عشقت هواك - الفصل 1 | روايتك

الجزء 1: "في فترةٍ ما من حياتك، ستجبر قلبك على التخلي عن كل الأشياء التي تؤذيه رغم تعلُّقه الشديد بها، ستنسحب من العلاقات المرهِقة ولن تكترث لما يُقال عنك. #مقتبس _كف دوى بكل انحاء البيت لصغير تحت صدمة الاخوات التوأم وأخوه الأصغر منو حط ايدو على خدو وحس حالو أصغر أنسان بالعالم ابو رماح:قلتلك اسمها خالتك وتاني مرة بتندهلا باسمها لا تلوم الا حالك ناهدة:ليش ضربتو أبو رماح: صار بدو ترباية من وقت ماتت أمو واتغيرت كل أطباعو وانا ماعندي حدا كبير راس بهالبيت بدك تكبر راس روح دورلك على بيت تاني جراح:شو هالحكي بابا ابو رماح:هلأ بلحقك فيه انسحب من البيت بهدوء عكس الضجيج الي جواتو بقلبو:كيف بدي احكيلا خالتي وهي اصغر مني كيف زبطت معو. من وقت ماتت أمي وانت الي اتغيرت مو انا صرت متل الولد لصغير مع وحدة من جيل بناتك واصلا مابعرف على شو اخدتك لكن انا تضربني مشان هال.. استغفر الله العظيم بس يا الله على موتة سريعة واخلص من هالحياة بالبيت كانو الاخوة لتلات عم يتناقشوا إخلاص:لازم ما ضربو كوثر:كتير نبه عليه ما يندهلا بأسمها جراح:معو حق اصغر منو مو زابطة إخلاص:مسايرة اخي مو اكتر كوثر:يا ترى وين راح جراح:بالحارة وين بدو يروح يعني إخلاص:بس حرام زعلت عليه ناهدة جراح:عبالك كف انتي التانية اخلاص:لا لا دخيلك والله لساتني مصدومة رماح ما بيستاهل كوثر:خلص ليكون برى ويسمعنا جراح: رايح لشوفو طلع تاركهن بنفس الحديث وبغرفة ابو رماح الفاخرة عكس البيت المهتري والمهرهر كانت مرممة ومدهونة بالوان زاهية ومن افخم انواع الخشب ناهدة:لازم ما ضربتو ابو رماح:لا بدو تكسير راس ناهدة:ليش مين شكالك ابو رماح:انا اسمعتو ماحدا خبرني ناهدة:الله يصلحك والله لازم ماضربتو يعني لو متجوز عندو اولاد ابو رماح: ومدامو كبير راس هيك بدو يضل يتعامل ومن اليوم وبالرايح انا رح افرجيه قيمتو واكسرلو راسو ........... بالسيارة كنت مقهورة لدرجة كبيرة اتزكرت الحديث الي دار بين ماما وزوجها عن البستانين الي من حقنا نحن موفق:بنتك عنيدة كتير ومابتسمع الكلمة ماما:شو اعملا موفق:انتي أمها ما بتموني عليها خلص تترك شغل البساتين هي مو زلمة لتوقف بين لمرابعين وتعطي اوامر ماما:انت بتعرفني بمون عليها موفق:لكن شو شغلتك مو انتي امها ماما:من وقت كانت صغيرة وما كانت تسمع كلمتي هلأ بعد ما كبرت بدها تسمع كلمتي موفق:شو يعني بدها تضل مستلمة الارض ماما: شو اعملا يعني موفق:انتي مراة فاشلة هالكلمة اثرت فيني وازادت رجفة قلبي فاشلة لانها اتزوجت واحد طماع متلك واخر شي ممكن تحصل عليه هو تنازلي عن متريسة الارض ومارح تتملكها لو بتطلع براسك شجرة حسيت غباش كتير واتمالكت اعصابي واتفاجئت في شخص قدامي شحطت بريك سريع وضليت مغمضة من الخوف يارب ما اكون دعستو استوعبت صوت دقات على الشباك واتنفست براحة ............. كان خايف عليها واطمن وقت رفعت راسها ودغري نزلت من السيارة ومبين عليها الخوف وعم تطمن عليه أصايل:انت منيح صرلك شي رماح:انتي صرلك شي أصايل:لا لا انا بخير انت منيح رماح:ليكني مافيني شي ليش خايفة اتنفست براحة اكتر أصايل:مابعرف اصلا ما كنت شايفة بعيوني اسفة عنجد رماح: حصل خير بس تاني مرة انتبهي اكتر أصايل:الحمد الله .......