الفصل 6
*⏎[ ملتزمة تزوجت رجل اعمال الحلقة 24-25-26🤍🕊]*
وقفنا المرة اللي فاتت لما خديجه كانت بتكلم باسم.
باسم. عايزه تجيبي الشبكه بتاعتك منين والكوافير برده. والحجات دي
خديجه فاتحه الاسبيكر. حضرتك.من اي مكان. معنديش مشكله.
باسم بضيق. لانها بتتكلم معاه دايما بجديه.
هو انا اللي هلبسهم ولا انتي.
خديجه بجديه. بس دي بتبقي هديه من العريس للعروسه. مش لازم اشترط والكلام ده وبعدين انا عايزه هي الدبله.
باسم بزهول دبلة ايه.
خديجه بخجل. دبلة الخطوبه.
باسم فرح في نفسه. بس هو انتي هتجيبي دبله انا فكرت هتجيبي. مجوهرات وكده.
خديجه باستغراب في نفسها. ليه. كنت السفيره عزيزه علي راي عبدالرحمن اخويه.
لاحضرتك. احنا هنا بنجيب دبله وخاتم ومحبس.
باسم عايز يطول معاها في الكلام. وايه كمان.
خديجه حست اني الموضوع ذاد عن حده. كفايه كلام. خديجه اللي حضرتك شايفه
باسم عايز يولع في خديجه. سلام
خديجه بجديه. وعليكم السلام ورحمة الله
خديجه قاعده مع اهلها.
عبدالرحمن. اخيرا هتتجوزي ونخلص منك. لقد هرمنا من اجل هذه اللحظه
خديجه بغيظ. وانا كنت قاعده علي قلبك. ولا تكونشي. بقا. عندي 50سنه وانا معرفشي
عبد الرحمن باستفزاز. يابنتي. اللي قدك عياله في الجامعه دلوقتي. كتر الف خير الراجل انو ردي يكسب ثواب فيكي.
خديجه قامت تضرب عبدالرحمن. هو اللي كتر خيره. ليه يعني.
ام خديجه. مش عارفه هتكبرو امتي.
خديجه انا كبيرة اهو وهتجوز كمان.
عبدالرحمن. يابنتي انا مش عارف احنا استحملناكي السنين دي كلها ازاي
خديجه بغيظ. ماتبطل غتاته انت ايه مش وراك غيري.
عبدالرحمن بمزاح. يااااه ياديجه. هيوحشني قفاكي
خديجه بغيظ. اهو ده اللي هيرتاح من ايدك. شويه.
عبدالرحمن ههههه لا ماكل زيارة. هاجي اسلم عليه
خديجه بتتصنع الغرور. ومين اصلا اللي هيدخلك بيتي.
عبدالرحمن باستفزاز. يعني هدخل بيت السفيرة عزيزه. بس يارب الراجل يستحملك شويه. اهو نرتاح منك.
ابو خديجه وامها. بيضحكو علي هبل خديجه وعبدالرحمن.
ابو خديجه. هتعقلو امتي. انا زعلان انك خلاص ياخديجه. هتمشي.
خديجه. صباح الخير ياحاج امشي ايه لسه. بدري. انا قاعده علي قلب عبدالرحمن.
عبدالرحمن. بيزقها. قومي من جنبي.
خديجه انا مش هرد عليك عشان منزلشي مستوايا ليك.
نروح لياسمين.
ياسمين بابتسامه. السلام عليكم.
ابو ياسمين. وعليكم السلام ورحمة الله وبركاته.
ياسمين بابتسامه. خير يابابا ماما قالت انك عايزني.
ابوباسم. بابتسامه. كبرتي وبقيتي عروسه. ياااه مش مصدق. اني في يوم. هتسبينا وتمشي
ياسمين. لا يابابا انا هفضل قاعده معاكو. باسم اللي هيتجوز ويسيبني ويقعد في الفيلا بتاعته.
اما انا مستحيل اسيبكو وامشي
ابوباسم. بحب. لا ياحبيبتي اناوعايز افرح بيكي واشوفك في بيت زوجك.
(ماتقول ليها جاي ليكي عريس وهي هتروح تكتب الكتاب )
ياسمين. لا يابابا
ابو ياسمين. حبيبتي. دي سنة الحياه وبعدين عشان يعينك علي طاعة ربنا.
ياسمين بابتسامه ربنا يرزقني بالزوج الصالح.
ابوياسمين بمكر. في واحد متقدملك. وعايز ييجي البيت.
ياسمين باستغراب مين ده يابابا.
ابو باسم. معيد في الكليه.
