الفصل 3
*•~💗~ هــوس أربـعـيـني~💗~•*
*الجزء7✿︎*
*الجزء8✿︎*
*الجزء9✿︎*
تابع قناه عشاق الروايات📚📙🇸🇩 كتابات مذكرات ملخصات انمي Pov سكسشينات حزن نکت ثانوية ملصقات في واتساب: https://whatsapp.com/channel/0029VaG4kKrKQuJKW4U8383w
•_______🎀•🎀_______•
شروق ليه بس انا حابه افضل عند عم محمود لحد مترجع.
نفخ عمر بضيق ليقول بهدوء انت شايفه انك تباتي ببيت طليقك دي حاجه طبيعيه..
شروق ده بيت عم محمود ياعمر وادهم مش هنا ومش هيرجع تاني.
ضم قبضته بغضب وحاول ان يهدئ ليقول من بين أسنانه وانا قلتلك لا ياشروق مفيش مبيت برااا بيتك تمام كده ..سلام دلوقتي..
لتمسك ذراعه محاولة التحدث عمر والنبي انا مش مرتاحه هنا وانت هتسافر وتسيبنا لوحدنا .
لكنه أمسك يدها وضغط عليها ليقول هسافر وانت تروحي تباتي بررا بيتك شايفه ده طبيعي يابنت الاصول .
شرووق…
ليقول عمر وهو ينظر داخل عينها بحده ارعبتها انا هتغاضي عن طلبك ده وهنساه كأنوا ماكان. .. ماشي ..
شروق بخوف من نظرته انا بس كنت..
عمر لاحظ ارتباكها وخوفها ليترك يدها بهدوء وحاول ان يتمالك نفسه ليتكم بهدوء لكي لايخيفها اكثر : زي ماقلتلك بالوقت اللي تحبي تزوريه هيوديك السواق هناك انما مبيت مفيش براا بيتك ماشي…
هزت رأسها بهدوء..
عمر انا همشي عايزه حاجه تانيه..
لتهز رأسها بالنفي..
عمر طيب تعالي انزلي معايا وافردي وشك عشان صوتنا طلع ومش عايز العيله تفتكر اننا اتخانقنا.
تتبعته ..لكنه اوقفها ليقول هتنزلي كده..
شروق كده ازاي ..
عمر وانت مكشره كده..
شروق مش مكشره..
عمر بابتسامه لا والله..
شروق انت هتتاخر خلينا ننزل..
عمر لا مش ..لتقاطعه اسيل تطرق الباب وتبلغهم بان العم محمود ورحاب وصلوا لتتسع ابتسامتها وتحاول النزول بسرعه لكنه امسك يدها بابتسامه وهو يقول لاسيل انزلي انتي ياحبيبتي واحنا هنحصلك
اسيل ماشي يا ابيه بس متتاخروش لتنزل الاخرى
شروق مالك ماسكني كده ليه..
عمر لما سمعتي بعمك وصاحبتك الابتسامه بانت هو في كده افترى يابنتي ..
شروق انا … انا بس..
عمر ماشي ياشروق بس مش لازم تشكريني الاول..
شروق اشكرك على ايه..
عمر عشان عم محموده هنا..
شرووق مش فاهمه .
عمر انا اتصلت بيه وبعتله السواق يجيبه..
شروق بجد .
عمر ايواا بجد .
شروق طيب لو اذا كان كده ممكن افهم ليه معترض على مبيتي عنده.
عمر بتكشيره دي حاجه ودي حاجه تانيه متنسيش انك مرات عمر علام ومبيتك هناك ده هيأثر على شكلي وسمعتي واحنا اتفقنا واضح هتحافظي على مظهري دايما مش كده..
شرووق..
عمر يلاا بينا اكيد عم محمود وحشك..ليتقدم خطوتين خارج الغرفه حتى سمع صوتها متشكره ياعمر وانا اسفه مكنش قصدي ..
ابتسم الاخر بجانب شفتيه وهو يوليها ظهره ليقول يلااا بينا عشان ننزل.. ومتخفيش من حد مادام جدي هنا محدش هيعرف يزعلك ..انا فاهم انتي عايزه تروحي هناك ليه عشان كده بقولك متقلقيش…
شروق..
عمر يلاا بينا
ليمشي وهي تتبعه حتى وصلا الى الدرج ليضع يدها خلف كتفيها ويجذبها اليه لتتسع عيناها بصدمه وتنظر اليه..
نظر الى عينيها ليبتسم واقترب منها وهمس لها افردي وشك واحنا نازلين متنسيش اننا عرسان جداد بنظرهم وصوتنا كان طالع من شويه..
نظرت اليه باستغراب لتقول حاضر بس ممكن تشيل ايدك..
عمر اكيد…..لأ .
لينزل الدرج وهو يضع يده على كتفها ويهمس لها وهي تحاول ان ترسم ابتسامه على شفتيها وتشعر بالحرج الشديد والحرج…لتسرع الى رحاب بابتسامه وحشتيني اووووي يارحاب..
رحاب مهو باين عشان كده نستي صحبتك مش بتتصلي بيا ليه..
شروق شعرت بالارتياح لانها ابتعدت عنه..انت اللي المفروض تتصلي
رحاب ياسلام..
عم محمود براحه وهو يرى ابتسامتها حمد الله بالسلامه ياعرسان.
عمر الله يسلمك .
شروق وهي تقبل يده الله يسلمك ياعمي عامل ايه وصحتك عامله ايه.وحشني اووووي والله
عم محمود بقيت كويس لما شفتك..هي مريم فين.
شروق لسه نايمه هطلع دلوقتي اصحيهالك..
محمود لا سبيها نايمه هشوفها بعدين..
عمر وهو ينظر الى الساعه طيب ياجماعه انا مضطر امش دلوقتي مبسوط اوووي اني شفتك ياعم محمود بعد اذنكم ..
العم محمود ربنا معاك يابني..
وغادر عمر على استعجال…والعم محمود قضى اليوم معهم بسعاده وودعهم مساءً بعد ان شعر بالتعب
********
وصل عمر المانيا واتجه الى مكتبه لتتبعه مساعدته..
عمر اي الاخبار.
المساعده نجوى سالم بيه عاوز يلغي ترخيص الشركه وادانا مهله اسبوعين بس عشان ندفع المبلغ المطلوب واحنا دلوقتي مفيش سيوله تحت ادينا فلوسنا كلها مشغلينها بالمشاريع..
