عشقت هواك - الفصل 4 | روايتك

الجزء 4: بقلبو:يا حبيبي شكلا بدها تضل رايحة جاية لعندي لو مو صاحبة الشغل كنت اتصرفت تصرف تاني...بس مابدي اقطع رزقتي بأيدي سيفو عندو (أصايل) وانتبه مهجة جاية لعندو ابتسم لقلة عقلها مهجة:خلصت رماح: عفواً مهجة:بقصد شغل رماح:شو بدك من الاخر مهجة: نطرتك تتصل رماح:كان جوزك عندك مهجة:لا بيسهر مع الشباب رماح:بس انا ما افهمت مهجة:هون بدنا نحكي رماح:وين لكن مهجة:معقول ما افهمت عليي وابتسمتلو ابتسامة خاصة رماح:لا ما افهمت مهجة:طيب هات رقمك رماح:ليكي انا مابحب العي ووجع الراس انتي مراة ومتجوزة وانا مو مستعد اخد واعطي معك وجوزك زلمة معدل مهجة:اوووف لهدرجة شريف رماح:لا ماني شريف بس بعرف نهاية الطريق مهجة:بشرحلك ورح تفهمني طنشها وفهم قصدها بقلبو:لعمى ما اوقحك شو مفكريتني هي تروح تشوف غيري ناقصني بس انتي انا ولا ببالي الا لينا وما بيعجيني الا هي وشكلها المتريسة عم تتقرب مني بقلمي مايا الحجازي وجراح عندو نظرة ثاقبة رماح:وهي لافيني ارفضها مشان الشغل ولا اقبلها كمان مشان الشغل واحسن شي ارتبط بوحدة متلها دخان ونص زلمة ازا ما كانت انثى او بالاحرى لينا مابدي اياها كمل شغل واتجاهل كل العروض ......... اتنفست بقهر حسيت حالي وحدة سخيفة كتير وكانو بيعرف شو بدي منو ولو الرقم معي مارح اتصل فيه ورح اتجاهل مشاعري شكلو في حدا بحياتو او هيك هو نفسية او اكتر من وحدة معجبة فيه وهو مسدء حالو وعايش الدور ومكتر مابدي حدا. الحلقة الثانية عشر بقلمي: مايا الحجازي عم يلتمو العمال للرجعة بجية وضاح مستغل غياب أصايل ووجه الكلام ل رماح وضاح:مع مين مفتاح السيارة وبكل ثقة جاوبو رماح:وشو علاقتك انت وضاح:معك يعني رماح:مو شغلك وضاح:ليك ولاه بخلي الوسخ احسن منك هات المفتاح رماح:انت...بتعرف رح اخلي رجليك يرقصو شرقي قبل يقرب منو بعدو جراح جراح:لك لشو المشاكل رماح:ما اسمعتوا الشب:المتريسة هي عينتو بدالك وضاح؛ماحدا سألك انت ...ليك لا تتحداني رماح:لاطلع بروحك يا ... جراح:لك رماح...خلص بقى يسطفلو رماح:لا ما يسطفلو هلأ بتشوف يا عاطل كان عم يتصل ب أصايل بقلبو: منيح معي رقمها أصايل:اهلين رماح رماح:هاد الي اسمو وضاح اجى وبدو السيارة أصايل:لا ترد عليه انا بحكي معو رماح:والله ياريت مابدي ازفر ايدي فيه فصلت معو وانتبه لصوت رنة موبايل وضاح وراح يحكي بعيد بس شكلها بهدلتو وهو وجراح طلعو يرجعو العمال جراح:انت كنت ناوي تضربو رماح:الله سترو جراح:وشو دخلك فيهن هني عيلة رماح:حبيبي المخلوقة مأمنة فيني مو فيه جراح:ما دخلنا يسطفلو وما احلاك تضربو رماح:ليك اطلاع من راسي احسنلك جراح:انت ليش بتحب المشاكل رماح:لك انت ما شفتو كيف حاكاني جراح:طبعا ما شفت ملامحك وعصبيتك رماح:... بقلبو:انا بفرجيه والو دك مرتب