عشقت هواك - الفصل 26 | روايتك

الجزء 26: اصايل:ماشي غياث: يعني مضمون رماح اصايل:اي لدرجة فيك تعتمد عليه بكلشي غياث:انا لازم امشي اصايل:على كلا بالتوفيق غياث:تسلمي هاد الي ما اتوقعتوا اتصلت ب جراح لحتى اعرف ايمتى راجع للشغل وخوفي يروح مع اخوه اصايل:كيفك جراح جراح:اهلين بالمتريسة اصايل: شو صار بأيدك جراح:لساها معي اصايل:😂مطول باستراحتك جراح:هي رجعتي من المركز فيني بكرى اداوم اصايل:مبروك لاخوك المنصب الجديد جراح:صرنا عيلة متريسين اصايل:بدي تكون منافس الو جراح: التحدي لعبتي اصايل:ناطرتك بكرى جمعت العمال اعطيهن التعليمات اصايل:اول شي يعطيكن العافية ردو كلهن سوى اصايل: متل مو شايفين انا واخي اتحاصصنا حدودي صارت من البير وهو من بعد البير لارضو مابدي تفوتو ولا لأي سبب وازا صار اي شي بتخبروني او بتخبرو جراح ونحن رح نتصرف مراد:يعني جراح راجع اصايل: بكرى اكيد ومو تفكرو رماح استلم متريس يعني فيه يتحكم فيكن مراد:بس هو متل رفيق النا اصايل:هي برى البساتين لانو مصلحتي اهم من صحبتكن مع اي حدا من بكرى رح يكون في اكرامية يومية ........ الحلقة التاسعة والستون بقلمي: مايا الحجازي وبأرض غياث كمان جمع العمال لانو شايف اصايل من بعيد جامعة لمرابعين وكانو بلشت التعليمات الجديدة رماح: طبعاً هون كلكن خبرة بمجال الزراعة والارض...ساعات الري بدي تكون كافية ومابدي اي تقصير وبدي الارض نظيفة ولا فيها اي نوع من الاعشاب بالنسبة للاكل كلو على حساب صاحب الارض متل مو شايفين مشروع الطاقة من حصة صاحب الارض بدي واحد يتوظف بس ليهتم فيهن خالد:ومشان لحساب رماح:يوميتكن قبل ترجعو بتكون معكن طبعاً الكل سامع كلمتو صرفهن ولساتو عينو على اصايل وابتسم وقت اتزكر ردة فعلها رماح:احلى شي رح يصير هالسنة مشاكلي معك لشوف لايمتى رح تضلي رافضة موضوع الارتباط اااخ وصلت اللقمة للتم والكلب جمال ضيعها مني . كان عم يتفتل بين الشجر ويشوف موقع الاستراحة وهو رح يتمركز قبالها ويراقب الوضع عندها وعم يفكر يعمل استراحة بالموقع ورح يفتح الموضوع مع غياث اليوم. ........ المسا خلصنا ومراد اتكلف يوصل العمال واجو عمران وامجد عمران:بلاقيكي هون اليوم اصايل:صار في تطورات جديدة والاحسن تكونو بالصورة امجد:خير شوصاير اصايل:عند البير منحكي كنت قاصدة هالشي لحتى يجي رماح وافهمو شو بيترتب عليه ومجرد ما شافنا دغري اجى لانو العمال عم يتجهزوا بلشت بالحكي ع اساس مو منتبهة الو اصايل: التطورات كالتالي بتعرفوا انت بالنهاية حتى الاخوة بينفصلو بالشغل ولي صار اخي غياث اخد حصتو وهيك ما عدتو تشتغلو بس عندي عمران:يعني راتب واحد مننا بدو يصير على اخوكي امجد:وانتي حكيتي معو ولا بس عم تحكينا رماح:لا هي عم تسمعني لاني صرت متريس عندو على كلا اليوم بدي اشوفو وبحكيلو اصايل:اي الاحسن تحكوا لانو الي اولو شرط