عشقت هواك - الفصل 25 | روايتك

الجزء 25: على الغدا كان غياث عم يحرك بالصحن وامو مو احسن منو كمان قاعدة وكأنو مابدها تتغدا غياث:كأنو ما النا نفس ع الاكل ام غياث:اصايل من مبارح بدون اكل وطلعت بدون فطور غياث: رايح لشوفها ام غياث:بس هي حكت لاحدا يزعجني غياث:وبلكي صاير عليها شي تركها وطلع فتح بهدوء وسكر وراه الباب ماشي بخطوات هادية لحتى قعد جنبها وتفاجئ انها صاحية أصايل: شو بدك غياث:اتحسنتي أصايل:لا غياث:مدامك صاحية خلينا نروح للدكتور أصايل:مابدي غياث:الدكتور حكى لازم يشخص الحالة اصايل:دكتور جديد غياث:هو نفسو بس شرحتلو حالتك وحكى لازم يعمل تشخيص أصايل:شاكك يكون معي سرطان غياث:هسس شو هالحكي بعيد الشر عنك اصايل:لكن شو هالوجع الي ما بينحمل غياث:كان فيكي شي قبل تطلعي اصايل:كان بس خفيف بتحملو غياث:شو الي صار اصايل: مابدي اتزكر شي بترجاك غياث:اجى رماح اصايل:لوين غياث: اجى يتطمن عليكي اهتمت بالموضوع واتجلست اصايل:ايمتى يعني غياث:ع الساعة تنتين تقريباً اصايل:انت شفتو غياث:وحكيت معو وهو جاي يتطمن عليكي وكمان بررلي ليش ما اجى اصايل:وانت سدءتو غياث:هو حكالك اصايل:اي ابوه رافض يجي معو بس كمان هي مو حجة غياث:اي بقلبو:شو بدو يحكيلك مخبص وعم يتهدد بالفضيحة غياث:رح اتركك تجهزي حالك اصايل:والله ماني قدرانة خليها ليوم تاني غياث:الاحسن هلأ يلا بسرعة لا تتأخري بكون جهزت حالي تحت كان ناطرها هو وامو وقت نزلت كان مبين انها تعبانة من مشيتها تنفسو بنفس التوقيت اصايل: وبلكي طولنا غياث:لا حجزتلك موعد ....... اول ما وصلنا للمشفى داق خلقي اصايل: ليش لهون مو للعيادة اجراءات المشفى بتطول غياث:اليوم مناوبتو بالمشفى غمضت عيوني تعبانة وحاسة مستحيل اتخلص من الوجع وما كنت بعرف انو في تحاليل كتيرة وكمان تصوير كنت مسايرة لانو بدي اتخلص من الوجع الاجراءات بساعة خلصت. اتجلست من سرير الفحص وساعدتني ماما لنروح ل غرفة الدكتور كان غياث قاعد معو وابتسملي الدكتور:اتفضلن قعدنا وكنت ناطرة يحكيلي رح تتحسني ومابقى تتوجعي ماما:شو دكتور طمنا الدكتور: نتائج التحاليل سليمة وبناء على رغبتكن علمنا التصوير وكمان مافي شي بخوف انا سبق وشخصت الحالة هي بتعاني من شقيقة وكونو ابوها كان يعاني من مرض الشقيقة خمسين بالمية نسبة يطلع واحد بالعيلة يعاني من نفس المرض غياث:مافي حل او علاج بنسبة كبيرة الدكتور:انا بنصح بهيك حالات بعدم التوتر التفكير الزايد عن حدو العامل النفسي مهم جداً وبيلعب دور كبير بحياة المريض انا باخر مراجعة الك شرحتلك مقدمات وفيكي قبل توصلي لمراحل اقوى من الوجع تتفاديها انا كتبتلك على مسكنات بمفعول اقوى . وما على قلبك شر غياث: يعطيك العافيه دكتور الدكتور:الله يعافيك بقلبي:كيف بدي اتفادى الوجع واساساً ما كنت حاسبة حساب امر بكل هالظروف ااااخ رماح بترجاك اطلع من تفكيري ماعم انسى الي صار وما دقت طعم النوم وحاولت كتير ما اقدرت اطلعنا سوى من المستشفى بعد ما دفع لحساب غياث وكملنا للسيارة غياث:الاحسن تريحي مخك وبترتاحي اصايل:مو بأيدي ماما:لكن توصلي لهالمرحلة لا اكل ولا شرب وحابسة حالك بالعتم اصايل:وياريت راح الوجع غياث:ازا فكرتي او ما فكرتي الي بصير مو بكيفنا وازعلتي واتوترتي شو بغير ..