ياسمين. مين. برده
ابوباسم. الدكتور احمد. انا عارف باباه. والولد ده ماشاء الله عليه. راجل بمعني الكلمه. وبيصلي. وبيحفظ قران. ومن عيله كويسه.
ياسمين بخجل. هصلي استخارة. واللي ربنا عايزه هيكون
ابو باسم بسعاده يعني اخليه ييجي.
ياسمين بابتسامه لما اصلي الاول وبعد كده رؤيه شرعيه باذن الله. بعد اذنك يابابا
ابو باسم. اتفضلي ياحبيبتي
رجعت ياسمين. لاوضتها وهي حاسه بفرحه مش عارفه سببها ايه قالت هعرف البنات وخصوصا نصايح خديجه هتفرق معايه كتير
نرجع لابوباسم.
هههه عايزه تقنعيني انك مسمعتيش كل اللي حاجه
ام باسم. ايه ياحاج. وايه يعني. طمني. وفرح قلبي انا مش مصدقه اني هنتجوز اولادنا خلاص
ابوباسم. تعرفي ياام باسم.خديجه من ساعت مادخلت حياتنا وربنا جعلها سبب السعاده. بنتك ماشاء الله. عليها. وكمان ابنك. بيتغير بس مش واخد باله. انا عمري ماكنت اتخيل اني باسم يعجب بواحده زي خديجه وكمان. هههههه مطلعه عينه ولا تليفونات ولا غيره
باسم دخل وسمع اخر كلام
باسم بغيظ. انا شامم ريحة شماته
باسم. نزل لقي باباه ومامته بيفطرو.
باسم صباح الخير
ام باسم باستغراب. صباح النور. النهارده صاحي بدري.
ابوباسم. ايه ياام باسم انتي ناسيه اني النهارده رايح يجيب الشبكه لخطيبته. لازم يصحي من النجمه ده لونام اصلا
باسم باحراج. علي فكرة انا صاحي بدري عشان ورايا شغل
ابو باسم بمكر ماانا عارف مشاغلك كتير وخصوصا النهارده انت عمرك ماعملتها
باسم بجديه. ايه ياجماعه هو تحقيق. وبعدين يلا بقا عشان نلحق نروح للناس
ام باسم بدهشه. يلا ايه احنا لسه الصبح بدري. هنروح نفطر معاهم
ابو باسم. هههههه تصدقي فكرة. عشان نقول ليهم بدل مانتغدا بس. لا احنا نفطر ونتغدا ونتعشي كمان. عشان. يطردونا ويقولو معندناش بنات للجواز
باسم بعصبيه. ده انا ااقطع لسان اللي يقول كده. هتجوزها يعني هتجوزها
ام باسم. يابني الدنيا مش كده. ربنا يجعلها من نصيبك. بس. هي مش عافيه.
ابو باسم. سبيه ياام باسم. انا كنت بهزر. يابني. بس. برده. اتحكم في اعصابك وخصوصا لسانك. الدنيا مش سايبه.
باسم بيغير الموضوع. طيب انا هقوم اصحي الزفته اللي فوق لغاية ماتخلصو فطار وتقومو تغيرو. انا مش فاضي. للكلام ده عايز اخلص من الهبل ده واجيب الشبكه واخلص
قام وطلع علي حجرة ياسمين.
باسم. بيخبط علي الباب. قومي. يادكتورة. انا عارف انك مش هتقومي بسهوله. فتح الباب ودخل.
باسم. قومي يلا عشان ورانا سفر
ياسمين بنوم. شويه كده ياماما
باسم بدهشه. ماما. قومي يابت يلا.
ياسمين بنووم. انا بكره اللي بيصحيني هو انا مش قايله محدش يصحيني.
باسم ضحك وافتكر خديجه لما قفلت السكه في وشه. وقالت كده
باسم بعصبيه مصتنعه. وصوت عالي. ياسمين
ياسمين بفزع. ايه في ايه البيت ولع ولا ايه. باسم
باسم بيتصنع الجديه. قومي يلا عشان مسافرين
ياسمين فاقت. وقامت علي السرير. النهارده رايحين لخديجه ايييييه
باسم بدهشه. ايه ده.
ياسمين بخوف. خمس دقايق وهتلاقيني في العربيه وجريت علي الحمام
باسم بيضحك علي هبل اخته. نزل لقي مامته وباباه لابسين وقعدين.
باسم بجديه. جهزتو.
ابو باسم واحنا نقدر بردن نخالف كلامك انا مش مستغني عن عمري
ام باسم ههههههه هو مين فيكو ابو التاني
ابو باسم ههههه تصدقي اني بخاف منه. بحس انو هيضربني
باسم. بجديه. اكيد عمري ماهعملها يابابا.
ياسمين نزلت جري علي السلم. انا جهزت خلاص.
