عشقت هواك - الفصل 6 | روايتك

الجزء 6: على جنب البستان كان واقف مع اخوه بعد ما اجت سيارة بدها تاخد الحمل للمعمل ورماح استلم المهمة لانو حتى منذر مو موجود جراح:هي سلمتك الشغل رماح:ما حكتلي شي بس انت شايف مافي حدا هون من اهلها جراح:ودريت بخصوص الحمل رماح:بخبرها اكيد جراح:ومن شو تعبت رماح:معها شقيقة وطبعاً لتنين بيعرفوا معاناة هالمرضى لانو امهن كانت مصابة فيه وتعتزل العالم يومين تلات بالعتم وبدون ولا صوت جراح:والله ما بتستاهل راح يكفي شغلو ورماح بقي مع الزلمة الي جاي ياخد الحمل ابو مهند:وين المتريسة رماح:تعبت ورجعت البيت ابو مهند:وانت هون بدالها رماح: يعني هيك شي ابو مهند:ليك انا شوفير وبس يعني شو متفقة مع صاحب المعمل مو شغلي رماح:ازا مشان الدفع بيتوزن الحمل وبيتصافى معها بعدين ابو مهند:وهو هيك الحلقة الثامنة عشر بقلمي مايا الحجازي لساتني بالعتم ومن وجع راسي حتى عيوني مو قدرانة افتحهن وكانو نبض براسي وعم يزيد من التفكير بالحياة والهموم المتراكمة فوق راسي لحالي وقت انفتح الباب انتبهت لماما ماما:ما اتحسنتي حبيبتي أصايل:لا ماما:انتي عم تحملي حالك فوق طاقتك أصايل:ماما انا تعبانة😭 هرو دموعي استوعبت اني وحيدة بدون سند وحتى بدون حدا يحن عليي وماما جاية لحتى تلومني مو تطمن عليي ماما: مين تركتي بالبستان أصايل:انتي هامك البستان مو هامك وجع راسي ماما:لحتى اتطمن عليكي بعرفك ما بتأمني لحدا أصايل:اتركيني بحالي بترجاكي ماما: يروح عمك موفق لهنيك أصايل:لااا لا يروح لمكان انا تركت فيه بديل الي ماما:هيك لكن سلامتك على كل حال طلعت ومن تسكير الباب اعرفت انها انقهرت مني اتصلت ب رماح وماسدءت ايمتى رد رماح:الو أصايل:بالبستان انت رماح:وكنت بدي اتصل فيكي بس تركتك تعبانة خفت ازعجك أصايل:مين ما اجى من طرف وضاح بتقلعو تقليع رماح:الي بدك اياه بصير ولا تشيلي هم البستان هلا من شوي اجى واحد من طرف صاحب المعمل ورح نوزن الحمل وبعدين بتتحاسبو أصايل:ماشي بس ازا مافيها غلبة ياريت قبل ترجع للبيت تأمن انو وصلو النواطير رماح:بدون ما توصيني حاطت ببالي هالشي كيف صرتي اتحسني أصايل:انشالله بتحسن سلام سكرت وهرو دموعي بزيادة والضغط الي جوى راسي مو متحمليتو غمضت ورميت راسي على لمخدة وانهرت من وجعي وقلة حيلتي ..... كان عم يشرب قهوة وشمتان فيها كتير موفق:يعني مصرة ما تترك الشغل ام غياث:اي وخلص بس يجي غياث بصير خير انا خبرتو عن عناد اصايل ومو عاجبو بقلبو:ما اضرب من البنت غير اخوها وانا الي فكرت اصير صاحب الارض لك شريك مو ولاشي رجل كرسي وهي المسترجلة طلعت من خرجي وخرج عيلتي كلها ام غياث: خلص لا تزعل موفق:على كلا متركلك البيت الك ولبنتك اولادي ومرتي ناطريني ام غياث:ليش ماخبرتك انو عازمتك على سهرة بتجنن موفق:يعني ااجل الموضوع ام غياث:كرمالي موفق:طيب وكيف صارت بنتك ام غياث: يومين تلاتة بتتحسن بقلبو:الله لا يقومها بالسلامة خليها مرتمية متل الكلبة لسى بدي اقسي قلبك عليها واخليها تشتهي حدا يحن عليها