عشقت هواك - الفصل 28 | روايتك

الجزء 28: رماح:وكل واحد فينا رح يشرب من نفس الكاس اصايل:يعني ما ظلمت حدا بحياتك كان عم يفكر كتير رماح:الله اعلم بس انا حتى ازا شفت نملة بخاف ادعس عليها بزمانها امي الله يرحمها حكتلي بحياتك لا تأذي اي مخلوق بوقتها كان عصفور معشش بحفرة ورا بيتنا وقلتلها بدي اصيدو حكتلي بتدعي عليك زرعت براسي فكرة انو شو ما عملت رح يرجعلي اصايل:ما خبصت متل باقي الشباب رماح:ما بحكيلك اني انسان ماشي على الصراط بس جاهدت نفسي والله بيعلم حتى نزواتي انجبرت عليها اصايل:مافي داعي تحكيلي اصلا وقت افتح مواقع التواصل وأشوف كمية الفساد بقول الله يثبت هالناس يعني عنجد تلوث بصري وسمعي رماح: يعني الي بيصمد بوسط هالفساد لازم يعطوه اوسكار اصايل:😂 صمدت انت رماح:ولو اتفرجت بكون بدي اتثقف مو اكتر ضربتو على كتفو يا ويلي اديشو مشكلجي اصايل:وبتعجبك الثقافة رماح:ازا كانت الثقافة لابسة قصير او بلوزة لفوق السرة😂بتعجبني اصايل:اديشك مثقف وثقافتك بلا اخلاق رماح:بس بتكون حلوة😂 اصايل:لا عنجد ازعلت منك وانزلت من عيني رماح:احكيلك بكل شفافية اصايل:الله يسترني رماح:مافي شب من مرحلة المراهقة وانتي طالعة ما اتفرج حتى قبل يصير كلشي متاح كان في وسائل غير هي ونتناقلها بيناتنا نحن الشباب اصايل:وهالشي صح برأيك رماح:اكيد غلط بس الانسان بكون فضولي بس لازم الواحد ما يدمن على هالشغلات ومشان لا تفكري رماح نازل من السما اصايل:وشو نحن البنات رماح:صفحة البنات عندي كانت بيضا بعدين اسودت اصايل:بتكون طالعة للشمس كتير😂 رماح:هههه لا بوقتها شفت كروب اخواتي البنات اطلعنا شرفاء قدام هوايات البنات اصايل:... رماح: وانتي اصايل اعترفي شو عاملة اصايل:متل شو رماح:الا ما يكون صار معك موقف او حديث بينك وبين حدا اصايل:مو حديث بس انا كل ما صار معي شغلة لو عيني بتوجعني بفوت على الانترنت وبقرأ الاسباب والعلاج مرة كنت ابحث وحتى انسيت شو كان الموضوع بوقتها قرات تعليقات ضليت مصدومة بس بوقتها صفحة الشباب اسودت بعيوني رماح: بتكون طالعة للشمس كتير😂مع انو نحن ابدا مو مناح اصايل:مافي داعي تشرحلي بعرف رماح:ما الك رفقات بنات اصايل:بس كتير مايعة بتستفزني رماح: يمكن اهلها مدللينها اصايل: يمكن انا كمان اهلي دللوني بس ما صرت مايعة قويت شخصيتي اعتمدت على حالي رماح:لو كان عندك اخوات بنات بتغيري من حالك اصايل:اوقات موقف واحد ممكن يهوي فينا لتحت سابع ارض رماح:هيك صار فيكي اصايل:بس انا ماني زعلانة اي اوقات بتزكر وببكي بس انا هيك مقتنعة بحالي رماح: انتي حلوة بكل حالاتك بس انا بدي اشوفك بدون هالجاكيت ...... الحلقة الرابعة والسبعون بقلمي:مايا الحجازي كان مراقبها مراقب حركات الايدين عفويتها