باسم بحده قلتي خمس دقايق بس وبقو تسع دقايق.
ياسمين بدهشه. انت قاعد بتحسب بالدقيقه
باسم بيغير الموضوع. يلا بقا عشان اتاخرنا.
كلهم بيبصو لبعض. وضحكو.
باسم بص ليهم بعصبيه وطلع ركب العربيه.
عند خديجه. لبست. الملحفه السمرا وعليها خمار لف. ونقاب اسود ولبست البيشه.
ام خديجه. بالله عليكي دي منظر عروسه رايحه تجيب شبكتها
خديجه بمزاح. هو في احلا من كده. وبغرور مصتنع. نحن نختلف عن الاخرين.
مرات اخوها. ياخديجه الدين يسر. وبعدين انتي مش مخطوبه لاي حد. ده مال وجمال وعيله.
خديجه بمزاح. انا حاسه اني في حد بيحسدني. الظاهر كده الواد هيموت وهعنس بسببك.
مرات اخو خديجه. لا انا بقر بس مبحسدشي.
خديجه ايوه اذا كان كده ماشي.
ام خديجه بغيظ. سبيها. هي ادماغها ناشفه وتعبه قلبي دايما.
خديجه بحب. انا اقدر برده. بس. صدقيني انا مرتاحه كده. وحاسه اني ربنا بيحبني باللبس ده. حجاب. امهات المؤمنين. انا متاكده الاسود مش كل الدين. ولكن الملكه دايما زيها مميز عن عامة الشعب. وانا ياماما عايزه اكون مميزه دايما.
ام خديجه. ربنا. يبارك فيكي. نفسي اشوفك بالوان. وتلبسي زي البنات. كده. اي بنت مكانك كانت ابدعت عشان تعجب عريسها.
خديجه بابتسامه. اولا. عريسي لسه مبقاش زوجي عشان يشوفني من غير زينه. او بلبس. عادي. زيه زي الغريب.
ام خديجه. يابنتي هتتعبي. فكيها شويه.
خديجه بمزاح. لا انا فكاها خالص ياماما. هههه
ياماما. مستحيل ربنا يضيعني. ابدا.
ام خديجه. ربنا يهديكي.
خديجه بحب اللهم امين. يارب.
وصل باسم وعيلته عند خديجه وسميه معاهم.
خديجه. كانت حاطه روچ. وكريم. عشان لما حماتها تطلب تشوفها.
سميه وياسمين دخلو علي اوضة خديجه علي طول.
سميه بسعاده. خديجه. اخيرا. هبقي صاحبة العروسه
ياسمين بفرح. وانا اخت العريس.
> تابع قناة فلسطين تمضي وحدها❤️🩹🇵🇸 في واتساب: https://whatsapp.com/channel/0029VauXwfu9xVJho5kKji0M
> تابع قناة حكاية في رواية 💗🎀 في واتساب: https://whatsapp.com/channel/0029VaDlnq3D8SE0iENtWr3G
(للاسف كتبت الفصل ده بعد ترتيب. واتمسح. فسامحوني لو اخطأت)
خديجه فاقت. وقامت صلت القيام. وبتدعي ربنا انو يختار ليها ولا يخيرها. وكمان ان يكمل فرحتها علي خير. وانها تفرح من غير ماتعصي ربنا
والليله دي تكون مميزه.
انتهت خديجه من صلاتها وقرات وردها ونامت. عشان تكون فايقه
عند باسم. فرحان لاني خديجه خلاص. هتبقي مراته النهارده.
خديجه صحيت. وعملت فطار وقعدت هي وعبدالرحمن يفطرو.
عبدالرحمن بفرح. عندنا فرح النهارده واخيرا خديجه هتتجوز ونخلص منها بقي. يااااه اليوم اللي مكنتش اتخيل انو ييجي. اهو جه.
خديجه بغيظ. ليه. يااخويه حد قالك. اني هعنس.
عبدالرحمن باستفزاز هو لازم حد يقلي. هي كانت واضحه للاعمي.
خديجه بغيظ. قوم ياعبدالرحمن. عشان ماندهشي علي بابا. يظبطك
عبدالرحمن بفزح مصتنع انا خوفت. انا قايم اهو
خديجه بغيظ. يلا بقاا عشان نلحق نجهز.
عبدالرحمن باستفزاز هو حد قالك اني هحضر اصلا انا رايح لصحابي. وهبقي اتنازل واجي اباركلك بالليل. تواضعا مني.
خديجه بغيظ. عبدالرحمن متعصبنيش. قوم قدامي.
عبدالرحمن ببرود. وانا قلت. مش معزوم.
خديجه طيب انا هنادي علي بابا
عبدالرحمن. جري قدام خديجه.
