عشقت هواك - الفصل 16 | روايتك

الجزء 16: اصايل:.. طلعنا سوى من الاستراحة والا يشغلي سيكارة اصايل:يسلمو رماح: أصايل اصايل:شبك رماح؟ رماح: مابعرف بس كأني عشقت هواكي واشر على الجو اصايل:هاد هوى البستان رماح:لاااا شي مميز خاص فيكي انتي اصايل:اي زوء على دمك حاجتك رماح:ههه ما سبيتيني اصايل:يا خاطب رماح:هههه والله هي مسبة عنجد اصايل:شو رأيك بالبساتين رماح:كلشي بخصك مية بالمية عاجبني أصايل:اسمنك مروق شو حابين تسموا اخوكن لجديد فرطت ضحك لانو انقلب قلب😂 رماح:اكيد ما دخلنا اصايل:سموه وضاح بتصيرو رماح وجراح ووضاح رماح: يلعن ما ذكرتي اصايل: محشوم يا زلمة رماح:لك مو نحن عن الاخير ارجعت أغرقت بضحكتي مجنون رماح اصايل: قول ابو صلعة منك غير رماح:صحيح وين اراضي ابو صلعة اصايل:بكون ملتهي رماح:يلعن شكلو اصايل:هههه اديشك رايق اليوم رماح:وكليوم معك بروق اصايل:ما صارلنا زمان منعرف بعض رماح: مابعرف كاني من دهر بعرفك ....... الحلقة الرابعة والاربعون بقلمي: مايا الحجازي ريحة الجو بالبستان وجنبها بالتحديد الجو ولا غلطة وقلبو عم ينبص بحب وعشق الها وعم يتمشوا بين الشجر والمرابعين رماح:صحيح من زمان بتشتغلي هون أصايل:من سنتين من وقت اتوفى بابا رماح:كان هو يدير الشغل اصايل:اي كان هو متريس كلشي رماح:وليش اخوكي ما بيشتغل هالشغلة اصايل:غياث سافر يدرس برى رماح:مبين عليه متعلم من ستايلو اصايل:شو قصدك رماح:حسب خبرتي اخوكي بيدرس هندسة نسوان وهون وقفت عن المشي رماح:ليش وقفتي اصايل:كيف .... يعني رماح:هيئتو نسونجي انتي ما لاحظتي اصايل:... رماح:نحن كل لرجال نسونجية ليش صفنتي اصايل:معقول يعني هو مابدرس رماح:هو أتأخر بالدراسة اصايل:بقي سنتين وبعدين كمل رماح:حسب عمرو لازم يكون هلا مختص بمجالو شو بيدرس اصايل:هندسة معمارية رماح:هههه يعني مهندس يلا ما بتفرق هندسة نسوان هندسة معمارية المهم مهندس اصايل:مابعرف انت من وين اطلعتلي بهالحكاية رماح:قلتلك كلنا نسونجية غرتي ع اخوكي اصايل:لا .. ابدا رماح:ليش ما كملتي دراسة اصايل:كنت اكره كلشي بخص المدرسة رماح:هههه لك ليش والله حلوة اصايل: ليش انت فلحت يا ابو خط رقعة رماح:كنت شاطر بالرياضة والرسم والموسيقى اصايل:هههه كان اطلعت فنان رماح:ههه هدول كانو حصص فراغ واقضيها بالحصة اتفرج على الآنسات اصايل:ههههه اها نسونجي من صغر رماح:وكنت احب انسة الموسيقى كانت بتجنن طبعا مو لحالي كل المدرسة تحبها وشوية زعران برى لمدرسة يكونو اصايل:ما كنت تغار عليها طيب رماح: لا المهم تحكي معي اصايل: وكنت صف تامن اكيد رماح:شو عرفك اصايل:حسيت وبالتاسع مين حبيت رماح:مابقى حبيت لانو وقتها اشتريت للانسة هدية بعيد الحب وهي طلعت من المدرسة ومعها كوام هدايا ومن بعدها توبت اصايل:هههه بتسدء هي اسرع قصة حب بسمعها بحياتي رماح:هههه ليش اصايل: يعني ما بلشت لتنتهي هههه ويمكن كانت مفكرتك بمقام ابنها رماح:كلو