عشقت هواك - الفصل 7 | روايتك

الجزء 7: كانو عم يشربوا شاي ويكركرو ضحك جمال وجراح على عصبية رماح جمال:روقنا يا لوز رماح:انتو مبسوطين يعني جراح:بس الرقص ع الواقع الو نكهة خاصة جمال:ههه دخيلو الفهيم جراح:الله بلاني بأخ نكدي رماح:وانا كمان الله بلاني باخ فلتان جراح:ههه ما اتعدت الموبايل ع الواقع ما شفت ولا جربت جمال:ليش اخوك ع الواقع بينهضم ويمكن ع الموبايل ما بيسترجي عندو نقص بشخصيتو😂 رماح:انت الي عندك نقص انا طبيعي غيري يروح يتعالج جمال:دخيل النسوان وجمالهن وسحرهن وعطرهن رماح:شو بتفرق عن البهيمة انت جراح:هههه جاوبو جمال:انا طبيعي انت البهيمة رماح:من هيك بتشط ريالتي حيلا جراح:هههه شاطة ريالة جمال جمال: اسمعني شوبدك فيه ازا عبالك شي سهرة بس علملي جراح:ههه مابينعز بس برجع هلكان رماح:يسترجي جراح:لا ترد عليه بسترجي بس قلتلك برجع تعبان جمال:بتسدءو هالبستان بدون المتريسة ماعليه الطعمة جراح:هههه مو بلا اتاريها فارضة شخصيتها ع الكل اتزكرها رماح بقلبو:اليوم بخلي جراح يوصل العمال وبرجع بكير بلكي التقي ب لينا واغير من نفسيتي شوي جمال:يلا انا مليت كتير بكرى بشوفكن رماح:الله معك تركهن جمال ورجع للحارة مبسوط وفرحان باول الحارة انصدم اخلاص وكوثر عم يتمشن ووراهن شبين وبس شافن جمال استعجلن بس هو راح يتمشكل مع الشباب جمال:شووو حارة ابوكن نضال:وشو علاقتك انت جمال:هع شو علاقتي نضال:امشي بطريقك احسنلك جمال:وازا ما مشيت حمود:انت ع شو ناوي جمال:اي متل مو ببالك واستنالو بوكس وصد ضربة رفيقو بكل مهارة ونزل فيهن تعفيس وبزق عليهن بالاخير ورجع للبيت تعبان من هالمشكلة بقلبو:اجيتو بوقتكن زمان ما اتفششت بحدا ........ عند غياث كان عم يتبضع ما خلى قطعة تياب تعتب عليه وكلو ماركات ومن الغالي واشترى ل اصايل جينزات وبلوزات متل ما بيعرف زوقها وكم بوط وطاقية ولامو بارفان وكريمات وتيور ولجوز امو كمان كم هدية ع الماشي قضى نهارو بالسوق ودغري اتصل ب مكتب الطيران وحجز للسفر ...... المسا وقت رجع الحارة التقى ب لينا كانت عم تشطف اشرلها مشان الموعد وفات للبيت واول ما شافنو اخلاص وكوثر هربن لغرفتهن وانصدم ما بيعرف شو الموضوع فات اتحمم ولبس جينز وقميص ابيض اتعطر ولبس البوط وحط المصاري بجيبتو وطلع عازم لينا على الغدا الي كانت لابسة فستان جينز والو زنار جلد وشالة مبينة وشها متل البدر وطلعو من الحارة تمشاية رماح:شو هالحلا كلو لينا:ما اتوقعت توفي بوعدك رماح:حدا بشوفك وما بيوفي لينا:لك اي اتلحلح من زمان رماح:عازمك على غدا ومعنا للمسا منرجع لينا:... بالمطعم طلب مشاوي ومقبلات وعصير على زوق لينا واغلب الحديث عن الحارة وناسها لاحظ انها كل شوي تمد ايدها على الطاولة ومو فهمان عليها ابدا بقلبو:ولايمكن امسك أيدها الا لبعد ما يصير شي رسمي بيناتنا يلا هانت بعد الغدا طلعو تمشاية اتبضعوا من السوق القريب وراحو للحديقة وما