عشقت هواك - الفصل 13 | روايتك

الجزء 13: حسيت بخوف كيف بدي ابوحلو وقت حسيت بالحب اطلعت حابب انت أصايل:انا مشاعري معوقة يمكن رماح: ما جاوبتي شو الحب بالنسبة الك أصايل:الحب انو اعطي كل مشاعري لشخص انا موجودة جواتو متل ما هو موجود ... مو بقلبي بكل حواسي اشتاق وقت يغيب استفقد لكلشي جمعنا سوى انا عندي خوف مو بس من الحب من الشخص الي رح اعطيه الحب...بخاف يكون مو متلي...ومو حاسس بإحساسي تجاهو رماح:ما حبيتي يعني أصايل:انت شايف انو انا خرج حدا يتطلع فيني رماح:ليش شو بينقصك أصايل:مابعرف بحس انو من سابع المستحيلات حدا يعجب فيني رماح:لا هيك كتير انتي مين مفهمك انك مو حلوة اصايل:ليك انا بعرف انو مافي حدا مو حلو بس كمان بعرف بشكلي هاد وتصرفاتي ولا يمكن حدا يتطلع فيني...مواقف كتيرة صارت بس انا ما حابة احكي طيب رماح انت احكيلي شو الحب بالنسبة الك رماح:الحب مو كل حياتي بس هو شي مهم يعني انا ما بقبل اكون مع بنت مو حاببها وبحب اعيش هداك الشعور الغريب الي بخلي كلشي فيني ينشد للصبية الي بتكون جنبي اصايل:شعور شو انتو لرجال مابتفرق معكن وبالدليل فيكن تتجوزو اربعة مرة وحدة رماح:قصدك انو الحب بالنسبة النا كزب أصايل:هههه اي وعندكن قلب كبير وبكل زاوية فيها بنت تستقر 😂 رماح:بس مو كل البنات خرج ينحطو بنفس المطرح اصايل:ههه ليك انا بكرى بدي ارسملك قلب وبدي اقسملك اياه رماح:يعني انتي ما حبيتي أصايل: قلك شي....مابدي احب ولا حتى انحب رماح:ليش أصايل:عندي فوبيا من العلاقات العاطفية رماح:طيب ليش انا هلأ معك أصايل: سألت حالي هالسؤال انت محتاج حدا يسمعك وانا متلك رماح:ليش انتي مو غيرك اصايل:هي بقى بترجعلك انت اتصلت انا ولا عبالي يلا نمشي رماح:... ....... بقلبو:تمشي هيك بسهولة بدي اعترفلك بشي مهم كتير لحقها دغري كانت عم تلبس الطاقية اصايل:حلو الجو كانت عم تفتح باب السيارة ودغري منعها وسكرو اصايل:شبك رماح: بدي تسمعيني ليش انتي مو غيرك (كان قريب منها كتير ومبين عم تفكر) اصايل:مابعرف انت جاوبني يمكن لاني ما بقربك رماح:لا لانو انتي اول حدا بكون معو على طبيعتي ما بحسب حساب للكلمة ولا لاي حركة هديك المرة بالسهرة اكتشفت وانا معك كاني قاعد مع حالي يعني مافي تكلف مافي رسميات كنتي عفوية معي...لهيك انا انسيت مين بتكوني.. اصايل:رماح شبك ؟شو صرلك رماح: عفويتك حطت بقلبي حط أصايل:شكلك متقل بالعشى رماح:طيب ازا هيك سوقي انتي السيارة اصايل:ههه تكرم وتاني مرة لا تقل بالعشى بالسيارة غصب عنو اتاملها وهي تشغلها ومشت أصايل:بتوصلني رماح:لا وصليني انتي اصايل:لا عنا شغل بكرى خلي جراح يطلع بكير رماح:... اصايل:شبك رماح رماح:شبني اصايل:ليكون ازعلت مني...ليك انا حبيت حديثك بس حسيت انو في شي غلط انت حسيت هيك شي رماح: حسيت كأنو حكيتلي اخرس بس على طريقتك أصايل:ابدا مو هيك كل القصة .... انا وانت منعرف وضعنا منيح رماح: وضع شو...انا بصارحك بشي انتي بالك بشي تاني اصايل:بحسك محطة انظار الجميع رماح:ماهيك؟؟...وبتحسي انو انا انسان ما بتفرق معو وبالدليل خاطب وهلا معك أصايل:اي في هيك شي رماح:.. اتكتف وبس صوت انفاسهن بالمكان وعيونو ما فارقتها ومابدو يتركها على عيونو رح تفارقوا بقلبو:شبك رماح...