عشقت هواك - الفصل 3 | روايتك

الجزء 3: بقلمي: مايا الحجازي جراح:افهمت عليك رماح:دخيلو الفهيم كملو شغلهن متجاهل نظرات مهجة وكل شوي تلمحلو مشان الرقم واخر شي رمتلو رقمها بجنبو وهي ماشية بالاول اتردد بس بعدها حطو بجيبتو ولمحها واقفة مع منذر بقلبو:معقول اخوها.....وشو بدها مني يا ترى مستحيل يكون شي عادي هههه يعني لو عندي هالشغلات والله مو فاضي احك راسي مو اتواصل معك يا ..شو كان اسما...اي مهجة هههه يا مهجة الفؤاد جراح:والله وصاير تعرف تبتسم رماح:شو شايفني ولاه جراح:ليك الوقت عم يتأخر وشكلها المتريسة عندا مشوار روح اطلب منها ترجع قبل تروح رماح:وهو هيك بس مابدي اوصيك جراح:ولايهمك راح لعندها دغري كانت عم تحكي مع منذر كمان وهو بقي مستمع للتنين منذر:اليوم خلصو شغلهن وبكرى بكونو هون أصايل: يعني كتار منذر:اي صبايا وشباب وبس بدهن شغل هون ساكنين على طراف البلد أصايل:اتفقنا خود رجع العمال انت منذر:ليش وين لمعلم وضاح أصايل:بكون حردان وخلي السيارة معك منذر:ولايهمك أصايل:شوفي رماح رماح:عندي طلعة ضروري أصايل:بوصلك بطريقي رماح:لا مابدي اعزبك بس استاذنت منك أصايل: اطلاع انا هيك هيك راجعة للبيت طاوعها بكل سرور ولعيون كلها عليهن ودغري فتح معها الحديث اول ما قعد بالسيارة رماح:مع اني مو فضولي بس في مشاكل من قبل بينك وبين ابو صلعة وقت ضحكت خلتو يبتسم أصايل:قصدك وضاح رماح:اي في غيرو أصايل:مشاكلنا مشان البستان هو بدو يستلم مكاني وانا رافضة رماح:مافي غيرك أصايل:لا رماح:الحق معك ما الو امان لانو أصايل:كتير مو شوي...بس ما خبرتني وين مشوارك رماح:انتي نزليني اول التقاطع أصايل:انا حابة افتل رماح:مطرح ما وصلتيني هديك المرة أصايل:اي اتزكرت بعدها وقفت عند مطعم أصايل:انا ما حاسبتك رماح:جراح هنيك أصايل:ماشي بدك شي من هون رماح:لاسلامتك اول ما نزلت اتأملها وكيف ماشية بقلمي مايا الحجازي فتح الدرج وانصدم كان في مصاري ومسدس دغري سكرو وندم لانو شاف شو معها رماح:لك انت من ايمتى بتفتش للناس رجعت وهو حس بالخجل منها لهيك اتكتف واطلع على جنب ........ بعد ما وصلتو نزل دغري رماح: شكرا ع التوصيلة اصايل: ولا يهمك انت هون ساكن رماح:اي اتفضلي أصايل: شكرا امي ناطريتني بقي واقف لحتى اختفت من المكان وكمل لجوى شاف لينا برى لهيك ارتاح اشرلا على ايدو بمعنى شوي وراجع وكأنها فهمت عليه كمل للبيت دق الباب مرة ومرتين وبعدها فتحت ناهدة وانصدموا لتنين كانت بدون حجاب ودغري بعد نظرو عنها ناهدة:اسفة والله فوت طبعا بعد ما لبست على راسها فات دغري مو عاجبو كل الوضع دق باب غرفة اخواتو ناهدة:راحو لعند تالين رماح:لكن وين بابا ناهدة: مو هون اخد تيابو وفات يتحمم ويحلم بلحظة اللقاء ومبسوط لانو شافها ومو مسدء ايمتى يطلع من البيت لبس تيابو ومشط وبالغرفة اتعطر ولبس البوط