الفصل 5
*ࢪواية انتقام يولد حب17-18-19والاخير🍒⸙•♡»»))*
رواية انتقام يولد الحب
البارت السابع عشر
ام رهف بقلق الساعة داخلة ع ١٢ وعدي لسه مرجعش وكمان متصلش عليا أكيد فيه حاجه مش متعود يختفي ده كله أنا قلبي واكلني عليه وترن عليه كتير بس ميردش وتجرب تاني وتلاقي حد رد
ام رهف الو عدي انت فين قلقتني عليك
الممرضة حضرتك صاحب الموبايل ده اتعرض لحالة اعتداء وهو دلوقتي عندنا ف مستشفي الامل
ام رهف بفزع انتي بتقولي ايه عدي ماله هو كويس
الممرضة أهدي يا مدام إحنا قدرنا نسيطر ع الوضع وأن شاء الله لغاية بكرة الصبح هيكون فاق وتقفل معاها
ام رهف لنفسها أنا قلبي كان حاسس ان فيه حاجة وحشة هتحصل النهاردة لازم اروحله دلوقتي اطمن عليه
ف صباح اليوم التالي
عند عدي بيفتح عنيه بتعب بيلاقي ام رهف قاعدة معاه ف الاوضة
منال بلهفة عدي حبيبي انت كويس
عدي بتعب أنا كويس رهف فين
منال باستغراب هي رهف كانت معاك
عدي أيوة وكنا بنتكلم مع بعض وبعد كده سابتني ومشيت وف الوقت ده حد خبطني ع راسي ولمحتهم وهما بيخدروها بس للاسف مقدرتش أعمل حاجة مقدرتش احمي رهف سامحيني
منال بقلق ع بنتها ده مش ذنبك يا عدي بس احنا لازم نبلغ الشرطة دلوقتي كل دقيقة بتمر علينا فيها خطر ع حياة بنتي وتقوم وتروح تبلغ الشرطة
بعد نص ساعة
عدي أنا مش هفضل قاعد كده لازم أروح ادور ع رهف وبيشيل الأجهزة من أيده وبتحاول الممرضه تمنعه بس متقدرش عليه وبيسيبها وبيروح يدور ع رهف
بعد شويه بتيجي منال
وتدخل الاوضة متلاقيش عدي وبتسأل عليه الممرضة تعرفها أنه خرج
منال بعصبية وأنتي إزاي تخليه يطلع وهو ف الحالة دي
الممرضة مقدرتش امنعه كان مصر أنه يمشي
منال يعني راح فين ده وترن عليه بس ميردش
عند نيرة
زين ها يا نيرة جهزتي كل حاجة
نيرة بفرحة أيوة يا حبيبي خلصت أهو مش قادرة أصدق أن كلها كام ساعة وهرجع القاهرة
زين كنت عارف انك هتكوني مبسوطة برجوعك القاهرة
نيرة عشان عايزة اطمن ع رهف أنا معرفش حاجة عنها من اكتر من سبع شهور يارب يكون فيه اخبار عنها
زين إن شاء الله يا حبيبتي بابا وبباكي جهز هو كمان اهو يلا بقا عشان نلحق القطر
نيرة بابتسامة يلا
عند رهف
بتصحي من نومها وبتنزل عشان تفطر بس مش بتلاقي ماجد ف البيت
رهف اكيد راح الشغل بدري أنا لازم استغل الفرصة دي وأحاول اطلع من هنا قبل ما يرجع وبتجرب تفتح الباب بس تلاقيه مقفول
ايه الذكاء الي عندي دي ما اكيد مش هيسبلي الباب مفتوح ويقولي اهربي من هنا لازم ادور ع حاجة تاني بسرعة قبل ما يرجع وبتروح تدور ف الاوض وبعد مجهود كبير بتلاقي تليفون ف الدولاب
رهف بفرحة اخيرا لقيت حاجة تساعدني أنا لازم ارن ع عدي بسرعة
وترن ع عدي وبعد شوية بيرد
عدي مين