عمر وهو يحرك اصابعه على الطاوله ويفكر ليقول حددتي موعد معها ..
مساعدة عمر لا يا بيه.
عمر لا.. ليه مش قلتلك تحددي موعد انت مبتفهميش والا ايه..
نجوى اسفه ياعمر بيه بس سالم بيه مسافر دلوقتي وساب مراته مكانه لحد مايرجع..
عمر مراته هو اتجوز..وامتى الكلام ده..
نجوى اتجوز من فتره ..
عمر طيب حددي موعد معاها..
حاضر ياعمر بيه بعد اذنك..
عمر استني حاولي يكون القاء باسرع وقت..
نجوى حاضر يابيه..
لتخرج ويتنهد عمر بضيق ايه المشاكل اللي بتتحدف عليا دي هو انا ناقص يارب..
لم تمضي بضع دقائق حتى عادت مساعدته لتبلغه بأنها اخذت موعدا مع زوجة سالم وهي بانتظاره. .
عمر باستغراب بالسرعه دي ازاي..
نجوى معرفش والله بس هي بلغتني انها هتستناك بمكتب سالم بيه..
عمر بتفاجأ دلوقتي
نجوى ايواا يابيه..
مسح وجهه بضيق فهو تعب من السفر ليقول ماشي يانجوى هروحلها دلوقتي…
لياخذ اشيائه ويغادر..
********
رحاب ياشيخه حرام عليكي نفسك ..ادي لنفسك وللراجل فرصه..
شروق انتي عارفن اني عايشه لبنتي وبس ومش بفكر باي حد تاني..
رحاب شبابك وجمالك ده مش هيدوم وبنتك مصيرها بكرى تكبر وتتجوز وتتلهي بجوزها وعيالها وتفضلي انتي لوحدك مفيش حد يونسك..
شرووق يووووه خلاص بقى مش عايزه اسمع كلامك ده تاني..
رحاب خلاص اتكتمت اهوو لتكشر الاخرى بوجهها ..
لتقول رحاب بابتسامه هو الشب الحلو … كان بيعمل عندكم ايه..
لتضحك الاخر على صديقتها تصدقي انتي. رايقه اوووي
رحاب يابنتي اما مش بهزر بتكلم بجد ده زين باشا شاغل كل تفكير من ساعت ماشفته.
شروق ربنا يكملك بعقلك يارحاب..
رحاب وليه ان شاء الله شايفاني محنونه..
شروق هزت راسها من صديقتها بيأس لتقول الاخرى هااا عرفتيلي ايه عنه..
شرووق ولا حاجه بس هو لسه مش متجوز ارتاحتي كده.
رحاب بسعاده بجد ربنا يطمنك ياحبيبتي ..
شروق هو انت بجد.متحمسه اووي كده ليه مع انك مشفتيهوش الا مرتين..
يابنتي ده خطف قلبي من ساعت ماشفته ..ادعيلي انت بس انه يكون من نصيبي ..
شروووقق..
رحاب بقولك ادعيلي ايه مش بتدعيلي ليه
شروق بضحك يارب يارب اهديها وعقلها يارب..
رحاب بضيق ياسلام .
*******
السكرتيره اتفضل الست هانم بانتظارك..
اومأ عمر برأسه واتجه الى المكتب ودخل ليصدم بوجود لوله تجلس بمكتب المدير لتنهض مسرعة بابتسامه عمر وحشتني..
عمر لوله انتي بتعملي ايه هنااا.
ليلى ده مكتب سالم جوزي لتقترب وارادت احتضانه لكنه ابعدها بهدوء ليقول مبروك اتجوزتي..
ليلى اي ياعمر ايه المقابله الناشفه دي
عمر ببرود عايزاني اعملك ايه يعني..
احتضنت وجنتيه بكفيها لتقول عمر بص فعنيا انا لوله حبيبتك.
ازاح يديها بملل ليقول اظن دي حكايه راحت لحالها ودولقتي انت ست متجوزه وعيب اوووي اللي بتعمليه ده..
لوله ياعمر انا بحبك..
عمر انت عارفه كويس اني مش بتاع حب ولا جواز وانا كنت صريح معاكي من الاول..
لوله وانا مش عايزه حاجه الا انك تفضل جمبي ياعمر عشان خاطر..
عمر للاسف معدش ينفع ..خلينا نتكلم بالشغل..
لوله : لا ياعمر ينفع عشان خاطري لحقت تنسى اللي مابينا..
عمر :بصي يابنت الناس احنا مفيش بينا حاجه وانت دلوقتي ست متجوزه وانا ماليش في الخيانه عشان بقرف من الست الخاينه.. انا همشي واما يرجع جوزك نبقى نتكلم..
لوله بحده : بترفضني ياعمر..
عمر عايزاني ابقى قذر واعمل علاقه معاكي وانت متجوزه لا يالوله انا مش هجي على راجل تاني واستغفله يارب تكوني فهمتي.
لوله برجاء هسيبه بس انت ترجعلي..
عمر :يووووه قلتلك خلاص احنا انتهينا حكايتنا خلصت خلاص .ليمشي حتى وصل الباب ليسمع صوتها تهدده
كده ياعمر ماشي والله هندمك..
ابتسم بجانب شفتيه ليقول ببرود وريني هتعملي ايه …ليغادر ويتركها بغيظها..
*******
مساء في بيت عمر علام.
شروق الوو ايوا يا رحاب طمنيني على عم محمود..
رحاب كويس الحمدلله.
شروق الحمدلله بس شكله كان تعبان لما مشي من هنا..
رحاب متقلقيش عليه مهو بلغك ان عمر جايبله شغاله وممرضه عشان يهتموا بيه انت اهتمي بنفسك وببنتك..
شروق تصدقي ان عمر كل يوم يكبر بعيني اكتر مش عارفه اجازيه ازاي بعد ماعرفت باللي عمله مع عمي محمود.
رحاب هو انتي مكنتيش تعرفي .
شروق :لا والله مقالش انه جايبله ممرضه وشغاله..
رحاب طيب واديكي عرفتي ان شاء الله تعقلي بقى وتدي نفسك وللراجل فرصه ..
شروق هنرجع تاني يارحاب للكلام اللي مالوش لازم..
رحاب ماشي ياختي خلاص مش هتكلم تاني..عايزه حاجه تانيه
لا بس ابقي طمنيني على عم محمود وانا بكرى هكون عندكم ان شاء الله
رحاب ماشي سلام.