وطلع من البيت ولا كأنو من شوي كان بحالة يرثى لها والاحسن تكون جاهزة وناطريتو راقب هو الطريق بس هي ما همها دغري مشيت حدو رماح:سلام لينا:اهلين رماح:ليكون عطلتك لينا: لاا ابدا بطريقهن للحديقة لينا:انا قلت رماح تقيل لدرجة ما بيحاكيني رماح:لو معي رقمك بقصر بس كمان نهاري كلو شغل لينا:وبالليل رماح:بنام بكير لينا:شو صار اليوم ليش راجع بكير رماح:مشانك مثلت الخجل بس هو مبسوط لدرجة اول مرة بيبادر يحكي مع بنت قعدو بالحديقة بعد ما اشترى عصير لينا:ما اعطيتني رقمك رماح:اي سجلي عندك طبعا يتأمل ايديها ونعومتهن وكانهن حرير وبشرتها وملامحها الناعمة بقلبو:شو هالجمال سبحان الي خلقك ولسى عن قريب احلى وانعم وووو قلبو يدق بسرعة ومبسوط كتير لينا:منيح شغلك طبعا لتبلش تسحب وتطلب رماح:الحمد الله لينا: ليش ما بتشوف شغل تاني رماح:والله ما خطرلي يعني نوع الشغل بهمك لينا:لا انا بقصد مشان ترتاح رماح:ما بأثر المهم لقمة حلال والباقي بيتعوض لينا:تعبك وجهدك شو بعوضهن. رماح:عندي أمل انو يتحسن وضعي لينا:ازا ما الواحد سرق ما بصير رماح:ههه انتي شو عم تحكي لينا:اي فكرك كل حدا معو مصاري من وين رماح:شوبعرفني بلكي ورتة لينا:ومين ورتهن ومن وين الو رماح:طيب ما علينا من الشغل انا معجب فيكي كتير وحابب اتقرب منك لينا:وانا كنت بتمنى تحاكيني رماح: وانا متلك اديش عمرك لينا:٢٠ سنة رماح:والله؟مبينة اصغر لينا:وانت رماح:حطي احتمال لينا:بالتلاتين رماح:والله انك شاطرة بس ليكون مبين عليي اكبر لينا:مببن بعز شبابك رماح: بتدرسي لينا:مسجلة معهد لغات رماح: منيح بقلبها:اتلحلح وامسكلي ايدي ولي عليك ما احلاك ولا ريحة هالعطر اي شو جاب منظر فوتو للحارة لهلا اديشو مزوق ومبين رومنسي ورح يعجبني وانا رح أعجبوا ..... بعد العشى حبيت ازور رماح واغير جو وهيك هيك بتعرف على بيتو مفكرني جدبة بعرف انو هنيك ساكن انا بقصد وين بيتو لحتى ما ادور عليه ماما:وين رايحة أصايل:من ايمتى بتسأليني ماما:كيف يعني من ايمتى بنتي وبدي اعرف وين رايحة كان مبين انها معصبة وكانو جوزها السبب أصايل:لعند لمار ماما: ماشي بس لا تتأخري أصايل:. اطلعت دغري مو عاجبني كل الوضع بالبيت ولا شوفة الي ما بتسمى شغلت اغاني لاغير تفكيري وبطريقي لحارة رماح ............. كان برى برودة الصيف مخليه قلبو يعزف بحب ل لينا مو مسدء انو حاكاها واتزكر بهدلة ابوه اول ما رجع للبيت بعد مشوارو معها ابو رماح:تاني مرة بترجع مع اخوك رماح:اضطريت وبعدين هو مو صغير ابو رماح:اي بعرف بس هالمرة صارت تاني مرة اوعى ترجع بدونو بقلبو:اي خايف على مرتو والا شو الو داعي التعصيب صحي من شرودو اول ما صفطت السيارة ونزلت اصايل وقف دغري وراح لعندها رماح:اهلا وسهلا رحب فيها وهو يشوف الجيران والناس وخجلان من هالموقف أصايل: اهلين فيك شو مافي اتفضلي رماح:... اتردد بالاول بس استحى منها معلمتو بالشغل رماح:اي اتفضلي أصايل:ليكون اجيت بوقت غير مناسب رماح:بتشرفي بكل الاوقات بس يعني انو البيت مو من مقامك أصايل: شو عم تحكي انت..