وارد اصايل:وبعدين حبيت خطيبتك رماح: اعجاب اصايل: انت خليت وحدة ما اعجبت فيها رماح:هالشغلة معنا بتيجي بالجينات😂 اصايل:اي بعرف وعنجد متل باب المول بيفتح كل شوي رماح:وانتن ما بتحبن يعني اصايل:لا تشملني مع البنات رماح:لكن اصايل:ما عشت متل الصبايا كنت رفيقة بابا اكتر شي وبعمري ما حسيت انو عندي اهتمامات متل هالصبايا باللبس والمكياج وحتى مابعرف شي اسمو دلع رماح:معقول طيب ابوكي ماكان مدللك أصايل:مو بالمعنى الي ببالك دللني بثقتو فيني كان يحكيلي عن امور الشغل يوثق فيني ما حرمني من اي شي وخلاني اعتمد على حالي مثلا هالسيارة وقت حكيتلو حابة يكون عندي سيارة خلاني اروح لمكتب السيارات لحالي اخترتها وحاسبت انا رماح:دلالو الك بتستاهليه ويمكن هو كان مراقب شخصيتك من صغر اصايل:اي وكان يميزني عن غياث بكلشي رغم انو غياث ابنو البكر وماما طولت لحتى جابتني بس عاملني كاني وحيدة عندو وماكان يعتبر غياث ابنو رماح:عنجد... بتسدءي شمتان فيه يعني هالشي ما أثر فيه اصايل:لا بالعكس انترك على راحتو وماما الداعم الاول والاخير الو رماح:وبتدعمك اصايل:هي حدا حنون كتير يعني ازا بدها تقسى بكون حدا حرضها ومابتعرف بشي اسمو كيد وحقد قلبها ابيض كتير رماح:الام ما بتتعوض اصايل:والاب كمان رماح:بس خسارتي لامي كانت كبيرة يعني مثلا امك تزوجت تركتكن اصايل:لا رماح:لو ابوكي عاش واتزوج سدءيني بعد مرور الوقت رح تصير مرتو من اولويات حياتو اصايل:بتحكي جد رماح رماح:اي وعن تجربة انا بعرف مو بس لانو بابا نسينا لانو انا كمان مهمتي بالحياة بعد الزواج امن عيشة كريمة ل مرتي ورح تكون من اساسيات حياتي لو ما اظهرت هالشي انتي متخيلة حدا يشاركني يومي يسمعني يهتم فيني يلبي طلباتي ويكون بالنسبة الي عادي اصايل: مارح تكون حدا عادي ؟ رماح:مستحيل تكون حدا عادي بحياتي اصايل: وهيك تفكير كل الشباب رماح:انا بحكيلك عن حالي انا عشت ببيئة فيها الاعتماد على الذات شي اساسي في شباب ماعاشوا متل ما عشت ومأمنلهن كلشي باختصار بترجع للبيئة والوسط الي عايش فيه هالشخص اصايل: والله كلامك كلام مثقفين رماح:بعجبك خلال تجربتي الطويلة بالحياة شفت واتعرفت على ناس كتير وصار عندي وعي زايد اصايل:وكيف اكتسبتوا رماح: انك تغوصي بأعماق شخص وتستكشفي عيوبو شغلة مو سهلة و كمية الاشمئزاز الي رح تحصلي عليها من اي شخص رح تسعي جاهدة لحتى ما توصلي لربع الي هو فيه يعني لحتى ما تشمئزي من حالك اصايل:وشو الي بخليك بالحالة هي رماح:قلة الصدق والامانة وقلة الادب والشرف كمان شو بدي اعدلك لعدلك انا بس اطلع على أساس اي حدا بكون مطمن اصايل:ليش؟ رماح:ازا شفت الاب ملتزم والابن متلو فهاد الشي بيريحني اصايل:وازا كان الاب ملتزم والابن لا رماح:دوري بماضي الاب بكون مأبدع بزمانو اصايل:لا مو شرط يمكن مكتسب هالشي من حالو من رفيقو رماح:العرق بيجذب ازا وافقتيني بهالشي او لا اصايل:اللوم الاول والاخير ع الاب ؟ رماح: الاساس بشكل عام اصايل: طيب ابوك حدا منيح رماح:مو كتير اصايل:هههه لكن انت متلو رماح:مين حكالك اني غشيم انا نسخة مصغرة عنو وقت اشوف كيف بعاملنا عم يصيبني خوف من اني اصير متلو اصايل:ورح تعيش اولادك بنفس عيشتك رماح: اي رح ارفض واسعى لحتى ما يتكرر هالشي باولادي بس رح اعيشهن اياه بدون ما احس على حالي اصايل:مو معقول انت رماح:هاد الواقع اصايل:اي ليش مو بالشغل اليوم رماح:عم ارتب اموري اصايل: وشو دخل البستان بأمورك رماح:رتبت اموري وخلصت واجيت اغير جو اصايل: صالحت اخواتك رماح: مو مصالحة رسمية بس اعتذرن وانا ما انسيت بس اتجاهلت الي صار اصايل:... رماح: شو رأيك اعزمك على تمشاية اصايل: بعدين منمل من بعض رماح:بالعكس لازم نتعرف على بعض اكتر اصايل:انت كنت مبارح تحكي جد رماح:في احتمال اكون كزاب اصايل:مابعرف بس انا مستغربة كيف فيك تترك حدا كرمال حدا افهمت؟؟يعني ما بعرف كيف اشرحلك رماح:قلتلك نتركها للايام وهي بتقرر عننا اصايل:لكن لوقتها كل واحد بكون مهتم بشغلو اي مارحت للسوق مشان ترتيب امورك رماح:طولت بالسهرة اصحيت ملهوف بعدين استوعبت واضحكت على حالي ليش هيك بعطي لكل شي اكتر ما بستاهل وازا ما اشتغلت يوم رح تخرب الدنيا في شي ابدا اصايل:يعني استسخفت صحوتك رماح:استسخفت صدقي بموعد الشغل ويقلعني دخيلك في ناس مترجية اشتغل عندها ...... فرطت ضحك عليه وعلى اسلوبوا بالتلميح اصايل:مين الي مترجي منك ولوو رماح:اي انتي اصايل:هههه مو منيحة الثقة الزايدة رماح:بلا حدا بضحكك متلي اصايل:متل هيك مافي رماح: يعني رفضتي نسهر اصايل:مابعرف الصراحة رماح:على كلا مابدي ارجع للبيت بقضي وقتي معك اصايل:مدامك اجيت انا مو جاي عبالي روح للبستان التاني فيك تروح بدالي رماح:حاضر بس في إجراء معين اصايل:خلي العمال يشيكو على كل التمديد مو ناقصنا تصلحيات رماح:بخلص وبرجعلك ارجعت للاستراحة كنت حابة اقعد مع حالي شوي فكرة انو بدو يترك خطيبتو كرمالي ما عم تفوت لمخي. الخلقة الخامسة والاربعون بقلمي:مايا الحجازي بين الشجر كان يتأمل البستان جمالو والهوى الي فيه كيف الو ريحة خاصة ووقت وصل مين صاحبة هالبساتين ابتسم بعفوية رماح:لو ما بتستاهل الله ما أعطاها كل هاد كرمها طيبتها كلشي فيها مرتبط بهالمكان مراد: اهلين معلم رماح رماح:مين حكالك اني معلم مراد:هيك طلعت معي رماح:خلصتو شغل مراد:يعني ع وشك رماح: شيك على كل التمديد مراد:بدون ما توصي وين راح جراح رماح:هههه مطرح مابيرتاح مراد:ههه متعلم منو رماح:في غير هيك مراد: ارجعت للشغل انت رماح:مبين عليي مراد:لا مبين جاي هيك انتبهوا وقت اجى وضاح بسيارتو ودغري للاستراحة مراد:هاد كل ما يمل بيشرف لهون رماح:لنشوف اخرتها مع ابو صلعة والاحسن يجي غياث دغري بس ما كان لحالو كان معو امو وجوز امو كمان مراد:شو اجتماع العيلة اليوم رماح:هدول اهل المتريسة مراد:اي هاد جوز امها واكيد