رهف بفرحة لما سمعت صوته أنا رهف يا عدي
عدي رهف انتي فين الزفت ده عملك حاجة
رهف أهدي أنا كويسة بس ماجد خاطفني ف الفيلا القديمة بتاعته
عدي عنوانها فين دي وأنا هجيلك حالا
رهف مش عارفه عنوانها فين أنا كنت متخدرة لما وصلت هنا بس هي ف مكان بعيد وتقريبا صحرا مفيهوش سكان خالص
عدي متقلقيش يا رهف أنا هوصلك بس سيبي التليفون ده مفتوح بلاش تقفليه وأنا هتصرف
رهف تمام وتقفل مع عدي
بيرن عدي على واحد صحبه
عدي الو يامحمد هبعتلك رقم وعاوزك تعرفلى مكانه فين
محمد تمام
عدي بس بسرعه يامحمد معنديش وقت لازم انقذ رهف باسرع وقت
محمد متقلقش نص ساعه وهبعتلك العنوان
عدي ماشي سلام
بعد نص ساعه
محمد بعتلك العنوان استني هنروح مع بعض ومتتهورش أنا هبعت القوه على المكان قبلنا
عدي أنا مش هقدر استني رهف حياتها بخطر
محمد متتصرفش بتسرع علشان متندمش بعد كدا
عدي مقدرش استني يامحمد أنا معرفش رهف حالتها اي وممكن يكون بياذيها أنا مش هستحمل
محمد عدي أهدي شويه ومتتصرفش من دماغك
عدي لا مش هقدر اقعد كدا
محمد عدي استني بس بيلاقي عدي قفل السكه ف وشه
محمد يارب متتصرفش تصرف تندم عليه بعد كدا
عند رهف
رهف ياتري انت فين ياعدي انا خايفه ماجد يوصل قبلك لو عرف انى كلمتك مش بعيد يقتلني أنا مش عارفه اعمل ايه يارب عدي يقدر ينقذني منه وهي بتفكر بيوصل ماجد وبيدخل عليها الاوضه
ماجد جبتلك اكل يلا كلى
رهف مليش نفس
ماجد هتاكلى ولا اكلك أنا
رهف لا هاكل أنا وبتاخد منه الأكل وتاكل وبعد متخلص اكل
رهف ماجد أنا عاوز أتكلم معاك
ماجد هنتكلم ف ايه يارهف أحنا مش خلصنا كلام امبارح
رهف ماجد أنا اسفه مكنش قصدي انى اجرحك
ماجد مفيش داعي للكلام دا يارهف
رهف يعني انت مش زعلان مني
ماجد لا أنا هروح اغير هدومي ف الأوضه التانيه
رهف تمام
بيروح ماجد الأوضه التانيه علشان يغير هدومه بس بيلاقي الدولاب مفتوح
ماجد باستغراب وبيقرب من الدولاب وبيلاقي أن ف حاجه بتنور بيقرب اكتر بيلاقي التليفون بيرن فبيفهم ان رهف كلمت حد يجي ينقذها
ماجد بغضب وبيكسر التليفون ف الحيطه وبينادي على رهف
ماجد بغضب رهههههههف
رهف ف الاوضة يالهوووي شكله عررف أعمل ايه دلوقتي أنا لازم استخبي دا ممكن يقتلني وبتستخبي جوه الدولاب وبيدخل ماجد الاوضه بس مش بيلاقيها
ماجد بعصبية اطلعي يارهف احسنلك بس مفيش رد بيبص على الدولاب بيلاقي أن هدومها باينه منه فبيروح ناحيتها وبيطلعها من الدولاب
ماجد بقا انتى تضحكي عليا وتغفليني وبيضربها بالقلم على وشها أنا مش هحاسبك دلوقتي احنا لازم نطلع من هنا دلوقتي وبيشدها من شعرها بعنف وهي بتحاول تحرك نفسها منه بس متقدرش وبيطلعها برا وبيركبها العربيه
خلص البارت على كدا