رجعو الا والدنيا على وشك غروب لينا:ازا ما رديت عليك المسا بكون خلصت باقتي رماح:بحولك رصيد بس يمكن انام بكير لينا:نوم العوافي بقلبو:وين بتروح بباقات النت هي التقو بجمال بس هي هربت دغري ورماح وقف معو جمال:طولت رماح:شو بدك جمال:ليك اليوم وقت ارجعت للحارة شفت اخواتك عم يتمشوا ووراهن تنين مابعرفهن ولا من حارتنا بقلبو:الله لا يوفقهن رماح:ايمتى جمال: الظهر ليك انا ضربت الشباب بس بقلك دير بالك على اخواتك رماح:.. رجع للبيت مو شايف بعيونو وبس بدو يمسكهن ويربيهن على شغلة التمشاية بعز لنهار واول ما شافنو هربن بس وين بدهن يروحن بدفشة وحدة خلع الباب وشافهن متكورات بالزاوية رماح:لك انتن على شو ناويات اتدخلت مرت ابوه ناهدة:شوفي رماح:انتي لا تدخلي ابدا اخلاص:والله كزاب جمال رماح:ها شو عرفك انو جمال لو مو شايفكن بيحكي كوثر:نحن ما دخلنا اطلعنا نجيب كم غرض رماح:ليش مافي رجال بالبيت لتروحن وتخفقن بالطرقات ناهدة:ما بقى يعيدنها رماح:هالمرة صارت تاني مرة لامصع رقبتك ورقبتها بفوتت جراح ومو عرفان شو القصة جراح:شو صاير شوفي لحقو للغرفة كان واقف عند الشباك جراح:بلا شوفي رماح:الله ياخدني وارتاح منكن كلكن جراح:عاملات شي لادبحهن رماح:خلص انت التاني مشان الله بقلبو:ماطاوعني قلبي فيهن اتزكرت انو امي وصتني فيهن وكيف بدي اضربهن وهني صغار وما بيتحملن جراح:. قعد من تعبو وقلة حيلتو وبدو يبكي على شوي من قهرو من كلام جمال من حالتو وتعبوا وعمرو الي ما شاف منو الا التعب والشغل ..... بغرفة ناهدة كانت زعلانة من تعامل رماح معها وكانها عدوة بقلبها:والله جبروني اهلي اتزوجو والا انا شو بينقصني لحتى ما اعيش مع شب بيكبرني بكم سنة مو من جيل ابي والله انا معتبريتو اخي رماح وبعرفو مو طايقني بس شو بدي اعمل ياريت حدا سمعني وقت رفضت وصارو يحكو مهر ودهب ورح تعيشي ملكة معو اتزكرت كيف نتر بوشها وحكالها لا تدخلي وعلى شوي بدو يضربها وقت فات ابو رماح ابتسمت وغيرت من مودها كان جايبلا اكلات طيبة متل ما بتحب ومدللها كتير ناهدة:طولت ابو رماح:كنت عند ابن اخي بدو اياني مشان شغلة بتخص الورتة بينو وبين اخواتو ناهدة:.. ابو رماح:وين لولاد ناهدة:كلهن هون ابو رماح:لكن ساوي قهوة بدي اسهر معهن ناهدة:والبنات ابو رماح:اي بدي احكي مع كل ولادي خبت الاكلات الطيبة بخزانتها وراحت ساوت القهوة واجتمعو كلهم بغرفة الشباب صحيح صغيرة بس كفت الكل كان رماح مو على بعضو ولا حتى البنات ابو رماح:انا جمعتكن اليوم مشان اخبركن بدي اجوزكن انت واخوك جراح:بالاول رماح انا لسى ما التقيت بوحدة تعجبني ابو رماح:يعني رماح حابب رماح: ازا ماعندك مانع ابو رماح:وبعرفها انا رماح: اي لينا بنت جيرانة ابو رماح:ومالقيت وحدة انسب رماح:ليش شبها ابو رماح:من وقت مات ابوهن فلتو رماح:شو هالحكي بابا ابو رماح:يعني مدور ورا الجمال رماح:حاببها كتير ابو رماح:خلص بكرة ابعت