اخرو نور رماح: يعني خلصتي اليوم اصايل:اي سحبني من ايدي خجلني قدام عمران وامجد حتى هني خجلو من هالموقف بعدت عنو بسرعة اصايل: لشو هالحركات رماح:انت اخديتني خصم الك مو متريس باراضي اخوكي اصايل: لكن ما شفت ابتسامتك الي بتخوف رماح:ههه ايمتى اصايل:وهلا هي ضحكتك الشريرة رماح:ههه انا كل فكري نصير جيران مو تهجموا علينا ونهجم عليكن كمان احترام الجار واجب امجد عمران:😂 رماح:ضحكتيهن علينا امجد: شكلو مارح تمضي على خير اصايل:ليك هالمرة صارت وشديتني بهالطريقة تاني مرة يا ويلك وقول ل غياث كونك صرت ايدو اليمين الالتزام بالقوانين لازم وضروري رماح:والله ما بقى الا نضربلك تعظيم سلام اصايل:ازا هيك حابب لا تقصر تركتوا غرقان بضحكتو ورحت للسيارة بس كل ما عم يصير بيني وبينو مشكلة عم يعجبني اكتر التقينا عند تقاطع البستان ولانو الطريق ترابي لازم واحد مننا يتراجع اشرلتوا بس كان يزمر وازعجني فتحت الشباك وطليت منو وحكيتو اصايل:مانك شايف الطريق الي رماح:الاحسن تتراجعي شايفيتني مستعجل دوبني اوصل العمال اصايل: طيييييب بصير خير. اتراجعت لانو على قلبي المشكلة معو متل العسل وعلا لصوت الاغاني خلاني افوت بموجة ضحك مو طبيعية لما كحلتي لعيون ما فكرتي بقليبي😂. ....... وقت صفط السيارة دغري صفرلو جراح بإعجاب نزل ومبين وراه مشوار لانو لساها ع الشارع جراح:لككك مبروك المنصب😂 رماح:حاجتك مسخرة اسمو شغل مو وظيفة جراح: غدا نلتقي رماح:ع الزمة مو اصايل ناوية ع المشاكل قرب من اخوه ورتبلو الجاكيت جراح: انا ما بفتش اسرار الشغل رماح:ولنا في الغد لقاء يا ابن امي😂 طبعاً هالكلام قدام الكل ومستغربين فات يتحمم قبل يروح يلتقي ب غياث لبس بنطلون اسود وبلوزة رمادية وضل حامل جاكيتو الاسود بايدو ومعو مفتاح السيارة اخلاص:اخي لوين رماح:طشة كوثر:هي سيارة تانية غير عن هديك ابو رماح:ماني مستبعد يكون كل هالعز الكن رماح:ازا جارك بخير انت بجنبو فما بالك يكون ابنك بخير ناهدة:ازا الك طالعنا سيران اخلاص:اي كل رفقاتنا بيطلعو الا نحن كوثر:اي يا اخي للبستان الي بتشتغل فيه رماح: خلص انتو ادعو وبصير خير اخلاص كوثر:قصدك نحلم عمللها اوكي بأيدو وغمز جراح وطلع بالسيارة متوجه للفيلا ....... بعد العشى اطلعت ل غرفتي كنت مبسوطة كتير وحاسة القادم احلى معقول هالتطورات الي صارت كل يوم عن يوم عم اتعلق ب رماح اكتر ...... بعتلو اول ما وصل للفيلا رماح:انا برى دغري طلع يستقبلو غياث:شو طمني عن الوضع رماح:من جهتي على كيفك غياث:ومن الطرف التاني رماح:... غياث: خلينا نفوت ومنحكي جوى حس بالخجل انو بيت البنت الي بحبها وبدو يصير حدا مقرب من العيلة رماح:هون حلو غياث:من شوي اتعشيت ومابرتاح الا جوى...