الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم شاءت الأقدار`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#مايا_الحجازي
#شاءت_الأقدار
#الجزء_الأول
دايما حياتنا بتنتقل من مرحلة لمرحلة وقت نكون صغار تفكيرنا بكون محدود العاب رحلات رفقات اعياد وبمرحلة المراهقه مننضج ومنبلش ندور على حدا نحبو ويحبنا يعني مرحلة طايشه وقتها بتكون قرارتنا غيرر منطقيه ومنفكر بوجهة نظر وحدة بغض النظر عن المجتمع العادات والتقاليد وبعد مرحلة المراهقه بتمر فينا مرحلة انا شو بدي شو هدفي لازم اسعى لحقق طموحي من زواج وتعليم وبعد فترة الزواج وتجارب من كل النواحي مننظج ومنصير نعرف شو بدنا من هالحياة ليش انخلقنا ومنصير نضحك على تفكيرنا السلبي وكيف كنا شاغلين بالنا بشغلات تافه لانو ببساطه همومنا كبرت بحجم غير طبيعي لهيك بلشنا نشوف الشغلات القديمه تافهة وصغيرة في شي اهم من الماضي المستقبل اكيد اسمي امل عمري 27 سنه محامية ومستشارة قانونية مطلقه وعندي ولد وعايشه ببيت لحالي بعيد عن ماما واختي لانو حابة عيش ببساطه بعيد عن نقد المجتمع وحكي الناس "مطلقه"شو معنى هالكملة ببساطه المطلقه بمجتمعنا يعني لقمه سهلة رخيصه وعيون كتير شباب عليي ومو بس شباب ختايرة شي من عمر بابا واكتر كمان وقت فكر بعواطفي هالعلاقات كلها بتستفزني بس وقت فكر بعلقي بساير هالناس والمجتمع مو لاني هبلة بس كرمال اتعايش مع وضعي الي خارج عن ارادتي
"بعد عشى دسم وخلصت نشرة الاخبار وكاسة المته راجعت قضيه استلمتها سكرت كل شي وراق ورتبت الصاله واتصلت بأهلي
امل:كيفك ماما
ماما:الحمد الله تمام انتي شو اخبارك طمنيني عنك
امل:الحمد الله تمام شو عاملين
ماما:خلصنا السهرة وكل وحدة دخلت غرفتها
امل:اي منيح
ماما:قبل انسى اقفلي منيح وتغطي
امل:اكيد لا تشيلي همي
ماما:ديري بالك على حالك
امل:حاضر
ماما:تصبحي على خير
امل:وانتي من اهلو
اندق باب البيت وانا مو ببالي اي حدا ابدا بجوز حدا من الجيران بدو شي وقفت ورا الباب
امل:مين
فؤاد:انا فؤاد
امل:لحظه شوي
"شو بدو بهيك وقت ......معقول في شي ضروري والا ما كان اجى .....شو بدو يكون فيه .....لافتحلو قبل حدا يشوفو واتجرص بالبناية .....طلعت على حالي لبسي مناسب كتير بس سكرت الجاكيت تبع البيجامه فتحتلو وانا عم اتفقد مين معو
فؤاد:شو كانك مو ناوية تفتحي
امل:لا ......مو هيك
فؤاد:مافي تفضل
امل:لحالك
فؤاد:لا انا و خيالي
امل:😂😂😂فوت
بعد ما دخل سكرت الباب وراه وشفت معو كيس اكيد فيو غراض انشالله ما يكون عشى لاني لساتني متفجرة
امل:شو حامل غراض
فؤاد:للسهرة
شديت على اسناني ......سهرة!!!سهرة شو وانا نعسانه بدي نام والساعه 11
دخل وكأنو البيت بيتو وقعد وشغل التلفزيون وانا متمسمرة بمكاني
فؤاد:شو ليش واقفه
امل:شو بتحب تشرب
فؤاد:جايب معي مشروب بس جيبي كاسات ومعي تلج
امل:بس انا بطلت المشروب
فؤاد:بلا علاك مصدي خلصيني
امل:ماشي
دخلت ع المطبخ جبت الكاسات وارجعت لعندو وشفتو عم يطالع المشروب
فؤاد:كترلك تلج
امل:والله ما بدي اشرب
فؤاد:انتي حرة
امل:شو سبب هالزيارة بهيك وقت
فؤاد:عندك شي
امل:لا ابدا بس استغربت
فؤاد:هيك ضجران وقلت ما الي غير امل
امل:شو ليش ما اجت زينة معك
فؤاد:انا هربت منها
امل:متخانقين
فؤاد:اي والله
امل:ما صارلك اسبوع مصالحها
فؤاد:انتو النسوان بنص عقل
امل:😆😆😆...وعلى شو
فؤاد:ليكي انا جاي لارتاح مو لسم بدني
أمل:اي معك حق ........كيفو حمودة
فؤاد:يلعنو ويلعن امو معو
امل:😂😂😂😂مقفله لحكاية معك
بلعت باقي الضحكه واكتفيت بالابتسامه عليه وعنجد معصب بس على شو وشو لجديد كل يوم في خناقه عندو ازا مو مع مرتو بشغلو ......