رح يتغير مجرى حياتك بالعكس بعد فترة من الزمن رح تتزكري هالايام ومارح تكون زكرى حلوة اصايل:كيف بدي ما افكر واتوتر غياث:اتركي الامور تمشي على راحتها وين بتحبو تتغدو اصايل: كأني شميت ريحة طبخ ماما:بس ما دقنا شي اصايل:😂هههه لكن لمين طبختو بسم الله الرحمن الرحيم غياث:حضرت جنابك سديتي نفسنا بعدين كيف بدنا نتغدا وانتي بلا اكل اصايل:مدام ما الكن نفس ليش طبختي ماما ماما:قلت يمكن تتحسن ونتغدا سوى اخدنا لمطعم بجنن بحارات الشام القديمة الجو كان حلو وقضيتها اصور البحرة والنافورة بعد الغدا اشربت الدوا اصايل:غريب ما طبقت مساعدة الدكتور ماما:بالفعل شفتها كل شوي تلحقك من مكان لمكان غياث:كنت خايف على الانسة اصايل ماما:كنت ما قصرت اصايل: ليكون تبت غمزتو لهيك صار يعضعضلي على شفافو لاسكت ماما:من شو يتوب بعدين ابني ماعندو فصول ناقصة اصايل:اممم بدون ما تحلفي محلوف عنو غياث:ازا اختي حابة انا رح اقصر ماما:عنجد اصايل غياث: لكن في وحدة بتعمل بحالها هيك من ولاشي اصايل:لانك مابتعرف شو الي صار غياث ماما:شو الي صار اصايل:هههه شبعرفني ماما:يعني عم تتمألسي اصايل:مابعرف بس هلا راح الوجع وكمان نفسيتي اتحسنت غياث:الاحسن تشوفي رماح وتحكو اصايل: الحكي معو متل الشرار غياث: بالعكس فوق ما اجى يتطمن بعدين واحد تاني بقول بالناقص وتزعل اصايل:لك ما ازعلنا بلحظة ماكنت بعرف شو عم احكي قلتلو اتشرفت بمعرفتك وكان قصدي مشان الخطبة وهيك اتاريه مركز بكل كلمة وفهمها قلعتو من شغلو وانا عقلي كان مسكر قلتلو افهمها متل مابدك غياث:ابو الكرامة هاد😂شو بدو يرجعو اصايل: اعطاني مفتاح السيارة وبعدها مابعرف شو صرلي ومستحيل اعتذر غياث:اي لااا شو تتراجعي عن كلمة حكيتيها ماما:لهدرجة شاطر بشغلو اصايل:من وقت استلم الشغل وكتير شغلات اتغيرت بطلت اشيل هم حتى امنت ع السيارة عندو غياث:انا بقول تحكي معو منو بيرجع للشغل ومنو بتتفاهمو اصايل:بس انا مابقى بدي ارتبط بحدا تجربتي معو الاولى والاخيرة ومابدي انحط بموقف تاني غياث:لانو الموقف جديد بكرى بتنسي اصايل:وعمك موفق شو بدو ينسيه غياث: بعدين بقلك😂ماما بتزعل هلا ماما:يا عيب عليك غياث: 😂قبل احكي زعلت اصايل: فضولي صار مليون غياث:تعالي لقلك ماما بشهقة صدمة:هيك عم تخبو عليي وتحكو على جوزي همسلي:القافلة تسير والكلاب قبل يكمل فرطت من الضحك غياث:عجبتك مو اصايل:يا عيب عليك عم تحكي على عمك موفق غياث:😂بس حلوة ماما:بسيطة اولادي عم يتهامسوا وقدامي غياث:ليش ما درتي وشك😂 ماما:لااا انت صاير من المرة غياث:😂مو ناوية تزحلقيلو اصايل:يموت ولا تتطلق غياث:الي بيطلع من خاطرها ماما:الله يخليلي اياه شو جاييني منكن غياث:صحلك اولاد متل الورد اصايل:وبتحبو نيالني ماما:ليش ما بينتو انو مابدكن اتجوز غياث:نحن بدنا نمنعك من حقك يمكن لو نحن صغار نلومك بس كنا كبار ومابدنا تضلي وحيدة اصايل: صاير يروح لعند الاولانية كتير ماما:صايرة مشكلة مع ابنو ومابصير يتركهن غياث:دخيلوو الديمقراطي اصايل: ودخيلو الحنون ماما:حاجتكن كولكة مارح تراضوني بكم كلمة ........ وعند رماح صحي مخربط اتجلس ب تعب شعراتو لحالهن بينو انو كان نايم نومة عميقة لدرجة سحب باكيت الدخان وشغل وحدة طبعاً جراح مراقبو جراح:صباح الدخان رماح:خلصو جراح:بحب ابشرك الساعة عشرة وانت نايم من قبل العصر اتغدينا واشربنا شاي وقهوة واجى جمال لك مسفوق بوكس ليكون منك رماح رماح:نقصت شي من التقرير جراح:😂كامل ومتكامل رماح:لا ما خبرتني مين فات للحمام جراح: اسالني شو بدو جمال رماح:الله يسرتني جراح:اخدني على جنب وحكالي لازم احكي مع رماح لهيك استبعدت فكرة تكون ضربتو اكيد حدا متسلط عليه على شغلة النسوان وبتعرف وقت رجع للبيت لمحت لينا وكأنها حكتو شي رماح:ماحكالك شو بدو مني جراح:لا ما حكى رماح:يضرب من بين الزلم جراح:بدك تحكي معو رماح:صرت مسايرو كتير وحفرلي لحتى خوزقني بالاخير وانا بفكر كل الناس متلي جراح:هههه شو مواصفاتك يعني رماح:معمي على قلبي جراح:طولي بالك تتعشى رماح:ولا اي شي بس بدي اطلع اتمشى جراح: مشط شعراتك لا تبهدلنا بعدين ملاحظة صغيرة الواحد بوقت النوم بيلبس شي مريح انت كيف بتنام بالجينز رماح:هاد الي شاغل بالك جراح: ازا ما كنت لابس شورت ولا بييجيني نوم رماح:من المرة اشلح جراح:بالحر المزبوط انشالله طفى السكيارة وطلع وقت شاف المطبخ اي ما كان شي عادي فخم مع الأدوات لجديدة اتأملو ولا كانو مطبخهن لمهتري بقلبو:من حظك يا ناهدة يمكن امي ماتت وحسرة بقلبها هالمطبخ وكانو جايب دفعة اغراض الله يهنيها شو بدي احكي غير هيك.. زبط شعرو بايدو واخد مفتاح البيت وطلع يتمشى فات لمحل الحلو واشترى كنافة كان يحب الحلويات لدرجة كبيرة وللحظات اتزكر اصايل وكيلو لكنافة مسك موبايلو بقلبو:بدي اكسر على انفي شوال بصل واحكي معك لا ياربي ما اكون سبب زعلها اختار عبارة من الانترنت لانو نسبه شطارتو صفر بعتلا:فَلا أنا مُفصِحٌ عَمّا أُعانِي ولا وَجعِي عَلى صَمتِي يَزولُ ابو الشيخ:شو رماح مبطل تشتري حلويات متتل اول رماح:يلا قربت الشتوية بداوم عندك ابو الشيخ:اي طمنتني وكمان ابوك مختفي رماح:اي اتجوز متلو بتختفي ابو الشيخ:هو صاحلنا رماح:بصحلك دور بس لا تقول انو نصحتك مو ناقصني دعاوي حاسبو وطلع اشترى من عند مؤنس وحدة عصير وكمل تمشاية لنفس الشارع كان مزدحم راقب السيارات وقت وصلو صوت اشعار اتحمس لدرجة كبيرة فتح الموبايل دغري ولمحادثتها اصايل: متأكدة هي عبارة مو انت مألفها وكمان واثقة تكون معبرة عنك الناس بتكتب كيفك بالاول ابتسم هو بيعرف اديش قلبها طيب رماح:كتابة ما بينفع الاحسن اسمع صوتك ومن خلال الصوت رح اعرف ازا منيحة او لا كانت عم تسجل بقلبو:اي هيك ها .... إن شاءالله تكون منيحة حملو وسمع اصايل:يتعافى المرء بأهلو كنت مو منيحة واتحسنت بعتلا:اشوفك؟ اصايل:ليش رماح:صوتك مو زابط خليني اشوفك وانا عندي نظرة وبعرف ازا انتي تعافيتي او لا اصايل:تعال انت انا قلت لاهلي لسى تعبانة ازا بطلع احتمال 🔪 رماح:بخاف من غياث بلشت تسجيل صوت كان مبسوط لدرجة اصايل: على بابا يا ماما من مين خايف قلتلي رماح:اتصل يعني اصايل:اي اخسر من جيبتك رماح:... كبس على زر الاتصال ورفضت المكالمة اصايل:مو مكالمة نت عادي اتصل فيها متل ما بدها اصايل:اي الغي خدمة ابو نجيب من اول رماح:ليش كنت مفعلها اصايل:لكن في حدا بيتصل مكالمة نت اكيد مسترخص رماح:ما علينا من هالحكي انتي منيحة اصايل:قلتلك رماح:اشتقتلك اصايل:... رماح:ما اتحملت فكرة ابعد عنك اصايل:في مجال ما نخوض بهيك حديث خلينا رفقات رماح:ما بتزبط معي اصايل:انا بهالوقت بتزبط معي رماح: ازا هيك بدك مارح امانع بس بدي امارس معك حبي انتي لا تبوحي بشي اصايل: فينا ما نحكي بالحب رماح:كنت متخيل نكون خطبنا اصايل:انا بالزور لاقدرت اتجاهل شوي الموقف رماح:حقك عليي مافي للصلح مطرح اصايل:منتصالح ماعندي اي مشكلة بس وقت تشوفني مروقة ياريت ما تخرب عليي رماح:مع انو اسف جداً انا ما بتخيل أكون سبب بوجع حدا ومو حيلا حدا اصايل:ما بظن كل المشاكل الي بتحبها مو منيم حدا مو زعلان منك ازا سدءتك انت مسدء الي حكيتو رماح:مو كل الناس عندي واحد يعني في ناس بحترمهن وناس بعزهن وناس بحبهن وبيعجبوني وهي الفئة بالتحديد يطلبو عيوني وياخدو قلبي كمان اصايل:والفئة التانية رماح: اكيد انتي من اول فئة اطلبي عيوني وخدي قلبي كمان الحلقة السابعة والستون بقلمي: مايا الحجازي كان قلبي معلن حرب جواتي فكرة انو اجى وهلا عم يتواصل ويتقرب خلتني بحالة عشق مشاعر كتيرة عم اجربها لاول مرة بحياتي اصايل:ما حكيت عن الفئة التانية رماح:مو مهمة الفئة الي انتي منها بتعنيلي اكتر اصايل:طيب مابدي أطول عليك رماح:ما فعلت خدمة ابو نجيب كملي اصايل:عندك فن بالرد مابدي اخسرك خلص بكفي هدول رماح:صوتك مكسب اتزكرت كيف الصبح راح وتركني منهارة اصايل: بتسدءني انت رماح:ع العمياني معك اصاايل:انا اليوم وقت حكيتلك اتشرفت بمعرفتك ما كنت مركزة كتير كان بدي اوصلك فكرة انو مابقى بدي نرتبط وما الها علاقة بالشغل رماح:بتسدءيني انتي اصايل:اكيد رماح: ما فكرت توصل معنا لطريق مسكر وقت مشيت حسيت بقهر مو طبيعي لانو بعرفك حساسة زيادة عن اللزوم وقت بحاول اتخيل الموقف الي صار معك وعلى اثرها كانت ردة فعلك معي حادة بقول حقها بس سدءيني كلشي صار خارج عن ارداتي اللبست وجهزت حالي ازا بدك ببعتلك الصور الي صورهن جراح رغم انو كنت رح اجي لحالي بس صارت معي شغلة كمان خلتني افقد صوابي لاكتر من ساعة. اصايل: حلوين طلعو صورك رماح:ما شفتهن كان جراح يصور ...