بقلمي Eman
رواية انتقام يولد الحب
البارت الثامن عشر
وف نفس الوقت بيوصل عدي وبيشوفهم وبيروح وراهم
بيسوق ماجد العربية بسرعة جنونية ورهف جمبه خايفه من شكله الغاضب ومن سرعه العربيه
وبتبص وراها بتلاقي عدي بيلاحقهم انتفضت من الخوف لما لقت ماجد بيطلع مسدس من العربيه وبيصوب ناحيه عدي وعدي بيتفادي الرصاصات
بتمسك رهف رقبه ماجد وبتحاول تشتته وبتتحرك العربيه للبحر تحت صراخ عدي
ليوقف عدي عربيته وهو بيمسك مسدس ماجد الى وقع منه ويدور عليهم بس مش بيلاقيهم وبعدين بيسمع صوت مركب سريع اتحرك وبيبص ناحيه الصوت بيلاقي ماجد ورهف مربوطه بحبل واتحرك ماجد وبص على عدي بسخريه وضحكه مستفزه
طلع عدي من المياه وخد مركب بس كان ماجد اختفي من قدامه
رهف بخوف شديد انتي هتاخدني فين
ماجد هاخدك مكان ميلاقناش فيه عدي ولا اي حد قربنا نوصل كلها كام دقيقه وهنوصل للمكان إلى عاوزه وهنعيش سوا ومحدش هيقدر يفرقنا
بتنتفض رهف بخوف وبتقوله بترجي ماجد ارجوك رجعني ومش هبلغ عنك ولا هقول لحد إلى حصل
ماجد بغضب انتى بتهزري ياروح امك مش عاوز اسمع صوتك لحد منوصل أنا كنت راجع علشان انتقم منك بس لقيت نفسي حبيتك وبعد كل إلى عملته علشانك عاوزاني اسيبك ترجعي لعدي دا ف أحلامك
رهف ببكاء اسمعني أنا عارف انى غلطت ف حقك بس أنا اتاسفتلك أنا مقدرش احبك انا بحب عدي وأنت اكيد الى بتحسه تجاهي دا مش حب رجعني ارجوك
ماجد ارجعك البيت دا عشم ابليس ف الجنه
لسه هترد بتلاقي عدي قرب منهم بيبص ماجد مكان ما رهف بتبص بيتفاجئ بعدي
ماجد بغضب نهايتك على أيدي ياعدي الكلب وبيدور على المسدس بس مش بيلاقيه
عدي باستفزاز بتدور على دا وبيبص على رهف وبتفهم قصده وبتنط من المركب وبيضرب عدي رصاصه على المركب وبتدخل الميه المركب وبيركبوا المركب بتاعهم وبيبص عدي على ماجد بس بيلاقي المركب فاضي
ماجد باستفزاز بدور عليا وبيضربوا ف بعض وبيفقد المركب السيطرة وبيلمح عدي المركب هيخبط في الجبل ف بيضرب ماجد بكل قوته وبياخد رهف وبينطوا من المركب وبيدخل المركب ف الجبل وبينفجر
بتبص رهف على المركب وبتعيط على ماجد لانه مهما عمل مكنتش تتمناله الموته دي وبيهديها عدي وبيرجعوا البيت وهما ف الطريق
رهف انت رايح فين وديني اشوف ماما
عدي امك عندي ف البيت
رهف باستغراب ماما بتعمل ايه عندك
عدي ماجد كان بعتلها حد يتهجم عليها بس انقذتها وخدتها عندي
رهف خد جزائه على كل أعماله
وبيوصلوا البيت
وبتفتح منال الباب وبتقول عدي اخير رجعت قلقتني عليك يابني وبتبص بتلاقي رهف
منال ببكاء رهف حبيبتي انت قدامي يعني أنا مش بتخيل
رهف ببكاء هي كمان أنا هنا ياماما وبتحضنها وبعدين بيعطوا سوا
منال أنا اسفه يابنتي علشان كدبتك وطردتك من البيت