صراحتها معو اصايل:بحب اللبسو مو تفكر متخبية فيه رماح: حابب اشوفك بدونو اصايل: اطلب طلب تاني رماح: افردي شعرك اصايل:هههه ييي ما اصعب طلباتكك رماح: والله طلبي عادي اصايل:... فكت شعرها ودغري اخدتو لجنب تاني اصايل: منيح هيك رماح:كتير منيح هو ناعم هيك اصايل:انت متخيل اسشورو😂 رماح:هيك انتي احلى بكتير اصايل:بس بدايقني بحس بختنق ازا ضل مفرود رماح:كلو ولا تختنقي ارفعيه شافها كيف ضمتو وبعدتو حتى عن رقبتها رماح:الله يعينو عليكي اصايل:بس لا تخاف مو متمنية اكون شب رماح:وتتركي هالنعومة لمين اصايل:دخيلك حلو سماري مثلا رماح:رسمة عيونك مع شكل انفك وبظن في شغلات كتير بتجنن فيكي مدتلو ايدها الي فيها المحبس اصايل: اكيد ايدي الها علاقة بالشي الي بجنن رماح: والا كيف بجيبلك محبس على اد اصبعتك قلت للصايغ هاتلي اصغر مقاس اصايل: ايوا قوول مسترخص رماح: بدليه بدك اكتر من خمس غرامات اصايل:من وقت لبستني اياه اعرفت انو تقيل بس انا ما بلبس دهب رماح:ولا انا متعود بس ولايمكن اشلحو ايدك لبستني اياه😉 اصايل:بس انا شلحتو رماح:بتحكي جد اصايل:غسلت ايدي ونزل بالمي رماح:بكرى قوليلي وقع كمان اصايل: ازعلت رماح:ما فكرت تشلحيه وانا ملبسك اياه بأيدي طول الليل اتدرب بخيالي كيف ممكن اطالعو من جيبتي اخترت جاكيت الها جيبة داخلية من ناح القلب وشوووو بالاخير نازل بالمغسلة اصايل:لا تزعل خلص خود لبسني اياه طبعا مابدو يضيع فرصة يمسك أيدها من جديد بس بقي زعلان منها لبسها اياه وضل ماسك أيدها رماح:ولا انعم اصايل:شو بتحب تشرب رماح: حاجتي بكرى عندي شغل كتير اصايل:خليك متسليين رماح: بأمر عيونك اصايل:ما بطول عليك ........ فوق على البلكونه وبالعتم غياث مراقب قعدتهن حركاتهن بقلبو: بتستاهلي حدا متل رماح يحبك كأنو ولا عبالو يروح اجت لجنبو امو وابتسمت غياث: مبسوطة ام غياث:ما بخبي عليك وقت كنت اشوف لبسها وتصرفاتها غسلت ايديي منها قلت مين الي بدو يقبل بهيك عقلية ولا هية بتجنن ومافي منها غياث:وانا شكيت يكون فايت على طمعة جيتو للبيت يتطمن عليها هون اعرفت لو ما بتهموا ما بيسأل عليها ام غياث:سبحان الله وقت شفتو ارتحت كأنو بعرفوا من زمان غياث: وانا هيك حسيت المهم اصايل تبلش تتغير كمان هو شب وبعد فترة رح يتمنى يشوفها متل باقي البنات ام غياث:شفت شو حلوة طلعت هديك المرة غياث:اي شفت كانت بتجنن وراحت على رماح شافوا اصايل حاملة صينية وراجعة لعندو غياث:واخيرا صارت تشتغل ام غياث:لكن فوت للمطبخ شوف الكركبة وراها غياث:هههه مافي خواص ....... ضيفتو كاسة العصير وفتحتلو حبة شوكولاتة رماح: يسلمو بس انا بعرف الشوكلاتة مع القهوة اصايل: هيك الاصول رماح:اي اصايل: والعصير شو بيكون معو رماح:شبعرفني