عشقت هواك - الفصل 15 | روايتك

الجزء 15: كان حاسس انها مو على بعضها وانو شرودها راح لبعيد لهيك حمل حالو وقعد جنبها وحكى قريب من ادنها رماح: أصايل وين صرتي غمضت ورجعت فتحت بسرعة أصايل:اه...ليش...ليش وين كنت التفتت عليه والتقو عيونهن ببعض ابتسم لجمالها القريب رماح:الك فترة صافنة وحسيتك مو منيحة بشو بتفكري أصايل:.... حطت ايدها على جبينها وبعدين مسحت على وشها كأنهاا عم تصحصح أصايل:بدك نمشي رماح:ما اشربتي قهوتك اصايل:... رماح: انا اليوم الصبح وعدتك اشرحلك شو عم يصير معي وفجأة وقفت واتلبكت اصايل:مو مهم رماح:بس انا بدي احكيلك اصايل:نمشي يلا رماح:انتي مو طبيعية ليش عم تهربي اصايل:... اشرت للجرسون وحاسبتو ودغري اعطتو الجزدان اصايل:لا انساه معي... لساتو تحت تأثير الصدمة من كل تصرفاتها طلع وراها دغري وبرى عند الباب حاول يمسك ايدها وسحبتها قبل يمسكها أصايل:شبك رماح رماح:انا ولانتي شو صاير معك اصايل فيني افهم اصايل:اوصلك رماح:هههه ارجع مشي يعني اصايل:خود انت سوق السيارة انا...انا شوي تعبانة رماح:سلامتك اخد منها المفتاح مو فهمان شو عم يصير معها طلعو سوى شغل ومشي ورجعت اصايل غمضت ومبين انها متوترة كتير. ...... كان كلو خيال وانقهرت هيك لك كيف انفصلت عن العالم ورحت لمكان بعيد ومجرد تخيل يعاملني بهالبرود هيك صار فيني انا عم اغرق وخايفة كتير من القرب منو رماح:أصايل شو صار اصايل:نحن ما حكينا شي بعد العشى رماح:ههه لا اسمعنا اغنية بحبها كتير اصايل:ما كنت مركزة معك رماح:انا كنت مركز منيح هالاغنية بتعز عليي ماما كانت تحبها كتير اصايل:يعني ماحكينا ما اطلعنا لمكان غرق بضحكتو جنني من الاخر رماح:انا رحت للحمام وارجعت طلبتي قهوة وصفنتي وماحبيت اقاطع شرودك بس بعدين حسيتك بعالم تاني لهيك قربت منك وحكيتك واطلعتي فعلا بمكان تاني أصايل:مابعرف شو اتخيلت رماح:هههه ليش مابدك احكيلك شو صاير معي اصايل:بغير يوم او قلك مابدي اعرف رماح:لو تعرفي كيف بشوفك اصايل:رماااح بترجاك مابدي اسمع اي شي رماح:ما بتشبهي حدا انتي اصايل:.. رماح:انتي كيف بتشوفيني اصايل: عادي...متل باقي هالشباب وانت بتشوفني متل باقي البنات ويمكن مسترجلة هيك بتفكرني رماح:بالعكس بتعجبني شخصيتك القوية وحضورك بيعطي جو حلو بالمكان والقرب منك حلوو كتير اصايل:مفكرني مابتفرق معي ازا اطلعت معك وخليتك تمسك ايدي الصبح يعني هالشي عندي عادي رماح:ليش متحسسة مني شو عملتلك اصايل:ليك رماح انت زلمة خاطب واكيد بتحب خطيبتك وانا فكرت بنوع العلاقة حتى انو نصير اصدقاء مابينفع لانو انت مابترضاها على اخواتك رماح:هني لو عندهن نص شخصيتك ووعيك وفهمك مارح احاسبهن بالعكس رح اكون مطمن عليهن اصايل: روح خييط بغير هالمسلة رماح:هههه مابعرف اخيط اصايل:لا انت عم تفهمني انو انا غير وعادي صحبتنا رماح:ليكي انا صراحة مابعرف شو عم يصير معك وازا ادايقتي مني لاني خفت على اخواتي فهاد مو يعني انا مابخاف عليكي او ما بتفرق معي اصايل:وين رايح مو هاد طريق البيت رماح:على قاسيون عازمك على قهوة وبدي احكي وبدي تسمعيني اصايل:يعني اجباري رماح:هيك شي كمل وانا عم احاول استجمع كل قواي العقلية لحتى ما اغلط ابدا ياترى شو عم