هون سهران رماح:لا منقعد جوى أصايل:لا هون احلى بقلبو:يا حبيبي عالمباشر يعني قعدت بدون تردد وهو فات وخلا اخلاص تعمل الشاي #يتبع .......... الحلقة التاسعة بقلمي: مايا الحجازي كنت أتأمل سكون الحارة رغم انها مليانة ناس يا ريتني عايشة هون بهيك حارة ولو حارة شعبية رجع رماح وحسيتو خجلان من زيارتي الو رماح:كيف خطرلك تزوريني أصايل:يعني ضجر والجو حلو برى بس مابعرف كأنو اجيت بوقت مو مناسب رماح:بالعكس بس لو جوى مو احسن أصايل: انا جاية اغير جو شوي وطلعت صبية صغيرة وجايبة معها الشاي أخلاص: مسالخير أصايل:مسالنور رماح:... ضيفتني وضلت واقفة رماح:ليش واقفة عندك أصايل:ما عرفتني عليها رماح:مو زابطة تشوفيها لحالها ودغري طلعت وحدة بتشبهها توام حقيقي رماح:هي أخلاص وهديك كوثر سلمت عليي وبقيت واقفة بجنب اختها ابتسمت وقت شفتهن مو مختلفين الا باللبس كوثر:خلينا نسهر معكن رماح:... أصايل:اي وكمان ما عرفتهن عليي أخلاص:خبرني انك المتريسة بالشغل أصايل:وحكالك شو اسمي أخلاص:لا والله أصايل:ليكون انسيتو رماح:ههه لا ابدا اصايل اخلاص:حلو اسمك كتير رماح:ليش واقفات قعدن دغري مبين عصبي عليهن وبخافن منو أصايل:كيف الدراسة رماح:قصدك كيف التخفيق بالطرقات شهقن سوى كوثر:الله يسامحك رماح:كيف بتروحن لعند تالين اخلاص: اخي مو حلوة تبهدلنا قدام لضيوف يا ويلي كيف معصب منهن رماح:بصير خير أصايل:باي صف كوثر أخلاص: تامن أصايل:ما بتنطاق الدراسة كوثر:انتي مو دارسة أصايل:امبلا بس بالغش نجحت رماح:وجبتي معدل منيح أصايل:لا شحط😂 رماح:ههه المهم معك شهادة بجية جراح ومبسوط كتير جراح:زارتنا البركة والله أصايل: كيف التوصيلة اليوم جراح:احسن من ابو صلعه ..... ضحكو على نبرة جراح بالحكي وشوي طلت مرت ابوهن من الشباك ورجعت سكرتو ناهدة:عند ولادك في ضيوف ابو رماح:مين؟ ناهدة:صبية ...شو حكتلك سهيلة ابو رماح:بدها رماح يزورها وما معها رقمو ناهدة:ليكون في من وراها شي ابو رماح:بقلعو من البيت ازا بيسمع كلمتها ناهدة:لا شو تقلعوا مو صغير ابو رماح:طول بالبيت وقت رجع من الشغل ناهدة:كنت بغرفتي مابعرف ايمتى راح ابو رماح: وانشالله كنتي مفرعة ناهدة:لا يوه شو هالحكي ابو رماح:انا بعرف شو مربي بس كمان الشيطان ملعون ناهدة:اله يسامحك بس ابو رماح:خلص افرديلي هالوش ما بحب ازعلك ناهدة:بتعرف شو مربي مو واثق فيني يعني ابو رماح:وبعرف شو عندي بس قلتلك الشيطان ملعون قلبت خلقتها من كلامو ولهجتو ......... لساتهن برى والضحك والمزح بين جراح واصايل شغال ومع القهوة شغلت سيكارة الها وضيفتهن ولاحظ كيف اخواتو انصدمن وماعجبو ابدا الوضع جراح:بتعرفي اكرهت اسمي أصايل:ليش بقى جراح:لانو على وزن وضاح أصايل:روح للنفوس وغيرو جراح:ياريت والله مو بس مشان وضاح دفشو رماح دفشة خفيفة على كتفو رماح:شو قصدك ولاه جراح:انتي حضرانة أفلام كرتون أصايل:ييي كتير جراح:سمعانة ب رماح ولينا عصب بعد ما سمع ضحكات اخواتو رماح:وبعدين؟ أصايل:انا بعرف عدنان ولينا جراح:هههه لكن راح نص عمرك أصايل:بتمزح مو رماح:هو شوي فيو وشه جراح:وشه موو أخلاص: عندك اخوات بنات أصايل:لا انا وحيدة أخلاص:وين اهلك أصايل: ساكنة معهن أخلاص:واكيد عندك اخوة شباب أصايل:بس مسافر انا تأخرت صار لازم امشي جراح:والله بكير اتسلينا أصايل:بكفي عندي شغل بكرى بخاطركن ودعوها بس رماح مشي معها لعند السيارة أصايل: انسيت اخبرك منذز ساكن بسهل والسيارة عندو مو مأمنة شو رايك تصير توصل العمال انت. رماح:ازا هيك بدك ماعندي مانع أصايل:تصبح على خير رماح:عيديها أصايل:الايام جاية رماح:امان الطريق أصايل:ليش بتسأل رماح:ازا بدك بوصلك أصايل:لا امان الحمد الله رماح:بالسلامة ضل واقف برى واجى جراح لعندو جراح:شووو ليكون معجبة فيك رماح:شو اتفضلت؟ جراح: والله ما خطر ببالي غير هيك رماح:وانت شايفها مناسبة الي جراح:هههه لا بلبسها الصبياني مابتناسب ولا زلمة رماح:انا رايح لعند جمال جراح:خود مفتاحك معك رماح:.. ضل مكمل لبيت جمال وبطريقو لمح شباك بيت لينا مفتوح واصواتهن طالعة بس ما اهتم كتير لانها مو ساكنة لحالها مع امها واخواتها البنات طلع لبيت جمال دق الباب وسمع صوتو من جوى جمال:يلا يلا فتحلو وهو شبه جاهز للمشوار بدون نفس حكاه وأيديه بجيابو رماح:وين الهمة جمال:فوت ولوو فوتو تدفيش لجوى رماح:وين رايح جمال:عندي سهرة بسط وكيف رماح: ايمتى جمال:بعد شوي حول رماح:الله غناني وبنات وهيك جمال:قول نسوان بنات مين😂 رماح:لكن روح بلا ما اعطلك جمال:شو كليوم بدك تزورني وسط رماح:لا تساوي شي هلأ اشربت جمال:افردها ولوو شبك رماح:ما عاجبني وضعك جمال:ايي وشو بدك فيني انت عاجبك وضعك رماح:لا جمال: ههه ازا هيك ماعليك لوم شو كان عندك ضيوف رماح:اي جمال: يعني حدا من ولاد خالتك نازل من الخليج رماح: شو عرفك جمال:مبينة السيارة رماح:هههه ليش شفتها جمال:من بعيد مبينة رماح:اي منيح لبس الجاكيت جمال وطلعو سوى نازلين على الدرج جمال: مدامك سهران حول رماح: لو ما كان عندي ضيوف كنت نمت هلكان جمال: وهنيك في نوم وبتعملك مساج بتريح اعصابك وانت بتكون مخدر على الدلال رماح:مساج مجاني جمال:هههه انا بعطيك رماح:صاحب واجب ما بتقصر برى حاول يقنعو عنجد جمال:طاوعني ما بتندم بقلبو:مستحيل اقبل العرض جمال:لسى بفكر والله لتكيف رماح:لا اتهنى انت ودعو ورجع للبيت تمشاية بغرفتهن كان جراح سهران على دخان ومشغل اغاني الصوت طالع من السماعات لهيك اتصل ب لينا رماح:مسالخير لينا:نطرتك