رهف مفيش داعي للكلام دا خلاص كل مخاوفي انتهت بموته
منال رجعتها ازاى يابني
وبيحكيلها عدي كل الي حصل
بعد مرور اسبوع
عدي هي رهف لسه نايمة ده كله يا ماما
رهف أنا صحيت اهو بتجيبوا ف سيرتي ليه
عدي حد ينام كل ده ف يوم خطوبته
رهف بطريقة كوميدية مستكترين عليا النوم حتي ف يوم خطوبتي
عدي خفي لماضة وتعالي تفطري
رهف قبل ما نفطر كنت عايزة أتكلم معاك ف موضوع كده
عدي موضوع ايه ده
رهف مامتك يا عدي بقالك كتير مش بتكلمها وكل ما ترن عليك متردش ولا بتوافق إنك تشوفها لو راحتلك الشركة مش بترضي تشوفها كفاية كده انت عاقبتها بما فيه الكفاية سامحها عشان خاطري دي مهما تكون مامتك
عدي إنتي يا رهف الي بتقولي كده انتي نسيتي هي عملت ايه فيكي وان هي سبب كل إلى حصلنا
رهف وخدت عقابها واتحرمت منك كل ده عشان خاطري يا عدي سامحها
عدي ماشي يا رهف عشان خاطرك بس لو عملت حاجه تاني مش هسامحها
رهف لا متقلقش إن شاء الله مش هتعمل حاجه
وبعد كام ساعة بتيجي أم عدي الفيلا وبتكلم شخص ف التليفون
حنان أنا دخلت الفيلا دلوقتي
الشخص تمام كده كمان نص ساعة هرن عليكي عشان تساعديني أدخل
حنان تمام وبعد نص ساعة بيجي واحد الفيلا وبيرن عليها وبتطلع حنان تتكلم مع الحرس
حنان سيبوه يدخل أنا إلي كلمته عشان يجي النهاردة خطوبة ابني وعايزة كل حاجة تكون مظبوطة عشان كده كلمته يجي يساعد باقي الخدم
الحارس بس عدي بيه معطناش اوامر بكده هرن عليه الاول قبل ما ندخله
حنان أنت اتجننت ولا ايه بقولك أنا إلي كلمته عشان يجي
الحارس تمام هدخله
وبيدخل الشخص الفيلا
حنان أنا عملت الي عليا ودخلتك ودلوقتي دورك أنا مش عايزة الخطوبة دي تتم
الشخص بشر اطمني مش هسمح بكده مستحيل الخطوبه دي تتم ولو على جثتي
عند نيره
بيرجع زين من الشغل وينادي ع نيرة
زين حبيبتي النهاردة خطوبة رئيس الشركة بتاعتي ودعي كل موظفين الشركه وعاوزك تيجي معايا
نيره هروح اعمل ايه يازين انا معرفش حد وكمان أنا لسه بالى مشغول على رهف
زين علشان كدا عاوزك تيجي معايا تغيري جو وتطلعي من الى انتي فيه
نيره بس
زين مفيش بس علشان خاطري ولا مليش خاطر عندك
نيره انت عارف غلاوتك عندي يازين خلاص هاجي معاك
زين تمام جهزي نفسك ياحبيبتي
نيره حاضر
ف المساء
تمتلئ الفيلا بالمعازيم
عند رهف بتلبس فستان بسيط بيظهر جمالها الخلاب وبتحط ميكب اب خفيف وبعد متخلص بتبقي شبه الاميرات
وبعد شويه بيدخل عدي وبينبهر بجمالها
عدي بقولك ايه متيجي نخليها جواز علطول علشان ممكن اتهور دلوقتي
رهف اتلم ياعدي لسه هطلع عينك شويه قبل منتجوز مش بالساهل كدا
عدي قلبك ابيض يارهف
رهف بضحك طيب يلا علشان الناس مستنيني