هي شغلتك اصايل: انا بعرف اي نوع من السماد بينفع للحمضيات اكتر ما بينفع للوزيات رماح:واوقات الري وتقليم الشجر اصايل:بس بتعلم الشوكولاتة مع القهوة ضرب على جبينو رماح:مو شرط شوكلاتة بسكويت هيك شغلات اصايل:افتحلك كمان وحدة رماح:افتحي لقلك اصايل:بتحب الحلو رماح: انا والحلو قصة عشق لا تنتهي كان بدو يطعميني بايدو اصايل:ما بحبها رماح:معقول ما بتحبي الشوكلاتة اصايل:بتحسس منها رماح:يعني معقول تحرمي حالك اصايل:اي وقت اشوف لحبوب نثرت ببشرتي بدي احرم حالي رماح:وشك حلو كتير وصافي اصايل:بس متعقدة من لحبوب ضليت اشهر اعالج بشرتي رماح:اكيد ما رح اجبرك ازا هالشي بيدايقك اصايل: ليكون انعست رماح:عندك وانعس شو بتحكي انتي اول مرة أسهرت فيها وطولت كانت بسببك اصايل: بسببي رماح:من بعدها جنيت فيكي اصاايل:ليكون شي مو منيح رماح:😂شي مفروغ منو بس لاا بوقتها حسيت انو التقيت بنصفي التاني اصايل:الله يسمع منك ويكون هيك رماح:ما حبيت العصير مع الشوكولاتة اصايل: ليش؟ رماح:مو طيب اوعك تعيديها اصايل:تاني مرة بعمل قهوة رماح:احسبي حسابك ازا مو بكرى الي بعدو ع الاكيد معزومة انتي وغياث وامك اصايل:لشو الرسميات رماح: يعني مابدك ازوركن اصايل: اهلا وسهلا فيك رماح:ع حساب بتحبي بيت اهلي شو بلشنا اصايل:لا ابدا بخبرهن خذذءلص بقلبي:وليي ما رح يعجب امي الوضع ابدا رماح:حاجتي سهر أتعبت كتير اصايل:بدك تحكي معي رماح:لو مو جراح معي بالغرفة كنت حكيت اصايل:يعني مافي خصوصية رماح:انوو خصوصية بلاقيه مشخص ع حسابي بتعرفي حتى لجرابات مرة خلاني البس كل فردة شكل اصايل:😂😂ليش رماح:هو لبسهن وهلا صاحي وربط البوط منيح دورت لحتى جن جنوني كل فردة شكل اجيت عملت كشف اتاريه الافندي لابس حيلا اصايل:كان شلح فردة رماح: ماعندو مشكلة بس قال انا بدي اشلحو والبسو. وقت اتخيلت رماح يشلحو ويلبسو متل سندريلا متت من الضحك وكنت متخيلة جراح فرطان من الضحك رماخ:ليش بتضحكي وليه اصايل:😂مو معقول جراح هيك طلب منك وبيعرف بريستيجك عالي رماح:بلاا موو عنجد انو قليل زوء اصايل:بس اللبست كل فردة شكل رماح:وضليت خايف يصير شي موقف وافوت لعند حدا وكل فردة شكل 😂 اصايل:😂يااا ما احلى الموقف لو صار رماح:طبعا مابتضحك الا عليي وقف واوقفت معو اصايل:والله بكير رماح:ما بينشبع مني يعني اصايل: القعدة معك حلوة رماح:وانا حلوو اصايل:مو منيحة الثقة الزايدة رماح:انا بسألك مو بجاوبك اصايل:اي حلو رماح:وانتي بتجنني ودعتو ركب بالسيارة وطلع من الفيلا وفتت للبيت عايشة حالة حب ما اتخيلت اعيشها بكل حياتي فتت للمطبخ حطيت الصينية ماما:لك اصايل لشو لرفوف كلها عصير اصايل:كبيت شوي ماما:وانشالله طالعتي الصينية مليانة عصبر اصايل:لا مسحتهن عند الباب ماما:ولشو فاتحة الشوكولا اصايل:مع العصير بس ما حبوا حسيتو قرف كمان ماما:كان لازم حطيتي الشوكولا مع القهوة اصايل:وانا شو بعرفني ماما:بشو حكيتو اصايل:كتير شغلات ماما انا هيك حلوة وناعمة وبجنن ماما:هيك حكالك اصايل:اي...