يصير معو وصلنا والجو بجنن اتزكرت طلعتنا المرة الماضية لنشوف اخرتها قعدت انطرو لحتى جاب القهوة حط كاستين القهوة بيناتنا كنت مراقبيتو كان مبتسم طالع باكيت الدخان وشغلي وحدة رماح:خديها يلا اصايل:بتحب لمجاكرة انت رماح: شو عرفك اصايل:.. رماح: خديها مني يلا اخدتها ولساتني مستغربة اصايل:يسلمو يلا شغلك وحدة رماح:ههه خايفة اسحبها منك اصايل:الك بالعادة لانو رماح:ها شغلت وحدة اتهني يلا اخدت نفس طويل وهو متلي اصايل: احكيلي شو بصير معك يا خاطب رماح:هههه لعمى كأنك سبيتيني اصايل:بزكرك مو اكتر رماح:حرام الواحد يحب ازا خاطب اصايل:لا مو حرام بس بكون يحب خطيبتو رماح:والي وقع وماحدا سمى عليه اصايل:بلكي معك جفاف عاطفي رماح: ابدا ومتأكد من مشاعري اصايل:مشاعر مين والناس نايمين رماح:هههه هي المشاعر ما بتتحرك الا والناس نايمين اصايل:انت شايفني بنحب رماح:انتي ما بتحبي حالك اصايل:امبلا بس ماني معجبة بحالي رماح: رأيك وبحترموا 😂 اصايل:.... رماح:انتي حابيتني أصايل اصايل:انت حاببني رماح: شو عرفك اصايل:ما جاوبت رماح:اي اصايل:كمان ما جاوبت رماح:بحبك اصايل:وشو يعني حاببني رماح: يعني بدي اياكي تكوني الي اصايل: وشو الي صار لحتى حبيتني رماح: شعور حلو اتملكني وقت اتقربت منك واتعرفت عليكي اكتر وانتي متلي لا تنكري أصايل: وصار وحبينا بعض بتقبل نكمل رماح:لكن بدي اتسلى اصايل: شو رأيك ننسى الي انحكى وانت تهتم بحياتك وانا اهتم بحياتي رماح:بس مارح يغير من مشاعري تجاهك أصايل: انت ما بتحب خطيبتك رماح:ما بحس بنفس احساسي هاد جنبها اصايل:ورح تتركها رماح:انتي شوبدك هي الشغلات انا بحلها وبرتبها أصايل: والمطلوب مني رماح:تحكيلي ازا بتحبيني اصايل:ليك هو مو حب يمكن اعجاب حسيتك قريب مني من تفكيري من اهتماماتي رماح:يعني مع الوقت رح تحبيني اصايل: انا ما جربت الحب يعني حتى مابعرف شو الي عم يصير بيني وبينك رماح:بترتاحي وقت تكوني معي اصايل:متل ما قلت انت مافي تكلف وبكون على طبيعتي رماح: يعني معي امان اصايل:وراحة نفسية كبيرة رماح:انتي وينك عني من زمان منيح ما متت يومها أصايل: مو قلت ماحدا رح يدور وراك رماح:بس كان انحرمت هاللحظات الاستثنائية جنبك أصايل:الجو اتغير رماح:برد أصايل:كأنو هيك اشربت القهوة وضليت شبه خايفة من كلشي انحكى وصار. رماح:وين شردتي اصايل:مابدي يتحول الامان لخوف رماح: الاحسن ما نفكر بشي او نستبق الاحداث رح نترك الامور هي تمشي على راحتها ومابدي نفوت بمتاهة بكفيني انو نضل نتواصل وبدون ما تتغيري ضلي على طبيعتك وبعفويتك اصايل: وبعدها رماح:مدام لقلوب عند بعض رح نكون بمكان حلو ويليق فينا أصايل:انا حلوة يعني رماح: وجمالك خاص فيكي انتي وبس أصايل: بس انا ما بشوف حالي حلوة رماح:لو تشوفي حالك بعيوني أصايل:ليك الاحسن نمشي رماح:بدك تهربي مني اصايل:مو هروب بس....