هالحقير كان عم يتهدا مابدو يضل معصب بالبيت بعد ما اتحمم طلع يسهر برى ولبس جاكيت البيجامة لانو الجو شوي بارد ابو رماح:كيف الشغل رماح: الحمد الله ابو رماح:وصاير معك سيارة رماح:مشان ارجع العمال ابو رماح:كتير منيح اي شو معك مصاري رماح:لشو المصاري ابو رماح:شو لشو بدي اصرف على البيت رماح: اديش بدك ابو رماح:انت ما بتفهم بدي مصروف رماح:ليش عم تحكي معي هيك ابو رماح: تعال اعملي كفين رماح:.. ابو رماح: اعطيني مصاري خلصني رماح:... فات لجوى وقت شافو جراح عم يطالع مصاري استغرب جراح:شو القصة رماح:هيك بدو...طلب منك جراح:لا رماح:... بدون ما يعد راح اعطاه تحويشة الاسبوع رماح:اتفضل ابو رماح:اي وكل شهر احسب حسابك تعطيني رماح: حاضر ابو رماح:وين رايح رماح:هون اتمشى ابو رماح:... ابتسم بقهر لانو حس انو مستحيل يتجوز رماح:انا كتير اتعبت ومليت بنفس الوقت ليش شبها عيشة جمال ...خلص بقى يتركني بحالي... شكلو ما بتجوز الا لاسرق او انصب على شي حدا....شغلة طويلة رجليه وصلوه لبيت جمال دق الباب وقبل يمشي فتحلو رماح:طولت ولوو وقبل يفوت صدو جمال رماح: عندك حدا جمال:اه...لا لا بس...ننزل نتمشى رماح:... دغري سكر الباب ورماح مو مستنظف الموضوع ابدا جمال:بتكون نايم بهيك وقت رماح:مو جاييني نوم جمال:مشوب يعني رماح:من كل الجهات بس ليش مابدك افوت للبيت جمال:مو نسوان بس بس رماح:لك احكيلي يعني بدي استحقرك اكتر من هيك جمال: لعمى ما اوسخك رماح: يلا احكيلي جمال:.. رماح:بدو يجنني جمال: الشغلة سرية للغاية رماح:مخي صار يحكني جمال:ههه عندي بضاعة وعم افرزها رماح:بضاعة؟؟ جمال:قلتلك سري للغاية وقف عن المشي واطلع فيه جمال:لا تطلع هيك رماح:وانت شو بدك بهالبضاعة وكان فيك تخبيهن عني ليش قلعتني جمال:ما لحقت اخبيهن و... رماح:ووين بتروح فيهن جمال:بسلمهن للتاجر وهو بيعطيني نسبة من الربح رماح:.. جمال:تشاركني رماح: وكبير المبلغ جمال: بالعملة الصعبة رماح:وشو المطلوب مني جمال:هي فيها خطورة شوي انت وحظك رماح:ازا للحظ معناتو مالي مصلحة جمال:انا بالاسبوع بخاطر مرة وبجيب البضاعة بالبيت بفرزهن وبسلمهن للتاجر رماح:وحرام ولا حلال جمال:دخيلك مابقى فرقت بدنا نمشي امورنا والا شفتني بشحد رماح:وماعندك سهرة جمال:لا لحتى ازبط الوضع رماح:يلا بدك شي جمال:لك وين رماح:كنت جاي اشكيلك بس هلا غيرت رأيي جمال: شو صاير رماح:بدي اخطب والحالة زفت جمال:والله لو بايدي مبلغ لاعطيك رماح: ما بتقصر مابدي اعطلك روح كمل شغلك بقلبو:معك ومشالله عنك بس بتعرف ازا اعطيتني من سنة مارح ارجعهن كان مقهور من لهجة ابوه معو من قسوتو عليه وكيف بعاملو وبفضل كل اخواتو عليه من تعبو فات دغري للغرفة واتمركز بمكانو وما اجاه نوم بسبب التفكير ....... ناهدة:ليش اخدت منو المصاري