فوت بلا خجل زايد فهمان عليك انا ابتسم بعفوية كان عم يسجل الحدث بعقلو هي اول زيارة لبيت اهلها فاتو سوى وخجل من امها كان مبين عليها انها حبابة كتير غياث:بعرفك رماح . ابتسمت ووقفت رماح:كيفك خالة ام غياث:الحمد الله اتفضل اهلا وسهلا غياث:ارتاح قعد طبعا المكان حلو كتير بس بعقلو عم يحكي رماح:هون عايشة ايه نيال هالمكان عليها . ام غياث:شو بتحبو تشربوا غياث:لا انتي ريحي حالك هلا اصايل بتعمل القهوة بقلبو:خرجها لكن بدها اضربلها تعظيم سلام والاحسن يتصل فيها غياث اتصال غياث: انزلي بدنا قهوة....اي بسرعة... ام غياث:لاترككن خدو راحتكن استنوا لحتى طلعت ل غرفتها غياث:صار شي ولا الامور عادية رماح:اصايل فوراً اتغيرت ولا كأنو كنت اشتغل عندها ولحتى تكون بالصورة فوراً بس وصلو النواطير قسمت الراتب بينك وبينها غياث:ولا بتفوتها فايتة يعني رماح:افكارها خطيرة لدرجة غياث:بس انا حبيت تشتغل مشان لا يصير مشاكل افهمت عليي رماح:اه... اي فهمان عليك بقلبو:مين بدو يتمشكل معها لكن .... وقت انزلت انصدمت انو رماح بزيارتنا اخجلت كتير لككك الله يسامحك يا غياث رح يشوفني مبهدلة بهالتياب بس معاد فيني اتراجع وبدو اعمل قهوة شفت بجامتي من تحت ولبلوزة ولونها واتاكدت اني لابسة عكس الوان تيابو وقت وصلت لعندهن ابتسمتلهن وحطيت ايدي بجيبتي اصايل: اهلا وسهلا قول عنا ضيوف غياث:عنا ضيوف رماح:ليكون ازعجناكي اصايل:بدكن القهوة حالا غياث: اجتماعنا مغلق لانو اصايل:والله بتحدي قعدت على طرف الكنابية الي قاعد عليها غياث وصار قبالي رماح غياث:منحكي الاجتماع مغلق اصايل: ماني غريبة بعدين نحن اخوة وجيران وازا جارك بخير انت بجنبو . رماح:بس في خطة عمل خاصة اصايل:منطلع عليها شو ورانا غياث: روحي اعملي القهوة اصايل:انتو حابين تكرهو القهوة غياث:نسكافية ولا يهمك اصايل:لا القهوة اوجه غياث: شو انتي بتعاكسي فيني اصايل: شاي شاي رماح:رايقة للمشاكل اصايل:اممم من هيك سكرت عليك طريق الرجعة غياث: بلشنا رماح:هي بتعرف انو معي لمرابعين اصايل:بس كان الطريق الي رماح:وسبقتك اصايل:سامع غياث غياث: روحي اعملي القهوة انا بتفاهم معو صحيح رحت بس ما سكرت ادنيي بالعكس قبل ابدا اسمعتو يحكي غياث:انت هيك حابب رماح: بتعرف الاجواء بالبستان غياث:انا مابعرف هون كتير دبر كلشي وانا بحاسب ما افهمت شي بس كأنو بدو يزبط شي وكأنو بلش ينافسني ........ الحلقة السبعون بقلمي:مايا الحجازي رماح: بس مو تفكر ناوي ع المشاكل هي اخدا الموضوع تحدي غياث:قلتلك الشغل مؤقت رماح:يعني الي ببالي صحيح غياث: عندي مشروع وبدو كومة مصاري رماح:لايمتى مؤقت سنة سنتين؟ اقل غياث:سنتين بالكتير بقلبو:اووه طمنتني برجعة اصايل كان مبسوط لانو قاعد بيناتهم وأنها مشاكسة بالبيت وبرى البيت ضيفتو غصب عنو ابتسم لانو مو زابطة هي تضيفو ضيفت غياث وقعدت جنبو وشافهن كيف اطلعوا ببعض بتحدي اصايل:كملو حديثكن غياث:بدك تاخدي اسرار شغلنا اصايل:انا خبرت رماح من وين حدودو رماح:وانا بلشت شغلي من هنيك غياث:ورح ادفع متلي متلك للنواطير اصايل:بس لسلاح لاتنسى مني غياث: والمعنى اصايل:دبرلك وحدة تانية غياث:انتي بلوة مو اخت اصايل:والله لحتى تعرف ما كان شغلي سهل متل مو مفكر رماح:ما هني عم ينطرو سوى اصايل:بس لاتنسى مشروع الطاقة عندو (كان بيعرف انو عندها مسدس كمان) رماح:ازا عندك شي قطعة تانية بيستعيرها اسعار لسلاح بهالايام نااار اصايل:طالع الي عندك رماح:😂ماعندي لشو بدي اشتريه ماعندي أملاك اصايل:لو ماعندك ما بتراقب الاسعار رماح: بسمع من الشباب اصايل:من وين الي لسلاح على شوي بيقول فاتحة جبهة رماح:مو بعيدة عنك اصايل:انا الي عندي حكيتو ورح اترككن بأجتماعكن تركتهن وطلعت لبرى راقبوها لحتى سكرت الباب غياث:متل ما قلت اخدت الشغلة تحدي رماح:كنت خليتها متريسة ع الكل شكلها ما بتتنازل بسهولة غياث:هاد احسن حل انت اتحايد المشاكل وشو ما طلبت قللها بصير رماح:شو بدك نطلع خسرانين غياث:عاجبيتك شغلة التحدي انت. رماح:هههه كتير ما شفت كيف اخدت الموضوع جد غياث: شغلة لسلاح بتدبر رماح:عنجد الها الي مع الشباب غياث:الله وكيلك سافرت واجيت لقيت الدنيا مقلوبة قلب رماح:اول مرة بصادف هيك بنت غياث:هي لانو كانت رفيقة بابا هيك النتيجة بتكون رماح: هههههه لساتو مبتسم ومبسوط منها كتير غياث:مشان لسلاح انا بدبرها مابدي تحط عليي وحدة رماح:اي الاحسن تنفذ كل طلباتها خصمك مو سهل ولا تزعل مني اقوى منك غياث:شي مفروغ منو المهم استلمت والي براسي رح يصير بأقرب وقت رماح:دايمة ع القهوة غياث:بس اعترف انو القهوة الي بتعملها طيبة رماح:نوع القهوة طيب😂 غياث: بكير رماح:لا بكفي طلع يودعو عند الباب وشايف اصايل قاعدة تشرب قهوة ودخان وبايدها موبايلها رماح:المزاج مشتغل شغلو غياث:من وقت راحت للدكتور مزاجها صاير عالي رماح:ياحبيبي لتروح ترتكب فينا جريمة غياث: بالاخص انت عامل معها فصل 😂 رماح:يحرق اخت هداك اليوم غياث:اختو ابوه امو راحت عليك رماح:بحسك مبسوط لدرجة غياث:هههه مبسوط انها طنشت الموضوع بس البنت حلوة الي كانت رماح:بنت؟؟قول.... استغفر الله العظيم انت ناوي ع المشاكل غياث:يعني كانت خبرة رماح:فوت اتضبضب غياث:بدي اودعك رماح:مو بيناتنا فات غياث وهو كمل لعند اصايل رماح:اي قولي بدك تروقي حكتو وهي مركزة بالموبايل اصايل:لا تركتكن تتحالفوا ضدي قعد جنبها ولمحتو لمحة سريعة اصايل:يعني خلصت تحالف اجيت تتمشكل رماح:هههه ضيفيني مو حلوة اتضيف لحالي اصايل:ما عرفتك اتضيف لحالك شغل سيكارة وركز بموبايلها وقت شاف الموضوع عن العناية بالبساتين فرط من الضحك اصايل:ع شو بتضحك رماح:اكلة عقلك هالشغلة اصايل: الشغلة الوحيدة الي مستاهلة اهتمامي طبعا لو ما اشتغلت عند غياث كنت خبرتك ليش بس لااا هلا ما بصير احكيلك هو مركز بملامحها ومبتسم لجنانها رماح:معبية مصاري من هالشغلة بعرف