برجع بكرر اعتذاري رماح:ولا يهمك المهم انك بخير قعدت على الرصيف كان مبين عليها انها لساتها متوترة وما كان منو الا يضل واقف معها ليهدي من رعبتها شوي رماح:ليكون اول مرة بتسوقي سيارة أصايل:لا بس انا خفت لانو كنت مو واعية على الطريق رماح:.... انتبه انها على طبيعتها بدون مكياج وايديها عم يرجفو وحاطيتهن على راسها رماح:ازا مو قدرانة تمشي انا بوصلك اطلعت فيه واتأمل عيونها اكتر لو عتم وليل بس الانارة من العامود فرجتو لمعة عيونها رماح:ما تفهميني غلط بس شكلك متوترة....او اتصلي بحدا ابوكي او اخوكي أصايل:.... رماح:وحتى انا كنت مو منتبه للشارع يعني الحق مو بس عليكي أصايل:... رماح:معك مي أصايل:اي في بالسيارة بدك فتح الباب واخدها واعطاها تشرب رماح: اشربي مي بتتحسني ابتسامة خفيفة بينت على ملامحها أصايل:يسلمو رماح:... ............ بالفعل حسيت انو ارتويت كان نشفان ريقي أصايل:انا اتحسنت انت وين مشوارك رماح:مو لمكان هيك على وين الدرب موديني أصايل:لكن بوصلك رماح:انا مو مشان التوصيلة بدي اتطمن عليكي أصايل: متل مابدك ما كنت مأمنيتلو أبداً بيضل اسمو زلمة غريب وما احلاني مخليه يوصلني قعد بجنبي وشغلت السيارة وامشيت أصايل:انت من هون رماح:اي وساكن بحارة قريب من هالمنطقة وانتي أصايل:اي من هون رماح: وساكنة بشارع الفيلات أصايل: كأنك عم تتمسخر رماح: مبين من السيارة بس ما عرفتيني عن اسمك أصايل:ليش انت عرفتني عن اسمك رماح:اي الحق معك اسمي رماح وعمري تلاتين سنة وبشتغل بسوق الهال أصايل:هههه بس انا ما سألتك رماح:اختصرت وانتي أصايل:وشو بدك بأسمي رماح:شو يعني سر أصايل:احزر رماح: اعجزت أصايل:اسمي أصايل عمري ٢٥ سنة وبشتغل بالبسااتين رماح:متريسة؟ أصايل:اي رماح:اسمك غريب اول مرة بسمع فيه أصايل:بحياتي مو سامعة باسمك رماح:بتعرفي كنت طالع من البيت معصب وانتي غيرتي مزاجي ونظرتي للحياة أصايل: وانا هيك كان بالي مشوش ومزعوجة رماح:انا صرت قريب من البيت أصايل:بس ما قلتلي وين بتشتغل يعني عند مين انا بتعامل مع تجار بسوق الهال رماح:اسمو ابو ساري أصايل:مو سامعة فيه على كلا اتشرفت فيك رماح:وانا كمان أصايل:عنجد هون صار بيتك رماح: يعني تمشاية هي اول حارتنا أصايل: وعطول بتداوم رماح:من طلعتها لغيبتها شكرا على التوصيلة والحمد الله على سلامتك من جديد أصايل:تسلم وأسفة عنجد رماح:لا تخافي ماحدا رح يدور وراي أصايل:بعيد الشر عنك رماح: تصبحي على خير أصايل:وانت من اهلو كنت مرتاحة لدرجة عكس ما اطلعت من البيت الله مابدو يضرني لو دعستو واعلقت الله الي ستر ارجعت للبيت بس بالأول ضليت أتأمل رماح ........... كان يتسكع بالطريق بقلبو:لا يااا وواثق بدك تموت الله ستر كنت هلأ بين ايدين ملك الموت. #يتبع الحلقة الثانية بقلم الكاتبة : #مايا_الحجازي _لا تحاول التظاهر بغير شخصك لتعجب الناس، بل كن فقط كما أنت حتى يعجب بك من يستحقك فعلًا. #مقتبس متكتف وعم ياخد نفس من الشغل يعني تقريباً منزل نص حمل لحالو لسى ما حس بالتعب لانو بأول لنهار جراح: أحلى كاسة شاي لاحلى رماح ضيفو سيكارة بدون اي كلمة جراح:شبك ولو رماح:شبني جراح:ليكون زعلان رماح:ما بحقلي ازعل برأيك جراح:سايرو كلمة خالتي لا بتنقص ولا بتزيد