فؤاد:شو ليش هيك قالبه على نصك
امل:عنجد نحفانه
فؤاد:لا شو نحفانه ازا بنفخ عليكي بطيري
امل:ماني ملاحظه هيك شي
فؤاد:شو مانك ملاحظه ما بتشوفي حالك على لمرايا
امل:مع اني عم اتغذا بس
امي بتحكيلي اني مكيودة
فؤاد:اي منيح .......ليش بطلتي المشروب
امل:الدكتور منعني اشرب
فؤاد:ااف اف ....وليش
امل:حكالي بتنضرب معدتي
فؤاد:على اساس انا ما بعرف شو صار معك اخر مرة اشربتي
امل:اي منيح الي بتعرف
فؤاد:من حيونتك
امل:انا حيوانه يعني
فؤاد:اي لكن بيعملولك غسيل معدة لانك تقلتي بالمشروب
امل:كان بدي غسيل دماغ انا مو معدة
فؤاد:ياريت والله وانا كمان بدي اعمل غسيل دماغ
امل:😂😂😂.....اي حكيلي على شو تخانقتو هالمرة
فؤاد:شغله ناكته
امل:عادي احكيلي ما بخبر حدا
فؤاد:ما بعرف من وين بتنكشلي المشاكل كنت مروق ولو تشوفي ما احلاني
امل:لا انت حلو بكل حالاتك
فؤاد:هههه ما بدك تسمعيني
امل:اكيد يلا كفي
فؤاد:يعني لسى ما حمي مكاني وقبل بدل اواعيي شفتها مزعوجة والله ضرب على قلبي وحكيتلها شو فيوانتفضت بوشي
امل:😁كيف
فؤاد:بلشت الموشح ..ليش تأخرت ومع مين .....قبل احكيلا وين كنت بلشت تبكي قال انا عم خونها وابصر مع مين
امل:وليش لتشك فيك
فؤاد:قال انا ما بغار عليها وما بحسسها بأنها مرتي
امل:😆😆الله يصلحك انت التاني حسسها
فؤاد:والله....بتعرفي انا ما عم افضا حك شعري بالفرع وبطلع من دوامي بمهمات صعبه وبعيدة وبرجع ع البيت لارتاح وبتستنفر بوشي
امل:بس كمان هي معها حق لازم تحس بوجودك معها
فؤاد:امل الله يرضى عليكي اطلعي من هالشغله مو ناقصني دفاعك كمان
امل:سدءني اي وحدة فينا بتحب الاهتمام
فؤاد:وحدا حكالك انو ما بهتم فيها
امل:وليش لتشك فيك هيك بدون سبب
فؤاد:ابصر مين بدو يخربلا بيتها وبعيبلا براسها
امل:وليش اجيت لعندي
فؤاد:طلعت ضجران وازا بدي روح على مكان راح اصدف حدا من بيت حمايي وما بدي كل هالشغله
امل:وانا ما خفت خبر حدا من بيت حماك
فؤاد:انتي.....انتي مافي منك
امل:يعني ثقه مو اكتر
فؤاد:اي لكن
امل:ويعني مو ناوي تنام ببيتك
فؤاد:لا شو ما نام والله غير تفضحني😢بدي ارجع بس انشالله بتكون نايمه
امل:زينة وتنام اي مستحيل هلا بتكون حاطه الحزن بالجرن وعم تبكي وتندب حظها
فؤاد:لا تخليني اشفق عليها 😂
امل:عنجد حرام والله نحن النسوان منرضى بكلمه روح وراضيها
فؤاد:ما زعلتا ....انا
امل:وكيف طلعت من البيت
فؤاد:تفششت فيها وطلعت
امل:عنجد كنت مروق قبل تروح ع البيت
فؤاد:اي والله
مسك تلفونو ليتفقد كم اتصال وانا كنت عم راقب تحركاتو "كيف بفكرو هنن وكيف منفكر نحنا يعني ولا هامو انو زعلانه ولا مزعوج ؟؟؟؟اصلن لو مزعوج كان بين عليه !!!بلعكس مبسوط وكتير كمان انا هيك حاسة :::::::
فؤاد:اي ما حكيتيلي
امل:بخصوص شو
فؤاد:ليش مسكرة المكتب
امل:بدو شوية ترميم وبدي افتح غرفه وكبر فيها المكتب
فؤاد:وعاطلة عن العمل
امل:لا عم داوم عند قيس بالشركه بتعرف انا مستشارة قانونية عندو
فؤاد:قيس........كيفك انتي وياه
امل:شو رأيك انت
فؤاد:ما بعرف انتي لازم تحكيلي
