عشقت هواك - الفصل 11 | روايتك

الجزء 11: اول ما دق الباب سمع صوتها لينا:مين رماح:انا فتحتلو ومو مبين منها شي وسحبتو من ايدو لجوى وانصدم انها بتياب البيت وبدون حجاب رماح:لك؟؟كيف بتفتحي هيك لينا: غيران عليي رماح:انتي مو معقولة وين امك لينا:من شوي طلعت لعند جارتنا هي واختي فوت رماح:لك كيف افوت ومافي غيرك بالبيت لينا:فوت وبلا حجج قفلت الباب وسحبتو من ايدو للصالون لينا:شو بتحب تشرب رماح:جاي احكي مع امك كلمتين لينا:اي طول بالك هلأ بتيجي رماح: مستعجل عندي مشوار ضروري طنشتو وفاتو عملت القهوة واتأكدت انها طالعة بتطير العقل بشعرها الناعم وجسمها المتناسق ولبسها الي بجنن تاركة رماح يضرب اخماس بأسداس من هالشوفة ومن هالتصرف ........ لساتو مو مستوعب شو شايف وليش هيك اتصرفت معو اجت وابتسامتها عريضة حطت الصينية على الطاولة وقعدت بجنبو لينا:شبك ولوو ليش هيك خجلان رماح:مو خجل مصدوم فيكي لينا:ما نحن مخطوبين رماح:ما انكتب لكتاب يعني حرام اشوفك بهيك لبس يا فهمانة لينا:انت كتير مزودها وين عايش رماح:بالحارة ما اطلعت منها بس شكلي مابعرف يا الناس واشة يا الغيرة والشرف صايرة شغلة رخيصة عند الكل لينا:لا انت شايل السلم بالعرض اتفرهد ولوو رماح:انا هاد الوضع ما بيزبط معي يا التزام يا عمرو ما يكون لينا:بدك نترك ضربتو على كتفو وضلت حاطة أيدها عليه لينا:اديشك حلو ومهيوب بتعرف بتنافس كل شباب الحارة بجمالك واناقتك وجاذبيتك ماعدا ادبك رماح:انا مابدي أتأخر ع البيت وفجأة شدتو من قميصو وقربتو منها رماح:شو عم تعملي ولشو هالحركات لينا:لاني بحبك وراحو لعالم تاني. ........... كانو لتلات برى وكل شوي يتفقدو الساعة اخلاص:ماصارت اكلة حلو😂 كوثر:لحق يجيب المحل لهون جراح:لو راح بالسيارة اخلاص:اخي محل ابو الشيخ هون مو بالمزة😂 جراح:الغايب حجتو معو بجية ناهدة وابوهن ابو رماح:شو عاملين كوثر:مننطر رماح من ساعة راح يجيب حلو اخلاص:وشكلو صار حلو😂 جراح:مثلا بقلاوة ولا كنافة😂 كوثر:والله اعلم بقلاوة ناهدة:وعلى شو وصيتوه انتو كوثر:حيلا ما بتفرق جراح:شو عم نستنى بس يجي بدق الباب اخلاص:اي وانت قلتها فاتو ورا بعض وقعدو بغرفتهن كوثر:اتصل فيه جراح:ها ليكني عم اتصل مابرد اخلاص:ليكون انخطف😂 جراح:ههه مشالله مبين مبسوطة كتير كوثر:عنجد ليكون عند جمال استفقدو جراح:طيب اسكتن لاحكي مع جمال اتصل وبعد وقت طويل لحتى رد جراح:وينك يا سبع الحارة جمال:هون جراح: حدا اجى لعندك شفت حدا جمال:وشو دخلك انت جراح:شو دخلني؟؟ اخي رماح اجى لعندك جمال:لا شفتو ولا شافني جراح:هيك احكي من الاول فصل الخط بخلقتو كوثر:روح للمحل وارجع جراح:ههه اي رايح بس لا تتأملن ازا طولت انا كمان نامن😂 فرط من الضحك عليهن وراح للمحل تمشاية وكل شوي يسلم على شب من الحارة لحد ما وصل للمحل وشاف رماح واقف وعم يحاسب والا يتهاضم عليه راحلو ركض وغمرو تحت تأثير صدمة رماح رماح:شبك ولاه رجراح:الحمد الله ع سلاامتك اخي ما متت لسى رماح:شو هالحكي ولاه جراح:طمني عنك مشان الله رماح:ههه خلص انا حكيت طلع وهو حامل كيس الحلويات وجراح لسى عم يتمسخر عليه جراح:طولت يا زلمة رماح:... جراح:شو جبتلنا معك رماح:حلو جراح:فكرت فلافل رماح:.. جراح:هههه بلا شبك شو صاير معك او وين كنت رماح:بالحارة وين بدي اروح جراح:امبلا بالحارة اخواتك انتحرن رماح: خوف عليي جراح:لا ع وجبة الحلو رماح:... جراح:رح خليهن يجهزن القهوة اتصل فيهن جراح:اعملن ركوة قهوة جبتلكن معي قطعة بقلاوة كبيرة كوثر:رماح معك جراح:الله ستر لقيت ابو الشيخ مسطحو وناوي يقطعو مفكرو بقلاوة هرب جراح قبل يضربو بحجر يفجو وصلو للبيت وعلى مناقرة بس رماح مبين صاير معو شي ........ اللتمو كلهن ب غرفة الشباب وقعدو يشربو قهوة الا رماح عم يدخن لا اكل ولا شرب ناهدة: بمناسبة الحلو كوثر:جراح بدو ناهدة:فكرت يعني حلوان جراح:لا ابدا هيك خطرلي لو هدول معدلات كانن عملن شي بالبيت احسن ما ارتعبنا على ابو الشباب لساتو بعالم تاني رماح اخلاص:طولت اخي رماح: ليكني اجيت جراح:لا تخافن زنتو لساتو ما خس ولا كيلو😂 رماح:مطول انت جراح:بعرسك اخي كوثر:اي ونفرح بولادك اخلاص:ليتجوز بالاول ناهدة:على شروط اهلها مبين ما رح يتجوز جراح:احكيلك كلمة رماح:بدي انام وقفن لتلات وطلعن ورا بعض ومعهن لصحون والقهوة وسكرن وراهن وهو دغري فك القميص وانصدم جراح فيه جراح: وين كنت بلا رماح:وشو دخلك انت جراح:لا بس واضح انو مافي حشرات بهيك وقت انتبه على شو بيقصد ودغري لبس لبلوزة مطنش شو شاف جراح على رقبتو وحاول ينام بقلبو:شو الي صار لك رماح وازا هيك معي اكيد مو انا اول واحد بحياتها شكلها بايعيتها وشكلي مارح اكفي معها هي فساد مو للعيلة لكل الدنيا بس لا تنكر رماح انت تجاوبت معها اي ماني حجر والله ما اقدرت اقاوم لعمى ما عم استوعب الي صار . ............ تاني يوم ما اقدرت اروح للشغل مشان ماما وغياث جاب من مكتب الخدم خادمة للبيت ورح تستقر عنا جهزت لفطور و بلشت تهتم بالبيت وطلباتو وماما مرتاحة ع الآخر ونحن هاد الي بدنا اياه ومو مسترجية اجيب سيرة الشغل الكل مضغوط مني ويمكن لاخر السنة ينجلطو بس ما بهمني كنت قاعدة معهن رجل على رجل وشغلت سيكارة جكارة ب موفق بعرفو مو طايقني موفق:وكيف هيك جاييكي ركود ومابدك تشتغلي أصايل:صحة ماما بالدنيا نزل غياث مبسوط ومشقرق كتير ع غير العادة غياث:شو وين قهوتي ماما:هلا بتجيبها شذى اصايل:وانت غياث كيف بهالسرعة دبرت وحدة للشغل غياث:سألت طارق اهلو بيتعاملو مع هالمكتب وحصرا عربية تكون ماما:اي مبينة مرتبة موفق:اي شو رأيكن نطلع اليوم نتفسح زمان ما التمينا غياث:اي ما منقول لا ابدا بقلبي:انا بطيق شكلك لاطلع معك ضيفت شذى غياث القهوة ورجعت للمطبخ وحسيت انو عنجد صرنا من عائلات الاغنياء بعتت ل رماح اصايل:كيف الشغل ازا في شي ضروري تواصل معي ويمكن مشغول وبعيد عنو موبايلو لهيك ما رد دغري أصايل:انا بتسمحولي يا