شؤوق سلام .
لتغلق شروق الهاتف وتستلقي بجانب ابنتها وتراقبها بحب .
*******
ندى خلاص ياحسام عمر اتجوز وهيرجع يستلم الشركان وانت هتبقى عالرف..
حسام بضيق ايه الكلام ده..
ندى مش عمر الكبير مخلاص هو اتجوز وهيستقر هنا..
حسام عمر مالوش بشغلنا هنا هو ليه شغله براا متقلقيش انت..
ندى مقلقش ازاي وانت عارف ان جدك يفضله عليك وممكن يكتبله كل حاجه باسمه ويسيبك انت اللي قضيت عمرك كله تتعب وتكبر الشغل وبالاخر هيجي عمر وياخد كل حاجه..
يوووووه مقلتلك خلاص كفايه.
انت بس بو تسمعني..
مش عايز اسمع انا هغور واسيبلك الاوضه باللي فيها..
ليغادر غبر مبالي لنداء الاخرى..
*****
زين الوووو
……
زين ايواا ياعمر في ايه..
…..
زين طيب ياعمر ماشي انا هتصرف هو بانهي مستشفى..
…..
زين طيب اقفل انت وانا هبقى اطمنك عليه..
……
زين هترجع بكرى ..ماشي هغير وانزل حالا.
لم تمضي لحظات حتى كان زين يتجه الى المستشفى التي نقل اليها العم محمود بعد ان تعب بشده…
ليصل زين ويجد رحاب ترتدي بيجامة زرقاء بلون السماء وتغطي شعرها بحجاب ابيض مبعثر و ظهر عليها القلق والخوف..ليتقدم نحوها..
صباح الخير..
رحاب بدموع اهلا يازين باشا شروق فين..
زين لا منا متصلتش بيها عشان عمر قالي الوقت متاخر مش عايز يقلقها..
رحاب.بس هي هتزعل اووي لو مبلغتهاش وانا عماله اتصل بيها مش بترد..
زين معلش هجبها الصبح هو عم محمود عامل ايه..
رحاب بغصه معرفش لسه الدكاتره مخرجوش ومحدش راضي يطمني..
زين هو ايه اللي حصل.
رحاب انا كنت نايمه لما صحتني مامتي وشفت سياره الاسعاف ..حطيت على شعري وجيت بسرعه معاهم معرفش ايه اللي حصل..
زين اهدي ان شاء الله هيبقى بخير..
رحاب يارب يارب يقوم بالسلام..
زين وهو ينظر اليها بانبهار حتى لاحظت نظراته لتقول بارتباك احم انا نزلت بسرعه يعني مالحقتش ..اغير ونزلت بالبيجامه ..
زين …..نهض بحرج هروح اشوف الدكتور..
وبعد لحظات عاد زين وبيده كوبين من القهوه ليجد شاب يحاول التقرب منها وقد ظهر عليها الضيق ليتقدم نحوهم وووووو
*******
في شقة عمر علام في المانيا..
لوله بابتسامه وهي تحيط عنقه بذراعيها انا كنت متاكده اني هوحشك ومش ههون عليك..
عمر تصدقي انك بجد وحشتيني ليقترب منها واراد تقبيلها لكن..
أدارت رحاب وجهها لتجد زين يتقدم نحوها اسرعت اليه بارتباك واضح اتأخرت كده ليه..
ليرفع كوب القهوه قائلا بهدوء جبتلك دي..لينظر الى ذاك الشاب الذي نظر اليه بتوتر ليقول له زين : في حاجه يااخ..
الشاب بسرعه لا حضرتك مفيش بعد اذنك..ليغادر بسرعه.
تنفست رحاب الصعداء .
زين اتفضلي ..
رحاب متشكره يازين بيه..
زين انا برأيي اروحك البيت مينفعش تفضلي هنا بالشكل ده.
رحاب افندم..
زين وانتي بالبس ده ياانسه اكيد هيضايقوكي كتير لما يشوفوكي كده…ليشير الى لباسها الضيق .
لتقول بحرج وخجل احم انا نزلت بسرعه قلتل لحضرتك ومحلقتش اغير..
زين ماعلينا المهم يلاا بينا عشان اروحك ترتاحي والصبح ابقى تعالي..
رحاب لا طبعا مش هسيب عم محمود لوحده..
عمك محمود بالعنايه والدكتور صاحبي بلغني انه مش هيصحى دلوقتي يلااا بينا..
رحاب بس ما..
ليقاطعها بحده طفيفه واضح ان عجبك نظرات الناس ليكي وانت بالشكل ده..
رحاب انت انت ازاي تكلمني بالطريقه دي هااا ازاي.
زين اللهم طولك ياروحي بصي انا مش رايق هتروحي والا اسيببك لوحدك اصلا انا من باب الذوق عايز اروحك..
رحاب لا والله.كتر خيرك.
زين برحتك بقى انا هروح..ليمشي خطوتين ..حتى سمع صوتها وهي تجري خلفه بسرعه وخوف استناني انت مصدقت ..
زين ابتسم وهو يوليها ظهره واكمل طريقه حتى توقف في الكراج لثواني والاخرى تنظر يمينا ويسارا دون ان تلاحظ توقفه حتى اصطدمت به كان طويل القامه وهي تصل لكتفيه استدار لينظر اليها نظرت الى عينيه بتوتر وشردت بهما لثواني..لتلاحظ نظراته لها…
و شعرت بالقلق من نظراته لتقول بارتباك مالك في ايه..
خلع الاخر معطفه وتقدم نحوها..
لتبعتد عنه بخوف حتى التصقت بسيارته اغمضت عينيها وقالت بخوف انت بتعكل ايه هااا … هصرخ والله هصرخ والم عليك الناس..عايز مني ايه هااا متفكرش حتى تقرب مني او تلمسني حتى
تعالت ضحكات زين لتفتح احدى عينيها وتراه يستند الى سيارته ويضحك..
لتعتدل بوقفتها بحرج وتنظر اليه باستغراب رحاب بتضحك على ايه..
زين وهو يحاول تمالك نفسه وعدم الضحك مفيش..
رحاب بحرج احم انا هروح..
زين استنى هناا هوصلك
رحاب ….
زين بابتسامه مش خايفه اقرب منك..او اللمسك.
رحاب بحرج انت انت اللي خوفتني بطريقتك واسلوبك كنت عايزني اعمل ايه اما بشوفك قلعت الجاكيت وقربت مني هااا هااا..