انا اكيد بحب حالي بس مو انو هيك شايفني ماما:انتي سو ما حكيتك رح تزعلي اصايل:والله ما بزعل ماما:سبحان الله الناس ازواق يعني الي بعيونك مو حلو بعيون غيرك بجنن اصايل:انتي كنتي شايفة بابا حلو ماما:من وقت اتقدملي اصايل:وموفق حلو ماما:اي اصايل:زوءك مو زابط بابا اي حلو موفق مو حلو ماما:مع العشرة كلشي بيختلف المعاملة الها دور بالحب وازا هلا رماح بحبك وشايفك حلوو بكرى ازا فات للمطبخ وشاف الكركبة وشاف لبسك رح يطفش وهون زاد خوفي خفت عنجد يطفش اصايل:هو عزمنا لبيت اهلو بس ما عزم موفق ماما:منتشرف اكيد انا مابدي الا تكوني مبسوطة اصايل: اجلي عنك ماما:لا حبيبتي اشتريت الطقم جديد اصايل: لكن تصبحي على خير ليزيد الهم والغم على قلبي بعتتلو:كان يومي حلو وانت السبب ليبعتلي:انت احلى شي صار بهاليوم اصايل:من قلبك رماح:من جوى جوى قلبي اصايل:رح تتغير بيوم عليي رماح:ولو اتغيرت وحسيتي بهالشي حطي ايدك بأيدي من اول لمسة رح ارجع متل اول اصايل:وصلت رماح:هلا فتت للحارة. اصايل:بدك شي رماح: سلامتك حبيبتي ضليت أتأمل شو كاتب ومو مستوعبة اطلعت بحالي بالمرايا اصايل:لك اصايل في حدا حكالك حبيبتي...ماعم سدء لك مو حيلا حدا رماح ما بدلت تيابي نمت فيهن . ...... الحلقة الخامسة والسبعون بقلمي:مايا الحجازي بيوم العزيمة غبت عن الشغل متوترة بس مو كتير اتأملت الخاتم لهيك اتشجعت وبلشت بتجهيز حالي ....... وعند رماح وغياث بالبستان كان عم يأكدلو مشان العزيمة رماح:بتيجي ع الموعد غياث:مو كبرى ابدا بس عم اجهز امور السفر رماح:ساعة ما بتتعطل غياث:عندي روحة لبيت طارق واهلو من محافظة تانية رماح:ليش شو بدك منهن غياث:في اوراق لأخوه وبنفس الوقت مافي حدا يوصلي اياهن وهو ما بيقصر معي رماح:ازا هيك مارح اضغط عليك اكتر غياث:وانت رماح:شوي وراجع ومراد رح يستلم هون وهنيك غياث:ليش وين جراح رماح:كأنو هو المعزوم عطل اليوم😂 غياث:هاد اخوك عندو حس كوميدي رماح:اي بعرف غياث:خلص شغلك وروح مشي معو لاول البستان ركب بسيارتو غياث واختفى بقلبو:سيارتك عالم تاني اعشقتها أعطى التعليمات ل مراد ورجع بالسيارة طبعا البيت بيلمع لمع نظافة لاول الشارع والكل عم يركض بالعزيمة جراح عم يجيب لغراض والبنات بالمطبخ عم يساعدو ناهدة بالطبخ حس بالخجل منها اديش معاملتو سيئة معها وهلا عم تطبخ كرمالو رماح:يعطيكن العافية ردن لتلات رماح: منتغدا ولا بينكبوا ناهدة:انت اسأل العروس ازا حكت مو طيب الاكل