عشقت هواك - الفصل 18 | روايتك

الجزء 18: مناقرتهن بتفرط من الضحك لانو رماح اخد الموضوع جد وجراح بيتمسخر مسخرة عليه شاي ودخان اخر رواق رماح:يلا حبيب روح جيب لبضاعة جراح:بلا حبيبي مابكفي بدي ادهن رماح:انا رايح بس يا ويلك وتطلع كزاب اصايل:خود السيارة جراح: اي احسن واسرع رماح:مشان ارجع اخدك تدهن جراح:زلطو لبيوت منيح😂 بنطلوني معلق ورا الباب مو تدهنوه بدي اعيد فيه فرطت من الضحك على ملامح رماح رماح:يعني انت بتجدبها جراح:زلطوه لارجع رماح:بدك ما تواخذينا بزمانو وقع على راسو واشش شوي اصايل:هههه رماح:راجعلك اتحلفلو من كل عقلو وراح اصايل:ليش بتجاكر فيه مابدك تدهن جراح:لا شو دخلني هو مأضرب عن الشغل اصايل:ليروح ما يدهنوا جراح:هههه مارح يعلق مع بابا اصايل:انشالله بيدهن البنطلون جراح:عندي وعندو نفس الجينز انا بلبس من عندو وهو مفكر انو الي اصايل:هههه يا ويلي منك وبلكي كشفك جراح:بتنحل بساعتها اصايل:الله يخليكن لبعض جراح: شايفيتنا مناح يعني اصايل:صحيح بتتناقرو بس مبين انكن حناين على بعض جراح:لانو ما النا غير بعض اصايل:ليك بس يرجع رماح اندهلي ما بخليك تروح تدهن جراح:ينصر دينك تركتوا ورحت للاستراحة كنت مبسوطة لاني اتعرفت على هيك ناس . ........ بالحارة بعد ما جاب لدهان راح لبيت لينا دق الباب وكانو كانت بانتظارو واختها موجودة لهيك فتحت وهي مهدية الشالة ونص شعرها برى لينا:اهلين رماح رماح:شو وين امك لينا:اي هلا بترجع فوت فات متردد شاف لينا همست لاختها لينا:روحي اندهيلا لميس: في شي ضروري رماح:صرت جاي اكتر من مرة مشان نفس الموضوع طلعت هي كتير فهمانة على اختها سكرت باب البيت ودغري لينا اتعمشقتوا ولانو ما معو وقت دغري اتجاوب معها وبعد مرور وقت مو طويل لينا:بتكون مبسوط وقت تكون معي رماح:انتي رح تجاوبيني ع هالسؤال لينا:بكون طايرة من الفرح مبارح كانت عندك ضيفة رماح:ما علينا من هالحكي بدي تغمضي عيونك بالاول لينا:ياي بحب المفاجآت غمضت وبسهولة سحب الموبايل من على الطاولة وفتحو على بصمة الوجه لينا: افتح رماح:خليكي مغمضة بدي أتأمل جمال بشرتك لرقيقة باسها وعينو على الموبايل وفتح الواتس ليشوف محادثة جمال بالاول انصعق بس مو متفاجئ وانو الاتصال الاخير كان فيديو خلا فيوزاتو يضربو وصور كتيرة الها بدون حجاب وبحفرة غمض بقهر ونترها نتر من أيدها لهيك فتحت مصدومة والصدمة الاكبر موبايلها بايدو رماح:انتي وحدة رخيصة لينا:انت ..انت كيف فتحتوا رماح:ما خيبتي ظني ابدا لينا: هات الموبايل رماح:مو قبل اشوف وساختك كلا لانو اقوى منها منعها تقرب صدمات متتالية تواصلها مع شباب غريبين ع المسنجر وماعدا تخابيصها مع جمال رمى الموبايل من ايدو بجية لميس وامها ام لينا:طولت عليك يا ابني رماح: الموضوع انتهى لينا بتحكيلك ام لينا: شو الموضوع لينا:.... طلع تارك وراه لينا ترجف من فضيحتها قدامو وامها مو عرفانة شو الموضوع ام لينا:كانو طفش لينا:من شروطك لميس:شو القصة حدا يفهمنا هو اجى مستقتل لينا:انتي لاحظتي لميس:وقلتلك شبو لينا:انا مابدي يتركني بحبو كتير 😭 ام لينا:قلتلك منتووف شو بدك فيه لينا:... فاتت لغرفتها وحاولت تتصل فيه بعتتلو لينا:رماح بترجاك تعطيني فرصة اشرحلك جمال استدرجني وانا بريئة من كلشي رد عليي بترجاك وكملت بكي ونواح ........ الحلقة الثامنة والاربعون بقلمي:مايا الحجازي كان قاعد برى ويهز برجلو من التوتر ضارب بوز ونفسو صعب شغل سيكارة بعد ما طفى الأخيرة وصغر عيونو رماح:بريئة من اول لحظة فوتيني فيها للبيت وانا احساسي ما بخيب هي مو من توبي ما استحت ونحن ما بيناتنا شي يعني لو ما كشفتها رح تخوني هي بدمها هالشغلة ولو بدي اقضي عمري عزابي مستحيل اقبل بوحدة متلك لينا رد عليها:سفالتك مارسيها بعيد عني وعن حياتي رقمي انسيه واعتبري لا طلبتك ولا حتى بعرفك وقف بعصبية حاول يهدي حالو طل من الباب كانن مشغولات بتجهيز الغدا رماح:انا رايح للبستان وازا سأل بابا عن لدهان لبكرى رجع للبستان والقهر معبي قلبو مو منها بس لانو حط حالو بهيك موقف بالبستان كانو العمال واصايل عم يتغدو ابتسم لعفويتها عم تاكل سندويش وتشرب شاي أطلع بجراح الي تمو معبى اكل مبين ميت من جوعوا وهلا اصايل لحقتو بكأس مي بقلبوا:هون بنسى العالم جراح:خيي كنت رح اموت اصايل: صغر لقمتك مو منيح الطمع جراح:😂خلي يطلعلي شي زايد اصايل:خدها يا عمي لا تموت بالبستان جراح:شو رماح ماني شامم ريحة دهان اصايل:لحتى تعرف اشطر منك ما وسخ تيابو رماح:هيك بتغدرو فيني اصايل:ما قلت رح ترجع رماح:قلت بس انتي ما بدك تحسبي حسابي مراد:نحن منسدء كلشي الا انو المتريسة بخيلة اصايل: احم سامع رماح: على كلا صحتين سبقتكن بقلبوا:اكلت هوى جراح:في لحمة بالغدا اصايل:ليش ضل مكان جراح:قبل اخر لقمة😂 رماح: انا شفت لحمة بالصينية مراد: شووو قابرين الفقر جراح: يقبرني اياك عنجد لحمة رماح رماح:كمل بتجوع لوقتها اصايل:لو ما جاع بيتسحرهن جراح:هههه شو عرفك ضيفتو شاي كان يتأملها وابتسملها اصايل:طيبين رماح: يسلموو بقلبو:كلشي منك طيب شف منها ولساتو عم يسترجع كل الي صار. ..... ببيت جمال كان مقهور من هالخبرية لينا: احكي ليش انخرست جمال:يخرب بيتو كيف فتح الموبايل لينا:غبية لاني جمال بتحكيلو انك عم تهددني بدون سبب وانو انا ضحية جمال:هههه ضحية طمع ومصاري لينا:لك بترجاك احكيلو استدرجتها هي مو هيك جمال:شو نكزب ع بعض بعدين مدامو شاف محادثتنا مابقى استرجي احكي معو بس ليكي انا ناويلو ليما:جماااال افهمني انا بحبو بحبو جمال:فترة وبتعدي لينا:ما بتعدي لك لسى ما لحقت افرح بارتباطي فيه بح طار جمال:طيب مدامك حبيتيه ليش ما مسحتي سجلك العاطل واخلصتي الحب بدو اخلاص لينا:بتعرف تاكل هوى انت جمال:هههه شو عاجبك فيه نفسية وحقير لينا: ما سدءت وقت واعدني انت ما بتعرف كان حلم بالنسبة الي مشغولة فيها ليل نهار وفجأة يصير مقرب وهلا شوو جمال:لو ما شك ما اتحقق لينا:بكون شايف عندك شي جمال:انا ما بسلم موبايلي لحدا لينا: والعمل جمال:احكي مع ابوه لينا:ااااخ منك ومن حلولك جمال:روقي يا حلوة عيونك دبلو من البكي مستاهل بلا لينا:😭بكرهككك جمااال جمال:ماعم تفوت لمخي بتحبيه ومو مخليه شب يعتب عليكي لينا:شو مفكرني بلا مشاعر جمال:لا انتي الي كلك مشاعر بس هي نتيجة الغلط لينا: اخرس خلص عيرني سكوتك جمال:هههه بتحبي البيتزا لينا:😭😭😭 تركتوا ورجعت للبيت وبس تتزكر كيف كشفها تهستر. ......... قبل الغروب شيكنا سوى على البساتين