رماح:لو اكبر مني بتزبط حتى بيني وبين حالي مابقبل احكيلا خالتي جراح:ساير يا زلمة ليش انت عنيد هيك رماح: بحاول جراح:اي ما قلتلي وين كنت مبارح وقت اتزكر الحادث ابتسم رماح:بأراضي الله الواسعة جراح:شو زاير مكة رماح:. جراح:انا قلت انتحر من فوق لبلوكة غرق بضحكتو بس رماح اكتفى بابتسامة جراح:بتعرف عدنان ولينا رماح: وبعدين معك انت جراح:لاااا بس لينا بتسلم عليك رماح:. انتبه وقت صفطت سيارة أصايل وضل متأمل لحتى نزلت منها وما كانت بتشبه البنات ابداً لابسة على راسها طاقية بيضا وبنطلون جينز فضفاض وبلوزة بيضة واسعة وفوقها جاكيت جينز وماعدا بوطها وقت شافها مبتسمة دغري وقف وراح سلم عليها وجراح مصدوم ومبحلق فيهن مدت أيدها وصافحتو أصايل:كيفك رماح:تمام وانتي أصايل:الحمد لله رماح: كانو بتعرفي وين بشتغل أصايل:مو صعبة سألت عن العم ابو ساري الكل دلني رماح:اتفضلي ليش واقفة أصايل: قعدت متلو على كرسي صغير وقت شلحت النظارات حس انها حدا تاني ما بتشبه اصايل ابداً رماح:جيب كاسة جراح:اي حاضر معلم .......... كان مبين انو اخوه ضيفني الكاسة وانا كل زيارتي الو فضول مو اكتر اصلا ما نمت وانا افكر فيه وطعمة الشاي عالم تاني بهيك جو حراقي أصايل:خلصت شغل رماح:لا مطول برجع المغرب واوقات بتأخر أصايل: والحساب منيح رماح: الحمد الله أصايل:وبتشتغل شغل تاني رماح:متعود على لعتالة أصايل:يعني مافيك تريح رماح:بتعب من الاستراحة أصايل:باين انك بتحب الشغل كتير رماح:انت ليش واقف عندك يا اقعد يا روح جراح:لا بروح يلا بالازن كان مبين على اخوه انو فرفوش عكس النكدي هاد أصايل:اخوك مو رماح:لا تقوليلي بيشبهني أصايل:مبين في صلة بينك وبينو رماح: عجبك الشاي أصايل:اي بس مو بهيك جو رماح:على حساب متريسة أصايل: اي بشرب شاي بس بجو البساتين غير شكل رماح:معك حق هون غبرة وزحمة وضجة أصايل: وحراقي بزيادة رماح:بس متعود يمكن ما يواتيني جو البساتين اصايل:بس لسى ما حكيتلك تعال اشتغل معي رماح:ايواا وشو بتتفسر هي عم تستهيني فيني مو أصايل:هههه بمزح معك انا جاية مشان شغل رماح:.... حسيتو عم يفكر بالموضوع أصايل:ازا بدك منروح وبتشوف الوضع رماح:اكيد مو اليوم أصايل: امبلا اليوم رماح:بس انا ملتزم اصايل:بتاخدلك ساعة أجازة رماح:بس أصايل: يعني افهم منك رفضت رماح:مو رفض يمكن نختلف يمكن ما نتفق هيك بقصد أصايل:لكن لساتك مابتعرفني رماح:طيب بعد الشاي منروح أصايل:ومتأكدة رح نتفق شفتو مبتسم ابتسامة جانبية في من وراها شي. ....... طالعت من جبيتها باكيت دخان فتحتو وضيفتو سيكارة أخدها بتردد رماح:يسلمو وهلا وقت شغلت سيكارة انصدم بقلبو: ودخان كمان وما بتقرب للبنات شو هاللبس صبيانية كتير حاول يتزكر بالليل شو كانت لابسة ماقدر ذاكرتو صفر والدنيا ليل ما ركز كان يتأمل الساعة لونها اسود جلد بس ايديها صغار لدرجة يعني لو مخبية نعومتها باللبس بشرتها فاضحة انوثتها كان غرقان وهو يتأملها ووقت اطلع بعيونها خجل لانو كمان هي كانت تتطلع فيه رماح:وبساتين شو عندكن أصايل:لوزيات وحمضيات رماح:وكيف المحصول أصايل:الحمد الله مو ملحقين رماح:يعني الشغل هنيك ما بيفرق عن هون ابدا أصايل:اي تحميل بضاعة بس بتاخد وقت كبير لانو كمية العمال عندي مو زيادة مع اني مدللهن بس