عشقت هواك - الفصل 5 | روايتك

الجزء 5: وقت وصل ومعو رفيقو ما عجبني كل الوضع انا حابة اشوفو لحالو بس هداك الشب ما قرب ضل واقف بعيد انزلت من السيارة ونطرتو لحتى اجى لعندي رماح:طولت عليكي أصايل: اتوقعتك تيجي بالسيارة رماح:لا ما بعملها هي للشغل وبس اي منفوت بالموضوع دغري ارتكينا سوى على السيارة كان معو رقم وعم يدخلو بموبايلو أصايل:هاد رفيقك رماح:اي جاي يتمشى معي بس مابدي يعرف بالموضوع كان عم يتصل بس انا مو مركزة الا بملامحو الي مبينة عليي من إضاءة الشاشة ودغري فتح سبيكر لاسمع رماح:مسالخير مهجة:مين؟ رماح:ولا ببالك حدا مهجة:رماح رماح:اي هيك يا مهجة بتعملي معي اليوم مهجة:وليش ما اتجاوبت معي من البداية انصدمت صدمة عمري لانها متزوجة وحطت البلى فيه رماح:انا مشان جوزك مهجة:وازا بقلك جوزي ما رماح:مو وقت هالحكي يعني منيحة لفضيحة بحقي والمتريسة بدها تقلعني مهجة:لا يوه شو تقلعك بكرى انا بحكي معها وبحكيلا انو كنت امزح رماح:حدا بيمزح بهيك شي مهجة:لك اي شو عليه سمعني حكى حلو متلك رماح:وين جوزك مهجة:عند الشباب برى رماح:ولو سمعك تحكي ما بتخافي مهجة:لا ما بيسمع طمن بالك ومشان المتريسة خلص عندي ليش انت متصل رماح:اعاتبك على الي عملتيه فيني وقدام كل العمال مهجة: حقك عليي والك عندي استسمحك على طريقتي رماح:طيب وانا عندي رفيقي بس يروح منحكي مهجة:اوعك تنسى ابعتلي واتس ناطرتك رماح:سلام وقت سكر كان قلبي يغلي غلي ومقهورة لابعد الحدود رماح: شو ؟ اسمعتي أصايل:ومصدومة الصراحة رماح:يعني بينت الحقيقة أصايل:كنت شاكة انو تهمة بس هلأ اتاكدت رماح:اسف على يلي صار أصايل:لا تعتذر على شي ما دخلك فيه رماح:مدامك اسمعتي كلشي صار لازم امشي أصايل:متل مابدك اوصلكن رماح:لا نحن حابين التمشاية بهيك وقت تصبحي على خير أصايل:وانت بخير ضليت واقفة بنفس المكان لعمى ما طسني الافندي اووف بقى أصايل لابقى تفكري فيه عم اتعب حالي وهو ولا عبالو راقبهن كيف مبين عم يتدافشو وحسدت رفيقو خلص يعتبرني رفيقو ازا لهدرجة ما بنطس ارجعت للبيت يأسانة وحاسة بالوحدة كتير انا محتاجة اي حدا يسمعني مابدي يحس فيني بس احكي ويسمعني فتت للبيت والهدوء زاد الحالة الي انا فيها اكيد سهرانين عند شي حدا فتت ل غرفتي وبدلت تيابي واتمددت متجاهلة كل المشاعر الي جواتي وغمضت واستسلمت للنوم. .... بأول الحارة ضلو واقفين يتناقشوا جمال: اي ساعة بتطلع للشغل رماح:شووو اتفضلت جمال:بتسلى رماح: ماضل شغل الا هالشغل جمال:يا اخي ليش متدايق انت وبعدين لو ما اشتغلت بدي ازورك يومياً رماح:عنها بتبعد جمال: شو علاقتك انت وانا بعرف انو هالمرة جد رماح بلغة التهديد:عنها بتبعد رجع للبيت تارك جمال مقهور منو وجمال كمل لشقة اللعب واللهو بالبيت فات للغرفة واستغرب بالعادة بكون سهران لحالو كانن اخلاص وكوثر وشكلو جراح عازمهن على منقرشات جراح:اهلين والله رماح:بعد