Part 8
دخلت مكتبه من غير ما تخبط.
كان واقف قدام الشباك، ضهره ليها، إيده في جيبه كعادته لما بيكون متوتر.
صوتها كان هادي… هدوء يخوف.
"أنا عرفت."
إيده اتشدّت جوه جيبه، بس ما لفّش.
قال بهدوء مصطنع:
"عرفتي إيه؟"
قربت خطوتين، ورمت الملف على مكتبه.
الورق اتناثر قدامه.
"القضية اللي اتقفلت من خمس سنين…
الشاهد اللي اختفى…
والاسم اللي كان متشال من المحضر."
سكتت لحظة، عينيها ثابتة فيه.
"اسمك."
ساعتها بس لفّ وبصلها.
نظرة مش متوقعة… مفيهاش خوف.
فيها تعب.
قال بصوت واطي:
"لو كنتي مكاني… كنتي عملتي إيه؟"
قلبها كان بيدق بسرعة، بس قالت بثبات:
"كنت اخترت الصح."
ابتسم ابتسامة صغيرة موجوعة.
"الصح ساعات بيبقى رفاهية يا دكتورة…
وإنتِ لسه بتدرسي القانون من الكتب…
أنا اتعلمته من الشارع."
قرب منها خطوة…
المسافة بينهم بقت قليله.
"دلوقتي بعد ما عرفتي…
هتسلّميني؟
ولا هتبقي أول حد يقف في صفي؟"
سكتت.
مش عارفة تختار بين القانون…
والراجل اللي قلبها بدأ يميل له رغم كل حاجة.
وبصوت مهزوز لأول مرة قالت:
"قولّي الحقيقة كاملة…
يمكن أقرر أنقذك بدل ما أدمّرك."
وقف قدامها، عينه في عينها.
"لو أنقذتيني…
هتغرقِي معايا."
سيدرا انا عايزه اعرف انت لي كنت رافض تقولي انك كنت ماسك القضيه
كريم قعد علي المكتب وقال اقعدي واهحكيلك كل حاجه انا اسمي الحقيقي حازم وانا فعلا اللي كنت ماسك القضيه دي بس مش انا اللي حبست الراجل البرى ده انا اتطلب مني اني ازور في التقارير بس انا رفضت وعلشان رفضت كانوا هيخلصوا لذلك قررت ابدا حياتي باسم مختلف وهو كريم الدهشوري وسافرت بره درست اكتر ورجعت وبقيت كريم الدهشوري اللي قدامك لذلك انا مش عايز افتح القضيه دي تاني
سيدرا بس انت كده سبتهم يحبسوا برئ لي
كريم مكانش عندي اختيار تاني غير اني اهرب كنت جبان ساعتها
سيدرا لو انت جبان انا مش جبانه وهطلع المتهم ده يا حازم
حازم وانا هسعدك بالمعلومات اللي عندي
سيدرا تمام