جماعة الكل انصدمو غياث:وين اصايل: بدي ارتاح بغرفتي ومشان الفسحة تفسحو لحالكن انا مو خرج هيك طلعات تركتهن يتطلعو فيني واطلعت ل غرفتي ل المكان الي برتاح فيه بس شكلو غياث مو ناوي ع الخير والسبب رماح. ...... الحلقة الثانية والثلاثون بقلمي مايا الحجازي بعد ما امن انو أصايل طلعت للغرفة جهز حالو لبس بنطلون اسود وقميص زيتي وجاكيت نصي اسود اتعطر ووراح للبستان من وصلتو اغلب العاملات انتبهن وهلا رماح كان واقف مع زلمة ختيار وكانو بشغل جاي هالشي استفز غياث كتير وانو أصايل عاطيتو الصلاحية المطلقة نزل عند الاستراحة وفتحها لانو ما بتنفتح الاا لتكون اصايل موجودة اتمايز المكان منيح اطلالة الشباك وكيف رماح ولا حتى عبرو بقلبو: لعمى مو شايلني من ارضي واصايل الي سمحتلو يتمادى عليي وهالشي مارح اسمح فيه اخد العصاية الي عطول بتكون بأيد اصايل وطلع لبرى غياث:الكل يتجمع هون بسرعة طبعا بلشو يلتمو كلهن وحتى رماح اجى وانتبهو غياث:اول شي يعطيكن العافية طبعا الكل جاوبوه غياث:انتو متعودين تكون اختي متريسة ع الشغل عم يتطلعوا ببعض غياث:انا اليوم رح استلم بدالها لو اجيت متأخر والكل انتبه انو عم يتطلع برماح نظرات كلها تحدي غياث:وغيري يصف على جنب رماح:وهي بتعرف انك اجيت غياث:وات شو اتفضلت؟ رماح:مبين انك جاي تخرب عليها وعلى غيرها ومن شوي حاكتني وما خبرتني انك صاير متريس وبدك تستلم غياث:انت مبين معك بطاقة واصلة من المتريسة شخصياً شو رأيك تلم اغراضك وتفرجيني عرض كتافك رماح: وناوي تحاسبني ولا؟ غياث:لساتنا باول لنهار وبقول ما بيطلعلك معي شي جراح:طولو بالكن ما بتنحل هيك الامور غياث:انت اخوه وبتمون عليه خليه يروح رماح:انت شكلك ما بتتواخذ ولازم اسايرك مو مشانك كرامة للمتريسة وبس جراح:شو عمل غياث:ما عمل شي بس انا مابدي اياه هون والي معترض يروح معو دغري لف ظهرو بدو يمشي غياث:وازا فيك كرامة لابقى تيجي البستان كمل طريقو رماح والكل انقهرو من قرارو لانو كان يمشي الشغل متل اصايل تماماً ...... لحقو جراح دغري رماح:وين اجيت جراح:مين مفكر حالو هاد وليش عم يقطع ويلحش من كيفو رماح:لا تخسر الشغل مشاني انا بدبر حالي عند ابو ساري جراح:طيب حاكي المتريسة رماح:روح كمل شغلك والمسا منحكي جراح:ماشي ضل مكسور خاطرو جراح على اخوه رغم انو ما غلط على حدا وراح يتفرج على المهزلة الي جاي يعملها غياث غياث:هون بس كلمتي بتمشي واي حدا بينفش حالو متل هداك لا يلوم الا حالو ومو تفكرو اختي كانت هون معناها هي الامرة والناهية انا هون الكل بالكل والي ما عاجبو ينقلع الشب:شو يعني ينقلع ليكون عم تعطونا حسنة عم نتعب كل لنهار لتيجي انت وتحاكينا بهيك طريقة غياث:بيضل اسمك عامل وازا ما عجبك روح لاقي ناس تانية تشغلك الشب:اي بروح شو عم تخوفني رمى من ايدو الفاس الشب:... غياث بعصبية وقهر حكى:يلا كملو شغلكن واي واحد بدو يكبر راس لا يلوم الا حالو مهجة:مابصيرر هيك انت جاي تربينا غياث:لانو اختي معطيتكن وش ومكترة مهجة:الله غنانا عن هالشغل وواخدت كاملة راحن كمان والعمال بلشو يتفرطشوا وجن جنونو ل غياث على الي عملو وخبصو بس ليظهر حالو انو صاحب الشغل. ........ بطريقو لسوق الهال واول ما شافو ابو ساري انبسط فيه ابو ساري:اهلين والله عاش مين شاف هالطلة الحلوة رماح:حقك عليي بس كنت مشغول ابو ساري:بدونك ضعت يا زلمة رماح:يعني الي مكان هون ابو ساري:وجاي حمل كبير يا ولد جهز الشاي للمعلم رماح رماح:... بقلبو:شو مفكر حالو هالزلمة لعمى الفرق بينو وبين اختو هديك واضح انها بنت نعمة وعز اما هاد شكلو حديث نعمة او اول مرة بيتعامل مع الناس بلش يومو بالشغل وتنزيل حمولة ما اجى الليل الا وهو هلكان بقلبو:هنيك ما كنت اتعب نص هالتعب يلا خليه يفرح غياث ومابقى ارجع للبستان لو شو ماكان حاسبو واكرموا ابو ساري ورجع للبيت تمشاية حالتو بالويل وريحتو بصل من الحمل الي نزلو وكل شوي يبتسم ويضحك على حالو ..... كنت مقهورة اول ما وصلت للبستان ولا عامل موجود الا كم شب وباقي البساتين مافيها حدا فتت للاستراحة وشفت غياث قاعد ورافع رجليه على الطاولة ونازل كركرة وضحك أصايل:شو عم تعمل هون غياث:اهلين والله اصايل:شو صاير بالبساتين وين العمال وليش المي مسيبة لاخر الدنيا غياث:الي اسمو رماح لاني اجيت ما عجبو واتاريه صحبة مع الكل بس ترك الشغل كلهن راحو اصايل:طيب ليش المي مفتوحة انت وينك عنها غياث:حكيت للشب يطفيها اصايل:شو مستني روح انت طفيها غياث:بلا شو تيابي نظاف اصايل:... اطلعت بسرعة للبير وحاكيت الشباب اصايل:ليش المي مفتوحة من هون جراح:بعد ما اتقلعوا العمال كانو حدا انزعج من اخوكي لهيك كسر التمديد اصايل:غياث.... غياث اجى مو عاجبو اصايل:ليش مقلع العمال غياث: ايوا حطوها براسي الشغلة اصايل:تعال مراد بسرعة سكر المي مراد: بأمرك فات هو وجراح وكم شب بالطين لحتى سكرو المي بس بعد ما غرقت الارض وحالتنا صارت بالويل مراد: نحن بكرى مارح نيجي دبري عمال غيرنا بس نطرنا ناخد يوميتنا جراح:والا شو جابرنا نتقلع ونضل بلا كرامة اصايل:انت لساتك واقف عندك على شو عم تتفرج سيد غياث انت مخرب الدنيا بهالكم ساعة الي اجيتهن للبستان مراد:فكرنا انو انتي هيك بدك اصاايل:للا مابدي هيك وبكرى بتمر على كل الشباب الي كانو معكن وبتخليهن يجو وانا بتفاهم مع الكل بكرى غياث:هداك الكلب رماح ممنوع يرجع اصايل:لك كان مستلم عني يخرب بيتك انت شو عامل غياث:لا تتطاولي وليه انا اخوكي لكبير اصايل:غياث اختفي من وشي مو متحملة هالشوفة منظر الارض الغرقانة تيابي وبوطي وبرودو والقهر عبى قلبي بزيادة راح مو عاجبو ولحقوني للاستراحة اصايل:اليوم مضى راح احاسبكن وبكرى متل ما خبرتك مراد مراد:بس كمان الي اشتغلو لبعد الوحدة لحتى راحو من الستة هون اصايل:لا تشيل هم بكرى انا بحاسب الكل مراد:الله يخليكي يارب ازا عندك شي روحي منستنى النواطير نحن اصايل:وين رماح جراح:التقليعة من الاساس الو وهو ترك