متأكد رح نكون لبعض ويمكن بطريقة تكون احسن ما تكون تقليدية لانك انتي مو بنت تقليدية اصايل:هههه وكيف يعني رماح:فيكي شي مميز جمالك شخصيتك مواقفك يعني مو متل بنات هالايام شنتتها مكياج وازا انكسر اظفرها في احتمال تفتح عزا اصايل:خهههه بتعرف بقصص البنات رماح:في حدا عندو اخوات وبكون غشيم اصايل: انت ما انعست رماح:هلأ اصحيت ومصحصح نعسانة انتي اصايل:بدي احاول انام بهيك وقت متل ما وصاني الدكتور رماح: اليوم رحتي اصايل: اي والحمد الله نفسيتي اتحسنت لانو التحاليل والصور كانو طبيعيين رماح:ما على قلبك شر كان يومك ما حلو. اصايل:ما بخفيك بالبداية اي بس بعد ما طمني الدكتور كلشي اتغير رماح:يعني في حل نهائي لهالمرض أصايل:ياريت....بس انا ورتانة هالمرض من بابا قبل هي المراجعة الدكتور شرحلي كيف ممكن تكون عندي تنبيهات قبل الوجع صحيح يصيرو معي بس ما اهتم واضل لحتى انتكس واليوم فكرت بكلامو اكتر متل كأني استوعبت خبرني ابعد عن الضغوطات والتوتر والتفكير وقت اتزكرت قوة الوجع وكيف انحبس بالعتم والنبضات براسي مسببيتلي شلل عن اي نشاط يومي قلت لازم اداري حالي اكتر رماح:ليش ما كنتي ملتزمة بنصايح الدكتور اصايل: احكي بحالي مو ضروري يكون صح مية بالمية بس اليوم بعد ما ارتحت من كلامو وراح الوجع خلص قررت التزم بتعليماتو رماح: لانو هالشي لصالحك ماحدا بتوجع عنك حتى لو كان الشخص ما بهون عليه فيكي الوجع بس انتي بتحسيه اصايل: معك حق بكلشي رماح:عندك شغل بكرى اصايل:مابعرف رماح:لكن رح اتركك تنامي اصايل:ماشي تصبح على خير رماح:وانتي من اهل الخير سكرت معو وضليت اتزكر كلامو كيف يعني مو خطبة تقليدية ليكون بدو يتقدملي بالبستان معقول شخص متل رماح حاببني هيك...الله يسامحو على هالفصل الي عملو فيني مارح اتجاوز بسهولة .......... تاني يوم وع غير العادة صحي غياث وبطريقو للبساتين هنيك كان مراد مستلم متريس مؤقت غياث:عوافي مراد:اهلين الله يعافيك غياث:انت مستلم السيارة مراد:هيك المتريسة بدها غياث:وين رماح مراد:مابعرف غياث:واخوه وين مراد:انجرحت ايدو بالشغل والدكتور حكالو بدك تريحها لانو الجرح وصل للعصب غياث:بتعرفلي وين بيتهن مراد:مو بعيد من هون بعد التقاطع بتخلص شارع السوق كلو هنيك في حارة صغيرة هو ساكنها غياث:يعني ازا سألت مراد: مافي داعي تسأل اكبر ساحة بالحارة بيتهم وقبالو محل خضرا غياث:شكرا دغري توجه للحارة بلبسو الشيك ونظارات ماركة يعني شياكة ع الاخير وعلى حسب ما وصفلو مراد وصل للبيت متردد كتير بس الموضوع ضروري كتير نزل من السيارة دق الباب ورجع لعند السيارة لاول مرة بفوت هيك مكان كان عم يتمايزو وبس انفتح الباب دغري انتبه وكانت صبية لهيك فكر انو مخربط غياث:عفوا...هون بيت رماح كانت مبتسمة ومبين عليها الخجل اخلاص:اي اوصلت غياث:فيكي تندهيه اخلاص:بس هو مو بالبيت طلع من بكير غياث: عنجد؟؟