عشقت عيون نوف عشق لاينتهي - البارت الخامس عشر - بقلم مجهوله | روايتك

ثاني يوم الكل يتجهز عشان يروح الديره.. ﴿في شقه ماجد ونوف﴾.. نوف ترتب الملابس يلي بياخذوهن لديره.. ماجد: نوفتي.. نوف بدون ماتناضره: همم.. ماجد: ليه احسك زعلانه مني.. نوف لفت لعنده وقالت: ليه ازعل.. ماجد: يعني مازعلتي لان ياسر وزوجته بيروحو معنا في السياره.. نوف بسرعه: لاابد مستحيل وش بلاك ياماجد اخوك قبل لااكون زوجتك متضايقه اشوي بسبب الغثه داليا.. ماجد: لييه.. نوف: مو وقت الحين اتجهز نروح هيا.. ماجد: زين ماابي سر يتخبي بيننا تمام.. نوف: طيب.... وهو دخل الحمام عزكم الله عشان يلبس وهيا سوت لها اشوي كحل وروج وردي هادى جداً خرج  وشافها وابتسم وقال: ليه تتكحلين وعيونك عيوان غزال. ابتسمت وقالت: ابي ازيدهن جمال.. ماجد: اقول امسحيه ترى بزعل.. نوف: لييه.. ماجد: وش يلي ليييه تراني اغار.. نوف: لهدرجه تغارماجد: ايييه حتى اني اغار من الكحل يوم يلامس عيونك.. نوف: ليييه تغار من كحل انت بزر.. ماجد: ليييه يانوف منتي برمنسيه.. نوف بحب: وش دعوه وليف قلبي وحلالي.. ماجد: ياقلبي اجل اسمعين وش اقول.. نوف: اسمع قول ياجعل ماغيرك يقول ماجد: لا شيء أكثر مِن عَينَيكِ يُغرِيني ‌مهما رَأيتُ عُيوناً لَيس تَعنيني جل الذِي فِيهِما قد شاء مُعجِزةً قَد أبدع الله فِي رَسمٍ وتَلوِينِ عَيناكِ نَهرانِ مِن شَهدٍ بلا كَدَرٍ لَو نَظرَةٌ مِنهُمَا بِالحُبِّ تَسقِيني أبحَرت نَحوَهمَا أَخشَى بِعُمقِهِمَا ضَياع عَقلي فَأهذي كالمَجَانينِ... نوف: يااااااعمري فديتك يامجنون.. ماجد بصدمه: ليه مجنون.. نوف: قلت انك تهذي كلمجانين يعني مجنون ماجد: ياويلي ويلاه وش هرمنسيه الغريبه.. نوف اخذت العطر ورشته له اشوي وقالت: تعرف اني من رشات العطر اغار.. ماجد: تبين تذبحيني انتي... نوف وهيا تتطالع عيونه وترمش بعيونها بلطف ابتسمت وقالت: ياجعل مايحبك غيري.وابتسمت. ماجد: وش هدعوه هذي.. بس لاتناضريني كذه ترى اذوووب ومابقدر اسوق السياره.. نوف: فديت السياره وراعيها ضحك ماجد وقال: حلو حلو محاولاتك لابئس بتتعلمين مع الايام.. نوف: زين بدات اتعلم.. ماجد بحب: انتي حتى كلمه مجنون منك عسل.. نوف بخجل: مااااجد استحي.. ماجد: الحمد لله يارب انك حطيتها بطريقي نوف: وش هي.. ماجد: انتييييي. نوف ابتسمت بحب وقالت: مجودي تراني استحيييي.. ماجد: ياقلبيييي على يلي يستحوووون انا.. نوف: هيا هيا لانتأخر الحين ماجد: اتغطين زين وانا باخذ الشنطه.. ومد يده واخذها وهي لبست ولحقته وخرجو وشافو ياسر وهند وابنهم ماهر منتضرين لهم.. ماجد: اتأخرنا.. ياسر: لا ابد.. ماجد وهو يحط الشنطه بكبوت السياره: يالله.. وقعد هو ياسر بالامام وهند ونوف ومعهم ماهر في الخلف.. اتحرك ماجد وخرج من الحوش واتجهه ع طريق الديره.. ياسر: اشلونك يانوف. نوف بصوت واطي: الحمد لله وانت اشلونك. ياسر: الحمد لله.. الله يرحمها امك ويسكنها فسيح جناته. نوف:امين يارب.. هند بكره وهمس: الله ياخذك وراء امك.. نوف سمعتها بس طنشت ماتبي مشاكل قدام ياسر وماجد.. هند تهمس لماهر: حبيبي ماهر تبي شكلاته.. ماهر هز راسه بفرح.. هند بنفس نبره الهمس: اجل طفش نوف وانا اعطيك.. ماهر بهمس: تمام. وقرب من نوف وقال: عمتييي.. نوف باستغراب: هلا.. ماهر: ليه عيونك كبااار. هند بنفسها: الله يبلاك ان قلت تطفشها مو تمدحها.. مد ايده ماهر وسحب اشوي من نقابها وضحك.. نوف رفعت النقاب وقالت: لا حبيبي.. سحب النقاب  مره ثانيه وقال: وحش الاطفاااااال هييييييي. نوف فتحت النقاب وقالت: مين يلي وحش الاطفاااال ياحبيبي. ورجعتها.. ماجد انقهر منها اشلون تفتح النقاب كذه وقدام اخوه اذا في البيت موب بمشكله بس في السياره غير.. وانقهرت هند اكثر وفهمتها انها تبي تعلم ياسر اشلون هي حلوه.. هند بعصبيه: ماهر يبي حمام.. ياسر يلي مو ملاحض شي: الحين.. هند بحده: لابعدين اييييه الحين.. ماهر: بس انـ.. صكت فمه وقالت: الحين الحين.. وقف ماجد عند محطه وقال: اهنا في حمامات نزلينه.. هند: الحين هيا.. نوف حست كيف انقلبت ملامح ماجد وزعل.. قربت هند بقهر وفتحت الباب يلي جنب نوف وقفت اشوي وداست على رجل نوف بقوه نوف: اااااااه عمى ماتشوفين.. نزلت هند وقالت: مو بقصدي.. ياسر: وش في عسى ماشر.. هند: مافي شي دعست على رجلها بلغلط تعال ماهر يبيك. نزل ياسر معهم وارحو للحمامات.. نوف حست اصبع رجلها الصغير انشل لانها داست عليه بقوه والمشكله كانت لابسه كعب.. نوف تدلك اصبعها وهمست بوجع: ااااااي اففف.. اتنهد ماجد وخرج من السياره وراح وفتح الباب يلي جنب نوف وقال: اشوف.. نوف بوجع: مايحتاج.. ماجد: نوووف بلا عناد خليني اشوف وش صار برجلك.وانحني اشوي. ونوف قربت رجلها اشوي صوبه وخلعت النعال مسك اصبعها بحنيه وقال: توجعك. نوف: ااااي ااااي اشوي اشوي وش بلاك تراها توجع مررره.. ماجد: ان شاء الله مافيها كسر.. وحركها يمين وشمال.. نوف: لالا وش يلي كسر.. بس وجع.. ماجد: زين اذا اوجعتك مررره ماتخبين علي عشان اخذك للمستشفى.. نوف: لالا مستشفى لا مايحتاج.. ماجد:  لاتلبسين النعال خليها كذه ولاتحركها كثير.. نوف هزت راسها بوجع.. ماجد ووقف زين وكان بيسكر الباب بس مسكته من يده وقالت: لاتزعل ترى والله ماقصدت شي كنت ابلعب مع ماهر.. ماجد: تلعبين بس مو بنقاب عيب يانوف.. نوف بحزن: والله اسفه ياماجد ماتوقعت تزعل بالاصح ماحسيت الا وقد سويت الحركه اسفه.. اتنهدت وابتسم وقال: خلاص لاتشيلين هم.. نوف: والله.. ماجد: مره ثانيه بزعلللل.. نوف قربت وجهها وباست يده يلي كانت ماسكه الباب وقالت: فديتك.. ماجد انصدم من حركتها المفاجئه وقال: ااا تمام يالله.. وسكر الباب وهي ابتسمت على ردت فعله واتعدلت بجلستها..رجعت هند وياسر وبجضنه ماهر. ناضرت نوف بكره وقالت:عسى ماانكسرت..نوف:لا الحمد لله... وصدت بوجهها عنها وناضرت شباك السياره واتذكرت امها ودعواتها لها وقالت في نفسها: شوفين دعوتك انقبلن ان ربي يرزقني بزوج يحبني واحبه..صح الثلاث الايام  الاولى في زواجي ماكانت حلوه بس ماجد عوضني.. واتنهدت وعدلت جلستها ورزحت راسها ع الكرسي ونامت... ماجد ناضرها من انعكاس المرايه وابتسم.. ياسر يلاعب ماهر.. وهند كل شوي تناضر زوجها لين يشوف وبعدين تتالع نوف بحقد وكره.. ****************************** نوف نوف وصلنا.. نوف فتحت عيونها بشويش وتشوف ماجد قدامها مبتسم.. نوف تعدلت بجلستها ومسحت على عيونها وقالت: هاه.. ماجد: وصلنا الديره.. نوف بعيون ناعسه: صدق.. ماجد: ههه بكذب