في جارنا كل ما شاف المحصول عنا منيح ببلش يسرق بالعمال رماح:ليروح يسرقني ضحكتها كانت ناعمة كتير أصايل:والله هاد الي كان ناقص رماح:.. أصايل:خلصت رماح:اسبقيني بدي احط خبر عند ابو ساري فات لعندو ومبين مشغول بمكالمة غرامية بس قطع حديثو رماح رماح:بدي اوصل مشوار ضروري ابو ساري:لا تتأخر الحمل على الطريق طبعاً ما اتأثر بالتوصية اخد جاكيتو وطلع يلبسو برى جراح: وين اخي رماح:مع الصبية اطلق ضحكة جراح جراح:قال صبية رماح:اخرس ولاه جراح:من وين بتعرفها رماح:مو شغلك ازا اجى الحمل بس علملي جراح:اي اتهنى اخي طنش كلامو واتوجه للسيارة فتح الباب وضل يتأمل الكرسي أصايل:شو ناطر رماح:لا بس السيارة نظيفة أصايل:هلا هاد حكي اطلاع كان متردد كتير بس وقت سكر الباب وحس ببرودة السيارة انتعش وابتسم بعفوية رماح:مابدي اتأخر أصايل:متل مابدك مع انو متأكدة رح يعجبك الشغل رماح:يعني افهم منك عندك نقص بالعمال أصايل:اي والله كان مبين انها رايقة وبنت عالم وناس الطريق فيو زحمة بس هو ولاعبالو يوصلو كان مركز على قيادتها للسيارة بقلمي مايا الحجازي بقلبو:ما تطلع بطريقها قطة لتموت من رعبتها كتم ضحكتو عليها لانو اتزكر الحادث وكيف انخطف لونها من الخوف عليه .. وأخيراً وصلنا كنت متأكدة رح يعجبو الشغل واغلب العمال عينهن علينا من وصلتنا انزلنا وسكرنا لبواب سوى رماح:هاد البستان أصايل:اكتر من بستان شفتو يتأمل كل المكان كل ملامحو اتغيرت وقت شفتو كان مبين عليه التعب اتمشينا سوى بين الشجر رماح:الصراحة العرض يعني مستحيل ارفضوا أصايل: وازا حواليك شباب وصبايا كمان بشغلهن ماعندي مشكلة بدي اخلص على بكير شوفة عينك حرارة الشمس عم تضرب الفواكه ومابدي اخسر الموسم رماح: ولا يهمك اعتبري العمال صارو عندك يعني لاتفكريني فضولي بس خطرلي سؤال ليش انتي المتريسة أصايل:لانو ما بأمن لاي حدا رماح:ومافي غيرك يستلم هالمهمة أصايل:لا وانا هيك مرتاحة لدرجة رماح:خلص انا بكمل اليوم عند ابو ساري وبكرى من الصبح بكون عندك أصايل:بس ما اتفقنا على اليومية رماح:انتي اديش بتعطي للعمال أصايل:يوميتهم خمسين الف بس ضاعفتها باخر فترة رماح:كتير منيح أصايا:يعني ما في داعي امر لعندك بكرى رماح:لا بس اصحى رأساً للبستان أصايل:ماشي ولا تنسى العمال رماح: لا ما بنسى بس يمكن ما يتأمنوا بكرى معي اصايل:افهمت عليك رماح:ياريت من زمان صار الحادث أصايل:لا ولووو لك انا بس اتزكر برجع برتعب رماح:ههه اي شفتك مرعوبة مبارح أصايل:كأني شامة ريحة مسخرة رماح:هههه لا ابدا وهي اخي بيتصل فيني لازم ارجع #يتبع ..... الحلقة الثالثة بقلم الكاتبة:#مايا_الحجازي أصايل:وازا اخوك بدو يشتغل خبرو رماح:هاد بدك تقولي متل شنتة الكتف أصايل:هههه الله يخليكن لبعض رماح:تسلمي امشيت معو لارجعو للشغل رماح:وين الهمة أصايل:مو راجع للشغل رماح:اي مافي داعي تعزبي حالك أصايل:في داعي مبين عليه محترم كتير رجعتو للشغل وما سدءت ايمتى ارجعت للبستان لانو ما بأمن لحدا ........... بالبستان كانت مهجة وهي وحدة من العاملات الدائمات بالبستان ومبين اعجبت فيه ل رماح وعم تستوعب انها شافت شب حليوة مع أصايل ومو عارفة لشو جاي بقلبها:يخرب بيتو ما احلاه شو هالجمال هاد ومبين عليه عامل....