اتصال من غياث ريحو كتير وهو يسمع مرتو تشكيه من اختو غياث:ليش مايترد اصايل ام غياث: كالعادة معتزلة الضو والضجة غياث:انا حكيت معها وصوتها ما ريحني ام غياث:نايمة بغرفتها وعجبك ما بدها حدا يروح للبستان غياث:بتكون مأمنيتو اول ما تصحصح خليها تحاكيني ضروري اي لا تنسي ام غياث:ولايهمك سكرت ومزعوجة من عمايل بنتها كتير ..... على وشك يخلصوا تحميل البضاعة ورماح مراقب الشغل كلو والعمال بلشو يجهزو حالهن للرجعة وطبعاً جمال مجهز حالو بدو يرجع مع جراح ورماح ولساتو صافن صفنة العشق جراح:رماح بدون حساب يعني رماح:هاد شوفير وبعدين انا متلي متلكن مادخلني و شغلي مؤقت بدالها جراح:ليش مو مأمنة فيك رماح:مو شغلة امان بس شفت حالتها فجأة تعبت وكأنها مو مركزة بالشغل ابدا جراح:والدليل اطلعنا بدون يومية رماح:انت وين والعالم وين جراح:مواعد زينكو ورينكو بفروج مشوي رماح:معي انا بشتري جراح:😂لك اخلاص بدها فروجتين رماح:ههه انت واخواتك والله نهفة وابوك ومرتو جراح: انا ناوي اهربها تهريب للغرفة بقلبو:بالي عندك أصايل ومو بنفسي لا اكل ولاشرب رماح:مو حلوة يا زلمة لازم نحسب حسابهن جراح:بلاا ليش وقت عزمها ما غص النا بلقمة رماح:هو ابونا ومن واجبنا نصرف عليه مو يصرف علينا جراح:خيو بطلت بدي رماح: ههه بتوفر والله جراح:عنجد مابدي رماح:امانة يا جراح خليني اشتري تركو يتمسخر وراح للسيارة يرتاح وبعد ما خلصو وسجل الوزن رماح بوصلة النواطير وطلع هو يوصل كل العمال ومن بينهن مهجة وجمال داحش حالو دحش بجنب جراح وجراح مدايق رماح وهو خلقة معصب من كل لنهار جراح: جمال افندي ليش ما اركبت مع العمال جمال:هون مريح كتير رماح:يبعتلك ديق بالفراش والنفس جمال:مو عاجبو يطلع مع العمال جراح: انا منهنه من تعبي انت شو اشتغلت جمال:اخدرت من قعدة الارض رماح:حقك ع نافوخي كان لازم جبتلك كنباية جمال:مش غلط جراح:الله لا يوفقك يا جمال جمال:شغلو اغنية ليش انتو كئيبين هيك شغللهن اغنية دقيناهم دق الموت واتحمس جراح وصار يرقص ورماح زادت عصبيتو كان يتخيل انو يفتح الباب ويرميهن برى ويتهشموا من الزفت وجمال بالو بسهرة الليل وكيف فيه ينسى اصايل وصلو العمال وكملو للحارة وعند بيت جمال نزلوه تدفيش جمال: ناطركن الصبح رماح: بكرى مو جاية المتريسة جمال: كزاب ما بتتسدء رماح: تسطفل بتحب الخوازيق انت جراح:لسى عم يناقشوا حرك اخي جمال:عايش من دونك محروم وما بعتيلي رسايل رماح:يخرب بيتك صرعتنا كان عم يرقص جمال وتركوه مصيف ع الاخر بس جراح لساتو عم يغني ومبسوط لهيك ضربو رماح ومثل انو مات😂 .... فات رماح للبيت شاحط جراح شحط لانو زعلان منو جراح:اتركني بربك رماح:جرصتنا حاجتك قلة عقل جراح:وينك يا امي تشوفي ابنك عم يجرجرني بالحارة ناهدة:احضرلكن العشى جراح:لا تعبي حالك خالتي بقلبو رماح: يخل عظامها وعظامك ناهدة: بتكونو جوعانين رماح: اكلنا بالشغل وشبعانين جراح:لهون واصل الاكل ها رماح:لوين اخي جراح:لهون اشرلو لاخر رقبتو رماح:ههه ياربي دخيلك تركو يسلبها على مرت ابوه