بجية النواطير رماح:وهي امنتي ع البساتين اصايل:بس مابدي اتركهن رماح:ههه اليوم شكلك رواق اصايل: انت مبين في شي زاعجك رماح:... اصايل:تعال اسهر عنا رماح:غير مرة😂 اصايل: بتشرفنا عندك دهان بكرى😂 رماح:شو اعمل بلاني اخي العاقل اصايل:بس مبين ابوك بدو يفرح فيكن رماح:😂بكون حسبها قبل ولادة مرتو وجية قرايبينها لازم البيت يكون بمقام لضيوف اطلعنا سوى بسيارتي رماح:عم تقلها عليكي اصايل: بالعكس انا ولا مرة كان عندي اصدقاء مقربين يعني عم تمنحني سعادة بهلشي رماح:بتشوفيني بس صديق اصايل:وبحس مستحيل نتعدا هالمرحلة رماح:بشوفك غير شي اصايل:... رماح:انا بعرف شو بيخطرلك اصايل:عدة اسباب بتمنعني رماح:قلتلك بدي ارتب امورنا اصايل انا مو طمعان الا بأخلاقك فيكي لشخصك مو بشي تاني أصايل:لا تشرحلي هالشي وانا بعرف عندك عزة نفس وكرامة اول سؤال رح يتوجهلك شو عجبك فيها رماح: اخر همي اراء الناس واسئلتهن كمية الوعي الي بعقلي رح تصدمك اصايل:مبين عليك هالشي طيب فينا نأجل الموضوع لحتى افهم غياث شو ناوي يعمل رماح:انا اليوم تركت لينا اصايل:ليش رماح: مافيني احكي الاسباب بس حسيت مو هي حلم المستقبل الي راسموا بخيالي اصايل:زعلت؟ رماح:المهم انا اكون رضيان سعادتي اهم اصايل:.. رماح:ايمتى بدك نحكي اصايل: خليها مع الوقت اكيد رح نحكي رماح: زوريني ها السهرة معك عالم تاني اصايل:ولايهمك انا بس بدي كلمة رماح:بتشرف فيكي وصلتو للحارة والا يبتسملي رماح:طمنيني اول ما توصلي اصايل:مع انو ماني صغيرة والوقت بكير بس بطمنك رماح: بالسلامة ارجعت للبيت كنت مبسوطة كتير شو يعني رتب امورو يعني معقول ارتبط فيه؟؟انا كتير عاجبني بس كمان خايفة تكون مشاعر مؤقتة وخايفة اعيش بندم وصلت للفيلا بوقت العشى غياث:حمايتك بتحبك ماما:حماية؟ غياث:حماوة مابتفرق اصايل:اتغديت مع لمرابعين غياث بس تشبع ابعت وراي غياث:ماشي كنت متوترة كتير اتحممت واللبست بيجامة للبيت ناطرة الافندي لحتى اندق الباب فتحت كانت شذى شذى:السيد غياث ناطرك برى انزلت دغري كان مبين عليه مروق قعدت على الكرسي واخدت نفس عميق اصايل: شوفي عندك غياث:ليش متوترة اصايل:من المجهول الي مخبيلي اياه غياث: أنا سألت كتير ولو تعرفي البلاوي الي ناطريتنا اصايل:احكي غياث:اليوم حكيت مع المحامي شرحتلو عن وفاة بابا وكيف كل املاكوا لسى بأسموا اصايل:مين المحامي غياث:عن طريق طارق اصايل:الي ما بتعرفوا غياث بابا قبل وفاتو اعطاني وكالة عامة باملاكوا حسيتو انصدم غياث:كيف ؟؟؟ايمتى؟؟؟وانا ليش مابعرف اصايل:ما صارلي وقت احكيلك فيه اول مرة تعب فيها جاب المحامي ولانك مسافر اعطاني وكالة عامة وبدي تحط بعين الاعتبار أرضنا ما بتنباااع غياث:ليش لحتى حكيتي هلأ اصايل:تركتك تحلم انك بعت واتصرفت غياث:كان فيه يخبرني او مو معتبرني ابنو اصايل:انا مابعرف ليش عمل هيك بهداك الوقت ما اعطيت للموضوع اهمية بصمت على الأوراق هيك إجراء عادي بس اليوم اتأكدت ليش هيك عمل بابا غياث:يعني انا هلا تحت رحمتك اصايل: ابدا انا ماباكل حق حدا وحصتك رح تستلمها وحالا بس الشي الي رح يمنع تنازلي عن حصتك هو بيع الارض غياث:شو بدك انتي حصتك الك انا عندي مشروع ولازم يتنفذ اصايل:اهتم بالارض اهم من