امل:عادي .....يعني نحن رفقات
فؤاد:بس قيس ما بشوفك هيك
امل:يسطفل وانا فهمتو مية مرة انو نحن رفقات وما في داعي لا يبررلي ولا انا ارجع وعيد نفس لحكاية
فؤاد:😌😌كيف ابنك
امل:ما بعرف اسال ابوه
فؤاد:شو منرفزة عليه
امل:شو فؤاد ....عبالك نام وانا عم ابكي
فؤاد:لك لااأا مو هيك سؤال عادي مو اكتر
امل:ما بعرف صرلي شهرين ما حكيت معو
فؤاد:لا تعصبي خلص
امل:لا انت بتعرف شو بيعنيلي هاد الموضوع وانت استقصدت انو تفتحو مشان اتنرفز
فؤاد:هيك بتشوفي انتي
امل:هاد الواقع
فؤاد:انا بدي امشي
امل:اي لاتزعل ما راح راضيك
فؤاد:😂😂😂لا ما زعلت بس انتي معصبه واجت الشغله براسي
امل:لا شغله ولا شي بس هيك كل ما نسيت الموضوع عم تزكروني فيه مو بس انت وماما وكل الكون وكنت مروقه واخر رواق قبل توصل 😠😠
فؤاد:اي خلصنا من هالحكاية صار مار عليها دهر
امل:بالنسبه الك ولغيرك اما انا مستحيل انساها او تكون حادث عادي وخلص انسى وكفي حياتي هيك بشكل طبيعي
فؤاد:بس هيك الفروض يصير
امل:حط حالك بمكاني
فؤاد:بس انا وانتي ما منتقارن .....انتي ضعيفه وبتخافي جبانة وبتستسلمي بسهولة اما انا ازا الي حق عند شي حدا بخلص عليه
امل:انت رجال
فؤاد:اي منيح لهيك لا تقارني حالتك بحالتي .......امل انا كتير بشفق عليكي
امل:اشفق على حالك
فؤاد:😢😢انتي اشفقي عليي.
امل:ليش شو ناقصك
فؤاد:الجواب عنددك
امل:بتعرف الساعه صارت 12 لازم نام انا عندي دوام
فؤاد:هي تقليعه ع الماشي صح
امل:افهمها متل ما بدك
فؤاد:ماشي انا رايح
امل:سلم على زينه وعلى حمودة
فؤاد:بيوصل
طلعت لودعو وصفن فيني عند الباب
فؤاد:لا تفكريني اجدب انا بعرفك اكتر من حالك .....كلشي عم خططلو راح يصير
امل:اي ..........منيح
فؤاد:تصبحي على خير
امل:وانت من اهلو
سكرت وراه الباب
"لعمى الله يهز بدنك متل ما هزيت بدني ...لو بعرف انو هيك بدو يعمل ما كنت استقبلتو 😢😢😢😢وليش ليشفق عليي ......يضرب هداك لنهار الي تجوزت فيه ......دخلت ع الصاله طفيت كلشي فيها ودخلت على غرفتي لنام
وما اجاني نوم وطول الليل وانا اتقلب من جنب على جنب واتجلس بمكاني وانا عم امنع اي تفكير بابني لاني كتير مشتاقه هلأ احضنو ضمو ونام حدو .😢 وما غفيت الا لبعد الفجر
■■■■■■□□□□□□□
صحيت على صوت دقه الباب وبالغصب لفتحت عيوني ورحت فتحت بدون ما شوف قدامي وكانت ماما
ماما:الساعه 11 ليش نايمه لهلأ وتلفونك ما رديتي عليه
امل:كنت نايمه وتلفوني ع الشحن وصامت كمان
دخلنا سوا ع الصاله وانا انصدمت بعلبه المشروب
ماما:امل😠😠شو هاد
امل:ما بعرف
وفوق كل هاد ناسي جاكيتو عندي هالسكران قبل روح وخبيه كانت ماسكيتوماما:امل 😠😠😠مين كان عندك
امل:ما حدا
ماما:جاكيت مين هي
امل:ولا حدا
ماما:لك الله لا يسامحك شو هاد شو عم تعملي
امل:انتي فهمانه الموضوع غلط
ماما:مين كان عندك
امل:يعني ازا حكيتلك راح تسدءيني
ماما:احكي لشوف
امل:.......ما راح تسدءي
ماما:خلصيني احكي
امل:روقي بالاول
ماما:امل😠😠😠
امل:ففففؤاد
ماما:فؤاد ما غيرو ....عم تشوفي يا ....