يمكن لانها عفوية حابب اكون قريب منها بساطتها يا ناس فايتة بقلبي انا وين كنت عنك من قبل وين كنتي عايشة اصايل:هون رماح رماح:شو في اصايل:بحكيلك بدك شي من هون رماح:لا أصايل:بتستقبل ضيوف بشغلك رماح:ما بنصحك أصايل:ههه جكارة فيك بكرى جاي اشرب قهوة عندك رماح:التهي ببستانك اصايل:ههه اي مارح التهي رماح:ليروحو يكسرولك التمديد من جديد أصايل:ههه مابتفرق منرجع منزبط شو وراي رماح:هي خطية ابو صلعة نفسو يشتغل معك أصايل:بوجود غياث بفكروه بحب الشغل رماح:اخوكي بحب المهيصة واللبس والمشاكل أصايل:قلتلك ما بهون عليي فيه رماح:هههه لك غصب عني بحكي انسيت انو اخوكي ما بتشبهيه اصايل:هههه شو الفرق رماح: واضح هو رجال وانتي بنت أصايل:.. رماح:حتى انتي اصايل فيكي نخوة بتغرقوا اصايل:لا بتقصد رجولة انا افهمت عليك رماح:لو ازعلتي براضيكي😉 أصايل:لا مابزعل يلا انا وصلت رماح:مع انو بكير اصايل:بكفي ازا صحلي بكرى جاييك للشغل رماح:بتحبي تحرجيني بين العتالة أصايل:اي رماح:هيك صار الحكي أصايل:ههه جننتك مو رماح:كتير نزلو سوى من السيارة والتقو قدامها على نفس المستوى رماح:كان حلو المشوار معك أصايل:اي اتسلينا رماح:جوى اخوكي اصايل:اكيد رماح: بشوفك أصايل: تصبح على خير رماح:وانتي من اهلو بقي واقف عند السيارة لحد ما فاتت ولوحتلو بايدها واختفت بقلبو: شو الله علقك يا زلمة شغل السيارة وبطريقو للبيت وماعم تروح من بالو ابدا .......... الحلقة السابعة والثلاثون بقلمي مايا الحجازي الصبح كنت نشيطة لدرجة سهرتي معو كانت بتجنن ماعم انسى ولا تفصيل وبس اوصل ل اتصال خطيبتو لينا يغص قلبي بقلبي:ليش مبارح كان معي صريح كتير وكانو ناوي يتقرب مني واصلا طلعتو من الشغل لحتى يرفع الكلفة بيني وبينو وكل شوي يحكيلي أصايل😂عليه كل نهفة هالزلمة بس انا بفرجيه جهزت حالي اللبست تياب الشغل وربطت شعري وحطيت الطاقية على راسي اتأكدت من مظهري الخارجي وانزلت للمطبخ كانت شذى صاحية أصايل:صباح الخير شذي:صباح النور أصايل:شو مصحيكي بهيك وقت شذى:متعودة هيك على طول شو بتحبي تشربي أصايل:قهوة كنت اتمايز ترتيبها للمطبخ وكيف متغير مية درجة اصايل: منيح الشغل عنا شذى:اي الحمد الله أصايل:والراتب عجبك شذى:اكيد أصايل:من زمان بتشتغلي هالشغلة شذى:اي من زمان واتعودت يعني بمرض ازا ما اشتغلت اصايل:وين اهلك انتي شذى:من لما كنت صغيرة اتوفوو واربيت عند ستي وبعد ما توفت بلشت حياة المعاناة اصايل:ومين الك هون شذى:كنت مخطوبة وتركني خطيبي أصايل:الله يبعتلك الاحسن شذى:تسلمي...انتي شو بتشتغلي أصايل:ههه شو مبين معك انتي شذى:مابعرف أصايل:عنا بساتين وانا متريسة فيها شذى:مبين عليكي صاحبة مسؤولية لهيك اتأخرتي مبارح أصايل: ازا ما كنت هنيك بيخربوا الدنيا المرابعين وغيرهن يلا بخاطرك اخدت فنجان القهوة واطلعت دغري من البيت عندي حملة استفزاز ضد رماح بالاول ل سوق الهال زمرتلو واول ما شافني ضرب على جبينو ومثلت اني زعلانة بس ما بيمنع وقفت عند محلات ابو ساري مبين مروق اليوم فتحت