خالتك ناهدة واخواتك رماح:مافي داعي هي موافقة منروح لبيت اهلها وبتم كلشي جراح:يا عيني في بيتنا عريس اخلاص بقلبها: اعلقت يا رماح كوثر:معقول ما لاحظ انها فلتانة ناهدة: يتجوز ونخلص من عصبيتو .... الحلقة الحادية والعشرون بقلمي:مايا الحجازي ابو رماح:جهز حالك لبكرى وبصير خير وانتن ازا ما فلحتن رح اخليكن بالبيت ليل نهار تركهن يكملو قهوتهن ورماح رغم انو لازم يفرح كان عكس هيك تماماً وبعد ما بقيو لحالهن جراح: شبك يا لوز رماح: أسمعت حكى بدون نفس وانا اصلا مابعرف شو رح يطلبوا مهر الجماعة جراح:بكرى ببين كلشي نام لا تضل شاغل بالك بقلبو:ياريتك تعرف بالهموم المتراكمة براسي وقلبي عمري انسرق مني سرقة وحتى بلحظات الفرح كانو لازم ما افرح ...... الصبح وصل هو والعمال شوفة أصايل على راس شغلها وبلبسها المعتاد والعصاية بايدها والطاقية مخبية ملامحها خلتو يحس براحة نفسية بقلبو:معبية مركزك واليوم البستان غير عن كل يوم انتبه وقت اجت لعندهن وتركت النواطير اصايل:صباح الخير رماح:صباح النور...شو كيف صرتي أصايل: تمام الحمد لله بدي اسألك سجلت فواتير بالحمل رماح: اي معي بالسيارة اصايل:لكن الحقني للاستراحة ....... كان قلبي ينبض بفرح لاني شفتو صحيح هو حدا جامد بس شكلو مهتم فيني سؤالو عني اجى بوقتو والله ما حدا اهتم متلو صبيتلو قهوة وضيفتو سيكارة اول ما قعد رماح:يسلمو أصايل:هات لشوف سحبت الورقة لناحي وكتمت ضحكتي يامحلى خطي قدام خطو رماح:ترى خطي مجعلك شوي فرطت ضحك عليه اصايل:مو شوي قصدك كتير رماح:هاد الي طلع معك أصايل:هههه طيب شو هالكلمة رماح: وين أصايل:هي اشرتلو عليها رماح:هي أصايل:ههه ليكون مو عارفها رماح:هاد اسم ابو مهند الشوفير وما عاد اقدرت اتماسك كنت محتاجة جرعة ضحك متعطشة الها من زمان وخفت يزعل مني اتماسكت غصب عني رماح:خدي راحتك كملي ضحك اصايل: مابعرف شو صرلي لا تواخذني رماح:ههه هاد وزن الحمل مو تفكري رقم المعمل أصايل:هههه لا شاطر بالرياضيات رماح:ومشان حساب لمرابعين مو الكل اجى اصايل:منيح خبرتني ومسجل عندك رماح:اي بس بترجملك الاسماء وببعتهن برسالة سحبت منو الورقة اصايل:لا بترجم لا تخاف عليي بعدين انا ما أضحكت على خطك اضحكت لانو لقيت حدا متلي رماح:ههه طمنتيني والله فكرت حالي جاهل اصايل: بعدين بجربلك خطي رماح:بس متحلفلك بدي اضحك ازود من ضحكتك أصايل:هههه اي حقك والله رماح:انا رايح اشوف شغلي ازا شي مو مفهوم خبريني أصايل:متل ما بدك ارجعت اغرقت بضحكتي عليه وعلى ملامحو كيف خجل من ضحكتي على خطو ..... تعبان وظهرو متكسر كان جمال وجراح عم يتفرجوا على مقاطع بموبايل جمال ونازلين كركرة وضحك وهو العرق عم يتصبب من جبينو رماح:جراح جيبلي مي جراح:استنى ولوو رماح:خلصني بقى جراح:الله يصلحها امي كانت جابتني بالاول رماح:رووح جمال:شو يا لوز مبين متجاكر مني رماح:مو بس منك من قلة ادبك يعني تفاهتك وقلة ادبك مو هون