كتير رماح:كنت عند جمال مبين في سهرة لينا:اي جارات امي شو عملت بس ارجعت رماح:ولاشي لينا: اشتقتلي رماح:مابتروحي من بالي كتير اشتقتلك لينا:من زمان بتحبني رماح:بعد ما شفتك واتسايرنا كتير حبيتك لينا:حبيت شكلي ولا لبسي رماح:كلك على بعضك بتجنني ياريت يتعدل شغلي ونخطب باسرع وقت لينا:مو طالبة شي بس نكون قراب من بعض رماح:وانتي بتحبي نكون قراب من بعض لينا:مو متل مافكرت بس بقصد رماح: وعادي ازا بالحلال وين المانع صارحيني لينا:بشو رماح:في بحياتك حدا لينا:لا شو عم تحكي انت رماح:بس حبيتي لا تنكري لينا: كان شي مولدن يعني صف تاسع رماح: وهلا مابتحكي مع غيري لينا:شو شايفني بايعيتها رماح:بطمن مو اكتر بقلبو:بتحكي ومشالله عنك الحلقة العاشرة بقلمي: مايا الحجازي لينا: ليكون مفكرني فلتانة رماح:لك وين راح تفكيرك سؤال وبس لينا: ليش سألتو وازا مو واثق فيني ليش حكيت معي رماح:عادي كل حدا فينا بمر بتجارب وبيضل يستكشف لينا:ما بحاكي حدا ومو لهدرجة رخيصة رماح:مدامك قلبتيها جد تصبحي على خير لينا:خلص لا تزعل بس لا بقى تسأل هيك اسئلة رماح:شو اتغديتي لينا:هههه هاد سؤال رماح:لكن شو اسألك بهيك وقت لينا:انت شو عامل رماح: يعني ناوي ع النوم لينا:ولحالك بالغرفة رماح:لا اخي معي لينا:متلي يعني رماح:وهي نقطة مشتركة اي ساعة بتنامي كان ع وشك النوم غمض وراح فيها لينا:ما بحب السهر كتير.......وانت....رماح...الووو لك وين رحت...شه فصلت الخط بعد ما حاولت يرجع يصحصح معها وقت شافو جراح رايح فيها بعد الموبايل عنو بقلبو:ليش احساسي بخبرني انو المتريسة حابة تتقرب منك ولنفس السبب الي ببالي ورماح حابب وعشقان لهيك ما ممكن يفكر فيها او يخطرلو الي عم يخطرلي ...... أخلاص:نمتي؟ كوثر:لا مابتروح من بالي اخلاص:قصدك اصايل كوثر:هههه شفتي شو لابسة😂طالعة بتشبه الصبيان أخلاص:هي متشبهة بالصبيان يمكن حلمها تكون شب ولا سيكارتها ياعيب عليها كوثر:نفسي اكون حرة متلها اخلاص:شكلك بلشتي تحلمي كوثر:لا صاحية بس عنجد نفسي اكون متلها بتسوق سيارة ودخان ومتريسة اوووه نيالها اخلاص:وشو سبب زيارتها ياترى كوثر: معجبة بأبو خلقة ناشفة اخلاص:منيح بيشتغل والا كان موتنا كوثر:مو بكيفو بدنا نشوف العالم اخلاص:اي ولا بس هو مصاحب واسمعتي متل ما قلتلك رماح حابب لينا كوثر:يييي هالفلتانة بتنحب اخلاص:واقع بفخ الجمال وبس كوثر:اي يسطفلو نحن ما دخلنا ..... لاول مرة بيصحى متأخر حس انو راح عليه الشغل وجراح اضرب منو بسابع نومة شاف الساعة تمانية رماح:جراح حاجتك نوم اتاخرنا ع شغلنا لبس وراح غسل وطلعو سوى من البيت والطريق طويل جراح:اوووف والله مليت رماح:اليوم رح اوصل العمال جراح:بربك رماح:ليش افرحت جراح:يعني رح تستلم السيارة رماح: اي جراح:وهي امنت التوصيلة بكرى رماح:انا وانت ساكنين ابعد شي هيك مبين بعد