مشان المشاكل اصايل:طيب رجع العمال انت وانا رايحة احل الموضوع مسحت الطين من البوط واطلعت من البستان بالسيارة ولحارة رماح والتقيت فيه راجع للبيت زمرتلو لحتى وقف وشكلو مو عاجبو كان عم يتأفف اصايل:كيفك رماح رماح: اهلين والله اصايل:وين كنت رماح: ارجعت للسوق اصايل:كيف بتترك بدون ما تتصل فيني رماح:يعني مو انتي باعتة اخوكي اصايل:انت شو عم تحكي بتعرفني مولدنة لهدرجة رماح:الصراحة من وقت اجى اخوكي ومابقى حبيت الشغل اصايل:مالقيت الا كم عامل والمي مسيبة والتمديد مكسور رماح:.. اصايل:ليك اليوم مضى وانا بتفاهم مع غياث بس بكرى بترجع للشغل رماح:بدك تعذريني يعني انا ماعم اشتغل لا تسمع حكي واتقلع انتي على عيني وراسي بس هالمرة مابقى اخسر شغلي مع ابو ساري اصايل:بدك تترك الشغل رماح:اي اصايل:طيب مبين عليك تعبان بس ترتاح منحكي رماح:طيب ماشي...فوتي اصايل: منحكي بعدين بدي اروح اتفاهم مع غياث رماح:الله يعينك عليه انقهرت من اسلوبو من لهجتو من كل التخبيص الي عاملو غياث بغيابي ....... بالبيت كان متلبك من عملتو السودة مع اصايل وكل هاد بس جكارة ب رماح اجت معصبة وعدل قعدتو ع اساس مو هامو بتيابها الي كلهن طين وقفت قدامو واتخنصرت اصايل:انت كيف بتسمح لحالك تخرب عليي الشغل اجت امها دغري وموفق من فوق عم يتفرج ومبسوط غياث:احترميني وليه اصايل:ليش انت بتعرف شو يعني احترام ام غياث:شبكن عم تتخانقوا انتو اصايل:روحي شوفي ابنك شو عامل وبدكن اترك البساتين لكم ولد مابيعرفو شو يعني شغل واحترام العمال يخرب بيتك غياث:حاجتك عاملة متريسة هون وهنيك حلي عنا ياا اصايل:لابقى تدخل بشغلي ومني للعمال اسطفل غياث:لا بدك تتركي الشغل هالمرة اصايل:على جثتي يا غياث غياث:انتي مو شايفة حالك كيف صايرة نفسية بدك تتركي الشغل روحي شوفيلك شغلة تناسب عمرك وحجمك اصايل:هاد تعب بابا فنى عمرو لحتى صارو البساتين بهالحالة وانت جاي تخرب تعب عمرو مشان تكبر راسك على العمال من طول عمرو العامل الو قيمتو واحترامو غياث:لا ما حزرتي اصايل:ازا لسى بتفوت للبستان يا ويلك مني ...... تركتو واطلعت للغرفة راسي مو متحملة وجعو ونبض قوي جواتو وكانو رح يتفجر قفلت الغرفة على حالي وقعدت بالعتم استوعب شو صاير فيني . ....... الحلقة الثالثة والثلاثون بقلمي: مايا الحجازي بالبيت بعد اتحمم طلع يشم هوى برى وريحة البصل لسى بأنفو معلقة اخلاص:ليش ما اجى جراح رماح:لساتو بالبستان روحي اغسلي تيابي اخلاص:عم تغسلهن كوثر رماح:خليها تحط معطر اخلاص:عههه اي ريحة البصل لاخر الدنيا رماح:هههه شو عملتو غدا اخلاص:بابا وخالتي انعزمو رماح: وانتن اخلاص:اشترينا اندومي رماح:هلا هي اكلة اخلاص:جوعان اخي رماح:ميت من جوعي جهزي اي شي اخلاص:خسى الجوع تكرم بقلبو: معزوم انت ومرتك امن البنات بيطبخن هو مو ملاحظ انو مقصر عليهن اه انسيت مين بدو يجيب شيبس ومكسرات ويدعم مرتو لصغيرة وهدول عمرهن ما ياكلن ولا يشربن والله سكتنا