طيب وين بكون بهيك وقت اخلاص:ماعندي فكرة غياث:يعطيكي العافية اخلاص:الله يعافيك بس مين حضرتك لاخبرو انك اجيت لعندو غياث:مافي داعي تخبريه الا ما اشوفوا طلع بالسيارة ومن الحارة دغري ...... لساتها واقفة عند الباب ومبتسمة متل الهبلة اخلاص:مين هالحلوو يااا نيالك رماح بتعرف هيك عالم شيك وكانو متل المشاهير ولا سيارتو مين بدو يكون يا ترى يعني لو حكالي اسمو كنت رح اعرفوا مستحيل بس كان اتأملت الاسم اكيد اسمو حلو ومميز متلو اتلقت ضربة خفيفة على كتفها كوثر: مواعدة نضال 😂 تنهدت بتعب:لك مين نضال..... فاتت للغرفة ولحقتها تفهم منها كانت مو طبيعية كوثر: شبكي وليه من ايمتى بتصحي تمانية مروقة اخلاص:بتعرفي هدول الحلوين الي منشوفهن بس بالموبايل كوثر:اي اخلاص:من شوي اجى شب سأل عن اخي رماح اما شو عليه طول وجاذبية شخصية ابن الحرام وين عايش هاد بحياني ما صادفت متلو كوثر:بيعرف اخي اخلاص:اي ولازم اعرفو مين كوثر:حاجتك وليه من كل عقلك عم تحكي اخلاص:لك سيارتو بتجنن انا ما كنت مفكرة انو عنا بالبلد هيك عالم عايشة برفاهية كوثر:بلا جنانك مليان عنا هيك ناس بس لازم نعرف كيف بيعرف اخي اخلاص:ياريت يكون رفيقو معقول كوثر:كأنو اختي جنت الحمد الله رجعت اتزكرت شكلو وابتسمت واتنهدت بإعجاب . ........ التقى فيه عند تقاطع البستان زمرلو لحتى انتبه وابتسملو رماح وقف عند الشباك يحاكيه رماح:صاير زلمة وتيجي للبستان غياث:اطلع عاوزك بموضوع كان مبسوط كتير رماح من اخلاق غياث المتحسنة ما كان مفكرو هيك ركب جنبو وصار يتأمل السيارة حتى المقاعد الخلفية غياث:لك ع شو بتطلع رماح: اديش ماشي فيها غياث:والله انك فاضي لحالك رماح:عنجد بحكي غياث:ما صرلي زمان مشتريها وسافرت دغري هلا ما علينا من السيارة لازم احكي معك بموضوع ضروري رماح:معي غياث:بشغل اكيد رماح: ماعندي خبرة بمجالك غياث:افطرت ولا لسى رماح:منجدد معك غياث:... كانو متوجهين لمطعم بنص البلد للاكلات الشعبية لساتو رماح عم يفكر بالشغل مو ببالو اي شي طلب الاكل غياث ورماح لسى عم يتأمل كلشي غياث:وين كنت رايح رماح:كنت بالبستان حكالي مراد سألت عني ورايح لعندي غياث:بتتوقع الشغل انت رماح:بما يرضي الله بشتغل غياث: اي مين مخبرك فاتح بيوت دعارة بتفكرني متل صاحبك رماح:هيئتك اضرب منو مع غمزة وقحة غياث:شو انك جقر رماح:بعجبك هات لشوف شو بدك اشتغل غياث:انا بدي استلم شغل البساتين وماعندي فكرة عن الموضوع ومابدي مساعدة اصايل لعدة اسباب ومنها انها مريضة رماح:لهون كتير منيح وانا شو دوري غياث:تستلم متريس عن البساتين الي طلعت من حصتي رماح:عن ثقة بدك اشتغل غياث:اي مبين عليك معدل وماعندك لف ودوران رماح:مع انو عندي كمان التزامات غياث:بتدبرها بعرفك حربوق رماح:واصايل بتعرف غياث:اكيد رح افاتحها بالموضوع انو اجيب حدا غريب وتصير مشاكل بينها وبينو مارح تزبط رماح:بس انا مشكلجي غياث:ومعها كمان رماح:والله مابتعرف بالاخص هي متعصبةل تعب ابوها ويمكن اشتغل شغل ما يعجبها غياث:وانت حر التصرف مع العمال وبالارض رماح:بس اصايل تعبت كتير بتزبيط الارض والشجر والتمديد غياث: كنا ايد وحدة واتفرقنا وكل واحد