بلور الشباك ونطرتو لحتى اجى وقف عند الشباك ومبتسم رماح:اشرقت الانوار شو نايمة تحلمي فيني أصايل:لا بسوق الهال رماح:اجيتي بوقتك مجهز ابريق شاي أصايل: سبقتك... وكمان زعلانة منك رماح:له ليش زعلانة أصايل: اول ما اوصلت ما عجبك رماح:بالعكس كتير عجبني اصلا كنت ناطرك اصايل:اي لاااا مانك سادء رماح:يا ستي كزاب انزلي خلصي ابونا فتح هو الباب وضليت عند موقفي لو انزلت واتكتفت اصايل:ما بتنشرب كاسة الشاي عندك رماح:هلا بدي اضل أعزم فيكي خلصيني امشي كنت مبسوطة لكلامو وحركاتو سكر هو باب السيارة ومشاني قدامو على اساس ما بدي اشاركو حطلي كرسي صغير وقعدت ودغري شلحت الطاقية أصايل:وين الشاي رماح:تكة وبيجهز يا ولد اصايل:اوووف شوب هون رماح: خدينا بحلمك يا ست الكل أصايل:ما بينصبر على هالشوب رماح:عم تشجعيني اترك أصايل:ليش دبرت شغل تاني شفتو مصدوم لهيك فرطت ضحك عليه وخليتو يمد ايدو ضربت كفي بكفو رماح:رايقة كتير اليوم أصايل:بلا كيف بعرف امزح معك رماح: كتير صايرة تحبي المزح اصايل:ههه اتعلمت من جراح رماح:احسن؟؟انتي عاجبك اسلوب جراح يعني أصايل:كتير رماح:منيح عنا شغلة العادات والتقاليد والا شفتيه فاتح بث وفاضحنا اصايل:بالعكس رح تنشهرو رماح:اوعك تقترحي عليه هو ناوي يطير عن وجه الارض بحيلا طريقة أصايل:بس هيبة هو يعني رح يلم متابعين ويصير عندو فانز رماح:هههه عنجد رايقة اليوم أصايل:ورح تنشهر رح يصير يصورك بيومياتو رماح:ازا فيها بنات ومعجبات مش غلط أصايل:ازا بهمك المعجبات ليش ما كنت تلتفت للصبايا عنا رماح:هههه ناقصني لانو أصايل:مو من مقامك يعني رماح:مو شوفة حال بس بالشغل انا ما بعجب حالي لاعجب غيري وفي شغلة مهمة انا بوقت الشغل مابكون مركز بشغلات الحب والغرام اصايل:لكن بشو بتركز رماح:وقت الاكل والشرب😂 اصايل:اي واستراحة السيكارة الصراحة جوابك مقنع وين الشاي اتأخرت ع البستان رماح: اشتغلي معنا اصايل:مارح ارد عليك رماح:هههه بعرفك عقلك كبير ما بتزعلي اصايل: بس مو متل مابتفكر رماح:لا ما بتزعلي ضيفني الشاي وقبل اطالع باكيت الدخان هو ضيفني اصايل:يسلمو رماح: اشغلك اصايل:يسمنو ما بحب حدا يشغلي رماح: لهيك ادايقتي مبارح وقت سحبتها منك اصايل: واستغربت يعني مو لهدرجة رماح:هههه هاتي عنك اصايل:لا مابدي رماح: اشغلك لكن اصايل:ليكها شغالة رماح:بس ما بتعرفي شو بدي اعمل اصايل:ييي جاي عبالو يجاكر مسكلي ايديي التنين واخدها مني وشرب منها اصايل:مفكرني رح اخدها منك رماح:ههه خديها يا اصايل اصايل: بطلت الله غناني عنها كان فرطان ضحك عليي رماح:لازم تبطليه ومافي الا هالطريقة اسمنك بتقرفي اصايل: بعيدة عن عيونك مارح ابطلو رماح:ههه انا رح أتحداكي ورح اكسب اصايل:ايه اتحدى لشوف شربت الكاسة مرة وحدة ووقفت رماح:وين بكير اصايل:شوفلك حدا تاني جاكر فيه رماح:متلك هيك مافي اصايل:يا حبيبي مفكرني مسخرة الافندي رماح: خليكي بلا والله اتسليت اصايل:احسنين تسلاية ابوك صايرة رماح:هههه شو عندك المسا اصايل:اي لاااا ما جاي عبالي اشوفك رماح:وانا نويت تعزميني ع العشى اصايل:اهووو علينا اكلت راسي انت خلص المسا بدي اعزمك واخلص