كتير وبدي احكي رح يقلعني من البيت خليك ساكت رماح وقت وصل جراح ابتسم لانو مشتاقلو كتير نزل حالتو بالويل والطين معبيه اخد جاكيتو الي كان محطوت على الكرسي لحتى ما يوسخ السيارة رماح:هههه متحمم بالطين ولا كاين بمسابقة جراح:خليها لله رماح:هههه يلا انت طين وغيرك بصل😂 جراح:ميت من جوعي جهزو الاكل فات دغري للحمام يتحمم ورماح بدو يعرف شو صاير لحقو ووقفلو عند الباب رماح: مطول عندك جراح:حبيبي بعد ما فتحت المي رماح:لك شو صار خبرني جراح:قول شوو ماصار رماح: احكيلي بلا جراح:يكترو الاكل ها 😂 رماح:ههه سامعة اخلاص اخلاص:ههههه اي أسمعت ليش ميت من الجوع اليوم رماح:لانو المتريسة اليوم تركتنا جراح:لك بس أسمعت زمور سيارتها ردتلي الروح رماح:اي شو عمل اللوح بس شافها جراح:هاتلي المنشفة بحكيلك على رواق ...... على سفرة العشى سباق من الجوع بينو وبين رماح وبعد العشى حطو ابريق الشاي بيناتهن وسهرو لحالهن رماح:اي احكيلي شو صار اول ما اجت المتريسة جراح:فوتتها للبستان بوحدة نزلت مستعجلة يمكن شافت التمديد مكسور ويمكن تخانقت مع اخوها وصرختلك عليه صوت كانو اخوها لصغير وقلعتو تقليع لو تشوف ما ابرد دمو واتمنيتك تكون حاضر 😂قلب اد الصرصور بس اتبهدل والكرامة صارت بالاراضي رماح:هههه عنجد راحت عليي والله جراح:مو بس انت حتى الصبايا تركوا الشغل 😂انا فسرتها تحالفن معك رماح:مين كسر التمديد جراح:من لمرابعين الي اتقلعو رماح: وهي شو علاقتها جراح:حتى انا انقهرت منو وانبسطت بس شفت المي عم تروح هدر بالارض رماح:لككك بلا هاد حكي جراح:لكن ما شفتو كيف حاكى الكل رماح:كيف بتخلي حدا يكسرو راح يكلفها كتير جراح:شو علاقتي اعلق مع العمال مشانهن وهو بالاستراحة على طق حنك مع النسوان رماح:والله قهرتني لو مسكتو لهالحقير الي كسرو لاكسر راسو جراح:بدهن اياها رماح:شو شفت منها هي ما علاقتها باخوها جراح:هيك ناس بدهن هيك معاملة رماح:والله زعلتني انا شفت حالتها كلها طين اعرفت انو حدا مخرب عليها جراح:لكن ما تشوف اخوك كيف سبح 😂 رماح:هههه بتستاهل لو مخبر من اول جراح:لو تشوف المي الي راحت بالارض بدها اسبوع ما بتنشف رماح:في ناس بدمها الأذى جراح:وانت مابدك ترجع للشغل رماح:ايه شو عم تحكي ناقص والله بشتغل عند ابو ساري واليوم اكرمني جراح:وانا ناوي اترك رماح:خليك هنيك لا ترتبط فيني جراح:بس بكرى رح تستفقدلك وتستفقدلها رماح:... جراح:ليكون مبارح كنت معها عصب فجأة وحكاه بعصبية رماح:شو قصدك ولاه جراح:بقصد مشان العضة😂 رماح:اوعك تغلط عليها عم تفهم جراح:هههه شبك ولوو منمزح رماح:لا بقى تمزح تضرب انت وهالمزح زورو من جديد واخد وضعية النوم ومقهور لابعد الحدود مجرد انو اتزكر انو لينا مو متل ما اتوقعها بقلبو: حجاب بالاسم ....... بالشقة عند جمال كان عم يحكي مع مهجة مهجة:اي وكيف بدك تجمعني برماح جمال: بالطريقة الي بتحبيها مهجة:ليكون عم تكزب عليي وتستدرجني مافي شي بدون مقابل جمال: رقصة من