الفصل 1
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اوتيل 5 نجوم*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أوتيل_5_نجوم #رند_محمد_الجزء_الأول
@rwayate
دائماً بقولو الدراسة أهم شي .. هي يلي بتجلب المصاري و الراحة و السمعة الطيبة و المكانة الرفيعة .. بس اللي بيحصل معي أكدلي عكس هالحكي كلو.. ليكني تخرجت من كلية العلوم ولحد هلأ مالقيت شغل .. جربت اشتغل بالتدريس بس ما كان إلي مراء ومل بسرعة وما أقدر اتحمل الطلاب ونقهم البشع .. تركت المدرسة و اشتغلت بمحل ألبسة التعب كتير و الراتب قليل، تركت الشغل و بلشت دوور ع غيره .. أعدت بالبيت فترة اسبوع بدون شغل
كنت انسانة بحب النوم كتير و مابحب اشتغل و التزم بس مضطرة اشتغل لجيب مصاري طعمي فيهن اختي الصغيرة و أمي ، عندي أب بس وجوده وعدمه واحد لأنه دائماً شربان ونايم ولا بحياته فكّر مرة وحدة يفهمنا و يحس فينا ، انا صح من عيلة معتدلة مادياً و انا مستهترة نوعاً ما بس رغم هيك مافيني اتواضع لحدا شايفة حالي و بحس اني مكملة من الجمال للدراسة لكلشي يمكن @rwayate هالشي مو صح بس انا هيك بنظر حالي ..
اتصلت فيني رفيقتي عهد و انا نايمة .. تلفوني كان عم برن و انا افصله و ارجع نام .. رديت عليها بصوت ناعس .. خبرتني روح لعندا لنشرب القهوة سوا .. هي بيتا قريب بالشارع التاني مابياكل معي دقيقتين ، ئمت من فرشتي غسلت و لبست البيجامة و طلعت لعندا
ضيفتني القهوة و حكتلي في خبر حلو !!
بقيت اعدة ع الكرسي وعم العب بتلفوني بدون ماعيرا اهتمام ..
عهد : في شغل براتب سبعين ألف بالشهر
فتحت عيوني بإستغراب : وين وكيف ؟؟
عهد : الشغل عاملة بأوتيل
اتنهدت : انتي جنيتي عهد ؟؟ انا بنت متخرجة بدك ياني اشتغل عاملة؟
عهد : ليش ياغالية شهادتك بشو نفعتك ما انتي بتقليلي انو ياريت ماضيعت عمري و انا بدرس؟؟
جاوبتا : بدي فكر قبل ماوافق ..
رجعت عالبيت وكنت عم فكّر كل الوقت
الشغل كتير حلو و الراتب مريح أعلى راتب اشتغلت فيه كان خمسة وتلاتين ألف ليرة، هلأ راتب عالي و بكفي اني رح نام بالأوتيل و أكل هنيك و ابعد عن هالحياة المملة .. خبرت أمي اني لقيت شغل ورح شوفو مع عهد رفيقتي .. @rwayate
كانت خايفة عليي و عم تدعيلي و تدعي لأبي الله يهديه .. اي ام رح تخاف ع بنتا لو كانت بتشتغل ادام عينا كيف انا يلي رايحة لمكان مابعرفو ورح عيش فيه فترات طويلة بس ماكان قداما مجال لتحكي ماهو لان تركت الشغل فترة اسبوع وصلت احوالنا انو نموت من الجوع و أمي مافيا تشتغل لان مرة كبيرة ونظرا قليل ..
اتفقت انا وعهد ع موعد محدد لنطلع سوا ، ضبيت تياب و اكلات بشنتة صغيرة وودعت أمي وطلعت من البيت كانت عهد بتستناني بأول الشارع هي و الشب يلي حكالا عن عرض العمل ( اسمه ايهم هو ابن جيرانهم وساكن بالبناية يلي جنبن )
أول ماشفته عصبت كتير لأن مابحبه لهالشب ولا بحب أتعامل معه
كان ناطرنا بسيارتو سلمت عليه وطلعنا انا وعهد بالكرسي الخلفي اتطلعت عليها بتعصيب وسألتا ليش جبتيه؟
عهد : هو يلي دلني ع الشغل .. بعدين ايهم متل أخي و نحنا رايحين لمكان مامنعرفه خليه شب يروح معنا احسن
السيارة ضلت ساعتين تمشي لحد ماوصلنا ع منطقة جبلية و السيارة صارت تطلع من بين الحجار بصعوبة كان مرتفع عالي وكل شوي ليقلب دولاب السيارة قلبة ...