وفات يتحمم ولانو الحمام بقلب المطبخ لاول مرة بيسمع مؤامرة بين اخواتو مسح وشو من المي وشعرو وحط ادنو عند الباب جراح:معو مفتاح السيارة اخلاص:كمان فات يتحمم معو جراح:انتو هلا بس يطلع دغري دورن ببنطلون الشغل كوثر: وتعبان ورح ينام جراح:عندي منوم لا تخافن كان مبتسم بخبث حط المفتاح بجيبة البيجامة وكمل تسميع كوثر:يارب تزبط يارب جراح: المشكلة حساس والا ما بستعين بعلبة المنوم وواثق انام يا كلب اخلاص:ليروح يموت اخي جراح:لا متل الكلب ما بموت رماح:انا كلب بسيطة اخلاص:طول شو حمام عريس دغري فتح الباب واخد لبلوزة ولبسها وطلع وهو يغني رماح:دقيناهم دق الموت ما طلع من عندهم صوت جراح:ريتو نعيما يا اخي رماح:ينعم عليك شو ماني شامم ريحة بيض وزنخة اخلاص: اتغدينا بامية رماح:سخنن ل جراح بكون جوعان جراح: بامية لو بموت ما باكلها ومسخنة كمان رماح:عم تتكبر على نعمة الله طالع الصينية من الفرن وحطها على الغاز رماح:شو بدك تعمل جراح:بدي اسخنلك اياها رماح:بامية لو بموت ما باكلها ومسخنة كمان جراح: عم تتكبر على نعمة الله كان عم يعيد نفس الحكي ليفرطن من الضحك عليهن رماح:اغسلن تيابي ها اخلاص:لا تشيل هم اخي وهو طالع من المطبخ انطفت ابتسامتو وقت شاف ناهدة ولابسة مانطو ووراها ابوه الي مبينة اصغر من ولادو ابو رماح:مفتاحنا معنا رماح:ليش وين رايحين ناهدة:لبيت اهلي بقلبو:عايش الدور ومكتر ويمكن مفكر حالو اصغر مننا. الحلقة التاسعة عشر بقلمي: مايا الحجازي اتمدد بفرشتو واتاكد من المفتاح ووقت فات جراح ومعو ابريق شاي عرف انو الفخ جاهز لانو كاسة الشاي مصبوبة رماح:من ايدين ما بعدمهن جراح:دوق وادعيلي بقلبو:ههه خوفي ادعي عليك رماح:وين البنات جراح:طلعن ينشرن الغسيل رماح: لحقن؟ عليهن طون وسخ وتراب جراح:انت التاني خففلي ملاحظات رماح:في حدا برى عم يزمر جراح:ما اسمعت رماح:امبلا روح شوف طلع دغري جراح ورماح كب كاسة الشاي من الشباك وصب بدالها رجع جراح دغري رماح: مين جراح: ماحدا اخي شكلك بتتوهم رماح:بتسدء عيوني بلشو يغمضو جراح:نام اخي شكلك تعبان رماح:كاني شربان منوم جراح:لاتركك تنام لف للصوب التاني وبقي مبتسم بخباثة لاخوه ويمكن مستعجلين ع المشوار سمعهن يتهامسوا جراح:مالقيتو بكل الغرفة يمكن بجيبتو اخلاص:كمان بنيمو معو بيكون غفي دور منيح كوثر:يلا جراح جراح: روحن اللبسن بكون سرقتو طبعا تركنو يدور رفع لحرام عنو بهدوء ومد ايدو لجيبة البنطلون ودغري مسكو رماح رماح:عم تتحركشني يا كلب جراح:😂لا والله بدور ع المفتاح رماح:مفتاح موو جراح:هههه مواعد البنات بمشوار رماح:سيارة الي خلفنا لانو جراح:اووف منك ماحدا متمسك بالامانة قدك بهالايام خلص بتصل بالمتريسة رماح:لا اوعك تعبانة كتير جراح:يا اخي لا تكسر خاطرنا اتزكر انو اخواتو ولا شافن شي بحياتهن رماح:بس بتدير بالك منيح مو ناقصنا ها جراح:ماشي اعطاه المفتاح وطلع معو وشافهن لابسات وجاهزات رماح:ما اشطركن ودعهن ومن الملل بدل تيابو وراح لعند جمال الي اتاكد انو مو موجود لانو طول عند الباب ضل يتمشى بالحارة روحة رجعة وعلى دخان وبعد ساعة التقى بأخواتو عند الباب وفاتو سوى طبعا البنات ل غرفتهن والشباب لغرفتهن جراح:احلى عشى لاحلى رماح رماح:مابتقصر جراح:شبك رماح مو على بعضك رماح:مابعرف .. جراح:بالك عند المتريسة رماح:مو للسبب الي بتفكر فيه بس انا حاسس انها وحيدة اعرفت؟ جراح:هي وحيدة رماح:لك... اتصلت فيني بتحكيلي ازا اجى حدا من طرف وضاح قلعوا تقليع شو معنى الحكي جراح:بدها تورطك رماح:لكك لا تجنني جراح:ههه اي انو مو مأمنة بحدا بس الك رماحوو رماح:ليك وجعتلي قلبي مو بس راسي اتعشى وشرب عصير فتح الواتس ليشوف بلاوي نازلة بالمحادثات وصور خليعة ل مهجة وحكي خلاه يخجل ومحادثة من لينا بس هو سكر كل الموبايل بقلبو:على شو ناوية لك مهجة ولشو التخبيص ومين طلب منك تتصوري وين منذر عنك وليش انا بالتحديد بدها تعلقني يعني استغفر الله العظيم رجع فتح ومسح محتوى المحادثة واتاكد من الاستديو وعمللها حظر دغري لينا:كتير حاببني مشالله ومطنش عينك عينك ليرد عليها:زعلانة مني لينا:كتير وحارمني شوفتك رماح: شغل وانتي بتعرفي لينا:بس انا كتير زعلانة رماح:بكرى بحاول اخلص بكير لينا:بليل منتمشى مو ضروري بالنهار قلبو نقزو من حكيها بقلبو:لااا مستحيل رماح لا تحط ببالك وازا مهجة رخيصة مو معناها كل البنات هيك رماح:منحكي بكرى اخي عندي لينا:ماشي رماح:بدك شي حبيبتي لينا:سلامتك رماح: تصبحي على خير لينا:وانت من اهلو بعت لأصايل لانو بالو عندها وحاسس فيها لدرجة رماح:كيفك؟.. طمنيني عنك وازا ما اتحسنتي بكرى لا تشيلي هم الشغل انا هنيك غمض ب تعب والأفكار جوى راسو مخربطة وتعبان لابعد الحدود ...... وعند غياث فتح باب السكن وفات هو وطارق ومروقين من السهر اخر رواق طارق:بس ليش ارجعنا بكير غياث:بدي اجهز حالي للسفر طارق:ههه شو بدك تجهز غياث:شو ناقصني مشان بكرة انزل واشتري كلشي وبتعرف هدايا لاختي وامي وجوز امي طارق:ههه والله الدعم لناس وناس غياث:يمكن ما اطول اتعودت على اجواء هون طارق:وانا رح استفقدلك كتير غياث:انا من هلا مستفقد كان عم يشوف شو عندو تياب وشغلات ضرورية وبالو عند اصايل بدو يعرف شو زاعجها وازا عنجد مرضانة ما رح يسترجي يحكيها عن قراراتو ....... الصبح اصحيت على نفس الوجع فتحت الموبايل لاشوف بس رسالة من رماح بعتلو:شوف الشغل انت وازا اتحسنت بكرى بحاسب الكل جريت حالي جر للمطبخ كنت ميتة من جوعي حطيت شوية حواضر وعملت ابريق شاي صغير وافطرت واشربت الدواء كنت عم اتزكر شهامة رماح معي وكيف امنت فيه من ولاشي رغم انو غريب بس حسيتو اقرب من كل الناس عليي ياريت يرجع غياث بلكي نتحاصص واخلص بقى مابدي مشاكل ومابدي خناقات هو ملتهي بدراستوا وانا هون بوجه المشاكل والكل كارهني حتى ماما هيك حسيت طيب ليش ما اطمنت عني قبل انام استنيت سؤالها كتير او اسمع خطواتها بالغرفة ولا بس اتجوزت نسيتنا وجابت رجال غريب يشاركنا بيتنا والسيارات والارزاق ولو الامر الها كانت خلتو يدير الشغل بس ولايمكن اخلي واحد متلو طماع