وبينزلوا تحت وبيخطفوا الأنظار بجمالهم وبيقعدوا والمعازيم بيسلموا عليهم وبيهنوهم
عند نيره بتوصل الفيلا
زين تعالى نبارك وبعدين نقعد
نيره تمام وبتروح ناحيتهم وبتنصدم لما بتلاقي العرسان هما رهف وعدي
نيره بصدمه وبتقرب عليهم رهف
بتبصلها رهف وبعدين بتحضنها وبيطنطوا سوا من الفرحه
نيره أنا مش مصدقه نفسي اخيرا شوفتك بعد الفتره دي كلها
رهف وحشتيني اوي يا نيرة مقولتليش مين الي معاكي دا
نيرة ده زين جوزي ودي رهف صديقه طفولتي إلى كنت بدور عليها
زين اذيك يا انسه رهف نيره كانت بتحكيلي عنك علطول
رهف فيكي الخير والله ياحبيبتي وبتكمل بفرحه كأنها لسه مستوبعه الكلمه
رهف بفرحة انتي اتجوزتي لا ده إحنا نخلص حفلتنا ونقعد ع رواقة تحكيلي كل حاجة فاتتني
نيرة بضحك حاضر وأنت كمان تحكيلي كنت مختفيه فين
رهف حاضر هحكيلك كل حاجه بعد الخطوبه
نيره ماشي ياحبيبتي يلا روحي شوفي عدي عشان ميجيش يولع فيا دلوقتي أنا أصلا فيه حجات كتيرة عايزة أعرفها منك
وبتروح رهف مع عدي وبيرقصوا سوا وبعد شوية بيتعبوا من الرقص وبتيجي أم عدي تاخد عدي بعيد عن رهف وبيدخلوا الفيلا وبعدها بشوية بيجي واحد لرهف ويقولها أن عدي مستنيها جوا تستغرب رهف بس بتروح معاه وبيدخلها ف أوضة ويقفلها
رهف بصدمة انت بتقفل الباب ليه وفين عدي
خلص البارت على كدا معلش يابنات لقيت النهايه هتبقي طويله خليتها بارتين اسفه على التاخير بس النت فاصل عندي
روايه انتقام يولد حب
البارت التاسع عشر
رهف بصدمة انت بتقفل الباب ليه وفين عدي
بيبدأ الشخص يشيل القناع من ع وشه وتتفاجئ رهف باخر شخص كانت تتوقع أنها تشوفه
رهف بصدمة وخوف م م ماجد
ماجد باستفزاز انتي كنتي مستنية حد غيري ولا إيه يا زوجتى العزيزه
رهف إزاي أنت كنت ميت أنا شوفت المركب وهو بينفجر بيك
ماجد مش بالسهولة دي تخلصي من ماجد العامري أنا قدرت اهرب من المركب قبل مينفجر ومن غير ماتاخدي بالك انتى أو عدي من النهارده أنا هكون أسوأ كوابيسك يا رهف ومفيش حاجة هتقدر تبعدك عني
رهف بخوف تحاول تداريه أنا مش هسمحلك تأذيني وتنادي ع عدي بس مش بيسمعها من الدوشة وصوت الاغاني
ماجد اي كلمه كمان وهفجر المسدس دا ف دماغك يلا امشي معايا من غير صوت زي الشاطره كدا بدل مقتلك عدي ومامتك وبعدين أخلص عليكي انتى كمان
رهف بخوف عليهم لا خلاص انا هاجي معاك بس متأذيهمش
ماجد يلا يا حلوه قدامي من غير صوت
رهف بخوف حااضر وبيمشوا ومش بياخدوا بالهم من زين الي بيشوفهم
وبيتصل ع نيرة وبيعرفها وبيقولها تقول لعدي بسرعه وبيروح وراهم وكانوا لسه هيركبوا العربيه بس بينادي زين على رهف
زين رهف انتى رايحه فين وسايبه خطوبتك ومين دا
رهف بخوف عليه ارجع يا زين
ماجد أرجع مكانك احسن لك