عن مكاني جراح:حاضر بعد دغري اخد تيابو وراح يبدلهن بالحمام ورجع اخد موقعو وعلى كركرة وضحك أخلاص:بس كيف هربت الاكلات الطيبة جراح:شغلتي اسمعت صوت اغاني من الغرفة كوثر: ههههه اي بنت الجيران جراح:سيبي شباكك مفتوح ليه لي تقفليه اخلاص:بهوايا جراح:ابوكي قاعد معايا وطبعا فرطانين من الضحك لهيك ابتسم على تلميحاتهن جراح:لو ما يعرفو انو عليهن كنت شغلتها ورقصتلكن😂 اخلاص:والله مابتقصر رماح:ناقصك رقص انت جراح: شو وين كنت رماح:اتمشيت مع جمال اخلاص:بس ليش معصب في شي رماح:لا مافي شي وبس تخلصو طفو بدي انام جراح:شاركنا وسايرنا رماح:الي فيني مكفيني غمض بيمثل النوم وبالو عند جمال وأصايل هو خايف عليها بدون اي سبب ومابدو جمال يتقرب منها لو الشغلة جد بقلبو:هو بيستاهل وحدة متلو مخبصة لشبعانة وأصايل انا بحلف بأخلاقها واصلها كمان بيكفي سدءتني دغري والا ما خلتني اكمل شغل وكانت قلعتني من اول لحظة كان سامع حديث اخواتو عن ابوه ومرتو وكيف عاملينهن محتوى للضحك والمسخرة لهيك ارتسمت ابتسامة على وشو الي ما بيضحك الا لاخواتو .......... بالشقة وعلى رقص وأغاني وهيصة كانت جنبو صبية مبالغة بالمكياج وقت اتزكر أصايل ملامحها والنعومة الي بتتمتع فيها سحب ايدو عنها بهدوء وشغل سيكارة وردة:شبك جمووولي جمال:شبني وردة:حاسستك جاي غصب عنك جمال:مين بدو يجبرني يعني وردة:طيب ليش بعدت عني خليني متمتعة بلمساتك وريحتك الي بتجنن جمال:صايرة معي شغلة وردة: بشغلك جمال: اي هيك شي وردة:وشو الو داعي تبعد ايدك عني جمال: اليوم مالي مزاج على شي وردة:نفوت للغرفة جمال:عروضك ما بتتفوت بس انا لازم امشي وردة:لك هلا لوصلت شبك كان عم يلم اغراضو من الطاولة متجاهل اهتمامها فيه وجواتو معركة من نوع تاني لبس الجاكيت وانسحب عند الباب وقفتو وردة:ازا الشغلة بتنحل بالمصاري بعطيك جمال: ههه مبارح نسيتي لحساب وردة:شو اعملك مولعة فيك جمال: بتولعي بغيري بعرفك... تشاوو نفخ كل نفسو وهو نازل رجع تمشاية أيديه بجيابو وعم يتأمل طريق الرجعة ومرسومة ملامح أصايل رسم بعيونو جمال:نيالك يا رماح بس شو الشغلة الي بينك وبينها وحكيتو على جنب ياريتني بمكانك..وليش بدو ابعد عنها ومين كاين ليتحكم فيني ههههه واحلى شي انو حابب لينا الي بايعة حالها مشان كم ليرة انزكر كيف كشفها وقت راح يستلم حوالة والتقى فيها واكتشف انها بتشتغل هالشغلة من زمان وكيف اول مرة اخد رقمها وبعتلا رصيد ومن بعدها بلش يتمادى بطلباتو معها وكانت عندو بالشقة من كم يوم شافها بدون حجاب ولمسها وقربها منو وكانت ناعمة لدرجة جمال:وكتيرة عليك وبتليق بعليتك كمان ابوك الي اخد وحدة من جيل بناتو واخواتك الي بيخفقن بالطرقات وانت بشغلك لا حدا يعملي فيها شريف كل واحد بالحارة اوسخ من التاني حتى انت لو بيطلع بأيدك مابتقصر وبدو يقنعني انو مو عامل شي وبريء والله لو اتصال بينك وبين شي وحدة