قطعنا المنطقة و مشينا بطريق شبه صحرا خالي من البيوت ومافيه حدا مشينا فيه شي نص ساعة بعدين طلعنا بمكان فيه شجر و بناء عالي وفخم كان مبين من البلور يلي فيه و نوع الحديد المكسي عليه ..
صفينا السيارة و دخلنا لجوا .. المكان هادي فوق مابتخيل ، كان في صبية عم تشرب نسكافيه و أعدة بالريسبشن قربت منا و سلمت عليها بس ماردت عليي .. كانت عم تشوف التلفزيون ع برنامج اجنبي قديم كتير وفي صوت موسيقى مزعج ..
فكرتا @rwayate ماسمعتني أول شي رجعت رميت السلام عليها صرخت فيني وحكتلي : ماشفتيني مارديت من أول مرة اخرسي معناها!!
استغربت من اسلوبا الوقح و رفعت صوتي عليها : مين انتي لتحكي معي هيك؟
ايهم : بسس بكفي أهدو ..
مسكني وشدني ع جنب وحكي معي بصوت واطي : غالية مابدنا نروّح الفرصة من ايدنا تحملي شوي ..
سكتت و اعدت ع الكرسي .. بقينا ساعتين اعدين ومافي حدا بالأوتيل غير هالبنت .. ولا أي حركة هدوء تام ماحدا من العمال مرء ولا حدا من الناس يلي بالأوتيل طلع ..
نفخت بوجه ايهم وحكيتله : أنا بطلت وماعد بدي اشتغل يلا خلينا نروح
عهد : انتي جنيتي شي ؟ اذا حابة تضيعي هيك فرصة من ايدك فروحي لحالك يلا نحنا مو رايحين انا بدي اشتغل هالشغل كرمال علاج أمي فهمتي
ونحنا عم نحكي ونتخانق حكا ايهم : سكتو في حدا جاي باتجاهنا @rwayate
كان شب لابس طقم و أنيق أشرلنا بأيده ورفع صوتو شوي : تفضلو معي لمكتب الاستاذ
رحنا معه ودخلنا للمكتب كان في رجال آعد ع كرسي رحب فينا وحكالنا انه اسمه فريد وهو المسؤول عن الموظفين هون .. استغربت من كلمة موظفين يلي حكاها
غالية : بس انا ماني شايفة موظفين؟
فريد : الأحسن ماتسألي .. الراتب خمسين ألف والشغل عمال نظافة بالغرف ترتيب وتغيير شراشف و تقديم اكل هالقصص
غالية : بس وصلنا خبر انه الراتب سبعين هيك عم تغيرو أقوالكم بعد ماتعزبو اللي بدو يشتغل؟
فريد : صح كنا حاكيين أنه سبعين بس لو حكينا انه خمسين ماحد رح يجي يشتغل لان المنطقة بعيدة لهيك حكينا منكتب هالسعر لترغب الناس ..
وقفت مكاني وحكيتله : انا ماعد بدي هالشغل يلي من أوله كذب .. عهد انتي سمعتي بأدنك شو حكا و الراتب مو متل ما اتخيلنا!!
عهد : انا آسفة غالية بس انا مضطرة ع الشغل أمي يمكن تموت لو ما اشتغلت لعالجا اذا مابدك انتي روحي خلص ..
حكيت لايهم : يلا خلينا نمشي ..
طلعنا من الأوتيل ورحنا ع السيارة كانت الساعة 8 المسا والجو ماطر وفيه رعد .. شغلنا السيارة ومشينا فيا بس بسبب الجو والعواصف القوية ماكانت عم تساعدنا لنطلع ع المناطق المرتفعة ايهم طلب مني انصف السيارة ونرجع نمضي الليلة بالأوتيل بكرا من الصبح رح نطلع .. عصبت زيادة @rwayate لان كنت متوترة وما ارتحت لهالمكان خصوصاً اللئم يلي بمعاملتن ..