جمال:خلص لا تزعل بعدين ليش البستان مشعشع رماح:اكيد مو لانك فيه انتبهو وقت صفطت سيارة جديدة من نوعها وهلا طلعت اصايل والصدمة يشوفها عم تحضن الشب بقلبو:لعمى مين هاد هي مالها الا الاعداء هون كان الشب جنتل مان طول بعرض وشخصية ولابس تياب مبين انو ابن عز وجاه جمال: مين هاد لك رماح رماح:مو شغلنا جمال:.. وجراح صافن فيهن كمان ونسي يعطي اخوه المي بس رمااح سحبها منو سحب وشرب ليبرد قلبو بالمي ........ بالاستراحة كنت مبسوطة لاني شفت غياث وحسيت هم وانزاح عن قلبي لانو بحس بالامان وقت يكون موجود بالبلد أصايل:ما رحت للبيت غياث:امبلا سلمت واجيت دغري لعندك متغيرة كبرانة كتير ما اعرفتك اصايل:لساتني متل ما انا اي كيف شفت البلد غياث:غير شكل اصايل:وشو مشان أمك وجوزها غياث:ليكي انا مابعرف بمشاكلكن هي تتصل تشكي منك وانك بين لمرابعين لحالك وهو خايف عليكي أصايل:يخاف على حالو غياث:ليكي انا قدامهن ضدك بس بيني وبينك معك أصايل:هاد الي طلع معك انا قلت بشيل عني كتف لحالي مافيني اوقات بصير مشاكل بيني وبين الموزعين والشوفيرية غياث:مين خبرك تطلعي شاطرة بالمصلحة اصايل:ليش ما اتشاطرت انت غياث:ببيعهن أصايل:على جثتي انا مابدي موفق يعرف بالشاردة والواردة لانو هي الخيرات والارزاق مو لازم كل الناس تعرف فيها غياث:انا بعرف انك كفو والا ما بترك هالحمل عليكي وخلينا ع اتفاققنا شغلي سيكارة كنت اتزاورو غياث:روقي ولوو دخيل هالوش اصايل:هففف غياث:على كلا اجيت اسلم عليكي اطلعت اودعو عند سيارتو اصايل:ترى هي من هالبساتين الي مو عاجبيتك غياث:هههه اي ما بنسى ايمتى بتخلصي اصايل:المسا غياث: ناطرينك ع العشا وجايبلك شو هدايا ع كيفك اصايل:ماشي ضليت واقفة لحتى اختفى من كل المكان بقللبي:عشو ناوي لك غياث وليش مابدك تشتغل معي ومترك هالحمل عليي انتبهت لانو لتلات واقفين قريب مني ومنظرهن خلاني ابتسم غصب عني اصايل:صاير تشتغل معهن جمال: مو مخليني اصايل:من تيابك واضح جاي تشتغل جراح:ههه ما بتفوتها فايتة المتريسة اصايل:في شي جراح:شو عرفك جمال:جايين نطلبلو اذن ل رماح اصايل:ليش؟ جمال:مسهل😂 رماح:ما ابرد هالخلقة جراح:ههه عقبال عندك بدنا نروح مشان نجهز حالنا جمال:اذن جماعي اصايل:شو المناسبة جراح:اليوم بدنا نخطب ل رماح دق قلبي ب قوة وحسيت اتلاشت كل احلامي معو وانا الي ما اتخيلت يروح كل اهتمامي فيه ببلاش جمال:بتسمحيلو يروح يعني بتعرفي بدو يشتري بوكيه ورد وقالب كيك جراح:ومعمل شوكولا😂 ابتسمت لانهن عم يتهاضموا عليه اصايل:مبروك انشالله بس ما انعزمت رماح:اكيد اول ما يصير شي رسمي بعزمك جمال:عقبالنا جراح:هههه اي والله يعني نروح أصايل:طيب بالاول بدي احاسب الكل مدام رماح هون تركتهن يتناقرو وفتت استوعب كيف قلبي جواتي عم يضرب ضرب .... اخد اخوه على جنب يبهدلو رماح:لك ليش حكيت جراح:شو سر رايح تخطب رماح:بس انا مابدي حدا يعرف جراح:شو عدا مابدا رح تدرى بس تشوف المحبس بأيدك ولاه ليكون عاجبها وبتعرف بهالشي رماح:لاا مو هيك بس مالازم تعرف جمال:تخانقتوا؟