ابو رماح:ما بيتمسك مصاري ابدا ناهدة:كانو ما بدو يعطيك ابو رماح:اي بعرفو بخيل وما بيسخى ومتأكد اعطاني اياهن بدون نفس ناهدة:بس هو عم يجمع ليتجوز ابو رماح:اي بس ينوي انا بجوزو ناهدة:بتساعدو ابو رماح:اي اكيد بس يشوفلو بيت تاني ناهدة:اي الله يخليلك اياهن وتفرح فيهن كانت بدها تخبر رماح بهالحكي وفرحت مشانو ...... ما اقدرت انام كنت عم افكر فيه ومتأكدة انقهر وضاح من الي صار وياريت يكون اتبهدل لانو بدو بهدلة وحتى امي متغيرة وصايرة وتحكيني بطريقة غريبة معقول امي بدها اترك الشغل واسلمو لناس غريبة على جثتي وازا ما اجى غياث واتفقت معو مارح اترك الشغل ... قبل يطلعو للشغل وقفتو ناهدة واستغربو هو وجراح ناهدة: رايحين رماح:عندك مانع ناهدة:مبارح حكيت مع ابوك وهو ناوي يجوزك رماح:شو هالحكي ناهدة:ليش عم تتمسخر رماح: وشو المطلوب مني ناهدة:ولاشي بس انت افتح الموضوع معو طنشها ومشي جراح:فوق مو مهتمة فيك رماح:لو فيها خير بتاخدو من جيل ابوها جراح:لك انت من وين بتفكر رماح: يعني هي حنونة علينا جراح:ما شفنا منها شي رماح:ضربني مشانها جراح:... طنش كلامو لانو عنيد كتير كان راحو للشغل وبلشوا كمان ووقت اجت اصايل انتبهلها كانت لابسة اسود باسود وفاتت للاستراحة ..... كنت هلأ واصلة واستغربت صوت وحدة من العاملات طالع اطلعت لاشوف شو القصة واسمعت مهجة:انت ماعندك اخوات بنات رماح:لك مين قرب صوبك مهجة: بدك تكزبني شو حكيتلي انسيت رماح:ما حكيت شي اصلا مو شايفك ولا بدي اشوفك مهجة:قليل ترباية يلعن شرفك كان بدو يهجم عليها بس اخوه منعو ودغري رحت لاتدخل أصايل:شو عم يصير هون كانت مهجة عم تبكي مهجة: مابعرف شو بدي احكيلك رماح:لانك كزابة مافي شي تحكيه مهجة:شو مصلحتي اكزب أصايل: طيب تعالي معي رماح:انتي بدك تسمعي منها سدءيني كزابة لا حكيتها ولا شفتها دموع مهجة بغزارة عم ينزلو. ....... الحلقة الثالثة عشر بقلمي:مايا الحجازي بالاستراحة كانت مهجة تتهدا وانا شبه مصدومة من الي صار اول مرة بصير هيك شي عنا أصايل:احكيلي مهجة:والله بخجل الحكي الي حكاه عيب ينحكى أصايل:وليش الك مليان عاملات هون مهجة:حكالي انتي متجوزة وانا بحب المتجوزات صدمتني ما عم اسدء يطلع منو هالحكي مبين عليه أدمي أصايل:ايمتى هالحكي مهجة:خليني احكيلك من الاول كنت على طول انتبه انو عم يتطلع فيني وانا اطنشوا وبحس انو بدو يلاحقني ويمكن عرف وين ساكنين لانو صار هو يوصلنا ويمكن بفكرني من النسوان الخفيفات أصايل:بس كتير المتجوزات ليش انتي مهجة:كأنك مو مسدءيتني انتي أصايل:مستغربة الصراحة انا ولا مرة صار عندي هيك شغلات مهجة:شايفة انا من زمان بشتغل عندك بس ليش من وقت اجى للشغل صار أصايل:بس صرلو مدة مهجة:خلص قولي اني كزابة أصايل:لا ابدا وازا هو عنجد عندو نية سيئة رح اقلعو من الشغل مهجة بخوف: لا لا خلص يسطفل انا ما بقى اكون لحالي أصايل:بس شو حكالك مهجة:والله بخجل وبعد محاولات حكتلي وانصدمت بزيادة أصايل:طيب اتتي روحي ل شغلك ........ لساتو عم ياخد نفس من هالتهمة الباطلة جراح:يا زلمة انت كنت عنجد بدك تضربها رماح:وبدي امسح فيها الارض لك اتبلت عليي جراح:انت جانن اخي رماح:اتفضل ليكها هلا طلعت من عند المتريسة بتكون اللفت حكاية كزب جراح:طيب لا تضل معصب رماح:انا مابدي اخسر شغلي عم تفهم جراح:موبايلك اصايل كانت عم تتصل ودغري رد عليها أصايل:وينك انت رماح:بالبستان أصايل: ناطرتك اخد نفس طويل ونفخو رماح:والله خجلان منها جراح:لك ليش عامل شي رماح:لا بس مابعرف شو مخبصة هديك جراح:روح يلا مدامك مو عامل شي كان متردد كتير وقف عند الباب شوي ودغري دق عليه من برى انتبهتلو دغري أصايل:اتفضل قعد ومبين عليه انو خجلان منها رماح:انتي سدءتي أصايل:ليش عامل معها هيك رماح:مو عامل شي والله شو حكتلك أصايل:انت بدك تحكيلي اسمعت من طرفها لانو رماح:والله مافي شي من فترة رمتلي ورقة ومكتوب عليه رقم وانا طنشتها وبعد ما راح منذر من هون اجت وحكتلي ليش ما اتصلت فيني أصايل:وليش من قبل ما صار هيك شي رماح:اااه يعني هي سادءة وانا كزاب واجيت وجبت الوساخة معي أصايل:من زمان بتشتغل عندي ولا مرة صار هيك شي رماح: انتي شايفة عليي شي يعني أصايل:لا ابدا بس ما اتوقعت منك رماح:... أصايل:انا بدي تثبتلي انو تهمة رماح:... أصايل:وساعتها بتضل بشغلك رماح:متل مابدك وعنجد اسف على الشي الي صار رغم انو ما دخلني أصايل:فيك تشوف شغلك طلع لبرى كان جراح ناطرو ومشيو سوى جراح:شو صار رماح:بدي أثبتلها انو تهمة جراح:وشو بدك تعمل رماح:مافي غير اتصل ب مهجة وتسمع المكالمة المتريسة جراح:لك بلكي عرفت اتزكر قبل المشكلة شو حكتلو مهجة:مابدك تتجاوب معي رماح:وازا اتجاوبت مهجة:رح تكون مبسوط رماح:وازا ماا مهجة:رح تندم رماح:ههههه شو بدك تعملي يعني مهجة:عم تتمسخر موو.... وبلشت تبهدل فيه بصوت عالي جراح:وين سرحت بحكي معك رماح:ما اسمعتك جراح:بلكي عرفت مهجة رماح:مارح تعرف جراح:بس عنجد ليش بس انت رماح: شو قصدك ولاه جراح:هههه بمزح معك ولوو بعدين حدا عندو لينا وبيطلع على عبسي رماح:هههه خلص ولاه رجع شرد ومقهور من الي صار ........ جمال بطريقو لعند رماح واتصل فيه جمال:كيفوو رماح:اهلين جمال جمال:بدي عنوان شغلك رماح:شوبدك فيه جمال:خلص يازلمة قول مابدي اياك رماح: انت وين جمال:صرت عند التقاطع رماح:كمل دغري والبساتين على يمينك جمال:اوكي سكر وكمل طريقو ولانو غشيم فات من اخر البستان وصفرلو رماح وانتبهلو سلم عليه بحرارة كانو بعمرو مو شايفو رماح:ايديي ولوو جمال:ليك عندي الك خبر رح تبوس ايدي عليه رماح:هههه شو هو جمال:شفتك بمنامي