كل المشاريع غياث: بالنسبة الك انا حلمي يصير عندي شركة خاصة فيني اصايل:بدعمك بكلشي بس بيع ممنوع تبيع غياث:انا حاليا تحت تأثير صدمة النفاق الي مارسها ابوكي معي اصايل:مو ابوك يعني غياث:في اب بيخلي بنتو تمسك اخوها لكبير من رقبتوا اصايل:الله يرحموا كان عندو نظرة ثاقبة غياث:تفكيرو كان محدود اصايل:ما بسمحلك تحكي عليه غياث: طبعاً دللك دلال مابعدو دلال حقك تزعلي بس احكي عليه اصايل:يعني لوين بدك توصل غياث:مدام الشغلة عندك بدي حصتي اصايل:الحق لا يعلى عليه بتنازلك بس مارح ينباع شي غياث:شو انتي بدك تسلبيها عليي تتنازلي وتضلي الكل بالكل اصايل:تعبنا بدك تفرط فيه غياث:طيب انا مو اختصاصي الارض اصايل:باخدها منك ضمان وبالمبلغ الي بتطلبوا غياث:وازا بالموسم طالعتي اكتر اصايل:مو شغلك الموسم الك تاخد حقك بربح بخسر هالشي بيخصني غياث:...متل مابدك ودخلك الفيلا من حق مين اصايل: كلشي معي وكالة عامة بكلشي حسيتو زاد الضغط عليه غياث:... اصايل: ناوي تبيعها غياث:لا ابدا بس اخدت فكرة مو اكتر اصايل:واي استشارة انا جاهزة غياث:وبدك تتوزع الورتة حسب الشريعة ولا القانون اصايل: القانون غياث: متلي متلك يعني اصايل:عندك اعتراض غياث:لا واصلا كيف بدي اعترض وانتي ماسكة زمام الامور وتركتيني اخطط وسايرتيني لك يخرب بيتك كيف طاوعك قلبك انا احكي وانتي بتعرفي ومطمنة ع الاخر اصايل:انت مستحيل تفهمني وتفكر متل تفكيري في فرق الي بيتعب مو متل الي بياخد ع الجاهز غياث:بس اتعبتي ونلتي تركني وفات مو عاجبوا ولا حتى انا عاجبني كنت حاسة بنوع من القهر من ردة فعلو ولو كان حقو بس لازم يترحم على بابا ويحكي عنو بأدب. ....... بالغرفة يتمشى رايح جاي غياث:جواد بيك كتب كلشي بإسم بنتو لمدللى ليش ما حط الوكالة باسمي او سجل شي باسمي على حياة عينو كنت اخد مصروفي منو صرت اخدو من اصايل الفرتوكة اوووف هي صحيح بالحجم صغيرة بس والله مفعولها كبير وتاركة غياث يسرح ويمرح بخيالو من حظ صاحب النصيب بس ع شو ماهي رح تصير زلمة البيت هي ازا حدا أتطلع فيها والاحسن ما تتجوز رح تموت واورتها اي بحبها وهي اختي بس هيك بصير بالنهاية وقت يكون الأب منافق . ....... الحلقة التاسعة والأربعون بقلمي:مايا_الحجازي تاني يوم بلشت حملة دهان البيت غرفتهن فاضية ورماح ملطخ بالدهان وعيونو مطبوخين من المواد النفطية الي بالدهان رماح:وين الشاي اطلقن ضحكة بنفس التوقيت رماح:وجع منك الها ع شو بتضحكن اخلاص:ليكو جنبك الشاي رماح:... زورهن وصب الكاسة كوثر:اخي شو بتتمايز فيه كل شوي رماح:بدك يطلع الشغل مو زابط كوثر:ههه اه لانها غرفتكن رماح:شو قصدك وليه اخلاص:معقول تتمايز غرفتنا هيك رماح:اي غرفتنا ابدا كوثر:ليكون بدك تتجوز فيها😂 رماح:ليش عم تضحكي وليه كانو جوازتي صايرة مسخرة هالايام كوثر:لا بقصد بتوسع تخت ونص خزانة وفرطن ضحك اخلاص: والعروس اقل من غرفة كاملة مكملة وتوابعها ما بتقبل رماح:يعني بيطلبوا حتى العتبة كوثر:لازم من برى صوت جمال جمال:يالله يالله رماح:اختفن من خلقتي بسرعة راحن ل غرفتهن وفات جمال مبتسم بقي رماح مطنشو وعم يدهن الحيط جمال:شو عم تدهنوا رماح:لا منشطف جمال:انا جاي اسلم عليك سكر الباب رماح وارتكى عليه ب تعب