زين على فكره انا قلعت الجاكيت عشان اديهولك اتفضلي..
امسكت الجاكيت لتقول وده هعمل فيه ايه يعني..
زين تستري فيه نفسك بدل ما الرايح والجاي عمال يبصبص عليكي..واحنا هنروح على المنطقم اللي فيها بيتكم وانا عارف عوايد الناس هناك..
ابتسمت رحاب بسعاده لتقول لنفسها والله شكله وقع في حبك يابنت يارحاب وبدا يغير عليكي..
زين ايه رحتي فين..
رحاب هااا لا هنا هنا معاك .
زين طيب يلاا بينا عشان تلحقى ترتاحي قبل الفجر ..بكرى يومنا طويل..
********
ابتعد عنها عمر ليقول هو سالم بيه هيرجع امتى ..
لوله متقلقش مش راجع الاسبوع ده.
عمر بجد..
لوله ايواا ياروحي انا فاضيه ليك وقتي كله ملكك ياعمر انا بحبك اوووي..
عمر اتجوزتيه ليه ان كنتي مبتحبيهوش..
لوله عشان عارفه ان سالم هو الوحيد اللي يعرف يلوووي دراعك بشغلك وعارفه انت بتحب شغلك قد ايه..
ابتعد عنها بضيق وزعل مصطنع بقى كده عايزه تلووي ذراعي يالوله..
اقتربت منه لتيحط عنقه بذراعيها وتقول بهمس عشان فكرة انك سبتني ياعمر دمرتني معرفتش اعمل ايه عشان نرجع تاني وانت قفلت كل الابواب بوشي مفضلش الا سالم الللي هيوصلني ليك..متزعلش مني .
عمر بس ده جوزك وانتي كده بتخونيه..
لوله انا مبحبوش ياعمر ولا عمري هحبه انا بحبك انت متسيبنيش ارجوك .
عمر بس هو جوزك ..
لوله وانت حبيبي..
ابتعد عنها بهدوء ترتسم على شفتيه ابتسامه خبيثة لتتبعه الاخرى وتحتضنه انا بحبك اوووي ياعمر مش هعرف احب حد غيرك..
وانا مبحبش حد يالوله والحب ده مالوش مكان بحياتي وانتي كنتي فتره حلوه بحياتي وعدت بلاش تخليها فتره وحشه وخلينا فاكرين لبعض الحلو بس .
لوله بصدمه وكلامك من شويه..
عمر تقدري تتفضلي دلوقتي عشان خلصنا خلاص..
لوله يعني ايه..
عمر ببرود اطلعي براا.
لوله عمر انت بتقول ايه..
ليجذبها من ذراعها وسط صدمتها ويدفعها خارج الشقه هي واشيائها واغلق باب شقته واستلقي على الاريكه بارتياح ولم يأبه لطرقات الاخرى وصرخاتها المجنونه.
..وقال بتنهيده واخيرا خلصت من ام المشكله دي ..
لينظر الى الساعه ويحدث نفسه اتاخرت اوووي دلوقتي جدي هيزعل وهتاخر عالطياره كمان ..
غادرت لوله بصدمتها وهي تتوعد لعمر بتدميره وتدمير عمله حتى وصلها اشعار على هاتفها من عمر..لتفتحه بسرعه
كان تسجل لحديثهما في الشقه صوت وصوره وارسل لها رساله محتواها .
((بحياتي كلها مافكرتش اعمل كده مع وحده من اللي عرفتهم . انت اول وحده عشان اسلوبك كان زباله معايا ومش عارفه انت بتلعبي مع مين ..انا دلوقتي مش بهددك انا بديك تحذير لاول واخر مره.. معاكي يومين بس تصلحي كل حاجه عملتيه من غير ماتحمليني اي خسائر.. والا التسجيل ده هيوصل لجوزك وهيعرف حقيقتك وانتي عارفه كويس مكانة جوزك وانه مش هيسكت .
يارب تكوني فمهتي ومن غير سلام ))
لتصرخ بهستريا وهي ترمي هاتفها على الارض…
********
استيقظت شروق باكرا وكانت قد نامت في غرفة مريم كانت مريم غارقة في النوم ..
لتنهض شروق بهدوء وتذهب الى غرفتها لتحضر ثيابا لها لتغتسل لكنها لاحظت تلك الحقيبه الصفراء التي اخبرها عنها عمر سابقا ..
تملكلها الفضول لتعرف مالذي تحتويه تلك الحقيبة أنزلتها وصدمت بقمصان نوما من كل الالوان والتصاميم المختلفه..
لتلاحظ بدلة رقص جديده باللون الذهبي اخرجتها وابتسمت..
لتقول يخربيتك باين انك بجد خاربها ..لتقول بانبهارر الله دي جميله اوووي اول مره اشوف بدلة رقصه حلوه كده.
لتحملها وتسرع الى المرأة لم تتمالك نفسها حتى ارتديتها ووقفت امام المرأة لتقول بسعاده وهي تدور حول نفسها دي جميله اوووي ولونها تحفه نثرت شعرها الكستنائي ووضعت القليل من احمر الشفاه .. لتسرع الى هاتفها وتجد مهاتفات كثيره من رحاب لكنها تجاهلتها ظنا منها بانها تريد التحدث فقط ..
لتشغل بعض الاغاني وترقص وهي تحمل هاتفها تمايلات بخصرها وهي تتذكر طفولتها .. ارتسمت ابتتسامه على شفتيها حتى شعرت بيدين تحيط خصرها وتجذبها وووووو
حاولت افلات نفسها بخوف ورعب والاخر يشدد باحتضنها من الخلف ليلتصق ظهرها بصدره العريض همت بالصراخ حتى شعرت بانفاسه الساخنه تلفح وجهها ليقول بهمس ايه الحلاوه دي..
شروق بصدمه وارتباك ععععممر. .
اما عمر فقد كان مفتون بها ليدفن وجهه بشعرها وهو يستنشق عبيرها حتى تاه برائحتها لترتجف الاخرى بين يديه وتزداد نبضات قلبها لتقول بتلعثم وهي تشعر بيده تحيط خصرها والاخرى تتجول بين منحنيات جسدها بجرئه
شروق بغصة واختناق ارجوك ابعد قالتها بصوت مرتجف خائف وهي تحاول افلات نفسها بصعوبه لكنه كان مغيبا مظهرها وهي ترقص وتتمايل لم يدع مكانا للعقل او التعقل ادارها اليه ودفن وجهها بعنقها دون النظر اليها غير ابه لحالها ليهمس لها انت جميله كده ازاي ..