بس خلص انا انعست رماح:رح تفكري فيني اصايل:بدي استرجع كلشي حكيناه رماح:مارح استرجع شي بس بدي اضل مستمتع بالشعور الحلو اصايل:يلا لكن بوصلك رماح:لا بوصلك بالاول اصايل:ع راحتك ......... الحلقة الثانية والاربعون بقلمي: مايا الحجازي وصلني ورجع تمشاية كنت مخربطة لدرجة انا خايفة من المجهول مابعرف شو ناطرني وماعم افهم كيف اتغير فجأة رماح ليلتها ما نمت كان في شي غريب عم يصير معي. ...... كان بعالم تاني ما بيشبه الواقع ابدا وصل للبيت بعد ما استفرد بعواطفو فات بهدوء للبيت بالغرفة كان جراح بوسط ضباب الدخان الي عم يشربوا بكثرة رماح:افتح الشباك يا زلمة جراح:هي موتة وحدة رماح:شوعم يصير معك جراح:طولت راسلتك ليش ما رديت كان بدي نحكي رماح: عن شو كان عم يبدل تيابو جراح:عجبك حامل مرت ابوك رماح:شو بغير ازا عجبني او لا جراح:يعني منيح الي صار رماح: شبك ليش محملها زيادة جراح: انا بكره حالي... بكره اهلي...بكره الوضع الي وصلنالو ليش نحن رماح هيك معترين ليش رماح:... قعد جنبو وقربو منو رماح:انا حاسس فيك...لا تفكر معجب بعيشتنا بس كمان نحن حاليا تحت الامر الواقع رفضنا ارضينا الحياة ماشية ومتل ماهو عم يسعى ليعيش برفاهية نحن لازم نسعى كمان جراح:كيف؟؟ رماح:انو نقعد نندب حظنا مو حل انا وانت ما عشنا شي من شبابنا والي لازم تفهموا انت المسؤول الوحيد عن حياتك ولو عشت بتعاسة لترضي الناس رح تكون الخاسر الوحيد وحتى هو رح يلومك ويحكيلك ليش بنيت سعادتي على حساب تعاستك لازم الواحد يكون اناني ويحب حالو كتير من بعد موت امي لا تترجى من حدا يتمنالك الخير رماح: واتزكر دائما انا وانت سند بعض اتزكر بآخر ايام حياة إمو وقت كانت معزولة عن الناس وفات ليطمن عليها باس ايدها وراسها وضل ماسك أيدها ام رماح:الله يرضى عليك يا ابني رماح: طمنيني عنك ام رماح:طولت اليوم رماح:لحتى خلصت الشغل ام رماح:انا تعبانة كتير اليوم رماح:سلامتك ام رماح: مابدي أوصيك باخواتك رماح:لا تحكي هيك مشان الله ام رماح:يا ابني الموت علينا حق بس انا مو شايلة هم اخواتك لانك موجود غص قلبو واتجمعو لدموع بعيونو ام رماح:بعد موتي بدي تحن على اخواتك ابوك مو دايملكن بس انتو لازم تدومو لبعض اوعك تخلي الزعل بينك وبينهم يتحول ل كره صحي من شرودو قلبو غاصص لانو ضرب اخواتو وهني وصية امو جراح: شبك رماح رماح:ندمان كتير لاني ضربتهن جراح:بس لو انا بمكانك كنت عملت هيك رماح:بس انت امي ما وصتك فيهن متل ما وصتني فيكن جراح:الله يرحمها بتعرف من بعدها بحس هالدنيا كلها عتم رماح:من بعدها كلشي صار بدون طعم جراح:وين كنت اتزكر اصايل ملامحها شرودها واعترافوا الها خوفها منو حتى لو ما بينتو بس اتاكد انها ما بدها تفوت بتجربة يمكن تكون فاشلة رماح:انعزمت على عشى جراح:اي يا عمي ناس اكلت هوى وناس راحت تتعشى بدقة الباب وانفتح وقت شافهن زادت الغصة كانن واقفات جنب بعض ومبين انهن ضعيفات اخلاص كوثر:رماح سامحنا ابتسملهن غصب عنو راحن لعندو بسرعة وغمرنو رماح: مابدي ينعاد هداك الفصل بنوب اخلاص:مابقى نعيدها والله كوثر:المهم تسامحنا رماح:وانتو سامحوني ضربتكن ...بس والله طلع الدم لراسي جراح:الله يستر ما يصيرلا شي كوثر:انتو مبسوطين انها حامل جراح رماح:كتيييير جراح:رح نطير من الفرح رماح:ليش مخبيين الموضوع كوثر:هيك ناهدة بدها رماح: يعني بابا بيعرف اخلاص:اي ما بتشوف اديش مدللها جراح:ياريتو دللنا كوثر:هي صارت كل عيلتو اتزكر رماح كلام ابوه بقلبو:انسوا ابوكن في حدا احتل كل دنيتو جراح:جايات تصالحن بدون سهرية اخلاص:امبلا رماح:انا لا تحسبوا حسابي ميت من نعسي مع انو كزاب اخد وضعية النوم وسامع صوت مزحهن وضحكهن وانتقل لعالم تاني اسمو اصايل ........ قدام غرفة شذى بعد ما اتاكد انو اصايل رجعت وبغرفتها وانو امو وجوزها بغرفتهن والهدوء بكل مكان نقر على الباب نقرات خفيفة بصوت خايف ردت شذى:مين غياث:انا يا حلوة شذى: خير استاز غياث غياث:بدك تخليني برى شذى:شوبدك غياث:ولوو هي بدها سؤال شذى:بترجاك استاز مافيني افتحلك غياث:بتزعليني منك هيك شذى:بترجاك استاز غياث غياث:طيب عمليلي كاسة عصير فرش وجيبيها للغرفة شذى:... غياث: اوعك تتأخري تركها وطلع للغرفة وبعد انتظار عرف انها طنشت الطلب بقلبو:شو عليه يا شذى انا بفرجيكي وازا ما عملتي الي بدي اياه لاقلعك لعمى قلتلها جواز وما رضيت فرط من الضحك غياث: لعمى شو اني كزاب شو عليه وكمان أصايل مابعرف شو صاير معها كيف فيها تشتغل والله انها عن مية زلمة وبابا مفهمها مزبوط امور الشغل وحتى العمال بيحترموها وبيسمعوا كلمتها يعني حضورها بالبستان بيفرق عني وماعدا هداك الكلب يا ولي مفكرني شلتو من بالي استنى الك يوم يا بطيخ ........ الحلقة الثالثة والاربعون بقلمي: مايا الحجازي الصبح كنت شبه كسلانة بس اتنشطت كرمال الشغل كنت متجاهلة دقات قلبي وشو صار وشو حكى رماح بس ما عم تفوت ل عقلي انو معجب فيني ويترك خطيبتو معقول شو عم يصير لك اصايل جهزت حالي واطلعت للبستان كانو الكل عم يشتغلوا رحت لعند جراح اصايل:عوافي جراح: يعافيكي يارب اصايل:كيف الشغل جراح:ع كيفك عادي أطلب منك طلب اصايل:اتفضل جراح:ع الظهر بدي ارجع للبيت وخلي مراد ياخد السيارة اصايل:ليش مو ناوي ترجع جراح:في شوية ظروف عنا ويمكن اتغيب هالاسبوع اصايل:ماشي بس انا السيارة ما امنتها عندكن من شي قليل حارتكن امان ومراد ساكن بمكان مقطوع اعرفت جراح: والعمل اصايل:دبرها من عندك جراح:خلص بشوف يعني ارجع للبيت اصايل:وازا الامر ضروري خود السيارة جراح:يعني عادي اصايل:عادي تركتو يكمل شغلو وفتت للاستراحة افكر برماح وسهرتي معو. ........ كان البيت فاضي ناهدة وابوه عند الدكتورة واخلاص وكوثر بعد ما استأذنن منو راحن لعند تالين كان عم يتحمم سمع دقات الباب بس طنش لحد ماخلص لبس وطلع حامل لبلوزة بايدو ومن العين الساحرة طل انصدم كانت وردة رفيقة جمال وبكل وقاحة واقفة ع الباب ورجعت دقت بقوة بقلبو:هي شو جابها لهون وبالاخير ملت وبزقت العلكة من تمها وبطريقها لبيت جمال لبس لبلوزة مشط شعرو وطلع دغري من البيت وبطريقو ل بيت اهل لينا وهو يتمايز كل الحارة ومين شاف هديك الوسخة ع الباب. ...... كان مقهوة جمال وحدو وردة من شباك الشقة شايفين رماح ماشي بهدا بالحارة جمال:ساويتيه مو بالبيت وردة:مارد أسمعت صوت حركة بالبيت جمال:وليش ما فتحلك وردة:رفيقك وانت ادرى فيه جمال: والعمل هديك معندة بدها اياه وردة:ههه وانا كمان حطيت عيني عليه جمال:بدي اوقعوا بدي اخليه حكاية بالحارة وردة:هههه خليه يجي ومنخبر عن الشقة 😂 جمال:ليش هو متحاكي قعد متوتر وعناد مهجة زاد عنادو قعدت جنبو وردة:جمولي ليش رفيقك معقد في شب بصحلو هيك عروض وبيرفض جمال: تخمين مو زلمة 😂 وردة:ههه يوووه ولي عليك لمين تركت لزلومية جمال:والله ما بيقصر