يعني طمني بالك مهجة في غيرك كتار حلوين ومعترين خلص انا ارضيت بالفقر مدامو هالشب فقير بس ياترى مين بيكون وليش اجى مع المتريسة مبين صحبه معها نيالها ياريتني مكانها بس لامشي حدو واحكي معو قاطعها صوت منذر جوزها منذر: مهجة الي ساعة بندهلك مهجة:شو القصة منذر:قصة مين ؟مابدك تاكلي مهجة:ليش جابو الاكل منذر:وين عقلك انتي مهجة:هون يعني وين بدو يكون بس شردت شوي منذر:لا بقى تشردي بدنا نخلص على بكير لحقتو ولسى ما بتتفسر ومبسوطة لانها عم تفكر بالشب بقلبها:معقول ما بقى اشوفوا ااااوف بس ........... بالسوق حرارة الشمس مو طبيعية والا جراح يضيف حسو الكوميدي جراح:بتعرف رماح شو ناقصو الجو رماح بدون نفس والعرق يتصبب من كل جسمو:شو جراح:كم جمل وبتعرف انت المنافقين والكفار موجودين رماح:وشو يعني جراح:منمثل فيلم الرسالة رماح:😒 جراح:هههه اي اضحك يخرب بيتك عم اناغشك رماح:ناغش لقرود انا قرفان حالي جراح:اي يلا هني اول مية سنة صعبين اطلع بأخوه رماح:يخرب بيتك انت خرج تونس واحد على فراش الموت جراح:خود خود بس مو الجو ولا غلطة رماح:انت الغلطة جراح:لك صحيح مبارح اجيت متأخر رماح:اي كنت انعم الطريق جراح:زفت ما بيتنعم رماح:لا نعمتو هلا بفرجيك ونحن راجعين جراح:اه يا لينا رماح:لك انت ما بدك تزوق على دمك جراح:واشقر وشوشني وقلي البوسة بليرة عصملي رماح:اليوم لتتغير كلمة سر الراوتر انا بفرجيك جراح:هههههه لك ليش رماح:منو صارعني ومنو متعلم تقالة الدم من التواصل جراح:يا رماح امانة لا تغيرها كان عم يتمسخر عليه مسخرة تحلفلو عنجد رماح وما خلصو الا ورواحهن طالعة اخدو يوميتهن من ابو ساري ورجعو للبيت تمشاية لحتى يوفرو اجار الطريق رماح: ترى بكرى شغلنا مو بالسوق جراح:وين لكن رماح:انعرض عليي شغل جراح:لا تقلي الي ما بتشبه البنات رماح: نحن ما النا بالحكي هاد بتعرف رح تعطينا يومية مية الف ولو تشوف الهوى البارد والارض شي بينعش الفؤاد جراح:ههههه ليك تراها حلوة رماح: انت وين وانا وين جراح:بجنب بعض رماح: ياااا حرام يا جراح امي اشتقاتلو جراح:وعنجد مية ولا بتغرينا رماح:بتغرينا اكيد جراح:ههههه اي خلصنا بقى افردلي هالوش هلأ لينا بتكون بالحارة هاد وقتها رماح:على هالمنظر يعني جراح:شبك بتخزي قصدي يخزي العين عنك لو بتشد حيلك وينعرض عليك مسلسل رماح:اي شو بصير جراح:بتصير كومبارس😂لا تفكر بطل رماح:الله يرحمك يا امي على هالخلفة جراح:دخيلني ما اهضمني رماح:بتعرف لو بتشد حيلك شوي جراح:بعرف باخد بطولة مسلسل كوميدي رماح:ياربي اعطيني نص ثقتو بحالو بأول الحارة الا يرتب حالو رغم انو حالتو بالويل بس شاف لينا عم تتمشى ومبتسمة نظراتو الها كلها اعجاب كان فيها مواصفات بيحلم فيها كل شب بشرتها فاتحة عيونها باللون الازرق وناعمة لدرجة وبس شافتو ابتسمتلو ابتسامة خاصة بس رماح من النوع الجامد الي ما بيظهر مشاعر أبدا حتى بموت امو ما نزلتو دمعة ولساتو حابس هالحزن ومابدو يبكي أبدا جراح:رماح يتخطى المصاعب رماح يتحدى الثعالب رماح:... جراح: رماح ولينا رماح:بس لنوصل مابدي اجرصك بالحارة دق الباب بهمجية فتحتلهن مرت ابوه وطبعاً شايل عليها من وقت الكف والبهدلة ما سلم عليها وفات دغري للحمام جراح: مسالخير ناهدة:مسالنور اتغديتو جراح:ليش شو عاملين غدا ناهدة:نحن اتغدينا برى بس البنات بيحضرن العشا شوي وصوت رماح طلع من الحمام رماح:جراح....