رماح:وعند مين فسرتو جمال:ع الجوجل وتفسيرو خير رماح:وليي ليكون بدي اموت جمال:ههه لا قال ارزاق واموال وطاقة فرج رماح:هههه يا الله وكنت متوضي ولا منجس جمال: لعنة الله عليك رماح:ههههه ليك صايرة معي شغلة وعايف حالي جمال:اي شو هالبستان اشو هالارض المرتاحة رماح:خليك عندك انتبه جمال لأصايل طالعة من الاستراحة بقي يتأملها لانها جاية صوبهن ورماح راح يجيبلو كاسة شاي وهداك مو شايف ولا سامع شي بس مراقب مشيتها لبسها الغير مألوف لاول مرة بيشوف هيك صبية ولساتو مصدوم وشوفتها كركبتو جمال:يا ارض احفظي ما عليكي وقت شافها مع رماح واقفة راح دغري وما أخفى اعجابو ابدا انسحر بجمال طبيعي لانو الي بيعرفهن كلهن جمالهن مزيف ومكياج وانتبه انها ناعمة كتير رماح:هييي وين صرت جمال: ما عرفتنا رماح:المتريسة جمال: اهلا وسهلا اتشرفت رماح:رفيقي جمال واسف انو بزيارتي وانا بشغلي مد ايدو لهيك انحرجت منو ومدت ايدها حس بنعومة مو طبيعية وحتى رماح لاحظ انو بقي ماسك ايدها وانقهر لانو بيعرف انو عاطل أصايل:عادي اهلا وسهلا فيه لاحظ انها بدها تسحب أيدها من ايدو لهيك صحاه رماح:جمال جمال:اهلين فيكي ترك أيدها بس ما وفر على حالو ولا نظرة أصايل: ناطرة منك الرد رماح:ولايهمك المسا بشوفك اصايل: بالانتظار بعد ما راحت بقي واقف متل المسطول ورماح اطلع على أصايل وهي رايحة ومن قهرو منو دفشو لحتى صحي وانتبهلو رماح: شبك ولاه ليش انسطلت جمال:سو اسمها رماح:جمال يرضى عليك شيلها من بالك جمال:معقول في هيك ع الواقع ياربي شو هالملامح رماح:انوو ملامح شبك يا زلمة جمال:سمار بيشل وملامح اااخ بتتاكل رماح:لك خلص شو عم تخبص جمال: انسى انسى رماح:... جمال:صحيح اللبس صبياني بس البشرة ناعمة لدرجة معدل ضربات قلب رماح زادت بدون سبب واتزكر كيف كان ماسك ايدها واتزكر رماح وقت صافحها كيف حس بنعومة ايدها وانقهر بزيادة على الي بيخطر ببال جمال رماح:جمال شو بتخبص جمال:هي الي بيقولو عنها سمار بحلا رماح:انت مابدك تزوق بقى قعد بالارض جمال واتربع كمان ورماح صار يخبط ايديه ببعض جمال:هالاسمراني بحبو رماني كرمال المحبوب عيوني سهرانة رماح:خلصت؟ جمال:انا مو منيح رماح حس عليه انو عنجد مو منيح رماح:شبك اول مراة بتشوف وحدة جمال: اديش شفت واحلى من هالبنت ما شفت رماح:شو عجبك فيها ....... الحلقة الرابعة عشر بقلمي مايا الحجازي جمال:قول شو ما عجبني سبحان الي خلقها رماح:ليك جمال انا بعرفك اكتر من حالك لهيك عطالتك مو هون جمال:وانت شو دخلك بعدين انت بتشاورني بتحكم فيك رماح:بس انا ما اوصلت لعطالتك لحد الآن جمال:لو صحلك ما بتقصر رماح:. جمال:فيك تسكت شوي بدي استفرد بعواطفي رماح مقهور ومصدوم من ردة فعلو ما اتوقع يعجب فيها بعد ما شبع جمال سرحان جمال:ما قلتلي شو اسما رماح: بالاول فهمني شو صاير معك جمال:انا من زمان بدور على وحدة بهالمواصفات وجمالها ملفت وفريد من نوعو بتعرف انا كل الي بعرفهن من هديك النوعية طريقة لبسها لفتتني كمان رماح:يعني من الاخر شو بدك جمال:اتقرب منها رماح:والنهاية؟؟ جمال:ما وصلت للنهاية لساتني بمرحلة الاعجاب رماح كيف بدي اتقرب منها رماح:انت شايف انو ممكن تعطيك مجال جمال:ليش لا شو اسما رماح بغيرة:مو شغلك اسمها جمال:ترى مو صعبة عليي بجيب الاسم والعنوان والخانة كمان رماح:ليك هي صارت تعرف انك من طرفي واي غلطة منك معناها انا راح عليي شغلي جمال:والله جد هالمرة رماح:.. جمال:انا افهمت انك مواعدها رماح:والمعنى جمال: خدني معك والله ما بحكي ولا بعمل اي شي رماح:ليش ناوي تضل بالبستان جمال:ويمكن اصير مرابع عندها رماح:.. بقلبو:ايوا هاد مابدو يمضيها على خير رماح:طيب اشرب شاي جمال:بدي شي يبرد على قلبي مو يزيد الي فيني رماح: الله يكملك بعقلك كان رماح يتزكر ملامحها لبسها طريقة حكيها وكيف انو لابقلها تكون متريسة وعندها قوة شخصية وحس انو غيران عليها من جمال بس ما بيعرف شو عم يصير معو ..... على طاولة الغدا كنت سرحانة بنفس القصة ومارح ارتاح ازا ما انعرفت الحقيقة بس رماح كتير طبيعي ومو خايف وهالشي بأكدلي انو بريء وكمان وقت حكيت ل مهجة رح اقلعو دغري حكتلي لا لا مبين تهمة مو اكتر لايمتى رح اضل متجاهلة مشاعري تجاهو وبعدين مبين انو في بحياتو حدا ولازم ما ابين اني معجبة فيه ابدا المسا رسالتو عدلت مزاجي رماح:بدي اشوفك بنفس مكان الحادث بقلبي:لاشوف شو القصة موفق:شو كيف الشغل والمحصول. اصايل:الحمد الله موفق:مع انو وضاح واعد تاجر مشان حمل وكان مضطر عليه أصايل:كنت مرتبطة مع شركة تصدير موفق:يعني احسن أصايل: كلو واحد ماما:وايمتى بيخلص المحصول أصايل:خلصو ماما:يعني مابقى تروحي للشغل أصايل:بروح ما وراي شي ومنو بشيك على الشغل ماما:وين رحتي بالمصاري أصايل: كنت متدينة من جماعة وسديتهن ماما:اوف من ايمتى بتديني أصايل: اضطريت ماما:يعني مافي مربح من هالبساتين أصايل: أجارات للعمال والنواطير وكمان في حرث الارض ومبيدات حشرية لا تنسي هاد كلو بكلف وكمان حكيت مع مهندس زراعي بدو يهتم بالشجر الشغلة مو متل مو مفكرين بس اخد عملة في مصاريف كتيرة موفق:ليش بتسمعينا ليش انا لشو بدي استلم عنك لحتى اريحك من المسؤولية أصايل:لا تزعل مني بس انا هالشغلة عاجبيتني مو مشان المصاري والمردود بس انا بحب الأرض والخيرات ماما:لو كملتي دراسة أصايل:مارح أفلح طمني بالك اشبعت واطلعت ارتاح مفكرين انو اصايل صغيرة ومابتعرف لشو كل هالتلميح والي ببالهن ولا يمكن يصير طالعت تياب ولو هاد ستايلي بس حابة الفت رماح بأي طريقة اللبست جينز غامق وبلوزة سودة وجاكيت نصي جينز وساعتي بأيدي ضميت شعري واللبست