زين أنا مش هرجع من غير رهف
ماجد ورهف مش هترجع معاك
زين انت مين اصلا وعاوز منها أي
ماجد ميخصكش
زين لا يخصني رهف زي اختي ومن مسؤوليتي
ماجد يعني مش هترجع
زين قولتلك مش هرجع من غيرها
ماجد يبقا اتشاهد على روحك وبيضربه رصاصة ف كتفه
رهف بصدمه زيييين
وبيجي عدي وامه والشرطة ونيرة الي أول ما تشوف جوزها غرقان ف دمه بتجري عليه
نيره بصراخ وبكاء زيين حبيبي انت كويس
زين بتعب أهدي يانيره أنا كوويس الرصاصه جت ف كتفي
نيره ببكاء بس انت بتنزف وبتقطع حته من الفستان إلى لبساه وبتربطله الجرح
زين بتعب لا متقلقيش أنا كويس جوزك اسد
نيره بضحك حتي وأنت تعبان
زين كويس أن عدي جه ف الوقت المناسب ماجد كان هياخدها ويمشي
نيره بخوف عليها أنا مش عارفه مين دا وعاوز منها ايه
زين ادعيلها ربنا ينقدها منه
نيره عدي هنا وكمان الشرطه وان شاء الله هيقدروا ينقذوها
زين إن شاء الله ولسه هيكمل كلام بيغمي عليه
وبتحاول نيره تفوقه بس مبيفقش وبتبص عليه وعلى رهف إلى حياتها هي كمان ف خطر وبتفضل تدعي ربنا وهي بتعيط أنه ينقذلها جوزها وصديقه طفولتها.
عدي سيب رهف وسلم نفسك احسنلك
ماجد مش هسيبها رهف بتاعتي أنا وبس انت فاهم
عدي فوق بقا رهف عمرها ما كانت بتاعتك وعمرها ما حبتك رهف بتحبني أنا
ماجد كانت هتحبني لولا أن انت ظهرت ف حياتها وسبب حبها ليك رفضت حبي ليها واهانتني ودلوقتي هقتلك قدامها عشان ميكونش قدامها غيري
رهف بدموع لا يا ماجد عشان خاطري بلاش تأذي عدي اقتلني أنا وسيبه عايش
ماجد بعصبيه انت تخرسي خالص دورك جاي يا حلوة بس مش هقتلك هعذبك بالبطئ هخليكي تتمني الموت ف كل دقيقة بتمر عليكي أنا كنت نسيت انتقامي عشان ضعفت قدامك تاني بعد ما كان انتقام بيولد حب بقا حب بيولد انتقام بس هبدا انتقامي بعدي الاول
الشرطه نزل سلاحك وسلم نفسك بدأ منضطر تقتلك
ماجد باستهزاء ولا تقدروا تعملوا حاجه اي حركه هقتلها واقتل نفسي وراها وبيقول لعدي اتشاهد على روحك
حنان بخوف ع ابنها ده مكنش اتفقنا أنا ساعدتك ودخلتك الفيلا عشان تبعد رهف عن ابني مش هسمحلك تأذيه
ماجد بضحك واستهزاء وريني هتعملي إيه ويصوب ع عدي بس بيلاقي حنان جت ف وشه وخدت الرصاصة مكانها
ف نفس الوقت بتستغل رهف انشغاله وتضربه ع أيده بقوة توقع منه المسدس وتطلع تجري ع حنان
وقبل ما ماجد يمسك المسدس بيلاقي الشرطة بتضرب الرصاص عليه وبتيجي ف دماغه وبيموت بعد ما أذي ناس كتير ف حياتها
بيحط عدي راس أمه ع رجله وبيمسك أيديها وهو بيعيط متسبنيش يا ماما خليكي قوية متقفليش عينيكي
وبعد شوية بتيجي الإسعاف وبتاخد زين وحنان وجثة ماجد وبعد كام ساعة بيطلع الدكتور من العمليات وبيلاقي رهف وعدي ونيرة مستنين بقلق وأول ما يشوفوا الدكتور بيجروا عليه طمنا يا دكتور ايه الاخبار