كبهن رماح:بعد ما اتفشل يعني اخلاص:لك من الصبح بالمطبخ رماح: يعطيها العافية والله بمزح كوثر: فوت جهز حالك .... كنت مقهورة من حكيها بس كنت لابسة على مزاجي بنطلون جينز وبلوزة كحلية والجاكيت ماما: شو بدهن يحكو عليكي انتي هلا عروس اصايل:بيعرفوني انتي طمني بالك ماما:والله حرام الواحد يطلع معك اصايل:لا تروحي ماما:لك انا كرمالك اصايل:القاضي راضي وانا رضيانة ومستحيل اتغير مشان حدا ماما:خلصيني امشي تأخرنا ع الجماعة هزتلي بدني بس كنت مبينة اني طبيعية اطلعنا بالسيارة ودغري لحارتهن واول ما فتنا الحارة ماما:هون ساكن اصايل:اي ماما:ييي شو هاد اصايل:... عالم وناس شو هاد صفطت عند البيت وانزلنا وطلع هو يستقبلنا ابتسمتلو عادي لحتى ما يحس بشي وماما بلشت تتمايز كل المكان طبعا رحبوا فينا كتير وقعدنا بغرفة بصدر البيت فيها مد عربي لمحت اخواتو مبتسمات وجراح ضحكتو خاصة الي ومرت ابوه كان مبين انها حبابة كتير ومبينة اختهن مو زوجة ابوهن وامي مو طبيعية لساتها عم تتمايز المكان . ...... وبعد وجبة الغدا كانوا مجهزين قعدة بغير غرفة رحت لاغسل واستوقفني حكي البنات وهني عم يجلو اخلاص:بلاا اخوكي مافيه نظر لك ياريتو ضل على لينا والله هديك حلوة ولابقى الو كوثر: يسطفل اخلاص:والله لو ما بعرفوا بقول طمعان بأرزاق الجماعة او معطينو برطيل فوقها😂 كوثر:ليش والله حلوة اخلاص: شو حلاها فيها شي بخلقتها مو زابط ياربي سامحني يارب كوثر:كنتي معجبة فيها اخلاص:بس مو تكون مرت اخي اتخيلت تكون حلوة متل لينا الواحد يتباهى فيها تخيلي تالين تحضر العرس وتشوف العجايب كوثر:حاجتك حكي اخلاص:ههه لااا والاحسن بكرى لا تطالع شي بجهازها بتلبس من تياب رماح وبتدخن قال 😂والله غير رماح يحس انو متجوز نص زلمة كوثر:ليروح حدا يسمعك امها او رماح اخلاص:ادعيلو الله يفتح بصيرتو اخوكي حدا عامي على قلبو كوثر:... اخلاص: شفتيهن لابقين لبعض بلا كوثر:والله حلوة شبكي هاجمة على المخلوقة اخلاص:حدا ببدل غزلانو بقرود والله مصدومة بزوقو اكيد هي جاية بالغلط بنت بالدقيقة تسعين يمكن اتغيرت كانت صبي وقلبت خلقتها ما اقدرت افوت لولا مكان لهيك اطلعت لبرى اتنفس هوى نظيف قعدت على حفة صغيرة نفخت كل نفسي وبلشت افركك ايديي اصايل:ليش ما اجى غياث يا ترى وشو رح تكون ردة فعل امي عم تتهربي اصايل من الي اسمعتيه لا تكوني سخيفة حكي عادي لا تزعلي رأيها اكيد وانا ما بعحبني كل الناس بقلمي مايا الحجازي مسحت على شعري وحاولت اتقوى واول ما شفت رماح ابتسمتلو رماح:انتي هون اصايل:قلتلك حلوة حارتكن قعد بجنبي رماح:ليش ما أعطيتني خبر انك برى طولتي اصايل:يسلمو على العزيمة رماح:شبكي حبيبتي ليش ايديكي عم يرجفو اصايل:بلا جد ما انتبهت رماح:شوفي