هي المراة امها رماح: ايه على قولتك اجتماع العيلة بكون قعد على جنب وبنفسو يعرف شو الموضوع ..... وقت شفتهن اي ما ارتحت بنوب حسيت من ورى جيتهن في شي بالاخص وصل وضاح قبل قعدو كلهن بالاستراحة اصايل:شرفتوا غياث:ارزاقنا هي شو شرفتوا اصايل:انت جاي تقسم الورتة يعني ماما:لا حبيبتي جايين نشم هوى ونشرب شاي موفق:ومنو منتمتع بجمال الطبيعة مشالله شي بيجنن شي مختلف عن كل سنة اصايل:شو المختلف موفق:مبين تعبانين لحتى صايرة الارض بتجنن والشجر مفرفح ماما:اي مشالله غياث: كأني لمحت حدا هون اصايل:شو بتحبوا تشربوا في قهوة وفي شاي وضاح:قهوة اكيد غياث:على كلا احسبي حسابك جايين نتغدا هون بالطبيعة اصايل: عازمني 🙄 غياث:اي اكيد بعد القهوة وقفوا كلهن واطلعت وراهن غياث:نحن حابين نتمشى اصايل: جاية معكن امشيت بجنب غياث اصايل:احكيلي شو سبب لزيارة غياث: بموت على ذكائك اصايل:في شي مو غياث:بدك تقولي مشروع جديد اصايل:... حط ايدو على كتفي وكملنا اصايل:بخصوص الأرض غياث:كنا نفطر وحكينا عن مشاريع ناجحة بالبلد منها التجارة اصايل:اي شفتو التفت يتأكد ماحدا حوالينا صرت اتلفت معو غياث:حسيت عمي موفق عم ينغم اصايل: بخصوص شو غياث:هني حكو عن جماعة بيعرفوهن وانو جوز الام ورت حصة مرتو بعد وفاتها اصايل:ايي غياث:لازم نحن نقسم الارت ويتنزل كلشي باسمي واسمك اصايل: وماما غياث:نحن ما رح نخبر حدا الاملاك بأسم بابا والمحامي جاهز وهيك منضمن حقنا اصايل:بس هي من حقها تعرف غياث:رح تعرف بس بعد ما نقسم الارزاق ومنها البساتين وخلي الفيلا باسمها نحن همنا هدول اصايل:شو خطرلك غياث انا مو مرتاحة غياث:ليش مو مرتاحة نحن رح نقسمها وشو بيطلعلك بينزل بأسمك أصايل:والبير غياث:هلأ بدنا نختلف ازا طلع بحصتي منضل شراكة وازا طلع بحصتك كمان نفس الشي اصايل:طيب فينا نأجل الموضوع غياث:بخبرك لانو لازم نبلش بالقضية بالحال اصايل:... كان قلبي متل النار انا بعرف الحق وكتير كمان بس غياث مو خرج يعتمد الواحد عليه ابدا وحاسة هالموال لمصالحو الشخصية مو اكتر كملت يومي معكرة وانو ارتاح ما اقدرت ..... كان يتأمل البساتين وحسب معرفتو رح يطلعلو تلت بساتين من اصل خمسة ورح يسعى لحتى يكون البير من حصتو وهيك رح يرتفع سعر الارض في حال باعها لانو كل همو يبيع ويفتح مشروع على اد عقلو مطنش وجود رماح لابعد الحدود واصايل مو على بعضها كانو خربطها بس حكى بالموضوع بقلبو: صحيح مأمن فيكي بس هالمرة انتي اتغيرتي كتير مو أصايل الي بعرفها وازا صار واتوزعت الورتة تسطفلي مابقى الي دخل فيكي بعدها طلب غدا للبستان مزح وضحك الا اصايل بعالم تاني كان واضح عليها انها متوترة وكتير كمان ..... بالفيلا كانت تتأمل كلشي فيها وعود غياث الها انو تكون ملكة هالمكان بس توافق على زواج براني منو شذى:وبلكي ضحك عليكي لك شذى وحكالك دبري حالك اوووف بس انا محتاجة ارتاح بعد هالتعتير بس كمان شو بيضمن يكون سادء