امل:مافي بيناتنا شي
ماما:لك فؤاد يا بنت العالم والناس يا ضيعان تربايتي فيكي
امل:خليني اشرحلك
ماما:لك شو تشرحيلي لحكايه واضحه ......لساتك بتحبيه وكيف بدي افهم الموضوع وهو عشيقك السابق
امل:خلصنا بقى حتى انتي عليي مو كافي هالناس هاتي الجاكيت من ايدك
ماما:عامله معو علاقه يا
امل:شو هي علاقه وما علاقه اجى وسهر سهرة عادية واقل من عادية حكي وبس
ماما:وكاسين مشروب وشالح الجاكيت هون ليكون .....
حكت هالكلمه وراحت تتفقد غرفه النوم وبلشت تفتش بالغرفه وانا واقفه وعم اتفرج عليها ومسكت لمخدة وبلشت تشم فيها
امل:من كل عقلك عم تعملي فيني هيك
ماما:وين متخبي هالواطي
راحت وفتشت كل البيت ورجعتلي رفعت اصبعها بوشي وهددتني
ماما:ازا بسمع انو في شي بينك وبينو والله لاتبرى منك ليوم الدين عم تفهمي
امل:اي ماشي
ماما:روحي اعمليلي فنجان قهوة
امل:حاضر
ما اطمن بالها وضلت معصبه وعم تهز برجلها لرجعتلها
ماما:شو كان عم يعمل هون
امل:متخانق مع مرتو واجى ليشكيلي
ماما:وشو دخلك بحياتو انتي
امل:من باب الصحبه
ماما:اي لحمار بيعرف انو انتو مو رفقات
امل:حاجتك تلطيش حكي وانا ماني صغيرة لتهدديني اصلن انا مستحيل اعمل علاقات متل هيك ومع مين مع فؤاد 😱
ماما:ليكي امل ....انا عشت كل عمري لربيكي انتي واختك وضليت ارملة وما ارتبطت كرمال ما يفوت رجال غريب عليكي وعلى اختك وسمعتنا متل المسك ولولا قصه طلاقك من فراس العالم لسااها بتحترمنا
امل:ساعه نحس الي تجوزت فيها فراس
ماما:خلصنا امل بس يا ويلك ازا بدرى انو فؤاد عم يعمل معك شي
امل:ورجعنا لنفس الموال
ماما:والله يا امل من خوفي عليكي هو رجال ما بينعاب بس انتي بتثبت عليكي القصه تبع الخيانه
امل:اي بعرف وتثبت انا بعرف حالي شو عم اعمل
ماما:انتي محامية واي كلمه بتأثر عليكي
امل:بس ما عم اعمل شي غلط
ماما:طيب فهميني ليش ليسهر عندك ويترك مرتو
امل:يسطفل هو حر وبعدين انا بستقبل قيس عندي وبيكون لحالو وين الغلط
ماما:قيس منعرفو منيح وما عندو نيه عاطلة متل فؤاد وهداك كنتي تحبيه وكيف بدك ياني صفي النيه
امل:ورحمه بابا تحت لتراب مافي بينا شي هو الو عالمو الخاص وانا الي عالمي الخاص وقصه حبنا كانت افشل قصه عرفها التاريخ وكل واحد فينا راح بحال سبيلو وانجمعنا بالشغل مو اكتر
ماما:انا بعرف بس الناس ما بترحمنا
امل:خلص معاد استقبلو بعد المغرب
ماما:ممنوع يجي لعندك مرة تانيه
امل:متل ما بدك
ماما:انا رايحه هلا والي حديث اطول من هاد
امل:ماشي
ماما:عندك شي هلأ
امل :على اساس بدي انزل وشوف العمال
ماما:اي منيح بعد ما تخلصي تعالي لعندي ع المحل ومندردش شوي
امل:حاضر
ماما:يلا باي
امل:الله معك
ودعتها ع الباب ورجعت ع الصاله وانا كئيبه وحزنانة من حكيها وكان قلبي عم ينزف ولدت فيني شعور وسخ حسستني اني عاملة شي غلط وفتحتلي دفاتر انا سكرتها من سنين وكنت حاطه على قلبي سياج من حديد كرمال ما يرجع ويدق بأسم فؤاد بس هلا بعد اليوم دق وقت اتزكرت كيف كان عم يحكي معي ونظرة التحدي بانو يرجع حبنا متل اول خوفتني مسكت جاكيتو وغمرتو لا شعوريا وبلشت ابكي عليه وانا عم شم ريحتو 😭😭والله انا ظلمتك وظلمت حالي معك ليش صار هيك وانا حاضنه الجاكيت تزكرت حادث مر عليه سنين قبل اتجوز فراس بسنه اجتمعنا متل الحرمية بعز البرد والمطر قعدنا على طرف طريق معتر متل حظنا