ما وصلو كانت أصايل على راس العمل وعم تناقش مع تاجر وبلشو شغل دغري ...... مهجة مقهورة نطرتو كتير وما اتصل واليوم العمال كتار والصبايا كمان وما عجبها كتر الصبايا بدها رماح ياخد ويعطي معها وقت الاستراحة راقبتو كيف رايح لعند المتريسة وانقهرت وغارت كمان منذر: شبكي مهجة من مبارح ما بتتحاكي مهجة:ليكني مافيني شي وبحكي منذر:خلص بوعدك استأجر لك بيت مهجة:لكن انا تسكني بخيمة منذر:انا شفتلي شغل بس مابدي المتريسة تعرف على اساس واحد من اهلي مريض وباخدو للدكتور فرحت كتير مهجة:ومنيح الشغل منذر:منيح مهجة:وانا منذر:بترجعي مع البنات مهجة:... لساتها مراقبة انو رماح عند المتريسة وبدها تعرف شو القصة ....... بالحارة وبغياب رماح طلعت لينا من البيت ورايحة لعند جمال وبعد دقات كتيرة وملت كتير فتح وميت من نعسو وقت شافها ارتسمت على وشو ابتسامة خفيفة جمال:اهلا والله لينا:جاية مو مشانك جمال:مشان مين لكن لينا:مشان رماح جمال:وشو علاقتي برماح لينا:انا بعرف انك صحبة معو اوعى تجيبلو سيرتي جمال:وشو بدي فيه لاحكيلو لينا:مبارح رحنا للحديقة واتسايرنا وحكى معي جمال:اي افهمت مابعرفك ولا بتعرفيني بس جيران لينا:اي وهيك قصدي جمال:عاجبك رماح لينا: كتير ومو مسدءة انو عم اتواصل معو جمال:يعني مو لعب لينا:لا جد كتير جمال:طمني بالك ولايمكن يعرف واصلا من قبل ولا مرة جبتلو سيرتك لينا:يكتر خيرك جمال:وين رايحة فوتي لينا:لا مابدي اتأخر سلام بقي يتأملها وهي مهدية الشالة على راسها تهداية وجاية ببيجامة البيت جمال: صاروخ نيالك يا رماح كانت مرتاحة كتير ومو مسدءة تشوفو راجع للحارة متوقعة يرجع بكير كرمالها ......... بعد ما حاسبت الكل طلعو مع رماح ليوصلهن ومنذر جنبو منذر: اتوقعت ما تقبل رماح:انو مسؤولية منذر:اي رماح: الحارة الي ساكن فيها امان منذر: يكتر خيرك من وقت اشتغلت وانا بقول بحالي هاد الزلمة نفسية رماح:الله يسامحك منذر:هيك مبين معي رماح: برأيك شغلنا بدو مزح وضحك منذر:اي بفهمك بس كمان حلو المزح فيني اسألك رماح: اسأل منذر:من وين بتعرف المتريسة اتزكر الحادث بكل تفاصيلو وانو الله بعتها بطريقو ليتحسن وضعو رماح:صدفة اتعرفت عليها كنت اشتغل عتال منذر:وشو رايك بالشغل هون رماح:مافي مقارنة منذر:الست أصايل بنت حلال قبل كنت اشتغل عند واحد بخيل لدرجة يموتنا على الاجرة وين هون قبل لغروب بتكون محاسبة الكل وماعدا الغدا كريمة كتير على العمال رماح:انت من زمان بتعرفها منذر: بشتغل عندها من سنتين بس بتعرف انت مواسم رماح:شو وضع وضاح ليش غايب منذر:طماع وعطول بعمل مشاكل هو بدو يفرجيها انو ما بتقدر على هالشغل وانو لازم رجال يكون متريس بس هي ما بتستسلم بسهولة رماح:مبين عليها بتحب التحدي ابوها متوفي؟ منذر:اي ووضاح ابن اخو جوز امها رماح:مين بيشتغل معك من اهلك منذر:مرتي وبس انصدم رماح ما كان متوقع منذر:... وصلهن للسهل هنيك في خيام كتيرة واغلب العمال نزلو هنيك وصل الباقيين وطلع جراح جنبو جراح:ههه هلا الناس بتفكرنا اشتريناها رماح:والله حاسب هالحساب والاحسن ما يشوفها معنا بابا جراح:انت اصفطها تحت الشباك مارح ينتبه رماح:انا متدايق منو كتير جراح:خلص ولوو انت بتعرف حالك شو رماح: متدايق من وجودها بالبيت مبارح فتحتلي وهي مفرعة ولا تحكيلي بمقام امي ها احسن من افصل عليك جراح:وليش متدايق انت بتعرف انها محرمة عليك رماح:وانا مضطر اشوفها مفرعة وبكرى الله اعلم كيف؟ جراح:وانا كمان شفتها اكتر من مرة بلبس البيت رماح:غلط سكنتنا معها غلط وهو مو حاسب حساب لحدا جراح: حبيبي ازا بدك تفتح معو الموضوع رح يقلعنا انا وانت رماح:ويقلعنا جراح:واخواتك رماح:عند بابا ومرتو جراح:خلص ولوو نحن معنا ندفع اجارات رماح:منشارك جمال جراح:خلص انسى الموضوع انت ملاحظ رماح: شو بدي الاحظ جراح: المتريسة عم تتقرب منك رماح:ليش جراح:كمان هي بدها شرح رماح:انا شو حكيتلك هديك المرة ............ الحلقة الحادية عشر بقلمي: مايا الحجازي جراح:ما بتناسبك رماح:عندك رأي تاني جراح:بتعرف ياريتها تهتم فيني كنت ما روحتها من بين ايدي اطلع فيه مو عاجبو رماح:مشان المصاري جراح:وهي حلوة وصغيرة رماح:روح اطلبها للزواج جراح:لا ما بقبل رماح:ليش حلوة وصغيرة وبتصير هي زلمة البيت وانت بتتستت جراح:شو قصدك رماح:الي افهمتو جراح:ما افهمت رماح:انت شايفها خرج زواج؟ جراح:خلص يااا.. انت والي بيسايرك رماح: واتخيل تصرف عليك جراح:انت مسكتها سيرة رماح:ليك الواحد يا يعيش زلمة وبكرامتو يا يموت ازا بدها وحدة تعيشوا وتطعميه وتلبسو كمان جراح بقلبو: انت والحمار واحد والله ما يصحلي احكي معها لاتقرب منها شكلها محتاجة سند وعاجبها هاللوح حط السيارة ورا بيتهم فتح بمفتاحو وفات اتحمم دغري وطلع يسهر برى مع كاسة شاي ورواق وصوت ناهدة وضحكها خلاه يهرب من كل المكان بقلبو:بدها تجننو اكتر من هيك اتزكر وفاة امو واختنق اتزكر اديش كانت حنونة عليه وعلى اخواتو وابتسم وحس انها موجودة بيناتهن بقلمي مايا الحجازي ام رماح:ليش راجع من المدرسة رماح:بكره الآنسة وبكره المدير والدراسة كمان ام رماح:حلوة الدراسة رماح:لا مو حلوة ام رماح:بكرى بتكبر وبتعرف قيمة الدراسة بقلبو: ياريتني اسمعت كلمتها اتنهد ب تعب وناطر يحكي مع لينا بعتلا:شو عاملة يا❤️ وهون اجاه الرد لينا:بفكر فيك رماح:كتير لينا: لدرجة مابتروح من بالي رماح:عندك حدا لينا:اي مع اهلي سهرانة رماح:مالي خلق اراسل بس تكوني لحالك ابعتيلي لينا:بس الباقة بدها تخلص رماح:هلا بحولك رصيد دغري اخد مصاري وراح للبقالة وأعطاه الرقم وبينت الصدمة على الشب الشب:على هاد الرقم رماح:وليش مستغرب الشب:لا ولاشي وبقي يتمشى بالحارة ......... كنت مالة كتير وبنفس الوقت اتزكرت السهرة مع اخوات رماح... ليش مهتمة فيه وليش ما بفكر غير فيه اوقفت عند لمرايا وفكيت شعري أصايل:كيف بشوفني بالشغل اكيد ما بعجبو... اتاملت لبسي اوووف انا بحب اكون متل باقي البنات بس مافيني بخجل اطلع من هالستايل بعمري ما حطيت مناكير ولا حتى جربت اللبس فستان او تياب بنات ...... لا مابدي ومستحيل اتغير......