يا جراح ناهدة:شو بدك غمض بقهر مو طايقها مو توجهلو الكلام رماح:خلي جراح يرد عليي راحت تندهلو وشوي اجاه رماح: اعطيني تيابي جراح:اديش بتعطيني رماح:😒وبعدين معك جراح:هههه يلا لا تبرم بوزك هيك اعطاه تيابو وطلع لابس وما مشط شعرو فات للغرفة الي بنام فيها وارتمى تحت الشباك وغمض عيونو من تعبو بس جراح صوتو عم يصدح ويغني بالحمام جراح:واعدتينا تحت التينة وما جيتينا ........... كان الوقت متأخر حاسبت العمال وامنت انو وصلو النواطير ودغري ارجعت للبيت طول الطريق متفائلة لانو رماح رح يشتغل ويجيبلي عمال الجو حر مو طبيعي بطريقي للبيت وحطيت اغنية خسرت كل الناس على شانو وانطربت على صوت ابو وديع وقت اتزكرت غياث حنيت لأيام زمان اوووف مع انو كنت عطول اتمشكل معو ولانو اكبر مني كان يتحكم فيني ويتأمر عليي بس انا هلأ مشتاقتلو ومسامحيتو على كلشي خناقات اتسببلي فيها اااخ بس لو يرجع الزمان ونرجع نلعب كرة قدم انا وياه وعطول يخسرني وعن جدارة وحتى دحل كنت مولعة بالعاب الصبيان وبعمري ما اقبلت امسك لعبة بتخص البنات وصلت للبيت تعبانة كان يوم طويل وكلو تعب ومشاوير اضطريت اسلم لانو الي ما بيتسمى بالصالون وما عجبتو ابدا ماما: يعطيكي العافية حبيبتي أصايل:الله يعافيكي عاوزك بكلمتين ماما:مابدك تتعشي أصايل: اتغديت مع العمال موفق بهمس:كتير عليكي أصايل:ناطرتك اي ماما:ماشي حبيبتي فتت ل غرفتي اتحممت وحسيت براحة مو طبيعية اللبست بيجامة مستعدة للنوم اوقفت اتمايز حالي على لمرايا واتزكر ملامح رماح الشب العاقل مبين عليه صاحب مسؤولية بس يا ترى كيف هو بشوفني اكيد مو معبية عينو بس هو حدا جنتل لو مو بتياب الشغل متأكدة كانن اعجبن فيه كل العاملات وهو اكيد شايفني مسترجلة بهيك تياب بس هداك انسب لبس للوقفة بين المرابعين وانا اتعودت عليه من طول عمري بحب اللبس الصبياني وشغل المتريسة بدو هيك. اندق الباب وسمحتلا تفوت أصايل:فوتي ماما ماما:انشغل بالي أصايل:لا ينشغل بالك فوتي سكرت الباب وقعدنا على طرف التخت ......... الحلقة الرابعة بقلمي:#مايا_الحجازي المنافق الحقيقي هو الذي لا يُدرك خداعه لأنّه يكذب بصدق. لساتو بمكانو وعلى فرشة أرضية وتحت الشباك الستارة عم تعطيه هوى بارد ومنعش جسدو تعبان لدرجة ظهرو بآلم مستمر مغمض عيونو وسامع صوت الحكي من المطبخ والمزح بين اخواتو شم ريحة الأكل والجوع عامل العمايل فيه وقت اتشغل الضو حاول يفتح عيونو وعم يحكو ويضحكو كوثر:حاجتك نوووم اخلاص:يللاا رمااحوو جراح:البيض طيب سخن جلس شوي من حالو وسدر الاكل قريب منو كوثر:اتجلس اتعشى معنا سحب منها الخبز وبلش ياكل وهو مغمض عيونو ضحكات اخلاص وكوثر التوأم الشقي عبت المكان جراح:اوه اطيب عشى والله اخلاص:هي ما يعرف رماح انو بابا ومرتو اتغدو فرووج فتح عيونو بملل وكمل اكل جراح:معقول ما غص النا بلقمة او تنتين اخلاص:اي احلم بعدين هي حكت شو اتغدو هو مابدو يحكي كوثر:اي امبلا وانزعج وقت حكت اخلاص:يعني حرام لو جابولنا نص فروج كوثر:نص شووو انا بدي فروج كامل جراح:اي حاجتكن نق أكلو ومشالله عنهن كوثر:رماح احكيلك كلمة رماح:شو بدك احكي اخلاص: اوعدنا بفروج رماح:اي