وكان عم يغطي راسي بجاكيتو مشان المطر ما يبل شعري بس المطر ما وقف ابدا وكل حبة مطر عم تنزل علينا اكبر من التانيه ونحن عم نضحك على بعض وانبلت اواعينا ورجعنا على بيوتنا مبلولين وتاتي يوم انا وياه مرضنه وضلينا بالفرشه يومين 😍😍شو بدي اتزكر لاتزكر
فقت من خيالي على صوت دقه الباب
امل:اووف وكترانين الزوار
رحت لشوف مين
امل:مين
فؤاد:انا افتحيلي
فتحتلو وماني منتبهة ع الجاكيت
فؤاد:لازم تعرفي مين لتفتحي
امل:اكيد لازم
فؤاد:جاي لاني مبارح نسيت الجاكيت
عملت حالي مو مهتمه
امل:كنت عم رتب الصاله وشفتو منيح ما نسيت حالك
فؤاد:😂😂😂😂بدنا نضل واقفين
امل:مو بدك الجاكيت
فؤاد:لا اكيد بس عزمت حالي على فنجان قهوة
امل:شو رايك نشربها بشي كافيه
فؤاد:وايمتى راح تجهزي😨
امل:دغري تكه وبرجعلك
فؤاد:فهمت عليكي راح استناكي بالسيارةامل:ماشي
هو راح وانا دغري طالعت اواعي الشغل وعملت تسريحه لشعري مرتبه بتناسب شغلي وتمكيجت مكياج خفيف وطلعت من البيت بسرعه وكان ناطرني وهو حدا ما بحب الانتظار
فؤاد:غريب ما اتأخرتي
امل:كرمال ما تنطر
فؤاد:اي منيح لانو عندي شغل
امل:الساعه هلا 12
فؤاد:اي انا مناوبتي بعد الظهر
امل:تصالحتو
فؤاد:اي ....تصالحنا
امل:مبروك لكن
فؤاد:هههههه ..كأنو طنط فريدة كانت عندك
امل:شو عرفك
فؤاد:وقت وصلت كانت سيارتها بالحارة وبعدها نزلت من بيتك وراحت وانا طلعت لعندك ....شو كان بدها
امل:لا ولاشي لانو ما رديت عليها بتعرف كيف الام بتفكر
فؤاد:بس على فكرة كأنها لمحتني بس انا نزلت راسي قبل تتأكد انو هاد انا
امل:ولييي عم تحكي جد
فؤاد:اي وجد الجد
امل:يا فضيحتي
فؤاد:هلا ليش امك بتكرهني
امل:ما بعرف
فؤاد:ما دعيت على حدا قد مادعيت عليها
امل:😠😠فؤاد هي امي
فؤاد:اي انا اسف لكن
امل:لا تفتح مواضيع تسكرت
فؤاد:وين جاكيتي
امل:يالله نسيت جيبها معي
فؤاد:المسا بمرق وباخدها
امل:لا مافي داعي ببعتها مع شي حدا
فؤاد:مع قيس مثلا
امل:اه ....لا لا خلص انا بجيبلك اياها
فؤاد:مو لازمتني خليها عندك
امل:وانا شو بدي فيها 😠😠
فؤاد:😂😂ما بعرف عادي البسيها وقت تروحي ع القصر العدلي
امل:وصاير تحب تنكت
فؤاد:😉😉
وصلنا ع الكافيه وطلب قهوة سادة وكل الوقت عم يستفزني وبيستأقصد هالشي وبيعرفني ما بحب حدا يحكي على حدا من اهلي لهيك ضل عم يسمعني حكي بخصوص ماما وبعدها انتقل الحديث عن ابني وكنت بدي اضربو بفنجان القهوة على وشو بس ضليت عم سايرو لخلص اللقاء وما رضي الا ليوصلني هو ورغم اني رفضت بس شحطني شحط ع السيارة يخرب بيتو على شوي كان حملني قدام امه محمد بس انا
عدلت الموقف قبل يتهور
وصلني على مكتبي وراح وانا نزلت لشوف الشغل والعمال بالمكتب واعطيتون التعليمات الضرورية وبعدها طلعت بتكسي على شركه قيس عندي كم مسأله قانونية بدي سلمها اليوم وصلت ع الشركه ودغري دخلت لعندو كان ناطرني ومستحيل شوفو بدون ابتسامتو الصاعقه
امل:صباح الخير
قيس:قولي ظهر الخير
امل:😅😅كيفك
قيس:ماشي الحال
امل:خلصت من هالقضيه
قيس:يعطيكي العافيه
امل:الله يعافيك ....يلا انا بدي روح على مكتبي
قيس:ماشي عمليلي دراسه على كم ملف حطيتلك اياهون بمكتبك
امل:حاضر
طلعت من مكتبو وعلى مكتبي دغري لكفي يومي بالشغل وهيك هيك لانسى شو بيصير معي وقت ركز بشغلي بطالع كل شي افكار من راسي وكل تفكيري بالقانون والمادات والقضايا
~~~~~~.