خديجه بضحك. انا قلت الواد ده اهبل محدش صدقني
وبدات التجهيزات.
خديجه بتعمل الزينه وبتكتب الورق. اللي هتوزعه. وبتعمل البلالين. وكمان. بتظبط المكان. كويس.
عبدالرحمن بيظبط السماعات وبيجهز قاعده لرجاله. وبيستفز خديجه كل شويه.
ام خديجه. بتعمل الاكل هي والجيران لانهم بيحبو خديجه.
العيال. بيهيصو في الشارع. النهارده فرح معلمتهم.
حسن اخو خديجه بيركب الانوار. وبيظبط الاضاءه.
ابو خديجه. بيظبط. الورق بتاع كتب الكتاب وبيعزم. لكتب الكتاب.
خديجه بتكلم مني بعصبيه.
السلام عليكم. فينك ياصديقتي. المهم تكوني هنا من امبارح.
مني باستفزاز هو حد عزمني. وبعدين هاجي ابارك وامشي.
خديجه بغيظ هو انا هلاقيها منك ولا من الواد اللي هنا
مني بضحك هههه عبدالرحمن برده. ده هيخليكي تمشي تشدي في شعرك.
خديجه انا هعيط. مش عايزه اتجوز خلاص.
مني بضحك. ههههه عادي والله. الموضوع سهل جدا. اهدي كده. وربنا مش هيكسفك ابدا.
خديجه براحه. والله لن يخزيني الله ابدا.
المغرب اذن. والكوافيره عايزه. تحط لخديجه الميكب. وخديجه رافضه. عايزه تصلي الاول.
يلا يابنات نصلي المغرب وبدو وصلت خديجه بيهم جماعه. صلاه بخشوع. ودعت الله ان يرزقها الثبات حتي الممات.
انتهت من الصلاه. وبعد كده. جهزت. وبدا. كتب الكتاب.
عبدالرحمن بمزاح امضي يلا خلينا نخلص منك.
اخيرا جت اللحظه. اللي هتمشي وتفضي اوضتك. يااه
خديجه بتوتر. مضت. علي القسيمه.
عبدالرحمن بمزاح. انا هخليه يمضي علي وصل امانه البضاعه. لاترد ولا تستبدل احنا ماصدقنا.
البنات كلهم ضحكو علي عبد الرحمن.
خديجه بابتسامه للبنات. بجد انا فرحانه جدا انكو شاركتوني فرحتي. عقبال كل بنت ربنا يرزقها بالزوج الصالح. الورق اللي اتوزع عليكو ده ياريت تقرءوه في البيت
اوعو تاكلو الشيكولاته وترمو الورقه.
خديجه بمزاح. طبعا الفرح فرحنا. واتكلم براحتي.
هتكلم. عن. موقف بسيط حصل لصحابي جليل.
الصحابي ده اسمه حنظله. كان اكتر حاجه بيحبها هي الجهاد في سبيل الله. المهم سيدنا حنظله ده. تزوج. واحده اسمها جميله. تبقي بنت عبدالله بن ابي سلول. عليه لعنة الله.
سيدنا حنظله يوم صباحيته الصبح سمع. حد بيقول. حي علي الجهاد. قام مفزوع. لبس هدومه من غير مايغتسل. من الجنابه. خاف. ليمشو ويسيبوه.
المهم. الغزوه دي كانت احد. وفضل. يقاتل الكفار. لغاية. لما. واحد من الكفار قتله. المهم الصحابه وهما بيجمعو الشهداء اللي ماتو. لقو. سيدنا حنظله غرقان في دمه. وفي ميه بتزل عليه.
فضلو ينادو علي النبي صل الله عليه وسلم عشان يعرف ايه الميه دي.
النبي قال الملائكه بتغسل حنظله. لانه كان في جنابه.
شوفتو يابنات. يعني. عادي لو مكنشي طلع. للجهاد لاني النبي مش امرو بكده عشان هو عريس لسه.
ولكن. هو كان هدفه انو يموت شهيد. وهو بيقاتل الكفار. عشان كده انا بحاول اقلد. حنظله. متستغربوش لما اتكلم عن ربنا في يوم فرحي. لاني نفسي اموت وانا بدعي الي الله.
البنات. بجد القصه جميله وفعلا الواحد ميضيعشي وقت ابدا.
مني. الواحد ميعرفشي هيموت امتي.
ياسمين بحماس. بجد. ياريت تحكيلنا قصة تاني
خديجه بضحك. هههه لا ياختي احنا هنشغل الاناشيد ونرقص. عشان النهارده فرحي ياجدعان. او كتب كتابي مش مهم.
يتبع...