اصايل:وتعال خود بطاقة البنك واكشف عن لحساب رماح: مش غلط مشان اعرف كيف كنتي ظالمة غياث وتاخدي حصتو اصايل:كهكهكه يعني هي نكتة فرط من الضحك عليها وكانو دايقتها ضحكتو اصايل:ع شو بتضحك رماح:لك انتي مو معقولة انا رماح شبكي اصايل: انت رماح بعرف وانا اصايل ولهيك ماني مستنظفة شغلك عند اخي ومتأكدة ناوي تتحداني والا كيف بتقبل لا تحكيلي راتب ومدري شو لانو ما كنت مقصرة معك رماح:بس اخر مرة حكيتيلي اتشرفت بمعرفتك قلعتيني وانا هلا جاي للشغل وما تراجعتي أعطيتك مفتاح السيارة اخدتيه اصايل:لا تزكرني رماح مابدي اتزكر شي رماح:خلينا نخطب منتخانق ونحن مرتبطين احسن اصايل: لحمار بيوقع بالحفرة مرة وحدة تاني مرة بحيد عنها رماح:لا ولوو شو هالمثل اصايل بشهقة طويلة:حبيبي مو انا لحمار هاد مثل بينقال رماح:والله😂 عفواً افهمت الموضوع غلط اصايل:... اطلعت فيه وصغرت عيونها مشان يزيد قهرها اخد فنجانها وشربوا مرة وحدة رماح:ما اطيبها اصايل:هاد فنجاني رماح:نوع القهوة طيبة اصايل:قصدك مابعرف اساويها رماح:مو لابق عليكي تعملي قهوة اصايل:قصدك انا مسترجلة؟؟؟ حتى لرجال بيعملوها رماح:بس مو زابطة تضيفيني اصايل:وهاد اول سبب للرفض رماح:والتاني اصايل:صرت الخصم رماح:التالت اصايل:فشلتني اول مرة رماح: الرابع اصايل:ما صارحتني ليش ما اجيت رماح:الخامس اصايل: بس ما بكفو رماح: على كلا بكرى منلتقي بالبستان ومنشوف لمين الميدان اصايل:انت قد التحدي رماح:اكيد اصايل:بكرى منشوف مد ايدو مشان الحرب الهادية وصافحتوا رماح اصايل:اتفقنا انسحب وهو بقمة السعادة تارك اصايل فايتة للبيت طلع بالسيارة ورجع للبيتهن ........ كنت مبسوطة كتير يعني هو مصر على موضوع الارتباط بس يا ترى ليش اتأملت حالي على لمرايا معقول عاجبيتو لهدرجة ولا عاجبو تصرفاتي يا الله كل ما اتزكر كيف اتعرفنا وهلا هو قريب من عيلتنا كتير قلبي مابيهدا ودقاتو بتزيد بعتلو:لا تتأمل تنجح بالتحدي بعتلي:واثق الخطوة يمشي ملك اصايل: وصلت رماح:عندي سهرة نسوان وهيك اصايل:كتير عليك هالاجواء مع انو انقهرت كتير رماح:شو علاقتك انتي اصايل:انت حكيت انا ما سألتك وين انت قلتلك وصلت رماح: سؤالك مو زابط اصايل:لا والله جوابك مو بمحلو كنت حكيت مع وصلت وبس رماح:ما وصلت وبس اصايل:مستفز رماح:عطلتيني الصبية الي بحدي غيرانة عليي اصايل:يلا روح لا اعطلك بقلبي:بسيطة يا رماح معقول الي حكاه...بيعملها شو ناقصو حاولت انام ومبسوطة لتحدي بكرى .......... غياث بغرفتو حط ايدو على خدو اول ما اتزكر كف شذى ورجع بذاكرتو وقت الي وقفت قدام السيارة وعلى شوي كان دعسها نزل معصب شوفتها جننتو غياث:عميا انتي شذى:لا مو عمية شايفيتك اكيد غياث:ليش جاية لهون شذى: بيني وبينك حساب ولازم اصفيه وقبل يرد كان مسفوق منها كف قوي جن جنونو وسحبها بلغة التهديد غياث:انتي حابة تنكسر