شائت الاقدار ٢
فؤاد شو تفسير هالاسم بحياتي حدا تعاطيت حبو من سنين وكل شي تمنيتو بحياتي كان معو انو ننجمع ببيت واحد ونحن متزوجين بس دايما تجري الرياح بما لا تشتهي السفن وهو ما يأس بلعكس طموح وبسعى لاي شي بحبو بعكسي تماما انا عند اول مشكلة بتردد وبخاف من الواقع ومن المستقبل واي كلمه بتاثر فيني جواتي طفله دفنت احلامها على بكير بس فؤاد كان ناضج ودائما صاحب مسؤوليه وافعالو سابقه عمرو بكتير وطبعو صعب وقلبو قاسي كتير بسبب الظروف الي عاشها مع مرت ابوه وما بعرف هنن كم سنه غبتن عنو ورجعت التقيت فيه لاكتتشف بأنو صار حدا مهم كتير بالبلد رغم انو كان فقير وما عندو حتى بيت بس هلا عندو فيلة سيارات ما بتنعد مرافقه خاصه كيف هيك صار ما عرفت وما سالتو والاهم من كل هاد الو كلمتو وبمون على لكبير قبل لصغير وبحب فيه صفة وحدة بانو دايما انا ملاذو ومعي انا بتجرد من شخصيتو الصعبه بيصير انسان عادي وبيحب يشكيلي وبيسمع نصايحي كتير وبياخود رأيي بكل شي .
دايما بيتصل فيني بشغل بيتعلق ببنات ضحية الاغتصاب وانا ك محامية وانثى بدافع عن حقوق هالبنات وهاد ال رجع جمعني فيه من سنين قضيه ضحيتها بنت
فؤاد:الو....كيفك امل
امل:الحمد الله انت كيفك
فؤاد:منيح .....فيكي تيجي لعندي ع المكتب
امل:ضروري
فؤاد:اكيد ضروري
امل:طيب راح اترك كلشي وجاية لعندك
تركت كل شي من ايدي والبست جاكيتي وطلعت بسيارتي لعندو ع الفرع عند الباب الحارس ما رضي يفوتني الا ليسمحلو فؤاد واستنيت شي خمس دقايق وانا عم اسمع صوت ضرب لكفوف لعندي وباينتو معصب وعم يصرخ ويحقق مع شخص
الله اعطاني الصبر بلكي بيتحسن عليي وبيسمحلي فوت بعدها طلعو تنين عساكر ومعون واحد مضروب لحتى شبعان والدم طالع من وشو وانا خفت كتير منظر الدم بيرعب 😨😨
طلعت بالحارس وهو فات ليخبرو بوجودي
"يارب ما يسمحلي بالدخول يارب"
الحارس:لمعلم ناطررك
دخلت رجل لورا ورجل لقدام وصرت بنص المكتب كان عم يغسل ايديه من الدم وعم يمسح بمنشفه
فؤاد:نطرتي كتير
امل:مو مشكلة
فؤاد:تفضلي ليش واقفه
قعدت وانا ناطرة هالموضوع المهم وانشالله يبلش فيه بعد ما يروق حاطط بين عيونو عقدة ما بتنحلفؤاد:شو بتحبي تشربي
امل:ما بتفرق معي
طلب تنين قهوة وشغل سيكارة وانا كمان ناطرة ينطق
امل:اتصلت فيني
فؤاد:اي صحيح .....