صاير شي اصايل: شو بدو يصير يعني رماح:انتي بدك تحكيلي اصايل:لا يمكن بردانة رماح:وين البرد الجو بجنن اصايل: انا حابة ارجع للبيت رماح:لسى ما اشربنا قهوة انا حابك تسهري عنا اصايل:كمان سهرة لا مستحيل رماح:ليش مستحيل بدك تسهري اصايل:... اطلعت بتيابو واتزكرت شو حكت وحدة منهن عليي اديشني بشبه لرجال منيح ما اجى غياث كانن حكن حتى رجال العيلة حلوين .اااخ راسي ...حسيت بنبضات وجع براسي رماح: شوفي حبيبتي اصايل: لا تقول حبيبتي بترجاك رماح: بدي افهم شوصاير اصايل: بلشت اتعب رماح بدي امشي رماح:من ولاشي اصايل:خبر امي بدي امشي معاد فيني رماح:... فات لجوى يخبرها ورحت لجنب السيارة انطرها طلع ابوه وهو وحتى مرت ابوه وامي ابو رماح:بكير يا بنتي ماما:يمكن تعبت ناهدة:شرفتونا ماما:وانتو بتشرفونا بقلبي:خلصيني بقى والاحسن يجي رماح لعندي رماح: انا بوصلكن اصايل:مافي داعي رماح ماما:لا وصلنا انتي ما رح تركزي بالطريق قعدت بالمقعد الخلفي ومو مسدءة نطلع من الحارة حطيت راسي على الكرسي الامامي وغمضت عيوني هيك برتاح شوي بقلبي:باطلة ومحولة هالعزيمة فكرت مبتسمات الي اتاريه عليي وبلشت ابكي بصوت مسموع ماما:شبكي حبيبتي اصايل: موجوعة وبس ماما:حكالك الدكتور اصايل:لا بقى تحكي معي اتركيني بحالي ماما: عطول بس تتعب هيك بصير معها رماح:سلامتها ماما:الله يسلمك مع انو اتحسنت الفترة الاخيرة بس يمكن زعلت مني رماح: حساسة زيادة عم اللزوم ماما:... كنت عم اعد الثواني لاوصل للبيت ..... بالمطبخ حكتها بلوم كوثر: ليكون سمعتك اخلاص:معقول كوثر:اجت مبسوطة شفتي كيف واقفة عند السيارة وكانو بدها تهرب اخلاص:مو عيب تتسمع علينا كوثر:مو عيب تحكي عليها وهي ببيتنا اخلاص:استريني مشان الله لا يسمعك حدا ويخبر رماح فاتلهن جراح جراح:يعني في ان برجعتهن اخلاص:عن شو بتحكي جراح:عن الي حاكيتو على اصايل وسامعيتك اخلاص:يييي علينا ما حكينا شي جراح:بفرجيكي عند رماح احلاص:لااا جراح ما بتعملها جراح:هي ازا ما حكتلو هي اخلاص:لتعرفنا من بعض 😂 جراح:شو حكت عليها كوثر:قول شو ما حكت نشرت عرضها جراح: يقطع لسانك هي لانك بتجهليها هي أحسن منك كمان اخلاص:قلت مو مناسبة لاخي وبس جراح: سدي تمك ماحدا طلب تقييمك الها بالاول كوني متلها بعدين قييميها طلع تاركهن يلومن بعض ....... اول ما وصلنا للفيلا اتنفست براحة انزلنا ونزل رماح ماما كملت لجوى بس هو منعني امشي وقف قبالي عند الباب رماح:شو صاير اصايل:اتعبت فجأة😭 رماح:لا تبكي خلص مسحلي دموعي رماح:لا تتعبي حالك بزيادة رح يأثر هالشي عليكي اصايل:مافيني اوقف بالضو اكتر من هيك رماح:... ساعدني لحتى فوتني لجوى اطلعت دغري للغرفة ومو مسدءة اقعد بالعتم وبدون ضجة حاسة راسي رح يتفجر