الفصل 3
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اوتيل 5 نجوم*
*❴🔢❵الـــبـــــــــــ❴الثالث❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#اوتيل_5_نجوم #كتابة_رند_محمد_الجزء_التالت
@rwayate
اليوم حاسة فيني شعور كئيب كتير محتاجة أمي .. حاسة في شي بشع صاير معها ، مالقيت بوجهي غير انو اطلب من فريد يعطيني تلفوني لاتواصل مع اهلي .. طلعت لعندو و انا خايفة منو، دقيت الباب وفتت ..
فريد : نعم؟
غالية : استاذ لو سمحت بدي اتطمن على اهلي صرلي اسبوع مابعرف شي عنن لو سمحت خليني حاكيون دقيقتين
فريد : انسي الموضوع و طلعي لبرا
غالية : الله يخليك .. امي و اختي لحالن
اتطلع ع جسمي نظرة خبيثة .. و ابتسم بعدين قلي : رح خليكي تحكي معهن بس بشرط ..
@rwayate
تقريباً عرفت شو بدو .. : تفضل
فريد : بدي اسهر معك سهرة مرتبة ..
غالية : شكراً ، ماعد بدي احكي مع امي و اختي و تلفوني خليلك ياه
طلعت من الغزفة وسكرت الباب و انا عم ارجف ، كان بنفسي اضربو بس مابعرف شو حيصير فيني لو تصرفت بهالطريقة
رحت لعند عهد وحكيتلا يلي صار ، بعد شوي اجا أيهم بالسرقة ليشوفنا ، حكتلو عهد يلي صار و قلي انو معو موبابل مخبيه وفيني احكي مع اهلي منو ، مارفضت لان كنت محتاجة اتطمن عليهن
حكيت مع امي و اتطمنت و شكرتو لأيهم .. @rwayate
بالليلة هي مانمت منيح ، كل مانام يتهيألي اصوات غريبة خاصة انو هالليلة كانت كتير باردة و صوت الرعد و الشتا برا بخوف و المنطقة عتمة و هادية .. طلعت من غرفتي بي ماكنت شايفة شي بسبب عتمة الممرات ، رجليي اخدوني ع هديك الغرفة .. وقفت و انا مترددة بين افتح الباب او لا ، فتحتو ع مهلي وكنت سامعة صوت دقات قلبي .... فتت وصلت ع الباب الأسود، مابعرف شوفي جواتو بس لازم اكشف السر ..
فتحت الباب كان مقفول .. ضليت حاول فيه بدون ما طالع ولا صوت لحتى قدرت افتحو .. كان في ضو صغير كتير كتير معلق بأول الباب وواضح انو في درج طويل اكتر من 25 درجة .. مابعرف اذا نزلتي صح او غلط ..
سكرت الباب و سندتو بربطة شعري كرمال مايقفل ونزلت ... ضليت انزل لوصلت لممر طويل و قديم حيطانو لونا زيتي ووسخة كتير ومكتوب عليها ببخاخات الوان .. مافهمت شو مكتوب ، مشيت شوي شوي بالممر وصلت لغرفة مسكرة وكان في اشارة X ع الباب .. نزلت راسي لمكان المفتاح وتطلعت ، شفت سرير مرضى وسخ كتير و طاولة مكسورة عليها صينية وبسس .. ماقدرت شوف اكتر ..
@rwayate
مشيت لقدام كان الممر طويل ومافي شي تاني غير هالغرفة ، سمعت صوت حدا جاية من بعيد صرت ارجف مابعرف وين بدي اتخبا ، وقفت بزاوية الممر المعتمة ، كان في ادوات زراعة قديمة مرمية هون تخبيت جنبن و صرت اتطلع ، مر رجال ضخم و اصلع لابس تياب بيض وسخين كتير كتير و حامل بأيدو مقص مشي لوصل لمكان قريب مني وهون نقطع نفسي بعدين لف و دخل بممر مقابيلي ماكنت انا شايفتو ...