"ونسيان يا بعدي "
فؤاد:اي بخصوص ضحية جديدة
امل:وشو المطلوب مني
فؤاد:الجريمه واضحه ما بدي اشرحلك بس اجراءات قانونية وهو اعترف هالحيوان بس لنضمن حقوق البنت ..اهلها ناس جاهلين وعم يهددو بالقتل وبدي منك تهتمي فيها
امل:من عيوني
فؤاد:واتعابك عندي
امل:مو بيناتنا
فؤاد:انا شو حكيت
امل:متل ما بدك
فؤاد:عطلتك عن شي
امل:مو مهم....وين البنت
فؤاد:بالمستشفى
امل:اووف شي بوجع القلب
فؤاد:كأننا عايشين بغابه
امل:وكيف اعترف
فؤاد:تحت الضرب بدو يعترف
بعد ما شربنا القهوة اعطاني وراق بتخص افادة البنت وعنوان المستشفى ودغري رحت لهنيك لاتفاجأ بضحية صغيرة مو كبيرة وانا بدوري لازم دافع عنها بكل قوتي لنكسب القضيه ونجرجرو بالمحاكم ودائما بعطيها امل مو هون خلصت الحياة لسى قدامنا مشوار طويل بعد ما اطمنت على البنت طلعت من عندا واسمعت صوت ابوها عم يهددها بالقتل وانا ما بقبل ناقش ناس جاهلين لهيك طلبت من فؤاد انو يشدد الحراسة على غرفه البنت ولوقتها بتكون بلشت المحكمه ولبعدها راح نشوف وين راح تكمل حياتها رجعت ع البيت تعبانه من التفكير بالظلم ازا انا مطلقه والمجتمع مو راحمني كيف هي الطفلة البريئه الي لسى ما بتعرف شو يعني حياة مسؤولية وكلمه اغتصاب كلمه اكبر منها ومن كل شي عاشتو الله يصبرها على ايام صعبه جايتيها ..... رميت كل غراضي بالصاله ودخلت ع الحمام عملت دوش سريع وطلعت ع الصاله استكمل باقي شغلي وعم حاول اطرد افكاري بالبنت بعد ما خلصت اجت ماما واختي سيدرا لعندي ومعصبه ست الحسن والجمال واكيد مني بعد ما شفتها معصبه حكيت بقلبي خير اللهم اجعلو خير
عملتون ضيافه وكانوو عم يتهامسو قبل ادخل وسكتو فجأة
امل:نورت والله
سيدرا:بوجودك جبيبتي
ماما:شو مشغولة
امل:شوية وراق
ماما:تعشيتي
امل:اي اكيد
سيدرا:شو تعشيتي
طبعا انا ما بتعشى بس حكيت هيك لاخلص من البهدلة
امل:اكل جاهز من السوق
ماما:ليكي امل الموضوع مهم للغايه والا ما كنا اجينا بنصاص الليالي
امل:اي اتفضلي احكي
سيدرا:برواق ماما بدون عصبيتك
ماما:جاي بخصوص فؤاد
امل:شبوماما:انتي مجنونة لك بنتي
امل:على شو
ماما:انا كم مرة حكيت لا تستقبليه
امل:من اخر مرة ماعاد اجى لعندي وعندو شغل هلأ ومافي بيناتنا اي شي
سيدرا:بس فؤاد هدد ماما مبارح
امل:😨شوووووو
ماما:اجى لعندي على البوتيك وهددني قدام العاملات
امل:ليش ليهددك
ماما:حكالي حياة امل بتخصني انا وازا بتحاولي تفرقي بيناتنا من جديد الك شي مرتب عندي ..😠يخرب بيتو
امل:هو هيك حكى معقول
سيدرا:وكان معصب كتير
امل:وانتي شو عرفك
سيدرا:التقيت فيه وهو طالع من عند ماما
امل:وعلى شو هيك من الباب للطاقه وايمتى صار هالشي
ماما:من شوي وهاي وصلتنا لعندك
امل:معقول 😵شو صايرلو
ماما:انا ما بعرف بس فهميه لعندي لا يرجع وازا بهددني هو بيعرف شو راح يصير فيه
امل:مو لافهم الموضوع
سيدرا:لك امل......لسى بتشوفيه 😕
امل:بحكم الشغل والله
سيدرا:ولو كان هو متزوج يسطفل بحالو وما هدد من شي عادي بس هو لساتو بحبك وبحسك من ممتلاكتو الخاصه
امل:لا خاصه ولا عامه خلص راح خفف لقاءات معو
ماما:والله يا امل ازا لسى بيرجع بهددني
امل:خلص خلص فهمت
"بقلبي كنت بدي اضحك عليه لعمى هو معصب من شي وفش خلقو ب ماما او اتزكر ليش انفصلنا وماما عنجد معصبه منو ومرعوبة يا حرام شو عامل فيها
بعد السهرة ما نطرت ليرحوا اتصلت فيه لافهم منو شو صاير بس ما رد عليي
ودعت ماما واختي ودخلت غرفتي لاتزكر منظر ماما وهي زعلانه مدري منو او مني
بعد ما غفيت اتصل فيني وترددت كتير لرديت عليه وطارت فكرة السؤال من راسي
امل:الو
فؤاد:كيفك
امل:الحمد الله
فؤاد:شو نايمه
امل:يعني هيك شي
فؤاد:ليش متصلة فيني
امل:انت الي اتصلت
فؤاد:عهههه شو هالحكي عم تسلبيها
امل:لك لا هلأ اتزكرت شو صاير بينك وبين ماما
فؤاد:شغله ناكته
امل:برحمة امك لا تهددها
فؤاد:هي هيك حكتلك .....لعمى كيف بتقلب لحكاية جد
امل:مو بس هي وسيدرا اكدتلي
فؤاد:بتعرفي شو عم تعمل امك
امل:لا والله
فؤاد:حاطة نااس يراقبونا تخيلي
امل:ويراقبو شو عم نعمل
فؤاد:بتعرفي ازا بمسك واحد فيهون شو مصيرو وبعدين حاجتها امك ولدنة
امل:تسطفل هي حرة
فؤاد:حرة بحياتها مو يحياتنا
امل:طيب ماشي بس والله كانت مرعوبة منك
فؤاد:ولسى ما شافت شي والله لخليها تندم على كل عملة عملتها معنا
امل:اووووف رجعنا
فؤاد:اي رجعنا وانتي يا ويلك ازا بسمعك عم تسمعي كلامها او هددتك بشي
امل:هي ماما عم تسمعفؤاد:هو خرب بيتنا غيرها
امل:.......