رماح:حكت معك لينا اترجتك تحكيلي انك استدرجتها جمال:شو هالحكي رماح:احكي ليش جاي جمال:بدك الصراحة لا استدرجتها ولا هددتها مرة التقيت فيها بالدكانة وغمزتني بمعنى رصيد اعطتني رقمها ومن بعدها صارت كل اسبوع تطلب رصيد رماح:وليش ما حكيت هالشي من اول ولا كان بدك اوقع بفخ الشرف والنزاهة جمال:شو احكيلك... هي اجت وحكتلي رح يصير شي رسمي بينك وبينها وانا لا بعرفها ولا هي بتعرفني رماح:وانت شو حاببني حب وبدك ابتلى فيها جمال: خلص تركتوا ما صار شي رماح:تركتها مو تركنا جمال:الله بحبك يعني انقضت الشغلة بفاتحة بدون كتب كتاب رماح:وانت جاي تشوف حالتي ولا تشمت بزيادة جمال:لا مو شماتة بس هي بتحبك رماح:بتحبني؟؟قول بتحب كل رجال العالم ليك جمال انا ما بلومك انت شب وانا بعرف لو ما هي أعطتك ريق حلو ولا يمكن كنت تطلع فيها جمال:اي والله رماح:انا بلومك لانك ما خبرتني انك على علاقة فيها جمال:شو بدي احكيلك انا بحاكيها كنت رح تسدءني رماح:اي وقت تفرجيني صورها بسدءك جمال:ويمكن تفكر هي ضحية رماح:.. جمال:كيف صار وشكيت فيها رماح:ما عجبني اسلوبها ابدا كانت قاتلة حالها عليي وهالشي استفزني انا مابحب البنت الخفيفة جمال:ههه لكن كيف بتشوف وردة ومهجة رماح:شو بدك كيف بشوفهن جمال:سؤال بيخطرلي ليش ما بتكون متلي فري رماح:يمكن حكيتلك قبل بمرة انت مافي حدا يسأل عنك بس انا شوفة عينك اهل واخوة يمكن اكون قدوة لواحد منهن جمال: الحق معك يعني انت مو زعلان رماح:لا ابدا خازوق واكلناه جمال:طمنتني اجيت ومتردد يعني انت اعرفت انها حكتلي رماح: واضحة ومبينة جمال:شو سبب لدهان رماح:هيك بابا بدو واسترجي اسالوا شو السبب جمال:مدامكن عم تدهنوا حول ع السهرة عندي رماح:صار عندي عقدة نفسية منك هديك المرة انت باعت وردة للبيت جمال:هي صرعتني بدها تحكي معك رماح:انت مين مسلطك عليي اه جمال:ههه هاد لانك حلو وملفت رماح:اوعك تنعاد مو ناقصني بهادل من بابا جمال:ليروح يعجب فيها ابوك😂نفسو خضرا رماح: ايوا هاد الي كان ناقص جمال: مابدي اعطلك بستناك على السهرة رماح:ماشي طلع معو ودعوا برى واتنفس هوى نظيف فات للبيت وكمل تلطيخ الحيطان ......... كنت بالغرفة وجع راس من جهة وحدة مخليني مشلولة عن التفكير وحتى من اني امسك موبايلي مع اني اشربت المسكنات بس عالفاضي سالو دموعي اول ما اتأكدت اني عاجزة اعمل اي نشاط يومي حتى وشي ما غسلتو بدقة الباب اتجلست بالزور غيرت مكان لمخدة وارجعت غمضت غياث:اصايل....انتي منيحة ليش ع العتمة أصايل:تعبانة حكيتها والعجز مكتسحني حسيت وقت قعد جنبي غياث: اشربتي الدوا اصايل:كتير موجوعة غياث معاد فيني غياث:والله مابعرف ما اتحسنتي اصايل:انا عاجزة اعمل اي شي حتى مو قدرانة اشوف الضو غياث: شو خبرك الدكتور اخر زيارة اصايل:مافي حل نهائي مسكنات بس كمان ما استفدت غياث:ريحي حالك هاد كلو من روحة البساتين الشمس والتعب كلو بيأثر أصايل:كتير موجوعة غياث😭 غياث: سلامتك سلامتك مسحلي على شعري غياث:طيب نامي ريحي حالك أصايل:نمت واصحيت والوجع ما خف غياث:والله مابعرف شو اعملك اصايل:... غياث:اخدك ع الدكتور اصايل:لا مابدي غياث:رح اخليها تجهزلك اكل رح تتحسني بعد الاكل بقلبي:ما الي نفس لشي ابدا ....... بالمطبخ فات بهدوء وابتسم وقت شافها عم تتسلى بموبايلها واول ما لمحتو وقفت بخوف شذى:اهلين سيد غياث غياث:جهزي اكل ل اصايل شذى:حاضر غياث: دخلك امي بالبيت شذى:اي هون اخد نفس وزفرو مو عاجبو غمزها بشقاوة غياث: مع انو كنت حابب نطلع مشوار سمع طقطقة الكعب لهيك عدل وقفتو وصوت ضحك موفق وامو ضل يتأملهن وهني نازلين وجاهزين غياث:شو وين الهمة إم غياث:معزومين على عيد ميلاد تيا غياث:اصايل تعبانة ام غياث بلهفة: شبها موفق:ما حلك تتعودي على تعبها غياث: اطلعي شوفيها موفق:هي مابتحب الضجة والضو ليش لتزعجيها كان يرميه نظرات كلها حقد لانو واضح كرهوا ل اصايل موفق: بعدين ما بتتعب من شي قليل روحة بساتين وقفة نص لنهار بالشمس تريح حالها ليش في رجال لكن لتروح البنت تتريس الشغل غياث: خلينا متفقين متل اصايل ماحدا بيهتم بالارض موفق:تتحمل لكن غياث:انت مين بيتدخل بينك وبين اولادك ام غياث: رايحة اشوفها موفق:مو يتعكر مزاجك هلا بلغي كل الطلعة راقب امو لطلعت وقرب من موفق ونظراتو كلها خباثة غياث:شوف عمي هالمرة صارت واتدخلت بينا وبين امي تاني مرة لا تعيدها موفق:ما اتدخلت بس هلا بتشوف مارح تتحسن اصايل من شوفة امها غياث:ع الاقل بتحس انو امها جنبها موفق:... وقت نزلت امو بقي مو عاجبو لانها اتصنعت الابتسامة خوف من موفق موفق:شو صار معك ام غياث:بتتحسن انشالله غياث ضل مع اختك لا تتركها غياث:وبلكي عندي مشوار ام غياث بخوف:لا يوه اوعى تتركها كتير تعبانة غياث:ماشي ام غياث:اوعك تروح لمكان غياث:خلص روحي وانتي مرتاحة حطت ايدها بايد جوزها وطلعت معو سمعهن يحكو بصوت واطي موفق:ليكون اتعكر مزاجك ام غياث:لا ابدا طلع لبرى راقبهن لحتى طلعو من الفيلا حط ايديه بجيابو وفات للمطبخ بس ما كان الو نفس يتحركش شذى مزاجو معكر مشان اختو الي من مبارح بغرفتها وماحدا استفقدها شذى:بدك شي سيد غياث غياث:مو عاجبك شذى:انا مشانك غياث:... قبل يتحرك سمع صوت جرس الفيلا معناتو في ضيف برى طلع ومو متوقع اي حدا ووقت شاف رماح ابتسم بخباثة برى عند البوابة اضطر يسلم عليه لانو مد ايدو رماح رماح:كيفك غياث:الحمد الله رماح:جاي اسال عن اصايل غياث:ليش؟ رماح:ماعم ترد ع اتصالاتي غياث:شو بدك منها؟مو كأنك ما بتشتغل عندها رماح:اي بس جراح خبرني انها ما اجت غياث:وانت خايف عليها؟ رماح:خايف؟؟لا ابدا بس جاي اتطمن عليها غياث:بس رماح:مدامك اخد الموضوع مسخرة بالازن غياث:لك فوت مو حلوة نحكي هون رماح:غير مرة غياث:استنى لا تروح رماح:ازا بدك تضل تتمسخر الاحسن اروح غياث:حسيت من ورا جيتك في شي رماح:هي تعبانة غياث: اي ...في شي بالشغل رماح:لا مافي شي طمن بالك غياث:طيب فوت رماح:شكرا بخاطرك غياث:الله معك الحلقة خمسون بقلمي:مايا الحجازي ضل يتأملو لحتى اختفى من الحارة ودغري فات لعندها كانت لساتها بمكانها ودموعها عم يسيلو هز راسو بقلة حيلة قعد جنبها على التخت ومسحلها دموعها غياث: ليش عم تبكي هلا بتتحسني اصايل:ياريت يا غياث غياث:الزعل بزيد الوجع يعني تقوي مشان يخف وجعك اصايل:شو اعمل يعني غياث: فتحي عيونك اتجلسي قومي غسلي مدامك بنفس المكان رح تضلي بنفس الحالة اصايل:هاد احسن حل اجت شذى ودقت الباب رغم انو مفتوح غياث:حطي