كنت مخبيه ده كله فين…
دفعته بكلتا يديها بقوه وزادت شهقاتها لتصرخ به بقولك سيبني ايه ..ايه اللي حصلك ..افلتها وووقف بصدمه وكأن صرختها اعادته الى وعيه ..
عمر مسح وجهه بحرج وهو ينظر الى شعرها المبعثر وخوفها منه ليحاول الاقتراب منها ويقول بحرج انا ..
مسحت دموعها باختناق وغصه لتقول بشهقات انت ايه ياعمر ايه …. انا اللي غلطانه عشان وثقت بحد زيك..لتهم بالمغادره لكنه امسك ذراعها بعنف ليوقفها..
تصنمت مكانها برعب خوف من تكرار مافعله ..
ليقول بضحكه ساخره اوعي تفتكري اني عملت كده عشان انتي عجبتيني انا عمر علام وشفت ستات اد شعر راسك واحلى منك بمليون مره .
شرووق بسخريه اهنيك عالانجاز ده ممكن تسيب ايدي بقى..
عمر ببرود.وهو يجذبها اليه ليحيط خصرها لتشعر الاخرى بتوقف انفاسها ابعد.خصلات شعرها ليقول..
عمر انا عملت كده عشان تحرمي تمدي ايدك على حاجه تخصني..
شروق انا ….بس…. يعني .
عمر بسخريه رجعنا تاني للتاتأه. .
لتستجمع شجاعتها لتقول حتى ولو مينفعش تقرب مني كده.
عمر مش انتي اللي هتجي تقوليلي ايه اللي ينفع وايه اللي مينفعش انتي غلطتي واتعاقبتي يبقى خلاص..واعتبري ده اخر تنبيه …حاجتي مبحبش حد يقربلها….واه احمدي ربنا انها جات على قد كده انا لو مكنتش شفتك بقيتي زي الكتكوت المبلول مكنتش سبتك بالساهل كده..
شروق انا كتكوت….
عمر بضحكه زعلتك اوي دي .
شروق بضيق انا نازله
عمر ببرود استنى هتنزلي كده..
نظرت الى نفسها وماترتديه ..لتصمت لثواني وتحمر وجنتيها وقد نسيت بانها مازالت ترتدي بدله الرقص امامه ..لتحاول ستر نفسها بحرج وتقول بتلعثم انا انا..
عمر بهدوء انا هخرج دلوقتي خدي راحتك .
ليغادر ويتركها لوحدها فور خروجه اسرعت لتغيير ملابسها وهي تشعر بالخجل وتانب نفسها على مافعلتها هذه ثم تعود وتقول لنفسها…وانا كنت هعرف منين انه هيرحع بالوقت ده…
اما عمر فقد ذهب الى غرفة الضيوف ليحوبها ذهابا وايابا يحاول التحكم بالمشاعر التي اجتاحتها و يؤنب نفسه ويلومها على فعله وعدم قدرته على السيطره على نفسه..ليحدث نفسه..
عمر مكنتش تعرف تمسك نفسك ..ايه اللي بيحصلك ياعمر انت شفت ستات أد شعر راسك اشمعنى البنت دي اللي عملت فيك كده..
مسح شعره بتعب وارتمى على السرير ليقول بشرود ربنا يستر من اخرها ياعمر .. ربنا يستر…
*****
رحاب وقف العربيه هنا يازين باشا..
زين الوقت متأخر سيبيني اوصلك بيتكم.
رحاب بحرج مينفعش حضرتك انت عارف يعني..
زين بسخريه مينفعش اوصلك وينفع تمشي بالشارع باللبس ده..
رحاب بضيق هو حضرتك ببتتريق عليا
زين سخريه اتريق واتريق ليه هو انتي عملتي حاجه عشان اتريق عليكي
رحاب …
زين يلاا هنزل اوصلك
رحاب مفيش داعي هنزل لوحدي.
زين انتي بتحبي تعندي دايما ومع كل حد والا بس معايا…
لينزل من السياره والاخرى تتبعه حتى اوصلها الى منزلها..
كانت تسترق النظر اليه بين الحين والاخر وتحتضن معطفه الذي ترتديه بحب..
زين وادينا وصلنا ياستي.حمد الله عالسلامه.
رحاب اللي يسلمك..لتعطيه معطفه متشكره اووي يازين بيه..
زين العفو بس المره الجايه ياريت متنزليش كده.
اومات برأسها. ليستاذن ويغادر والاخرى تقف امام الباب وتراقبه بحب..اما الاخر لم يلتفت اليها ابدا…
رحاب يارب يارب تكون من نصيبي يازين يابن ..لتشرد لثواني لحظه هو امه اسمها ايه يارب لازم اعرف اسم امه عشان الدعوه تثبت. …يلاااا المره الجايه هبقى اساله ..لتبتسم وهي تراه يختفي في الظلام وتقول بحب ..بحبك بحبك بحبك..يازين
*******
التقى عمر بشروق وهي ذاهابه لمريم لتوقظها..
عمر شروق ممكن تستني عايزك بحاجه..
وقفت بقلق من جديته لتنظر اليه وتترقبه لكي يتحدث..
عمر امبارح عم محمود تعب ونقلناه المستشفى ..
شرووق بصدمه ايه…وووو
*******
وصل زين شقته ليخلع معطفه وابتسم عندما تذكر رحاب وهي ترتديه وكل ثانيه تنظر اليه بحب ليشم رائحه عطرها على معطفه قربه من انفه ليشتم رائحة عطر انثوي هادئ ابتسم وهو يتذكرها لكنه بلحظه تحولت ابتسامته الى العبوس ليرمي معطفه بعشوائيه ويستلقي على الاريكه بتعب..
وهو يراقب هاتفه…حتى غفى استيقظ على رنين هاتفه الذي لم يتوقف. اجاب ليسمع بخبر موت العم محمود….
لينهض بتعب وعاد الى المستشفى بعد ان ابلغ عمر ..
*******
بعد مرور عشرة ايام..
عمر فتح نوافذ منزل العم محمود لتدخله اشعه الشمس لاول مره بعد وفاته..
فتحت عينيها الاخرى بتعب وقد شحب لونها..لتقول بتعب انت بتعمل ايه سكر الشباك..