فؤاد:كملي نومتك وبكرى راح تعرفي شغلات عنها وشغلات
امل:الله يصبرني عليك وعليها
فؤاد:كملي نومتك
امل:ماشي
فؤاد:سلام
امل:الله معك
صحصحت بعد المكالمه السريعه واتصلت ب سيدرا لافهم الموضوع بيني وبينها
امل:احكيلي الصراحه على شو لخناقه
سيدرا:ماما بالاول استفزتو بكم شغله
امل:ليش هيك عم تعمل
سيدرا:والله اعلم ما بدها يرجع يدخل حياتك ويخربها
امل:هو ما دخلو ب انفصالي
سيدرا:مستحيل ماما عم تقول انو هو الي خرب بيتك
امل:مستحيل فؤاد اوعى من هيك وكلو قسمه ونصيب
سيدرا:كيفو تيم
امل:ما بعرف
سبدرا:ما بتحكي معو
امل:لا والله زمان ما حكيت معو
سبدرا:انا اسفه لا تزعلي امل
امل:ولا يهمك
سيدرا:ليش ما عم يتصل
امل:الله اعلم شو ظروفو
سيدرا:خلص انا بكرى بشوف وحدة من اخوات فراس وبجيبلك رقم تحكي معو
امل:ماشي
سيدرا:ديري بالك على حالك
امل:اكيد
سكرت التلفون وبالي انشغل على تيم معقول نسيني ......ليش ما عم يتصل او بالاحرى فراس ما بدو احكي معو ليش عم يعمل فيني هيك ما بكفي الاهانه ولفضيحه وكمان بدون تيم 😭
■■■■■■■
صحيت ومعصبه من كل شي جهزت حالي وطلعت ع المستشفى لاطمن على موكلتي وبعدها على الشغل بسرعه وافكاري مشتته شي عند ابني وشي عند البنت وشي عند ماما وشي عند فؤاد انا ضحية كل شي عم يصير ماما دمرت حياتي وفؤاد هلا طلع بوشي ليكمل على دمارها .......وانا الحلقه الاضعف بين هالتنين وما راح انسى فراس وجبروتو وازا هلا بشوفو لاقتلو بأيدي واقضي باقي عمري بالسجن حاطة ايدي على راسي وماسكه كم ورقه وعم دقق فيون بس ما عم استوعب شي من المكتوب عم فكر بوضعي الحالي ولوين راح اوصل بأفكاري وسمعت صوت دقه باب المكتب طلعت بدون نفس وشفت قيس داخل ع المكتب
قيس:عطلتك عن شي
امل:لا عادي تفضل
قيس:وضعك مو عاجبني
امل:ليش
قيس:شاردة والله بيعلم بشو
امل:لا عادي
قيس:شوفي احكيلي فضفضي
امل:مافي شي
قيس:شو ايمتى بيخلص ترميم المكتب
امل:الاسبوع الجاي
قيس:راح استفقدلك
امل:بس في بديل
قيس:يلا الله يوفقك
امل:تسلم
قيس:شو رأيك نتعشى سوا اليوم
امل:ما فيني
قيس:بدون اعذارك
امل:عنجد ما فيني
قيس:بزعل منك
امل:يوم تاني
قيس:لا انا بدي اليوم ونهاية الاسبوع منسهر سهرة مرتبة طبعا مو لحالنا منجتنع برفقات الجامعه
امل:متل ما بدك
قيس:المسا جهزي حالك
امل:متل ما بدك
ما حبيت خجلو كتير بيعزمني وانا بعتذر منو بروح وبتسلا وبجوز انسى شو صاير معي بعد الدوام رجعت ع البيت وجهزت حالي للمشوار البست فستان اسود ديق من عند الخصر ولتحت الركبة ومكشوف الايدين مع كعب عالي وفردت شعري على طولو وحطيت مكياج واجى قيس واخدني من البيت وجو السيارة كتير دافي قيس:شو هالحلا هاد
امل:كلك زوء
قيس:راح نجتمع بالشلة اتفقنا بمكان الي اختارو
امل:ماشي
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`