أخد حصتو رماح:ماعندي اي مشكلة وبالنسبة لل اشرلو بمعنى راتب غياث:مارح نختلف بس الراتب بيتحدد بناءً على تعبك وشغلك رماح:موافق اكيد بقلبو غياث:بس لحتى أعطيها الامان مافي بيع ومع رماح مارح تعمل مشاكل وهيك ببيع وبالاخير رح تعرف بعد لفطور عزمو على قهوة بالبستان واتمشوا بحصتو رماح:كأنو اصايل حصتها بتعادل حصتك غياث: وطلع البير من حصتها رماح:ليش عمتلو قرعة غياث:طبعا هيك بدها رماح:مين سحب الورقة غياث:امي اكيد رماح:ليكون معينات الورقة 😂 غياث:لا ما بظن البير من حصتها ومشروع الطاقة بحصتي رماح:يعني من بعدها كل واحد حر ب الارباح غياث: اي وانت وشطارتك رماح: اصايل مشتغلة شغل مزبوط فيها بتضمن هالسنة تكون لصالحك غياث:ايه طمنتني بس انا مؤقتاً بدي استلمها رماح: ليش غياث: عندي مشروع انا مهندس وما الي بمجال الزراعة بدي اشتغل بمجالي رماح:بس حسب ما افهمت منك مو مكمل غياث:خلصت لهو ولعب وهالسنة رح اقدم من جديد رماح:رح تسافر غياث: لهيك بدي تتريس ونضل على تواصل رماح:اعتبرها بايادي امينة اطلب منك طلب غياث:اكيد رماح:مابدي تخبر اصايل مين رح يتريس الارض غياث: مشان تطمن رماح:خليها شوي تتحزر غياث:عنجد انك بتموت ع المشاكل رماح:ردات فعلها الها جو خاص غياث: ايمتى ما حبيت بلش بالشغل رماح:بكرى ع الاكيد وع اتفاقنا غياث:وبتأمن عمال رماح: شغلتي ولا يهمك تصافحوا لتبلش الصفقة الجديدة .......... الحلقة الثامنة والستون بقلمي:مايا الحجازي المسا اجتمعنا بحديقة الفيلا كنا عم نشرب القهوة مستفقدة لرماح كتير لينطق غياث غياث:انا بدي احكي معك بموضوع الارض اصايل:مو واثق مني غياث:انا عينت متريس بحصتي ماما:بدك حدا أأمن من اختك غياث:اتركوني على راحتي اصايل استلمت الارض وعلى كيفها هلا اتحاصصنا وماحدا الو علاقة بالتاني اصايل:ومن وين المتريس منعرفو غياث:كتير مهم تعرفي اصايل: لا تنسى البير وساعات تشغيلو غياث:مارح يصير مشاكل ابدا هو الو بحصتي وبس وانتي الك بحصتك اصايل:وانت واثق ما يتلاعب بالفواتير والمصاريف الي رح يحطها بالارض غياث:لو مو واثق ما عينتو بقلبي:لنشوف الكم لمرتب الي رح تاكلو الواحد على ارضو من حالو دوبو يأمن اصاايل:انت حر بس يا ويلك ويصير مشاكل او ازعاجات منو غياث:لا انتي مين بيقدرلك اصلا وضاح ما طلعلو معك اصايل:لانو الغريب غريب ماما:نحن مشانك غياث:ازا مشاني اتركوني ع راحتي طبعاً ما عجبني الكلام ابدا ووالاحسن يكون المتريس وسخ وما بينهضم ساعتها لاطفش الي خلفو اعتذرت منهم اصايل:بالازن غياث: ليكون ازعلتي اصايل: صرت اتفادى التوتر والزعل تصبحو على خير ماما غياث: وانتي من اهلو فتت لفيلاا ما بظن واحد متل غياث يكون عندو إدارة ازا الخدامة ضحك عليها وقلعها ابصر من وين جايبلي المتريس لجديد لعمى والله ما بتحمل حدا يتحكم بارض بابا غيرنا حتى غياث كنت اتدايق منو البست البيجامة وبلشت اتزكر شو صار معي خلال هالاسبوع ......... تاني يوم الحماس مليون عندو بدو يستلم حصة غياث ومتأكد اصايل دريانة ومقهورة بس هو حابب يشوف ردة فعلها كان عم يلبس ومبتسم جراح: صباح الروقان رماح:مو بلا جراح:وين مو قلت خلصت بالطابو رماح:ع الشغل لجديد جراح:جديد؟؟