ما بستنظفك ابدا ويلااا لينا وانت من توب بعض وانا والمتريسة رح نكون من توب بعض دخيل لبسها ومشيتها وكيف فارضة شخصيتها على الكل ياترى ليش متخبية بهيك لبس ولا هي معقدة اخ من لمسة ايدها وتأمل جمالها لازم اضرب صحبة معك واتعرف عليكي وتتعرفي عليي بعجبك سدءيني و يسترجي رماح يقرب او يخرب عليي ......... الحلقة السادسة عشر بقلمي:مايا الحجازي على صوت فيروز وريحة القهوة لاول مرة بيصحى على هالشغلات فتح عيونو ليشوف جراح بمكانو متربع وعم يدخن وقدامو ركوة القهوة ابتسم وقت اتخيلو عشقان جلس حالو نص تجليسة رماح:قهوة وفيروز شو عم يصير معك اخي جراح:جلس حالك وقوم روق معي رماح:هههه حاضر بس بدك تعترف راح غسل ورجعلو ضيفو قهوة وشغلو سيكارة ولساتو رماح مبسوط من اخوه رماح:بلا شو القصة جراح:ما نمت الا كم ساعة اتزكرت وقت كانت ماما تصحينا على المدرسة وهيك تكون ريحة القهوة بالبيت وصوت فيروز يصدح رماح:بس ماتكون بوقتها عشقانة بابا جراح:هههه لا يا مين بدها تحب لكن رماح:اي والله بيستاهل هالمحبة وبالدليل اتجوز قبل السنة جراح:مافي زلمة بيضل بدون مراة رماح:ايه الله لا يمتحنا جراح:رماح صارحني اطلع بالساعة واتاكد انو لسى بكير على الشغل رماح:بشو جراح: وين كنت مبارح وشو قصة هي العاملة رماح:انت بتسدء انو ممكن اتحركش فيها جراح: بعرف بس شو القصة رماح:رحت اكدت للمتريسة انو ما الي علاقة فيها جراح:كيف؟ رماح:مرة اعطتني رقمها وحكيت معها وسمعت المتريسة واتاكدت ما دخلني جراح:على كلا هي ما سدءت عليك رماح:يكتر خيرها لانو لو حدا غيرها كان رماني برى البستان من اول لحظة جراح:انا بشوف انو معجبة فيك رماح:ما علينا من هالحكي جراح:اسمعني انا لو مكانك مابروح فرصة اتقرب منها مبين عليها بنت اصول وشفت كيف بتعامل الكل رماح:بس انا ببالي بنت وبحبها كتير جراح:. رماح:وازا انت ببالك انو حالتها المادية فوق انا ما بحط عيني على المصاري والارزاق والموت اهون عليي من اني اسكن واكل واشرب على حساب مراة جراح:شو عقلك صعب رماح:بدك اصير جوز الست جراح: لا جوز المتريسة😂 رماح: قوم حرك يلا بدنا نلم العمال جراح:حاضر رماحو بقي يسمع فيروز وللحظات دق قلبو بسرعة وقت اتزكر ايد اصايل بأيد جمال وكيف نيتو عاطلة هو بيعرف الشباب كيف بتفكر بقلبو:شبك رماح غيران عليها...ولا خايف عليه اخد نفس ونفخو بسرعة لانو خايف يكون واقع بحبها كان جراح لابس وطلعو سوى ركبوا بالسيارة وبطريقهم لخيام العمال وبعد مشوارهن الصباحي شاف أصايل هلا واصلة بلبسها المعتاد وكان معها شب وكانو في شغل بينها وبينو وعم تأشرلو على الشجر بقلبو:بتستاهلي يكون عندك كل هالخيرات فوق النشاط حيوية جراح:خيو اوصلنا رماح:شو بدك فيني هي قطعت الخيط الي بيني وبينك جراح:هههه ليش صافن بالمتريسة رماح:بفكر كيف فيها تدير هالشغل كلو ولحالها جراح:شايف لهيك لازم تتجوز ويدير معها البساتين رماح:. وقت