عليك انا. نوف: هههههه لاابد ماقصدت.. ماجد: يالله انزلي لبيتنا وانا باروح مع اخوياي.. نوف: زين بس لا تتأخر.. ماجد: تمام حبيبي يالله انزلين. وعدلت نقابها ونزلت وشافت الهنوف تحتريها ناضرت حولها وشافت اغنام تمر من جنبها وريحه طعام تفوح  والبيوت قديمه واطفال يلعبون ابتسمت وراحت مسكت الهنوف  ودخلين البيت.. ماجد فتح كبوت السياره وخرج الشنطه وهمس: ‏كُلُّ العُيُونِ إلى الآفاقِ شَاخِصَةٌ  وَأنتِ هِلَالِي، فَمَا لِي وَالسَّمَاوَاتِ؟! واتنهد بابتسامه وسكر كبوت السياره ودخل الشنطه وخرج من البيت واتصل لمهند.. رد مهند: هلا ماجد.. ماجد: هلا فيك وينك انت.. مهند:في الاستراحه.. ماجد: انت ومين..مهند: والله مساعد وسعد ومحسن وابشرك بدر خرج من السجن وهو الحين معنا.. ماجد بفرح: قووول والله متى خرج.. مهند: قبل يومين.. ماجد: بشرك الله بوجه النبي اجل احتريني اجيك  الحين  مهند: احلف.. ماجد: عاد يبي لها حلفان.. مهند: اقول ماجد من جدك.. ماجد: وش بلاك مو مصدقني الحين ادق باب الاستراحه..وسكر الخط ودق باب الاستراحه وقف مهند بسرعه وفتح وشافه ابتسم وقال: ياهلا ياهلا تومنور الديره.. وسلم عليه وقف مساعد وسعد وبدر ومحسن وسلمو عليه بفرح ورحبو به... جلس ماجد وقال: وين القهوه ياااولد.. مساعد: ماتتغير انت تراك دخلت قائمه المتزوجين مع سعد  ومحسن اعقل. ماجد:هههههه واذا يعني.. محسن: ارحب تراحيب المطر. ماجد: توه اتذكر اني جيت هههههه.. محسن: هههه وش بلاك انخبلت انت..الناس تكبر وتعقل مو تنخبل. ماجد: هههههههههههه.. بدر هز راسه فجاءه وحس عليه مساعد وقال: بدر وش بلاك. بدر بسرعه: لالا ابد وش بلاني ودلك لحيته وتحت خشمه.. لاحضو كلهم وناضرو بعض ماجد: اااا بدر وشلونك.. بدر: زين زين.. بسسسسس سعد: بدر وش بلاك بسسسس وشو.. بدر بسرعه: انتم اخوياااي صح وبتوقفون معاي.. محسن: ابشر ولا تشيل هم وش بغيت.. بدر: بسسس باكت بموووت كذه مساعد بعصبيه: بدددددر وش قلنا احنا تبي ترجع بيننا تنسي هلزفت.. بدر وقف بسرعه وهو يتعرق وقال وهو يهز راسه ويدلك وجهه: بس باكت.. وقف الكل معه وهو يناضرونه باستحقار وحزن. مساعد: اقول يابدر ترى يلي تسويه خطاء.. قرب ماجد من بدر ومسكه من كتفه وقال: مَنْ لَمْ يَعِشْ مُتَعَزِّزًا بِسِنَانِهِ بيمُوتُ مَوْتَ الذُّلِّ بَيْنَ المَعشَرِ لَا بُدَّ لِلْعُمُرِ النَّفِيسِ مِنَ الفَنَا "فافزَع إلىٰ اللهِ واقرَع باب رحمتِهِ فهوَ الرجاءُ لمن أعيَت بهِ السُّبُل وأحسِن الظنّ في مولاكَ وارضَ بما أولاك؛ ينحلُّ عنك البؤسُ والوَجَلُ" وبًعٌدٍ عٌنِ آلَفُسِآدٍ وٌآطِلَبً مًنِ آلَلَهّ آلَرجّآء. واتنهدت وقال:اسمع يابدر يلي تسويه الحين خطاء ولان لك معزه في قلوبنا نخاف عليك.. بدر ناضره بانكسار وقالت بصوت متوجل وخايف: ب بس بس باكت اوحبه.. مهند بصوت عالي: وش يلييييي باكت وش يلي صااارلك يابدر.. دف بدر ماجد ومسك مهند من قميصه وصرخ: وييييين انت اخذتهن منيييي عطني ياااهن.. مهند يدفه: وخرررر يابدر.. ماجد: بدر هدي تراك اخطيت توب.. سعد: هذه ماينفع معه الطيب ابد..