
اقول قولي هذا واستغفر الله العظيم لي ولكم. بعد اذنكو يابنات اتاخرت.
خديجه ومني طلعو من الحرم الجامعي. اتفجأت لما ملقتشي عمها جمال لقت حد تاني. ياتري مين. هنعرف بكرة باذن الله يارب تكونو استفدتو من الحلقه الروايه قربت تخلص وهترتاحو مني. #بقلم جهاد سعيد.
يتبع...