بس والله هو شب حلو ولقطة لو مبين عليه ازعر بس لهجتو وكلامو كتير حلوين يا ترى بيطولو بالبستان يلا منيح رح اتغدا لحالي اصلا ماحدا مبسوط بالعيلة الا الانسة اصايل😂بقصد السيد اصايل بتطلع مع طلوع الضو بترجع باخر الليل هدول العيلة فرجوني العجايب البنت مسترجلة والشب صايع بس مهضوم ......... وعند الغروب شدو الهمة ورجعو كلهن ورماح اتكلف بتوصيل العمال بطريقو للبيت بعد ما عمل جولة على أطراف البلد صفط السيارة بالحارة وفات للبيت كانو ملتمين يتعشوا جراح:حماتك بتحبك رماح:سبقتكن جراح: ليش ما خبرتني بدك السيارة رماح: كنت حابب التمشاية فات للغرفة بدل تيابو ولبس بنطلون بيجامة كحلي وقميص قطن اسود اخد كاسة شاي وطلع لبرى يصفن بالجو بقلبو :كيف فيني اوقعك لك لينا. موبايلك بيلزمني ومتل اليوم ما فصلتي وصرتي متل باقي الرخيصات موعدي معك بكرى رح يحدد مصير العلاقة بقلبو: انا مقهور اصايل مو حاسة فيني ضروري اهلها يزوروها وكيف بقيت معهن اووف بس كان لازم حكيت معها لو شوي الحديث مع وحدة متلها واعية وفهمانة مكسب وبتعرف تغير كل المواضيع وتقلب الجو ل مزح. ما كمل تفكير فيها شاف سيارتها وقفت قدام البيت وابتسم غصب عنو حط من ايدو كاسة الشاي وراح يستقبلها والا يسلم عليها بأيدو رماح:اعطي خبر تاني مرة اصايل:ليكون اجيت رماح:لا تكملي مافي عندي شي من الملل قاعد لحالي برى اتفضلي اصايل:لا هون منحكي ارتكت على السيارة وقابلت الشارع وهو متلها رماح:صاير شي معك اصايل:ضجرانة كتير رماح:بالعكس كان يومك مميز اليوم بزيارة العيلة اصايل بمسخرة:كتير رماح:ههه لك ليش هيك حكيتها كان يتطلع فيها ومبتسم بس هي شاردة بالشارع اصايل:انت شفتني مبسوطة رماح:لانو ابو صلعة كان اصايل:وجود الكل عكرني وحاسة بشي عم يخنقني رماح:بدون سبب اصايل:امبلا في أسباب بس شي ما بينحكى رماح:مدامك ضجرانة نتمشى اصايل:ما انت بتخاف على سمعة العيلة رماح: ههههه عم ترميني بحجارك سحبها من أيدها ليتمشوا بالحارة على عيون الكل رماح:نحن من الاول صرنا فرجة بالحارة اصايل:هيك لكن رماح:بحارتنا بيفتقدوا للسيارات الغالية والعالية لهيك بيطلعو يتفرجوا وكمان في شغلة لازم يشوفو مين صاحبها لحتى يشوفوا بيستاهلها ولا لأ اصايل:هههه وشو بيطلع معهن رماح:انا تربيت هون والي نظرة لا بتستاهليها لتغرق بضحكتها اصايل:بتعرف وقت تحكيني هيك بتنسيني ليش زعلانة رماح: عطول تعالي وازا ما صحلك اتصلي اتصال منتسلى اصايل: يعني عنجد شايفني تسلاية رماح:شو احكي انا عامليتني ملاهي ومهرج رجعت ضحكت عليه اصايل:حاجتك تلفيق اي رماح:عجبتك الحارة اصايل:اي كتير بحس ناسها طيبين رماح:حسب هون موجود كل الفئات وفي منهن مو من اساس هالحارة وجايين من باقي المحافظات اصايل:بس انتو الأصل من هون رماح: اي مانك شايفيتني بشبههن اصايل:مو كتير بس عيلتكن بالحارة مميزة رماح:شو عرفك بتسدءي وقت تعلق بيناتنا كل الحارة بلتلم علينا