الطاقية والبوط وانزلت وبأيدي موبايلي وبطريقي لمكان التقيت فيه اول مرة عادي بنطرو وبتسلى لحتى يوصل شغلت سيكارة وناطرة يشرف الافندي ...... كان جاهز مشط شعرو وحط الورقة بجيبتو انتبه انو التوأم عند الباب واقفات رماح:خير اخلاص:وين رايح رماح:وشو دخلك انتي كوثر:خدنا فتلة بالسيارة رماح:سيارة ابي لانها اخلاص:امانة يا رماح رماح:عندي موعد مهم كوثر:خلينا نروح لعند تالين رماح: ليش ماهي تزوركن اخلاص:بيتنا صغير رماح:بس تزوركن مرة في احتمال افكر بالموضوع كوثر:وليش مهتم بحالك هيك رماح:هيك اخلاص:مواعد وحدة رماح:انتن من وين بتعرفن بهالقصص كوثر:مبينة رماح:ولو مبينة انا من جيلك وجيلها لتحكولي هالحكي اخلاص:اسفين بس ازا مواعد لينا اخي مو لمصلحتك رماح: وبعدين اختفن من خلقتي يلا ما عجبهن كلامو ولا هو عجبو نقاشهن اخد موبايلو وطلع من البيت تمشاية مو مستعجل بنوب بقلبو:ليش انا متدايق من اعجاب جمال فيها؟ اي لاني بعرفو نواياه سيئة وما بيصلح للعلاقات الجدية وشو بدو باسمها.... وليش اتخربط من شوفتها.... معقول حبها من اول نظرة....بس شو المميز الي خلاه بهيك حالة وليروح يعملها ويصير يشتغل معنا ...بساوي ابوها مشان ال لك لا لا مو حاببها بدو يتسلى.... ليش مهتم رماح اصايل مو جدبة وذكية لدرجة ما بينخاف عليها وبلكي محتاجة اهتمام واجى بوقتو.....لا ما بسمح يقرب صوبها لعدة اسباب واهمهن انو مخبص لشبعان....وانها وحيدة...انا ماشفت حدا من اهلها معها.....بس هداك الكلب ابو صلعة... وكمان بيرفع ضغطها .. معقول وحدة بعمرها تكون متريسة ومسؤولة عن كل هالبساتين طيب ما بخافو عليها اهلها وكيف مأمنين عليها سمع صوت خطوات وراه التفت ليشوف جمال وانصعق من شوفتو رماح: ليش ملاحقني جمال:مو اتفقنا اروح معك رماح:لا ما اتفقنا اتواجهو ولتنين بنفس الطول جمال:انت اعتبرني غريب رماح:عم تسلبها يعني جمال: بضل بعيد مابقرب منكن رماح:انت شو بدك منها جمال:قلتلك معجب عندك مانع؟ رماح:.. حس انو مخنوق من هالحكي رماح:اي عندي..وقت تكون اتعرفت عليها بسببي بكون عندي مانع ومستعد أخبرها عن كلشي في حال صار وبادلتك الاعجاب جمال:اوف ساويت حالك ملائكة ليكون من باقي عيلتك اسمعني انا حطيتها براسي وغير الي براسي مابصير رماح:ايه وتحدي الك انا كمان حطيتك براسي وغير الي براسي مابصير. طبعا كملو مشي بس مو طايقين بعض بنوب رماح:روح لشقة الخلع وكتير عليك جمال:بتعيرني يعني اي ما بخجل وعادي عندي رماح:لا بس انا بشوف انو ما بتناسبك بنت عالم وناس جمال:ههه اي وانا بشوف انو بتناسبك لينا رماح:اي وغصب عنك جمال:ههه رماح:لك ليش عم تضحك جمال:لا بس اتزكرت انو جراح بغنيلك 😂 رماح:انت رايح على شي عزيمة جمال:خلي كتلة الجمال تشوف الاناقة وبدون ما يحس على حالو رماح اتمايز لبسو