خلص حطيتكن ببالي كوثر:اي هااا هاد الحكي المزبوط جراح:كمل اكلك رمى حالو من جديد رماح:بس تخلصو طفو الضو جراح:ليش بدك تغير جو اخلاص كوثر:ههههه يمكن رماح: تعبان وهلكان وراسي رح يتفجر جراح:سلامتك سلامتك رماح:خلصو يللاا كوثر:دوق هالزيتونات والله طيبين لف حالو للحيط واتنعم اكتر بالهوى البارد جراح:ااه يا لي لف لصوب جراح ورماه بنظرات عصبية جراح:ههه اااه يا حنان كوثر:هههه على شو بتتناقرو رماح: اطلعو بدي انام جراح:كلنا عتالة بس مو متلك وليكني طالع اجتمع بشباب الحارة خليك متخبي اخلاص:كليوم بيطلع بس مبين تعبان رماح:الحمد الله في حدا بيفهم اخلاص:تربايتك اخي كوثر: تشرب شاي رماح:احسبوا حسابي وازا نمت لا تصحوني جراح:ياااا لييي طلع من الغرفة فرطان ضحك جراح اخلاص وكوثر بدورهن اخدن الاكل للمطبخ تاركين رماح على العتمة بس ما بينمع صوت الضحك والمزح شغال بين الاخوة وهو رجع كمل نوم ....... اعطيتها المصاري ماما:لشو هدول أصايل:كل حمل بقسم الربح على تلات حصتي وحصة غياث معي وهي حصتك ماما:ومنيح المحصول أصايل:الحمد الله ماما:شبكي انتي ليش مو على بعضك أصايل:تعبانة كتير ماما:لا تزعلي مني والله هالشغل مو الك أصايل:بدك الناس تدير ارزاقنا ماما:لا بس عمك موفق أصايل:امي هالموضوع لا تناقشيني فيه وهلا موسم وبعدها برتاح وبصير اروح بالاسبوع مرة ماما:ليش مو مأمنة فيه أصايل: ماما انا هيك مرتاحة ومتأكدة بابا الله يرحمو مرتاح لاني مستلمة الشغل ماما:والله عم يعملي مشاكل أصايل:فوق مو مسكنينو بيتنا ماما:ولو ما الي خاطر عندك بقلبي:ليش اتزوجتيه وعلى شو وكيف سرقك مننا وصرتي محامية دفاع عنو والغلط راكبو من ساسو لراسو أصايل:امبلا ماما:صيري شاوريه بأمور الشغل وخليه يروح للبساتين بقلبي: طبعاً بدو يورث بابا بدالنا أصايل:خلص ولايهمك ولا تزعلي انتي ماما:لا تنسي ها أصايل:ماشي طنشت كل الطلب اصلا ازا بلمحو بالبستان لادعسو ناقص والله حرامي عينك عينك غمضت ب تعب ااااخ راسي رح يتفجر قفلت الغرفة وارجعت رميت حالي على التخت وكأني جثة هامدة ومكسر كلشي فيني وبدون ما احس صرت بعالم الاحلام .......... بحارة رماح وببيت مو بعيد عن بيت اهلو بغرفة مشتركة كانت لينا ماسكة موبايلها وعم تعلك بالعلكة وعلى طقطقة وفرقعة لميس:حاجتك اصلا مو منيحة بالليل لينا:انتي مادخلك التهي بحالك كانت ماسكة خصلة من شعرها طويلة وعم تلفلفها على اصبعتها لميس:مع مين عم تحكي اليوم لينا:شب بألمانيا بس شكلو معبي مصاري لميس: واكيد شحدتي لينا:هههه اي قلتلو انو بشتغل دوامين وطلب يشوفني لميس:وبعتيلو لينا:لسى ما استوى وبس يستوي بروح بستلم الحوالة لميس:بدك تعطيني لينا:تكرمي لميس:اي ما قلتيلي شو كان بدو منك جمال لينا:بدو يدبرلي شغل وانا مابدي ليش شبو النصب على هالخوتان لميس:ورماح لينا:هو مقرب صوبي كل الي بيني وبينو نظرات ما اتعدت الثواني لميس:بقصد بيقبل بالوضع لينا:اختي انتي جدبة يعني ازا عنجد صار حكي جد بمسح كلشي وبلتفت لامور الجد لميس:وهاد مزح لينا:لعب ولازم تفرقي بين الجد واللعب لميس:ومنكم نستفيد وشو اخرة السهرة لينا: عندو رفقاتو مواعديتو من بعد ال١٢ لميس:يييي بكون اشبعت نوم تسطفلي طبعاً هاد مو اول ضحية نصب بالنسبة ل لينا ومستغلة جمالها