من هالهم رماح:يا عيني عليكي رح اصوم من هلا اصايل:تقبل الله سلف رماح:عيديها ها مشى معي يودعني اصايل:عازمني على الربوة مثلاً سوق الهال هاد يا عين باباك رماح:خليني ع بالك اصايل: اليوم بدك تفهمني شو عم يصير معك هالحركة دوبتني كان مبتسم واشرلي على عيونو ومابقى هديو دقات قلبي اصايل: بشوفك المسا رماح:ماشي اطلعت بالسيارة كنت بحالة اول مرة بعيشها اول ما قطعت السوق والعجقة حطيت ايدي على قلبي وحسيت كأنو طبول حرب جواتي ولازم اضبط نفسي قدامو المسا. ......... بعد يوم متعب اخد يوميتو وقعد على جنب هو والشغيل وشغلو سكاير وارتكو بنفس التوقيت عبد الرزاق:صحيح طالعلك ورتة من خوالك رماح:ههه اممم عبد:ليش ارجعت للسوق رماح:بدك افتح مدجنة يعني عبد:ههه رماح شو صاير معك رماح:شبني عين الله عليي عبد:مين الصبية الي كانت عندك رماح: بنت خالي عبد:اي مبينة مقربة منك انت معجب فيها يعني رماح:من وين جبت الحكي هاد عبد:مبين من حركاتك معها بعدين سيارتها بتجنن من حظك رماح: دخلك وين ساري مختفي عبد:لكن ما بتعرف انو مسكو ابوه رماح:اي كمل كان يتفقد حواليه المكان عبد:مسكو يسرق واتاريه بيصرف على نسوان من بتاع الشقق السكنية رماح:هههه ليش زلمة صاير عبد:هههه يا ويلي انت رماح:انا مشانو لا يروح يتبهدل هنيك😂 عبد: يعني ولا حتى مستغرب رماح:ليك عن حالي دوبني احلف بشوفلك الناس باعت حالها ولحقت رداوة النفس يعني الي بيصمد بزمانا هاد الله رضيان عليه عبد:معك حق المهر غالي والحياة غالية وشو بدنا نعد لحتى نعد رماح:بدك شي عبد: بكير رماح:بدي امر للحلاق ومعزوم عند بنت خالي عبد:ههه اي ياعمي زبط حالك لكن ودعو وكمل للحارة حلق وكمل للبيت دق الباب وسمع صوت ناهدة ناهدة:يلا اجيت رماح:.. بعد عن الباب تحسباً تكون مو لابسة ناهدة:هاد انت رماح:مين بدو يكون لكن فات ورأسا للحمام وحس هدوء مو طبيعي لهيك رجع لغرفة البنات دق الباب وفتح رماح:وين البنات ناهدة:اي...راحو.. رماح:وين راحو ناهدة:للنوفيه رماح:... ما عجبو ابدا بقلبو:ع شو ناوية لك ناهدة وليش بتغطي عليهن فات اتحمم ولبس وقعد برى ينطرهن الدنيا مسى وعلى وشك غروب طلت من باب البيت ولمحها لمح ناهدة:شو ناطر رماح:بشم هوى ناهدة:... رماح:فوتي شوبدك فيني ناهدة:بدي تبدل جرة الغاز رماح:شوي ناهدة:لا هلا بدي رماح:شو مجاكرة يعني مابدي افوت لجوى ناهدة:رح اخبر ابوك انك عم تبهدل فيني بلا سبب رماح:فوتي يا بنت الناس لا تصرعيني فاتت وضربت الباب وشوي لمح جوز الكناري جايات يتمخترن ووراهن شبين وعلى طق حنك وبس شافنو وقفن عن المشي والشباب هربوا وقف واعصابو عم ترجف اخد نفس وراح لعندهن ولانو الحارة مليانة ما شحطهن شحط رماح: لجوى بسرعة ركضن ركض وهو فات ودغري للغرفة اخد حزام البنطلون وقبل يفوت للغرفة منعتو ناهدة ناهدة:استنى ليش بدك تضربهن رماح: بعدي من خلقتي ناهدة:مو عاملات شي رماح: بعدي و اطلعي من هالحكاية انا بدي اربيكن بدك تجيبن العار لعيلتنا دفشها دفش وفات وقبل يرفع ايدو يضربهن رجعت وقفت بوجهو رماح:انتي ناوية تبليني فيكي بعدي عم قلك اخلاص😭يا اخي اسمعنا بالاول كوثر:😭ماعملنا شي والله رماح:والله لاحسب الله ما خلقكن اصواتهن لبرى والي مانعو يضربهن ناهدة كانت واقفة بوجهو رماح:لا تطالعيني عن ديني بعدي من وشي ناهدة:مابقى يعيدنها والله رماح:يعني انتي بتعرفي وين كانن اخلاص:كنا بالنوفتيه والله رماح:بدي اللعن ابوكي ع ابو النوفتيه على ابو البنات سحب ناهدة والتنتين صرخن بصوت ولاحد اخلاص كوثر:لااااااا ........ الحلقة الثامنة والثلاثون بقلمي:مايا الحجازي فات جراح على صوت لصريخ وبالزور لحتى بعدو عنهن كان مو طبيعي وبفوتت ابوه واغلب الجيران ملتمين برى ابورماح:لك ليش ضاربهن رماح:والله لاموتلك إياهن كمان هي تاني مرة جراح:شوفي فضحتونا بالحارة رماح: اسألهن جايات ووراهن شبين مدري من اي مزبلة جايين جراح: صحيح هالحكي ابو رماح:ليش كنتن برى البيت اخلاص:😭رماح دفش خالتي ناهدة كوثر:وهي حامل جديد وفجأة انصعقوا جراح ورماح وهدي الجو ابو رماح:يا ويلك ويصير عليها شي لا تلوم الا حالك رماح:.. راح يتطمن على مرتو المختفية ورماح لساتو تحت تأثير الصدمة رماح:ليش هي حامل كوثر:اي والهاا شهرين جراح:شووو اخلاص:وازا صارلها شي بكون منك رماح:انا ما كنت بعرف جراح:شو يعني حامل؟؟يعني... يعني رح يصير عنا اخ رماح:مدامها حامل ليش وقفت قدامي اخلاص: ادعي ما يصيرلها شي رماح:والك عين تحكي اخلاص:😭وينك يا ماما تشوفي كيف رماح ضربنا كوثر:اااخ والله بتوجع ضربة لحزام جراح:... طلع جراح من الغرفة ورماح طلع لبرى وسامع صوت شهقات ناهدة ناهدة:لا مافيني شي ابو رماح:هو دفشك ناهدة:لا لا ابو رماح:لكن ليش بتبكي ناهدة:مابعرف انا مابحب حدا يضرب حدا ابو رماح:يعني انتي منيحة طمنيني ناهدة: اي منيحة لا تزعلهن مشاني ابو رماح:الي بدك اياه بصير بس لا بقى تبكي ........ بالحمام كان عم يغسل وشو ومو متقبل يصير عندو اخوة من ام تانية بقلبو:كيف يعني حامل.... وليش نحن ما منعرف الله يرحمك يا امي والله من بعدك انذلينا سمع صوت اخواتو بالمطبخ اخلاص:انا خايفة يصيرلا شي كوثر:غير يعلق رماح مع بابا اخلاص:مابقى احكي مع حدا والله مو حاسة بجنابي كوثر:ليش لسى الك عين تطلعي بعد ما انضربنا اخلاص:والله ناهدة ما بتستاهل كوثر:الله يمضي هالليلة ع خير ...... كان بدو يعتذر من ابوه راح لغرفتو ودق الباب وشوي فتحلو ورماه بنظرات كلها عصبية رماح:انا اسف بابا ابورماح:ولو مو حامل كيف دفشتها رماح:والله غصب عني وقلتلها تبعد انا ما اغلطت ولازمهن ترباية البنات ابو رماح:منك لاخواتك تسطفل بعدو عن مرتي كلكن انشالله بتقتلو بعض رماح:... كان مصعوق من الجواب واتأكد انو ابوه باعهن عنجد رماح:هي منيحة ابو رماح:بكرى باخدها للدكتورة وبطمن عنها وادعي تكون بخير هي وابني رماح:.. طبش الباب بوشو بقي واقف والغصة بقلبو كبيرة بقلبو:مني لاخواتي اسطفل وانشالله نقتل بعض؟؟... فات للغرفة اخد الجاكيت وطلع مو شايف بعيونو ودقات قلبو سريعة ونفسو صعب ...... بغرفة شذى لصغيرة كان قاعد غياث ويشرب قهوة ويتأمل خوفها منو غياث:شبكي يا قطة مابدنا نفتح صفحة خوش بوش مع بعض شذى:سيد غياث والله ..والله انا مو متل مابتفكر غياث:مين حكالك انو بدي نغلط منكتب كتابنا شذى بصدمة:شوو غياث:مو انتي مو مأمنة فيني شذى:ليش؟ او شو خطرلك غياث:خطرلي كتير شغلات ومنها حابب اتقرب منك شذى:لا انت مو معقول غياث:معقول وكتير كمان انا ما بتفرق معي الا نكون بعلاقة شرعية وساعة الي بيسمح الوضع منعلن زواجنا شذى: بدي سبب مقنع شو عجبك فيني غياث:كلشي فيكي شغلات بتهمنا نحن الشباب مارح تخطرلك شذى:بس انا مقطوعة من شجرة غياث:لكن ليش بدي نتزوج منكمل بعض شذى:مابعرف...انا مابعرف غياث:معك كل الوقت فكري وبس توافقي منكتب كتاب شيخ والي بدك اياه بصير شذى:... لساتها تحت تأثير الصدمة غياث متل التعلب المكار وهي عم تتأمل وسامتو ومين بكون ومو مستوعبة ...... كنت حاسة البيت هدوء اتفقدت المطبخ ماكان في حدا دقيت الباب على شذى وكأنها قافلة شذى:مين أصايل:انا فيكي شي شذى:لا ببدل تيابي اصايل:.. تركتها واطلعت للغرفة معقول غياث بالبيت دقيت باب غرفتو وفتحت غريب مو هون كملت ل غرفتي بقلبي:ماحدا متل امي رايحة جاية مع موفق وبايعة العيلة بلي فيها وكأنو حتى عشى بطلو يتعشو بالبيت على كلا انا عازمة رماح اخدت دوش سريع طالعت بنطلون زيتي وبلوزة بيج واسعة مشطت شعري واللبست جاكيت بنفس لون البنطلون والبست البوط واخدت موبايلي والمصاري واطلعت من الغرفة لمحت غياث طالع من المطبخ وحسيت بصدمة لا لا مستحيل الي عم يخطرلي انزلت كل درجتين سوى ومستعجلة اطلعت من الفيلا واتأكدت انو غياث هلا طالع من البيت اصايل:هييي وين رايح غياث:شو دخلك اصايل: انت كنت بالبيت غياث:هون برى كنت اتمشى بقلبي: شو انا عمية او ما بشوف ولا مخربطة اصايل:وهلا وين رايح غياث:بدورلي على سهرة وانتي مبين وراكي مشوار أصايل:اي عندي شي مهم كتير غياث:مع مين؟ اصايل:قلتلك شي مهم مو حدا مهم غياث:المهم رجعتي العمال اصايل: اطمن رماح ترك الشغل غياث:خييي ريحتيني طلع بالسيارة وانا متلو اطلعنا ورا بعض من الفيلا ودغري اتصلت ب رماح أصايل:كيفك رماح رماح: تمام اصايل:وينك انت رماح:ناطر اتصالك اصايل: اتأخرت بالبستان وينك هلأ رماح:باول حارتنا أصايل:خمس دقايق وبكون عندك ....... بقلبو:صوتك ريحني كيف شوفتك اول ما ضربت بالضو العالي عرف انو وصلت صفطت جنبو وطلع معها ودغري اتاملها أصايل:اسفة طولت عليك رماح:لا ابدا انا ارجعت اليوم بكير ليتزكر كل المصايب الي صارت ولحظة أتأكد انو جنبها حس اتلاشت همومو أصايل:شبك رماح رماح:شبني اصايل:ما تركتك هيك رماح:شوية مشاكل اصايل:ازا عاطفية ما بتدخل رماح: عائلية اصايل:طيب رح تضل هيك اتأملها اكتر وهي مركزة بالطريق وبعدين ايدها الي عم تتحكم بالسيارة رماح: بلكي معك يتغير المود اصايل:منحاول فيك ما ورانا شي ابتسم لشقاوتها اصايل:بتحب نروح لنفس المطعم رماح:وين مابدك مو انتي العازمة أصايل:لكن لنفس المكان رماح:مو تتشاطري وتعملي متريسة أصايل:هههه لا رح اقعد عاقلة ولايهمك رماح:يعني اطمن ولا وعودك فالصو أصايل:على شو خايف ليكني مدفية حالي رماح:ههه ع لحظ اليوم شوب أصايل:مابقدر اطلع بدون الجاكيت رماح:اي ستايلك عجيب أصايل:عم تتنمر يا اخ العرب رماح:ما عاذ الله فرطوا من الضحك كان متل الهم لكبير وانشال عن قلبو وصلو للمطعم