انتبهتلو حس بالخجل نزل من السيارة دغري وراح يسلم عليها رماح:صباح الخير أصايل:صباح النور المهندس:متل ما قلتلك شغلة اسبوعين ومنبلش أصايل:منضل على اتصال ما انتبه انو صافن فيها وكيف ماشية مع المهندس وعم تتفق معو بشغل وهلا انتبه وقت حكتلو أصايل:تأخرتو رماح:مو الكل كان جاهز اصايل:لا شكلك مطول بالنومة رماح:اليوم بالتحديد اصحيت بكير أصايل:وبمناسبة رماح:جراح يمكن عشقان وعامل جو أصايل:وكيف بكون هالجو رماح:انا مو مجربو بس قهوة وفيروز أصايل:ليش ما بينسمع لفيروز ازا الا كان عاشق رماح: حسب أصايل: بس القهوة للمثقفين رماح:منيح انا صحبة مع الشاي أصايل:خلص لكن بدك تنظم لقائمة المثقفين رماح:مو خرج والله شكلي شكل واحد مثقف أصايل:مو بالشكل بالمضمون رماح:بدي ابلش شغل ازا بدك شي انا موجود أصايل:.. غصب عنو راح وقت لمح مهجة مبتسمة اتحلفلها بس ع الناعم ونظراتها كلها اعجاب اتمايز حالو بقلبو:ليش شو بفرق عن جوزها تضرب من بين المتجوزات ليش شبها حياة لعزوبية والله الموت اهون ما اتجوز وحدة مو معبي عينها وو ... كنت شاردة بكل الأجواء وحسب ما افهمت من المهندس السنة الجاي المحصول مارح يكون منيح أصايل: والأفندي غياث مريح بالو ولااا بدو مني اترك هالارزاق ل موفق وابن اخوه الواطي معقول بيتواصل معهن ومفهمينو شي غلط ولا شوفة رماح اليوم شكلو مروق ع غير العادة او متعود عليي وصاير بيناتنا اخد وعطا انتبهت انو في شي ظلل ع المكان واتاريه رفيقو عند باب الاستراحة ودغري دق الباب رغم انو مفتوح جمال:اسف أجيتك بدون موعد أصايل:اهلا وسهلا جمال:مافي تفضل أصايل:امبلا اتفضل هالمرة ما بدي اصافحوا مبارح دايقني لدرجة اشرتلو يقعد وشلح النظارات وابتسامتو خلتني استغرب وكان يطلع فيني بشكل غريب لهيك بلشت اطلع بحالي جمال: يمكن تستغربي من زيارتي الك أصايل:اكيد مو بشغل باين ماشالله حالتك ميسورة جمال:اي نوعاً ما وانا شغلي مو بشكل يومي أصايل:بس اكيد مابدك تشتغل مرابع هون جمال:ليش لا بتسلى وبعجبك بشغل الارض يعني ابي كان فلاح وعندي خبرة أصايل: شوفة عينك نحن بآخر الموسم جمال:اي لاحظت وين رح تروحو بالفواكه أصايل:لمعامل لمربى جمال:يعني مافي شي بروح هيك أصايل:اكيد لا ومتل ما بتشوف بتخسر بغير المواسم وبعوضهن بالموسم واحيانا بطلع منها راس براس جمال:يعني اسف ازا اتدخلت بخصوصياتك بس يعني مافي حدا غيرك يتريس الارض أصايل:ليش شبني انا جمال:مشالله عنك معبية مركزك ضيفتو قهوة مرة وشغلت سيكارة وشفت ابتسامة انرسمت على ملامحو جمال:طيب بتسمحلي اشوف رماح اشرتلو بمعنى روح وكل زيارتو ما هضمتها وقت عند الشباك وحسيتهن عم يتخانقو مو اكتر ... رماح:لك شو جابك هاد مكان شغل جمال:بدها تشغلني ازا مو اليوم بكرى اتدخل جراح الي مو فهمان شو القصة جراح:شو صاير بالدنيا جمال بيصحى بكير وكانكن عم تتخانقو جمال:مو انا اخوك مفكر حالو صاحب