عشقت هواك - الفصل 14 | روايتك

الجزء 14: أصايل:قبل ننزل رماح رماح:شوفي أصايل:بالاول وقف عند باب السيارة عاوزك بشغلة كان مستغرب نزل وضل واقف نطرها لحتى اجت لعندو ووقفت قبالو اصايل:اجراء بسيط انت لا تعمل شي رماح:شو بدك أصايل:شفت شغلة عليك رماح:شو شفتي اصايل:بالاول ارفع ايديك رماح:بدك استسلم😂 أصايل: وغمض عيونك رماح:أصايل قولي شوبدك شوفي الناس أصايل:يلا لحقت تستسلم رماح:لنشوف اخرتها رفع ايديه شوي وغمض نص تغميضة لمستها لو بعيدة حس فيها سحبت الجزدان من جيبة بنطلونو الي ورا رماح:هههه لك ليش أصايل:بعرفك رح تتشاطر وتدفع رماح:ههه مين حكالك مفلس أصايل: لنشوف بتأكد وبرجعو كانت عم تفتحو واطلعت فيه بمكر أصايل:مضحكة لاني ها ضبتو بجيبتها اصايل:زكرني فيه رماح:ما بحاسب وعد أصايل:هههه خايف على هويتك مابعمل جريمة لا تخاف مشيو سوى للمطعم كانت سابقيتو بخطوة ولساتو مبتسم لشقاوتها ....... بالمطعم طلعو للطابق التاني والاطلالة غير شكل اصايل:اي سيد رماح شو بتحب تتعشى رماح: اطلبي انتي أصايل:واثق بزوقي مثلا رماح:مليون بالمية أشرت للجرسون وبلشت هي تختار وتسأل وهو لساتو تحت تأثير شقاوتها انتبه بس راح الجرسون زبطت قعدتها وشلحت الطاقية وابتسملها اصايل:اي يا معلم ما حكيتلي شو بصير معك رماح:شو بدي احكيلك لاحكيلك أصايل:بسمعك يلا رماح:منيح انو اطلعت من البيت وبحس مابدي ارجع كمان أصايل:ليش مفكرني خاطفتك هههه رماح: هههه بترجعيني بعرض خاص اصايل:متخانق مع اهلك رماح:كل الناس بتزعل لسبب واحد الا انا زعلان ومقهور لعدة أسباب أصايل:ومنها؟ رماح:ضربت اخواتي البنات أصايل:شووو عنجد بتحكي رماح:بدك تلوميني اصايل الي فيني مكفيني أصايل:ليش ضربتهن رماح:هالانفتاح بمواقع التواصل مو عاجبني بنفسي اراقبهن بس كمان مافيني اليوم حضرتهن رجعن للبيت ووراهن ماشيين شباب تنين وانا شفت هالشوفة ومابعرف شو صرلي أصايل:انت ضد انو يحبن رماح:حب مين هاد .... التنين صف تامن صغار مو بس ع الحب ع الزواج كمان .... الحلقة التاسعة والثلاثون بقلمي:مايا الحجازي كنت مستغربة من حديثو ومبين القهر عليه اصايل:بس هي مرحلة مراهقة وانت مافيك تمنعهن رماح:انا ماني جاهل ولا رجعي بس الي شفتو ما ناسبني ك رجل ما اتحملت بعز زحمة المستنقع الي عايشين فيه يطلعو اخواتي متلهن متل أصايل:لا تزودها انت التاني لازم يجربن رماح:يجربن مو يفلتن أصايل: برأيك انا فلتانة لاني طالعة معك رماح: أصايل ابدا مو هيك انا بعرف مين انتي أصايل:طيب انت واعي وفهمان وحبيت صح رماح:.. اصايل:الي حبتك مو كمان الها اهل وبخافو عليها رماح:حب مين انا بعرف قصدي شريف بس مابعرف نوايا غيري بحلفلك عن حالي وماني ملائكة وماني ماشي على الصراط بس في شغلات ضد عقلي مستحيل اتقبلها أصايل:شو الي زعجك اكتر شي رماح:رجعتهن وعلى عيون اهل الحارة شو بتسميها وقاحة ولا مو وقاحة اصايل:ليكنا سوى ولحالنا رماح:لا تقارني حالنا بحال غيرنا نحن حارتنا مليانة عالم بتعرفنا وما سألن عن سمعتنا أصايل:وضربتهن يعني رح تقدر تتحكم بمشاعرهن رماح:ماضربتهن الا ليعرفن بغلطهن أصايل:يعني انتهت المشكلة رماح:وطلعت مشكلة بنفس الوقت اصايل:شو صار كمان رماح:دفشت مرت ابي وطلعت حامل وقت حكى هالكلمة لاحظت