الدكتور أستاذ زين الإصابة كانت ف الكتف وقدرنا نسيطر ع الوضع ع طول ومدام حنان حالتها كانت خطيرة عشان الرصاصة كانت قريبة من القلب بس الحمد لله الاتنين بخير دلوقتي اطمنوا وكلها كام ساعة هيفوقوا وتقدروا تطمنوا عليهم
بعد مرور كام ساعه بيفوق زين وبيدخلوا عنده الأوضه
ويتدخل نيره وبتجري عليه وبتحضنه
زين بتتعب اه اه بالراحه يامفتريه أنا لسه طالع من العمليه
نيره بخوف أنا اسفه مخدتش بالى
زين وهو بيطمنها أنا كويس بس كنت بهزر معاكي
بتقاطعهم رهف
رهف حمدالله ع سلامتك يا زين
زين الله يسلمك يا رهف
عدي حمدالله على سلامتك يا بطل وشكرا ع الي عملته معانا جميلك ده هفضل شايلهولك طول عمري
زين أنا معملتش حاجة ده واجبي وأي حد مكاني كان هيعمل كده
رهف نسيبكوا مع بعض شوية وهنروح نشوف طنط حنان وبيطلعوا وبيروحوا اوضه حنان ويلاقوها فاقت
حنان بتعب كويس انكوا جيتوا أنا كنت مستنياكوا وعايزة أتكلم معاكم شوية
عدي بلاش كلام دلوقتي يا ماما انتي لسه تعبانة
حنان اسمعني يا عدي تعالي يا رهف جنبي وتقرب منها رهف وتمسك حنان أيدها وتبتدي تعيط أنا عارفة أن الي هطلبه منك صعب أنا اذيتك كتير وافتريت عليك وخليتك عايشة بعيد عن أمك وعدي كتير ولسه لغاية النهاردة كان نفسي أسلمك لماجد واخلص منك أنا عارفة إني مستاهلش منك حاجة غير الكره انتي من حقك تكرهيني يا رهف أنا كنت وحشة معاكي بس عشان خاطر عدي اديني فرصة واحدة أنا اتغيرت وهثبتلك ده اديني فرصة واحدة بس
رهف مفيش بنت بتزعل من امها بردو إنتي زي ماما بالنسبالي وأنا خلاص نسيت الي فات وهبدأ من جديد وأنتي كمان اعملي كده
حنان ده الي متوقعاه منك بردو
وبعد مرور شهرين بيتجوز عدي ورهف وف نفس اليوم بيعرفوا أن نيرة حامل بقالها تلت شهور وبتكمل فرحتهم وبيعيش الابطال ف سعادة اخيرا وبعد مرور ست شهور بيكونوا متجمعين كلهم ع الغدا وبعد الغدا بتصرخ نيرة جامد وبياخدوها ع المستشفي وف الوقت الي نيرة كانت فيه ف العمليات بيغمي ع رهف وبيخلوا الدكتور يكشف عليها
الدكتور التوتر وحش علشانك خصوصا في الأيام دي
رهف وعدي باستغراب ليه يادكتور
الدكتور هو انتوا متعرفوش ولا ايه المدام حامل
عدي ورهف بفرحه بجد يادكتور
الدكتور بجد ربنا يتمم لها على خير
وبيطلعوا يطمنوا على نيره وف نفس الوقت بيطلع الدكتور
الدكتور بابتسامه مبروك المدام جابت ولد زي القمر
وبيدخلوا يباركوا لنيرة وبيسألوهم هتسموه ايه
الاثنين ف نفس الوقت مروان
وتعرفهم رهف أنها حامل
وبتخلص الرواية بفرحة الأبطال وانتصار الخير ع الشر واتمني انها تكون روايه خفيفه عليكوا وتكونوا حبتوها الى اللقاء في روايه تانية إن شاء الله