ياخد تعب بابا على البارد المستريح ولتحلم يا موفق بشقفة شجرة مو ببساتين عملت فنجان قهوة واطلعت للغرفة اشتربتو على رواق مع سيكارة وانو رواق هاد راسي رح يتفجر . ..... بالبستان كان رماح مستفقد لوجودها غرفة الاستراحة بدونها عتم اتزكر كيف كانت كل ساعة تشيك على شغل المرابعين وتكون حاملة عصاية بأيدها ولابسة الطاقية ولابق الها تكون متريسة لانها معبية مركزها كتير كل شوي يقرأ شو كاتبيتلو بقلبو:يعني ما اتحسنت اووف بس حس على نفس قريب منو التفت ليشوف مهجة جاية متل الحرامية طبعا مو طايق شوفتها لهيك عصب بزيادة رماح:خير مهجة:هيك بتحكي معي رماح: انتي ما بتستحي مهجة:ههه شو عرفك كانت واقفة قبالو حطت أيدها على كتفو ودغري بعدها رماح:ترى المحادثة معي وبفرجيها لجوزك مهجة:مابيعرف برقمي رماح:وخلقتك كمان مابيعرفها مهجة:بحكيلو تطبيق رماح: ليكي اختفي من خلقتي مهجة: يعني ما بتحب انت عزابي وو رماح:مو شغلك بحب وما بحب مهجة:طيب افهمني والله منذر مقصر بحقي كتير رماح:خير مو مساوي فيكي مهجة:مابدك نتسلى سوى رماح:انقلعي من هون ويا ويلك لسى اشوفك عند خلقتي مهجة:لانك حلو يعني بتشوف حالك عليي رماح:قرف مو شوفة حال يلا انقلعي مهجة:شو عليه منتواجه رماح:اعلى ما بخيلك اركبيه بقلبو:تضربي من بين النسوان مين مخبرها انو كل العزابية بتقبل بهيك اشكال راح لعند العمال طبعا اجى جمال يتمختر وينقرش فواكه رماح:اجى.. جراح:ههه حرام عليك الزلمة بريء رماح:. جمال:صباحوو للحلوين رماح:يحلى وبرك شو مصحيك بهيك وقت جمال:راحت عليي نومة مع اني عيرت المنبه جراح:ههه ليش عندك مدرسة جمال:بساعدكن كان عينو على الاستراحة وانو السيارة مو موجودة اتاكد مو هون المتريسة رماح: اكيد جاي تساعد جمال:اي رماح:شايف سراب الشجر هاد جمال:اي رماح:بتشيل التمديد عنو جمال: يخرب بيتك هلا بتعبى تراب جراح:ههه ع حساب جاي تشتغل جمال: شو كانو المتريسة مو هون رماح:من وقت شافتك ما شافت الخير جمال:ههه اي مقبولة منك عمي رماح رماح:روح ساوي الشاي ازا مابدك تتعبى تراب جمال:مافي بافلة نشغل اغاني جراح: شو بدك تسمع جمال: اي شي حماسي رماح: انت بدك تشغل اغاني جراح:ههه فتح السيارة وشبك من موبايلو وشغل اغاني طبعا اغلب العمال التمو ومنهن الصبايا وجمال انبهر بكمية النسوان وهلا بلشت مهجة ترقص وجمال ترك من ايدو وانسطل فيها ورماح ضرب اخوه طيارة وتخانقو على جنب بس كان جراح يهز ويرقص متل النسوان رماح:لك انت بدك تفضحنا بكرى بيحكو للمتريسة جراح:هههه لك الكل مبسوط شوف دخيل الله النسوان رماح:طفي عم قلك جراح: حرام مسطهجين رماح:انت شوف جمال صار بعالم تاني جراح:جماال حيووو جمال: هههه لك ياريتني مرابع معكن من زمان رماح:طفي يا حقير فضحتنا جراح:ولي عليها شو هالحركات رماح:يعدمني شكلك ومنظرها كمان جراح:اروح فعس رماح:تروح ماترجع بدك تطفي ولا شو جراح:ههه روح شوف شغلك اتركنا نشتغل شغلنا هون شلحو الموبايل غصب عنو وفصل الاغاني رماح بعصبية:بلا مياعة وقلة ادب يلا كل وحدة ع شغلها .