البستان رماح:لا تتمسخر احسنلك جمال:بلا عليك جراح شو فيها ازا اجيت وزرتو جراح:انت شايفو بينزار😂 جمال:انت اعقل منو وبالاسم كبير وهرش اخوك رماح:احسن ما اكون جحش جراح:ورمش😂 جمال:ههه دخيل هالضحكة مو متل هالوش الناشف الي بجيب القطيعة رماح: مدام انا هيك اوعك تقرب صوبي رايح اشوف شغلي جمال:بساعدك جراح جراح:تعال عندي الك حكاية بتجنن كان مو هاضم كل جيتو للبستان وكان ناوي يبرر لاصايل هالشي واستغرب كانت بدون طاقية وعم تفك شعرها لهيك ضل صافن بحركاتها وما بيعرف شو عم يصير معو والمشاعر الي جواتو مدفونة. الحلقة السابعة عشر بقلمي مايا الحجازي برى البلد ومع مجموعة شباب على شاكلتو طالعين للبحر سياحة وصياعة بنفس الوقت طارق:غياثوو ما حجزت غياث:بتسلى هالكم يوم بتعرف وقت احجز للسفر بيغم على قلبي طارق:على حساب اهل ومدري شو غياث:مافي اهل ولافي بطيخ طارق:لك شو مغير الاحوال غياث:كلشي اتغير هالكم سنة الي عشتهن بعيد عنهم خلوني اتمنى لو من زمان بعدت عنهن طارق:وشو مشان المشروع غياث:اختي معها مصاري ومدبر اموري طارق: ازا هيك مين متلك انت غياث:طولو الصبايا انت جايبنا من هلا بدون بنات طارق:بتعرف ساعة بالصالون 😂بس رح تروق اخر شي غياث: ازا هيك بصبر طارق:وعلى حساب انت بتدرس غياث:بلا دراسة بلا بطيخ طارق:اي طبعا ورتان ورتة الها اول ماالها اخر غياث:ع سيرة الورتة لاتصل بحسن اطمن على الوضع طارق :مين حسن؟ غياث:اختي😂 تركوا وراح يحكي بعيد عن طارق والشباب ع اساس هو بيدرس مو صايع طولت لحتى ردت غياث:الوو أصايل:اهلين اخي غياث:كيفك طمنيني عنك أصايل:منيحة انت كيفك غياث:تمام بخير اي كيف الوضع عندك أصايل:شو بدك تعرف من الاخر غياث:هيك صار الحكي أصايل:ليك راسي رح يتفجر مو ناقصني انت واتصالك الي بيهز البدن غياث:انا بدي تكوني مرتاحة لكن ليش بحكيلك سلمي موفق كل الشغل أصايل:اي احلم مو بس انت وهو خليه ينام ويحلم بالارض غياث:شبكي وليه ترى انا متحمل نفسيتك غصب عني أصايل:غياث حل عني غياث:بصير خير بسيطة فصل مو مقهور بالعكس مبسوط بقلبو:يسعد دينك بينشد فيكي الظهر لكن بنت تتحكم بعيلة كاملة ضاغطة الام وجوزها وابن اخو جوزها 😂وهلا اخوها جاييكي وبصير خير رجع لعند الشباب وبرجعة الصبايا اللبس المكشوف والمكياج ودغري استلم صاحبتو الي بيصرف عليها من ورتة ابوه وصوت الضحك والمزح لاخر الدنيا .... بعد مكالمة غياث حسيت راسي رح يتفجر وبنفس الوقت مابدي ارجع للبيت واتمسى بشوفة الي ما بيتسمى حطيت راسي على لطاولة لانو بالعتم بيرتاح غمضت والقهر مليان بقلبي من كل الدنيا أصايل:هاد ماعم يفهم ولا طول الشنتير ع الفاضي لوين بدك توصل لك غياث أسمعت صوت خطوات بس ما اقدرت ارفع راسي رماح: فيكي شي حكيتو وانا بنفس لوضع أصايل:لا ابدا رماح:ازا في شي انا موجود اصايل:شو بدك رماح رماح:بدي اطمن عليكي وبس أصايل:منيحة رماح:طيب ارفعي راسك أصايل:مافيني راسي رح يتفجر من الوجع رماح:خير شو صاير معك أصايل:... رماح:مدامك تعبانة خليني اوصلك للبيت أصايل:بتحسن لا تشيل هم رماح:كيف بدك تتحسني؟ أصايل: لا تشغل بالك بقلبي:السؤال بمكانو بس انا تعبانة لدرجة .... ما قدر يتركها كان مبين انها تعبانة قرب لصار جنبها رماح:كيف ما اشغل بالي خليني اوصلك ع البيت مافي شي مهم هون رفعت راسها وشافها كيف لونها مخطوف والتعب مبين على ملامحها وقفت بتردد وقبل يساعدها رفضت أصايل: بمشي لحالي رماح: متل مابدك هاتي مفتاح السيارة اخدو منها وراح جاب السيارة لعند الاستراحة وقت طلعت بجنبو غمضت من جديد رماح: مريضة انتي أصايل:شو عرفك رماح: شقيقة معك أصايل:اي رماح:ازا ما اتحسنتي انا بالبستان لا تشيلي هم ابدا أصايل:. بقلبو:متل ما حكى جراح ماحدا مرتاح ليكها وحيدة وكأنو مالها حدا.... وكمان مريضة.... واكيد مو من ولاشي صايبها صداع رماح:وين صار البيت أصايل:كمل بعد التقاطع سيدا وبعد الدوار يمين رماح:اسف ازا فيها ازعاج بس ماكان فيكي شي أصايل:تعبانة مو اكتر رماح:طيب ليش ما حدا من اهلك يساعدك أصايل:انا مابدي حدا رماح:في مشاكل أصايل:مابدي احكي بالموضوع ابدا رماح:بعتذر منك أصايل:. بقي ساكت لانو واضح انها مو مركزة معو ابدا وبعد الدوار مبين انها ساكنة بحارة كلها فيلات فخمة رماح:وين صار البيت فتحت عيونها كان مركز عليها كتير أصايل:بأخر الشارع صفط السيارة أصايل:خليها معك رماح:لا برجع بتكسي ازا بدك اي شي انا موجود أصايل:شكرا الك اتفضل رماح:عندي شغل اطمن لحتى فاتت ورجع للشغل ب تكسي وبالو عند أصايل .... كان جمال لسى ببالو كيف طلع رماح بسيارتها وصافن لابعد الحدود بقلبو:ليش تعبانة يا ترى سلامتها....اخ بس ريتو رماح ولا هي وكيف بدي اطمن عليها جراح:شو حبيب مطول عندك جمال:بستان ابوك جراح:لا والله وكمان مو بستان ابوك جمال:وين راحو جراح:مع انك ما بتنطاق بس علمي من علمك جمال:تضرب انت وهالجواب طيب ما خبرني رماح شو اسمها وليش مابدو اعرفو جراح:اسمها...اصايل جمال:يا سلام شو هالاسم الفخم جراح:انت شو بدك فيها وليش مهتم جمال:والله مابعرف بس قلبي مو معي بجية رماح وعم يرميه نظرات لا تفسر رماح:شو مطول عندك جمال:اهووو علينا حلو عني بستان ابوكن رماح:ما الك شغل هون جراح:خير شو صاير معها رماح:مابعرف وصلتها للبيت جمال:كنت خبرتني انا بوصلها رماح: ليك ماني فاضيلك جمال:بتكون سلمتك زمام الامور رماح:عندك مانع جمال:لا ابدا روح كفي شغلك وشيك على لمرابعين انا هون ومن هون مارح اتزحزح رماح:... تركهن وراح يشوف الشغل جراح:انا لو مكانك حدا يقلعني مابقبل اضل بالمكان لو بيكون فيو دهب جمال:انا لو مكانك داحش حالي بشي ما خصني فيه بنتحر جراح:😂شو مفكرني اخو سحر جمال:لااا منو العوض وعليه العوض ترك جمال مرتكي على شجرة وبأيدو عصاية وعم يكسر فيها بكل قوتو والزلمة سارح بملكوت الله .....