ياريت رماح يهتم فيني بدون ما ابادر شو احكيلو انا معجبة فيك وانت زلمة وفيني اعتمد عليك...لا لا أصايل انتي مو هيك انسي .... اتمددت ب تعب وحاولت اتناسى واتجاهل دقات قلبي واتخيلت حالي لابسة فستان ويشوفني فيه رماح هو مابيعرف شو عامل جواتي وكيف عاجبني حتى بسكوتو ونبرتو ووقت يكون عم يشتغل وهلكان نيال كل حدا بيعرفك يارب مايكون حابب او ببالو حدا نمت بعد صراع عاطفي كبير والصبح جهزت حالي للشغل كنت مهتمة بشكلي كتير وحتى بنوع البارفان بس وقت اللبست الطاقية خبيت كل شعري فيها مع انو بكير بس دغري عملت كاسة نسكافيه واخدتها معي اركبت السيارة وللبساتين وفيروز عم تغني اديش كان في ناس....ع المفرق تنطر ناس وتشتي الدني...ويحملو شمسية وانا بأيام الصحو ما حدا نطرني صبحت على العمال وقلبي خفق اول ما لمحت رماح بقلبي:يارب ما يكون حب لانو الزلمة ما قابض حدا من ارضو رحت لعندو أصايل:صباح الخير رماح:صباح النور أصايل:كيف الشغل رماح: اليوم منخلص أصايل:كتير منيح بفترة الاستراحة بدي احكي معك رماح: ماشي كنت بدي اتحجج باي شي المهم احكي معو واتقرب منو بفترة الاستراحة شفتو جاي لعندي ومثلت اني عم احسب واسجل رماح:بس ما يكون مشغولة اصايل:لا بس شوية حسابات اتفضل ضيفتو قهوة دغري رماح:خير شو الموضوع أصايل:بعد الموسم حابة تساعدني بشغل هون رماح:متل شو أصايل:بعد كل موسم بجيب مين يهتم بالارض ويعتني بالشجر رماح: ماعندي مشكلة أصايل:مبارح كنت حابة اسهر عندكن بالبيت بس بعدين غيرت رأيي رماح: ليش؟ أصايل:حسيتك متدايق مني هديك المرة رماح:الله يسامحك شو هالحكي أصايل:كان مبين عليك وانا عندي حاسة سادسة رماح:لانو ...يعني بالحارة وبتعرفي انتي أصايل:... بقلبي:ليكون بيخجل فيني أصايل: لكن اسفة ع الاحراج رماح:لا ابدا مافي احراج عنجد زعلتيني منك أصايل:... كان بدي الفتو بأي شي بس بعدها اصحيت على حالي وقت اتأملت لبسي وشكلي أصايل:يعني ماعندك مشكلة ازا حبيت اسهر معك ومع اخواتك رماح: اهلا وسهلا بس خبريني قبل تيجي اوقات بروح لعند صاحبي أصايل:مامعي رقمك سيفو عندي اعطيتو الموبايل وسجلو وعلمتلو لحتى أتأكد انو الرقم صحيح أصايل:بس ازا دايقتك احكيلي رماح:لا ابدا وبتشرف فيكي اكيد بدك مني شي تاني أصايل:لا يعطيك العافية نفخت بملل اول ما اكتشفت انو ما التفتلي ابدا واتعامل معي عادي ويمكن لو ما انا المتريسة هون كان حكى معي ب نفسية معقول شكلي ما عجبو .......