اول ماشفتو اختفا عن نظري طلعت بسرعة و هربت من الممر وصلت للدرج طلعت عليه لفوق فتحت الباب و طلعت و انا عم سكرو سمعت صوت حركة بممر الاوتيل ، بلعت ريقي و تخبيت ورا الخزانة الموجودة بالغرفة ، بعد شوي انفتح الباب و دخلت منال و بأيدا صينية عليها زبدية شوربة و خبزا .. فتحت الباب ونزلت لتحت ... ستنيت شوي وبعدين طلعت من الغرفة و رحت ع غرفتي و انا عم الهت ، لقيت عهد اعدة ع التخت و عم ترجف
غالية : انتي فايقة ؟؟
عهد : وين كنتي؟؟؟ لك مجنونة انتي !!!! وين رحتي
غالية : عهد ليكي نحنا مالازم نضل هون ولا لحظة ، في قصة للأوتيل لازم نهرب هلئ ... خبري أيهم يطلع معنا
عهد : كيف كيف بدنا نطلع و الحراسة؟؟ و منال ... و بشرى ... بركي حدا حس علينا
@rwayate
ماكان في ولا طريقة لنطلع لبرات هالفندق الملعون .. نمت ساعة وحدة وبس وبلشت بشرى تصحينا و تدق ع بوابنا لنفيق ..
اول ماطلعت من الغرفة نزلت ت المطبخ لشوف أيهم مالقيتو .. طلعت بالممرات و الغرف كمان ماكنت لاقيه وصلت للغرفة يلي فيا باب اسود .. فتحت الباب لقيتو واقف جنب الباب وعم يتطلع عليه ، بهاللحظة شكيت فيه : انت شو عم تساوي هون؟
أيهم : انتي اجيتي .. شبك ..
غالية : بكفي كذب ، جبتنا لهون أبصر شو النية يلي ببالك .. و مرة بشوفك عند فريد وهلئ بهي الغرفة وعم تتأمل الباب
أيهم : لك غالية بشو بدي احلفلك انو مالي علاقة بشي والله مالي علاقة ليش ماعم تصدقيني .. انا هون لان سألت عن الأوتيل وعملت أبحاث و عرفت انو البنات يلي بيشتغلو هون كل سنة بيختفي حدا منن وماحدا عرفان السبب .. @rwayate
اهالي البنات رح يجنو ليعرفو بناتن وين عم يروحو بس ماحدا قدر يعرف و الشرطة كذا مرة أجت لهون وما لاحظت شي غريب ، فريد حكالن انو هو ماله علاقة البنات عم يتركو الشغل ومادخلو بيلي بصير برا وبفرجيهن تواقيع البنات ع وراق استقالة و بينسحب من الموضوع فهمتيييي... انا اجيت لان بحبك وبدي طالعكن من هون انتي وعهد
غالية : ليش ماحكيت من الاول ليششش
ايهم : مبارح بالمطبخ لما أجيت بدي قلك ماخليتيني و قلتيلي أنو انا كذاب
غالية : السر كلو بهاد الباب
أيهم : بتعرفي شي عنو؟؟
غالية : خلينا نطلع من هون لان لو شافونا رح نتحاسب
@rwayate
طلعنا من الغرفة و اتفقنا انو نحاول نعرف شي و نلتقي بالليل لنحكي ..
حكيت لعهد و صارت تبكي : انا السبب برميتنا هون لو ماكنت مضطرة اشتغل وجيب مصاري كنتي ما أضطريتي تضلي معي لا انتي ولا ايهم ...
ضميتا وحاولت خليا تهدا .. طلعت وصرت امشي بالممر لوصلت لبهو الاوتيل مكان الاستقبال ، كان المكان فاضي و هدوء تام و عتمة .. اتطلعت ع باب الخروج مافي حدا قربت منو شوي لقيت تنين شباب عراض واقفين برا وعم يراقبو ، يعني مستحيل نقدر نطلع من هون ..
رحت للباب الخلفي يلي بيطلع ع حديقة الفندق كان مفتوح طلعت منو ع مهلي و صرت اتطلع حوليي الحديقة كبيرة وكلا زرع و اعدات بس الحيطان عالية كتير وهي كانت من أساسيات الفندق حتى ماينزل حدا و يخربو او يسرقو ..
مافي ولا باب خروج من الحديقة ..