ايمتى الخطبة جراح:انت جهز حالك وتعال ومننطلق لبيت يما الحب يما جمال بقلبو:يا شماتي فيك وباخلاقك😂 رماح:. راح لعند المتريسة متردد كتير كانت فايتة للاستراحة وشلحت الطاقية وكان خجلان منها بدون سبب رماح:بدك مساعدة قبل اروح أصايل:لا ابدا كانت عم تطالع مصاري مشان لحساب. الحلقة الثانية والعشرون بقلمي:مايا الحجازي طول الطريق وهو يتزكر كيف سلمت على الشب بقلبو:مبين عندها كلشي عادي طيب انا ليش محروق دمي وكرمال شو اليوم بخطب وخلص رح تنور حياتي لينا ورح اعيش وانسى كل هالبشر بعد ما اتحمم جهز حالو ونزل للسوق وبالمصاري اشترى قميص جديد وكم شغلة ضروريات وبالبيت الكل جاهز ولابسين نسوان ورجال وما قدر يعترض خوف من ابوه فات يجهز حالو وفات ورا جراح دغري جراح:طولت رماح: بالزور لاعرفت اتسوق ليش النسوان رايحين جراح:اي هيك بابا بدو رماح:بكرى خالتي سهيلة بتزعل جراح:اوعك متخانق معها هلا خلص خطبتك وبعدين بتنحل المشاكل ولازيدك من الشعر بيت عزم اهل مرتو رماح:هاد الي كان ناقص جراح:ووصى على حلويات على كيفك رماح:..... تركو يكمل لبس واتصل ب جمال يأكد عليه الموعد رماح: جاهز انت جمال:يعني تقريباً رماح:نص ساعة وطالعين جمال:بالرفاه والبنين 😂 رماح:يارب عقل جمال والله صرت استحي عنو جمال:ههه اسكوت محروق دمي على شوفة المتريسة رماح:بتستاهل جمال:بكمل لبس وجاي يمك رماح:ماشي بلش يلبس اختار بنطلون بيج والقميص الكحلي الي اشتراه وبوط مو جديد بس كانو جديد لانو بيتم باغراضو كتير اتعطر وحط موبايلو بجيبتو أتأمل مظهرو لاخر مرة وطلع من الغرفة والكل عيونهن عليه ومبتسمات رماح: شو كيف شايفيني جراح:خزات العين مشالله عنك رماح:انت رايك متل قلتو اخلاص:يلا اخي بتنحسدو لتنين حلوين ناهدة:اي ماشالله حتى العروس فلقة من القمر بوصول اهلها وطلعو يستقبلوهن وطبعا رماح ما بطيق ولا واحد فيهن بس تفادياً للمشاكل مساير كل الوضع وبجية جمال وانطلقو لبيت العروس الي كانو اهلها بالانتظار لانو رماح من الصبح مخبرها ولانهن من حارة وحدة قعدو كلهن بنفس المجلس .... على سفرة العشى كنت مبسوطة ومرتاحة نفسياً لانو غياث صار بيناتنا ماما:كيف كانت سفرتك حبيبي غياث:يعني لو ما اتعبت وانا اتسوق قبل بيوم كتير كانت اريح سفرة موفق: وكيف دراستك غياث:كتير منيحة اصايل:ماحلك تتخرج اخي غياث:هالسنة اكيد موفق:ليكون متدايقة لانو بتصرفي عليه انتبه غياث دغري اصايل: بالعكس هاد حقو ولو يطاوعني ويشتغل معي كان احسن من الدراسة غياث: اي بالمناسبة انا مو عاجبني شغلك موفق:اي ها من زمان احكي اصايل:كتير عاجبني شغلي وبيكفي ضاغطة كل العالم موفق:سامعة بنتك ماما:خلص اصايل اصايل:لا ما خلص وانت وغيرك مارح تنالو مرادكن غياث:خلص بدنا نعرف نتعشى وحسابك بعدين انتي تركت كلشي واطلعت