ايدك شذى:انت بدك تكسرها يا جبان اكتشفت اختك فيها رجولة اكتر منك غياث:لشو الغلط وليه شذى:عملتك معي ما بيعملوها الا الي بلا شرف وبايعينها اتركني غياث:مو انتي رميتي حالك عليي شذى:فشرت مين مفكر حالك وانت بتعرف انك بست الايادي ومابدي اكمل خلصت حالها منو وبزقت عليه شذى:قليل شرف راحت تاركيتو مصدوم غياث:معقول لك غياث اجى مين يبهدلك ويضربك لك ما عم تروح من بالي لك ليش عم يصير معي هيك انا لازم اسافر رجعتي للبلد ما ريحتني ابدا خلص بكفي لهون. ....... الميدان كان عبارة عن تحدي الإخوة من الطرف الاول اصايل وجراح عند سيارة الشغل واقفين وبمسافة مو بعيدة غياث ورماح وكمان نفس الوقفة واقفين والخطة ك التالي غياث:هون موقع الاستراحة رح يكون بجنن رماح:يعني اقتراحي بمحلو غياث:اي بمحلو شوف شو بيلزم ومشان خطة الشغل لازم نجتمع مع اصايل وجراح لنتفاهم على مواعيد الري رماح:شو عليه منتفاهم ابتسم وقت شافها كيف واقفة قدام السيارة رافعة رجل ومنزلة التانية والعصاية بايدها وعلى كتفها حاطيتها بقلبو: دخيل المتريسات لاجلك ....... كنت شايفة اننا محور اتفاقيتهن اصايل:برأيك شو ممكن تكون الخطة جراح:نحن قدها شو ما تكون اصايل:اوعك صلة الدم تلعب دور جراح:لااا شو مفكرة انتي الشغل شغل بعدين شوفي كيف واقف شكلو ريلاكس اصايل: اي مو قبل يعرف بمواعيد الري جراح:😂 عليكي بهم هيا بنا اصايل:هيا😂 رحنا للبير والتقينا مع غياث ورماح اصايل: منيح اجيتو جراح:نحن رح نسقي الصبح غياث:يعني نحن المسا اصايل:ليكون عندك مانع رماح: عندو لانو الطاقة المسا اكيد مارح تشتغل على ضو القمر اطلعنا ببعض انا وجراح لانو فهمان علينا منيح وغياث مشيت عليه وشكلوا رماح مصيبة علينا غياث:بلاا شو بدك الشجر يموت يعني اصايل:انا ماشية بخطة مهندس واي تقصير رح يكون الموسم مو متل ما خططلو رماح:مشكلتك هي مو مشكلتنا اصايل:سكر المي عندي رماح:منفتح سكر جديد هيك منستفاد واحسن ما تستغلي المي بفترة تشغيل الطاقة منستغلها سوى اصايل:اتكلفو ما وراي شي غياث:ترى انتي عم تصعبي الامور رماح:لحتى تعرف ما كانت ع المرتاح تشتغل وتستلم اصايل:انت كانك عم تتمسخر رماح:جاوبت عنك جراح: ليش لتجاوب عنها مستهين فيها يعني غياث:هيييي مابدنا مشاكل اصايل:واي تخريب بأرضي التصليح ع حسابك رماح:ما رح نخرب نحن جماعة منشتغل بأحسن تقنيات اصايل:ازا هيك اتفقنا اخد غياث رماح يتناقشو علىى جنب جراح:شو القصة اصايل:متلي متلك بس مدام غياث الي اخدو مطمنة نوعا ما جراح:😂قصدك رماح بينخاف منو اصايل:دغري عرف شو القصد من خطة الري جراح:😂كنتي حكيتلو ع ضو القمر بتشتغل الطاقة اصايل: بعدين بفكروني بتمسخر عليهن اخوك مو سهل بنوب جراح:وبحب المشاكل اصايل:شايفو مستلم امو وابوه للشغل قولتك عم يحكو علينا جراح:يحكو حاليا نحن مستلمين زمام الامور اصايل:الله يسمع منك