الاكل هون يلا اصايل اتجلسي كان مبين عليها التعب والارق جرت حالها جر وراحت للحمام وهو مسك موبايلها وشاف مكالمات كتير بإسم رماح وفي ارقام غريبة غياث:كتير صحبة لحتى جاي يتطمن ليش قلبي حاسسني انهن حابين بعض بس هو شكلو حابب رزقتنا اكتر حط الموبايل بمكانو رجعت مغسلة ولسى وشها مي وخصل من شعرها قعدت من جديد بقلة حيلة غياث:يلا كلي انتي مع الاكل ومختفية ضملها شعرها وربطو غياث:يلا ولوو بدي اترجاكي تاكلي مدت ايدها وبلشت بالاكل لهيك ارتاح غياث:اي بالمناسبة اجى حدا يسأل عنك اصايل:مين؟ غياث: حطي احتمال اصايل: رماح غياث:يعني صحبتكن قوية اصايل:... غياث:شوفي بينك وبينو اصايل: احترام متبادل غياث:يعني مو اعجاب وحب اصايل:انت شايفني بنحب غياث:انتي معقدة كتير ولا شو ناقصك يعني اصايل:انت مع انو حدا يحبني غياث:هلا بفهومي وقانوني ما بأمن بحب قبل الزواج لانو الشخص بكون محتاج ل عاطفة تحتوي مشاعرو يعني اي شخص رح يبادر رح نمنحو الحب بغض النظر استمرينا او لا اصايل:يعني لو انت حبيت وما صار نصيب عادي غياث:😂كتير حبيت بس مخبي الحب لكبير لمرتي هي ازا اتجوزت وانا مع تجارب الحب الفاشلة اصايل:ليش غياث:لانو بصير مفهومنا للحب اعمق مو بس كلام وحكي حب وغرام اصايل:مابعرف او ماني مركزة غياث:هلا رح تتحسني او قلك طمني رماح عنك اصايل:... غياث:عندك ارقام غريبة انتي مع مين بتتواصلي اصايل:اول شي هاد الخط لبابا واغلب الي بتعامل معهن كان بابا يتعامل معهن غياث: لعمى ورتانة حتى الخط يخرب بيتك اصايل: فاضي لحالك غياث:لك صحيح قبل انسى ليش بتكرهي موفق انتي اصايل:شو خطرلك غياث:انتي احكيلي السبب وما عليكي اصايل:بحسو سرقها مننا ...يعني صحيح على دور بابا كانت تهتم فيه بس كنت ما استغرب هالشي ابو اولادها بس هاد مابعرف بحس انو خطفها مننا ولو بيطلع بأيدو بخليها تكرهنا غياث: ليش انا ما بفكر متلك اصايل:يمكن لانو انت كنت موافق على زواجها غياث:وافقت لانو امي لساتها صغيرة اصايل اي وحدة بدون رجال ما بتسوى شي اصايل:ليكك رجال وابنها مو غريب غياث:الزوج مو متل الابن اصايل:وبالعلامة عندو عيلة تانية وبحب ماما كتير وبحب مرتو كتير ما بتحس انو زواجو منها لمصلحة غياث:هههه ليش هو رح يحصل مننا شي اصايل: انت مابتفهم عليه بكرى بتشوف كيف رح يقنعها انو هي احق بتعب جوزها انت متخيل سنة كاملة ما سألتني كيف كان الموسم وبعدها صارت تحكيلي لازم تعرف الشاردة والواردة غياث:وكنتي تعطيها اصايل:بالنهاية هاد حقها وانا مو ضد انها تاخدو بس مو يحرضها ضدنا غياث: اليوم لحتى اعرفت ليش بتكرهيه اصايل:بكرهوا لانو سرق ماما مننا ........ اتزكرت بعد وفاة بابا بسنة كيف خبرتنا انو اتقدملها السيد موفق الي كان صديق لعيله اهلها وانو ازا ما وافقنا مارح توافق بقلمي مايا الحجازي غياث:وين صفنتي اصايل: ياريتنا ما وافقنا غياث:وتضل وحيدة انتي مو فاضية الها بنوب وانا بسافر اصايل:... غياث:كمان هو منيح معها كتير اصايل:لانو قلبها طيب وفي فرق بين مرتو الحرباية وبين ماما مو بس بالشكل والمضمون كمان غياث:اشبعتي اصايل:اي غياث:هلأ اشربي الدوا واكيد رح تتحسني انا بغرفتي ازا بدك شي اصايل:ماشي تركني وطلع لساتني بنفس الحالة اجت شذى وابتسمتلي اول مافاتت شذى:انشالله اتحسنتي اصايل: بتحسن اكيد شذى:تشربي قهوة اصايل:على راحتك شذى:... اخدت الاكل وطلعت ودغري اتصلت ب رماح اصايل:الو رماح: اصايل ؟؟ كيفك اصايل: منيحة رماح:من صوتك مو مبين هيك اصايل:في شي متصل فيني رماح:جراح خبرني انك ما اجيتي للبستان وبدك الصراحة انشغل بالي بالاخص بعد ما اتصلت ومارديتي اصايل:لا ما ينشغل بالك رماح:يعني تحسنتي اصايل: إن شاءالله بتحسن ليش اجيت لهون رماح:احرجتك اصايل:لا ابدا بس حسيت صاير شي بالشغل رماح:لا لا طمني بالك الأمور كلها تمام وجراح وصل العمال اصايل:ازا هيك كتير منيح رماح:المهم اني اطمنت عليكي اصايل: لا ينشغل بالك انا منيحة رماح:ما على قلبك شر اصايل:تسلم رماح:رح اتركك ترتاحي سكرت معو وارجعت رميت حالي والدنيا فاضية بعيني بسبب الوجع.... ....... بالبستان كان معصب منو جراح جراح:لك ليش ما خبرتها ما اجو النواطير رماح:شكلها تعبانة جراح:وبدك تنطرنا بالبساتين هيك متل قلتنا رماح:ما حبيت ازعجها خلص روح انت انا هون جراح:ليش انا بأمن عليك لحالك الليل بخوف رماح:والعمل بينترك المكان بدون نواطير جراح:ناس بالعز وناس بال رماح:لا تضل تنق هلا بتصل ب جمال عندو سلاح وبيجي يسلينا جراح:من اي مرقص بدك تجيبو رماح:انت شو بدك شغلتي جراح: قهرتني والله رحت مشوار لبيتهن ما اعرفت تخبر انو البساتين بدون نواطير رماح:طلعلي اخوها ما بطيقوا جراح: ليش ما خبرتو رماح:هاد ما بيطلع منو شي اعطيه علكة ونسوان جراح:هههه شو عرفك ولاه رماح:من شكلو مبين جراح:هههه والله ما بينعلق معك بعدين ريحتك دهان رماح:... كان عم يتصل ب جمال وطول لحتى رد رماح:ساعة مسيو جمال جمال:وين الي اجيت تسهر عندي رماح:انا الي بدي اياك تسهر عندي جمال:ع ريحة لدهان رماح:لا ولوو نحن بالبساتين عم ننطر جمال:والله غير شكل لكن جاييكن رماح:لا تيجي فاضي جمال:ههه شو بدك سهرية رماح:مو بس سهرية جمال:اي اي افهمت عليك مسافة الطريق وبكون عندك جراح:وافق رماح:ما وراه شي بتعرف شكلو تاب عن السهرات هديك جراح:دنب الكلب رماح:هههه جراح: شو رماح بشوفك شايل هم المتريسة بزيادة رماح:قلبي مو انا جراح:يعني قلبك متحكم فيك ...انت مابتحبها حب بالعقل بالقلب مثلاً رماح: بالتنين كلشي فيها خاص مميز بشوفوا بتعرف انا ولا مرة اعجبت بحدا هيك احتمال لو بترفع أيدها تعجبني جراح:بدك الصراحة😉 رماح:اي جراح:هي بتنحب رماه نظرات لا تفسر ودفشو جراح:غرت عليها رماح:قليل ادب ازا بتعرف اني حاببها بتحكيلي هي بتنحب جراح:بقصد ك معاملة واحترام عنجد ياهيك البنات يا بلا رماح: وشو كمان جراح:بتحسها كفو يعني وحدة تانية ما بتكون متلها جرأة وقوة شخصية ذكاء وقرارات صارمة انا ما بنسى كيف وقفت غياث عند حدو لك خجل قدامنا صار متل لولاد لصغار رماح: يعني معي حق احبها جراح:اي..... انت اعترفتلها رماح:بس كتير مترددة لو عندها مشاعر تجاهي في شي متل الخوف يمكن مو واثقة بحالها جراح: بتكون محتاجة دعم من حدا رماح: انا اصلا ما بتخيل انها تعبانة جراح: بتخاف عليها رماح: وبنفس الوقت بزعل لساتها صغيرة على المرض جراح:هي لانك بتحبها سكت اتزكر اتصالها فيه وكيف مابدو تعرف بموضوع النواطير لحتى ما يزعجها باخر الليل