انو رافض ومقهور أاكتر من الاول رماح:يعني كم شهر ورح يصيرعندي اخ او اخت صغيرة انتي متخيلة أصايل:اي وحدة بتتزوج لازم يصير عندها اولاد رماح:كل زواجو منها كان غلط أصايل:بدك تخليه كل عمرو وحيد رماح: اكيد لا بس مو ياخدها اصغر مننا يعني حتى اتخيلها بمقام امي ما بتزبط بدي احكيلها خالتي كمان صعب شو اضحك على حالي اصايل:يعني افهم منك انت كنت ضد زواج ابوك رماح:من وقت توفت امي وانا بعرف انو رح يصير عنا خالة مرت اب اقل من سنة كان يدور على عروس والصدمة طلب صبية صغيرة واهلها وافقو بس بشروط كبيرة دهب ومهر كمان سايرنا بالوقت الي كان لازم نحن نخطب ونتجوز والاحسن يجيبها يسكنها معنا اصايل:ليش كان في احتمال تاني رماح: لو الي اتجوزها متل حالتوو ارملة مطلقة يا ستي عمرها ٣٥ منتقبل وجودها بيناتنا وقت الي اعرفنا انها صغيرة اقترحنا عليه يستأجر بيت والله لا يفرجيكي شو عمل فينا كنا عم نتغدا وقلب السفرة على بعضها وصار يحكي انتو بدكن تقلعوني من بيتي وماخلى مسبة ولا اهانة وماصار غير الي بدو اياه جهزلها غرفة يعني لو بنموت كلنا ومنفني عمرنا مارح نجهز متلها وجابلها من افخم انواع الخشب لدرجة انا اتاكدت متجوزة غرفة النوم مو ابي اصايل: وبعدين رماح:حطينا ع الجرح ملح وسكتنا وصرنا نتحايدهن هو ومرتو ونساير وهو حاليا بشهر عسل الو اكتر من سنة ما خلص اصايل:انت ما تجاوزت وفاة امك رماح:لا والله ....هداك اليوم كان بشع ياريت ينمحى من ذاكرتي انا حتى اليوم وقت ضربت اخواتي اندمت ماكان لازم اضربهن بس ساعة غضب اصايل:ع فكرة مبين انك مو مرتاح رماح:حتى وقت اتزكر لقائي فيكي بتزكر انو ضربني كف مشانها أصايل:ضربك رماح:لانو حكيتلها ناهدة بدون كلمة خالتي اصايل:انت اتخيل يكون عندك خالة صغيرة بتصير رماح:صعب شو بدك اضحك على حالي وفكرة انو نحن عايشين معهن بنفس البيت بتخليني اكره كل حياتي يعني بحسب حساب لطلعتي من الغرفة لرجعتي من الشغل وتكون لحالها تطليع ما بقبل اتطلع فيها لتروح تتفسر على غير محمل اصايل:وبس تتجوز رح تنحل مشاكلك رماح: زواج مين الزواج بهالايام مو سهل ابدا اصايل:يعني ابوك مامعو يزوجك رماح:كان معو باع كلشي ليتزوج أصايل:وانتو؟ رماح: نحن شو علاقتنا القانون عندو اتعب على حالك وصير زلمة وكل فترة بيطلب مصاري وشوفة عينك صحيح خطبت بس كمان اجلت الموضوع اهل البنت طلبو دهب ومهر وبيت أصايل:بشوفلك كلو راكض ورا هالشغلات يعني دهب ومهر وبيت ومافي تفاهم رماح:اي هو رصيد ثابت للعروس اتطلقت مأمنة مستقبلها اصايل: بحمد ربي اني مو شب😂 رماح:هلا لو كنتي شب بتكون حالتك ميسورة مو متلي اصايل:بس حلوو يفني الشب عمرو مشان وحدة رماح:بيطلب ايدها للزواج وهي من ايدها ما بينزل الموبايل. أصايل:هههه طيب روق بلشنا بالعشى بس كل كلامو زاد اعجابي فيه زلمة فهمان وواعي لدرجة ولو مو معتبرني صديقة مقربة كان ما حكالي أصايل:رماح اتعشى مو بدي اعزم عليك رماح:ليكني بتعشى اصايل:.. هدوء خيم على المكان بس كنت مبسوطة لانو اجل شغلة الخطبة وكل شوي يوصلو اشعار أصايل:موبايلك رماح:يعني مين بدو يكون اصايل:فضولي مليون لاعرف رماح:ههه رفيقي وكمان جراح باعتلي... اصايل:يعني ما بتتواصل مع خطيبتك ..... اتزكر لينا و شو صار بينو وبينها رماح:امبلا بتواصل اصايل:هي حلوة رماح:اي حلوة أصايل:حابة اشوفها رماح:متل كل البنات اصايل:ازا بدك تتزوج بدينك مبلغ رماح:عنجد؟ أصايل:ليش مستغرب رماح:ومثلا ايمتى بدي اسددهن ولا بدك اقضي عمري مديون أصايل: يخففو طلبات بعطيك وبترجعهن اول بأول رماح:هلا مو مفكر بشي خلص خطبة وبتواصل معها أصايل:لو فيها ازعاج ليش انت لساتك عزابي يعني مانك صغير رماح: بيت اهلي ديق والوضع ماكان يسمح والا ماما كان امنيتها تشوفنا متجوزين بنفس اليوم انا وجراح اصايل:طيب ازا الشب حالتو ميسورة شو بآخر زواجو رماح:يكون عايش على كيفو وفيها اكتر من معنى أصايل:... انشغل بموبايلو بس كان مراقب حركاتها وكيف عم تتأمل الجو من البلور اتأمل كل ملامحها واعتذر رماح:بالازن ابتسمتلو وراح للحمام غسل وشاف حالو على لمرايا رماح:ياترى معجبة متلي لك اصايل لك شبك رماح جننتك هالبنت غمض وقت اتزكر كيف خلتو يستسلم وسحبت منو الجزدان رماح:قلبي مو معي بالاخص وقت تكوني قريبة مني لاتنسى انها بتعامل معك على انك خاطب ومو مفكر فيها راح لعند الجرسون رماح:فيني اطلب طلب الجرسون:اكيد استاز اتفضل رماح:بعد ما تخلص هي الأغنية بدي تحط اغنية ورد الجوري ل سعدون جابر وبدي تعلي شوي للصوت ابتسملو الجرسون الجرسون:تكرم استاز رجع اكدلو رماح:بعد ما تخلص هي الجرسون:ولايهمك رجعلها ومساوي حالو مو منتبه قعد و اشرت للجرسون رماح:بدك تطلبي لحساب اصايل:لا جاي عبالي القهوة بقلبو:فكرت طلبت تنين قهوة وهو ناطر تبلش الاغنية بدو يعيش معها اجواء خاصة وبعد ما سمع اول الموسيقى اخد نفس وركز اكتر عليها وعلى شرودها من الشباك لو رديت بذاك اسمك وطيوبك لاطلعلك نجمة تضوّي اعله دروبك جنة وفوق الجنة تخضّر بوبك انا وياك ومحد مني يبوقك يوم الماشوفك ما اريد عيوني .. يا عيوني طيفك يا اسمر حارس ويا جفوني فرحه وقمره ونور يضوي عيوني بس عود انت وما يهمني اللاموني يا بعد اهلي وعمري وضي سنيني يوم ما شوفك ما ريد عيوني .. يا عيوني وردة جوري طيره زغيّره تغني هامت بيك تريد تبوقك مني انت وياك شلون الدنيا تلمني يا بعد اهلي وعمري وضيّ سنيني يوم الماشوفك ما اريد عيوني .. يا عيوني #يتبع ........ الحلقة الاربعون بقلمي:مايا الحجازي رماح:شو رايك نمشي أصايل: متل مابدك رماح:بدك تحاسبي انتي اصايل:هههه اي رماح: ومشاني أصايل:ما بتفرق رماح:حلوة بحقي أصايل: عادي انا عزمتك خود حاسب انت طبعا من المصاري الي معي رماح:لا خلص حاسبي انتي أصايل:هههه اطلعنا من المطعم اصايل:عندك موعد يعني رماح:لا حابب اتمشى اصايل:لحالك؟ رماح:لا سوى أصايل:ليكون ازعلت مني رماح:لا ابدا كملنا تمشاية أصايل:انت انسيت انو وعدتني تحكيلي شو عم يصير معك رماح:شو عم يصير أصايل:اليوم وقت كنت عندك رماح:اي شو صار أصايل:انسيت يعني رماح:مو متزكر اصايل:وقت حكيتلي خليني على بالك رماح:كلمة وبتنحكى أصايل:لكن انا افهمتك غلط رماح:... أصايل:فكرت عم تفكر فيني او شاغلة بالك رماح:ليش انا شاغل بالك أصايل: كيف بتشوفني رماح رماح:متل ما بتشوفيني أصايل:ليش انت بتعرف كيف بشوفك رماح: متل كل هالشباب اكيد أصايل: انت مو متل كل هالشباب رماح:لكن انتي مو متل كل البنات اصايل:بس انا ماني مسترجلة رماح: مين حكى انك مسترجلة اصايل:انت هيك لمحت رماح:لا ما لمحت أصايل:ليك لا تجنني انت الصبح كان ببالك شي رماح:هههه شو بدو يكون يعني كنت متسرعة بكلامي حسيت انو عم اغرق فيه اكتر اصايل:انت ادرى انا من الصبح بستنى نحكي...