نظر عمر الى رحاب ليقول ممكن تعمليلي فنجان قهوه ..
رحاب وقد فهمت مبتغاه اكيد طبعا بعد اذنكم..لتغادر وتتركها لوحدها معه..
جلس عمر على السرير مقابلا لها لتعتدل الاخر بجلوسها ليقول بهدوء مش كفايه بقى..
شروق ….
عمر مريم طول الوقت بتسألني عنك هقولها ايه ليزداد بكائها فور سماعها اسم مريم..
عمر جذبها الى احضانه لتسكن لأول مره دون ان تقاوم وكأنها بحاجه لهذا العناق لتنهار باكيه وتزداد شهقاتها ..
عمر ربنا يرحمه الدكاتره قالوا انه المرض واصل مرحله متقدمه .. ادعيله بالرحمه ..هو دلوقتي محتاج دعاكي..
شروق خرجت من احضانه وخصلات شعرها مرت بلحيتها الكثيفه لتقول بقهر ليه ..ليه يموت … هو مايستاهلش كده..
عمر لا اله الا الله حرام الكلام ده الموت علينا حق ..وهو لو كان موجود بينا دلوقتي كان هيعجبه حالك ده..وحدي الله يابنت الناس وفكري ببنتك
شروق بغصه بنتي ..بنتي هقولها ايه دلوقتي سندنا بالدنيا دي راح… مات ..هقولها جدك خلاص معدش موجود معانا هقولها انتي بقيتي يتيمه ووحيده ..هقولها ايه قولي هقولها ايه ..
عمر ابعد خصلات شعرها عن وجهها ليقول قوليلها جدك راح مكان احسن من هنا .راح.عند ربنا ..وهو بيدعلنا من هناك وعايزنا نبقى احسن الناس ..قوليلها انك لازم تكبري وتنجحي عشان جدك يبقى مبسوط منك..
شروق مش قادره ..مش قادره انا خلاص معدش ليا حد بالدنيا دي .
عمر وانا رحت فين..
نظرت اليه شروق بغصه
عمر طول مانفسي يروح ويجي ياشروق متخفيش مالدنيا دي ..مش هسيبك لوحدك هفضل جمبك وجمب بنتك ..
شروق :لحد امتى ..لحد امتى هتتحمل مسؤوليتي انا وبنتي..
عمر لحد اخر يوم فعمري انتي مراتي وبنتك هي بنتي يلاا قومي كفايه هروب قومي عشان بنتك محتجاكي.
شروق بس انا تعبانه …تعبانه اوووي..
عمر الناس كلها تعبانه مش بس انتي ..بس لسه بتقاوم وعايشه ..بلاش تفتكري انك الوحيده اللي الدنيا جايه عليها بصي حوليكي كويس هتلاقي ناس اسوء حال منك وحامدين ربنا وشاكرينه…
شروق انت مش حاسس بيا ليه انا مش قادره اكمل ..
عمر هتقدري يلاا قومي ..وانا معاكي وهتعدي كل الوحش ده … عشان اللي جاي احلا بكتير ..فكري بمريم متفكريش بنفسك..
شروق …
عمر نهض بابتسامه ليحملها بين ذراعيه..ويتجه بها الى الحمام..
لتقول باعتراض وصدمه وصراخ انت بتعمل ايه نزلني ياعمر نزلني….
انزلها عمر في الحمام وقال واضح ان في ناس اتعودت عالدلع .
شروق بجديه انت ازاي تعمل كده..
عمر بابتسامة زي الناس ..هااا هتاخدي شور والله احميكي انا ..ليكمل بغمزه انتي عارفه اني هموت واعملها…
شروق ايه قلت الادب دي متحاو..لليقاطعها وهو يحيط خصرها ويتكلم امام شفتيها صوتك ده ميعلاش على جوزك ياست هانم..
شروق انت صدقت نفسك …احنا بينا اتفاق..متنساش ده..
عمر وهو يقترب منها اكثر مش ناسي لتصدم الأخرى بي……
********
كانت رحاب تسترق السمع عليهما ولم تشعر بمن يقف خلفها..
لياتيها صوت من الخلف بتعملي ايه..
رحاب دون انتباه اششششش سبني اسمع..
زين اقترب منها هما بيقولوا ايه.
رحاب بضيق اششش سبني اسمع عشان اقولك..
ابتسم زين واعتدل بوقفته ليقول بصوت عالي نسبينا عمر لتغلق فمه وتدفعه الى المطبخ يخربيتك فضحتنا..
شعرت بالتوتر من قربها منه لتزداد نبضات قلبها وابتعدت بسرعه لتتعثر وكادت ان تسقط لكنه احاط خصرها وجذبها اليه والتقت عيناهما لثواني..
تاهت رحاب بعيني زين العسليه والاخر نظره متركز على شفتيها…
اقترب منها دون شعور واراد تقبيلها لكنه صدم بيييييييي
شغل الماء وابتعد بسرعه لكي لا يبتل..ترتسم على وجهه ابتسامه لطيفه..
شهقت بصدمه وقد اغرقت المياه ثيابه لتقول بغضب اي اللي انت عملته ده..
رفع كتفيه بلا مباله ليقول ببرود.عشان تسمعي الكلام مره تانيه..
شروق انت ايه يا اخي ايه..انت عيل اووووي ازاي تعمل كده.
عمر بتجاهل عشر دقايق وتكوني خلصتي انا هخرج اشرب قهوتي لحد متجهزي..
شروق تقدمت نحوه انت..
عمر اشششش مش عايز اي اعتراض ..ليقول بغمزه الا لو حابه اساعدك .
شروق اطلع برررا
عمر بضحك وهو يشمر عن ذراعيه شكلك عاوزاني اساعدك بس مكسوفه مفيش مشكله..
شروق بحرج وصراخ وقد اقتربت منه لتدفعه خارجا بقولك اطلع ياعمر اطلع..
عمر ماشي متزقيش تصدقي انك هبله يابنتي اتبلت هدومي بسببك..
شروق احسن تستاهل لتغلق الباب بوجهه..
عمر بصوت مرتفع مع ابتسامه مرحه ماشي ياشروق ماشي دي مش هتعدي بالساهل..انا طالع عشان تجهزي بسرعه ماشي..
لتبتسم الاخرى وهي تنظر لثيابها المبلوله وتحرك رأسها يمينا ويسارا بقلة حيله..اما الاخرى فقد خرج من الغرفه.واتجه الى المطبخ.