للغرفة خفت يكون غياث معهن وكل شوي برأي اتزكرت خطبة رماح وانو هلا بكون مشخص ولابس ورايح يشوف عروستو ياترى وين شافها وبتحبوا وبحبها وحلوة اي هو كتير حلو وما بتلبقلو حيلا بنت من قهري سالو دموعي ومسحتهن دغري أصايل:صحيح مو من زمان بعرفك بس والله بنيت معك احلامي كلها سؤالك عني خلاني احس بقيمة حالي لاول مرة هيك حدا بيهتم فيني اجيت بوقت مناسب واحتليت كل تفكيري وما بينت انك عشقان ولا مرة ونزل عليي الخبر متل الصاعقة ولحد هلا بس اتزكر الموقف بنقهر وغيرانة عليه بدون اي صلة بس ما بقول غير نيالها ...... كانو عم يشربوا القهوة غياث:خلص انا بشوف شغلي معها موفق:انا والله مشانها لا زلمة ولا تنين وكلهن شباب وانت بتعرف انا شو بقصد غياث:مدامني هون ما بتركها لحالها موفق:وبعد ما تسافر هي حتى وضاح بتقلعو وصرت اشك بالموضوع غياث:اوعك تغلط عليها ها الا أصايل ام غياث:هو بيقصد خايف عليها من لمرابعين ماحدا الو امان غياث:بس تلميحاتو ما بتمشي عليي انا عندي مخ وبفهم وازا بتقصد اختي عندها حركات مو نظيفة بشن عليك حرب موفق:لك لك لا تفهمني غلط انا بعرفها وهي متل بنتي وما بريد حدا يجيب معدلها غياث:ومين ابن ستين وسخة بدو يجيب معدلها ام غياث: اطلاع ارتاح بغرفتك بتكون تعبان انت طلع بعد ما رمى موفق نظرات كلها حقد لهيك موفق ندم على الساعة الي جاب فيها سيرة اصايل طلع لعند اصايل دغري دق الباب وفتح شافها كيف متربعة بطرف التخت وعم تدخن قعد جنبها وعرف انها متدايقة غياث:شو صاير معك أصايل:انت اسمعت المهزلة غياث:انا معك شو بدك فيه أصايل:بس ما حسستني بهالشي غياث: انا وانتي منعرف انو ازا صار مشاكل رح يطلقها أصايل:ويطلقها غياث:بالنهاية انا رح اتجوز وانتي كمان وهي اصايل:بتبقى بيناتنا معززة مكرمة غياث:ولو حكينا هيك بالواقع الوحدة متل جوزها مافي أصايل:.. غياث:لك يخرب بيتك قولي فرجيني الهدايا وانا مفكر حالي عامل شي انجاز اصايل:لك براسي مية الف شغلة غياث:عشقانة يعني اصايل:ههه بتحكيها هيك غياث:شوفيها بعرف شو عندي وما بخاف عليكي ابدا اصايل:تعال فرجيني الهدايا ..... رحت معو ل الغرفة ومثلت اني فرحانة بكمية الهدايا لانو عنجد جايبلي شي وشوي وكلهن على زوقي ومتل ما بحب وبناسبني غياث:مع انو شو في تشكيلة تياب بناتية بس انا بحب ستايلك كتير😂 اصايل:وانا بحبو كتير غياث:شو عندك هلا اصايل:مالة كتير غياث:طيب منطلع نتحلى روحي جهزي حالك اصايل:مدامنا بالسيارة بضل هيك غياث:على راحتك ما كنت مبسوطة ابدا حطيت الاغراض بالغرفة وانزلت لتحت وما بيمنع زورت موفق ومو عاجبني شكلو ماما: وين كنت حاطة ايديي بجياب البنطلون وحكيتها ب ملل اصايل:عازمني غياث على حلويات اجى غياث واطلعنا سوى من البيت . طول الطريق ما فارق بالي رماح وانا اتخيلو عم يرقص مع خطيبتو والخنقة عم تزيد ... كانت متلبكة لحضور عدد كبير ما اتوقعتو ميس:والله وصارتلك جاها لينا:كيف