دخلنا لجوا وكنا بردانين كتير وتيابنا مبلولين .. ركضت لعنا عهد وحكتلنا نرتاح جنب الصوبيا ، بعد شوي اجا لعنا فريد حكالنا فيكن تنامو هون لهالليلة و بكرا بتطلعو .. عطاني غرفة و اعطى ايهم غرفة .. غيرت تيابي بعدين جابولي اكل اكلت و تسطحت ع التخت وغمضت عيوني ونمت ، ضليت نايمة للساعة تنتين بالليل صحيت ع صوت حركة رجلين بالممر ، حطيت أدني ع الباب و صرت أسمع .. كان في صوت حركة واضح وفي صوت حكي مو مفهوم وبعيد .. فتحت الباب بهدوء وطلعت ، مالقيت شي ، صرت أمشي لآخر الممر المظلم و العتم .. ضليتني أمشي بعدين اتطلعت ع الأرض لاحظت وجود بقع دم شهقت وصرت ارجف . َ كانت نقط الدم متوجهة لغرفة .. ضليتني اتبع هالنقاط هي لحتى وصلت للباب .. فتحت باب الغرفة بقوة و انصعقت بوجود جثة مرمية على الأرض وفي سكين مغروزة بصدرا و الدم مغرقة .. دموعي صارت تنزل قربت عليها وتأكدت من وجها كانت جثة البنت اللئيمة الموجودة بالريسبشن .. شهقت ووقفت لاطلع بسرعة من الغرفة قبل ماحد يشوفني .. بس فجأة تسكر عليي باب الغرفة .. وطلع من الحمام فريد وكان عم يضحك ..
غالية : شو عم يصير والله مادخلني
فريد : سمعي هالكلمتين هي جريمة قتل و انتي يلي ارتكبتيا ولو ما اشتغلتي هون ومن تم ساكت رح افضحك و خبر الشرطة وخليكي تندمي ع الساعة يلي حكيتي فيا او رفضتي الشغل
غالية : بس انا ماعملت شي والله ماقتلتا
كنت عم ببكي و احكي .. @rwayate
فريد : الكاميرات يلي بالممرات صورتك و انتي جاية ع الغرفة و حطيتي ايدك ع السكين يلي بصدرا .. اذا حكيتي كلمة او رفضتي الشغل هي الدلائل من بكرا رح توصل عالشرطة ...
طلعت من الغرفة ورحت لغرفة عهد كنت طول الوقت عم ببكي وكل ماتسألني ليش احكيلا لان تعبانة ومابدي اتركك لحالك هون انتي رفيقة عمري ...
قضيت هالليلة بغرفة عهد و الصبح نزلت ع بهو الاستقبال كان في طاولات وكراسي .. أعدت هنيك وكنت متوترة عم آكل اضافري، بعد شوي أجا لعندي ايهم سلم عليي وحكالي جهز حالي لنطلع
غالية : ايهم انا بدي اشتغل هون ..
ايهم : اووف بالسرعة غيرتي رأيك!!
غالية : اي لقيت اني مضطرة عالشغل وهيك الصح ..
كنت عم احكي وينزلو دموع الخوف من عيوني بسبب يلي شفتو باليوم يلي قبل
ايهم : غالية شو صار معك في بتمك حكي
غالية : لاء لاء .. روح انت انا لاوم اطلع خبر فريد انو رح اشتغل هون
هز براسه وحمل شنتايتو ودعني و طلع
حكيت لفريد انه رح اشتغل هون .. ابتسملي بعدين عطاني غرفة مع الخدم ..
الخدم كانو بالقسم يلي بأسفل الاوتيل في الهن ممر كلو غرف للخدم .. من حسن حظي انو انا و عهد كنا بغرفة وحدة والباقي لحالن
ضبيت غراضي بالخزانة و رتبت تختي و أعدت و انا صافنة و موترة
عهد : شبك مو على بعضك ؟
غالية : مبارح صارت مصيبة بالاوتيل !! البنت اللئيمة يلي كانت بالريسبشن كانت مقتولة !!
عهد : شو شوعم تحكي مين قتلا
غالية : فتت ع غرفتا و فريد كان هنيك وحكالي لو ما اشتغلتي هون رح افضحك وانشر صور كاميرات الممر يلي صورتك و انتي فايتة لهون ورح خبر الشرطة انك قتلتيا
و انا عم احكي عهد كانت مستغربة كتير ومو قادرة تمسك اعصابا .. هي بنت ضعيفة نوعاً ما بتحتمي فيني بأغلب الاحيان ..
يتبع..... ( تفاعلو )