صدم زين بصفعة قويه من رحاب ليتسمر مكانه واضعا يده على خده..ينظر الى رحاب بصدمه
اما الاخرى لم تتحمل ماحاول فعله لتقول بغضب شديد انت واحد قليل الادب ومش متربي فاكرني ايه هااااا ..ودفعته وغادرت بسرعه وقد اغرورقت عيناها بالدموع ليلتقي بها عمر على فين ياانسه..لكنه لم تجبه وغادرت مسرعة وتركت الشقه باكملها..
عمر في ايه يازين دي مالها..
زين ….
عمر زين انا بكلمك عملت للبنت ايه..
لكن زين لم يجبه ليسرع باللحاق بها…
امسك يدها امام باب شقتها.
زين استني …
رحاب وهي تحاول افلات ذراعها منه سبني …اي البجاحه دي لاحقني لحد هناا
زين مكنش قصدي انا معرفش ايه..
رحاب انت ايه هاااا قلت لنغسك بنت بتهزر معايا وتضحك ومدياني مجال اوووي شكلها سهله ليه مجربش معاها..
زين لا والله مش كده..انتي فهمتي غلط انا بس
رحاب بغصه لا كده ونص بس لاااا يازين باشا انا متربيه ومتربيه كويس اووووي واللي عملته ده مش هنساه ابدا ودلوقتي ابعد عن طريقي.عشان مش طايقاك.
زين ممكن تهدي انا والله مش كده..
رحاب مش مهم انت ايه ميهمنيش وابعد عن طريقي احسنالك ويكون بعلمك انا مش زي محضرتك فكرني..
زين عارف والله عارف انك بنت محترمه وخلوقه بس..
رحاب مش عايزه اسمع منك حاجه ارجوك سبني..
زين استني بس ..
لتبعده عن طريقها وتدخل شقتها واغلقت الباب بوجهه واسرعت الى غرفتها لتدفن وجهها بالوساده وتبدأ بالبكاء.
اما زين شعر بالحرج من فعلته وذهب الى سيارته وهو يشعر بالضيق.. اتصل به عمر ليجيبه..
عمر ايه يابني روحت فين وايه اللي حصل..
زين مفيش ياعمر عندي شغل مستعجل ومضطر اروح..
عمر ماشي بس مال صوتك..
زين مفيش اكلمك بعدين..
عمر زين..هو ايه اللي حصل مع الانسه رحاب..
زين بحرج وهو يتذكر موقفه السخيف معها ليقول بارتباك وحرج محصلش انا مضطر اقفل..
عمر ماشي يازين بس احسب حسابك لينا قعده مع بعض..
زين ربنا يسهل..
*******
اغلق عمر الهاتف واعد فنجانين من القهوه .
وجلس ينتظر شروق لكنها لم تخرج..
دخل عليها ليقول ايه التاخير ده كله..
ليصدم برؤيتها بملابسها الداخليه السوداء اسرعت الى ملائه السرير لتغطي جسدها.
عمر بحرج انا اسف ..
شروق بارتباك وحرج اي اللي جابك هناا اطلع برااا
عمر وهو يدير وجهه انا اسف والله بس انتي اتاخرتي وخفت يكون جرالك حاجه..
شروق اطلع برااا..ارجوك اطلع برااا
عمر اه اكيد طبعا طبعا.. خرج عمر وقام بفك ربطه عنقه يشعر بانفاسه بدات تثقل وان المنزل اصبح شديد الحراره اصبح يلوح بيده يحاول التخفيف من الحر الذي بدأا يشعر به لتخرج شروق بعد ان ارتدت ثيابها وحجابها..
شروق بهدوء محاولة تجاهل الموقف الذي حدث انا جاهزه.
عمر وهو ينظر اليها بفتتان ليقول بسرعه وتوتر طيب يلاا عشان مريم مستنياكي..
ليتقدم نحو الباب محاولا عدم النظر اليها حتى سمع صوتها الناعم مما زاد ارتباكه..متشكره ياعمر على كل حاجه وانك اهتميت بمريم..وانا اسفه عشان حملتك حاجه فوق طاقتك..
لم يلتفت اليها عمر ابدا ليقول بهدوء لو فضلنا نتكلم كده هنتأخر يلاا هسبقك عالعربيه..
ليغادر بسرعه وسط استغراب الاخرى.
اوصلها عمر امام المنزل لتنزل الاخرى..
شروق وقفت تنتظره يتبعها لكنه لم ينزل من السياره..
شروق مش هتنزل..
عمر عندي شوية شغل ومضطر امشي..انتي اطلعي هتلاقي مريم بؤوضتها او عند اسيل
شروق اومأت براسها ليغادر الاخر وشروق تتجه الى الداخل..
*********
في منزل زين
كان زين مستلقي على الاريكه مغمض عينيه بضيق يحاول التفكير لاصلاح الامر مع رحاب وهو نفسه لا يعلم لما فعل ذلك..حتى قطع شروده طرقات على الباب نهض بضيق..ليجد عمر امامه وحاله ليست بافضل منه..
..
عمر دفعه ودخل ليجلس على الاريكه ليقول اعملنا فنجانين قهوه عشان مصدع.
زين مالك ..
عمر تصدق لو قلتلك معرفش..
زين بابتسامه ايه ياعموره وقعت والا ايه..
عمر قصدك ايه..
زين شروق .
عمر لا ميروحش تفكيرك لبعيد.. انا عمر علام محدش يعرف يوقعني..
زين بضحك اه مهو باين..
نهض عمر بضيق لو فضلت تتكلم كده انا همشي ..
زين استنى يابني خلاص هسكت ..هروح اعملك فنحان قهوه.
عمر لا متعملش …ليفكر قليلا متجي نطلع نغيير جو عشان مخنوق..
زين تصدق فكره انا كمان محتاج اخرج..ليلتقط معطفه وينهض يلااا بينا. ليغادرا معا…
********
مريم وحشتيني اوووي ياماما انت ازاي تسافري وتسيبيني لوحدي.
شروق ياحبيبتي سافرت عشان الشغل انتي عامله ايه..
كويسه بس ماتسافريش تاني وتسيبيني لوحدي عشان وحشتيني اووي .
شروق احتضنت وجنتيها وقبلتها قبل كثيره بحب واشتياق حاضر ياروحي..عملتي ايه بالوقت اللي سافرت بيه..حد زعلك حد قالك حاجه.