@rwayate
فتت لجوا وسكرت الباب ، نزلت ع مهلي لغرفتي شفت بشرى جاية من بعد هي ومنال .. وقفت ورا الحيط كانو ماشيين بسرعة وعم يحكو ( منيح قدرنا نخبيا .. يلا خلينا نروح حتى ماحدا ينتبه علينا )
أول مامشيو وبعدو نزلت ع غرفتي انا وعهد بس مالقيت عهد ،
دورت عليها بكل الغرفة و الحمام و ممر الخدم مالقيتا طلعت لبرا مشيت بالممرات و صرت نادي بصوت واطي كمان مالقيتا .. بلشت ارجف وخاف ، رحت ع غرفة ايهم دقيت عليه و انا عم ابكي و قلتلو عهد اختفت ..
طلعنا انا وياه وفتل راسنا بكل الاوتيل بس مالها أي أثر : ايهم انا متأكدة انو بشرى ومنال هن السبب بيلي صار .. انا كنت برا و سمعتم شو حكو كانو عم يقولو منيح خبيناها خلينا نروح بسرعة
انا خايفة يصيرلا شي لعهد ..
ايهم : هسسس خلص لا تخافي رح نلاقيا ، خلينا نروح ع الباب الاسود أكيد خبووا هنيك امشي .. مشينا سوا لوصلنا للغرفة فتنا عليها بعدنا الجلايل عن الحيط وفتحنا الباب ، هالمرة كان عندي احساس انو مارح نرجع ولا رح نطلع من هون
@rwayate
مشينا بالممر بس خايفين حدا يشوفنا و يلي بخوف اكتر انو مافي مكان نتخبا فيه ..
وصلنا للغرفة يلي شفتا من قبل وكان عليها اشارة X الغرفة ماكانت مسكرة هالمرة ، وقفنا و اتطلعنا فيا سرير وسخ وشراشفو مقرفة و صينية عليها أدوات جراحة مقصات و مشارط و أبر ..
اتطلعنا منيح لجواتا ماكان فيا حدا فتنا و صزنا نتطلع كانت الغرفة كتير متوسخة و مقرفة و حيطانا كلا كتابة و رسمات
أيهم : شو هالمكان هاد انا ماني فهمان شي
غالية : صدقني مو قادرة اعرف شو عم يصير .. لازم نطالع عهد و نهرب بأسرع وقت
فجأة سمعتا صوت دعسات حدا جاية من بعيد .. بلعت ريقي و اتطلعت بأيهم : وين بدنا نتخبا؟
مسك أيدي ووقفني ورا عضاضة الحيط يلي بالغرفة .. كان في بالمكان عضاضة بارزة عن الحيط تخبينا وراها .. بعد شوي دخلت منال، كان واضح انو معصبة كانت عم تحكي : وينو الغبي .. بدنا نكمل شغلنا
بعدين طلعت لبرا .. مدري ميف اتطلعت ورايي بنفس مكان العضاضة كان الحيط عليه اربع تعليقات من فوق حركتن شوي ودفشتو قام تحرك هو يادوب عرضو نص متر .. حكيت لأيهم يلي صار بعدين اكتشفنا انو هاد مو حيط هاد خشب متحرك ومدهون بنفس لون الحيط ومثبت بتعليقات مشان مايبين انو باب سري ..
@rwayate
رفعنا كان في درج طويل و ضييق و عتم زيادة .. ماكان النا خاطر ننزل الخوف يلي عايشينو ماشجعنا ننزل لهيك مكان خاصة انو ماكان فيه اكسجين لان تحت الأرض تماما ..
ونحنا واقفين وصافنين دخل حدا ع الغرفة خفنا ونزلنا فورا ع الدرج ... ضلينا ننزل لوصلنا لفسحة صغيرة كتير كانت ريحة العفونة و الخنق قوية لدرجة انو حاولنا نكتم نفسنا قد مامنقدر.. هالفسحة كتير عتمة فيا باب ارتفاعو متر وعرضو نص متر .. دخلنا منو ونحنا منزلين راسنا وبالعين نفسنا مشينا فيه تقريبا مترين بعدين فتنا ع فسحة تانية أكبر .. هالفسحة كان فيا عدة غرف .. قربنا منون بس البواب مدربسة منيح وكلا حديد لا بتنفتح ولابفوت منا هوا ولا ضو ..
يتبع ...