اطلالتي ميس:غير شكل لك جاي جمال معهن لينا:ما بيسترجي يحكي لا تخافي ميس:والله بشوفلك انا خايفة اكتر منك لينا:اووف اسكتي بقى كانت عم تجهز القهوة وطلت عليهن بفستان ابيض وشالة زهر فاتح وطالعة بتجنن لهيك ابتسم براحة واطلع بجراح الي مبسوط لاخوه ضيفت الكل وقعدت بجنب امها وبعد مسايرات قراءو الفاتحة وبعد ما رجعو وروحو لضيوف فات ابوه للغرفة كان بدو يبدل تيابو وانصدم لفوتو للغرفة ابو رماح:مبسوط رماح:خير شوفي بابا ابو رماح:شو هي بيت مستقل لحالها رماح:هاد حكي ابو رماح:ازا انكتب هيك بدك تشتريلها بيت وبيتسجل بأسمها ليك انا كل هالجماعة ما بحبهن وسايرتك مسايرة رماح:خلص انا بحكي معهن ابو رماح:خوفي تكتبلها كمان عشر ليرات دهب مأخر مبينة بتتوزن بالدهب مقصوفة الرقبة رماح:طيب ليش معصب انا ما دخلني ومتلك انصدمت بشروطهن بعدين مابدك تجوزني خلص اسحب ايدك من الموضوع حد الله بيني وبين اموالك ابو رماح:لك انت ما بدك تتربى وعم تعلي صوتك عليي رماح:هديك المرة سمحتلك تضربني على سبب سخيف ابو رماح: انقلع ولاه برى بيتي جراح:بابا شو هالحكي ابو رماح: انت بتخرس معو وبتتقلع كمان جراح:مو حرزانة رماح:ليش بدك تقلعني لاني حكيت الصراحة سبب ضربك الي سخيف كتير ومابنساه ابو رماح:لساتك هون يلا الحلقة الثالثة والعشرون بقلمي: مايا الحجازي قلعو من الغرفة تقليع على عيون الكل كان نفسو صعب كتير وين بدو يروح بحالو جراح:خلص مشان الله بابا ابو رماح:خلي يتربى قليل ادب هاد تاني موقف ما بينحسد عليه طلع لبرى البيت اعصابو عم ترجف لحقو جراح ركض . جراح:وين رايح رماح:مابعرف جراح:طول بالك انا بحكي معو هو معصب من طلبات الجماعة اتزكر كيف ابوه شحطو من قميصو لبرى رماح:وانا شو دخلني جراح:وين رايح انت رماح:شبعرفني جراح:ليك والله مو حرزانة ارجع معي واستسمح منو رماح:على شو فهمني مشان الله هو قلعني جراح: بيضل ابوك ولازم سايرتو رماح:اتركني بحالي جراح: ارجع للبيت انا بحكي معو هز راسو بعدم اهتمام وكمل لبيت جمال والي ما اتوقعو يكون مو بالبيت ومن قهرو من كلشي صار معو راح لعند جمال على هديك الشقة وعند الباب كان صوت الاغاني لبرى اتصل فيه ...... وقت شاف اتصال رماح انبسط شال ايد وردة عنو وراح يحكي بعيد عن صوت الضجة رماح:وينك انت جمال:ليش بتسأل رماح: افتحلي انا عند الباب ما فرحتوا ما سدء هو حاكي لوردة عنو ومفرجيها صور كتير عفوية لرماح وهلا رح تشوفو ع الواقع فتحلو وابتسامتو شبر جمال:احلى زلمة اي هيك ها طبعا بملل واقف وايديه بجياب البنطلون ولساتو مشخص وريحت بارفانو بتجنن رماح: مابدي اطول جمال:فوت خلصني فات وشاف الرقص شغال والطاولة كلها كاسات مشروب والدخان معبي المكان والشب عم يرقص الصبية جمال:لا تضل واقف اتفضل دفشو لجوى دفش وبس شافتو وردة كانو من مية سنة بتعرفو استلمتو وقعدت بجنبو وانسحرت بشخصيتو جمال:رماح 😉 وردة:يا ويلي هاد لازم اسمو جراح