رقصاتك وسهرة على كيفنا مهجة: انت بشع مابدي اياك جمال:جربيني والله انا سيد من دلل نسوان مهجة:رماح وبس وغيرو مابدي جمال: هاد معقد شوبدك فيه مهجة:يعني انت بتضحك عليي صح جمال:لا والله لاجيبلك اياه مهجة:وايمتى جمال:تجاوبي معي مهجة:لا مابدي جمال:طيب انا نفسي فيكي مهجة:مو شغلي وازا بتفكر أعطيتك رقمي لبشاعتك بتكون غلطان جمال:ههههه ماشي يا قلبي متل مابدك ... وأنتي بدك من رماح كلشي مهجة:بس نكون لحالنا وبس جمال:خلص هلا بحكي معو وبشوفلك طريقة تلتقي فيه وعلى كيفك فصل ومن قهرو كسر الكاسة الي على الطاولة جمال:مين مفكرة حالها قال بشع شو عليه يا مهجة الكلبة انا بفرجيكي وتحلمي برماح ودواكي عندي يا حقيرة . ........ لساتها مبسوطة مجرد انها تزكرت مبارح بهيك وقت كان رماح متجاوب معها وجربت معو الرومنسية والحنية وقلبها عم يدق بقوة لميس:وين صرتي وليه هيك الخطبة بتخلي الواحد يوزع ابتسامات لينا:الحب مو الخطبة لميس:اي ما اختلفنا بس كانو مو ناوي يكتب لكتاب لينا:هاد كلو شكليات وانا وهو أخلقنا لبعض لميس:بس ما بطلتي مسايرة الشباب لينا:لوقت يجد الجد بغير خطي وايميلاتي وكل حياتي لميس:ومبسوطة رح يصير جوزك لينا:بتحسينا اخلقنا لبعض لميس:اي لتنين حلوين وبتجننو يعني من حظ اولادكن من هلا بحكيلك رح ينصابو عين لينا:انا بدي كل اولادي يشبهو رماح بطولو وملامحو وحتى بصوتو يا الله صوتو عالم تاني بقلبها:ومبارح بوساتو طيرتلي عقلي ولي عليه شو بدو يصبرني انا على كمية هالجمال والرومنسية بعتتلو لينا: بوساتك ما بروحو من بالي ولسى معلمين على رقبتي ايمتى اللقاء التاني يا روحي سكرت لانو متأكدة انو نايم بهيك وقت ........ كان جراح عم يقرأ الرسالة ومصدوم جراح: بيعرف يبوس ابو الشباب اطلع فيه وكيف مسترخي ع الاخير ونفسو تقيل جراح:اتاريك عنيف رماح😂ولينا باسو بعض بالسفينة😂 رجع الموبايل لتحت لمخدة ورماح اتحرك وزبط نومتو رجع لمكانو يستنتج انو مبارح اتاخر عند لينا وانو شاف لميس وامها عند جارتهن وانو رماح رجع مخربط واليوم انزعج مجرد انو شك تكون معو اصايل بقلبو:غيران ع المتريسة وعم تبدع مع لينا😂انا بفرجيك يا رماح والله مو مسدء عليه بعرفو راكز وعاقل كيف صار هيك اكيد راودتو عن نفسو وهو بس بدو حركة صغيرة وبيطالع انحرافو. ....... الصبح غصب عني اصحيت مع انو مقهورة لانو رماح شكلو خلص من الشغل عنا اللبست تياب الشغل بنطلون جينز غامق وبلوزة سماوي وجاكيتي المعتاد والبوط واطلعت حتى بدون ما اشرب قهوة وبطريقي لسوق الهال بدي أتأكد انو رماح هنيك وع اساس صدفة شفتو واقف مع مجموعة شباب يا ويلي ما اعندو كملت بسرعة قبل ينتبه للسيارة وصلت للبستان واغلب العمال مو جايين ودغري خليت الحاضرين يلتمو بالاستراحة اصايل: يعطيكن العافية جراح:الله يعافيكي اصايل:بشوف العدد ناقص مراد:نبيل لانو كسر التمديد خجلان يرجع أصايل:طيب وين باقي العمال جراح:ورماح رجع للسوق اصايل:والحل وين الصبايا طيب