بس في شي بيمنعوا وردة:مو قلت خاطب وهون انفجر من الضحك فتحلا الاستديو ليفرجيها صور لينا بدون حجاب وبحفرة وردة:مين هي جمال:خطيبة شريف مكة وردة:هههه من وين الك هالصور جمال: كليوم منسهر سهرة غير شكل وردة:ههه وهو بيعرف جمال:ههه شو مجنونة انتي لا مابيعرف وانا كل تواصلي معها جكارة فيه وردة: معو حق ما يطلع بحدا حدا عندو هالقمر بيشوف غيرها جمال:والحل وردة:تعال لقلك شو نعمل فيه .......... ببيت لينا وبغرفتها كانو بوضع غير لائق متقابلين ومستحقرها لدرجة بس مساير لينا:اااخ منك لوعتني اليوم رماح:حبيتي الي صار لينا:كتير اديشك رومنسي لك رماح رماح:عجبتك يعني لينا:ما أحلاك واحلى شي فيك انك مخفي هالجانب الرومنسي باستو من جديد ولساتو يتأمل كل ملامحها رماح:بتتأخر امك لينا:اي خود راحتك رماح:اكتر من هيك ليش خلينا شي ما عملناه لينا:رماح انت صحيح رومنسي بس بحس انك جامد وبحس انو عم تعمل معي هيك مجبور فرط من الضحك رماح:من وين وصلك هالاحساس لينا:من حركاتك معي رماح: شبني مشالله عني لينا:ما حاوطتني بأيديك رماح:هلا شو بدك بهالتفاصيل مبسوطة لانك معي لينا:كتير بس مخوفني بسكوتك رماح:هههه شو بصير معك انتي لينا:اااخ منك مو مسدءة اني بحضنك اتجلس وبعدها عنو لينا:وين رايح لبس لبلوزة رماح: بكفي لينا:مابدك تستعجل بالعرس بقلبو:😂عرس قال رماح:امبلا وازا بيطلع بايدي بسرعة فور جي لينا:لك ليش اللبست والله ما اشبعت منك رماح:والله مبين مارح تشبعي روحي شوفيلي الطريق لينا:بستناك بكرى رماح:بكرى؟؟؟لشوف شو عندي بكرى لينا:... راحت لتشوف الطريق زفر بقهر منها لينا:مافي الا صبي الخضرجي بعدين الكل بيعرف اننا خاطبين رماح:اي انسيت قبل تتعمشقوا فتح الباب مسكتو من ايدو لينا: سهرتنا سوى رماح: ماشي تركها وطلع من البيت بقلبو:شو الترتيب لك لينا مابتخجل مطلقة الحيا وكانو انا مو اول حدا بتكون معو شو انا غشيم مبين مجربة وبتفهم وبتعرف شو بدي منها في غلط ولازم اخد موبايلك وهيك رح أتأكد من الموضوع مشان لا اظلمك ولا تظلميني معك. شغل سيكارة وبطريقو للبستان لعند أصايل اتزكر لبسها الفضفاض وستايلها شبه الصبياني حركاتها شعرها عيونها بشرتها بقلبو:دخيل كلشي فيها بنص الطريق شاف جراح ووقفلو رماح: وين الهمة جراح:تعبان كتير رماح:وليش بالسيارة جراح:هيك بدها المتريسة رماح: مين في غيرها جراح:ههه رايح لعندها ماحدا رماح: على مهلك جراح:مشاني ولا مشان السيارة رماح: مشانك ومشانها مو ناقصنا جراح:اوصلك رماح:لا يسلمو كمل للبستان مشي ومن شباك الاستراحة شافها وشعرها مفرود وكأنها مالة كتير اتفرج عليها وابتسم غضب عنو دق الباب ودغري انتبهتلو اصايل:اهلين رماح رماح:اتفضل ولا؟ اصايل:فوت كانت عم تضم شعرها وبعد تأمل التقو عيونها بعيونو اصايل:كيف خطرنا ع بالك رماح: ليش انتي فارقتي بالي اصايل: شفت جراح رماح:ليش عم تتهربي مني بعدين شو هالسحر الي فيكي اصايل:عن انو سحر بتحكي رماح:يعني ضمة هالشعر مو لله اصايل:ما افهمت رماح:مخبية حالك بالطاقية اصايل:مو على طول بلبسها .... كنت خجلانة من نظراتو انا مو متعودة اسمع متل هيك حكي وبحس ما بيليق فيني رماح: أصايل اصايل:؟؟ رماح: حلوو اسمك اصايل:... رماح:نتمشى