وقبل نتعشى أنا سألتك مو عن حالتك عن الي صار الصبح رماح:عنجد أصايل: صارحني رماح:بشو أصايل فهميني أصايل:انت معجب فيني رماح:انا اصايل:اي انت رماح:كيف وصلك هالشعور اصايل:فكرت كتير فيك رماح: شو لأزمة الحكي اصايل اصايل:مو حكي مشاعر جواتي انا ما عشت هيك شعور من قبل اهتمامك فيني اجى بالوقت المناسب رماح:ايمتى اهتميت أصايل:مو تفكر انو قاتلة حالي عليك...بس انا حاسة انك معجب فيني رماح:كل الاعجاب عندك واحد اصايل:احترام مثلا رماح:بتعجبني شخصيتك اصايل:فكرتك حاببني رماح:.. اصايل:معقول وصلني هالشعور بدون سبب رماح:بتقصدي انو في شي من طرفي حب مثلا أصايل:ما بنحب انا رماح:ليش انا بنحب اصايل:رماح لا تجاوب ع سؤالي بسؤال رماح:حابيتني انتي أصايل:ما بعرف كيف بكون الحب رماح:ازا انتي مابتعرفي كيف بكون انا بدي اعرف أصايل:طيب انسى كلشي انحكى كيف بتشوفني رماح:بشوفك بنت طموحة وصاحبة مسؤولية وبنت عالم وناس اصايل: ليش عم تتهرب من سؤالي الاساسي رماح:كيف بدي اشوفك يعني اصايل:حلوة مو حلوة بشعة رماح:كل حدا فينا الو جمالو الخاص اصايل:لعمى... لهدرجة ما بنطس رماح:مانك بشعة كلشي فيكي حلو اصايل:يكتر خيرك والله رماح:ليش ازعلتي اصايل:انت مابتعرف تجامل ابدا لهيك ما جاوبتني رماح: .. اصايل:.. سكتنا سوى وكملنا تمشاية حطيت ايدي بجيابي بقلبي:شو شكل خطيبتك ياترى بس اكيد حلوة ليش ما حكالي من الاول اني مو بشعة ولو بشعة يخرب بيتو مابيعرف يجامل ابدا والصبح كان يلف ويدور ويمزح معي ويتقرب مني مو الحق عليه عليي انا سمحتلو يتمادى رماح: ليش سكتي اصايل:شو بدك احكي رماح:انتي ازعلتي مني أصايل:ما بتتواخذ رماح:شو شايفيتني مجنون أصايل:لا عاقل ومابتعرف تكزب ولا تجامل الناس رماح:ازا مشان الي صار الصبح اصايل: مابدي اعرف شي وانسى الي صار رماح:ليش مهتمة كتير طيب اصايل:بدك ترجع للبيت رماح:بدك تروحي اصايل:.. اعطيتو الجزدان اصايل:لا انساه معي...على كلا اتشرفت بمعرفتك رماح:وين أصايل:ع البيت رماح: وشو يعني اتشرفت بمعرفتك اصايل:هي بدها شرح رماح:مابقى بدك تشوفيني اصايل:.... رماح:طيب استني شوي قبل يمسك ايدي سحبتها اصايل:.. وارجعت للسيارة اتمنيت لو ما اتسرعت وحكيت معو ولا حتى صارحتو سالو دموعي اول ما قعدت بالسيارة اصايل:فكرت ناطر مني مبادرة واتخيلتو يحكيلي حابك ومعجب فيكي ليش عملتي هيك أصايل ليش صغرتي حالك قدامو ما ابردو بحياتي ماشفت حدا متلو بقلبي:لك بتعرفي انو مو خرج تنحبي رحتي رميتي حكي بلا فهم أصايل:ما اتخيلتوا بهالبرود من تصرفوا الصبح معي نسجت بخيالي سيناريو حب وغرام بس لازم انسحبت من اول ما اتهرب من سؤالي ومن غبائي كملت وكملت واخر شي بينت اني وحدة سخيفة شغلت السيارة لاني شفتو راجع من نفس الطريق واطلعت من الشارع دغري لاول مرة بحياتي بندم على معرفة شخص متكبر ومغرور بس يلا منيح ما سايرني من اولها ولا من اخرها واحد تاني ما بيوفر على حالو😂لك مجنونة الواحد بيعجب ببنت مو بنص زلمة لا لبس ولا شكل ولا حتى مضمون واستسلمت للدموع ..