وين بدك تشتغل ع اساس نزبط الارض ونشجرها رماح:بعد بكير ع الزراعة للموسم بيفرجها الله جراح:ما قلتلي وين رايح رماح:استلمت متريس جراح:صاير ملعبة مين ما اجى بقلعك مين ما راح بيرجعك رماح:مو عند اصايل جراح:لكن رماح:عند غياث جراح:😂شو بتنكت رماح:لا ما بنكت هو وياها متخالصين وكل واحد الو حصة متخيل اصايل الها النص😂 جراح:يا عمي مسيطرة ع العيلة رماح:بس اتزكر شو بتعمل ومن وين جايبة جرأتها اااخ بزيد اعجابي فيها جراح:ايه مين قدك صرت متريس وناوي ترتبط بمتريسة رماح:متخيل انت اديش بدي اعمل معها فصول ناقصة جراح:مو مسدء اروح للمركز مشان ايدي وارجع للشغل رماح:اي شد حيلك مشان لا يروح عليك كتير كان لابس بنطلون اسود وبلوزة زيتيه وجاكيتو المعتاد وطلع للشغل ....... كنت مزروعة بالبستان من الصبح بدي اعرف على شو ناوي غياث وكمان جايب سيارة لنقل العمال معناتو الشغلة جد مو مزح اصايل:كأنو ما اجى متريس ارضك غياث: ليش كتير مهتمة بالموضوع روحي للاستراحة بس يجي ببعت وراكي بعرفك عليه مشان لا يصير مشاكل اصايل:ماشي اوعك تنسى انا مو مشان شي مشان ما نخسر بعض مشان شغلة تافهة غياث:اتوكلي على الله غصب عني تركتو اتمايزت السيارة طبعاً بدو يتحداني بكلشي حتى بهي جايب نفس البيك اب الي عندي ونفس اللون لنشوف من وين بدو يدبر العمال ياريتني ما زعلت رماح كان ساعدني وطفشناه وخلي البساتين كلها ترجع تحت سيطرتي والله اتعبت وجبت مهندس دفعت مبالغ خيالية لحتى صارت الارض بتجنن ومنظمة التمديد قعدت بالاستراحة وناطرة على نار كنت مقهورة كتير واول ما اتصل فيني غياث رديت دغري اصايل:شو صارمعك غياث:هلا اجى تعالي قبل اروح فصلت واخدت العصاي بأيدي ورحت ع اساس ماشية ببرود بس انا من جوى متل الشرار جواتي شفتو واقف مع جماعة كلهن شباب بمختلف الاعمار وهلا ركزت منيح لاتأكد انو هاد رماح الي واقف معو وكانو عنجد متريس حامل عصاي متلي وابتسملي معقول لكككك غياث:شرفت المتريسة مافي داعي اعرفكن على بعض صرت اضرب بالعصاي بايدي التانية اصايل:هاد انت رماح: اتفاجئتي اصايل:ما توقعت...على كلا مفهومة التعليمات غياث:مبارح فرجيتو على حصتي وبيعرف مزبوط شو بيترتب عليه لعمى لساتو مبتسم حسيتو جاي يتحداني اصايل:ايه بالتوفيق سيد رماح رماح:تسلمي لحقني غياث بسرعة ووقفني غياث:ما جبتو غريب لحتى ما تزعلي ويصير مشاكل أنتي ورماح متفقين اصايل:مابعرف انشالله ما يصير مشاكل غياث:لشو المشاكل كل حدا حر بأرضو اصايل:ليك انا اتعبت كتير واي خطة ري او سماد ممكن تضر الشجر رح اعملو مشكلو غياث: فيكي توجهيه مشاكل مابدي اصايل:ماشي واوعى عمالو يقربو صوب البساتين وانا رح اخبر العمال عندي ما يتجاوزو حدود ارضي غياث:وجبت سيارة لحتى ما يصير مشاكل وسلمتها ل رماح