مريم لا كنت ما اسيل وعمر ودوني الملاهي واكلت شوكلاته وايس كريم واشترالي عمر لعب كتتتيرررره اوووي تعالي هوريهالك..لتسرع الى سريرها وتاتي بكميه العاب لتريها لشروق التي ابتسمت برضا وسعاده وهي تنظر الى سعاده طفلتها ..
مريم ماما…
ايواا ياروح ماما..
مريم عارفه النهارده ايه..
شروق ايه..
مريم هقولك بس متقوليش لحد وخاصه عمر..اوعديني
شروق ليه هو سرر.
مريم ايوااا سر اسيل قالتلي انه مقولش لحد بس انت ماما مينفعش اخبي عليكي..
شروق بانتباه ماشي اوعدك هااا بقى ايه هو السر..
مريم قربي عشان اوشوشك..
شروق بابتسامه حاضر اهو…
مريم النهارده عيد ميلاد عمر…
**********
زين مالك..بتفكر بإيه
عمر انت الللي مالك…
زين مفيش…
عمر ايه اللي حصل بينك وبين الانسه رحاب..
زين محصلش حاجه..
عمر مش مصدقك ولا مرتاح لخروج البنت بالشكل ده…كانت متضايقه جدا..وبتعيط عملتلها ايه
زين قلتلك مفيش..
عمر ماشي برحتك…
زين وانت لحد امتى هتفضل كده..
عمر مش فاهمه..
زين متتكلم مع البنت بصراحه..
عمر بنت مين..
زين عمر انت فاهمه انا بقصد مين..شروق طبعا
عمر ….
زين انت خايف من حاجه ياعمر
عمر بسخريه خاييف انا اكيد لا طبعا..
زين طب كويس متكون صريح معاها وقولها اللي جواك..
عمر مش هينفع ..
زين ليه يابني
عمر عشان انا اتعودت عالعيشه دي ومفيش ست تتقبل حياتي كده..
زين مش هتفضل طول عمرك كده ياعمر هو انت مش نفسك تخلف..وتبقى اب..
عمر اخلف تصدق ولا مره فكرت بالحكايه دي..بس عارف يازين وجود مريم بحياتي الفتره دي خلتني اعيش احاسيس اول مره اعيشه..بجد انك تبقى اب دي حاجه عظيمه جدا … مريم قطعه من الجنه..
زين وامها..
عمر دون وعي منه امها دي اللي ملخبطاني مش عارف عملت فيا ايه ولا عارف بيحصلي ايه لما بشوفها..
زين طب متقولها الكلام دن .
عمر تفتكر هعرف..
زين انت شكلك حبيتها ياعمر ..
عمر بارتباك احم حب حب ايه يازين متكبرش الحكايه ..
زين عمرر انا حاسس ليقاطعه هاتفه وقد وصلته رساله من اسيل…
نهض زين مش يلااا بينا نروح..
عمر خلينا كمان شويه الجو هنا جميل
الجوى اللي جميل والا حضرتك بتهرب من حاجه..
نهض عمر بغيظ واهرب من ايه يعني يلاا هنروح..
زين وهو يتجه الى السياره تهرب من شروق مثلااا..
عمر متعرفش تسكت ياخي ..
*******
وصل عمر ليتفاجأ باحتفال بسيط قامت باعداده اسيل بمناسبه بلوغه سن الاربعين..احتفلت جميع العائلة بعمر ليهمس له زين مالك بتوزع ابتسامات وشكلك مش مبسوط..
عمر بهمس انت عارف مبحبش اعياد الميلاد بس مش عايز احرج اسيل ..
زين ياعم هو حد طايل ..بس استنى هديت الحج حسن هتعجبك اوووي..
عمر بسخريه يعني هيكون جايبلي بونبنايه ..
زين بسخريه ظريق انت خالص..
عمر من بعدك. يازينووو.
زين استنى استنى وااله هتدعيلي…ليوجه حديثه للحج حسن ايه ياحج مشفتش هديتك لعمر
الحج حسن بابتسامه هديتي عمر ياخد مراته ويروح على فندق ال**** يتعشوا ويقضوا اليوم كله هناك حجزت جناح خاص بيهم هناك..
صدمت شروق من هذا الموقف الذي وضعت فيه ..
اما عمر مهما حاول اخفاء ابتسامته فقد لاحظها الجميع..
شروق بعد اذنك ياحج مينفع..
قاطعها الحج حسن هترفضي هديتي يابنتي ..
شروق…..
همس زين لعمر انشالله يطمر..
عمر دي فكرتك بجد..
زين بفخر اه..
عمر حبيبي يازينووو…
********
وصلوا الى الفندق وفور دخولهم الممر سمع عمر صوت شاب يناديه وكان احد عملائه..
عمر اهلا تامر بيه ازيك..
تامر الحمد لله كويس.لينظر الى شروق بانبهار فقد تفننت اسيل بتجهيزها وبدت كعروس ..اراد تامر مصافحتها لكنها امتنعت بابتسامه حرجه..
ليكمل الاخر لعمر ايه المزه الجامده دي ياعمر بيه دايما حضرتك تعرف تختار.
عمر وهو يجزي على اسنانه حاسب على كلامك دي مراتي.
تامر بحرج واعتذار انا بجد اسف الف مبروك يامدام انا اسف ياعمر بيه مكنتش عارف انك اتجوزت
عمر بغضب واديك عرفت بعد اذنك ليجذب شروق من يدها بعنف وغيره ويدفعها الى داخل الجناح الخاص بهما بغضب .وهو يغلي من الداخل بسبب نظرات تامر الجريئه لها…
شروق في ايه مالك ..
عمر اخذ يجوب الغرفه ذهابا وايابا ..دون التفوه بكلمه مما اثار خوفها لاول مره تراه هكذا..لتقول بخوف عمر في حاجه..
عمر بحده اسكتي مش عايز اسمع صوتك قالها ..
شروق بخوف ودموعها ملئت عينيها تهدد بالسقوط في ايه هو انا عملت حاجه غلط..
عمر وقف للحظه وهو ينظر اليها…
شروق بتوتر من نظراته والغضب الظاهر عليه انا هروح اتجهت الى الباب لكنه اوقفها بسرعه واحاط خصرها ليحذبها اليه بسرعه وقبلها بعنف وغيره وتملك ووووووو
*.. يتبع ..*
> *تـفاعل حـلو منڪ بيشجعنا انه نڪمل♥🌹*