جمال:😂اخوه جراح ولسى شخصية متلو وردة:يا ويلي التفت ليشوفها وعضت على شفتها باغراء الو وردة:ريحتك بتسحر وخرج ينسكر عليها سحب جمال من بلوزتو رماح:مين هي ولاه كانها بتعرفني جمال:عطول بفرجيها صورك😂 رماح:شككتني بحالي ما الي على هالجو جمال:لا ولوو وردة فرجيه مواهبك غيرت الاغنية وحطت اغنية رقص شرقي والكل التزمن مطارحهن وهي استلمت الساحة ورماح مشمئز من المكان الجو والناس كمان بس ما بيمنع كان يتفرج عليها بقلبو:الله لا يوفقك يا رماح على هالجية .. ....... قعدت بعد ما تعبت جمال:دخيلوو انا رماح:سؤال اسمنك تعبانة شو استفدتي وردة:ما عجبتك رماح:انتي معجبة بحالك وردة: كتير متل ما انت شايف حالك رماح:ع اشكالك بس وردة: جمال سامع صاحبك جمال:ههه اعذريه ما بيتواخذ بزمانوو طفو عليه الحمام ويقي ع العتمة ليغرقو بضحكهن بس رماح يتأمل جمال بنفسية شغلتلو سيكارة ورفضها وطالع وحدة من باكيتو وشغلها وردة:لك فكرتك ما بتشرب رماح:بقرف وهون اتفجرت ضحك هي وجمال رماح:ضريب الك والها وردة: جمالوو صاحبك وين متربي جمال:لا تخافي مو بالجامع وهو لا شيخ ولابيقرب الشيوخ وردة: مابدك تروق رماحوو طنشها ورجع سحب جمال وهمسلو بادنو رماح:مطول عندك جمال: صباحي رماح:بدي انام عندك جمال:نام مع وردة جرب ما بتخسر رماح:انت وين وانا وين هات مفتاح الشقة جمال:هههه بس مو تاخد راحتك جاي انام رماح:هات خلصني اعطاه المفتاح وطلع وطلعت ودعتوو عند باب الشقة وردة:مابدك مرافقة رماح:لا وردة:بدك تنام رماح:شو رأيك وردة:صعبانة عليي روحتك ما لمستني ولا لمسة ومبين عليك رومنسي وبتعجبني رماح:فوتي جمولة ما بقصر تركها ونزل لساتو تحت تأثير الصدمة بابوه وبروحتو للشقة وشو شاف بلاوي بتصير بالحارة ........ وصل للشقة وقبل يفتح اتردد كتير بس عقوبة لابوه بدو ينام برى البيت وخليه يتحزر وين ابنو فات كان قرفان من بيت جمال واتخيلو بجيب نسوان فات لغرفة جمال واخد بطانية مبين جديدة وراح ينام بالصالون على الكنباية وحاول كتير ينام بقلبو: لعمى شو شفت انا...اي بعرف مليان هيك نماذج بس مو بحاراتنا هون ولسى هي الوقحة لعمى ما استحت الله يقرض هيك نوعية اتزكر الخطبة والمشكلة الي صارت وبعدها اتزكر اصايل بقلبو: ليش خبروها مابدي حدا يعرف كأنو اليوم عن اسبوع شو هااد ليغفى ويحس على صوت جمال ومعو نزوة😂بقصد وردة وانصدم بس ضل يمثل النوم بس جمال حاول يصحيه رماح: شو بدك جمال:جايبلك معي وردة رماح:وتكون قردة شوبدي فيها جمال:والله ما حلت عني وعرفت انك بضيافتي رماح:واندمت ندم عمري بنام بالشارع احسن جمال:ليش محملها بزيادة رماح:مو قصة محملها بس انا بعمري ما سرقت ولا ساويت غلط وبس نويت اغلط ابلش باقرف شي جمال:ههه والله امرك عجيب انت الي بيسرق وبنهب وبساوي الحرام ميسرة امورو رماح:هيك بالبداية بتفكر بس بعدها بتكتشف انو الصح صح والغلط غلط لبس البوط دغري جمال:وين رايح بهيك وقت رماح:...