وخر بدر عن مهند ومسك راسه وصرخ: اااااااااااي.. مساعد اشر لهم يخرجو... وبدر شاف مسدس محسن فوق الكنبه سحبه بسرعه ووجهه صوبهم.. ناضروه بصدمه وخوف.. محسن: بدددر خلي عنك الجنان وعطني المسدس.. مهند: وش بلاااااك انت انجنييييت انخبل عقلك عطيه المسدس.. ماجد: بدددددر اعقل لاتسوي الشين ياولد...بدر: ب ب باكت او حبه بس وانا بتوب.. سعد: اقوووول اسكت منت برجال ترفع السلاح على اخوياك وترى اذا ماعطيت محسن سلاحه مابيسرك الخاطر.. محسن: اييييه. مساعد اشر لهم مره ثانيه يخرجو.. مهند: اخطيت واتحمل عقابه.. وخرجو بسرعه وسكرو الباب وراهم لحقهم بدر وطق على الباب بقوه وعصبيه وصرخ: افتحوووووو عطونيييي حبهههه ماجد يمسح على شعره ويقول: وش هلمصيبه يلي حلت على رأسنا.. مساعد: بتصل على الشرطه.. ماجد: لا وليه الشرطه بيعقل.. مهند: لا تراه صار مدمن وكذه خطر علينا وعليه اقول مساعد دق لشرطه.. مساعد: هلمره بينسجن ومابيخرج.. ماجد اتنهدت باسف وقال: اقول انه بينقلوه لمستشفى.. محسن: وانا اقول كذه وبيكون مرتاح ويريحنا.. سعد: اجل يامساعد دق ع شرطه.. مساعد: زين ابدق الحين... *********************************** ام علي بصوت عالي: يانووووووووف.. خرجت نوف من الغرفه وقالت: عسى ماشر وش تبين. ام علي: لييييه ماتردين وش قاعده تسوين. نوف: ليه نوف نوف ترى عندك اربع حريم بعد.. ام علي: اقول اسكتي بس الحين تنظفين المجلس بيجون عندنا اضيوف  . نوف: وليه انا بذات.. ام علي: لا اني ابيكي انتي عندك اعتراض يالللله.. وقفت وراحت غرفتها.. نوف: لاحوووووووول خرفنت بزياده هلحرمه.. واتنهدت ودخلت المجلس ولقت الجد لف لعندها وناضرها بحده وقال: وش عندك.. نوف: قالت عمتي مزنه انظــــ... قاطعها بحده وعصبيه: انقلعيييييي ماابي اشوف وجههك.. ياللله.. فزت نوف وخرجت من المجلس وهي مصدومه وقالت: ياربي انا وش سويت لهم ليييييه كذه يعاملوني اففففف.. وراحت غرفتها... بعد ربع ساعه خرجت ام علي وراحت المجلس لقيته مثل ماكان عصبت وصرخت بحده: نوووووووووووف خرجت نوف وكل حريم عيالها.نوف بملل: وش فيييييك تصارخين..ام علي بعصبيه:يابنت الكلببببب انا قلت لك تنظفين المجلس..نوف بعصبيه:ايه قلتي وش دعوه هصراخ..ام علي:ولييييييييه مانظفتينه..ومسكتها من شعرها بعصبيه..الهنوف:لا يمممه..نوف تمسك على شعرها بوجع وصرخت:اااااااه وخرررري..ايييي.. ام علي بحده يلي ماتستحي تعارضيني...ودفتها بقوه وكملت:ياللللللله ادخلين نظفي..سمر وامل وهند وداليا وزهره يناضرنها بشماته وفرح..نوف بعصبيه:ماااالي علاااااقه ترى ماعندك حرمه ابن وحده عندك اربع بعد لاتحمليني المسؤاليه كلها لوحدي افففف..ودخلت غرفتها وردت الباب بقوه..ام علي بعصبيه:هييييين يانوف...وضربت بعصاها ع الباب وراحت..زهره:قليله ادببببب يبي لها تربيه من جديد..سمر:والله وطاعت تعارض عمتي مزنه. داليا:الحين خالتي توريها شغلها..امل:ههههه.....الهنوف:اقول انتي وياه اتركين عنكن السوالف وروحين سوين غداء..سمر:ليييه تتامرين علينا انتي...الهنوف:وليه لا، الحين انادي امي واقول موب راضيات يدخلين ع المطبخ..ومشت..ياسمين:هيا تراكن تحبين السوالف يلي ماتنطاق..امل:اليوم سوي انتي وهند وانا وسمر بكرا..تعالي ياسمر ومسكتها وراحين يسولفين السواليف يلي ماتنتهي...هند:يعععع الله ياخذهن..ياسمين:لاتدعين على احد ويالله..هند:هيا.. ********************************