وبتعرف توقع الشباب بشباكها لانهن بعيدين .......... كانت الحارة مليانة محلات وبيوت فوقها متل علب الكبريت وساحة الحارة كبيرة نوعاً ما هدوء الصباح مع شوية برد شغل سيكارة وطل عليه جراح وهو يكمل لبس بوطو مشيو على نفس المستوى . رماح:لك حقير شو هي التلميحات قدام البنات جراح:مزح ولووو شبك رماح:يعني حلوة بحقي جراح:اي اكلتها بعيونك ل لينا الجميلة رماح :اكلتها ما اكلتها ليش لتلمح مو عيب عليك تفتح عيون اخواتي على قصص الحب والغرام جراح:يااااخ الي بيسمع بيسدء وبالاخص بعمرهن حبيبي انت من جيل الطيبين هلا وحدة صف سابع بتعلمك وبتعلم ابوك معك رماح:بتعلم واحد متلك هالمرة صارت تاني مرة يا ويلك جراح:انت سامع بغنية عم يرجف البي يا امي ومني خيفانة رماح:يا ويلي على كف ع الريق يخليك تصير زلمة جراح:جربني بعجبك رماح:مافي امل جراح:ههه معقول انتحرت رماح: يااا على تقالة الدم كان غرقان بضحكتو بس رماح ماخد الامور جد وخطرت على بالو لينا لهيك اتجدد الأمل جواتو وصل لبيت جمال رفيقو العونطجي ودق الباب بقوة رماح:منقبر ريتها نومة جدي وطول لحتى فتحلو الباب جمال:مييين رماح:.. فتح متردد رماح: وخايف يابعدي جمال:فكرتك نزوة رماح:يعدمني شكلك مين هي نزوة جمال: اسمها وردة بس انا سميتها نزوة لانو واعدتها وما حاسبتها وجرصتني اسمعك الفويسات رماح:دخيلك ناقصني انا حواليك شغيلة جمال:هههه شغيلة شو قول لعيبة رماح: صحصح جمال بدي عمال يشتغلو بالبساتين جمال:اي اي والله مبارح كان صاحبي يسأل على شغل رماح: وغيرو جمال: خلص بخبرو يخبر رفقاتو رماح:وصاحبك متلك جمال:لا راكز ومالو على هالقصص #يتبع ...........الحلقة الخامسة بقلمي:#مايا_الحجازي رماح: طمنتني اعطيه رقمي وانا بتواصل معو جمال:متل مابدك زورني ها رماح:اي بيخلص الشغل وبزورك كان جراح مشغول بموبايلو رماح:لك مبارح انسيت اغير كلمة السر جراح:ههه شو صار معك رماح:حطيت عندو خبر جراح:ناوي تروحنا للبستان مشي رماح:لا بس اليوم بكرى بشتريلك حمارة جراح:😂تخيلنا رايحين على الحمير للشغل رماح:وبتحط موبايلك بالخرج جرا ح:هههه طبعاً غرقان بضحكتو من كل عقلو بس رماح مبتسم لجنانو ومبسوط باخوه رماح:خلص ولاه ايمتى بدك تصير زلمة جراح:هههه لحتى تصير انت بالاول رماح:هييي مو تفضحنا قدام المخلوقة جراح:المخلوق لانها نص زلمة رماح:لااا مارح نتفق هنيك بتضل مسكر تمك جراح:وابلع لساني من المرة رماح:اوعك ازا عنجد اعطتنا هيك يومية بالشهر منلحق كل واحد تلات ملايين جراح:بس ليك لا تغلط قدام اخواتي وبابا وحتى مرتو رماح: وانا هيك بدي اخبرك لانو بكرى بس يعرف رح يلزمنا بشغلات كتيرة جراح: وانا هيك فكرت بس كمان عنا التزامات رماح:انا مابقى يأثر فيني الحكي شفت كيف باعنا اول ما اتجوز جراح:كمان حقو رماح: ليش انا زعلان انو اتجوز انا زعلان لانو اخدها صغيرة يعني هي بتقبل تضل معو بدون اولاد جراح:حقها رماح:ما بزعل بس بكرى اول ما تتمكن رح ترمينا برى البيت جراح:. رماح:اعرفت ليش زعلان يعني حتى انو تتزكر طفولتك مافي رح تنحرم حتى ترجع ذكرياتك فيه جراح: معك حق طيب نحن ايمتى بدنا نصير ونتصور رماح:في ناس معترة ورزقتها قليلة بالدنيا جراح:بس لا تحكيلي نحن منهن رماح:ليك ازا ما سرقنا ونصبنا صعب نصير جراح:.